Abụ Ọma
2 M ga-asị Jehova: “Ị bụ ebe mgbaba m na ebe m a rụsiri ike.+
Ị bụ Chineke m, onye m tụkwasịrị obi.”+
3 N’ihi na Chineke ga-anapụta gị n’ọnyà nke onye na-achụ nta nnụnụ siri,
Napụtakwa gị n’ajọ ọrịa na-efe efe.
Eziokwu ya+ ga na-echebe gị otú nnukwu ọta+ na mgbidi siri ike si echebe mmadụ.
5 Ị gaghị atụ ihe ọ bụla egwu n’abalị,+
Ị gaghịkwa atụ akụ́ a gbapụrụ n’ehihie egwu,+
6 Ị gaghịkwa atụ egwu ọrịa nke na-efe ndị mmadụ n’abalị
Ma ọ bụ ihe na-egbu ndị mmadụ n’etiti ehihie.
7 Otu puku mmadụ ga-ada n’akụkụ gị,
Puku mmadụ iri ga-adakwa n’aka nri gị,
Ma ihe ọjọọ ndị a agaghị eme gị.+
9 Ebe ọ bụ na ị sịrị: “Jehova bụ ebe mgbaba m.”
I jirila Onye Kacha Elu mere ebe gị a rụsiri ike;*+
10 E nweghị ọdachi ga-adakwasị gị,+
E nweghịkwa ihe ọjọọ ga-abịa nso n’ụlọikwuu gị.
13 Ị ga-azọ ọdụm na agwọ ubí ụkwụ.
Ị ga-azọpịa nnukwu ọdụm na nnukwu agwọ.+
14 Chineke sịrị: “Ebe ọ bụ na ọ hụrụ m n’anya, m ga-anapụta ya.+
M ga-echebe ya maka na ọ ma aha m.+
15 Ọ ga-akpọ m, m ga-azakwa ya.+
M ga-anọnyere ya n’oge ọ na-ata ahụhụ.+
M ga-anapụta ya ma mee ka ọ dị ebube.