ចូរជួយអ្នកត្រួតពិនិត្យក្រុមសិក្សាសៀវភៅតាមក្រុមជំនុំរបស់អ្នក
១ យើងម្នាក់ៗទទួលគុណប្រយោជន៍យ៉ាងច្រើនពីការសិក្សាសៀវភៅតាមក្រុម។ នៅខែមុនយើងបានពិគ្រោះអំពីរបៀបដែលអ្នកត្រួតពិនិត្យក្រុមសិក្សាតាមក្រុមជំនុំត្រូវបំពេញមុខងាររបស់គាត់។ ប៉ុន្តែ តើយើងអាចធ្វើអ្វីដើម្បីជួយគាត់ ហើយទទួលប្រយោជន៍ផ្ទាល់ខ្លួន និងដើម្បីប្រយោជន៍អ្នកដទៃផងដែរ?
២ ចូលរួមជារៀងរាល់សប្ដាហ៍: ក្រុមសិក្សាសៀវភៅតាមក្រុមមានចំនួនបងប្អូនតែបន្ដិចប៉ុណ្ណោះ ដូច្នេះហើយបានជាសំខាន់ណាស់ដែលអ្នកត្រូវចូលរួមដែរ។ ចូរមានគោលដៅចូលរួមជារៀងរាល់សប្ដាហ៍។ អ្នកក៏អាចជួយបានដែរដោយទៅដល់កន្លែងមុនម៉ោង ដើម្បីឲ្យអ្នកត្រួតពិនិត្យអាចចាប់ផ្ដើមកម្មវិធីដោយមានរបៀបរៀបរយ។—១កូ. ១៤:៤០
៣ ចម្លើយដែលលើកទឹកចិត្ត: របៀបមួយទៀតដែលអ្នកអាចជួយបាន គឺដោយរៀបចំយ៉ាងល្អជាមុន ហើយដោយឆ្លើយយ៉ាងណាដែលលើកទឹកចិត្តបងប្អូន។ តាមធម្មតា ចម្លើយល្អជាងគេ គឺចម្លើយដែលលើកបញ្ជាក់ចំណុចតែមួយគត់ ហើយនេះក៏លើកទឹកចិត្តឲ្យបងប្អូនឯទៀតឆ្លើយដែរ។ សូមជៀសវាងការរៀបរាប់ចំណុចទាំងឡាយក្នុងវគ្គនោះ។ បើអ្នកស្រឡាញ់ចំណុចណា សូមឆ្លើយដោយប្រាប់ពីចំណុចនោះ ដែលអាចធ្វើឲ្យការពិគ្រោះគ្នាមានខ្លឹមសារច្រើនជាង។—១ពេ. ៤:១០
៤ ប្រសិនបើអ្នកទទួលឯកសិទ្ធិអានវគ្គនិមួយៗជូនក្រុមសិក្សាស្ដាប់ ចូរបំពេញមុខនាទីនោះដោយស្មោះអស់ពីចិត្តចុះ! ការអានយ៉ាងល្អតែងជួយឲ្យមានកម្មវិធីសិក្សាជាទីលើកទឹកចិត្តនិងជាទីរីករាយ។—១ធី. ៤:១៣
៥ កម្មវិធីផ្សព្វផ្សាយតាមក្រុម: នៅកន្លែងសិក្សាសៀវភៅតាមក្រុមជាច្រើន ក៏មានកម្មវិធីជួបជុំគ្នាសំរាប់កិច្ចបំរើផ្សាយផងដែរ ហើយពេលដែលអ្នកចូលរួមកម្មវិធីនេះ គឺស្រួលឲ្យអ្នកត្រួតពិនិត្យក្រុមនាំមុខក្នុងកិច្ចបំរើផ្សាយ។ សូមចាត់ទុកកម្មវិធីនេះជាឱកាសចូលទៅជិតបងប្អូនរបស់អ្នកកាន់តែជិតស្និទ្ធឡើង ហើយក៏ដើម្បីជួយលើកទឹកចិត្តពួកគេផងដែរ។
៦ របាយការណ៍ពីកិច្ចបំរើផ្សាយ: ការជូនសេចក្ដីរាយការណ៍ពីកិច្ចបំរើផ្សាយភ្លាមៗនៅចុងខែនោះ ជាវិធីមួយទៀតដែលយើងអាចជួយអ្នកត្រួតពិនិត្យ។ អ្នកអាចជូនសេចក្ដីរាយការណ៍ដល់អ្នកត្រួតពិនិត្យក្រុមផ្ទាល់ ឬដាក់សេចក្ដីរាយការណ៍ក្នុងប្រអប់នៅសាលព្រះរាជាណាចក្រក៏បាន។ អ្នកត្រួតពិនិត្យក្រុមសិក្សាអាចដាក់សេចក្ដីរាយការណ៍ទាំងឡាយពីក្រុមគាត់ក្នុងប្រអប់នោះដែរ បន្ទាប់មកលេខាក្រុមជំនុំប្រមូលក្រដាសរាយការណ៍ពីក្រុមនិមួយៗ។
៧ ការខំជួយអ្នកត្រួតពិនិត្យក្រុមសិក្សារបស់អ្នកមិនមែនជាអ្វីអសារឥតការឡើយ។ សំខាន់បំផុត អ្នកអាចជឿជាក់ថា ព្រះយេហូវ៉ាសព្វព្រះហឫទ័យនឹងចិត្តគំនិតឬ«វិញ្ញាណអ្នករាល់គ្នា»មែន។—ភី. ៤:២៣