តើសៀវភៅរបស់យើងមានសភាពបែបណា?
នេះជាសំណួរល្អដើម្បីសួរអំពីសៀវភៅនីមួយៗដែលយើងបម្រុងនឹងស្នើផ្ដល់។ សៀវភៅដែលខ្ទេចចុង ហើរពណ៌ កខ្វក់ ឬរហែក នឹងធ្វើឲ្យគេមើលងាយអង្គការរបស់យើង ហើយធ្វើឲ្យម្ចាស់ផ្ទះលែងចង់ដឹងព័ត៌មានដ៏ល្អប្រសើរនឹងដែលសង្គ្រោះជីវិតដែលមាននៅក្នុងសៀវភៅទាំងនោះ។
តើតាមរបៀបណាយើងអាចរក្សាសៀវភៅរបស់យើងឲ្យមានរបៀបរៀបរយ? បងប្អូនជាច្រើននាក់បានរៀបចំកាតាបផ្សព្វផ្សាយដោយដាក់តាមប្រភេទឧបករណ៍ផ្សាយនីមួយៗ ធ្វើដូច្នេះនាំឲ្យមានប្រយោជន៍មែន។ ជាឧទាហរណ៍ នៅក្នុងកាតាប ពួកគាត់ដាក់សៀវភៅនៅផ្នែកមួយ ទស្សនាវដ្ដីនិងសៀវភៅស្តើងនៅផ្នែកមួយ ហើយខិត្តប័ណ្ណនៅផ្នែកមួយទៀត។ល។ ពេលណាពួកគាត់ដាក់គម្ពីរនិងសៀវភៅទៅក្នុងកាតាបវិញ ពួកគាត់ដាក់ដោយប្រយ័ត្នដើម្បីកុំឲ្យរហែកឬទក់។ អ្នកផ្សាយខ្លះទុកសៀវភៅរបស់ខ្លួននៅក្នុងក្របដាក់ឯកសារ ឬថង់ប្លាស្ទិកថ្លា។ ទោះជាយើងធ្វើតាមវិធីណាក៏ដោយ យើងមិនចង់ឲ្យគេមានហេតុរិះគន់កិច្ចបម្រើយើងដោយសារយើងផ្ដល់ឲ្យគេនូវសៀវភៅដែលរហែកឬទក់ឡើយ។—២កូ. ៦:៣