ចូរការរសមត្ថភាពរិះគិតរបស់អ្នក — បណ្ណាល័យអ៊ីនធឺណិតរបស់ប៉មយាម

ចូរការពារសមត្ថភាពរិះគិតរបស់អ្នក

១. តើអ្វីជាប្រធាននៃសន្និបាតប្រចាំមណ្ឌលនៃឆ្នាំកិច្ចបម្រើ២០១៣? ហើយតើកម្មវិធីនោះមានគោលបំណងអ្វី?

^១ លោកយេស៊ូបានបង្រៀនពួកអ្នកកាន់តាមលោកឲ្យស្រឡាញ់ព្រះយេហូវ៉ាឲ្យអស់ពីដួងចិត្ត អស់ពីព្រលឹង ហើយអស់ពីសមត្ថភាពរិះគិត។ (ម៉ាថ. ២២:៣៧, ៣៨) នៅឆ្នាំនេះ មហាសន្និបាតប្រចាំតំបន់ សន្និបាតប្រចាំមណ្ឌល និងសន្និបាតពិសេសបានរៀបចំឡើងដើម្បីជួយពង្រឹងអ្វីដែលមានក្នុងចិត្តរបស់យើង។ អ្នកនឹងនឹកឃើញថា ប្រធាននៃមហាសន្និបាតប្រចាំតំបន់គឺ ‹ចូររក្សាចិត្តរបស់អ្នក!›។ កម្មវិធីសន្និបាតពិសេសសម្រាប់ឆ្នាំកិច្ចបម្រើ២០១៣មានប្រធានថា «ចូរការពារសមត្ថភាពវិនិច្ឆ័យរបស់អ្នក» ហើយសន្និបាតប្រចាំមណ្ឌលដែលនឹងចាប់ផ្ដើមនៅខែក្រោយនឹងពន្យល់អំពីប្រធាន «ចូរការពារសមត្ថភាពរិះគិតរបស់អ្នក» ដែលមានមូលដ្ឋានលើម៉ាថាយ ២២:៣៧។ កម្មវិធីនេះបានរៀបចំឡើងដើម្បីជួយយើងម្នាក់ៗឲ្យពិនិត្យមើលចិត្តគំនិតរបស់ខ្លួនដោយមានបំណងធ្វើឲ្យព្រះយេហូវ៉ាកាន់តែពេញចិត្តនឹងយើង។

២. តើយើងគួររកចម្លើយចំពោះសំណួរអ្វីខ្លះក្នុងកម្មវិធីសន្និបាតនេះ?

^២ អ្វីដែលនឹងត្រូវថ្លែងប្រាប់: ពេលយើងស្ដាប់កម្មវិធីសន្និបាតនេះ យើងគួររកចម្លើយចំពោះសំណួរដូចតទៅនេះ ដែលបញ្ជាក់គោលចំណុចនៃកម្មវិធីសន្និបាត។

• តើអ្វីជួយយើងកុំឲ្យគិតតាម«គំនិតរបស់មនុស្ស»?

• តើតាមរបៀបណាយើងអាចជួយដកស្បៃដែលធ្វើឲ្យគំនិតរបស់ពួកអ្នកមិនជឿទៅជាងងឹតចេញបាន?

• តើយើងចង់មានចិត្តគំនិតបែបណា?

• តើការរំពឹងគិតអំពីអ្វីដែលត្រឹមត្រូវផ្ដល់ប្រយោជន៍អ្វីខ្លះ?

• តើយើងឲ្យព្រះយេហូវ៉ាអប់រំគំនិតរបស់យើងយ៉ាងដូចម្ដេច?

• តើប្ដី ប្រពន្ធ ឪពុកម្ដាយ និងកូនៗអាចជួយធ្វើឲ្យក្រុមគ្រួសារមានសុភមង្គលយ៉ាងដូចម្ដេច?

• តើយើងអាចត្រៀមខ្លួនសម្រាប់ថ្ងៃរបស់ព្រះយេហូវ៉ាយ៉ាងដូចម្ដេច?

• តើការប្រុងប្រៀបគំនិតដើម្បីធ្វើសកម្មភាពមានន័យយ៉ាងណា?

• តើពួកអ្នកដែលធ្វើតាមអ្វីដែលពួកគេបានរៀននឹងទទួលប្រយោជន៍អ្វី?

៣. ហេតុអ្វីសំខាន់ឲ្យយើងចូលរួមទាំងពីរថ្ងៃ ប្រុងស្មារតីស្ដាប់ និងធ្វើតាមអ្វីដែលយើងរៀន?

^៣ សាថានកំពុងខំប្រឹងយ៉ាងខ្លាំងដើម្បីបង្ខូចចិត្តគំនិតរបស់យើង។ (២កូ. ១១:៣) ដូច្នេះហើយយើងត្រូវចេះការពារចិត្តគំនិតរបស់យើង និងព្យាយាមគិតអំពីអ្វីដែលត្រឹមត្រូវជានិច្ច។ យើងត្រូវបន្តបង្ហាញចិត្តគំនិតរបស់គ្រិស្ត និងទប់ទល់នឹងឥទ្ធិពលរបស់ពិភពលោកនេះដែលបំពានច្បាប់។ (១កូ. ២:១៦) ដូច្នេះ សូមរៀបចំដើម្បីចូលរួមកម្មវិធីសន្និបាតប្រចាំមណ្ឌលទាំងពីរថ្ងៃ។ ចូរប្រុងស្មារតីស្ដាប់។ ពេលយើងធ្វើតាមព័ត៌មានដ៏សំខាន់ដែលនឹងត្រូវលើកឡើង នោះនឹងជួយយើងឲ្យប្រុងប្រៀបគំនិតដើម្បីបំពេញកិច្ចបម្រើដោយចិត្តខ្នះខ្នែង។—១ពេ. ១:១៣