MASALAMO

1 Ye mwine wa lusekelo muntu ubula kwenda mwayila mabulañano a babi

Kabiji kechi wimana mu jishinda ja bandengamambo ne+

Kabiji kechi wikala pekala bamyendeleko ne.+

 2 Pakuba aye usekela monka mu mizhilo ya Yehoba,+

Kabiji utanga mizhilo yanji ne kulanguluka langulukapo mute ne bufuku.+

 3 Aye ukekala nobe kichi kyo bajimba ku tukola twa mema,

Kichi kipanga bipangwa mu kimye kyakyo,

Kabiji mabuula akyo kechi aleela ne.

 4 Pakuba babi kechi byo byo baji ne;

Abo baji nobe muungu ululuka na mwela.

 5 O ene mambo babi o bakebazhachishisha mu kije;+

Kabiji bandengamambo kechi bakatanwa mu jibumba ja baoloka ne.+

 6 Mambo Yehoba wayuka mashinda a bantu baoloka,+

Pakuba mashinda a babi akazhimañana.+

2 Mambo ka bisaka bya bantu o byazhingijila

Ne bantu o babena kunyinyita* na byambo byatutu?+

 2 Bamfumu ba pano pa ntanda betanchika

Ne babinemanga bepwizha* pamo+

Na kulengulula Yehoba ne mushingwa* wanji.+

 3 Babena kwamba’mba: “Twayai tuchibaule mashimbi abo

Kabiji tutaye ne mizhinge yabo!”

 4 Aye uji pa jitanda mwiulu ukebaseka;

Yehoba ukebakosamika.

 5 Pa kyokya kimye, aye ukebambila na bukaji

Ne kwibazakamisha na bukaji bwanji bukatampe,

 6 Ne kwamba’mba: “Amiwa naikajika mfumu wami+

Pa mutumba wami wazhila wa Ziona.”+

 7 Nsakwamba pa byafuukula Yehoba;

Wañambijile’mba: “Obewa wi mwanami;+

Lelo jino yami shobe.+

 8 Ndombe, ne amiwa nsakukupa bisaka bya bantu kwikala buswanyi bobe

Ne ntanda yonse kwikala bunonshi bobe.+

 9 Ukebalalaula na ndondo ya kyela kya kapotwe,+

Kabiji ukebasansakanya nobe kipe kya buchimba.”+

10 Onkao mambo, anweba bamfumu mweshai milangwe;

Anweba bamitonyi ba pano pa ntanda, swai kwimololako.*

11 Mwingijilainga Yehoba na moyo,

Ne kusangalala saka mumwakamwa.

12 Nemekai* mwana,+ kuchina’mba Lesa* wakemuzhingijila

Ne kuba’mba mubule kufwa,*+

Mambo bukaji bwanji bwakonsha kubuuka bukiji.

 3 Pakuba anweba Yehoba mwi jikebo jami janzhokoloka,+

Yenu lukumo lwami+ kabiji yenu mwinuna mutwe wami.+

 4 Amiwa nkamwita Yehoba,

Ne aye ukankumbula konka ku mutumba wanji wazhila.+ (Selah)

 5 Amiwa nkalaala tulo;

Kabiji nkabuuka kwa kubula wa kunkatazha

Mambo Yehoba watwajijila kunkwasha.+

 6 Kechi nchina biumbi bya bantu

Bamvundumukila baji konse konse ne.+

Mambo anweba mukapuma balwanyi bami bonse pa mibanga;

Mukamokaula meno a babi.+

 3 Yukai’mba Yehoba ukalama bulongo* muntu wanji wa kishinka;

Yehoba ukañumvwa byo nkamwita.

 5 Tapishainga bitapisho mu bololoke,

Ne kuketekela mwi Yehoba.+

 7 Mwayuzha muchima wami na lusekelo lukatampe

Kukila boba banowa kajo kavula ne baji na binyu bya katataka.

 8 Nkalaala tulo mu mutende,+

Mambo anweba Yehoba yenu yenka, mundengela kwikala kwa kubula wa kunkatazha.+

5 Anweba Yehoba, telekai ku byambo byami;+

Umvwai kubinza kwami.

 2 Teshaiko muchima ku kujila kwami kwa kukeba bukwasho,

Anweba Mfumu wami kabiji Lesa wami, mambo mbena kulomba kwi anweba.

 3 Anweba Yehoba, mukomvwa jiwi jami lukelo;+

Lukelo nkemubuula biji ku muchima wami,+ kabiji nkatengelanga kunkumbula.

 4 Mambo anweba kechi mwi Lesa usekela mu bubi ne;+

Kabiji kafwako muntu mubi ukekala ne anweba ne.+

Mwashikwa bantu bonse boba bubi;+

 6 Mukonauna aba bamba bubela.+

 7 Bino amiwa nkatwela mu nzubo yenu+ na mambo a butemwe bwenu bukatampe bubula kwaluka;+

Nkafukama saka ntala ku nzubo yenu yazhila na moyo wa kwimwakamwa.+

 8 Anweba Yehoba, ntangijilai mu bololoke bwenu na mambo a balwanyi bami;

Ngwamishishai jishinda jenu.+

 9 Mambo kafwako bintu byo bamba byakonsha kuketekelwa ne;

Abo balangulukatu byatama;

Mijibu yabo iji nobe kilende kya kyashi;

Bambatu byambo bya mulambisha na njimi yabo.+

10 Bino Lesa ukebazhachisha;

Bintu byo bafuukula kuba bikebalengela konaika.+

Bapangai na mambo a mizhilulwila yabo yavula,

Mambo bemusatukila.

11 Pakuba aba bonse bafyama mwi anweba, bakasekelanga;+

Bakabijikanga na lusekelo.

Mukebazhikijila,

Kabiji aba batemwa jizhina jenu bakasangalela mwi anweba.

12 Mambo anweba Yehoba mukapesha muntu yense waoloka;

Mukamubila bibusa ne kumuzhokoloka nobe jikebo jikatampe.+

6 Anweba Yehoba, kange mumfunde na bukaji ne,

Kabiji kange mungololeko saka mwazhingila ne.+

 3 Amiwa* namanama bingi,+

Kabiji nemushikisha anweba Yehoba namba, nkamanama kufika ñanyi kimye?+

 4 Anweba Yehoba, iyai mumpokolole;*+

Mpulushai na mambo a butemwe bwenu bubula kwaluka.+

 5 Mambo muntu wafwa kechi wakonsha kwimutela* ne;

Ñanyi wakonsha kwimutakaika mu Kilende?*+

 6 Nakooka na mambo a kubinza kwami;+

Bufuku bonse nzobesha mwanya wami na mipolo;*

Mwanya wami namuyuzha na mipolo.+

 7 Meso ami akooka na bulanda;+

Ashishipela na mambo a bonse bammanyika.

 8 Fumai kwi amiwa, anweba bonse muba bubi,

Mambo Yehoba ukomvwa kujila kwami.+

 9 Yehoba ukomvwa misashijilo yami,+

Yehoba ukakumbula lulombelo lwami.

10 Balwanyi bami bonse bakomvwa bumvu ne moyo;

Bakaluluka na mambo a bumvu bukebafikila ponkapo.+

 2 Inge ne, basakuntabaula mu bipimvwa bipimvwa byonka byuba bokwe,+

Ne kunsenda kwa kubula wa kumpokololako.

 3 Anweba Yehoba Lesa wami, umvwe nalenga mambo,

Nangwa umvwe naubapo kintu kyatama,

 4 Kabiji inge namulenga mambo awa ungubila byawama,+

Nangwatu inge napukula bintu bya mulwanyi wami kwa kubula mambo,*

 5 Mulekai mulwanyi wami ampupile ne kuntaana;*

Mulekai anyantawile bumi bwami panshi

Ne kulengela lukumo lwami konaikila mu lukungu. (Selah)

 6 Anweba Yehoba, imanai na bukaji bwenu;

Kanyai bukaji bwa balwanyi bami;+

Buukai munkwashe ne kukambizha’mba kwikale bunchibamambo bwaoloka.+

 7 Bisaka bya bantu bimuzhokoloke;

Kabiji mukebichibila mambo kufuma monka mwiulu.

Anweba Yehoba, nchibilai mambo monka mwayila bololoke bwami

Kabiji monka mwayila kulumbuluka kwami.+

Bino kwashai baoloka,+

Mambo anweba mwi Lesa waoloka+ upimapima michima+ ne milanguluko ya mukachi mwine.*+

11 Lesa ye Mutonyi waoloka,+

Kabiji Lesa wamba pa luzhachisho lwa babi moba onse.

12 Inge muntu wabula kulapila,+ aye unona mpoko yanji;+

Unengezhezha jimo buta bwanji bwa mukanda ne kwibuvwemuna.+

13 Aye unengezha bilwilo byanji bya kwipayañenako;

Unengezhezha jimo miketo yanji iteema mujilo.+

14 Talai muntu waimita bubi;

Wimita bya malwa ne kusema bubela.+

15 Upoya kimbo kyazhika,

Bino uponena mu kimbo kyonka kyo apoya.+

16 Makatazho anji akabwela pa mutwe wanji mwine;+

Ne byubilo byanji bya bukapondo bikabwela pa lumbwichi wanji.

17 Nkamutota Yehoba pa bunchibamambo bwanji bwaoloka;+

Nkemba nyimbo ya kutota jizhina ja Yehoba+ Mwine Wakila.+

8 Anweba Yehoba Nkambo yetu, jizhina jenu byo jawamapo pano pa ntanda ponse;

Mwabika lukumo lwenu peulu pene kukila jiulu!*+

 2 Mu tunwa twa baana ba bacheche ne balukeke+ mwabikamo bulume

Na mambo a balwanyi benu,

Kuba’mba muzhindamikepo mulwanyi ne yewa ushinkanya.

 3 Inge namona jiulu, mingilo ya minwe yenu,

Ñondo ne tubangabanga byo mwalengele,+

 4 Ndanguluka namba nanchi muntu ufwa ye ñanyi byo mumuvuluka,

Ne mwana muntu ye ñanyi byo mumuta muchima?+

 5 Mwamulengele kukepakotu pacheche pa boba baji nobe lesa,*

Kabiji mwamuvwikile lukumo ne munema.

 6 Mwamupele bukalama bwa pa mingilo ya maboko enu;+

Mwabika bintu byonse munshi ya maulu anji:

 7 Mikooko, bambuzhi ne bañombe bonse,

Ne banyama ba mungye,+

 8 Bañonyi ba mwiulu ne masabi a mu kalunga ka mema,

Ne bintu byonse byenda mu tulunga twa mema.

9 Anweba Yehoba, nkemutota na muchima wami yense;

Nkambanga pa mingilo yenu yonse ya kukumya.+

 2 Nkasekelanga ne kusangalela mwi anweba;

Nkembanga nyimbo ya kutota jizhina jenu, anweba Mwine Wakila.+

 3 Balwanyi bami byo bakaluluka,+

Baketuntula ne konaika ku meso enu.

 4 Mambo anweba munchibila mambo bulongo;

Mwikala pa jitanda jenu na kuchiba mambo mu bololoke.+

 5 Mwakajipila bisaka bya bantu+ ne konauna babi,

Ne kuzhiya mazhina abo myaka ne myaka.

 6 Balwanyi mwibonauna myaka ne myaka;

Mwakundawile mizhi yabo,

Kabiji kechi bakebavulukapo jibiji ne.+

 7 Bino Yehoba ye kalama wa myaka ne myaka;+

Waikajika jitanda janji na kuchiba mambo mu bololoke.+

 8 Ukachibila mambo ba pano pa ntanda* mu bololoke;+

Ukachibila mambo bisaka bya bantu monka mo aolokela.+

 9 Yehoba ukekala kya kufyamamo kyakosa kya bantu bo bamanyika,+

Ye kya kufyamamo kyakosa mu bimye bya malwa.+

10 Aba bayuka jizhina jenu bakemuketekela;+

Anweba Yehoba, kechi mukasha aba bemukeba ne.+

11 Mwimbilai Yehoba nyimbo ya kumutota, yenka wikala mu Ziona;

Buulai mitundu ya bantu+ mingilo yanji.

12 Mambo aye ushinkanya na mambo a mashi abo wibavuluka;+

Kechi ukalubako kujila kwa boba bo bamanyika ne.+

13 Anweba Yehoba, ngubilai lusa; monai boba banshikwa byo babena kummanyika,

Anweba mumbuusha kufuma ku bibelo bya lufu,+

14 Pa kuba’mba ñambe pa mingilo yenu yawama mu bibelo bya mwana wa mukazhi Ziona,+

Ne kusekela mu lupulukilo lwenu.+

15 Bisaka bya bantu byakuzukila mu kimbo kyo byapoyile;

Maulu abo afwa mu bukonde bo batele.+

17 Bantu babi bakaya ku Kilende,*

Ne bisaka bya bantu byonse byamuvulama Lesa.

18 Pakuba bayanji kechi bakebavulamako moba onse ne;+

Ne luketekelo lwa bakimote kechi lukapwa ne.+

20 Anweba Yehoba, bobishai moyo,+

Bisaka bya bantu biyuke’mba bantutu. (Selah)

 2 Mu bwitote bantu babi balondalonda muntu wabula wa kumukwasha,+

Pano bino, ukafwa mu bintu byo afuukulapo kuba.+

 3 Mambo muntu mubi witotela mu bisakasaka* muchima wanji+

Kabiji upesha muntu wa lunkumbwa;*

נ [Nun]

Ulengulula Yehoba.

 4 Mu bwitote bwanji, muntu mubi kechi wipuzha ne;

Aye ulangulukatu amba: “Lesa ufwako.”+

 5 Bintu byonse byo oba bilumbuluka,+

Bino kechi wakonsha kukwatakanya mwatala bunchibamambo bwenu ne;+

Aye wendeleka balwanyi banji bonse.

 6 Wamba mu muchima wanji amba: “Kechi nkatenkena* nangwa pachechetu ne;

Kukafikatu ne ku bisemi byonse

Kechi nkapitapo mu bya malwa ne.”+

 7 Kanwa kanji kayula mafingo, bubela, ne byambo bya kuzakamisha;+

Lujimi wanji wamba byambo byatama kabiji bikozhañana.+

 8 Ubelamina kwipi na mizhi;

Ufuma mo afyama ne kwipaya muntu wabula mambo.+

10 Ushinda muntu wabula wa kumukwasha ne kumuponesha panshi;

Bayanji bavula wibakwata na maboko* anji.

Bayanji beya kwi anweba;+

Yenu mukwasha mwana* wabula bashanji.+

15 Mokolai kuboko kwa mubi ne kwa muntu watama,+

Pa kuba’mba byo mukakeba bubi bwanji,

Kechi mukebutaana ne.

18 Mukebachibila mambo baana babula bashabo ne boba bo bamanyika,+

Pa kuba’mba muntu ufwa wa pano pa ntanda akabule kwibalengesha moyo jibiji.+

 2 Talai babi byo bavwemuna mata a mukanda;

Babika muketo pa muzhinge wa buta bwa mukanda,

Kuba’mba bashile mu mfishi bantu baji na michima yaoloka.

 3 Umvwe baonauna bitendekesho,*

Ñanyi kintu kyakonsha kuba muntu waoloka?”

 5 Yehoba utalatala waoloka ne mubi;+

Aye* washikwa muntu yense watemwa bukapondo.+

 6 Babi ukebanokeshesha bitewa;*

Mujilo ne mabwe ateema+ kabiji mwela wa kyuya ye ukekala ke kya kwibabilapo mu katomeno kabo.

12 Mpulushai anweba Yehoba, mambo bantu ba kishinka bapwa;

Bantu ba kishinka bazhiya mukachi ka bantu.

 2 Bebepa mulwabo;

Na byatunwa byabo bamba byambo bya mulambisha kabiji bamba na michima* ya bujimbijimbi.+

 3 Yehoba ukachiba byatunwa byonse byamba bya mulambisha

Ne njimi yamba bya kwitota,+

 4 Bonka bamba’mba: “Tukebashinda na njimi yetu.

Twingijisha byatunwa byetu kwamba byo tukeba;

Ñanyi wakonsha kwikala nkambo yetu?”+

 5 Yehoba waamba’mba, “Na mambo a kuba bakajilwa bebamanyika,

Ne na mambo a kubinza kwa bayanji,+

Amiwa nkemana ne kwibakwasha.

 6 Byambo bya Yehoba byawama;+

Biji nobe siliva yo basungulula bulongo mu kyo basungulwilamo,* ye batubula jitanu na jibiji.

 7 Anweba Yehoba, mukebalama;+

Mukebazhikijila pa muntu pa muntu ku kino kisemi myaka ne myaka.

 8 Babi benda kwa kubula wa kwibakanya

Mambo baana ba bantu batundaika byubilo byatama.+

 2 Bimye binga byo nkekala na bijikila,

Ne bulanda mu muchima wami pa juba pa juba?

Panai kyeya kwi amiwa pa kuba’mba mbule kufwa,

 4 Pa kuba’mba mulwanyi wami akabule kwamba’mba: “Namushinda!”

 5 Pakuba amiwa, naketekela mu butemwe bwenu bubula kwaluka;+

Muchima wami ukasangalela mu mingilo yenu ya lupulukilo.+

Byubilo byabo byatama, kabiji bintu byo boba byo bya bunya;

Kafwako nangwa umo uba byawama ne.+

 2 Bino Yehoba mwiulu utala panshi pa baana ba bantu

Kuba’mba amone inge pajipo uji na milangwe, kabiji inge pajipo ubena kukeba Yehoba.+

 3 Bonse basenduka;+

Bonsetu boba byatama.

Kafwako nangwa umo uba byawama ne,

Kafwako nangwa umotu ne.

 5 Bino bakomvwa moyo mukatampe,+

Mambo Yehoba uji mu kisemi kya baoloka.

 6 Anweba bangubabibi mweseka kuvulañanya byafuukula mulanda,

Bino Yehoba ye kya kufyamamo kyanji.+

Yehoba byo akakonkanya bantu banji bo batwajile mu buzha,

Yakoba akasekele, kabiji Isalela akasangalale.

 2 Kanatu yewa wabula kaneneno,*+

Uba bintu byaoloka+

Kabiji wamba bya kine mu muchima wanji.+

 3 Ubula kuba luntepentepe na lujimi wanji,+

Ubula kuba mukwabo bintu byatama,+

Kabiji ubula kwamba byatama* pa balunda nanji.+

 4 Aye ukana mubi yense,+

Pakuba unemeka boba bakamwa Yehoba.

 5 Kechi ukongwesha mali amba bamubikilepo nsubu ne,+

Kabiji kechi utambula mazhikakanwa amba azhachishe muntu wabula mambo ne.+

 3 Ne ya bazhila ba pano pa ntanda,

Ba buneme, bandengela kusangalala bingi.”+

Kechi nkalambula milambo yabo ya binyu yavwangakana na mashi ne,

Kabiji byatunwa byami kechi bikatelanga mazhina abo ne.+

Ku meso* enu ko kuji lusekelo lukatampe;+

Mu kuboko kwenu kwa kilujo muji lusekelo* lwa myaka ne myaka.

17 Anweba Yehoba, umvwai misashijilo yami pa mambo a bololoke;

Tai muchima ku kujila kwami kwa kukeba bukwasho;

Telekai ku lulombelo lwami lo mbena kulomba kwa kubula bujimbijimbi.+

 2 Nkwashaiko kufuukula bintu byaoloka;+

Meso enu amone bintu byaoloka.

 3 Mwatalatala muchima wami, mwampempula mu kimye kya bufuku;+

Mwangwamisha+

Musakutaana kuba’mba kechi nafuukulapo kuba kintu kyatama ne,

Kabiji kanwa kami kechi kalengapo mambo ne.

 4 Pa mambo a mingilo ya bantu,

Monka mwayila byambo bya mu kanwa kenu, nchinuzhuka mashinda a bambanzhi.+

 5 Nswishai ñendenga mu mashinda enu

Pa kuba’mba maulu ami abule kwituntula.+

 7 Mweshai butemwe bwenu bubula kwaluka mu jishinda ja kukumya,+

Anweba mupulusha boba bafyama mu kuboko kwenu kwa kilujo

Ku boba bemusatukila.

 8 Ndamai nobe kantu ka pa jiso jenu;+

Mfyai mu kimfutele kya byapi byenu.+

 9 Nzhikijilai ku babi bandukuka,

Ku balwanyi* bami banzhokoloka.+

10 Abo bakosa* michima;

Na tunwa twabo bamba bya kwitota;

11 Betuzhokoloka;+

Bakebakebatu jishinda ja kwituponesheshamo.*

12 Mubi uji nobe bokwe ukebesha kutabaula nyama,

Uji nobe mwana bokwe wabelamina.

13 Anweba Yehoba, imanai mumusambakane ne kumuponesha panshi;+

Mpokololai ku mubi na mpoko;

14 Anweba Yehoba, mpokololai na kuboko kwenu,

Ku bantu ba ino ntanda,* bonka batesha muchima ku bintu bya buno bumi,+

Aba bo mwaikuchisha na bintu byawama byo mupana+

Kabiji bashiila baana babo bavula kya buswanyi kyabo.

15 Bino amiwa nkamona kilungi kyenu, mambo naoloka;

Nkasekela byo nkabuuka pa kumona’mba po muji.*+

Lesa wami jo jibwe jami,+ mo mo mfyama,

Jikebo jami kabiji ye lusengo* wami wa lupulukilo,* kyo kyami kya kufyamamo kyakosa.+

 3 Namwita Yehoba, yenka wafwainwa kutotwa,

Kabiji ukampokolola ku balwanyi bami.+

 4 Mizhinge ya lufu yanzhokolokele;+

Muyulo wa bantu batutu wandengeshe moyo.+

 5 Mizhinge ya Kilende* yantabankene;

Bitewa bya lufu byajinga kulutwe yami.+

 6 Byo najinga mu bya malwa, namwichile Yehoba,

Namujijiilenga Lesa wami namba ankwashe.

Waumvwine jiwi jami monka mu nzubo ya Lesa,+

Kabiji waumvwine kujila kwami kwa kukeba bukwasho.+

 7 Kabiji ntanda yatendekele kutenkena ne kujikima;+

Bitendekesho bya mitumba byajikimine

Kabiji byatenkenenga mambo bamuzhingijishe bingi.+

 8 Bwishi bwafutumukilenga mu myona yanji,

Ne mujilo usokañana walupukilenga mu kanwa kanji;+

Ne makala anyekula afuminenga kwi aye.

 9 Wabandamikile meulu byo aikijilenga,+

Kabiji munshi ya maulu anji mwajinga mfishi ikatampe.+

11 Kepo evwetele mfishi,+

Yamuzhokolokele nobe kya kufyamamo,

Makumbi a mvula afinda.+

12 Na mambo a kyeya kyanji

Mvula wa mabwe ne makala byafuminenga mu makumbi.

13 Kepo Yehoba aluluminenga mwiulu;+

Mwine Wakila walengejile jiwi janji kumvwanyika+

Na mvula wa mabwe ne na makala a mujilo.

14 Waashile miketo yanji ne kwibapalañanya;+

Watumine kubesha kwanji kwa mvula ne kwibavulañanya maana.+

15 Panshi ya tukola* pamwekele;+

Bitendekesho bya ntanda byasolokele byo mwibinenene anweba Yehoba,

Na muya washinta wafumine mu myona yenu.+

16 Watanyikile kuboko kufuma mwiulu;

Wankwachile ne kuntuntula mu mukola wazhika.+

17 Wampokolwele ku mulwanyi wami wakosa,+

Ku boba banshikwa bakosele kunkila.+

18 Bandukukile mu juba ja bya malwa byami,+

Bino Yehoba wankwashishe.

19 Wandetele mu mpunzha yazhikijilwa;*

Wampokolwele, mambo namutokeshe ku muchima.+

20 Yehoba umfweta monka mwayila bololoke bwami;+

Umfweta mambo kechi nji na kaneneno* ne.+

21 Mambo ñenda mu mashinda a Yehoba,

Kabiji kechi namusha Lesa wami ne, mambo kuba bino ke kintu kyatama.

22 Mvuluka mizhilo yanji yonse;

Kechi nkalengulula malamuna anji ne.

23 Nkatwajijila kwikala wabula kaneneno kwi aye,+

Kabiji nkekanya ku bubi.+

24 Yehoba amfwete monka mwayila bololoke bwami,+

Mambo kechi nji na kaneneno ne.+

25 Ku muntu wa kishinka mukekala ba kishinka;+

Ku muntu wabula kaneneno mukekala babula kaneneno;+

26 Ku muntu watoka mukekala batoka,+

Pakuba ku muntu wa bujimbijimbi mukekala bajimuka.+

27 Mambo anweba mupulusha boba bepelula*+

Bino mupelula aba belundumika.*+

28 Mambo anweba Yehoba, yenu mwambula lampi wami,

Lesa wami utokesha mfishi mo nji.+

29 Na bukwasho bwenu nakonsha kushinda nzhita ya balwanyi;+

Na bulume bwa Lesa nakonsha kukanjila ku lubumbulu.+

30 Jishinda ja Lesa wa kine jalumbuluka;+

Byambo bya Yehoba byawama.+

32 Lesa wa kine ye umvwika bulume,+

Kabiji ukalengela jishinda jami kulumbuluka.+

33 Ulengela maulu ami kupeela nobe a lupaala;

Undengela kwimana pa mapunzha a peulu.+

34 Ufunjisha maboko ami bya kulwa nkondo;

Maboko ami akonsha kuvwemuna buta bwa mukanda bwa mukuba.

35 Mwanzhikijila na jikebo jenu,+

Kuboko kwenu kwa kilujo kunkwasha,*

Kabiji kwipelula kwenu kundengela kutumbalala.+

36 Mubayisha jishinda jo ñendamo;

Maulu* ami kechi akatezhimuka ne.+

37 Nkapupila balwanyi bami ne kwibataana;

Kechi nkabwelamo ne, posotu bakavile.

38 Nkebasansakanya kuba’mba bakabule kwimana;+

Nkebanyataula na maulu ami.

39 Mukampa bulume bwa kulwa nkondo;

Mukalengela balwanyi bami kuponena munshi ya maulu ami.+

40 Mukalengela balwanyi bami kunnyema,*

Kabiji nkonauna* aba banshikwa.+

41 Abo bakeba bukwasho, bino kafwako wa kwibapokololako ne;

Bajijila Yehoba, bino aye kechi wibakumbula ne.

42 Nkebatwa, bakekaletu nobe lukungu lululuka na mwela;

Nkebataya nobe mateshi a mu mikwakwa.

44 Bakankookela na mambo a sawakya ye bakomvwa;

Bantu bafuma mu byalo bingi bakeya kwi amiwa saka baji na bumvu.+

45 Bantu ba mu byalo bingi bakazumba;*

Bakeya saka bazakama kufuma mu masakwa abo akosa.

47 Lesa wa kine anshinkenyeko;+

Ukookesha bantu munshi ya maulu ami.

48 Aye umpokolola ku balwanyi bami bakanama;

Munsuntwila peulu ya boba bandukuka;+

Mumpokolola ku kapondo.

49 Anweba Yehoba, o ene mambo o nkemutumbijikilanga mu bisaka bya bantu,+

Kabiji nkemba nyimbo ya kutota jizhina jenu.+

50 Aye ubila mfumu wanji bintu bikatampe bya lupulukilo;*+

Umwesha mushingwa wanji butemwe bubula kwaluka,+

Kwi Davida ne ku baana* banji myaka ne myaka.+

19 Jiulu jamba lukumo lwa Lesa;+

Ne mwiulu mwine mubijika mingilo ya maboko anji.+

 2 Jiwi jabyo jumvwanyika pa juba pa juba,

Kabiji jonse bufuku bisolola maana anji.

 3 Kechi byamba ne, kabiji kechi biji na byambo ne;

Jiwi jabyo kechi jumvwanyika ne.

 4 Pano bino, jiwi* jabyo jaumvwanyika pano pa ntanda ponse,

Ne byambo byabyo byafika konse kwapela ntanda.*+

Mwiulu mo mo apoopa tente wa juba;

 5 Jiji nobe musongoshi ubena kulupuka mu nzubo yanji;

Jisekela nobe kilobo ubena kunyema mu jishinda.

 6 Jiselela kwapelela jiulu,

Kabiji jizhokoloka kuya ku lubaji lukwabo kwapelela jiulu;+

Kabiji kafwako kintu nangwa kimo kifyama ku kyuya kyajo ne.

 8 Malamuna afuma kwi Yehoba aoloka, asangajika muchima;+

Mikambizho ya Yehoba yawama, ilengela muntu kumona kyeya.+

10 Yawama kukila ngolode,

Kukila ngolode yawamisha,+

Ne kutobala kukila buki,+ munzungwe ufuma ku mapuma.

11 Kabiji ino mizhilo ijimunako kalume wenu;+

Ne mu kwiilama, mufuma mfweto ikatampe.+

13 Kabiji kange muleke kalume wenu ekale na byubilo bya kwitota ne;+

Kange mwibileke binshinde ne.+

Kepo nsakwikala waoloka,+

Ne kubinga ku mambo akatampe.*

14 Byambo bya mu kanwa kami ne bintu byo ndanguluka mu muchima wami

Bimutokeshe ku muchima,+ anweba Yehoba, Jibwe jami+ kabiji Mukuzhi wami.+

 2 Aye akutumine bukwasho kufuma mu mpunzha yazhila+

Kabiji akukoseshe mu Ziona.+

 3 Avuluke milambo yobe ya bupe;

Atambule mulambo wobe wa kusoka. (Selah)

 4 Akupe bintu bikeba muchima wobe+

Kabiji akukwashe kufikizha bintu byonse byo wafuukula.*

 5 Tukasangalala na mambo a mingilo yenu ya lupulukilo,+

Tukatumbijika jizhina ja Lesa wetu.+

Ukumbula lulombelo lwanji monka mwiulu mwanji mwazhila

Ukamupulusha* na kuboko kwanji kwa kilujo kwa bulume.+

 7 Bamo baketekela mu makalaki, bakwabo nabo mu bambili,+

Pakuba atweba twita pa jizhina ja Yehoba Lesa wetu.+

 8 Abo bapona kikupu,

Bino atweba twabuukapo ne kwimana.+

21 Mfumu usekela mu bulume bwenu, anweba Yehoba;+

Usekela bingi mu mingilo yenu ya lupulukilo!+

 2 Mwamupa bintu bikeba muchima wanji,+

Kabiji kechi mwamutana bintu bilomba byatunwa byanji ne. (Selah)

 3 Mambo anweba mwamupesha bingi;

Mwamuvwika ku mutwe munchinya wa ngolode yawamisha.+

 4 Wimulombele bumi, ne anweba mwamupelebo,+

Bwa moba avula, myaka ne myaka.

 6 Mumulengela kumupesha myaka ne myaka;+

Mwamulengela kusekela mambo muji nanji.*+

 7 Mambo mfumu waketekela mwi Yehoba;+

Kabiji na mambo a butemwe bubula kwaluka bwa Mwine Wakila, kechi ukasunkena* ne.+

 8 Kuboko kwenu kukakwata balwanyi benu bonse;

Kuboko kwenu kwa kilujo kukakwata boba bemushikwa.

10 Ba mu kisemi* kyabo bakebonauna pano pa ntanda,

Ne ba mu kisemi kyabo bakafumamo mu bantu.

11 Mambo abo balangulukilenga kwimuba bintu byatama;+

Bafuukulapo kuba bintu bikabula kwingila.+

12 Anweba mukebalengela kunyema+

Byo mukebavwemwina buta bwenu bwa mukanda.

Mambo ka o mwaikela kwalepa ne kumpulusha,

Ku bya kumanama byami ne?+

 2 Anweba Lesa wami, nemwita mu kimye kya mute, bino kechi mungitaba ne;+

Kabiji bufuku nabo kechi nzhindamapotu ne.

 3 Bino anweba mwazhila,+

Mwazhokolokwa* na nyimbo ya kutota ya Isalela.

 4 Bashakulu betu baketekejile mwi anweba;+

Bemuketekejile, ne anweba mwibapokolwelenga.+

 5 Bemujijiilenga, kabiji bapulukile;

Bemuketekejile, kabiji kechi mwibalengeshe bumvu ne.+

 6 Bino amiwa njitu nobe muzambo kechi nemuntu ne,

Bantu bankosamika* ne kundengulula.+

 7 Bonse bammona banseka;+

Bapukunya mitwe yabo ne kuñendeleka amba:+

 9 Anweba yenu mwandupwile munda,+

Yenu mwanzhikijile byo najinga ku mabele a bamama.

10 Bampaine kwi anweba kuba’mba mundamenga* kufumatu pa kusemwa kwami;

Yenu Lesa wami kufumatu munda mwa bamama.

11 Kange mwikale kwalepa ne amiwa ne, mambo makatazho ajitu pepi+

Kabiji kechi njipo na muntu mukwabo wa kunkwasha ne.+

12 Baana ba bañombe balume banzhokoloka;+

Bañombe balume bakosa ba ku Bashana banzhokoloka.+

13 Bangasamikila tunwa twabo,+

Nobe bokwe ubuluma, utabaula nyama.+

14 Bulume bwami bebwitulula nobe mema;

Bikupa byami byonse byatelumuka mu byako.

Muchima wami uji nobe bupula;+

Usunguluka mukachi kami.+

15 Bulume bwami bwauma nobe kiyinga;+

Lujimi wami walamachila mu kanwa kami;+

Mubena kuntwala ku lufu.+

16 Balwanyi bami banzhokoloka nobe bakabwa;+

Jibumba ja bangubabibi janzhokoloka,+

Babena kunsuma ku maboko ne ku maulu nobe bokwe.+

18 Baabana bivwalo byami,

Kabiji bata bubale pa kivwalo kyami.+

20 Mpokololai ku mpoko,

Pokololai bumi* bwami bwanema ku bakabwa basumana;+

21 Mpokololai ku kanwa ka bokwe+ ne ku nsengo ya bamboo;

Ngitabai ne kumpokolola.

22 Nkasapwila jizhina jenu ku balongo bami;+

Nkemutotanga mukachi ka kipwilo.+

24 Mambo aye kechi walengulula nangwa kushikwa kumanama kwa muntu ye bamanyika ne;+

Kechi wafya kilungi kyanji kwi aye ne.+

25 Nkemutotanga mu kipwilo kikatampe;+

Nkafikizha luchipo lwami ku boba bamwakamwa.

26 Bakimote bakaja ne kwikuta;+

Bakamutotanga Yehoba aba bamukeba.+

28 Mambo Yehoba ye mfumu;+

Ulama bisaka bya bantu byonse.

29 Banonshi* bonse ba pano pa ntanda bakaja ne kufukama;

Aba bonse baya ku lukungu bakamufukamina;

Kafwako nangwa umo pe abo wakonsha kupulusha bumi* bwanji ne.

30 Baana* babo bakamwingijilanga;

Kisemi kikeya kulutwe bakekifunjisha pe Yehoba.

2 Undengela kukokolokela mu munyemvu wavula;

Untangijila ku mapunzha* a kukokolokelamo kwavula mema.+

 4 Nangwa kya kuba ñenda mu kimpachiko mwafiitatu bwii,+

Kechi nchina kunkozha ne,+

Mambo muji ne amiwa;+

Ndondo yenu ne kamama kenu binkosesha.*

Mutalazha* mutwe wami na manyi;+

Katomeno kami mwikayuzha bulongo.+

 6 Kine, buwame ne butemwe bwenu bubula kwaluka bikandondelanga moba onse a bumi bwami,+

Kabiji nkekalanga mu nzubo ya Yehoba moba ami onse.+

24 Ntanda yo ya kwa Yehoba ne bintu byonse bijimo,+

Mushiji ne bonse bekalapo.

 2 Mambo aye wiikajika pa tulunga twa mema+

Kabiji wiikajika ne pa mikola.

 3 Ñanyi wakonsha kukanjila ku mutumba wa Yehoba,+

Kabiji ñanyi wakonsha kwimana mu mpunzha yanji yazhila?

 4 Yense wabula mambo kabiji watoka mu muchima,+

Ubula kuchipa bubela mu bumi* bwami,

Nangwa ubula kuchipa mu bujimbijimbi.+

 5 Ukatambula mapesho kufuma kwi Yehoba+

Ne kutelwa’mba waoloka* kwi Lesa wanji wa lupulukilo.+

 6 Akino kyo kisemi kya boba bamukeba,

Bonka bakeba kilungi kyenu, anweba Lesa wa Yakoba. (Selah)

 7 Anweba bibelo, inunai mitwe yenu;+

Shinkukai,* anweba binzhilo bya kala,

Kuba’mba Mfumu wa lukumo atwele!+

Yehoba ye wa ngovu ne bulume,+

Yehoba ye wa bulume mu nkondo.+

 9 Anweba bibelo, inunai mitwe yenu;+

Shinkukai, anweba binzhilo bya kala,

Kuba’mba Mfumu wa lukumo atwele!

 2 Anweba Lesa wami, mwi anweba mo mo naketekela;+

Kange mundeke kindenge bumvu ne.+

 3 Kabiji kafwako nangwa umo wimuketekela ye kikalenga bumvu ne,+

Bino bumvu bupembelela boba bakwabo byatama pa kubula mambo.+

 4 Anweba Yehoba, mbuulai mashinda enu;+

Mfunjishai kwenda mu mashinda enu.+

 5 Ntangijilai kwenda mu bukine bwenu ne kumfunjisha,+

Mambo anweba yenu Lesa wa lupulukilo wami.

 6 Anweba Yehoba, vulukai’mba yenu Lesa wa lusa ne wa butemwe bubula kwaluka,+

Byo mumwesha ku bantu benu kimye kyonse.*+

Mumvuluke monka mwayila butemwe bwenu bubula kwaluka,+

Na mambo a buwame bwenu.+

 9 Ukatangijila bakimote mu bintu byaoloka,*+

Kabiji bakimote ukebafunjisha jishinda janji.+

10 Mashinda onse a Yehoba o a butemwe bubula kwaluka ne bukishinka

Ku boba balama lulayañano lwanji+ ne bya kuvululako byanji.+

11 Na mambo a jizhina jenu, anweba Yehoba,+

Ndekelaiko mambo nangwa kya kuba abaya.

13 Aye* ukamona bintu byawama,+

Ne baana* banji bakaswana ntanda.+

14 Bulunda bwa pa muchima ne Yehoba buji na boba bamwakamwa,+

Kabiji wibabuula lulayañano lwanji.+

15 Meso ami atalatu kwi Yehoba,+

Mambo aye ukafumya maulu ami mu bukonde.+

16 Alulukilai kwi amiwa ne kungubila lusa,

Mambo njitu bunke kwa kubula wa kunkwasha.

17 Bijikila bya mu muchima wami byamvujila;+

Nkasululai ku bulanda bwami.

18 Monai lumanamo ne bya malwa byami,+

Ne kundekelako mambo ami onse.+

19 Monai balwanyi bami byo bavula

Ne byo bakizhamo kunshikwa.

21 Bulumbuluke ne bololoke bwami bindame,+

Mambo naketekela mwi anweba.+

26 Anweba Yehoba, nchibilai mambo, mambo naenda mu bulumbuluke bwami;+

Naketekela mwi Yehoba kwa kubula kuzhinauka.+

 2 Anweba Yehoba, mpimapimai ne kungeseka;

Tokeshai milanguluko* yami ya mukachi mwine ne muchima wami.+

 3 Mambo butemwe bwenu bubula kwaluka buji kulutwe yami kimye kyonse,

Kabiji ñenda mu bukine bwenu.+

 4 Kechi mpwanañana* na bantu ba bujimbijimbi ne,+

Kabiji nchinuzhuka boba befya byo baji.

 5 Nashikwa jibumba ja bantu batama,+

Kabiji kechi mpwanañana* na bantu babi ne.+

 6 Nkowa ku maboko kumwesha’mba mambo mfwao,

Kabiji nkazhokolokanga kya kusokelapo bitapisho kyenu, anweba Yehoba,

 7 Kuba’mba jiwi jami ja kusanta jikomvwanyike+

Ne kwamba pa mingilo yenu yonse ya kukumya.

 8 Anweba Yehoba, natemwa nzubo yenu yo mwikalamo,+

Ku mpunzha kwikala lukumo lwenu.+

 9 Kange mungipayile* pamo na bandengamambo+

Nangwa konauna bumi bwami pamo na batupondo* ne,

10 Bonka boba bintu bya bumvu na maboko abo,

Kabiji bonka baji na maboko a kilujo ayula mazhikakanwa.

12 Kulu kwami kwaimana pa mushiji waesakana;+

Nkamutota Yehoba mu kipwilo* kikatampe.+

 2 Babi byo bandukukile kuba’mba bangipaye,+

Aba bampachile ne balwanyi bami, bo betuntwile ne kupona.

 3 Nangwa kya kuba nzhita ikantule bulemo,

Muchima wami kechi ukachina ne.+

Nangwa kya kuba nkondo ikambuukile,

Nkatwajijilatu kwikala na luketekelo.

 4 Kintu kyo nalomba kwi Yehoba

—Kyo kyo nkakebeshanga—

Namba nkekalenga mu nzubo ya Yehoba moba onse a bumi bwami,+

Kuba’mba nkamonenga buwame bwa Yehoba

Ne kulanguluka languluka pa nzubo yanji na lusanchilo.+

 5 Mambo mu juba ja bya malwa ukamfya mwanji mo ekala;+

Ukamfya mwine mwafyamika mu tente wanji;+

Ukambika peulu ya jibwe.+

 6 Pano mutwe wami uji peulu kukila balwanyi bami banzhokoloka;

Nkatapisha bitapisho na lusekelo ku tente wanji;

Nkemba nyimbo ya kutota Yehoba.

 7 Anweba Yehoba, ñumvwai inge nemwita;+

Ngubilai lusa ne kungitaba.+

Yenu nkwasho wami;+

Kange munshe bunke nangwa kundekelela ne, anweba Lesa wami wa lupulukilo.

10 Inge batata ne bamama bantaya,+

Yehoba ukantola.+

11 Anweba Yehoba, mfunjishai jishinda jenu,+

Ntangijilai mu jishinda ja bololoke na mambo a balwanyi bami.

12 Kange mumpane ku balwanyi* bami ne,+

Mambo bakamonyi ba bubela bañimena,+

Kabiji babena kunzakamisha na bukapondo.

13 Inge kechi najinga na lwitabilo lwa kumona buwame bwa Yehoba

Mu kyalo muji bantu bomi* ne, inge nji kwepi?+

14 Ketekelai mwi Yehoba;+

Chinchikai ne kukosa.+

28 Anweba Yehoba Jibwe jami, kwi anweba ko ko njijila;+

Ntelekai.

Umvwe munzhindaminetu nzoo,

Nsakwikalatu nobe boba baya mu kimbo.*+

 2 Umvwai misashijilo ya kujila kwami kwa kukeba bukwasho

Byo nsuntula maboko ami kwiatazha ku kibamba kya mukachi kya nzubo yenu yazhila.+

 3 Kange mumpangile pamo na babi, bonka boba bintu byatama ne,+

Bonka bamba byambo bya mutende ku bakwabo, bino mu michima yabo saka muji bintu byatama.+

 4 Bafwetai pa mingilo yabo,+

Monka mwayila byubilo byabo byatama.

Bafwetai pa mingilo ya maboko abo,

Monka mwayila bintu byo bauba.+

 5 Mambo abo kechi batako muchima ku mingilo ya Yehoba,+

Nangwa ku mingilo ya maboko anji ne.+

 6 Atotwe Yehoba,

Mambo waumvwa misashijilo yami ya kukeba bukwasho.

 7 Yehoba bo bulume bwami+ kabiji jo jikebo jami;+

Muchima wami waketekela mwi aye.+

Natambwila bukwasho bwanji, kabiji muchima wami wasekela,

Onkao mambo, nkamutota na lwimbo wami.

 8 Yehoba bo bulume bwa bantu banji;

Ye nsakwa yakosa, uleta lupulukilo lukatampe ku mushingwa wanji.+

29 Mupai Yehoba bintu byamufwainwa, anweba baana ba babilobo,

Mupai Yehoba bintu byamufwainwa na mambo a lukumo lwanji ne bulume bwanji.+

 3 Jiwi ja Yehoba jumvwanyika peulu ya mema;

Lesa wa lukumo ululuma.+

 4 Jiwi ja Yehoba jo ja bulume;+

Jiwi ja Yehoba jo ja lukumo.

 5 Jiwi ja Yehoba jichimauna bichi bya sida;

Kine, Yehoba uchimauna bichi bya sida bya ku Lebanoni.+

 6 Ulengela Lebanoni* kukilauka nobe mwana ñombe,

Ne Siliyoni+ nobe mwana mboo.

 7 Jiwi ja Yehoba jilupuka na lubebe lwa mujilo;+

 8 Jiwi ja Yehoba jilengela kiselebwa kutenkena;+

Yehoba ulengela kiselebwa kya Kadeshi kutenkena.+

 9 Jiwi ja Yehoba jilengela lupaala kuzakama ne kusema

Kabiji jilengela mungye kushalatu kwa kubula bichi.+

10 Jitanda ja Yehoba jiji peulu ya muyulo;*+

Yehoba ye Mfumu myaka ne myaka.+

30 Nkemutumbijika anweba Yehoba, mambo mwañimika;

Kechi mwalekele balwanyi bami kusekela pe amiwa ne.+

 4 Anweba ba kishinka banji, mwimbilai Yehoba nyimbo ya kumutota,+

Totai jizhina janji jazhila;+

 5 Mambo bukaji bwanji bo bwa kakimyetu kacheche,+

Bino bibusa byanji byo bya moba onse.+

 8 Najijiilenga kwi anweba Yehoba;+

Kabiji namusashijilenga Yehoba namba angubile lusa.

11 Mwandengela kuzha na lusekelo kechi kujila ne;

Mwamvuula kisapi kyami kya majila, ne kumvwika lusekelo,

12 Pa kuba’mba amiwa* ñimbe nyimbo ya kwimutota kwa kubula kuzhindamapo.

Ikalai mutumba wami wakosa wa kufyamamo,

Mpunzha iji na nsakwa yakosa ya kumpulushishamo.+

 3 Mambo anweba yenu jibwe jami jikatampe kabiji mwi nsakwa yami yakosa;+

Na mambo a jizhina jenu,+ mukantangijila ne kumbuula mwa kuya.+

 4 Mukamfumya mu bukonde bo banta mu bufyamfya,+

Mambo anweba mwi nsakwa yami.+

 6 Nashikwa boba bapopwela bankishi, bintu byatutu,

Pakuba amiwa, naketekela mwi Yehoba.

 7 Nkasekela bingi mu butemwe bwenu bubula kwaluka,

Mambo mwamona kumanama kwami;+

Mwayuka bya malwa* byami bikatampe.

 8 Kechi mwampana ku mulwanyi ne,

Bino mwandengela kwimana mu mpunzha yazhikijilwa.*

10 Bumi bwami bwakooka na mambo a bulanda+

Ne myaka yami yo ya kubinzatu.+

Bulume bwami bwapwa na mambo a bubi bwami;

Bikupa byami byakooka.+

11 Balwanyi bami bonse banseka,+

Kikatakata bekala kipikipi ne amiwa.

Kabiji balunda nami banchina;

Inge bammona nji pa mvula bantu, bannyema.+

12 Kechi banta muchima* ne, bandubako, ubatu nobe nafwa;

Njitu nobe mulondo walajika.

13 Naumvwa mañwiñwi avula a bintu byatama pe amiwa;

Bintu bilengesha moyo byanzhokoloka.+

Umvwe bekonkanya pamo na mambo a amiwa,

Bomvwañana’mba bonaune bumi* bwami.+

Babi kibalenge bumvu;+

Bazhindametu mu Kilende.*+

18 Byatunwa byamba bubela bizhindamepo,+

Byatunwa byamba na kwitota pa muntu waoloka, na kwilundumika ne milengulwila.

Mwibulamina boba bemwakamwa,+

Kabiji mwibumwesha ku bantu bonse na mambo a boba bafyama mwi anweba.+

20 Mukebafya mu mpunzha yenu yafyamika+

Ku bintu byatama bilanguluka bantu;

Mukebafya mwenu mo mwikala

Ku bantu bebambila byatama.*+

21 Yehoba atotwe,

Mambo wammwesha butemwe bwanji bubula kwaluka+ mu jishinda ja kukumya byo naji mu muzhi ye balukuka.+

Yehoba uzhikijila bantu ba kishinka,+

Bino ukakabisha yense wilundumika.+

24 Chinchikai ne kukosa,+

Anweba bonse mubena kupembelela Yehoba.+

 2 Ye wa lusekelo muntu ye babula kuzhachisha kwi Yehoba,+

Yenka wabula muchima wa bujimbijimbi.

 5 Kepo nasolwele mambo ami kwi anweba;

Kechi nafile mambo ami ne.+

 6 O ene mambo muntu yense wa kishinka o akalombela kwi anweba+

Pa kimye kyo mwakonsha kutanwa.+

 7 Anweba yenu mpunzha yami ya kufyamamo;

Mukanzhikijila ku bya malwa.+

 9 Kange wikale nobe mbili nangwa myule, wabula maana ne,+

Ye balululatu na ntambo

Saka akyangye kwiya kwipi ne obewa.”

10 Mubi umona bya malwa byavula;

Pakuba awa waketekela mwi Yehoba bamuzhokoloka ku butemwe bwanji bubula kwaluka.+

11 Anweba baoloka, sekelainga ne kusangalela mwi Yehoba;

Bijikainga na lusekelo anweba mwaoloka michima.

 2 Musanchilai Yehoba na kyansa;

Mwimbilai nyimbo ya kumutota kwingijisha kijimba kya mizhinge jikumi.

 3 Mwimbilai lwimbo mupya;+

Imbai bulongo na kijimba kya mizhinge, pamo na nyimbo ya lusekelo.

 4 Mambo byambo bya Yehoba byaoloka,+

Ne bintu byonse byo oba byo bya kishinka.

 6 Jiulu jalengelwe na jiwi ja Yehoba,+

Ne bintu byonse bijimo* byalengelwe na muya wa mu kanwa kanji.

 7 Aye ukonkanya pamo mema a mu tulunga kwikala nobe kizhiba;+

Ulonga mema avula mu matala.

 9 Mambo aye waambile, kabiji kyamwekele;+

Wakambizhe, kabiji kyaikajikilwe.+

10 Yehoba wavulañanya milanguluko* ya bisaka bya bantu;+

Waalulula bifuukula* bantu.+

11 Pakuba bintu bifuukula* Yehoba bikekala myaka ne myaka;+

Milanguluko ya mu muchima wanji kechi yaluka ne.

12 Kyo kya lusekelo akya kisaka kya bantu kiji na Lesa wakyo Yehoba,+

Bantu bo asala kwikala bunonshi bwanji.+

13 Yehoba mwiulu utala panshi;

Umona baana ba bantu bonse.+

14 Kufuma mwanji mo ekala

Umona bonse bekala pano pa ntanda.

15 Ye walengele michima ya bonse;

Utalatala mingilo yabo yonse.+

16 Kafwako mfumu nangwa umo ye bapulusha ku nzhita ikatampe ne;+

Kilobo kechi upuluka na mambo a bulume bwanji bukatampe ne.+

17 Mbili kechi wakonsha kupulusha* muntu ne;+

Bulume bwanji bukatampe kechi bwakonsha kupokolola muntu ne.

18 Umvwai! Meso a Yehoba atalatala pa boba bamwakamwa,+

Aba batengela butemwe bwanji bubula kwaluka,

19 Kuba’mba ebapokolole* ku lufu

Ne kwibalama na bumi mu kimye kya kipowe kya nzala.+

21 Michima yetu yasangalela mwi aye,

Mambo twaketekela mu jizhina janji jazhila.+

22 Anweba Yehoba, butemwe bwenu bubula kwaluka bwikale pe atweba,+

Byo tubena kwimupembelela.+

34 Nkamutotanga Yehoba kimye kyonse;

Lutotelo lwanji lukekala pa byatunwa byami kimye kyonse.

 2 Nketotela mwi Yehoba;+

Bakimote bakomvwa ne kusekela.

 3 Tumbijikilai Yehoba pamo ne amiwa;+

Twayai tutotele pamo jizhina janji.

 5 Bo bene ba lusekelo aba baketekela mwi aye;

Kabiji kafwako ukebalengesha bumvu ne.

 7 Malaika wa Yehoba uzhokoloka boba bakamwa Lesa,+

Kabiji wibapokolola.+

 8 Mutompai Yehoba mumone byo awama;+

Ye mwine wa lusekelo awa muntu ufyama mwi aye.

 9 Mwakamwai Yehoba, anweba bonse bazhijikwa banji,

Mambo aba bamwakamwa kafwako kintu nangwa kimo kyo bakajilwa ne.+

10 Nangwatu baana ba mabokwe bakosa bafwa nzala,

Pakuba aba bamukeba Yehoba kechi bakakajilwa kintu nangwa kimo kyawama ne.+

11 Anweba baana bami, iyai munteleke;

Nsakwimufunjisha kwakamwa Yehoba.+

12 Ñanyi mwi anweba watemwa bumi

Kabiji ukeba kwikala moba avula kuba’mba amonenga bintu byawama?+

13 Onkao mambo, kanya lujimi wobe kwamba byatama,+

Ne byatunwa byobe kwamba bya bujimbijimbi.+

14 Leka kuba bintu byatama, ubenga byawama;+

Keba mutende ne kumulondalonda.+

15 Meso a Yehoba aji pa baoloka,+

Ne matwi anji omvwa kujila kwabo kwa kukeba bukwasho.+

16 Bino Yehoba washikwa bantu boba byatama,

Ukebazhiya pano pa ntanda kuba’mba bakabule kwibavulukapo jibiji.+

17 Baoloka bamujijiile Yehoba, ne aye wibomvwine;+

Wibapokolwele ku bya malwa byabo byonse.+

18 Yehoba uji kwipi na boba balajika michima;+

Upulusha boba baji na bulanda.*+

19 Makatazho* amwekela muntu waoloka avula bingi,+

Bino Yehoba umupokolola mu onse.+

20 Uzhikijila bikupa byanji byonse;

Kafwako nangwa kimo kyachimukapo ne.+

21 Bya malwa bikamwipaya muntu mubi;

Aba bashikwa muntu waoloka bakazhatwa.

22 Yehoba ukuula bumi* bwa bakalume banji;

Kafwako nangwa umo ufyama mwi aye ukazhatwa ne.+

35 Anweba Yehoba ñambilaiko mambo o nji nao na balwanyi bami;+

Lwai na boba babena kulwa ne amiwa.+

 2 Shikulai kajikebo* kenu kacheche ne jikatampe,+

Mwimane mumpokolole.+

 5 Bekale nobe muungu ye bolulula ku mwela;

Malaika wa Yehoba ebapange.+

 6 Mu jishinda jabo mwikale mfishi kabiji mutezhime

Malaika wa Yehoba byo abena kwibapangisha.

 7 Mambo banta bukonde pa kubula mambo kuba’mba mfwemo;

Bampoyila kimbo pa kubula mambo.

 8 Bya malwa bimufikile kya kubazhimukilatu;

Afwe mu bukonde bo atele mwine;

Aponene mu kimbo kyo apoyile aye mwine kabiji onaike.+

 9 Pakuba amiwa* nkasekela mwi Yehoba;

Nkasangalela mu mingilo yanji ya lupulukilo.

Mupokolola wabula ba kumukwasha ku boba bakosa,+

Babula ba kwibakwasha ne bayanji, mwibapokolola ku boba bebapukula bintu.”+

11 Bakamonyi ba bujimbijimbi beya,+

Ne kunshikisha bintu byo nabula kuyuka.

12 Banguba bintu byatama pa bintu byawama byo nguba,+

Bandengela* kwikala na bulanda.

13 Bino byo bakolelwe, nenyingile kisapi kya majila;

Nemanyikilenga na kuzhikilwa na nzala,

Ne lulombelo lwami byo lwabujile kukumbulwa,*

14 Naendangatu na kujila uba nobe bajinga balunda nami nangwa balongo bami;

Nanyeñaminenga na mambo a bulanda, nobe muntu ubena kujila bainanji.

15 Bino byo netuntwile, abo basekejile ne kwikonkanya pamo;

Bakonkene pamo ne kumbelamina kuba’mba bamponeshe;

Bantabawile kabiji kechi bazhindaminepo ne.

16 Bantu babula kwakamwa Lesa bañendeleka,*

Banshenkela ku meno.+

Mpokololai kwi abo,+

Pulushai bumi* bwami bwanema, ku mabokwe.+

18 Nkemusanchila mu kipwilo kikatampe;+

Nkemutota mukachi ka bantu bavula.

19 Kange muswishe aba baikala balwanyi bami pa kubula mambo, kusekela pe amiwa ne;

Kange muswishe aba banshikwa pa kubula mambo+ kumfyetekela jiso mu bujimbijimbi ne.+

20 Mambo kechi bamba byambo bya mutende ne,

Bino mu bujimbijimbi balanguluka kubila byatama bantu ba mu kyalo baikala mu mutende.+

21 Bangasamikila tunwa twabo ne kumpamo mambo,

Saka bamba’mba: “Eyo! Eyo! Twimwena na meso etu.”

23 Buukai mwimane ne kumpokololako,

Anweba Lesa wami, Yehoba, ñambilaiko mambo ami.

24 Anweba Yehoba Lesa wami, nchibilai mambo monka mwayila bololoke bwenu;+

Kange mwibaleke basekele pe amiwa ne.

26 Mwibaleke bonse kibalenge bumvu,

Aba basekela pa bya malwa byami.

27 Bino muswishe aba basekela mu bololoke bwami kwimba na lusekelo;

Bambenga kimye kyonse amba:

28 Lujimi wami ukambanga* pa bololoke bwenu+

Ne kwimutota kimye kyonse.+

36 Mizhilulwila yamba monka mwine mukachi ka muchima wa muntu mubi;

Aye kechi wakamwa Lesa ne.+

 2 Mambo wiambila mwine byambo bya mulambisha

Kya kuba ukankalwa kuyuka ne kushikwa bubi bwanji.+

 3 Byambo bya mu kanwa kanji byatama kabiji bya bujimbijimbi;

Kechi umwesha milangwe mu kuba bintu byawama ne.

Wenda mu jishinda jatama;

Kabiji kechi ukana bintu byatama ne.

 5 Anweba Yehoba, butemwe bwenu bubula kwaluka bwafika mwiulu,+

Ne bukishinka bwenu bwafika mu makumbi.

 6 Bololoke bwenu buji nobe mitumba* ikatampe;+

Bunchibamambo bwenu bwazhika nobe mema aji panshi pene.+

 8 Batoma bintu byawama* biji mu nzubo yenu ne kwikuta,+

Kabiji mwibalengela kutoma mu kakola kenu kaji na bintu byawama.+

 9 Anweba yenu muji na nsulo ya bumi;+

Mu kyeya kyenu mo mo tumwena kyeya.+

10 Twajijilai kumwesha butemwe bwenu bubula kwaluka ku boba bemuyuka,+

Ne kumwesha bololoke bwenu ku baoloka michima.+

11 Kange muleke kulu kwa muntu wilundumika kunnyantaule

Nangwa kuboko kwa muntu mubi kumpange ne.

12 Bantu boba byatama bapona;

Bebanyakwila panshi kabiji kechi bakonsha kubuukapo ne.+

37 Kange uzhingile na mambo a bantu babi

Nangwa kubila kichima bangubabibi ne.+

 2 Bakooma bukiji nobe nsono+

Kabiji bakaleela nobe munyemvu.

 3 Ketekela mwi Yehoba ne kuba bintu byawama;+

Wikale pa ntanda* ne kubila bintu mu bukishinka.+

 4 Sangalela* mwi Yehoba,

Ne aye ukakupa bintu bikeba muchima wobe.

 5 Fikizha jishinda jobe kwi* Yehoba;+

Ketekela mwi aye, ne aye ukakukwasha.+

 6 Aye ukalengela bololoke bobe kusama nobe kyeya kya lukelo,

Ne bunchibamambo bobe bwaoloka bukekala nobe kushinkamana kwa juba.

 7 Uzhindame kwi Yehoba+

Kabiji umutengelenga saka watekanya.

Kange uzhingile na mambo a muntu

Uba bintu byatama byo afuukula ne.+

 8 Kange uzhingile nangwa kubuuka bukaji ne;+

Kange uzhingile ne kuba bintu byatama* ne.

 9 Mambo bantu babi bakebonauna,+

Bino aba baketekela mwi Yehoba bakaswana ntanda.+

10 Kwashalatu pacheche, babi kechi bakekalako ne;+

Ukatajisha po baikalanga,

Kabiji kechi bakekalapo ne.+

11 Pakuba bakimote bakaswana ntanda,+

Kabiji bakasangalelanga mu kuvula kwa mutende.+

12 Muntu mubi ulangulukila byatama muntu waoloka;+

Umushenkela ku meno.

13 Bino Yehoba ukamuseka,

Mambo wayuka’mba juba ja lufu lwanji jikafika.+

14 Babi basomona mapoko abo ne kuvwemuna* mata abo a mukanda

Kuba’mba baponeshe panshi wamanama ne muyanji,

Ne kwipaya boba baji mu jishinda jaoloka.

15 Bino mapoko abo akaasa michima yabo bene;+

Mata abo a mikanda akachimauka.

16 Bintu bicheche biji na muntu umo waoloka byawama

Kukila bintu byavula biji na bantu babi bavula.+

17 Mambo maboko a mubi akachimauka,

Bino Yehoba ukakwasha waoloka.

18 Yehoba wayuka bintu bipitamo* bantu babula kaneneno,

Kabiji buswanyi bwabo bukekala myaka ne myaka.+

19 Mu kimye kya bya malwa, kafwako ukebalengesha bumvu ne;

Mu kimye kya kipowe kya nzala bakekala na kajo kavula.

20 Pakuba babi bakavila;+

Balwanyi ba Yehoba bakonaika nobe munyemvu wawama;

Bakazhimañanatu nobe bwishi.

21 Muntu mubi ukongola kabiji kechi ubwezha ne,

Pakuba muntu waoloka upana* na muchima yense.+

22 Bantu bo bapesha kwi Lesa bakaswana ntanda,

Bino aba bo afinga bakafwa.+

23 Yehoba ubuula* muntu byo afwainwa kwenda+

Umvwe jishinda ja muntu jamutokela ku muchima.+

24 Nangwa kya kuba wituntula, kechi ukapona ne,+

Mambo Yehoba umukwata ku kuboko* kwanji.+

25 Najinga mwanyike pano luno nakota,

Bino kechi nakimonapo kala muntu waoloka bamulekelela,+

Nangwa baana banji saka bapitamo na kukeba kajo ne.+

26 Aye kimye kyonse ukongwesha na lusa,+

Ne baana banji bebapesha.

27 Leka kuba bintu byatama, ubenga byawama,+

Kabiji ukekala myaka ne myaka.

28 Mambo Yehoba watemwa bunchibamambo bwaoloka,

Kabiji kechi ukalekelela bantu banji ba kishinka ne.+

Kimye kyonse bakazhikijilwanga;+

Pakuba ba mu kisemi kya bantu babi bakafwa.+

29 Baoloka bakaswana ntanda,+

Kabiji bakekalangamo myaka ne myaka.+

30 Kanwa ka muntu waoloka kabulañana maana,*

Ne lujimi wanji wamba pa bunchibamambo bwaoloka.+

31 Mizhilo ya Lesa wanji iji mu muchima wanji;+

Maulu anji kechi aketuntula ne.+

32 Muntu mubi utajisha muntu waoloka,

Kukeba’mba amwipaye.

33 Bino Yehoba kechi ukamupana mu kuboko kwa mubi ne+

Nangwatu kumuzhachisha pa kumuchibila mambo ne.+

34 Ketekela mwi Yehoba ne kulondela jishinda janji,

Ne aye ukakutumbijika kuba’mba ukaswane ntanda.

35 Namwene mubi wakanama

Saka akoma nobe kichi kyafunkama kiji pa mushiji po kyamenejile.+

36 Bino ponkapotu wafwile kabiji kechi wamwekelepo jibiji ne;+

Natwajijile na kumukeba, bino kechi namutaaine ne.+

37 Tai muchima muntu wabula kaneneno,*

Ne kutalanga pa muntu waoloka,+

Mambo bwikalo bwanji bwa kulutwe bukekala bwa mutende.+

38 Bino bantu bonse ba mizhilulwila bakebonauna;

Babi bakebepaya.+

39 Yehoba+ ye upulusha bantu baoloka;

Aye ye nsakwa yabo mu kimye kya bya malwa.+

Ukebapokolola ku babi ne kwibapulusha,

Mambo bafyama mwi aye.+

38 Anweba Yehoba, kange mumfunde na bukaji bwenu,

Nangwa kungololako saka mwazhingila ne.+

 2 Mambo miketo yenu yangasa mukachi mwine,

Ne kuboko kwenu kwanchichimikila panshi.+

 4 Mambo bubi bwami buji pa mutwe wami;+

Bwannemenatu nobe kipe kyanema.

 5 Bilonda byami byabola kabiji bibena kununka

Na mambo a kukosama kwami.

 6 Namanama ne kupopomenwa bingi;

Kimye kyonse ñendatu na bulanda.

 7 Mukachi* kami mubena kuteema;

Nakolwatu mubiji yense.+

 8 Nakooka bingi, kabiji nachimauka;

Muchima wami wa bulanda undengela kubinza* bingi.

 9 Anweba Yehoba, mwayuka bintu byonse byo nkeba,

Ne kubinza kwami kechi kwafyamika kwi anweba ne.

10 Muchima wami ubena kubamba bingi, bulume bwami bwapwa,

Kabiji kyeya kya mu meso ami kyapwa.+

11 Balunda nami ne bakwetu banchinuzhuka na mambo a kikola kyami,

Ne bayukane bami nabo bemena palepa.

12 Aba bakeba bumi* bwami banta bitewa;

Aba bakeba kunkozha bamba bya kuñonauna;+

Kimye kyonse bamba bya bujimbijimbi.

13 Bino byonka biji muntu washinka matwi, kechi ñumvwa ne;+

Byonka biji kamaama, kechi ñamba ne.+

14 Njitu nobe muntu ubula kumvwa,

Ubula kwamba nangwa kimo mu kwipokolola.

15 Mambo nemupembejilenga, anweba Yehoba,+

Kabiji mwankumbwile, anweba Yehoba Lesa wami.+

16 Mambo naambile namba: “Kange basekele pe amiwa ne

Nangwa kwitumbijikila pe amiwa umvwe kulu kwami kwatezhimuka ne.”

17 Mambo najingatu pepi kupona,

Kabiji misongo yami yatwajijiletu.+

18 Nasolwele mambo ami;+

Bubi bwami bwankatezhenga.+

19 Bino balwanyi bami bakosa* kabiji baji na bulume,*

Aba banshikwa pa kubula mambo bavula bingi.

20 Bangubile bintu byatama pa bintu byawama byo naubile;

Bankainyenga na mambo a kuba bintu byawama.

22 Pelawizhai kunkwasha,

Anweba Yehoba, yenu mumpulusha.+

39 Naambile namba: “Nkalama jishinda jami

Kuchina’mba nakalenga mambo na lujimi wami.+

Nkakasa kanwa kami na lutambo+

Kimye kyonse babi kyo bakekala po nji.”

 2 Nakankelwe bya kwamba kabiji nazhindaminetu;+

Naubiletu nzoo nangwatu pa bintu byawama,

Bino misongo yami yaswezhezhe.*

 4 “Anweba Yehoba, nkwashai ngyuke bikekala mpelo yami,

Ne kuvula kwa moba ami,+

Pa kuba’mba ngyuke bumi bwami byo bwaipipa.*

 5 Kine, mwalengela moba a bumi bwami kukepa;*+

Ne myaka ya bumi bwami yo yatutu kwi anweba.+

 9 Nakankelwe kwamba;

Kechi naasamikile kanwa kami ne,+

Mambo yenu mwikyubile.+

11 Anweba molola muntu pa kumukambula na mambo a bubi bwanji;+

Monauna bintu byo anemeka byonkatu byuba kanzumbulu.

12 Anweba Yehoba, umvwai lulombelo lwami,

Telekai ku kujila kwami kwa kukeba bukwasho.+

Mambo amiwa nemwenyitu kwi anweba,+

Nekañenda upitañanatu* byonka byajinga bashakulu bami bonse.+

13 Kange muntale na bukaji ne, pa kuba’mba nsangalale,

Byo nkyangye kufwa ne kuzhimañana.”

40 Naketekejile mwi* Yehoba na muchima wami yense,

Ne aye wantelekele* ne kumvwa kujila kwami kwa kukeba bukwasho.+

 2 Wantuntwile mu kimbo muji mema apoota,

Ne kumfumya mu buchichi.

Kabiji wabikile maulu ami pa jibwe jikatampe;

Wakoseshe po nyanta.

 3 Kepo abikile lwimbo mupya mu kanwa kami,+

Wa kutota Lesa wetu.

Bantu bavula bakamona ne kwakamwa

Ne kuketekela mwi Yehoba.

4 Ye mwine wa lusekelo waketekela mwi Yehoba

Ubula kukwatankana na bansatuki nangwa na boba bamba bya bubela.

 5 Byo byavulapo bintu byo mwauba,

Anweba Yehoba Lesa wami!

Mingilo yenu ya kukumya ne bintu byo mwitulangulukila.+

Kafwako waesakana ne anweba ne;+

Inge nakeba namba mbulañane ne kwibyamba,

Byavujisha kabiji byakukankalwa kubala!+

 6 Kitapisho ne mulambo kechi mwibikebelenga* ne,+

Bino mwashinkwile matwi ami kuba’mba nteleke.+

 8 Nsekela* bingi kuba kyaswa muchima wenu, anweba Lesa wami,+

Ne mizhilo yenu iji mwine mukachi kami.+

Kechi nkaanya byatunwa byami ne,+

Byonkatu byo mwayuka, anweba Yehoba.

Kabiji bubi bwami bwamvujila, kya kuba nakankalwa ne kumona jishinda jami;+

Bwavujisha kukila ne nsuki ya ku mutwe wami,

Kabiji nalefulwa bingi.

14 Aba bonse bakeba konauna bumi* bwami

Kibalenge bumvu kabiji bebapelule.

Aba basekela mu bya malwa byami

Babwelemo saka balengululwa.

16 Bino aba bemukeba+

Basekele ne kusangalela mwi anweba.+

17 Bino amiwa kechi nji na wa kunkwasha ne, kabiji nemuyanji;

Yehoba ante muchima.

Yenu nkwasho wami kabiji mupokolweshi wami;+

Anweba Lesa wami, kange mubande ne.+

41 Ye mwine wa lusekelo awa ukwasha muyanji;+

Yehoba ukamupokolola mu juba ja bya malwa.

Ukatelwa mu ntanda amba waoloka;+

Kechi mukamupana* ku balwanyi banji ne.+

 3 Yehoba ukamukosesha mu kimye kya misongo yanji pa mwanya;+

Mukamukwasha mu kukolwa kwanji.

Ukonkanya pamo byambo byatama bya kwamba;

Kabiji uya na kwibisampanya.

 7 Aba bonse banshikwa benongotwela mulwabo;

Balanguluka kunguba kintu kyatama, ne kwamba’mba:

 8 “Kintu kilenga moyo kyamufikila;

Pano byo apona, kechi ukabuukapo jibiji ne.”+

 9 Nangwatu mulunda nami, ye naketekejile,+

Wajanga kajo kami, waaluka ke mulwanyi wami.*+

10 Bino anweba Yehoba, ngubilai lusa ne kumbuusha,

Pa kuba’mba nebamanyike pa bintu byo baubile.

12 Pakuba amiwa, mundama na mambo a bulumbuluke bwami;+

Mukañimika ku meso enu myaka ne myaka.+

13 Atotwe Yehoba, Lesa wa Isalela

Myaka ne myaka.+

42 Byonkatu biji lupaala ukebesha tukola twa mema,

Ne amiwa byo byo nemukebesha* anweba Lesa wami.

 3 Mipolo yami yaaluka ke kajo kami mute ne bufuku;

Juba jonse bantu bañendeleka amba: “Lesa wobe uji pi?”+

 4 Bino bintu nebivuluka, kabiji ñamba byonse biji ku mweo* wami,

Mambo kimye kimo naendelepo na jibumba;

Nebatangijilanga pa kuya ku nzubo ya Lesa,

Na nyimbo ya lusekelo ne ya lusanchilo,

Ya jibumba jiji na kijiilo.+

Pembelela Lesa,+

Mambo nkamutota byo aji Mupulushi wami Mukatampe.+

O ene mambo o nemuvulukila,+

Ku kibunji kya Yodano ne peulu ya mutumba wa Helemone,

Ne ku Mutumba wa Mizala.*

 7 Jizhiba jazhika jita jizhiba jikwabo jazhika

Pa kumvwa kupoota kwa mpoota yenu.

 8 Mute, Yehoba ukammwesha butemwe bwanji bubula kwaluka,

Kabiji bufuku nkembanga pe aye—kulomba kwi Lesa wampa bumi.+

10 Balwanyi bami bakanama* bañendeleka;

Juba jonse bañendeleka amba: “Lesa wobe uji pi?”+

Pembelela Lesa,+

Mambo nkamutota byo aji Mupulushi wami Mukatampe kabiji Lesa wami.+

43 Nchibilai mambo ami anweba Lesa,+

Ñambilaiko mambo ami+ ku kisaka kya bantu babula bukishinka.

Bino bintu bintangijile;+

Bintangijile ku mutumba wenu wazhila ne ku tente wenu mukatampe wa lusambakeno.+

 4 Kepo nkeya ku kya kusokelapo bitapisho kya Lesa,+

Nkasekela mwi Lesa wami.

Pembelela Lesa,+

Mambo nkamutota byo aji Mupulushi wami Mukatampe kabiji Lesa wami.+

44 Anweba Lesa, twiumvwina atwe bene,

Bashakulu betu betubuula,+

Mingilo yonse yo mwaubile mu moba abo,

Mu moba a kala.

 2 Mwapangile bisaka bya bantu na kuboko kwenu+

Ne kwikazha bashakulu betu konkakwa.+

 3 Mpoko yabo kechi yo yalengejile kuba’mba batambule kyokya kyalo ne,+

Kabiji kuboko kwabo kechi ko kwibalengejile kushinda ne.+

Ke na mambo a kuboko kwenu kwa kilujo ne mukoko wenu+ ne kyeya kya mu kilungi kyenu,

Mambo anweba mwasekejile mwi abo.+

 4 Anweba Lesa, yenu Mfumu wami;+

Kambizhai* kuba’mba Yakoba ashinde.*

 5 Na bulume bwenu, tukapanga balwanyi betu;+

Na mambo a kuketekela mu jizhina jenu, tukanyantaula aba betwimena.+

 6 Mambo kechi naketekela mu buta bwami bwa mukanda ne,

Kabiji mpoko yami kechi yakonsha kumpulusha ne.+

 7 Yenu mwitupokolwele ku balwanyi betu,+

Yenu mwibalengeshe bumvu aba betushikwa.

 8 Tukatotanga Lesa kimye kyonse,

Kabiji tukasanchilanga jizhina jenu myaka ne myaka. (Selah)

 9 Pano luno mwitutaya ne kwitulengesha bumvu,

Kabiji mwaleka kukwasha nzhita yetu.

10 Mwitulengela kunyema balwanyi betu;+

Aba betushikwa basenda bintu byonse byo bakeba.

11 Mwitupana kuba’mba betuje nobe mikooko;

Mwitupalañenya mu bisaka bya bantu.+

12 Mwapotesha bantu benu kyatu;+

Kafwako kyo mwamwenamo mu kwibapotesha* ne.

13 Mulengela kwitwendeleka ku boba bo twikala nabo kipikipi,

Ne kwitwambila mwenga ne kwituseka ku boba betuzhokoloka.

14 Mulengela kwituseka* ku bisaka bya bantu,+

Ne kwitulengela kwikala kintu kilengela bantu kupukunya mitwe yabo.

15 Kindenga bingi bumvu kimye kyonse,

Kabiji naumvwa bingi bumvu,

16 Na mambo a myendeleko ne matuka abo,

Ne na mambo a mulwanyi wetu ubena kushinkanya.

17 Bino bintu byonse bitufikila, pano bino kechi twimuvulama ne,

Kabiji kechi twaonauna lulayañano lwenu ne.+

18 Michima yetu kechi yafuma kwi anweba ne;

Maulu etu kechi asenduka mu jishinda jenu ne.

19 Bino mwitushinjila mu mpunzha mwikala balubwala;

Mwituvweta mfishi ikatampe.

20 Umvwe twijivulamine jizhina ja Lesa wetu

Nangwa inge twasuntwile maboko etu ne kulomba kwi lesa ungi,

21 Nanchi Lesa kechi wakonsha kuyuka kino nenyi?

22 Na mambo a anweba, babena kwitwipaya juba jonse;

Tujitu nobe mikooko yo bakeba kwipaya.+

25 Mambo atweba* betuponeshesha pa maloba;

Mibiji yetu beichinchimikila panshi.+

 3 Obewa kilobo,+ kashila mpoko yobe+ mu lubunda,

Pamo na lukumo ne buneme bobe.+

 4 Kabiji shindanga* mu buneme bobe;+

Endanga mu bukine, mu kwipelula ne mu bololoke,+

Ne kuboko kobe kwa kilujo kukooba* bintu bya kukumya.

 5 Miketo yobe yatwa, iponesha bantu ku meso obe;+

Ipulankanya michima ya balwanyi ba mfumu.+

 6 Lesa jo jitanda jobe ja myaka ne myaka;+

Ndondo ya bufumu bobe yo ndondo ya bololoke.*+

 8 Bivwalo byobe byonse byanunkila manyi a mola ne a maalo ne a kasiya;

Konka ku kipango kikatampe kya mfumu kya meno a banzovu, bijimba bya mizhinge bimusangajike.

10 Umvwa, obewa mwanami wa mukazhi, teshako muchima ne kuteleka;

Lubako ku bantu bobe ne ku nzubo ya bashobe.

11 Kabiji mfumu ukalangulukanga pa buya bobe,

Mambo ye nkambo yobe,

Onkao mambo, mufukamine.

12 Mwana wa mukazhi mwina Tila ukaleta bupe;

Banabalume baji na bunonshi bwavula bakakebanga amba wibobile bibusa.*

13 Mwana wa mukazhi wa mfumu wikala bingi na lukumo mu jilapa;*

Uvwala bivwalo bya* ngolode.

15 Bakebaleta saka basekela ne kusangalala;

Bakatwela mu kipango kya mfumu.

46 Lesa ye kya kufyamamo kyetu kabiji bo bulume bwetu,+

Witukwasha kimye kyonse kyo tupita mu bya malwa.+

 2 O ene mambo o tukabujila kuchina, nangwa kya kuba ntanda yaaluka,

Nangwa mitumba ikaponene mu kalunga ka mema,+

 3 Nangwa kya kuba mema ajipo apoota ne kuvundankana,+

Ne mitumba ikatenkene na mambo a kwijinga kwa mema. (Selah)

 4 Kuji mukola uji na tukola twasangamo tulengela muzhi wa Lesa kusangalala,+

Tente wa lusambakeno mukatampe wazhila wa Mwine Wakila.

 6 Bisaka bya bantu byaubile kiwowo, bufumu bonse bebushinjile;

Waambile na jiwi ja peulu, ne ntanda yasungulukile.+

 7 Yehoba wa mabumba uji ne atweba;+

Lesa wa Yakoba ye kya kufyamamo* kyetu. (Selah)

 8 Iyai mwimwene mingilo ya Yehoba,

Byo auba bintu bya kukumya pano pa ntanda.

Uchimauna buta bwa mukanda ne jifumo;

Usoka makalaki* a nkondo mu mujilo.

Nkatumbijikwa mu bisaka bya bantu;+

Nkatumbijikwa pano pa ntanda.”+

11 Yehoba wa mabumba uji ne atweba;+

Lesa wa Yakoba ye kya kufyamamo kyetu.+ (Selah)

 2 Mambo Yehoba ye Mwine Wakila ulenga moyo;+

Ye Mfumu mukatampe pano pa ntanda ponse.+

 3 Witushinjilako bantu;

Wabika bisaka bya bantu munshi ya maulu etu.+

 4 Witusajilako buswanyi bwetu,+

Bonka busekelamo Yakoba ye atemwa.+ (Selah)

 5 Lesa wakanjila, bantu saka bemba na lusekelo;

Yehoba waya, bantu saka bavumya lusengo.*

 7 Mambo Lesa ye Mfumu wa pano pa ntanda ponse;+

Mwimbilai nyimbo ya kumutota ne kumwesha milangwe.

 9 Bantangi ba bantu bekonkanya pamo

Na bantu ba Lesa wa Abalahama.

48 Yehoba ye mukatampe kabiji ye wafwainwa kutotwa

Mu muzhi wa Lesa wetu, konka ku mutumba wanji wazhila.

 2 Muzhi uji peulu wawama, lo lusekelo lwa pano pa ntanda ponse,+

Ye Mutumba wa Ziona uji kwalepa ku kabeta ka ku buyeke,

Muzhi wa Mfumu Mukatampe.+

 3 Mu byamba byanji byakosa

Lesa wiyukisha’mba ye kya kufyamamo kyakosa.+

 4 Mambo bamfumu bakonkana pamo;

Kabiji bepwizha pamo.

 6 Bazakaminenga konkakwa,

Misongo ibakwachile byonkatu byo kikala ku mwanamukazhi ubena kupaapa.

 8 Bintu byo twaumvwinengatu, pano twimwenabyo

Mu muzhi wa Yehoba wa mabumba, mu muzhi wa Lesa wetu.

 9 Anweba Lesa, tulanguluka languluka pa butemwe bwenu bubula kwaluka,+

Monka mu nzubo yenu.

10 Byonkatu biji jizhina jenu anweba Lesa, kutotwa kwenu

Kwafika konse kwapela ntanda.+

11 Mutumba wa Ziona+ asekele,

Mizhi* ya Yuda isangalale na mambo a bunchibamambo bwenu.+

12 Pitañanai kuzhokoloka Ziona; muzhokolokaitu yense;

Balai byamba bijimo.+

Talatalai byamba byakosa bijimo,

Pa kuba’mba mukafunjisheko bisemi bikeya kulutwe.

Teshaiko muchima anweba bangikazhi ba pano pa ntanda,*

 2 Bantutu ne babineme,*

Banonshi ne bayanji pamo.

 3 Kanwa kami kakamba bya maana,

Ne kulanguluka languluka kwa mu muchima wami+ kukamwesha milangwe.

 4 Nkateshako muchima ku byambo bya maana;

Nkalumbulula kishimpi kwingijisha kyansa.

 5 Mambo ka o nafwainwa kuchiina mu kimye kya makatazho,+

Kimye kyo nazhokolokwa na bubi* bwa boba bakeba kumponesha?

 6 Aba baketekela mu bunonshi bwabo+

Kabiji bonka betota na mambo a bunonshi bwabo bwavula,+

 7 Kafwako nangwa umo mwi abo wakonsha kukuula mulongo wanji

Nangwa kupa Lesa bukuzhi bwa kumukuujilamo ne,+

 8 (Bukuzhi* bwa bumi* bwabo, bwa mutengo mukatampe bingi

Kya kuba kechi bakonsha ne kwibupota ne);

 9 Pa kuba’mba akekale myaka ne myaka ne kubula kuya mu kimbo.*+

10 Umona’mba ne bantu ba maana nabo bafwa;

Bakosama ne babula milangwe bonse bafwa,+

Kabiji bunonshi bwabo bebushila bantu bangi.+

11 Mu michima yabo bakebesha’mba mazubo abo akekale myaka ne myaka,

Matente abo akekale kufika ne ku bisemi bya kulutwe.

12 Bino muntu nangwa wanema byepi, kechi ukekalanga kikupu ne;+

Aye kechi wanema kukila banyama bafwa ne.+

13 Abino byo byo kikala ku bantu bakosama+

Ne ku boba bebalondela, basekela mu byambo byabo byatu. (Selah)

Lufu lukebafunganga;

Muntu waoloka ukebalamanga+ mu kimye kya lukelo.

Bya kwibavulukilako byonse bikazhimañana;+

Kilende*+ kyo kikekala nzubo yabo,+ kechi kipango ne.

15 Bino Lesa ukankuula* ku bulume* bwa Kilende,*+

Mambo aye ukanzhikijila. (Selah)

16 Kange uchine na mambo a kuba’mba muntu wanonka,

Ne na mambo a kuba’mba bya buneme bya mu nzubo yanji byavula ne,

17 Mambo inge wafwa, kechi ukasendapo kintu nangwa kimo ne;+

Bunonshi bwanji kechi bukamulondela ne.+

20 Muntu ubula kukwatakanya kino, nangwa kya kuba wanemekwa,+

Kechi wanema kukila banyama bafwa ne.

50 Lesa wa balesa, Yehoba*+ waamba;

Waita ntanda

Kufuma kuselela juba kufika ne ko jizhikila.*

Kulutwe yanji kuji mujilo usokañana,+

Ne kinkunkwila kikatampe kyamuzhokoloka.+

 4 Wita jiulu ne ntanda,+

Kuba’mba achibile mambo bantu banji:+

 5 “Nkonkenyai pamo bantu bami ba kishinka,

Aba balayañana lulayañano ne amiwa kupichila mu kupana kitapisho.”+

 6 Jiulu jamba bololoke bwanji,

Mambo Lesa ye Mutonyi.+ (Selah)

 7 “Umvwai, anweba bantu bami, ne amiwa nsakwamba nenu;

Anweba bena Isalela nsakwimushinawina.+

 8 Kechi nemukajipila na mambo a bitapisho byenu,

Nangwa na mambo a milambo yenu yonse ya kusoka iji ku meso ami moba onse ne.+

 9 Kechi mbena kukeba kutambula ñombe mulume kufuma mu nzubo yenu,

Nangwa bambuzhi* kufuma mu bipaka byenu ne.+

10 Mambo banyama bonse ba mungye bo bami,+

Kuvwangakotu ne banyama bakaji bekala mu mitumba yonse.

11 Nayuka bañonyi bonse bekala mu mitumba;+

Ne banyama ba mungye ba kukankalwa kubala bonse bo bami.

12 Umvwe nafwa nzala, kechi nakonsha kwimulomba kajo ne,

Mambo mushiji ne bintu byonse bijipo byo byami.+

13 Nanchi nakonsha kuja nyama ya ñombe

Ne kutoma mashi a bambuzhi nyi?+

14 Panai kitapisho kya kusanta kwi Lesa,+

Ne kufikizha luchipo lwenu ku Mwine Wakila;+

15 Ngitai mu kimye kya malwa.+

“Ñanyi wa kupa luusa lwa kushimikizha mizhilo yami+

Nangwa kwamba pa lulayañano lwami?+

17 Mambo obewa washikwa kukufundako,*

Kabiji ulengulula byambo* byami.+

18 Inge wamona ngivi umuswisha,*+

Kabiji upwanañana na bankende.

19 Na kanwa kobe usampanya byambo byatama,

Kabiji lujimi wobe wayula na bujimbijimbi.+

20 Wikala na bantu bangi ne kwamba byatama pa mulongo wobe;+

Usolola bintu* byatama byuba mwana wa mulume wa bainobe.

21 Byo waubile bino bintu, amiwa nazhindaminetu,

Walangulukilenga’mba nkekala byonka byo uji.

Pano nsakukukajipila,

Kabiji nsakwamba pa mambo o wandenga.+

22 Langulukai pa kino anweba mwavulama Lesa,+

Pa kuba’mba mbule kwimutabaula kwa kubula ne wa kwimupokololako.

23 Awa upana kitapisho kya kusanta untumbijika,+

Ne yewa ulondela jishinda jawama,

Nkamulengela kumona lupulukilo lwa Lesa.”+

 2 Ngovwai bulongo ku bubi bwami,+

Ne kuntokesha ku mambo ami.+

 3 Mambo nayukishatu bulongo mizhilulwila yami,

Kabiji mambo ami aji ku meso ami* kimye kyonse.+

 4 Kine nemulenga mambo;+

Nauba kintu kyatama kwi anweba.+

Pa kuba’mba mwikale baoloka inge mwaamba

Kabiji mwikale baoloka mu kuchiba mambo.+

 5 Talai! Amiwa nasemenwe mu bubi,

Kabiji bamama bañimichile mu bundengamambo.*+

 6 Talai! Anweba musekela mu bukine buji mwine mukachi ka muchima;+

Funjishai muchima wami* maana a kine.

 7 Ntokeshai ku mambo ami na kakichi ka isopi, kuba’mba ngikale watoka;+

Ngovwai, kuba’mba ntoketu too kukila mabebe.+

 8 Ndengelai kumvwa jiwi ja lusekelo ne kusangalala,

Pa kuba’mba bikupa byo mwasansakenye bisangalale.+

 9 Ndekelaiko mambo ami,+

Ne kuzhimañanya* bubi bwami bonse.+

10 Anweba Lesa, lengai mwi amiwa muchima watoka,+

Kabiji bikai mwi amiwa milanguluko ipya,+ yashikimana.

11 Kange mumpange ku meso enu ne;

Kabiji kange muñangate mupashi wenu wazhila ne.

12 Mbwezhezhai lusekelo lo najinga nalo kimye kyo mwampulwishe;+

Nkwashai ngikale na muchima wa kwimukookela.*

13 Bantu bazhilulula mizhilo nkebafunjisha mashinda enu,+

Pa kuba’mba bandengamambo bakabwele kwi anweba.

14 Anweba Lesa, Lesa wa lupulukilo lwami,+ mpokololai ku mambo a mashi,+

Pa kuba’mba lujimi wami akambe na lusekelo pa bololoke bwenu.+

15 Anweba Yehoba, nswishai ñambe,

Kuba’mba kanwa kami kemutote.+

16 Mambo anweba kechi mukeba kitapisho ne, inge kyajinga byo byo, inge nemupakyo;+

Kechi musekela mu mulambo yense wa kusoka ne.+

17 Muchima walajika, kyo kitapisho kitokesha Lesa ku muchima;

Anweba Lesa, kechi mukakana* muchima walajika kabiji wa bulanda ne.+

18 Monka mwayila kyaswa muchima wenu, ubilai Ziona bintu byawama;

Shimikai masakwa a Yelusalema.

19 Kepo mukasekela mu bitapisho byo batapisha mu bololoke,

Bitapisho bya kusoka ne milambo yonse;

Kabiji bañombe balume bakalambulwa pa kya kusokelapo bitapisho kyenu.+

 2 Lujimi wobe, watwa nobe mpemuna,+

Ufuukula kuba bintu byatama ne mingilo ya bujimbijimbi.+

 3 Watemwa bintu byatama kukila bintu byawama,

Wamba bya bubela kukila kwamba bya kine. (Selah)

 4 Watemwa byambo byonse byatama,

Obewa lujimi wa bujimbijimbi!

 5 O ene mambo Lesa o akakuyokwelamo myaka ne myaka;+

Aye ukakukulumunamo ne kukufumyamo mu tente wobe;+

Ukakutupulamo mu kyalo kya bomi.+ (Selah)

 6 Bantu baoloka bakamonako ne kwikala na moyo,+

Kabiji mubi bakamuseka.+

 7 “Talai muntu wabujile kufyama* mwi Lesa,+

Bino waketekejile mu bunonshi bwanji bwavula+

Kabiji waketekejile* mu milanguluko* yanji yatama.”

 8 Pakuba amiwa nkekala nobe kichi kya maolivi kyafunkama kiji mu nzubo ya Lesa;

Naketekela mu butemwe bwa Lesa bubula kwaluka,+ myaka ne myaka.

 9 Nkemutotanga myaka ne myaka na mambo a kintu kyo mwauba;+

Ku meso a bakalume benu ba kishinka,

Nkaketekela mu jizhina jenu+ mambo jawama.

Byubilo byabo byabula koloka byatama kabiji bya bunya;

Kafwako nangwa umo uba byawama ne.+

 2 Bino Lesa mwiulu utala panshi pa baana ba bantu+

Kuba’mba amone inge pajipo uji na milangwe, kabiji inge pajipo ubena kukeba Yehoba.+

 3 Bonse basenduka;

Bonsetu batama.

Kafwako nangwa umo uba byawama ne,

Kafwako nangwa umotu ne.+

 5 Bino bakomvwa moyo mukatampe,

Moyo ye bakyangye* kumvwapo kala,

Mambo Lesa ukapalañanya bikupa bya boba babena kukulukuka.*

Yehoba byo akakonkanya bantu banji bo batwajile mu buzha,

Yakoba akasekele, kabiji Isalela akasangalale.

54 Anweba Lesa, mpulushai na mambo a jizhina jenu,+

Ne kunzhikijila*+ na bulume bwenu.

 2 Anweba Lesa, umvwai lulombelo lwami;+

Teshaiko muchima ku byambo bya mu kanwa kami.

 3 Mambo benyi bañimena,

Ne bantu bakanama babena kukeba bumi* bwami.+

 4 Talai! Lesa ye nkwasho wami;+

Yehoba uji na boba babena kunkwasha.*

 5 Balwanyi bami ukebafweta+ pa bubi bwabo bene;

Bavizhai* mu bukishinka bwenu.+

 7 Mambo aye umpokolola mu bya malwa byonse;+

Kabiji nkatalanga na lusekelo pa balwanyi bami.+

55 Anweba Lesa, telekai ku lulombelo lwami,+

Kabiji kange muvulañanyeko ku lulombelo lwami lwa kukeba kungubila lusa ne.*+

Bijikila byami bindengela kususuta,+

Kabiji nakakilwa bingi

 3 Na mambo a bintu bibena kwamba mulwanyi

Ne na mambo a kunkatazha ku muntu mubi.

Mambo batwajijila na kundetela makatazho,

Kabiji mu bukaji bwabo banshikwa.+

 4 Muchima wami uji bingi na bulanda,+

Ne bintu bileta lufu byamvujila.+

 5 Moyo ne kuzakama byamfikila,

Ne kuzakama kwankwata.

 8 Nakonsha kuya bukiji mwa kufyama

Kunyema kinkunkwila kikatampe.”

 9 Anweba Yehoba, bavulañanyai ne kulubankanya byo bakeba kuba,*+

Mambo namona bukapondo ne malwañano mu muzhi.

10 Mute ne bufuku bapitañana peulu ya masakwa anji;

Mwi aye muji byubilo byatama ne makatazho.+

11 Mukachi ka muzhi muji bono;

Lukabisho ne bujimbijimbi kechi bifumamo mu lubanza wanji ne.+

12 Mambo inge mulwanyi wami ye uñendeleka;+

Inge kechi natako muchima ne.

Mulwanyi kechi ye ubena kunkatazha ne;

Inge kyajinga bino, inge nafyama.

13 Bino ke obewa, muntu uji nobe amiwa,*+

Mulunda nami ye nayuka bulongo.+

14 Twajinga balunda bingi;

Twayilanga pamo ku nzubo ya Lesa na jibumba.

Baye mu Kilende* saka baji bomi;

Mambo bubi bwaikala mwi abo monka mukachi kabo.

16 Pakuba amiwa, nkeeta Yehoba Lesa,

Ne aye ukampulusha.+

17 Mabanga ne lukelo ne pa kushinkamana juba, ngikala na makatazho kabiji mbinza,*+

Ne aye umvwa jiwi jami.+

18 Aye ukampokolola* ku boba balwa ne amiwa,* kabiji ukangikazha mu mutende,

Mambo bañimena bavula.+

19 Lesa ukomvwa ne kwibakambula,+

Aye yenka waikala pa jitanda kufumatu ne kala kene.+ (Selah)

Bakakana kupimpula byubilo byabo,

Aba babula kwakamwa Lesa.+

20 Walukukile* boba bo aikalanga nabo mu mutende;+

Waonawine lulayañano lwanji.+

21 Byambo byanji byatezhima kukila bbata,+

Bino mu muchima wanji muji malwañano.

Byambo byanji byanekena kukila manyi,

Bino biji nobe mapoko o basomona+ mu kikwa.

22 Twika Yehoba kisendwa kyobe,+

Ne aye ukakukosesha.+

 2 Balwanyi bami bansumauna juba jonse;

Bavula balwa ne amiwa saka betota.

 4 Monka mwi Lesa—yenka ye ntoota byambo byanji—

Naketekela mwi Lesa; kechi nchina ne.

 5 Kimye kyonse bamba byatama pa bintu byo natemwa;

Balangulukatu kunguba byatama.+

 6 Bambelamina amba bandukuke;

Batalatala konse ko ngya,+

Kukeba amba bangipaye.*+

10 Monka mwi Lesa, mwina byambo byo ntoota,

Mwi Yehoba, mwina byambo byo ntoota,

11 Naketekela mwi Lesa; kechi nchina ne.+

12 Anweba Lesa, nkafikizha bintu byo nachipile kwi anweba;+

Nkatapisha kwi anweba bitapisho bya kusanta.+

13 Mambo amiwa* mwampokolola ku lufu+

Ne kuzhikijila maulu ami kubula kwituntula,+

Pa kuba’mba ntwajijile kwikala na bumi ne kwimwingijilanga anweba Lesa.+

57 Ngubilai lusa anweba Lesa, ngubilai lusa,

Mambo amiwa* nafyama mwi anweba,+

Kabiji nafyama mu kimfutele kya byapi byenu posotu ne makatazho onse byo akapwa.+

 2 Ngita Lesa Mwine Wakila,

Kwi Lesa wa kine, yenka umpwishisha makatazho.

 4 Nazhokolokwa* na mabokwe;+

Nkalaala pakachi ka bantu bakeba kunja,

Baji na meno aji nobe mafumo ne miketo

Kabiji baji na njimi iji nobe mapoko atwa.+

 5 Anweba Lesa, tumbijikwai mwiulu;

Lukumo lwenu lwikale pano pa ntanda ponse.+

 6 Bata bukonde amba maulu ami afwemo;+

Nanyeñama na mambo a bya malwa.+

Bapoya kimbo kulutwe yami,

Bino abo bene bo baponenamo.+ (Selah)

 7 Muchima wami washikimana, anweba Lesa,+

Muchima wami washikimana.

 9 Nkemutota mu mitundu ya bantu, anweba Yehoba;+

Nkemwimbila nyimbo ya kwimutota mu bisaka bya bantu.+

10 Mambo butemwe bwenu bubula kwaluka bwabaya, bwalepa nobe mwiulu,+

Ne bukishinka bwenu, bwafika ne mu makumbi.

11 Anweba Lesa, tumbijikwai mwiulu;

Lukumo lwenu lwikale pano pa ntanda ponse.+

 2 Bino anweba mulanguluka byatama mu michima yenu,+

Ne maboko enu akumbanya bukapondo mu kyalo.+

 3 Bantu babi baya mungi* kufumatu pa kusemwa;*

Basenduka mu jishinda, bo ba bubela kufumatu pa kusemwa.

 4 Byambo byabo biji nobe bulembe bwa miloolo;+

Bashinka matwi nobe kishipila ushinka mu matwi anji.

 5 Kechi uteleka ku jiwi ja bapanda manga ne,

Nangwa bwanga bwabo bushinte byepi.

 8 Bekale nobe kolokofwa usunguluka pa kwenda;

Bekale nobe kafuunga kabula kumona juba.

 9 Mapuki obe saka akyangye kumvwa kyuya kya kichi kya miba kibena kupya,

Lesa ukapalañanya misampi yatalala ne ibena kupya byonka byuba kinkunkwila.+

10 Muntu waoloka ukasekela pa kumona babi byo bakashinkanya nabo;+

Maulu anji akazoba na mashi a babi.+

59 Anweba Lesa, mpokololai ku balwanyi bami;+

Nzhikijilai ku boba bañimena.+

 2 Mpokololai ku bantu boba bintu byatama,

Ne kumpulusha ku bantu boba bya bukapondo.*

 3 Talai! Amiwa* bambelamina;+

Banabalume bakosa bandukuka

Anweba Yehoba, kechi kiji bino na mambo a kuba’mba nasatuka nangwa nalenga mambo ne.+

 6 Babwela kimye kyonse mabanga;+

Babuluma* nobe bakabwa+ ne kupitañana kishinshi mu muzhi.+

 7 Umvwai, bintu bilupuka* mu tunwa twabo;

Byatunwa byabo biji nobe mapoko,+

Mambo bamba’mba: “Ñanyi ubena kumvwa?”+

 8 Bino anweba Yehoba mukebaseka;+

Mukakosamika bisaka bya bantu byonse.+

 9 Anweba bulume bwami, nkemupembelelanga;+

Mambo Lesa ye kya kufyamamo* kyami kyakosa.+

10 Lesa ummwesha butemwe bubula kwaluka ukankwasha;+

Lesa ukandengela kusekela pa kutala balwanyi bami.+

Balengelai kupitañana na bulume bwenu;

Baponeshai, anweba Yehoba, jikebo jetu.+

12 Mambo balenga mambo mu byo bamba,

Bafwe mu bwitote bwabo,+

Na mambo a mafingo o bamba ne bujimbijimbi bwabo.

13 Bavizhai na bukaji bwenu;+

Bavizhai kuba’mba bazhimañane;

Balengelai kuyuka’mba Lesa ye ubena kulama mwi Yakoba kufika ne konse kwapela ntanda.+ (Selah)

14 Babwele mabanga;

Babulumenga* nobe bakabwa ne kupitañana kishinshi mu muzhi.+

15 Bapitañane na kukeba kajo;+

Kange mwibaleke bekute nangwa kutaana mpunzha pa kulaala ne.

16 Bino amiwa nkembanga pa bulume bwenu;+

Lukelo nkambanga na lusekelo pa butemwe bwenu bubula kwaluka.

Mambo mwi kya kufyamamo kyami kyakosa+

Kabiji mo mo nyemena mu kimye kya malwa.+

17 Anweba bulume bwami, nkembanga nyimbo ya kwimutota,+

Mambo Lesa ye kya kufyamamo kyami kyakosa, Lesa ummwesha butemwe bubula kwaluka.+

 4 Panai* kayukilo ku boba bemwakamwa

Pa kuba’mba banyeme ne kuleya buta bwa mukanda. (Selah)

 5 Pa kuba’mba aba bo mwatemwa bapuluke,

Tupulushai na kuboko kwenu kwa kilujo ne kwitukumbula.+

“Nkasangalala, nkapana Shekema kwikala kya buswanyi,+

Kabiji nkapima Kimpachiko* kya Sukota.+

 7 Mpunzha ya Gileada ne ya Manase+ yo yami,

Ne Efelaimu ye kampompo* ka ku mutwe wami;

Yuda yo ndondo ya kalama wami.+

10 Nanchi kechi anweba Lesa, yenka witukaine,

Lesa wetu, yenka waleka kukwasha nzhita yetu nenyi?+

11 Tukwashai mu bya malwa byetu,

Mambo kuketekela bantu kwitupulusha ko kwatu.+

12 Lesa uketupa bulume,+

Kabiji ukanyantaula balwanyi betu.+

 2 Nkemujijila kufuma konse kwapela ntanda

Muchima wami byo akakakilwa.*+

 3 Mambo anweba mwi kya kufyamamo kyami,

Kyamba kyakosa kinzhikijila ku mulwanyi.+

 4 Nkekala mwenyi mu tente wenu myaka ne myaka;+

Nkafyama mu kimfutele kya byapi byenu.+ (Selah)

 6 Mfumu mukamunungilako moba a bumi* bwanji,+

Ne myaka yanji ikekala pamo na myaka ya bisemi byavula.

 7 Ukekala myaka ne myaka pa jitanda ku meso a Lesa;+

Kambizhai* butemwe bwenu bubula kwaluka ne bukishinka, kuba’mba bimulamenga.+

 8 Kepo nkembanga nyimbo ya kutota jizhina jenu myaka ne myaka+

Byo nkafikizhanga pa juba pa juba bintu byo nachipile.+

 2 Kine, aye jo jibwe jami ne lupulukilo lwami, kyo kya kufyamamo* kyami kyakosa;+

Kechi nkakizhamo kutenkena ne.+

 4 Mambo bamuvwañena amba bamufumyepo pa kifulo* kyanji kya peulu;

Basekela bingi mu kwamba bubela.

 5 Kine, mpembelela Lesa saka natekanya*+

Mambo luketekelo lwami lufuma kwi aye.+

 6 Kine, aye jo jibwe jami ne lupulukilo lwami, kyo kya kufyamamo kyami kyakosa;

Kechi nkatenkena ne.+

 9 Baana ba bantu bajitu nobe muya,

Baana ba bantu kyo kya kufyamamo kya bubela.+

10 Kange muketekele mu bintu bya lunkanankana

Nangwa kuketekela mu bintu bya kwiba ne.

12 Ne butemwe bubula kwaluka bo bwenu, anweba Yehoba,+

Mambo anweba mufweta muntu monka mwayila byubilo byanji.+

Napungila* na mambo a kwimukebesha

Mu kyalo mwauma, mwabula mema.+

 2 Onkao mambo, nemumona mu mpunzha yazhila;

Namona bulume ne lukumo lwenu.+

 3 Mambo butemwe bwenu bubula kwaluka bwawama kukila bumi,+

Byatunwa byami bikemutumbijikanga.+

 4 Byonkabyo, nkemutotanga mu bwikalo bwami bonse;

Nkasuntwilanga maboko ami mu jizhina jenu.

 5 Naikuta* na kibese* kyawamisha,

Onkao mambo, nkemutota na jiwi ja lusekelo.+

 6 Nemuvuluka saka nji pa mwanya wami;

Ndanguluka languluka pe anweba mu bilo bya bufuku.+

 7 Mambo yenu nkwasho wami,+

Kabiji ñimba na lusekelo mu kimfutele kya byapi byenu.+

 8 Nakakachila* kwi anweba;

Kuboko kwenu kwa kilujo kwankwachijila.+

 9 Bino aba bakeba konauna bumi* bwami

Bakaya mu kalengwa ka bafu.

10 Bakafwa ku mpoko;

Bakekala ke kajo ka balubwala.

Muntu yense uchipila mu jizhina ja Lesa ukasangalala,*

Mambo tunwa twa boba bamba bubela baketuzhindamikapo.

 2 Nzhikijilai ku bintu byafyamika bilanguluka babi,+

Ne ku jibumba ja bangubabibi.

 3 Banona njimi yabo nobe mpoko;

Bashika byambo byabo byatama nobe miketo,

 4 Kuba’mba base muntu wabula mambo mu mapunzha mo bafyama;

Bamwasa ponkapotu, kwa kubula kuchina.

 5 Bakoselatu ku milanguluko* yabo yatama;

Besamba pa bya kuta bitewa byabo.

 6 Bakebakeba mashinda akwabo a kubilamo byatama;

Mu bufyamfya balanguluka pa mashinda abo a bujimuku;+

Bintu byo balanguluka mu michima yabo byakatazha kwibiyuka.

 7 Bino Lesa ukebasa;+

Kabiji ponkapotu muketo ukebakozha.

 8 Njimi yabo ikebalengela kupona;+

Aba bonse bakebamona bakapukunyangatu mitwe yabo.

 9 Kepo bantu bonse bakoba moyo,

Kabiji bakambanga pa bintu byauba Lesa,

Kabiji bakayuka mingilo yanji.+

10 Mololoke ukasangalela mwi Yehoba ne kufyama mwi aye;+

Bonse baoloka michima bakasangalala.*

65 Anweba Lesa, kutotwa kubena kwimupembelela mu Ziona;+

Tukafikizha bintu byo twachipile kwi anweba.+

 3 Bubi bwami bwamvujila,+

Bino anweba muvweta pa mizhilulwila yetu.+

 4 Ye mwine wa lusekelo ye musala ne kumuleta kwipi

Kuba’mba ekale mu bipango byenu.+

Tukatondwa na bintu byawama bya mu nzubo yenu,+

Nzubo yenu yazhila.+

 5 Anweba muketukumbula na mingilo ya kukumya ya bololoke,+

Anweba Lesa wa lupulukilo lwetu;

Anweba yenu baketekela bonse baji konse kwapela ntanda+

Ne boba baji kwalepa ku bushiya bwa kalunga ka mema.

 6 Anweba* mwaikajikile mitumba na bulume bwenu;

Anweba* muji na bulume bukatampe.+