Bisangilu bia Mudimu bua Kasuamansense

Lumingu lua dia 4 Kasuamansense

Musambu 147

Min. 10: Mamanyisha. Mamanyisha makumbanyine a mu Mudimu wetu wa Bukalenge.

Min. 17: “Dîyi dia mulayi dia Nzambi nedikumbane dionso!” Mbuelelu webe kafiki ku munite mujima to, pashishe utungunuke mu nkonko ne mandamuna. Angata amue malu masunguluke mu mukanda mupiamupia adi aleja tshidi bikondo bietu ebi biumvuija.

Min. 18: Ikalayi ne muoyo wa bibejibeji! Manyisha bungi busanga bua bibejibeji biabanya mu buambi ngondo mushale kudi bena mu tshisumbu. Bidi munyi patudi tubifuanyikija ne bungi bututumina kudi Société? Bikalaku dishilangana dinene, ntshinyi tshitudi ne bua kuenza? Lomba bateleji bua bele nseka pa malu adi alonda aa: (1) Mumanyishi yonso udi ne bua kulombesha bibejibeji bungi bukumbane kadi buakanyine. (2) Angata matuku a Disambombo onso bu matuku a bibejibeji. (3) Longolola ndongamu webe nkayebe wa buambi ne utekemu mudimu wa diabanya bibejibeji ngondo yonso. (4) Longolola dîba dia bungi dia kuenza buambi bua mu mpukapuka ne enza mudimu ne bibejibeji bua kutuadija diyuki. (5) Sungula biena-bualu bia pa buabi bua bangenda ne bena mudimu badi nangananga bamueneka ne: nebabisankidile. (6) Funda kakuyi ditupakana bibejibeji bionso biudi wabanya, ne enza njila webe wa diabanya bibejibeji, uluamu pa tshibidilu ne bibejibeji bipiabipia. (7) Kuata mudimu biakane ne bibejibeji bionso bia kale bua kabilu kuvulangana to. Fila bibejibeji bipiabipia ne leja biena-bualu bidi mua kukoka ntema ya bantu. Longolola manaya a tshilejilu abidi enzabu kudi muntu mukulumpe ne nsonga umue, yonso wa kudibu aleje bibejibeji mu mêyi makese.​—Tangila Mudimu wetu wa Bukalenge wa Tshisanga 1999, dibeji 7.

Musambu 105 ne disambila dia nkomenu.

Lumingu lua dia 11 Kasuamansense

Musambu 194

Min. 10: Mamanyisha. Luapolo lua konte.

Min. 15: Bidi tshisumbu tshikengela.

Min. 20: “Mushindu wa kupeta disanka dia bungi mu bisangilu.” Mu nkonko ne mandamuna. Fila bilejilu bisunguluke bia mushindu utudi mua kulejangana kanemu ne kukankamijangana mu bisangilu. Lomba bateleji bua bafile bilejilu bia mu malu adibu bamone buobu bine.

Musambu 152 ne disambila dia nkomenu.

Lumingu lua dia 18 Kasuamansense

Musambu 196

Min. 10: Mamanyisha ne malu mamonamona mu buambi.

Min. 13: “Udi ujinga kumuangala anyi?” Muyuki udi ukankamija muenza kudi sekretere. Padi bamanyishi bamona ne: bidi bikengela kuya mu tshisumbu tshikuabu, bidi ne mushinga bua kuibidilanganabu bimpe ne muaba wabu mupiamupia bua kuepuka dishadila panyima dia mu nyuma dia mishindu yonso. Shindika ne: bidi bikengela kumanyisha bakulu mapangadika a nunku ne kulomba diambuluisha diabu bua kupetangana ne tshisumbu tshipiatshipia.

Min. 22: “Ntshinyi tshiwambila muena Yuda?” Mu nkonko ne mandamuna. Umvuija dishilangana didi pankatshi pa Buena-Yuda bua Ortodokse, Buena-Yuda buakajilula ne Buena-Yuda budi bulame mitabuja a kale. (Tangila L’humanité à la recherche de Dieu, mabeji 226-227.) Amba malu atudi mua kutela mu miyuki bua kupetangana ku mêyi ne muena Yuda. Enzayi dinaya dia tshilejilu dilongolola bimpe. Bua kupeta mamanyisha a bungi pa Buena-Yuda, tangila tshisakidila tshia Mudimu wetu wa Bukalenge wa Luabanya 1998; mukanda wa Comment raisonner, mabeji 22-23 anyi broshire wa Mua kutuadija ne kutungunuka ne mayuki pa Bible mabeji 14-15; ne L’humanité à la recherche de Dieu, nshapita 9.

Musambu 142 ne disambila dia nkomenu.

Lumingu lua dia 25 Kasuamansense

Musambu 179

Min. 15: Mamanyisha. Ambuluisha bantu bonso bua kudilongolola bua kufila broshire wa Utulomba anyi mukanda wa Dimanya mu Kasuabanga. Umvuija mushindu wa kulongolola muyuki muashila pa lukonko elu: “Nzambi utu wandamuna masambila anyi?” Udikuatshishe ne malu adi mu dilongesha 7 mu broshire anyi mu nshapita 16, bikoso 12-14, mu mukanda. Enzayi dinaya dia tshilejilu dimue didi ne mvese wa kubala.

Min. 15: Mushindu wa kupeta mandamuna ku nkonko ya mu Bible. Mumanyishi kampanda udi mupete muntu udi musankidile bulelela mu buambi ne mumuele lukonko pa Bible, udi ulomba musadidi wa mudimu kansanga bua amuambuluishe. Pamutu pa kumupa diandamuna, musadidi wa mudimu eu udi umumvuija mushindu wa kudipeta. Tshia kumpala, udi ubalulula ngenyi mifila mu mukanda wa Manuel pour l’École, dilonga 7, bikoso 8-9. Pashishe, badi benza pamue makebulula pa lukonko lumue lutu bantu batamba kuela mu teritware wabu. Badi bakeba malu masunguluke adi umvuangana ne tshiena-bualu ne bapeta mumvuija adi atuisha ne atokesha tshidibu bafidile diandamuna dia mu Bible edi. Kankamija bateleji bua kuenza dilonga dia mushindu eu didi ne bipeta bimpe bua kukeba malu pa nkonko miela pa Bible.

Min. 15: Bipatshila bitudi mua kudifundila. Muyuki ne diyukidilangana ne bateleji. Konkononayi bipatshila biakanyine bileja mu kazubu kadi mu dibeji 11 dia Tshibumba tshia Nsentedi tshia dia 15 Luabanya 1997. Buejamu dikankamija dia kuenza bumpanda-njila buambuluishi anyi bua pa tshibidilu. Umvuija mushindu udi dikumbaja bipatshila ebi mua kutupetesha diakalenga. Lomba bateleji bua balonde amue masanka avuabu bapete pavuabu ne mushindu wa kukumbaja bimue bipatshila bia teokrasi.

Musambu 151 ne disambila dia nkomenu.