Esdra*

1 U fl-​ewwel sena taʼ Ċiru,+ is-​sultan tal-​Persja, biex titwettaq il-​kelma taʼ Ġeħova minn fomm Ġeremija,+ Ġeħova qanqal+ l-​ispirtu taʼ Ċiru, is-​sultan tal-​Persja, u b’hekk dan ħareġ proklama+ biex tinstemaʼ mar-​renju kollu tiegħu, u saħansitra saret bil-​kitba,+ li tgħid:

2 “Hekk qal Ċiru,+ is-​sultan tal-​Persja, ‘Ġeħova, l-​Alla tas-​smewwiet,+ tani+ s-​saltniet kollha taʼ l-​art, u hu stess inkarigani biex nibnilu dar f’Ġerusalemm,+ li qiegħda f’Ġuda. 3 Kulmin hemm fostkom mill-​poplu kollu tiegħu, jalla Alla tiegħu jkun miegħu.+ Għalhekk, ħa jitlaʼ Ġerusalemm, li qiegħda f’Ġuda, u jibni mill-​ġdid id-​dar taʼ Ġeħova li kienet f’Ġerusalemm,+ id-​dar taʼ l-​Alla taʼ Israel—dan hu l-​Alla l-​veru.+ 4 U kulmin fadal mill-​postijiet kollha fejn qed joqgħod bħala barrani,+ ħa jgħinuh in-​nies tal-​post tiegħu billi jagħtuh fidda u deheb u provvisti u annimali domestiċi flimkien maʼ l-​offerta volontarja+ għad-​dar taʼ l-​Alla l-​veru, li kienet f’Ġerusalemm.’”

5 Imbagħad il-​kapijiet+ taʼ missirijiet Ġuda u Benjamin u l-​qassisin u l-​Leviti, kulmin l-​ispirtu+ tiegħu tqanqal mill-​Alla l-​veru, qamu biex jitilgħu u jibnu mill-​ġdid id-​dar taʼ Ġeħova,+ li kienet f’Ġerusalemm. 6 U dawk kollha li kienu madwarhom appoġġawhom+ billi tawhom għodod tal-​fidda, deheb, provvisti, annimali domestiċi, u affarijiet mill-​aqwa, minbarra dak kollu li offrew minn rajhom.+

7 Ukoll, is-​Sultan Ċiru ġab l-​għodod tad-​dar taʼ Ġeħova,+ li Nebukadnessar kien ħareġ minn Ġerusalemm+ u kien poġġiehom fid-​dar taʼ l-​alla tiegħu.+ 8 U Ċiru, is-​sultan tal-​Persja, ħariġhom fil-​kontroll taʼ Mitredat, it-​teżorier, u għaddhom lil Sesbassar,*+ il-​kap tat-​tribù taʼ Ġuda.+

9 Issa dan hu l-​għadd tagħhom: tletin qoffa tad-​deheb, elf qoffa tal-​fidda, disgħa u għoxrin reċipjent ieħor, 10 tletin skutella+ żgħira tad-​deheb, erbaʼ mija u għaxar skutelli żgħar tal-​fidda taʼ tip differenti, u elf għodda oħra. 11 L-għodod kollha tad-​deheb u l-​fidda kienu ħamest elef u erbaʼ mija. Sesbassar+ ħa dan kollu miegħu meta ħareġ lill-​poplu eżiljat+ minn Babilonja u tellgħu Ġerusalemm.

2 U dawn kienu wlied il-​provinċja+ li telgħu mill-​jasar tal-​poplu eżiljat,+ li Nebukadnessar, is-​sultan taʼ Babilonja, kien ħa fl-​eżilju+ f’Babilonja u li iktar tard marru lura+ lejn Ġerusalemm u Ġuda,+ kull wieħed lejn beltu; 2 dawk li ġew maʼ Żerubbabel,+ Ġeswa,*+ Neħemija, Seraja,+ Regħlaja, Mordekaj, Bilsan, Mispar, Bigwaj, Reħum, Bagħnah.

L-għadd taʼ l-​irġiel tal-​poplu taʼ Israel: 3 Ulied Pargħos,+ elfejn, mija u tnejn u sebgħin; 4 ulied Sefatija,+ tliet mija u tnejn u sebgħin; 5 ulied Araħ,+ sebaʼ mija u ħamsa u sebgħin; 6 ulied Paħat-mowab,*+ minn ulied Ġeswa u Ġowab,+ elfejn, tmien mija u tnax; 7 ulied Għelam,+ elf, mitejn u erbgħa u ħamsin; 8 ulied Żattu,+ disaʼ mija u ħamsa u erbgħin; 9 ulied Żakkaj,+ sebaʼ mija u sittin; 10 ulied Bani,*+ sitt mija u tnejn u erbgħin; 11 ulied Bebaj,+ sitt mija u tlieta u għoxrin; 12 ulied Għażgad,+ elf, mitejn u tnejn u għoxrin; 13 ulied Adonikam,+ sitt mija u sitta u sittin; 14 ulied Bigwaj,+ elfejn u sitta u ħamsin; 15 ulied Għadin,+ erbaʼ mija u erbgħa u ħamsin; 16 ulied Ater,+ minn dar Ħeżekija, tmienja u disgħin; 17 ulied Bezaj,+ tliet mija u tlieta u għoxrin; 18 ulied Ġoraħ,* mija u tnax; 19 ulied Ħasum,+ mitejn u tlieta u għoxrin; 20 ulied Gibbar,*+ ħamsa u disgħin; 21 ulied Betlehem,+ mija u tlieta u għoxrin; 22 l-irġiel taʼ Netofa,+ sitta u ħamsin; 23 l-irġiel t’Għanatot,+ mija u tmienja u għoxrin; 24 ulied Għażmawet,+ tnejn u erbgħin; 25 ulied Kirjat-ġegħarim,+ Kefira, u Birot, sebaʼ mija u tlieta u erbgħin; 26 ulied Rama+ u Geba,+ sitt mija u wieħed u għoxrin; 27 l-irġiel taʼ Mikmas,+ mija u tnejn u għoxrin; 28 l-irġiel taʼ Betel+ u Għaj,+ mitejn u tlieta u għoxrin; 29 ulied Nebo,*+ tnejn u ħamsin; 30 ulied Magbis, mija u sitta u ħamsin; 31 ulied Għelam+ l-​ieħor, elf, mitejn u erbgħa u ħamsin; 32 ulied Ħarim,+ tliet mija u għoxrin; 33 ulied Lod,+ Ħadid,+ u Ono,+ sebaʼ mija u ħamsa u għoxrin; 34 ulied Ġeriko,+ tliet mija u ħamsa u erbgħin; 35 ulied Senagħa,+ tlett elef, sitt mija u tletin.

36 Il-qassisin:+ Ulied Ġedaja+ minn dar Ġeswa,+ disaʼ mija u tlieta u sebgħin; 37 ulied Immer,+ elf u tnejn u ħamsin; 38 ulied Pasħur,+ elf, mitejn u sebgħa u erbgħin; 39 ulied Ħarim,+ elf u sbatax.

40 Il-Leviti:+ Ulied Ġeswa+ u Kadmijel,+ minn ulied Ħodawija,+ erbgħa u sebgħin. 41 L-għannejja, ulied Asaf,+ mija u tmienja u għoxrin. 42 Ulied l-​għassiesa tal-​bibien, ulied Sallum,+ ulied Ater,+ ulied Talmon,+ ulied Għakkub,+ ulied Ħatita,+ ulied Sobaj, b’kollox, mija u disgħa u tletin.

43 In-Netinin:*+ Ulied Siħa, ulied Ħasufa, ulied Tabbagħot,+ 44 ulied Keros, ulied Sigħaħa, ulied Padon,+ 45 ulied Lebana, ulied Ħagaba, ulied Għakkub, 46 ulied Ħagab, ulied Salmaj,+ ulied Ħanan, 47 ulied Giddel, ulied Gaħar,+ ulied Regħaja, 48 ulied Resin,+ ulied Nekoda, ulied Gażżam,49 ulied Użża, ulied Pasegħa,+ ulied Besaj, 50 ulied Asna, ulied Megħunim, ulied Nefusim;+ 51 ulied Bakbuk, ulied Ħakufa, ulied Ħarħur,+ 52 ulied Baslut, ulied Meħida, ulied Ħarsa,+ 53 ulied Barkos, ulied Sisera, ulied Tamaħ,+ 54 ulied Nesija, ulied Ħatifa.+

55 Ulied il-​qaddejja taʼ Salamun:+ Ulied Sotaj, ulied Soferet, ulied Peruda,+ 56 ulied Ġagħlah, ulied Darkon, ulied Giddel,+ 57 ulied Sefatija, ulied Ħattil, ulied Pokeret-ħassebajim, ulied Ami.+

58 In-Netinin+ u wlied il-​qaddejja taʼ Salamun kollha kienu tliet mija u tnejn u disgħin.+

59 U dawn kienu li telgħu minn Tel-melaħ, Tel-ħarsa, Kerub, Addon u Immer, u ma setgħux jgħidu liema kienet dar missirijiethom u l-​oriġini+ tagħhom, jekk kinux minn Israel: 60 ulied Delaja, ulied Tobija, ulied Nekoda,+ sitt mija u tnejn u ħamsin. 61 U minn ulied il-​qassisin:+ ulied Ħabaja, ulied Ħakkos,+ ulied Barżillaj,+ li ħa b’martu waħda mill-​bniet taʼ Barżillaj,+ il-​Gilegħadi, u beda jissejjaħ b’isimhom. 62 Dawn kienu li fittxew ir-​reġistru tagħhom biex jistabbilixxu pubblikament il-​ġenealoġija tagħhom, u ma sabuhx, u għalhekk kienu meqjusin bħala mniġġsin u ma setgħux ikunu qassisin.+ 63 Għaldaqstant, it-​Tirsata*+ qalilhom li ma setgħux jieklu+ mill-​affarijiet l-​iktar imqaddsin sakemm ikun hemm qassis bl-​Urim+ u t-​Tummim.

64 Il-kongregazzjoni kollha bħala ġemgħa+ kienet tgħodd tnejn u erbgħin elf, tliet mija u sittin ruħ,+ 65 minbarra l-​ilsiera tagħhom irġiel u nisa, li kienu sebat elef, tliet mija u sebgħa u tletin ruħ; u kellhom mitejn għannej,+ irġiel u nisa. 66 Żwiemel kellhom sebaʼ mija u sitta u tletin, bgħula mitejn u ħamsa u erbgħin,+ 67 iġmla erbaʼ mija u ħamsa u tletin, u ħmir sitt elef, sebaʼ mija u għoxrin.+

68 U meta xi wħud mill-​kapijiet+ tal-​familji min-​naħa tal-​missier+ ġew lejn id-​dar taʼ Ġeħova,+ li kienet f’Ġerusalemm,+ għamlu offerti volontarji+ għad-​dar taʼ l-​Alla l-​veru, ħalli terġaʼ titlaʼ fil-​post+ fejn kienet qabel. 69 Skond kemm kienu jistgħu, taw deheb+ għall-​provvisti tax-​xogħol, wieħed u sittin elf drakma,* u fidda,+ ħamest elef mina, u mitt libsa twila+ tal-​qassisin. 70 U l-​qassisin u l-​Leviti u xi wħud mill-​poplu,+ l-​għannejja u l-​għassiesa tal-​bibien u n-​Netinin marru joqogħdu fi bliethom, u l-​Israelin kollha marru fi bliethom.+

3 Meta wasal is-​sebaʼ+ xahar ulied Israel kienu fi bliethom. U n-​nies bdew jinġabru bħal bniedem wieħed+ f’Ġerusalemm.+ 2 U Ġeswa,+ bin Ġeħosadak, u ħutu l-​qassisin u Żerubbabel,+ bin Saltijel,+ u ħutu qamu u bdew jibnu l-​artal taʼ l-​Alla taʼ Israel biex joffru fuqu sagrifiċċji tal-​ħruq skond kif hemm miktub+ fil-​liġi taʼ Mosè, il-​bniedem taʼ l-​Alla l-​veru.

3 Għalhekk, waqqfu l-​artal fil-​post+ fejn kien qabel, għax waqaʼ biżaʼ fuqhom minħabba n-​nies tal-​pajjiżi+ l-​oħrajn, u bdew joffru fuqu sagrifiċċji tal-​ħruq lil Ġeħova, is-​sagrifiċċji tal-​ħruq taʼ fil-​għodu u taʼ fil-​għaxija.+ 4 Imbagħad iċċelebraw il-​festa taʼ l-​għerejjex,+ skond kif hemm miktub,+ bis-​sagrifiċċji tal-​ħruq jum wara l-​ieħor bl-​għadd skond ir-​regola taʼ x’kellu jsir kull ġurnata.+ 5 Wara kien hemm l-​offerta tal-​ħruq+ li ssir regolarment u l-​offerta għal kull qamar+ ġdid u għall-​istaġuni tal-​festi+ mqaddsin kollha taʼ Ġeħova u għal kulmin offra minn rajh offerta volontarja+ lil Ġeħova. 6 Mill-ewwel jum tas-​sebaʼ xahar+ ’il quddiem bdew joffru sagrifiċċji tal-​ħruq lil Ġeħova, meta lanqas biss kien għadu tqiegħed il-​pedament tat-​tempju taʼ Ġeħova.

7 U taw il-​flus+ lil dawk li jaqtgħu l-​ġebel+ u lin-​nies tas-​sengħa,+ u affarijiet taʼ l-​ikel,+ xorb, u żejt+ lis-​Sidonin+ u lit-​Tirin,+ biex iġibu l-​injam taċ-​ċedru mil-​Libanu+ bil-​baħar sa Ġaffa,+ skond il-​permess li kien tahom Ċiru,+ is-​sultan tal-​Persja.

8 Issa fit-​tieni sena wara li ġew lejn id-​dar taʼ l-​Alla l-​veru f’Ġerusalemm, fit-​tieni xahar,+ Żerubbabel,+ bin Saltijel,+ u Ġeswa,+ bin Ġeħosadak, u l-​bqija taʼ ħuthom, il-​qassisin u l-​Leviti, u dawk kollha li kienu ħarġu mill-​jasar+ u marru Ġerusalemm, bdew ix-​xogħol; u ħatru lil-​Leviti+ minn għoxrin sena ’l fuq bħala mgħallmin fuq ix-​xogħol tad-​dar taʼ Ġeħova.+ 9 Għalhekk, Ġeswa,+ uliedu u ħutu, u Kadmijel u wliedu, ulied Ġuda,* qamu bħala grupp wieħed taʼ mgħallmin fuq dawk li jieħdu ħsieb ix-​xogħol fid-​dar taʼ l-​Alla l-​veru, kif ukoll ulied Ħenadad,+ uliedhom u ħuthom il-​Leviti.

10 Meta l-​bennejja qiegħdu l-​pedament+ tat-​tempju taʼ Ġeħova, imbagħad il-​qassisin lebsin ilbies+ uffiċjali u bit-​trumbetti+ f’idejhom, flimkien mal-​Leviti, ulied Asaf,+ biċ-​ċimbali,+ qamu biex ifaħħru lil Ġeħova kif kien ikkmanda+ David, is-​sultan taʼ Israel. 11 U bdew iwieġbu billi jfaħħru+ u jroddu ħajr lil Ġeħova, “għax hu tajjeb,+ għax il-​qalb tajba bl-​imħabba tiegħu lejn Israel hi għal dejjem.”*+ U n-​nies kollha għajtu għajta+ kbira taʼ tifħir lil Ġeħova għaliex tqiegħed il-​pedament tad-​dar taʼ Ġeħova. 12 U ħafna mill-​qassisin+ u l-​Leviti u l-​kapijiet tal-​familji min-​naħa tal-​missier,+ ix-​xjuħ li kienu raw id-​dar+ taʼ qabel, kienu qed jibku u jolfqu+ x’ħin raw b’għajnejhom it-​tqegħid tal-​pedament+ taʼ din id-​dar, waqt li ħafna oħrajn bdew jgħollu leħinhom u jgħajtu bil-​ferħ.+ 13 B’hekk, in-​nies ma setgħux jiddistingwu bejn il-​ħoss taʼ l-​għajat taʼ ferħ+ u l-​ħoss tal-​biki tan-​nies, għax in-​nies kienu qed jgħajtu għajat kbir u l-​ħoss kien jinstemaʼ saħansitra mill-​bogħod ħafna.

4 Meta l-​avversarji+ taʼ Ġuda u Benjamin semgħu li wlied l-​Eżilju+ kienu qed jibnu tempju lil Ġeħova, l-​Alla taʼ Israel, 2 huma avviċinaw minnufih lil Żerubbabel+ u lill-​kapijiet+ tal-​familji min-​naħa tal-​missier u qalulhom: “Ħa nibnu magħkom;+ għax bħalkom aħna nfittxu lil Alla+ tagħkom u ilna noffrulu sagrifiċċji minn żmien Esar-ħaddon,+ is-​sultan taʼ l-​Assirja, li tellagħna hawnhekk.”+ 3 Madankollu, Żerubbabel u Ġeswa+ u l-​bqija tal-​kapijiet+ tal-​familji taʼ Israel, min-​naħa tal-​missier, qalulhom: “Intom m’għandkomx dritt tibnu magħna dar għal Alla tagħna,+ għax aħna stess se nibnu flimkien dar għal Ġeħova, l-​Alla taʼ Israel, bħalma kkmandana s-​Sultan Ċiru,+ is-​sultan tal-​Persja.”

4 Minħabba f’hekk, in-​nies tal-​pajjiż kienu l-​ħin kollu jiskuraġġixxu+ lin-​nies taʼ Ġuda u jaqtgħulhom qalbhom biex ma jkomplux jibnu,+ 5 u qabbdu+ lil xi nies esperti kontrihom biex bil-​pariri tagħhom iġibu fix-​xejn l-​iskop tan-​nies taʼ Ġuda matul il-​jiem kollha taʼ Ċiru, is-​sultan tal-​Persja, sar-​renju taʼ Darju,+ is-​sultan tal-​Persja. 6 U fir-​renju t’Aħasweru, fil-​bidu taʼ saltnatu, kitbu akkuża+ kontra l-​abitanti taʼ Ġuda u Ġerusalemm. 7 Ukoll, fi żmien Artaserse, Bislam, Mitredat, Tabel u l-​bqija taʼ sħabu kitbu lil Artaserse, is-​sultan tal-​Persja, u l-​ittra ġiet maqluba għall-​Aramajk+ u miktuba bl-​alfabet Aramajk.

8* Imbagħad Reħum, l-​uffiċjal ewlieni tal-​gvern, u Simsaj l-​iskriba kitbu ittra kontra Ġerusalemm lis-​Sultan Artaserse, kif ġej: 9 Mingħand Reħum,+ l-​uffiċjal ewlieni tal-​gvern, u Simsaj l-​iskriba u l-​bqija taʼ sħabhom, l-​imħallfin u l-​gvernaturi minuri min-​naħa l-​oħra tax-​Xmara,*+ is-​segretarji,+ in-​nies t’Erek,+ il-​Babiloniżi,+ l-​abitanti taʼ Susa,+ jiġifieri, l-​Għelamin,+ 10 u l-​bqija tal-​ġnus+ li ttieħdu fl-​eżilju mill-​kbir u l-​onorabbli Asenaffar*+ u ġegħelhom joqogħdu fil-​bliet tas-​Samarija,+ u l-​oħrajn lil hinn mix-​Xmara, ——; u 11 din hi kopja taʼ l-​ittra li bagħtu:

“Lis-​Sultan Artaserse,+ il-​qaddejja tiegħek, in-​nies lil hinn mix-​Xmara: Issa 12 ħa jkun jaf is-​sultan li l-​Lhud li telgħu hawnhekk mingħandek għal għandna ġew Ġerusalemm. Huma qed jibnu l-​belt ribelluża u ħażina, u qed ilestu s-​swar+ u jsewwu l-​pedamenti. 13 Issa ħa jkun jaf ukoll is-​sultan li, jekk din il-​belt terġaʼ tinbena u jitlestew is-​swar tagħha, huma la jagħtu taxxa,+ la ħaraġ,+ u lanqas ħlas, u dan jikkaġuna telf lit-​teżoreriji+ tas-​slaten. 14 Issa peress li aħna nirċievu s-​salarju mill-​palazz,* u m’huwiex xieraq għalina li naraw lis-​sultan jiġi mneżżaʼ minn ġidu, bgħatna ngħarrfu b’dan lis-​sultan, 15 sabiex isir tiftix fi ktieb it-​tifkiriet+ taʼ l-​antenati tiegħek. Hemm se ssib u tkun taf li din hi belt ribelluża u tikkaġuna telf lis-​slaten u lill-​provinċji, u sa mill-​qedem kien hemm fiha nies li qajmu r-​rewwixti. Kien għalhekk li din il-​belt saret ħerba.+ 16 Aħna qed ngħarrfu lis-​sultan li, jekk din il-​belt terġaʼ tinbena u s-​swar tagħha jitlestew, int żgur li ma jkollok ebda sehem lil hinn mix-​Xmara.”+

17 Is-sultan bagħat jgħid lil Reħum,+ l-​uffiċjal ewlieni tal-​gvern, u lil Simsaj l-​iskriba u lill-​bqija taʼ sħabhom+ li kienu joqogħdu fis-​Samarija u l-​oħrajn lil hinn mix-​Xmara:

“Sliem!+ U issa 18 d-dokument uffiċjali li bgħattulna nqara b’mod ċar quddiemi. 19 Għalhekk, ħriġt ordni u sar tiftix+ u nstab li sa mill-​qedem din il-​belt qamet kontra s-​slaten u fiha twettqu ribelljonijiet u rewwixti.+ 20 U kien hemm slaten b’saħħithom+ jaħkmu fuq Ġerusalemm u jiggvernaw lil kulħadd lil hinn mix-​Xmara,+ u t-​taxxa, il-​ħaraġ, u l-​ħlas kienu jingħataw lilhom.+ 21 Issa oħorġu ordni biex dawn l-​irġiel b’saħħithom jieqfu, ħalli l-​belt ma terġax tinbena sakemm noħroġ l-​ordni jien. 22 Għalhekk, oqogħdu attenti li tfittxu taġixxu f’dan ir-​rigward, biex ma tiżdiedx il-​ħsara għad-​dannu tas-​slaten.”+

23 Wara li l-​kopja tad-​dokument uffiċjali tas-​Sultan Artaserse nqrat quddiem Reħum+ u Simsaj+ l-​iskriba u sħabhom,+ dawn telqu bl-​għaġla lejn Ġerusalemm għand il-​Lhud u waqqfuhom bil-​forza.+ 24 Kien dakinhar li waqaf ix-​xogħol tad-​dar t’Alla, li kienet f’Ġerusalemm; u baqaʼ wieqaf sat-​tieni sena tar-​renju taʼ Darju,+ is-​sultan tal-​Persja.

5 U l-​profeta Ħaggaj+ u l-​profeta Żakkarija,+ li nannuh kien Iddo,+ ipprofetizzaw lil-​Lhud li kienu f’Ġuda u f’Ġerusalemm f’isem+ l-​Alla taʼ Israel li kien magħhom.+ 2 Kien f’dan iż-​żmien li qamu Żerubbabel,+ bin Saltijel,+ u Ġeswa,+ bin Ġeħosadak, u bdew jibnu mill-​ġdid id-​dar t’Alla, li kienet f’Ġerusalemm; u magħhom kien hemm il-​profeti+ t’Alla jgħinuhom. 3 Dak iż-​żmien ġew għandhom Tattenaj+ il-​gvernatur lil hinn mix-​Xmara+ u Setar-bożnaj u sħabhom, u qalulhom hekk: “Min takom l-​ordni biex tibnu din id-​dar u tlestu dan il-​bini bl-​injam?”+ 4 Imbagħad qalulhom: “X’jisimhom l-​irġiel b’saħħithom li qed jibnu dan il-​bini?” 5 Imma għajnejn+ Alla tagħhom kienu fuq+ ix-​xjuħ tal-​Lhud, u ma waqqfuhomx sa ma r-​rapport setaʼ jmur għand Darju u mbagħad jintbagħat lura dokument uffiċjali dwar dan.

6 Din hi kopja+ taʼ l-​ittra li ntbagħtet lis-​Sultan Darju minn Tattenaj+ il-​gvernatur lil hinn mix-​Xmara+ u Setar-bożnaj+ u sħabu,+ il-​gvernaturi minuri li kienu lil hinn mix-​Xmara; 7 bagħtulu l-​ittra, u fiha kien hemm miktub hekk:

“Lis-​Sultan Darju:

“Kull sliem!+ 8 Ħa jkun jaf is-​sultan li aħna morna fil-​provinċja+ taʼ Ġuda, lejn dar Alla+ l-​kbir, u din qed tinbena b’ġebel li jitqiegħed f’postu billi jgerbuh, u qed jitqiegħed l-​injam fil-​ħitan; u x-​xogħol qed isir bil-​ħeġġa u miexi ’l quddiem f’idejhom. 9 Imbagħad staqsejna lil dawn ix-​xjuħ u għednielhom hekk: ‘Min takom l-​ordni biex tibnu din id-​dar u tlestu dan il-​bini bl-​injam?’+ 10 U staqsejniehom ukoll x’jisimhom, sabiex ngħarrfuk, ħalli niktbu l-​ismijiet taʼ l-​irġiel b’saħħithom li qed imexxuhom.+

11 “U huma wieġbu u qalulna hekk: ‘Aħna l-​qaddejja taʼ l-​Alla tas-​smewwiet u taʼ l-​art,+ u qed nerġgħu nibnu d-​dar li kienet inbniet ħafna snin ilu u li nbniet u tlestiet+ minn sultan kbir taʼ Israel. 12 Madankollu, peress li missirijietna inkorlaw+ lill-​Alla tas-​smewwiet, hu tahom+ f’id Nebukadnessar,+ is-​sultan taʼ Babilonja, il-​Kaldew,+ u dan ġarraf din id-​dar+ u ħa lin-​nies fl-​eżilju f’Babilonja.+ 13 Minkejja dan, fl-​ewwel sena li beda jsaltan, Ċiru,+ is-​sultan taʼ Babilonja, ħareġ ordni biex terġaʼ tinbena din id-​dar t’Alla.+ 14 Barra minn hekk, ir-​reċipjenti+ tad-​deheb u l-​fidda tad-​dar t’Alla li Nebukadnessar kien ħareġ mit-​tempju, li kien f’Ġerusalemm, u ġabhom fit-​tempju taʼ Babilonja,+ is-​Sultan Ċiru+ ħariġhom mit-​tempju taʼ Babilonja u tahom lil wieħed jismu Sesbassar,+ li kien għamlu gvernatur.+ 15 U lil dan qallu: “Ħu dawn ir-​reċipjenti.+ Mur poġġihom fit-​tempju li qiegħed f’Ġerusalemm, u ħa terġaʼ tinbena d-​dar t’Alla f’postha.”+ 16 Meta ġie dan Sesbassar, hu qiegħed il-​pedamenti tad-​dar t’Alla,+ li qiegħda f’Ġerusalemm; u minn dakinhar s’issa qed terġaʼ tinbena imma għadha ma tlestietx.’+

17 “U issa jekk is-​sultan jidhirlu li hu tajjeb, ħa jsir tiftix+ f’dar it-​teżori tas-​sultan li qiegħda hemmhekk f’Babilonja, jekk hux veru li s-​Sultan Ċiru ħareġ ordni+ biex terġaʼ tinbena din id-​dar t’Alla f’Ġerusalemm; u ħa jibagħtilna s-​sultan id-​deċiżjoni tiegħu dwar dan.”

6 Kien f’dan iż-​żmien li s-​Sultan Darju ħareġ ordni, u sar tiftix f’dar l-​arkivji+ tat-​teżori merfugħin hemmhekk f’Babilonja. 2 U f’Ekbatana, fil-​post fortifikat li kien fil-​provinċja tal-​Medja,+ instab romblu li fih kien hemm miktub messaġġ li jgħid hekk:

3 “Fl-​ewwel sena li beda jsaltan, is-​Sultan Ċiru+ ħareġ ordni dwar id-​dar t’Alla f’Ġerusalemm: Ħa tinbena mill-​ġdid id-​dar bħala l-​post fejn huma għandhom joffru s-​sagrifiċċji,+ u l-​pedamenti tagħha għandhom jiġu ssodati; l-​għoli tagħha jkun sittin kubitu, u l-​wisaʼ tagħha sittin kubitu,+ 4 bi tliet filati ġebel li jitqiegħed f’postu billi jgerbuh,+ u filata waħda injam;+ u l-​ispiża għandha titħallas mid-​dar tas-​sultan.+ 5 Barra minn hekk, ir-​reċipjenti tad-​deheb u tal-​fidda+ li Nebukadnessar+ kien ħareġ mit-​tempju t’Alla f’Ġerusalemm u ħadhom f’Babilonja, għandhom jinġiebu lura lejn il-​post, fejn kienu qabel, fid-​dar t’Alla.+

6 “Issa int, Tattenaj,+ gvernatur lil hinn mix-​Xmara,+ int Setar-bożnaj+ u sħabkom, il-​gvernaturi minuri+ li qegħdin lil hinn mix-​Xmara, żommu ’l bogħod minn hemm.+ 7 Tindaħlux fix-​xogħol li qed isir fuq id-​dar t’Alla.+ Il-​gvernatur tal-​Lhud u x-​xjuħ tal-​Lhud se jibnu mill-​ġdid din id-​dar t’Alla f’postha. 8 U jien ħriġt ordni+ dwar x’għandkom tagħmlu maʼ dawn ix-​xjuħ tal-​Lhud biex jibnu mill-​ġdid din id-​dar t’Alla; u l-​ispiża għandha titħallas+ fil-​pront u bla waqfien lil dawn l-​irġiel b’saħħithom mit-​teżorerija+ rjali tat-​taxxi lil hinn mix-​Xmara.+ 9 U kulma hu meħtieġ, jiġifieri, il-​barrin żgħar+ kif ukoll l-​imtaten+ u l-​ħrief+ għall-​offerti tal-​ħruq lill-​Alla tas-​sema, il-​qamħ,+ il-​melħ,+ l-​inbid,+ u ż-​żejt,+ skond ma jgħidulkom il-​qassisin li qegħdin f’Ġerusalemm, tonqsux li tagħtuhulhom kontinwament minn jum għall-​ieħor; 10 sabiex huma jippreżentaw kontinwament+ offerti li jogħġbu+ lill-​Alla tas-​smewwiet u jitolbu għall-​ħajja tas-​sultan u taʼ wliedu.+ 11 U ħriġt ukoll ordni li kulmin jikser+ dan id-​digriet jinqalaʼ travu+ mid-​dar tiegħu u hu jiġi mdendel+ miegħu, u daru ssir latrina pubblika minħabba dan.+ 12 U jalla l-​Alla li ġiegħel li ismu+ jgħammar fid-​dar tiegħu jxejjen lil kull sultan u poplu li jerfaʼ idu biex jikser din l-​ordni u jeqred+ id-​dar t’Alla, li qiegħda f’Ġerusalemm. Jien, Darju, noħroġ din l-​ordni. Ħa sseħħ minnufih.”

13 Imbagħad Tattenaj, il-​gvernatur lil hinn mix-​Xmara,+ Setar-bożnaj+ u sħabhom, għamlu minnufih dak li kien bagħat jgħidilhom is-​Sultan Darju. 14 U x-​xjuħ+ tal-​Lhud kienu qed jibnu+ u jimxu ’l quddiem b’riżultat taʼ l-​ipprofetizzar tal-​profeta Ħaggaj+ u taʼ Żakkarija,+ li nannuh kien Iddo,+ u bnewha u lestewha minħabba l-​ordni taʼ l-​Alla taʼ Israel+ u minħabba l-​ordni taʼ Ċiru,+ Darju,+ u Artaserse,+ is-​sultan tal-​Persja. 15 U din id-​dar lestewha sat-​tielet jum tax-​xahar qamri Adar,+ jiġifieri, fis-​sitt sena tar-​renju tas-​Sultan Darju.

16 U wlied Israel, il-​qassisin, il-​Leviti,+ u l-​bqija taʼ dawk li qabel kienu eżiljati+ inawguraw+ din id-​dar t’Alla bil-​ferħ. 17 U għall-​inawgurazzjoni tad-​dar t’Alla ppreżentaw mitt barri, mitejn muntun, erbaʼ mitt ħaruf, u bħala offerta għad-​dnub għal Israel kollu tnax-il bodbod, skond l-​għadd tat-​tribujiet taʼ Israel.+ 18 Imbagħad ħatru l-​qassisin fil-​gruppi tagħhom u l-​Leviti fit-​taqsimiet+ tagħhom għas-​servizz t’Alla f’Ġerusalemm, skond dak li hemm miktub fil-​ktieb taʼ Mosè.+

19 U dawk li qabel kienu eżiljati ċċelebraw il-​Qbiż+ fl-​erbatax taʼ l-​ewwel xahar.+ 20 Peress li l-​qassisin u l-​Leviti kienu tnaddfu+ bħala grupp wieħed, ilkoll kemm huma kienu nodfa, u għalhekk qatlu l-​vittma+ tal-​Qbiż għal dawk kollha li qabel kienu eżiljati u għal ħuthom il-​qassisin u għalihom infushom. 21 Imbagħad kielu+ wlied Israel li kienu ġew lura mill-​Eżilju, u anki dawk kollha li kienu nfirdu min-​nuqqas taʼ ndafa+ tal-​ġnus taʼ l-​art u ngħaqdu magħhom biex ifittxu lil Ġeħova, l-​Alla taʼ Israel.+ 22 U komplew jiċċelebraw bil-​ferħ il-​festa tal-​ħobż bla ħmira+ għal sebat ijiem; għax Ġeħova mliehom bl-​hena, u dawwar+ lejhom qalb is-​sultan taʼ l-​Assirja biex isaħħilhom idejhom fix-​xogħol tad-​dar taʼ l-​Alla l-​veru, l-​Alla taʼ Israel.

7 Wara dan, fir-​renju t’Artaserse,+ is-​sultan tal-​Persja, Esdra,+ bin Seraja,+ bin Għażarija, bin Ħilkija,+ 2 bin Sallum,+ bin Sadok, bin Aħitub,+ 3 bin Amarija,+ bin Għażarija,+ bin Merajot,+ 4 bin Żeraħija,+ bin Użżi,+ bin Bukki,+ 5 bin Abisugħa,+ bin Fineħas,+ bin Elegħażar,+ bin Aron,+ il-​qassis ewlieni+— 6 dan l-​istess Esdra telaʼ minn Babilonja; u kien kopista+ tas-​sengħa tal-​liġi taʼ Mosè,+ li kienet ngħatat minn Ġeħova, l-​Alla taʼ Israel, u billi id Ġeħova Alla tiegħu kienet fuqu, is-​sultan tah kulma ried.+

7 U xi wħud minn ulied Israel u mill-​qassisin+ u l-​Leviti+ u l-​għannejja+ u l-​għassiesa tal-​bibien+ u n-​Netinin+ telgħu Ġerusalemm fis-​sebaʼ sena tas-​Sultan Artaserse.+ 8 Sa fl-​aħħar, hu wasal Ġerusalemm fil-​ħames xahar, jiġifieri, fis-​sebaʼ sena tas-​sultan. 9 Għax fl-​ewwel jum taʼ l-​ewwel xahar hu qatagħha li jitlaʼ minn Babilonja, u fl-​ewwel jum tal-​ħames xahar wasal Ġerusalemm, għaliex l-​id tajba t’Alla tiegħu kienet fuqu.+ 10 Għax Esdra kien ħejja+ qalbu biex ifittex fil-​liġi taʼ Ġeħova+ u jobdiha+ u jgħallem+ f’Israel ir-​regolamenti+ u l-​ġustizzja.+

11 U din hija kopja taʼ l-​ittra li s-​Sultan Artaserse ta lil Esdra l-​qassis u kopista,+ li kien jikkopja l-​kliem tal-​kmandamenti taʼ Ġeħova u r-​regolamenti tiegħu li ta lil Israel:

12* “Artaserse,+ is-​sultan tas-​slaten,+ lil Esdra l-​qassis, il-​kopista tal-​liġi taʼ l-​Alla tas-​smewwiet:+ Kull sliem.+ U issa 13 jien ħriġt ordni+ biex kulmin fir-​renju+ tiegħi mill-​poplu taʼ Israel u l-​qassisin u l-​Leviti tiegħu jrid imur Ġerusalemm miegħek, ħa jmur.+ 14 Ġaladarba minn quddiem is-​sultan u s-​sebaʼ kunsillieri+ tiegħu ntbagħtet ordni biex isir tiftix+ dwar Ġuda u Ġerusalemm fil-​liġi+ t’Alla+ tiegħek li qiegħda f’idek, 15 u biex jinġiebu l-​fidda u d-​deheb li s-​sultan u l-​kunsillieri tiegħu taw+ minn jeddhom lill-​Alla taʼ Israel, li jgħammar f’Ġerusalemm,+ 16 bil-fidda u d-​deheb kollha li ssib fil-​provinċja kollha taʼ Babilonja flimkien maʼ l-​għotja tal-​poplu+ u l-​qassisin li qed jagħtu volontarjament għad-​dar t’Alla+ tagħhom, li hi f’Ġerusalemm; 17 b’dawn il-​flus int għandek tixtri minnufih barrin,+ imtaten,+ ħrief,+ u l-​offerti tal-​qmuħ+ u l-​offerti tax-​xorb+ tagħhom u tippreżentahom fuq l-​artal tad-​dar t’Alla+ tagħkom, li hi f’Ġerusalemm.+

18 “U bil-​bqija tal-​fidda u d-​deheb+ int u ħutek agħmlu dak li jidhrilkom li hu tajjeb, skond ir-​rieda+ t’Alla tagħkom.+ 19 U r-​reċipjenti+ li qed jingħatawlek għas-​servizz tad-​dar t’Alla tiegħek wassalhom kollha quddiem Alla f’Ġerusalemm.+ 20 U l-​bqija tal-​bżonnijiet tad-​dar t’Alla tiegħek li tħoss li għandek tagħti, agħtihom mid-​dar tat-​teżori tas-​sultan.+

21 “U jien stess, is-​Sultan Artaserse, ħriġt ordni+ lit-​teżorieri+ kollha li huma lil hinn mix-​Xmara,+ biex kulma jitlobkom Esdra+ l-​qassis, il-​kopista tal-​liġi taʼ l-​Alla tas-​smewwiet, agħtuhulu minnufih, 22 sa mitt talent+ fidda u mitt kor+ qamħ u mitt bat+ inbid+ u mitt bat żejt,+ u melħ+ bla limitu. 23 Kulma jordna+ l-​Alla tas-​smewwiet, ħa jsir biż-​żelu+ għad-​dar taʼ l-​Alla tas-​smewwiet,+ biex ma jkunx hemm korla kontra r-​renju tas-​sultan u kontra wliedu.+ 24 U lilkom qed ngħarrafkom li m’għandkom permess li tgħabbu b’taxxa, ħaraġ,+ jew ħlas+ lil ebda wieħed mill-​qassisin,+ mil-​Leviti,+ mill-​mużiċisti,+ mill-​għassiesa tal-​bibien,+ min-​Netinin,+ u mill-​ħaddiema taʼ din id-​dar t’Alla.

25 “U int, Esdra, billi tuża l-​għerf+ li tak Alla aħtar maġistrati u mħallfin sabiex jiġġudikaw+ kontinwament lill-​poplu kollu li qiegħed lil hinn mix-​Xmara, lil dawk kollha li jafu l-​liġijiet t’Alla tiegħek; u lil kulmin ma jafhomx għallmuhomlu.+ 26 U kulmin ma jagħmilx dak li tgħid il-​liġi t’Alla+ tiegħek u l-​liġi tas-​sultan, ħa jiġi ġudikat minnufih, jew għall-​mewt,+ jew għall-​eżilju,+ jew għal multa taʼ flus,+ jew għall-​ħabs.”

27 Ikun imbierek Ġeħova, l-​Alla taʼ missirijietna,+ li poġġa ħaġa bħal din f’qalb+ is-​sultan, biex isebbaħ+ id-​dar taʼ Ġeħova, li qiegħda f’Ġerusalemm! 28 U lili wrieni l-​qalb tajba bl-​imħabba+ quddiem is-​sultan u l-​kunsillieri+ tiegħu u l-​prinċpijiet setgħanin kollha tas-​sultan. U jien, min-​naħa tiegħi, issaħħaħt għax kelli id+ Ġeħova Alla tiegħi fuqi, u minn Israel ġbart il-​kapijiet biex jitilgħu miegħi.

8 Issa din kienet ir-​reġistrazzjoni tal-​linja ġenealoġika+ għall-​kapijiet tal-​familji min-​naħa tal-​missier+ li telgħu miegħi minn Babilonja matul ir-​renju tas-​Sultan Artaserse:+ 2 Minn ulied Fineħas,+ Gersom; minn ulied Itamar,+ Danjel;+ minn ulied David,+ Ħattus; 3 minn ulied Sekanija, minn ulied Pargħos,+ Żakkarija, u miegħu kien hemm reġistrati mija u ħamsin raġel; 4 minn ulied Paħat-mowab,+ Eligħeħo-għenaj, bin Żeraħija, u miegħu mitejn raġel; 5 minn ulied Żattu,+ Sekanija, bin Ġaħażijel, u miegħu tliet mitt raġel; 6 u minn ulied Għadin,+ Għebed, bin Ġonatan, u miegħu ħamsin raġel; 7 u minn ulied Għelam,+ Ġesagħija, bin Għatalija, u miegħu sebgħin raġel; 8 u minn ulied Sefatija,+ Żebadija, bin Mikiel, u miegħu tmenin raġel; 9 minn ulied Ġowab, Għobadija, bin Ġeħijel, u miegħu mitejn u tmintax-il raġel; 10 u minn ulied Bani,+ Selomit, bin Ġosifija, u miegħu mija u sittin raġel; 11 u minn ulied Bebaj, Żakkarija, bin Bebaj,+ u miegħu tmienja u għoxrin raġel; 12 u minn ulied Għażgad,+ Ġoħanan, bin Ħakkatan, u miegħu mija u għaxart irġiel; 13 u minn ulied Adonikam,+ dawk li kienu l-​aħħar u li kien jisimhom Elifelet, Ġegħijel, Semajja, u magħhom sittin raġel; 14 u minn ulied Bigwaj,+ Utaj u Żabbud, u magħhom sebgħin raġel.

15 U ġbarthom ħdejn ix-​xmara+ li tmur lejn Aħawa;+ u bqajna kkampjati hemmhekk tlett ijiem, sabiex nifli l-​poplu+ u l-​qassisin,+ imma ma sibt lil ħadd minn ulied Levi+ hemmhekk. 16 Għaldaqstant bgħatt għall-​kapijiet Eligħeżer, Arjel, Semajja, Elnatan, Ġarib, Elnatan, Natan, Żakkarija, u Mesullam, u għall-​għalliema+ Ġojarib u Elnatan. 17 Imbagħad tajthom kmand dwar Iddo, il-​kap tal-​post li jismu Kasifja, u għedtilhom x’għandhom jgħidu+ lil Iddo u lil ħutu n-​Netinin+ fil-​post li jismu Kasifja, biex iġibulna ministri+ għad-​dar t’Alla tagħna. 18 Għalhekk, billi kellna l-​id+ tajba t’Alla tagħna fuqna, ġabulna bniedem għaqli+ minn ulied Maħli,+ li nannuh kien Levi,+ bin Israel, jiġifieri, lil Serebija+ u wliedu u ħutu, tmintax b’kollox; 19 u Ħasabija u miegħu Ġesagħija minn ulied Merari,+ ħutu, u wliedhom, għoxrin b’kollox. 20 U min-​Netinin, li David u l-​prinċpijiet taw għas-​servizz tal-​Leviti, mitejn u għoxrin, li lkoll kemm huma kienu ntgħażlu b’isimhom.

21 Imbagħad nedejt sawma hemmhekk ħdejn ix-​xmara Aħawa, sabiex numiljaw+ ruħna quddiem Alla tagħna, biex nitolbuh jiggwidana fil-​vjaġġ tagħna,+ lilna, liċ-​ċkejknin+ tagħna, u lil ġidna. 22 Għax jien stħajt nitlob qawwa militari+ u kavallerija+ mingħand is-​sultan biex jgħinuna kontra l-​għadu fit-​triq, għaliex lis-​sultan konna għednielu: “Id+ Alla tagħna qiegħda fuq dawk kollha li jfittxuh għat-​tajjeb,+ imma saħħtu u r-​rabja+ tiegħu huma kontra dawk kollha li jitilquh.”+ 23 Għalhekk, somna+ u tlabna+ lil Alla tagħna biex jiggwidana, u hu semaʼ t-​talb tagħna mimli ħrara.+

24 Issa jien fridt tnax mill-​kapijiet tal-​qassisin, jiġifieri, lil Serebija,+ Ħasabija,+ u magħhom għaxra minn ħuthom. 25 U wiżintilhom il-​fidda u d-​deheb u l-​għodod,+ il-​kontribuzzjoni li s-​sultan+ u l-​kunsillieri+ tiegħu u l-​prinċpijiet tiegħu u l-​Israelin+ kollha li nstabu f’dawk l-​inħawi kienu taw lid-​dar t’Alla tagħna. 26 B’hekk, wiżint f’idhom sitt mija u ħamsin talent fidda+ u mitt għodda tal-​fidda li jiswew żewġ talenti, u mitt talent deheb, 27 u għoxrin skutella żgħira tad-​deheb li jiswew elf darik u żewġ għodod tar-​ram aħmar taʼ kwalità tajba u jleqq, mixtieq daqs id-​deheb.

28 Imbagħad għedtilhom: “Intom imqaddsin+ lil Ġeħova, u l-​għodod+ huma xi ħaġa qaddisa, u l-​fidda u d-​deheb huma offerta volontarja lil Ġeħova, l-​Alla taʼ missirijietkom. 29 Oqogħdu attenti u ibqgħu għassa sakemm tiżnuhom+ quddiem il-​kapijiet tal-​qassisin u l-​Leviti u l-​prinċpijiet taʼ missirijiet Israel f’Ġerusalemm, fis-​swali taʼ l-​ikel+ tad-​dar taʼ Ġeħova.” 30 U l-​qassisin u l-​Leviti rċivew il-​fidda u d-​deheb u l-​għodod miżunin, biex jiħduhom Ġerusalemm fid-​dar t’Alla tagħna.+

31 Sa fl-​aħħar tlaqna minn ħdejn ix-​xmara Aħawa+ fit-​tnax taʼ l-​ewwel xahar+ biex immorru Ġerusalemm, u id Alla tagħna kienet fuqna, u b’hekk hu ħelisna+ minn id l-​għadu u minn xi nasba fit-​triq. 32 Għalhekk, wasalna Ġerusalemm+ u qgħadna hemmhekk tlett ijiem. 33 U fir-​rabaʼ jum, wiżinna l-​fidda u d-​deheb+ u l-​għodod+ fid-​dar t’Alla tagħna u tajniehom f’id Meremot,+ bin Urijah, il-​qassis u miegħu Elegħażar, bin Fineħas, u magħhom Ġożabad,+ bin Ġeswa, u Nogħadija, bin Binnuwi,+ il-​Leviti, 34 kollox bl-​għadd u bl-​użin, u mbagħad l-​użin kollu nkiteb f’dak il-​waqt. 35 Dawk li ħarġu mill-​jasar, li qabel kienu eżiljati,+ ippreżentaw is-​sagrifiċċji tal-​ħruq+ lill-​Alla taʼ Israel, tnax-il barri+ għal Israel kollu, sitta u disgħin muntun,+ sebgħa u sebgħin ħaruf, tnax-il bodbod+ bħala offerta għad-​dnub, kollox bħala offerta tal-​ħruq lil Ġeħova.

36 Imbagħad tajna l-​liġijiet+ tas-​sultan lis-​satrapi*+ tas-​sultan u lill-​gvernaturi+ lil hinn mix-​Xmara,*+ u dawn għenu lill-​poplu+ u lid-​dar taʼ l-​Alla l-​veru.

9 U malli ntemm dan kollu, resqu lejja l-​prinċpijiet+ u qaluli: “Il-​poplu taʼ Israel u l-​qassisin u l-​Leviti ma nfirdux+ min-​nies tal-​pajjiżi rigward l-​affarijiet mistkerrhin tagħhom,+ jiġifieri, il-​Kangħanin,+ il-​Ħittin,+ il-​Pereżin,+ il-​Ġebusin,+ l-​Għammonin,+ il-​Mowabin,+ l-​Eġizzjani,+ u l-​Amurrin.+ 2 Għax aċċettaw lil xi wħud mill-​bniet tagħhom għalihom infushom u għal uliedhom subien;+ u huma, in-​nisel qaddis,+ tħalltu+ man-​nies tal-​pajjiżi, u id il-​prinċpijiet u l-​ħakkiema deputati kienet minn taʼ quddiemnett+ f’din l-​infedeltà.”

3 Issa malli smajt dwar dan, ċarratt ħwejġi,+ u bdejt inqattaʼ x-​xagħar taʼ rasi+ u tad-​daqna tiegħi, u qgħadt bil-​qiegħda ssummat.+ 4 U ħdejja nġemgħu dawk kollha li triegħdu+ minħabba l-​kliem taʼ l-​Alla taʼ Israel kontra l-​infedeltà tal-​poplu eżiljat, waqt li kont bil-​qiegħda ssummat sa ħin l-​offerta tal-​qmuħ taʼ fil-​għaxija.+

5 U f’ħin l-​offerta tal-​qmuħ+ taʼ fil-​għaxija qomt mill-​umiljazzjoni tiegħi, bi ħwejġi mċarrtin, u nżilt għarkopptejja+ u ftaħt idejja lejn Ġeħova Alla tiegħi.+ 6 U għedtlu:+ “O Alla tiegħi, kemm qed nistħi+ u nħossni imbarazzat+ biex ngħolli wiċċi lejk, O Alla tiegħi, għax l-​iżbalji+ tagħna kotru sa fuq rasna u l-​ħtija tagħna kibret u għoliet saħansitra sas-​smewwiet.+ 7 Minn żmien missirijietna+ sa dan il-​jum ilna fi ħtija kbira;+ u minħabba l-​iżbalji tagħna, aħna, is-​slaten+ tagħna, u l-​qassisin+ tagħna, ngħatajna f’id is-​slaten tal-​pajjiżi li darbuna bix-​xabla,+ ħaduna fil-​jasar+ u serqulna ġidna+ u ħammrulna wiċċna,+ bħal f’dan il-​jum. 8 U issa, għal mument, intwerejna l-​ħniena+ minn Ġeħova Alla tagħna billi ħallielna lil dawk li jaħarbu+ u billi tana pożizzjoni soda* fil-​post qaddis tiegħu, biex idawwal lil għajnejna,+ O Alla tagħna, u biex iħallina nerġgħu nieħdu ftit tar-​ruħ fil-​jasar tagħna.+ 9 Għax aħna qaddejja;+ u Alla tagħna ma telaqniex fil-​jasar tagħna,+ imma jurina qalb tajba bl-​imħabba quddiem is-​slaten tal-​Persja,+ biex iħallina nerġgħu nieħdu r-​ruħ ħalli ntellgħu d-​dar t’Alla+ tagħna u nibnu mill-​ġdid il-​postijiet tagħha li tħallew ħerba+ u b’dan inkunu f’Ġuda u f’Ġerusalemm bħallikieku wara ħajt tal-​ġebel.+

10 “U issa x’se ngħidu, O Alla tagħna, wara dan kollu? Għax aħna tlaqna l-​kmandamenti tiegħek,+ 11 li kkmandajtna permezz tal-​qaddejja tiegħek il-​profeti, u int għedtilna, ‘L-​art li se tidħlu fiha biex tiħduha hija art imniġġsa minħabba n-​nuqqas taʼ safa tan-​nies tal-​pajjiżi,+ minħabba l-​affarijiet mistkerrha+ li mlewha bihom minn tarf sa tarf+ bin-​nuqqas taʼ ndafa tagħhom.+ 12 U issa tagħtux il-​bniet tagħkom lil uliedhom subien,+ u lanqas m’għandkom taċċettaw il-​bniet tagħhom għal uliedkom subien; u qatt iżjed m’għandkom taħdmu biex ikollhom is-​sliem+ u l-​ġid, sabiex tissaħħu+ u tkunu ċerti li tieklu l-​ġid taʼ l-​art u tassew tiħduha għal uliedkom għal żmien indefinit.’+ 13 U wara dak kollu li ġie fuqna minħabba l-​għemejjel+ ħżiena tagħna u l-​ħtija kbira tagħna—għax int, O Alla tagħna, ikkunsidrajt l-​iżball+ tagħna inqas milli kien, u tajtna lil dawk li nħelsu, bħalma huma dawn+— 14 se nerġgħu aħna niksru l-​kmandamenti tiegħek u nitħalltu b’rabtiet taż-​żwieġ+ mal-​popli li jagħmlu dawn l-​affarijiet mistkerrha?+ M’huwiex l-​għadab tiegħek se jixgħel bil-​kbir+ kontrina, u b’hekk ħadd ma jibqaʼ+ u ħadd ma jeħlisha? 15 O Ġeħova, l-​Alla taʼ Israel, int ġust,+ għaliex għad fadal aħna bħala poplu meħlus bħalma aħna llum. Hawn ninsabu quddiemek fil-​ħtija tagħna,+ għalkemm hu impossibbli li nieqfu quddiemek minħabba dan.”+

10 Issa malli Esdra talab+ u stqarr il-​ħtijiet+ waqt li kien qed jibki u kien mixħut għal tulu+ quddiem id-​dar+ taʼ l-​Alla l-​veru, inġabru madwaru għadd taʼ Israelin, kongregazzjoni kbira ħafna, irġiel, nisa, u tfal, għax in-​nies kienu bkew biki kbir. 2 Imbagħad Sekanija, bin Ġeħijel,+ minn ulied Għelam+ wieġeb u qal lil Esdra: “Aħna—aħna aġixxejna b’nuqqas taʼ fedeltà kontra Alla tagħna, u b’hekk ilqajna għandna nisa barranin min-​nies tal-​pajjiż.+ Iżda għad hemm tama+ għal Israel dwar dan. 3 U issa ejja nagħmlu patt+ m’Alla tagħna biex inkeċċu+ lil dawn in-​nisa kollha u lil dawk li twieldu minnhom skond id-​direzzjoni taʼ Ġeħova u taʼ dawk li jitriegħdu+ għall-​kmandament+ t’Alla tagħna, biex kollox isir skond il-​liġi.+ 4 Qum, għax hu d-​dmir tiegħek li tagħmel xi ħaġa dwar il-​kwistjoni, u aħna qegħdin miegħek. Agħmel il-​ħila u aġixxi.”

5 U Esdra qam u ġiegħel lill-​kapijiet tal-​qassisin, lil-​Leviti, u lil Israel kollu jieħdu ġurament+ li jagħmlu skond din il-​kelma. U dawn ħadu ġurament. 6 Esdra issa qam minn quddiem id-​dar taʼ l-​Alla l-​veru u mar fis-​sala+ taʼ l-​ikel taʼ Ġeħoħanan, bin Eljasib. Għalkemm mar hemmhekk, la kiel ħobż+ u lanqas xorob ilma, għax kien imnikket+ minħabba l-​infedeltà tal-​poplu eżiljat.

7 Imbagħad saret sejħa f’Ġuda u f’Ġerusalemm biex dawk kollha li qabel kienu eżiljati+ jinġabru flimkien f’Ġerusalemm; 8 u kulmin ma ġiex+ sa tlett ijiem skond il-​parir tal-​prinċpijiet+ u tax-​xjuħ—ġidu kollu kellu jiġi konfiskat+ u hu jiġi mifrud+ mill-​kongregazzjoni tal-​poplu eżiljat. 9 Għalhekk, l-​irġiel kollha taʼ Ġuda u Benjamin inġabru flimkien f’Ġerusalemm fi żmien tlett ijiem, jiġifieri, fid-​disaʼ+ xahar, fl-​għoxrin tax-​xahar, u n-​nies kollha baqgħu bil-​qiegħda fil-​bitħa tad-​dar taʼ l-​Alla l-​veru, jirtogħdu minħabba l-​kwistjoni u minħabba l-​ħalbiet tax-​xita.+

10 U Esdra l-​qassis qam u qalilhom: “Intom aġixxejtu b’nuqqas taʼ fedeltà billi lqajtu għandkom nisa barranin+ u hekk żidtu mal-​ħtija taʼ Israel.+ 11 U issa stqarru ħtijietkom+ lil Ġeħova, l-​Alla taʼ missirijietkom, u agħmlu dak li jogħġob lilu+ u nfirdu min-​nies tal-​pajjiż u min-​nisa barranin.”+ 12 Għal dan, il-​kongregazzjoni kollha wieġbet u qalet b’leħen għoli: “Hu d-​dmir tagħna li nagħmlu eżatt skond kelmtek.+ 13 Madankollu, in-​nies huma ħafna u qegħdin fl-​istaġun tal-​ħalbiet tax-​xita, u m’huwiex possibbli li noqogħdu barra; u dan ix-​xogħol mhux se jieħu ġurnata jew tnejn, għax aħna rribellajna bil-​kbir f’din il-​kwistjoni. 14 Mela, jekk jogħġbok, ħa jirrappreżentaw il-​prinċpijiet+ tagħna lill-​kongregazzjoni kollha; u dawk kollha fil-​bliet tagħna li laqgħu għandhom nisa barranin, ħa jiġu fiż-​żmien stabbilit u magħhom jiġu wkoll ix-​xjuħ taʼ kull belt individwali u l-​imħallfin tagħha, sakemm inkunu dawwarna lura minn fuqna r-​rabja taħraq t’Alla tagħna, minħabba din il-​kwistjoni.”

15 (Madankollu, Ġonatan, bin Għasael, u Ġaħżeja, bin Tikwa, ma qablux+ maʼ dan, u Mesullam u Sabbetaj,+ il-​Leviti, kienu dawk li għenuhom.) 16 U dawk li qabel kienu eżiljati+ għamlu hekk; u Esdra l-​qassis u l-​irġiel li kienu l-​kapijiet tal-​missirijiet għall-​familja tagħhom min-​naħa tal-​missier,+ ilkoll imsemmijin b’isimhom, issa nfirdu u qagħdu bil-​qiegħda fl-​ewwel jum taʼ l-​għaxar xahar+ biex jistħarrġu l-​kwistjoni;+ 17 u bil-​mod il-​mod sa l-​ewwel jum taʼ l-​ewwel xahar temmew l-​istħarriġ dwar l-​irġiel kollha li kienu laqgħu għandhom lin-​nisa barranin.+ 18 U nstab li xi wħud minn ulied il-​qassisin+ kienu laqgħu għandhom nisa barranin; minn ulied Ġeswa,+ bin Ġeħosadak,+ u ħutu kien hemm Magħseja, Eligħeżer, Ġarib, u Gedalija. 19 Imma dawn wiegħdu, billi ħadu b’idejn xulxin, li jkeċċu lin-​nisa tagħhom, u li, peress li kienu ħatjin,+ kellu jkun hemm muntun+ mill-​merħla għall-​ħtija tagħhom.

20 U minn ulied Immer+ kien hemm Ħanani u Żebadija; 21 u minn ulied Ħarim+ kien hemm Magħseja, Elija, Semajja, Ġeħijel, u Użżija; 22 u minn ulied Pasħur+ kien hemm Eljogħenaj, Magħseja, Ismagħel, Netanel, Ġożabad, u Elegħasa. 23 U mil-​Leviti kien hemm Ġożabad, Simgħi, Kelaja (jiġifieri, Kelita), Petaħija, Ġuda, u Eligħeżer; 24 u mill-​għannejja, Eljasib; u mill-​għassiesa tal-​bibien, Sallum, Telem, u Uri.

25 U minn Israel, minn ulied Pargħos+ kien hemm Ramija, Iżżija, Malkija, Mijamin, Elegħażar, Malkija, u Benaja; 26 minn ulied Għelam+ kien hemm Mattanija, Żakkarija, Ġeħijel,+ Għabdi, Ġeremot, u Elija; 27 minn ulied Żattu+ kien hemm Eljogħenaj, Eljasib, Mattanija, Ġeremot, Żabad, u Għażiża; 28 u minn ulied Bebaj+ kien hemm Ġeħoħanan, Ħananija, Żabbaj, u Għatlaj; 29 u minn ulied Bani kien hemm Mesullam, Malluk, Għadaja, Ġasub, Sijal, u Ġeremot; 30 u minn ulied Paħat-mowab+ kien hemm Għadna, Kelal, Benaja, Magħseja, Mattanija, Besalel, Binnuwi, u Manasse; 31 u minn ulied Ħarim+ kien hemm Eligħeżer, Issijah, Malkija,+ Semajja, Simjon, 32 Benjamin, Malluk, u Semarija; 33 minn ulied Ħasum+ kien hemm Mattenaj, Mattatta, Żabad, Elifelet, Ġeremaj, Manasse, u Simgħi; 34 minn ulied Bani kien hemm Magħdaj, Għamram, Uwel, 35 Benaja, Bedija, Keluħi, 36 Wanija, Meremot, Eljasib, 37 Mattanija, Mattenaj, u Ġagħsu; 38 u minn ulied Binnuwi kien hemm Simgħi, 39 Selemija, Natan, Għadaja, 40 Maknadbaj, Sasaj, Saraj, 41 Għażarel, Selemija, Semarija, 42 Sallum, Amarija, u Ġużeppi; 43 minn ulied Nebo kien hemm Ġegħijel, Mattitija, Żabad, Żebina, Ġaddaj, Ġoel, u Benaja. 44 Dawn kollha kienu aċċettaw nisa barranin,+ imma lil dawn in-​nisa keċċewhom bit-​tfal b’kollox.