Isaayyaas
2 Shakkii tokko malee ni daraara;+
Inni ni gammada, ni ililchas.
Isaan ulfina Yihowaa, simboo Waaqa keenyaas ni argu.
3 Harka laafe jabeessaa,
Jilba hollatus cimsaa.+
4 Warra garaan isaanii dhiphatuunis akkana jedhaa:
“Jabaadhaa. Hin sodaatinaa.
Kunoo, Waaqni keessan haaloo baʼuuf ni dhufa,
Waaqayyo adabuuf ni dhufa.+
Inni dhufee isin ni oolcha.”+
6 Yeroo sanatti naafti akkuma gadamsaatti ni utaala,+
Arrabni nama dubbachuu hin dandeenyees ni ililcha.+
Sababiin isaas, lafa onaa keessatti bishaanonni ni burqu,
Gammoojjii keessattis lageen ni yaaʼu.
7 Lafti waxalamaan bishaan kuufamaa biqiltuudhaan guutame,
Lafti dheebotaanis burqaawwan bishaanii ni taʼa.+
Holqa sardiidonni itti boqotan keessa+
Margi lalisaan, shomboqqoonii fi dhallaadduun ni jiraata.
Xuraaʼaa kan taʼe isa irra hin deemu.+
Inni isa karicha irra deemuuf kan ramadame dha;
Gowwaa kan taʼe tokko illee isatti hin goru.
9 Leenci achitti hin argamu,
Bineensonni bosonaa hamoo taʼanis isatti hin seenan.
10 Warri Yihowaan fure ililchaa deebiʼanii gara Xiyoon ni dhufu.+
Isaan gammachuu dhuma hin qabne ni gonfatu.+
Ni gammadu, ni ililchus,
Gaddii fi aaduunis achii ni baqatu.+