Isaayyaas
50 Yihowaan akkana jedha:
“Waraqaan ragaa+ haadha keessan ishiin ariʼe sana hiikuu koo argisiisu eessa jira?
Yookiin warra liqii na irraa qaban keessaa isa kamittan isin gurgure?
Kunoo, isin kan gurguramtan balleessaa+ ofii keessaniitiin kan kaʼe dha,
Haati keessan kan ariʼamtes yakka ofii keessaniitiin kan kaʼe dha.+
2 Maarree, yommuun dhufetti namni tokko illee asitti kan hin argamne maaliifi?
Yommuun waametti, namni tokko illee kan hin owwaanne maaliifi?+
Isin furuuf harki koo gabaabaa dhaa?
Yookiin isin oolchuuf humna dhabeenii?+
Qurxummiiwwan isaanii bishaan dhabanii ni tortoru,
Dheebotaniis ni duʼu.
3 Samiiwwanitti dukkana nan uwwisa,+
Uffata gaddaatiinis isaan nan haguuga.”
4 Isa dadhabeef dubbii sirrii taʼetti* fayyadamee akkamitti deebii* akkan kennu akkan beekuuf,+
Yihowaan Gooftaa Ol Aanaan arraba warra baratanii* naaf kenneera.+
Inni ganama ganama na dammaqsa;
Akkuma warra barataniitti akkan dhagaʼuuf gurra koo ni dammaqsa.+
Kallattii faallaa taʼetti hin gorre.+
Fuula koo wantoota nama salphisanii fi warra natti tufan jalaa hin dhoksine.+
7 Haa taʼu malee, Yihowaan Gooftaa Ol Aanaan na gargaara.+
Akkan salphadhe kan natti hin dhagaʼamne kanaafi.
Fuula koo akka dhagaa jabaa kanan godhe kanaafi,+
Akkan hin qaanofnes beeka.
8 Inni qajeelaa taʼuu koo dubbatu natti dhihoo jira.
Eenyutu na himachuu* dandaʼa?+
Mee waliin haa dhaabbannu.*
Kan na himatu eenyu?
Mee natti haa dhihaatu.
9 Kunoo, Yihowaan Gooftaa Ol Aanaan na gargaara.
Eenyutu yakkamaa na godha?
Kunoo, hundi isaanii akkuma uffataatti ni bututu.
Biliinis isaan ni nyaata.
10 Isin gidduudhaa Yihowaa kan sodaatu,
Sagalee tajaajilaa isaas kan dhagaʼu eenyu?+
Dukkana cimaa ifni keessa hin jirre keessa kan deeme eenyu?
Inni maqaa Yihowaatti haa amanamu, Waaqa isaattis haa hirkatu.
11 “Kunoo, isin warri ibidda qabsiistan,
Warri qaanqeen akka barrisu gootan,
Ifa ibidda keessanii keessa,
Qaanqee qabsiistan gidduus deemaa.
Wanti isin harka koo irraa argattan kana dha:
Dhiphina guddaadhaan ni ciistu.