Faarfannaa
Faarfannaa waaʼee Solomoon faarfatame.
72 Yaa Waaqayyo, mootichaaf murtiiwwan kee kenni;
Ilma mootichaas qajeelummaa kee gonfachiisi.+
3 Gaaronni sabichaaf nagaa haa fidan,
Tabbawwanis qajeelummaa haa fidan.
4 Inni warra rakkatoo sabicha gidduutti argamaniif haa falmu,*
Ilmaan hiyyeessaa haa oolchu,
Isa gowwoomsaa raawwatus haa caccabsu.+
8 Inni galaanaa hamma galaanaatti,
Lagicha* irraa hamma andaara lafaattis namoota isaaf bitaman ni qabaata.*+
10 Mootonni Tarshiishii fi mootonni odolawwanii gibira isaaf ni kaffalu.+
Mootonni Sheebaa fi mootonni Seebaa kennaa isaaf ni kennu.+
11 Mootonni hundi isa duratti sagadu,
Saboonni hundis isa tajaajilu.
12 Sababiin isaas, inni hiyyeessa gargaarsa argachuuf iyyatu,
Akkasumas isa rakkataa taʼee fi isa gargaaraa hin qabne kam iyyuu ni oolcha.
13 Isa rakkataa fi isa hiyyeessa taʼeef ni gadda,
Lubbuu hiyyeeyyiis ni oolcha.
14 Cunqursaa fi hammina irraa isaan oolcha,*
Dhiigni isaaniis ija isaa duratti gatii guddaa qaba.
15 Inni haa jiraatu, warqiin Sheebaas isaaf haa kennamu.+
Utuu wal irraa hin citin waaʼee isaa kadhannaan haa dhihaatu,
Guyyaa guutuus kan eebbifame haa taʼu.
Firiin isaa akkuma Libaanon keessa jiruutti ni lalisa,+
Magaalota keessattis namoonni akkuma biqiltuu lafaatti ni daraaru.+
Namoonni karaa isaa ofii isaaniitiif eebba haa argatan;+
Saboonni hundis inni gammadaa taʼuu isaa haa labsan.
18 Yihowaan Waaqni Israaʼel,
Inni kophaa isaa wantoota dinqisiisoo taʼan raawwatu haa jajamu.+
19 Maqaan isaa inni ulfina qabeessa taʼe bara baraaf haa jajamu,+
Ulfinni isaas guutummaa lafaa haa guutu.+
Ameen, Ameen.
20 Kadhannaan Daawit ilma Issey+ as irratti xumurama.