Lakkoofsa
24 Balaʼaam Israaʼeliin eebbisuun Yihowaa akka gammachiise* yommuu argu, sana booda raajii hamaa barbaacha hin deemne;+ kanaa mannaa gara lafa onaatti qajeele. 2 Balaʼaam ol jedhee Israaʼel akka gosa gosa isaatti buufatee yommuu argu,+ hafuurri Waaqayyoo isa irra ni buʼe.+ 3 Achiis jechama kana ni dubbate:+
“Dubbiin Balaʼaam ilma Beʼor,
Dubbiin nama ijji isaa baname sanaa,
4 Dubbiin nama dubbii Waaqayyoo dhagaʼe,
Isa mulʼata Isa Hundumaa Dandaʼuu arge,
Isa ijji isaa akkuma banametti sagade sanaa kana dha:+
5 Yaa Yaaqoob, dunkaanonni kee,
Yaa Israaʼel, godoowwan qulqulluun kee akkam bareedu!+
6 Isaan akkuma sululawwanii,*
Akkuma iddoo biqiltuu laga qarqara jiruutti,
Akkuma argisa* Yihowaan dhaabeetti,
Akkuma mukeetii gaattiraa bishaan qarqara jiraniitti babalʼataniiru.+
7 Qalqalloo isaa lamaan keessaa yeroo hunda bishaan ni coccopha,
Sanyiin isaas bishaanota hedduu biratti facaafameera.+
8 Waaqayyo biyya Gibxii keessaa isa baaseera;
Inni isaaniif akkuma gaanfota gafarsaa ti.
Inni saboota warra isa cunqursan ni nyaata,+
Lafeewwan isaanii ni alanfata; xiyyawwan isaatiinis isaan ni hurreessa.
9 Inni akkuma leencaatti ripheera, ciiseeras,
Inni akka leencaa ti, eenyutu isa dammaqsuuf onnata?
Warri si eebbisan eebbifamoo dha,
Warri si abaaranis abaaramoo dha.”+
10 Yeroo kanatti Baalaaq akka malee Balaʼaamitti ni aare. Baalaaqis tuffiidhaan harka isaa walitti rukutee Balaʼaamiin akkana jedhe: “Ani kanan si waame diinota koo akka abaartuuf ture;+ ati garuu kunoo siʼa sadan kana isaan eebbiste malee wanta goote hin qabdu. 11 Amma dafii gara mana kee deemi. Ani ulfina guddaa siif kennuu yaadeen ture;+ garuu kunoo Yihowaan ulfina si dhowwate.”
12 Balaʼaamis akkana jedhee Baalaaqiif deebise: “Ani ergamtoota ati ergiteen, 13 ‘Baalaaq utuu mana isaa isa meetii fi warqiidhaan guutame naaf kennee illee, ani wanta gaariis taʼe wanta hamaa, wanta ajaja Yihowaatiin ala taʼe kam iyyuu fedhii ofii kootiin* gochuu hin dandaʼu. Wanta Yihowaan natti himu qofan dubbadha’ hin jennee?+ 14 Ammas gara saba koo nan deema. Kottu wanta sabni kun gara fuulduraatti* saba kee irratti raawwatu sittan hima.” 15 Achiis jechama kana dubbate:+
“Dubbiin Balaʼaam ilma Beʼor,
Dubbiin nama ijji isaa baname sanaa,+
16 Dubbiin nama dubbii Waaqayyoo dhagaʼu,
Isa beekumsa Isa Hundaa Olii qabu,
Utuu ijji isaa akkuma banametti sagadaa jiruu
Mulʼata Isa Hundumaa Dandaʼuu arge sanaa kana dha:
17 Ani isa nan ilaala, garuu amma miti;
Ani isa nan arga; garuu yeroo dhihootti miti.
18 Israaʼel onnachuu isaa yommuu argisiisutti,
Edoom dhaala,+
19 Yaaqoob keessaa inni diinota isaa toʼannaa jala galchu tokko ni baʼa,+
Innis magaalattii keessaa nama lubbuudhaan oole kam iyyuu ni balleessa.”
20 Inni Amaaleqiin yommuu argetti akkana jechuudhaan jechama isaa itti fufe:
21 Qeenota yommuu argettis+ akkana jechuudhaan jechama isaa itti fufe:
“Bakki jireenyaa kee amansiisaa dha, buufanni kees kattaa irratti kan ijaarame dha.
22 Garuu namni tokko Qeeyiniin gubee ni balleessa.
Asoor boojitee si fudhachuu ishii dura hamma yoomiitti turta ree?”
23 Ammas akkana jechuudhaan jechama isaa itti fufe:
“Wayyoo! Yommuu Waaqayyo akkana godhu eenyutu oola laata?
24 Qarqara galaanaa Kiitim+ irraa dooniiwwan ni dhufu,
Isaan Asooriin ni miidhu,+
Ebeeriinis ni miidhu.
Haa taʼu malee, innis guutummaatti ni bada.”
25 Achiis Balaʼaam+ kaʼee iddoo isaatti deebiʼe. Baalaaqis karaa isaa ni qajeele.