Isaayyaas
26 Guyyaa sanatti faarfannaan kun biyya Yihudaa keessatti ni faarfatama:+
“Magaalaa cimtuu qabna.+
Inni fayyinni dallaawwan ishii fi dallaawwan ittisaa ishii akka taʼu godha.+
2 Sabni qajeelaan,
Sabni amanamummaa isaa eegu akka seenuuf karrawwan banaa.+
3 Ati warra guutummaatti sitti hirkatan* ni eegda;
Isaan waan sitti amanamaniif,+
Nagaa wal irraa hin cinne isaaniif ni kennita.+
5 Sababiin isaas, inni warra magaalaa ol gubbaatti argamtu keessa jiraatan gad buuseera.
Inni gad ishii buuseera,
Gara lafaatti gad ishii buuseera,
Biyyoo irrattis ishii gateera.
6 Ishiin miilaan ni dhidhiitamti,
Miilli isa cunqurfamee, faanni warra rakkatoo taʼaniis ishii ni dhidhiita.”
7 Daandiin nama qajeelaa sirrii* dha.
Ati qajeelaa waan taateef,
Daandii nama qajeelaa wal ni qixxeessita.
8 Yaa Yihowaa, yeroo daandii murtiiwwan keetii hordofnutti,
Nuti si abdanna.
Maqaa keetiif bakka guddaa kennina, yeroo itti yaadatamu arguufis ni hawwina.*
9 Guutummaan eenyummaa kootii* halkan si hawwa,
Eeyyee, hafuurri koo yeroo hunda si eeggata;+
Yommuu ati lafaaf murtii kennitutti
Jiraattonni lafa irraa waaʼee qajeelummaa ni baratu.+
10 Namni hamaan gaarummaan yoo isatti argisiifame illee,
Qajeelummaa hin baratu.+
11 Yaa Yihowaa, harki kee ol kaʼeera, isaan garuu isa hin argan.+
Isaan hinaaffaa saba keetiif qabdu arganii ni qaanaʼu.
Eeyyee, ibiddi diinota keetiif qopheessite isaan ni nyaata.
12 Yaa Yihowaa, ati nagaa nuuf kennita,+
Sababiin isaas, wanta raawwanne kam iyyuu
Situ fiixaan nuuf baase.
13 Yaa Waaqa keenya Yihowaa, gooftolii kan biroonis nu bulchaniiru,+
Nuti garuu maqaa kee qofa waammanna.+
14 Isaan duʼaniiru; lubbuudhaanis hin jiraatan.
Duʼaan moʼamaniiru, hin kaʼanis.+
Sababiin isaas, ati haxooftee isaan balleessuu fi maqaan isaanii lammata akka hin dhaʼamne gochuuf
Xiyyeeffannaa kee gara isaaniitti deebisteetta.
Daangaawwan biyyattii hundumaas baayʼee balʼisteetta.+
16 Yaa Yihowaa, isaan yeroo dhiphinaatti gara keetti ni deebiʼan;
Yeroo isaan adabdettis sagalee isaanii gad qabanii kadhannaa isaanii garaadhaa ni dhangalaasan.+
17 Yaa Yihowaa, akkuma dubartiin ulfaa yeroo daʼuuf jettutti
Ciniinsifattuu fi dhiphattee iyyitutti,
Nutis sababa keetiin akkasuma taane.
18 Ni ulfoofne, ni ciniinsifannes,
Garuu akkuma waan qilleensa deenyee taane.
Nuti biyyattiidhaaf fayyina hin fidne,
Biyyattii keessa jiraachuufis namni dhalate tokko illee hin jiru.
19 “Namoonni kee warri duʼan deebiʼanii ni jiraatu.
Isin warri biyyoo keessa jiraattan,+
Dammaqaa, ililchaas!
Sababiin isaas, fixeensi kee akkuma fixeensa ganamaa ti,*
Laftis warri duʼaan moʼaman gara jireenyaatti akka deebiʼan ni gooti.*
21 Sababiin isaas, balleessaa isaaniitiif jiraattota lafaa adabuuf
Kunoo, Yihowaan iddoo isaatii dhufaa jira,
Lafattiinis dhiiga ishii irratti dhangalaʼe ni saaxilti,
Warra ishii irratti ajjeefamanis kana booda hin dhoksitu.”