Zaburi

30 Nzogushira hejuru, ewe Yehova, kuko wankweze ukanduza+,

Kandi ntiwaretse abansi banje ngo banezerwe banyigambako+.

 3 Ewe Yehova, warandugije unkura mu kuzimu+;

Wangumije ndi muzima, kugira ngo simanuke mu cobo+.

 4 Nimuhibongoreze Yehova, yemwe ntahemuka ziwe+,

Nimukengurukire icibutso ciwe ceranda+;

 5 Kuko kuba munsi y’ishavu ryiwe ari ivy’akanya gato+,

Kuba munsi y’ubutoni bwiwe bikaba ivy’ubuzima bwose+.

Ku mugoroba amarira yoshobora kwaka indaro+, mugabo mu gitondo hakaba akamo k’umunezero+.

 6 Nayo jewe, navuze ata co ninona+ nti:

“Sinzokwigera nyiganyizwa+.”

 7 Ewe Yehova, mu butoni bwawe watumye umusozi wanje uhagarara mu nkomezi+.

Wahishije mu maso hawe, mpagarika umutima+.

 8 Ewe Yehova, ni wewe nagumye mpamagara+;

Kandi Yehova nagumye ndamwinginga nsaba ubutoni+.

 9 Mbega ni inyungu nki iba mu maraso yanje manutse mu cobo+?

Mbega umukungugu uzoguhaya+? Mbega umukungugu uzoyaga ukuri kwawe+?

10 Niwumve, Yehova we, ungirire ubutoni+.

Ewe Yehova, numbere umutabazi+.

11 Wampinduriye ikigandaro canje kiba ugutamba+;

Watekuruye igunira* ryanje, uguma unkenyeje umunezero+,

12 Kugira ngo ubuninahazwa bwanje buguhibongoreze, ntibugume bucereje+.

Ewe Yehova Mana yanje, nzoguhaya gushika igihe kitagira urugero+.