Zaburi

141 Ewe Yehova, narakwambaje+.

Nyaragasa uze aho ndi+.

Tega ugutwi ijwi ryanje iyo nguhamagaye+.

 2 Isengesho ryanje niribe iriteguwe nk’imibavu*+ imbere yawe+,

Ukuduza ibiganza kwanje na kwo kube nk’ishikanwa ry’intete ryo ku mugoroba+.

 3 Ewe Yehova, nushirireho umurinzi akanwa kanje+;

Nushire umucunzi ku muryango w’iminwa yanje+.

 4 Ntuhengekere umutima wanje ku kintu kibi na kimwe+,

Ngo nkore ibikorwa vy’agaterasoni mu bubisha+

Kumwe n’abantu bamenyereye gukora ibibabaza+,

Kugira sindye ku bifungurwa binovereye vyabo+.

 5 Hamwe umugororotsi yonkubita, bwoba ari ubuntu bwuzuye urukundo angiriye+;

Hamwe yonkangira na ho, yoba ari amavuta ku mutwe+,

Ayo umutwe wanje utoruha wanka+.

Kuko hoba hakiriho mbere isengesho ryanje mu gihe c’ivyago vyabo+.

 6 Abacamanza babo baterewe hasi ku mpande z’urutare+,

Mugabo barumvise amajambo yanje, yuko aryoshe+.

 7 Nka kurya umuntu asatura inkwi akazimanyagura kw’isi,

Ni ko amagufa yacu yasanzajwe ku munwa w’ukuzimu+.

 8 Ariko rero, ni wewe mpanze amaso+, ewe Yehova Mukama Segaba+!

Nahungiye muri wewe+.

Ntusēse ubuzima bwanje+.

 9 Nundinde ivyara vy’umutego banteze+,

Undinde n’imitego y’abamenyereye gukora ibibabaza+.

10 Ababisha bazogwa bose hamwe mu nsenga zabo+,

Nayo jewe nirenganire.