Zaburi

140 Ewe Yehova, nuntabare abantu babi+;

Nunzigame undinde umuntu w’ibikorwa vy’ubukazi+,

 2 Abateguye umugambi w’ibintu bibi mu mutima wabo+,

Bakaguma bagaba ibitero nko mu ntambara bukarinda bwira+.

 3 Bakarihije ururimi rwabo nka rurya rw’inzoka+;

Ubwayi bw’imamba y’amahembe buri munsi y’iminwa yabo+. Sela.

 4 Nundinde, ewe Yehova, amaboko y’umubisha+;

Nunzigame undinde umuntu w’ibikorwa vy’ubukazi+,

Abateguye umugambi wo guhenura intambuko zanje+.

 5 Abinantaje banyegeje umutego wo kuncakira+;

Imigozi barashanje nk’urusenga iruhande y’umuhora+.

Imitego baranteze+. Sela.

 6 Nabwiye Yehova nti: “Uri Imana yanje+.

Tega ugutwi, ewe Yehova, ijwi ry’ukwinginga kwanje+.”

 7 Ewe Yehova Mukama Segaba+, nkomezi z’ubukiriro bwanje+,

Wakingīriye umutwe wanje ku musi w’ingabo+.

 8 Ewe Yehova, ntuhe umubisha ivyo ahahamiye+.

Ntushigikire umugambi wiwe mubi, kugira ntibashirwe hejuru+. Sela.

 9 Nayo imitwe y’abankikuje+,

Ivyago vy’iminwa yabo nibiyipfuke+.

10 Amakara yaka natibagurirwe kuri bo+.

Nibagwishwe mu muriro+, mu vyobo vy’amazi, ntibasubire guhaguruka+.

11 Imvuzi y’agakomeye, ntishimangirwe mw’isi+.

Umuntu w’ubukazi, ikibi ubwaco nikimuhame, kimukubite urutavanako+.

12 Ndazi neza ko Yehova azoshitsa+

Imburano z’umurushwa, urubanza rw’aboro+.

13 Ni ukuri, abagororotsi bazokengurukira izina ryawe+;

Abagororotse bazokwibera imbere yo mu maso hawe+.