Zaburi

77 Kwa sauti yangu nitamlilia Mungu mwenyewe,+

Kwa sauti yangu kwa Mungu, naye hakika atanisikiliza.+

 2 Katika siku ya taabu yangu nimemtafuta Yehova mwenyewe.+

Usiku, mkono wangu umenyooshwa wala haufi ganzi;

Nafsi yangu imekataa kufarijiwa.+

 3 Nitamkumbuka Mungu na kuwa na msukosuko;+

Nitaonyesha hangaiko, ili roho yangu izimie.+ Sela.

 4 Umezishika kope za macho yangu;+

Nimefadhaika, nami siwezi kusema.+

 5 Nimezifikiria siku za zamani za kale,+

Miaka ya wakati uliopita usio na kipimo.

 6 Nitakumbuka muziki wangu wa kinanda wakati wa usiku;+

Nitaonyesha hangaiko moyoni,+

Na roho yangu itatafuta kwa uangalifu.

 7 Je, Yehova ataendelea kutupa mpaka nyakati zisizo na kipimo,+

Na je, hatapendezwa tena kamwe?+

 8 Je, fadhili zake zenye upendo zimekoma milele?+

Je, neno lake limekuwa bure+ kwa kizazi baada ya kizazi?

 9 Je, Mungu amesahau kuwa mwenye kuonyesha kibali,+

Au je, amezifungia rehema zake kwa hasira?+ Sela.

10 Na je, nitaendelea kusema: “Hili ndilo linalonichoma,+

Kubadilika kwa mkono wa kuume wa Aliye Juu Zaidi”?+

11 Nitavikumbuka vitendo vya Yah;+

Kwa maana nitayakumbuka matendo yako ya ajabu ya zamani za kale.+

12 Nami hakika nitautafakari utendaji wako wote,+

Nami nitajishughulisha mwenyewe na matendo yako.+

13 Ee Mungu, njia yako iko katika mahali patakatifu.+

Ni nani aliye Mungu mkuu kama Mungu?+

14 Wewe ndiye Mungu wa kweli, unayefanya kwa njia ya ajabu.+

Umezijulisha nguvu zako katikati ya vikundi vya watu.+

15 Umewakomboa watu wako kwa mkono wako,+

Wana wa Yakobo na wa Yosefu. Sela.

16 Maji yamekuona wewe, Ee Mungu,

Maji yamekuona wewe; yakaanza kuwa na maumivu makali.+

Pia, vilindi vya maji vikaanza kutetemeka.+

17 Mawingu yamemwaga maji kwa kunguruma;+

Anga lenye kutanda mawingu limetoa sauti.

Pia, mishale yako mwenyewe ilienda huku na huku.+

18 Sauti ya mngurumo wako ilikuwa kama magurudumu ya gari;+

Umeme umetia nuru nchi yenye kuzaa;+

19 Njia yako ilikuwa baharini,+

Nalo pito lako lilikuwa katika maji mengi;

Nazo nyayo zako hazikupata kujulikana.

20 Umewaongoza watu wako kama kundi,+

Kwa mkono wa Musa na Haruni.+