ESAMBO

1 Ɔngɛnɔngɛnɔ le ɔnɛ lahakɛndakɛnda lo ndjela dako dia akanga wa kɔlɔ

Lahemala lo mboka k’atshi wa pɛkato+

Ndo lahadjasɛ lo edjaselo k’amɔnyɔdi.+

 2 Koko nde ngɛnangɛnaka lo ɛlɛmbɛ wa Jehowa,+

Ndo nde mbadiaka ɛlɛmbɛ Ande la dui dia l’ɛse* la yanyi ndo l’otsho.+

 3 Nde ayonga oko osongo wonɛmi suke la ɛkɛdi w’ashi,

Osongo watɔ elowa lo eleko kawɔ,

Wele akatshi awɔ hawɔlɛngɛ.

 4 Aha ngasɔ mbele akanga wa kɔlɔ;

Vɔ wekɔ oko fufudi yɛmbama la lɔpɛpɛ.

 5 Diakɔ diele akanga wa kɔlɔ hawototshikala wemema lo kilombo;+

Ndo atshi wa pɛkato hawototshikala wemema lo olui w’anto w’ɛlɔlɔ.+

 6 Nɛ dia Jehowa mbeyaka mboka k’anto w’ɛlɔlɔ,+

Koko mboka k’akanga wa kɔlɔ kayolanyema.+

2 Lande na kele wedja lo lofunguso

Ndo kangunanguna anto* lo dui di’anyanya?+

 2 Nkumi ya dikanga ya la nkɛtɛ wambemala

Ndo ewandji wa weke wambosangana kaamɛ* oko onto 1+

Dia ndɔsha Jehowa nde la okitami ande w’esɔ.*+

 3 Vɔ mbutaka vate: “Nyɛsɔ tohembole mɔlɔla awɔ

Ndo tokasha ɛkɔdi awɔ!”

 4 Ɔnɛ lodjashi lo kiti ka l’olongo ayowaɔla;

Jehowa ayowaɔnyɔla.

 5 L’etena kɛsɔ, nde ayowatɛkɛtɛ la nkɛlɛ kande

Ndo ayowaokiya wɔma lo nkɛlɛ kande kadɔdɔ,

 6 Ata ate: “Dimɛ lambokitsha nkumekanga+ kami

La Siɔna,+ dikona diami di’ekila.”

 7 Dimi nte mbewoya didjango dia Jehowa;

Nde akambutɛ ate: “Wɛ ekɔ ɔnami;+

Ɛlɔ dimi laya shɔ.+

 8 Ɔnɔmbɛ, ko dimi layokosha wedja oko etenyi kayɛ k’okitɔ

Ndo tokoma ta nkɛtɛ oko ɛngɔ kayɛ.+

 9 Wɛ ayowaɔkɔla la danga+ dia lowolo,

Ndo wɛ ayowaodiodia oko ɛtshi ka mpoke ka diwomba.”+

10 Kakianɛ nyu nkumi ya dikanga, nyonge la shɛnɔdi;

Nyu toshushi ta la nkɛtɛ, nyetawɔ engwelo.*

11 Nyokambe Jehowa la wɔma,

Ndo nyɔngɛnɛngɛnɛ la lokomba.

12 Nyosha ɔna+ kɛnɛmɔ,* naka aha ngasɔ, Nzambi* ayomala

Ko nyayonyɛma oma lo mboka,+

Nɛ dia nkɛlɛ kande mbidɛka esadi.

 3 Koko Jehowa le, wɛ ekɔ engawo le mi+ lo wedi akɔ tshɛ,

Lotombo lami+ ndo Ɔnɛ lanyola ɔtɛ+ ami.

 4 Dimi layelɛ Jehowa la dui dia wolo,

Ko nde ayonkadimola oma lo dikona+ diande di’ekila. (Sela)

 5 Dimi layetama ndo layolala djɔ;

Ko layetɔ tshɛ ki,

Nɛ dia Jehowa ekɔ lo ntetemala sukɛmi.+

 6 Dimi haloke nunu akumi akumi wɔma

Wambɔlɔngama dia ndɔshami lo wedi+ akɔ tshɛ.

Nɛ dia wɛ ayɔkɔmɔla atunyi ami tshɛ lo lowanga;

Wɛ ayongola wanyu w’akanga wa kɔlɔ.+

 3 Nyeye dia Jehowa ayosalɛ okambi ande wa kɔlamelo akambo lo yoho ya laande;*

Jehowa ayoka lam’awetami.

 5 Nyolambole elambo wa losembwe,

Ndo nyoyaɛkɛ le Jehowa.+

 7 Wɛ ambolodia otema ami la ɔngɛnɔngɛnɔ w’efula

Oleki wanɛ wele la dinela di’efula dia ntɔngɔ ndo wanu w’eyoyo.

 8 Dimi layetama ndo layolala djɔ lo ki,+

Nɛ dia Jehowa le, wɛ oto kambidjashiya lo lotui tshitshi.+

5 Jehowa+ le, ohokame ɛtɛkɛta ami;

Odje yimba lo osekumelo ami.

 2 Odje yimba lo delo diayangami ekimanyielo,

Wɛ Nkumekanga kami ndo Nzambi kami, nɛ dia wɛ kalɔmbami.

 3 Jehowa le, wɛ ayoka dui diami la pindju;+

La pindju, dimi layota okiyanu ami le yɛ+ ndo layokonga la elongamelo tshɛ.

 4 Nɛ dia wɛ bu Nzambi kangɛnangɛna akambo wa kɔlɔ;+

Ndooko onto a kɔlɔ lakoka ntshikala kaamɛ la yɛ.+

Wɛ petshaka wanɛ tshɛ wele la dionga dia kɔlɔ;+

 6 Wɛ ayolanya wanɛ wata kashi.+

 7 Koko dimi layoya lo luudu+ layɛ l’ɔtɛ wa ngandji kayɛ k’efula ka kɔlamelo;+

Dimi layokusama otsha lo tɛmpɛlɔ kayɛ k’ekila* la wɔma ayɛ wɔsɔhanyemi la dilɛmiɛlɔ.+

 8 Jehowa le, ɔnɔmbɔlɛ lo losembwe layɛ l’ɔtɛ w’andɔshi ami;

Ɔmbɛdiɛ+ mboka kayɛ.

 9 Nɛ dia ndooko dui diatawɔ diakoka mbɛkɛ otema;

L’etei kawɔ ekɔ paka kɔlɔ keto;

Wodi awɔ wekɔ diombo dia hwe;

Vɔ tɛtɛmɔlaka la lolemi lawɔ.*+

10 Koko Nzambi ayota dia vɔ mbele la onongo;

Tokanyi takongɛwɔ vɔamɛ tayowakɔsha.+

Vɔ watshanyeme l’ɔtɛ w’efula ka kɔlɔ yawɔ,

Nɛ dia vɔ wambokɔtɔmbɔkwɛ.

11 Koko wanɛ tshɛ wayanga eshamelo le yɛ wayɔngɛnangɛna;+

Vɔ wayodaka ekoko w’ɔngɛnɔngɛnɔ tena tshɛ.

Wɛ ayodiha mboka k’otsha le wɔ,

Ndo wanɛ walanga lokombo layɛ wayɔngɛnangɛna le yɛ.

12 Nɛ dia Jehowa le, wɛ ayɔtshɔkɔla anto w’ɛlɔlɔ tshɛ;

Woho wawaetawɔyɛ ayonga oko engawo ka woke+ le wɔ.

6 Jehowa le, tompangwɛke lo nkɛlɛ kayɛ,

Ndo tomingolake lo odudu+ ayɛ.

 3 Eelo, dimi* lambohandjɔ wɔɔngɔ+ efula,

Ndo Jehowa le, lambokombola nte: Edja ndo etena kakɔna kayodionga?+

 4 Jehowa le, okadimɔ ndo ombitsha;*+

Onshimbee l’ɔtɛ wa ngandji kayɛ ka kɔlamelo.+

 5 Nɛ dia lo nyɔi ndooko lata* dikambo diayɛ;

Akɔna ayokotombola+ lo Diombo?*

 6 Dimi lambɔkɔmɔ l’ɔtɛ w’osekumelo+ ami;

Dimi ndɔyaka mbeto kami otsho w’otondo la asɔyi;*

Dimi mbidjaka elola lo nkɔsa kami k’otale la delo.+

 7 Sso diami diambɔlɛmba la lɔkɔnyɔ+ lami;

Diɔ diambelɔ* l’ɔtɛ wa wanɛ tshɛ wamɛnya paa.

 8 Nyomangane, nyu wanɛ tshɛ wele la dionga dia kɔlɔ,

Nɛ dia Jehowa ayoka ekoko wa delo diami.+

 9 Jehowa ayoka ɔsɛngɔsɛngɔ ami wa kɛtshi;+

Jehowa ayetawɔ dɔmbɛlɔ diami.

10 Atunyi ami tshɛ wayoshama nsɔnyi ndo wayɛmba ɛkɔndjɔ;

Vɔ wayokalola ɛkɔngɔkɔngɔ la nsɔnyi+ ka shashimoya.

 2 Naka aha ngasɔ, kete vɔ wayombatshatsha* oko watatshatshaka ntambwɛ,+

Lo minyami aha la onto lambitsha.

 3 Jehowa Nzambi kami le, naka dimi kondjisha lo dui sɔ,

Naka lakasale akambo lo yoho ya kɔlɔ,

 4 Naka lakasalɛ onto lakansalɛ ɔlɔlɔ kɔlɔ,+

Kana naka lakambe diangɔ di’otunyi ami wombamba,*

 5 Kete otunyi ɔmɔtshi ambitshanya ndo aminde;

Nde ahɔtshahɔtsha lɔsɛnɔ lami la nkɛtɛ

Ndo asale dia lotombo lami mbeta lo ditshu. (Sela)

 6 Jehowa le, onɛɛ lo nkɛlɛ kayɛ;

Emalɛ odudu w’atunyi+ ami;

Emɔ dikambo diami, ndo lɔmba dia kilombo sambɔma la losembwe.+

 7 Wedja wakodinge;

Ko wɛ ayowalɔsha oma la diko.

Jehowa le, onombosha lo ndjela losembwe lami

Ndo lo ndjela olowanyi+ ami.

Koko shikikɛ onto ɔlɔlɔ,+

Lam’ele wɛ ekɔ Nzambi+ ka losembwe kasɛdingola etema+ ndo nsaki yoleki l’etei.*+

11 Nzambi ekɔ Shushi+ ya losembwe,

Ndo Nzambi mbewoyaka dombwelo* diande lushi tshɛ.

12 Naka ndooko onto layatshumoya,+ Nde kɛtɛmɔlaka lokuwa lande la ta;+

Nde minɛka ota ande ndo mbɔlɔngɔsɔlaka.+

13 Nde nɔngɔsɔlaka dihomɔ diande dia ta diakonya lo nyɔi;

Nde nɔngɔsɔlaka mpito+ yande yalombalomba.

14 Enda onto lele la diemi dia kɛnɛ kele kɔlɔ;

Nde tshɔɔka diemi dia paa ndo mbotaka kashi.+

15 Nde tshimaka difuku ndo dietɛka ɔhɔngɔ,

Koko nde kɔɔka lo difuku diakandatshime.+

16 Paa kelande kayokadimɔ lo ɔtɛ+ ande hita;

Akambo ande wa ngala wayɔkɔ lo lowako la l’ɔtɛ ande.

17 Dimi layotombola Jehowa l’ɔtɛ wa losembwe+ lande;

Dimi layemba esambo wa lotombo* dikambo dia lokombo la Jehowa+ Ɔnɛ-Laheme-Tshɛ.+

8 Jehowa Nkumɛso le, ande woke woke wele lokombo layɛ lo nkɛtɛ k’otondo lee!

Wɛ akakitsha lɔnɛnɛ layɛ etale ndekana olongo!*+

 2 Oma l’enyɔ w’ana w’akɛnda ndo w’ana w’ashashi,+ wɛ akashikikɛ lokalo

L’ɔtɛ w’andɔshi ayɛ,

Dia ndjiha onyɔ w’otunyi ndo w’ɔsɔmbɔyishi.

 3 Lam’atomendaka olongo ayɛ, elimu wa mpita yayɛ,

Ngɔndɔ ndo tɔɔtɔ takayalɔngɔsɔla,+

 4 Onto okovɔ eende katoyowodja yimba,

Ndo ɔna onto eende katoyookanɛ?+

 5 Wɛ akoosale yema l’ɛse ka wanɛ wele oko Nzambi,*

Ndo wɛ akɔɔlɔtsha lotombo ndo lɔnɛnɛ.

 6 Wɛ akawosha lotshungɔ la mbahemɛ elimu w’anya ayɛ;+

Wɛ akakitsha ɛngɔ tshɛ l’ɛse k’ekolo ande:

 7 Ɛkɔkɔ tshɛ la ngɔmbɛ,

Kaamɛ ndo nyama ya l’okonda,+

 8 Tofudu ta l’olongo ndo nse ya lo ndjale,

Kɛnɛ tshɛ keteta lo ndjale.

9 Jehowa le, dimi layokotombola la otema ami tshɛ;

Dimi layewoya akambo ayɛ tshɛ wa diambo.+

 2 Dimi layɔngɛnangɛna ndo layoka ɔlɔ le yɛ;

Dimi layembɛ lokombo layɛ esambo wa lotombo,* wɛ Ɔnɛ-Laheme-Tshɛ.+

 3 Etena kakalola atunyi ami ɛkɔngɔkɔngɔ,+

Vɔ wayotakana ndo wayoshishɔ oma la ntondo kayɛ.

 4 Nɛ dia wɛ swɛkami;

Wɛ mbidjasɛ lo kiti kayɛ ka lowandji, alombosha la losembwe.+

 5 Wɛ ambohangwɛ wedja+ ndo ambodiaka kanga kɔlɔ,

Lo minya lokombo lawɔ pondjo pondjo.

 6 Otunyi ambolanyema lo pondjo;

Wɛ akakundola esomba awɔ,

Ndo eohwelo kawɔ tshɛ kayoshishɔ.+

 7 Koko Jehowa mbidjasɛ lo kiti ka lowandji pondjo pondjo;+

Nde akashikikɛ kiti kande nge dikambo dia losembwe.+

 8 Nde ayolombosha nkɛtɛ k’otondo* la sambo k’ɔlɔlɔ;+

Nde ayosambola akambo wa wedja la losembwe.+

 9 Jehowa ayonga eshamelo k’oshika le osoyami,+

Eshamelo k’oshika lo tena dia paa.+

10 Wanɛ weya lokombo layɛ wayoyaɛkɛ le yɛ;+

Jehowa+ le, wɛ hasɛkaki pondjo wanɛ wakoyanga.

11 Nyembe esambo wa lotombo dikambo dia Jehowa lodjashi lo Siɔna;

Nyewoya anto+ etsha ande.

12 Nɛ dia Ɔnɛ lasɔmbɔya dikila diawɔ+ mbaohɔka;

Nde hatohɛ delo dia amɛnyi mfɔnu.+

13 Jehowa le, omboke kɛtshi; ohenda sui diansoya wanɛ wampetsha,

Wɛ lambetola oma lo asoko wa nyɔi,+

14 Dia dimi mbewoya etsha ayɛ wakoka tombɔma lo asoko w’ɔna womoto la Siɔna,+

Ndo ngɛnangɛna etsha ayɛ wa panda.+

15 Wedja wambotambɛ lo difuku diakawatshime;

Ekolo awɔ hita wambotala lo ɔtɛyi wakawashɛ.+

17 Akanga wa kɔlɔ wayokalola otsha lo Diombo,*

Wedja tshɛ wohɛ Nzambi.

18 Koko ose wola hatohamɛ pondjo;+

Ndo elongamelo k’akanga wa memakana hashishɔki pondjo.+

20 Jehowa+ le, okiyawɔ wɔma,

Wedja weye dia vɔ wekɔ tsho anto wokovɔ. (Sela)

 2 Kanga kɔlɔ mbitshanyaka la lotamanya tshɛ ɔnɛ laha l’ekimanyielo,+

Koko nde ayondama lo tokanyi takongɛnde.+

 3 Nɛ dia kanga kɔlɔ funaka dikambo dia nsaki+ yande ya lokaki*

Ndo tshɔkɔlaka kanga lokaki;*

נ [Nun]

Nde mɔnyɔlaka Jehowa.

 4 Lo lotamanya lande, kanga kɔlɔ hasale eyangelo;

Tokanyi tande tshɛ ele: “Nzambi keema.”+

 5 Mboka yande tetemalaka ndowana,+

Koko nde hakoke nshihodia+ dombwelo diayɛ;

Nde mɔnyɔlaka andɔshi ande tshɛ.

 6 Nde mbutaka l’otema ande ate: “Dimi hansutshasutshamaki pondjo;*

Lo lɔlɔnga la lɔlɔnga

Dimi hamɛnaki mpokoso+ pondjo.”

 7 Onyɔ ande ndola tɔɔ la mananu, kashi ndo la diɛngiya;+

Ofukutanu la kɛnɛ kele kɔlɔ+ kekɔ l’ɛse ka lolemi lande.

 8 Nde polamaka suke la ngelo;

Oma lo dihole diande di’eshamelo, nde ndjakaka onto laha la onongo.+

10 Ɔnɛ landande minɔmaka ndo kɔshamaka;

Ase paa kɔɔka lo anya ande.*

Le yɛ kɛɛlɛ ose paa;+

Wɛ ekɔ okimanyedi w’ɔna etshike.*+

15 Ɔkɔla lonya la kanga kɔlɔ ndo la onto a kɔlɔ,+

Kele lam’ayoyoyanga kɔlɔ kande,

Wɛ hotokitana nto.

18 Wɛ ayosambolɛ ɔna etshike ndo wanɛ wambominɔma,+

Diaha onto okovɔ lele la nkɛtɛ mbaotsha wɔma+ nto.

 2 Ohenda woho wanɛ akanga wa kɔlɔ ota;

Vɔ wambɔkɔhɛ lohito lo ɔkɔdi w’ota,

Dia ntshieta oma lo wodjima wanɛ wele l’etema wosembwe.

 3 Etena kambonyukɔ atshina,*

Kakɔna kakoka onto ɔlɔlɔ nsala?”

 5 Jehowa sɛdingolaka onto ɔlɔlɔ ndo kanga kɔlɔ;+

Nde* petshaka onto tshɛ lalanga awui wa ngala.+

 6 Nde ayɔlɔshɛ akanga wa kɔlɔ tolonga* oko mvula;

Dja la mbɔkɔ ya dja+ ndo lɔpɛpɛ la dja mbayowɔnɔ lo dikɔhɔ diawɔ.

12 Jehowa le, onshimbee, nɛ dia kanga kɔlamelo aya bu;

Anto wele la kɔlamelo wambonyɛma oma l’atei w’anto.

 2 Vɔ mbutanɛka kashi lam’asawɔ;

Vɔ tɛtɛmɔlaka la ɛlɔmɔ* awɔ ndo tɛkɛtaka la etema wa lokeso.*+

 3 Jehowa ayohembola ɛlɔmɔ tshɛ watɛtɛmɔla

Ndo lolemi lele la ofunu+ w’efula,

 4 Wanɛ wata vate: “Tayodja otshumba la nemi yaso.

Sho kambaka la ɛlɔmɔ aso oko walangaso;

Akɔna ayonga nkumɛso?”+

 5 Jehowa kata ate: “L’ɔtɛ wasoyama amɛnyi mfɔnu,

L’ɔtɛ w’osekumelo w’ase wola,+

Dimi layanga monɛɛ dia nsala dui dimɔtshi.

 6 Ɛtɛkɛta wa Jehowa wekɔ pudipudi;+

Vɔ wekɔ oko mfɛsa kambɛdiama lo nkuka ka nkɛtɛ,* kambosolama mbala 7.

 7 Jehowa+ le, wɛ ayowalama;

Wɛ ayokokɛ onto l’onto l’atei awɔ oma lo lɔlɔnga lɔnɛ pondjo pondjo.

 8 Akanga wa kɔlɔ mbetetaka aha la wekamu

Nɛ dia ana w’anto sukɛka lɔkɛwɔ la mindo.+

 2 Polo l’etena kakɔna kayomonga* l’awui w’okiyanu,

La lɔkɔnyɔ l’otema ami lushi tshɛ?

Ɔhɛtshɛɛ washo ami osase diaha dimi ndala djɔ lo nyɔi,

 4 Diaha otunyi ami ndjota ate: “Dimi lambɔɔlɛndja!”

 5 Lo wedi ami, dimi ndjaɛkɛka lo ngandji kayɛ ka kɔlamelo;+

Otema ami wayɔngɛnangɛnaka etsha ayɛ wa panda.+

Etsha awɔ wekɔ kɔlɔ, ndo awui wasalawɔ wekɔ wɔnɔnyi;

Ndooko onto lasala ɔlɔlɔ.+

 2 Koko Jehowa mendaka ana w’anto oma l’olongo

Dia menda kana ɔmɔtshi ekɔ la shɛnɔdi, kana ɔmɔtshi ekɔ lo nyanga Jehowa.+

 3 Vɔ tshɛ wambonganyiyama;+

Vɔ tshɛ wambɔlɛ etshimba.

Ndooko onto lasala ɔlɔlɔ,

Ndooko kaanga ɔtɔi.

 5 Koko vɔ wayolola tɔɔ la wɔma+ w’efula,

Nɛ dia Jehowa ekɔ kaamɛ la lɔlɔnga l’anto w’ɛlɔlɔ.

 6 Nyu atshi wa kɔlɔ nyangaka dia mfukutanya dikongelo dia mbolambola,

Koko Jehowa ekɔ eshamelo+ kande.

Lam’ayokaloya Jehowa wodja ande wele lo lɔhɔmbɔ,

Jakɔbɔ kangɛnɛngɛnɛ, Isariyɛlɛ kayale la ɔlɔ.

 2 Ɔnɛ lakɛndakɛnda lo yoho yaha la onongo,*+

Latosalaka kɛnɛ kele ɔlɔlɔ+

Ndo latotaka mɛtɛ l’otema ande.+

 3 Ɔnɛ lahamamatanyiyana la lolemi+ lande,

Ɔnɛ lahasalɛ osekande+ dui dia kɔlɔ,

Ndo ɔnɛ lahɔnyɔla* angɛnyi+ ande.

 4 Ɔnɛ latona onto a kɔlɔ tshɛ,+

Koko nde mbishaka wanɛ woka Jehowa wɔma kɛnɛmɔ.

 5 Ɔnɛ lahatɔsɔndjaka falanga yande la wahɔ,+

Ndo ɔnɛ lahalongola etshimba dia salɛ onto laha la onongo+ kɔlɔ.

 3 Ndo ekilami wele la nkɛtɛ,

Ɛnɛnɛ, mbishakami ɔngɛnɔngɛnɔ+ w’efula.”

Dimi hambitsholaki pondjo elambo awɔ wa lotɛ wa dikila,

Ndo ɛlɔmɔ ami hawotodimola nkombo+ yawɔ.

Ɔlɔ w’efula wekɔ laleyɛ;*+

Ndo ɔngɛnɔngɛnɔ mongaka lo lonya layɛ l’omi pondjo pondjo.

17 Jehowa le, olonge ɔsɛngɔsɛngɔ wayangami losembwe;

Odje yimba lo delo diayangami ekimanyielo;

Ohokame dɔmbɛlɔ diami diaha la lokeso.+

 2 Ɔsa yɛdikɔ yosembwe lo wahɔ+ ami;

Washo ayɛ wɛnyi kɛnɛ kosembwe.

 3 Wɛ akasɛdingola otema ami, wɛ akamembola l’otsho;+

Wɛ akambɛdia;+

Wɛ ayɛna dia dimi kokongɛ ndooko dui dia kɔlɔ,

Ndo onyɔ ami kosala kɔlɔ.

 4 Lo dikambo dia etsha w’anto,

Lo yoho yɔtɔnɛ la ɛtɛkɛta wa lo ɛlɔmɔ ayɛ, dimi lakatone mboka y’apɔtwanyi.+

 5 Wanya ami watshikale lo ɛsɛsɛ ayɛ

Diaha ekolo ami ntakana.+

 7 Ɛnya ngandji kayɛ ka kɔlamelo lo yoho ya diambo,+

Wɛ Oshimbedi wa wanɛ wayanga eshamelo lo lonya layɛ l’omi

Oma le wanɛ wakɔtɔmbɔkwɛ.

 8 Oname oko ɔna sso diayɛ;+

Ombishɛ lo dɛdi dia ahafu+ ayɛ.

 9 Oname oma le akanga wa kɔlɔ wandɔsha,

Oma le atunyi ami wokovɔ* wamboninga.+

10 Vɔ hawoyɔtɛtɛ solo;*

La onyɔ awɔ mbatɛkɛtawɔ la lotamanya tshɛ;

11 Wonya ɔnɛ, vɔ wambotodinga;+

Vɔ wendɛka le mpawo dia tɔkɔsha.*

12 Nde ekɔ oko ntambwɛ kalomɔlomɔ dia mbatshatsha nyama kondjitɔ,

Oko ɔsɔngɔ wa ntambwɛ wamboholama.

13 Jehowa le, onɛɛ dia mbɔlɔsha+ ndo dia mbɔkɔsha;

Ombitsha* la lokuwa layɛ la ta oma le kanga kɔlɔ;

14 Jehowa le, ombitsha la lonya layɛ,

Oma le anto wa l’andja ɔnɛ,* wele sango diawɔ diekɔ lo lɔsɛnɔ lɔnɛ,+

Wanɛ walodiayɛ la diangɔ di’amɛna diakimɔyɛ+

Ndo watshikɛ efula k’anawɔ etenyi k’okitɔ.

15 Koko le mi, dimi layɛna elungi kayɛ lo losembwe;

Dimi lambɔngɛnangɛna memɔ laleyɛ.*+

Nzambi kami kele dive+ diami, le nde katomoyashɛka,

Engawo kami ndo loseke* lami la panda,* eshamelo+ kami k’oshika.

 3 Dimi mbelɛka* Jehowa, ɔnɛ lahomba tombɔma,

Ko layoshimbamɛ oma le atunyi+ ami.

 4 Ɛkɔdi wa nyɔi wakanyinge;+

Dola di’anto w’anyanya dia lo kamula ka sso diakambotsha wɔma.+

 5 Ɛkɔdi wa Diombo* wakanyinge;

Tolonga ta nyɔi takalɔshana la mi.+

 6 Lam’akimi la lɔkɔnyɔ, dimi lakelɛ Jehowa,

Nzambi kami kakamatetemalaka ndelɛ dia nyanga ekimanyielo.

Nde akoke dui diami+ oma lo tɛmpɛlɔ kande,

Ndo delo diami dia nyanga ekimanyielo diakakome lo atoyi ande.+

 7 Ko nkɛtɛ yakatatɛ nsukasuka ndo didima;+

Atshina w’akona wakayɛkayɛka

Ndo wakasukasuka, nɛ dia nde akomala.+

 8 Edinga wakatombe oma lo wesho w’ɛhɛmbɛ ande,

Ndo dja yatshumba yakatombe oma l’onyɔ+ ande;

Akalanga wa dja wakahɛtɛ oma le nde.

 9 Nde akɛngɛ olongo lam’akandaholɔ,+

Ndo wodjima wa tshududu waki l’ɛse k’ekolo+ ande.

11 Ko nde akayakombe lo wodjima,+

Lo wedi akɔ tshɛ oko hiombo,

Lo ashi w’edima ndo lo wange+ w’ekama.

12 Oma lo ngaingai kele la ntondo kande,

Mbɔkɔ ya mvula ndo akalanga wa dja kitaka oma lo wange.

13 Ko Jehowa akatatɛ nkungola l’olongo;+

Ɔnɛ-Laheme-Tshɛ akokiya+ dui diande

La ave wa mbɔkɔ ya mvula ndo la akalanga wa dja.

14 Nde akoke mpito yande, ko akaahandjola;+

Nde akatome dingadimu diande, ko akawadje lo lofunge.+

15 Odihe wa l’ɛse k’ashi* wakɛnama;+

Atshina wa wodja wakatombe sɛkɛ oma lo lohango layɛ, wɛ Jehowa,

Oma lo loowe la lo wesho w’ɛhɛmbɛ ayɛ.+

16 Nde akaholoya lonya lande oma la diko;

Nde akankimɛ ndo akantondja oma l’ashi wa dingunda.+

17 Nde akambitsha oma le otunyi+ ami wa wolo,

Oma le wanɛ wampetsha, wakandekaka wolo.+

18 Vɔ wakandɔsha lushi lakimi la mpokoso,+

Koko Jehowa aki osukɔ ami.

19 Nde akantɔlɛ otsha lo dihole di’ekokelo;*

Nde akampandja, nɛ dia nde akanangaka.+

20 Jehowa ambomfuta lo ndjela losembwe+ lami;

Nde ambombisha difuto lo ndjela woho wele anya ami+ bu la onongo.*

21 Nɛ dia dimi lakalame mboka ya Jehowa,

Ndo dimi kɔsɛka Nzambi kami lo yoho ya kɔlɔ.

22 Dombwelo diande tshɛ diekɔ la ntondo kami;

Dimi hantɔnyɔla wadjango ande.

23 Dimi layongaka aha l’onongo la ntondo kande,+

Ndo layoyalamaka diaha nsala munga.+

24 Jehowa amfute lo ndjela losembwe+ lami,

Lo ndjela woho wele anya ami bu la onongo la ntondo kande.+

25 Le kanga kɔlamelo, wɛ mbosalɛka akambo la kɔlamelo;+

Le ɔnɛ laha la onongo, wɛ mbosalɛka akambo lo yoho yaha la onongo;+

26 Le kanga pudipudi, wɛ ndjaɛnyaka pudipudi,+

Koko le onto laha la losembwe, wɛ ndjaɛnyaka kanga kɛsɔ.+

27 Nɛ dia wɛ shimbɛka tombolambola*+

Koko wɛ kitshakitshaka akanga wa ndjadiya.*+

28 Nɛ dia Jehowa le, wɛ kahɛtsha tala diami,

Nzambi kami katongamulɛka wodjima+ ami osase.

29 La ekimanyielo kayɛ, dimi koka mbitshanya olui wa dengalenga;+

La wolo wa Nzambi, dimi koka mbidɛ lo ehele.+

30 Mboka ka Nzambi ka mɛtɛ kekɔ kokele;+

Ɛtɛkɛta wa Jehowa wekɔ pudipudi.+

32 Nzambi ka mɛtɛ kandɔtsha wolo,+

Ndo nde ayetɛ mboka kami kokele.+

33 Nde mbetɛka ekolo ami oko ekolo wa mpele;

Nde memadiakami lo ahole wa la diko.+

34 Nde mbetshaka anya ami dia ndɔ ta;

Anya ami koka minɛ ota wa nkonga.

35 Wɛ mbishakami engawo kayɛ ka panda,+

Lonya layɛ l’omi sukɛkami,

Ndo okitshakitsha ayɛ mbetɛkami woke.+

36 Wɛ nanulɛka akaka ami mboka;

Ekolo* ami hawotɔsɛlɔ.+

37 Dimi layoyelana la atunyi ami ndo layowanda;

Dimi hantokalola polo lam’ayomaashila oshiki.

38 Dimi layowaminola, ko vɔ hawotokoka memala;+

Vɔ wayɔkɔ lo ekolo ami.

39 Wɛ ayombisha wolo wa ndɔ ta;

Wɛ ayɔkɔsha andɔshi ami l’ɛse kami.+

40 Wɛ ayosala dia atunyi ami ndawɔmi;*

Ndo dimi layolanya* wanɛ wampetsha.+

41 Vɔ wekɔ lo ndela ekimanyielo, koko ndooko onto laashimbɛ;

Vɔ wekɔ lo ndelɛ ndo Jehowa, koko nde hawakadimola.

42 Dimi layowatɔ dia vɔ monga ofushi oko ditshu lo lɔpɛpɛ;

Dimi layowakasha oko lɔtɛkɛ lo toshinga.

44 Vɔ wayoka lokumu loto, ko wayonkitanyiya;

Angɛndangɛnda wayoya wayaatɛ asolo la ntondo kami.+

45 Angɛndangɛnda wayoshisha dihonga;*

Vɔ wayoya wayasake lokomba oma lo ahole awɔ w’eshamelo.

47 Nzambi ka mɛtɛ ambɔsɔmbɔya lo dihole diami;+

Nde amboholoya anto l’ɛse kami;

48 Nde ambombitsha oma le atunyi ami wele la nkɛlɛ.

Wɛ ambombidiya la diko dia wanɛ wandɔsha;+

Wɛ ambonshimbɛ oma le pami ka ngala.

49 Diakɔ diele, Jehowa+ le, dimi layokokaka losaka l’atei wa wedja,

Ndo layembɛka lokombo layɛ esambo wa lotombo.*+

50 Nde ambosalɛ nkumekanga+ kande akambo wa weke wa panda;*

Nde ambɛnya ngandji ka kɔlamelo le okitami ande w’esɔ,+

Le Davidɛ ndo le kanula* yande pondjo pondjo.+

19 Olongo wekɔ lo nsanya lotombo la Nzambi;+

Loowa* mbewoyaka olimu w’anya ande.+

 2 Lushi la lushi ɛtɛkɛta awɔ pongɔka,

Ndo otsho la otsho vɔ kɛnɛmɔlaka ewo.

 3 Ndooko dui ndo ndooko tshɛkɛta;

Dui diawɔ hadiokɛma.

 4 Koko londjo* ladjawɔ lambokɛma lo nkɛtɛ k’otondo,

Ndo losango lawɔ polo lo tokoma ta nkɛtɛ k’otondo.*+

L’olongo kakandakɛ wonya luudu la dipɛma;

 5 Vɔ wekɔ oko otshuki a wadi kayatombe oma lo luudu la ndala laki atshukanyi;

Vɔ ngɛnangɛnaka oko pami ka wolo katalawɔ lowango lande.

 6 Vɔ tombaka oma lo koma mɔtshi y’olongo,

Ko vɔ tshimbaka otsha lo koma+ kina;

Ndo ndooko ɛngɔ kashɛma oma lo laladi lawɔ.

 8 Wadjango wa Jehowa wekɔ esembɔki, vɔ ngɛnyangɛnyaka otema;+

Ɛlɛmbɛ wa Jehowa wekɔ pudipudi, vɔ mbetɛka washo ngaingai.+

10 Diɔ ndeka paonyi nɛmɔ,

Ndeka ndo paonyi+ ka dimɛna* nɛmɔ,

Ndo diekɔ mpɛ ndeka osanga,+ ɛɛ, osanga wakɛla oma lo ehehe.

11 La diɔ katowɔhɛmɔlaka+ okambi ayɛ;

Ɔnɛ ladilama nongolaka difuto+ dia woke.

13 Ndo nya okambi ayɛ oma lo akambo w’otako;+

Tetawɔke dia vɔ mbahemɛmi.+

Ko dimi layonga aha la ɛkɔmɔ,+

Ndo aha la onongo wa pɛkato yɛnama lo sɛkɛ.*

14 Ɛtɛkɛta wa lo onyɔ ami ndo ekanelo ka yimba k’otema ami

Wakɔngɛnyangɛnya,+ wɛ Jehowa, Dive+ diami ndo Otshungodi+ ami.

 2 Nde akotomee ekimanyielo oma lo dihole di’ekila+

Ndo akosuke oma lo Siɔna.+

 3 Nde oohɔ elambo ayɛ tshɛ wa weshasha;

Nde eetawɔ la ɔngɛnɔngɛnɔ tshɛ* olambo ayɛ wa lotshumba. (Sela)

 4 Nde akokotshe nsaki y’otema ayɛ+

Ndo asale dia kɛnɛ tshɛ kakongɛyɛ* ndowana.

 5 Sho tayoda ekoko w’ɔngɛnɔngɛnɔ l’ɔtɛ w’etsha ayɛ wa panda;+

Tayohanɛ tolembetelo taso lo lokombo la Nzambi+ kaso.

Nde mbokadimolaka oma l’olongo ande w’ekila

La panda ka woke* oma lo lonya lande l’omi.+

 7 Amɔtshi ndjaɛkɛka le pusupusu ndo akina le mfalasa,+

Koko sho mbelɛka* lokombo la Jehowa Nzambi+ kaso.

 8 Vɔ wambɔsɛlɔ ndo wambɔkɔ,

Koko sho tambetɔ ndo tambokaloyama.+

21 Jehowa le, lo wolo ayɛ kangɛnangɛna+ nkumekanga;

Ande efula kangɛnangɛnande etsha ayɛ wa panda+ lee!

 2 Wɛ ambookotshɛ nsaki y’otema+ ande,

Ndo wɛ hawodimi kɛnɛ kalɔmba ɛlɔmɔ ande. (Sela)

 3 Nɛ dia wɛ akahomana la nde la ɛtshɔkɔ efula;

Wɛ akahɛ dɛmbɔ dia nkoso dia la paonyi ka dimɛna* lo ɔtɛ+ ande.

 4 Nde akakɔlɔmbɛ lɔsɛnɔ, ko wɛ akawoshalɔ,+

Lɔsɛnɔ l’otale,* la pondjo pondjo.

 6 Wɛ akɔɔtshɔkɔla lo pondjo;+

Wɛ akɔɔngɛnyangɛnya la ɔlɔ wa laleyɛ.*+

 7 Nɛ dia nkumekanga ndjaɛkɛka le Jehowa;+

L’ɔtɛ wa ngandji ka kɔlamelo ka Ɔnɛ-Laheme-Tshɛ, nde hasutshasutshamaki+ pondjo.*

 8 Lonya layɛ layonda atunyi ayɛ tshɛ;

Lonya layɛ l’omi layonda wanɛ wakohetsha.

10 Wɛ ayolanya tokanula* tawɔ oma la nkɛtɛ,

Ndo anawɔ oma l’atei w’ana w’anto.

11 Nɛ dia vɔ waki la kanyi ya kosalɛ kɛnɛ kele kɔlɔ;+

Vɔ wakakongɛ tokanyi tahatolowana.+

12 Nɛ dia wɛ ayowakaloya ɛkɔngɔkɔngɔ+

Lo mbɛdiya ota* ayɛ otsha le wɔ.*

Lande na kamboyangana etale dia shimbɛmi,

Etale mangana la ekoko ami wa shɔkɔ?+

 2 Nzambi kami katetemalami mbelɛ la yanyi, koko wɛ hankadimola;+

Ndo l’otsho dimi halɔlama.

 3 Koko wɛ ekɔ ekila,+

Nyingama la* lotombo la Isariyɛlɛ.

 4 Le yɛ mbakayaɛkɛ+ washɛso;

Vɔ wakayaɛkɛ, ko wɛ akatetemala mbatsha.+

 5 Vɔ wakakolelɛ, ko vɔ wakashimbamɛ;

Vɔ wakayaɛkɛ le yɛ, ko vɔ kɔmɛmba ɛkɔndjɔ.*+

 6 Koko dimi lekɔ ɔsɔhɔ, aha onto,

Laya ɛngɔ ka diɔnyɔ* le anto ndo ɛngɔ k’anyanya le wodja.+

 7 Wanɛ tshɛ wamɛna mbɔlakami;+

Vɔ shilɛkami amɛku ndo vɔ nyinginyaka ɛtɛ awɔ la diɔnyɔ+ vate:

 9 Wɛ kakantondja oma lo dikundju,+

Wɛ kakasale dia dimi ndjaoka lo ekokelo lo awɛlɛ wa mama.

10 Dimi lokoyaɛkɛka lo ekokelo kayɛ* oma ko eotwelo;

Oma ko dikundju dia mama, wɛ aki Nzambi kami.

11 Tanganake etale la mi, nɛ dia paa kekɔ suke+

Ndo dimi bu la okimanyedi+ okina.

12 Ɛsɔngɔ efula wa ngɔmbɛ ya waomi wambonyinga;+

Ngɔmbɛ ya waomi ya wolo y’oma la Bashana yambontshimba djwɛ.+

13 Yɔ yambombasolɛ enyɔ ayɔ hwe,+

Oko ntambwɛ kadikita kaatshatsha+ nyama kondjitɔ.

14 Dimi lambotshulɔ oko ashi;

Weka ami tshɛ wambɔsɔngɔ.

Otema ami waya oko wata;*+

Vɔ wambɔlɛlɔ l’etei kami.+

15 Wolo ami wamboma oko ɛtshi ka diwomba;+

Lolemi lami lambomamatana la eshingi ami;+

Wɛ ekɔ lo tampoloya lo ditshu dia nyɔi.+

16 Nɛ dia mfɔ yambonyinga;+

Yɔ yamboleka nsukana la mi oko olui w’atshi wa kɔlɔ,+

Oko ntambwɛ, yɔ yekɔ lo anya la ekolo ami.+

18 Vɔ wambokahana ahɔndɔ ami lam’asawɔ,

Ndo vɔ wamboka owale dia mbɔsa dihɔndɔ+ diami.

20 Onshimbee* oma lo lokuwa la ta,

Lɔsɛnɔ lami la nɛmɔ* oma lo nkala* ya mfɔ;+

21 Onshimbee oma l’onyɔ wa ntambwɛ+ ndo oma lo nseke ya ndjate;

Onkadimole ndo onshimbee.

22 Dimi layewoya analengo+ lokombo layɛ;

Layokotombola l’atei w’etshumanelo.+

24 Nɛ dia nde hɔnyɔla ndo hoke asui w’osoyami+ wɔnɔnyi;

Nde hashɛ elungi kande oma le nde.+

25 Dimi layokotombola lo etshumanelo+ ka woke;

Dimi layoshidiya alɔkɔlɔkɔ ami la ntondo ka wanɛ wawooka wɔma.

26 Akanga wa memakana wayɔlɛ, ko wayolota;+

Wanɛ wayanga Jehowa wayowotombola.+

28 Nɛ dia Jehowa kakanga lowandji;+

Nde koolɛ wedja.

29 Akanga w’ɛngɔnyi* tshɛ wa la nkɛtɛ wayɔlɛ ndo wayokusama;

Wanɛ tshɛ wataholɔ otsha lo ditshu wayoka adwe la ntondo kande;

Ndooko onto l’atei awɔ lakoka nshimbɛ nsɛnɔ* yawɔ.

30 Tokanula* tawɔ wayowokambɛ;

Wayotɛ lɔlɔnga layaye awui wendana la Jehowa.

 2 Nde mbetanyakami lo adiyo w’ɔmɔngɛla;

Nde nɔmbɔlakami otsha lo ahole wa momuya wele la ashi wa yɔɔ yɔɔ.*+

 4 Kaanga mbakɛndakɛndami lo okidi wa wodjima wa hitɔɔ,+

Dimi haloke waale+ wɔma,

Nɛ dia wɛ ekɔ kaamɛ la mi;+

Danga diayɛ la ɔkɔmba ayɛ mbishakami eshikikelo.*

Wɛ mbututadiaka* ɔtɛ ami la esɔ;+

Dikɔhɔ diami ndola tɔɔ.+

 6 Lo mɛtɛ, ɔlɔlɔ ndo ngandji ka kɔlamelo wayondjelaka nshi tshɛ ya lɔsɛnɔ lami,+

Ndo dimi layodjasɛka lo luudu la Jehowa nshi yami tshɛ.+

24 Jehowa kakanga nkɛtɛ ndo ɛngɔ tshɛ kele lɔkɔ,+

Nkɛtɛ y’ɛtɛtɔ ndo wanɛ wodjashi lɔkɔ.

 2 Nɛ dia nde akayihike wolo lo ndjale+

Ndo akayishikikadia nge lo ɛkɛdi.

 3 Akɔna akoka mbidɛ lo dikona dia Jehowa,+

Ndo akoka memala lo dihole diande di’ekila?

 4 Onto tshɛ lele la anya waha la onongo ndo la otema wa pudipudi,+

Ɔnɛ lahatotshibaka etshibelo ka kashi lo lɔsɛnɔ Lami,*

Ndo lahatotshibaka lo lokeso.+

 5 Nde ayolongola ɛtshɔkɔ w’oma le Jehowa+

Ndo losembwe l’oma le Nzambi kande ka panda.+

 6 Ɔsɔ kele lɔlɔnga la wanɛ wooyanga,

La wanɛ wayanga elungi kayɛ, wɛ Nzambi ka Jakɔbɔ. (Sela)

 7 Nyu asoko,+ nyowedia ɛtɛ anyu;

Nyu nkuke y’edjedja, nyodihɔ,*

Kele Nkumekanga ka lotombo ɔɔtɔ!+

Jehowa, kanga nkudu ndo wolo,+

Jehowa, kanga wolo lo ta.+

 9 Nyu asoko,+ nyowedia ɛtɛ anyu;

Nyu nkuke y’edjedja, nyodihɔ,

Kele Nkumekanga ka lotombo ɔɔtɔ!

 2 Nzambi kami le, dimi ndjaɛkɛka le yɛ;+

Tetawɔke dia dimi mbishama nsɔnyi.+

 3 Lo mɛtɛ, ndooko lalongamɛ le yɛ layoshama nsɔnyi,+

Koko nsɔnyi kekɔ lo nkonga wanɛ wafungana ofunganafungana.+

 4 Jehowa+ le, ombewoya mboka yayɛ.

Ombetsha ɛsɛsɛ+ ayɛ.

 5 Ɔnkɛndjakɛndja lo mɛtɛ kayɛ ndo ombetsha,+

Nɛ dia wɛ kele Nzambi kami ka panda.

 6 Jehowa le, ohɔ kɛtshi kayɛ ndo ngandji kayɛ ka kɔlamelo,+

Kokoyɛnyaka+ tena tshɛ.*

Ombohɔ lo ndjela ngandji kayɛ ka kɔlamelo,+

L’ɔtɛ w’ɔlɔlɔ ayɛ, wɛ Jehowa.+

 9 Nde ayɔlɔmbɔla akanga wa memakana lo kɛnɛ kosembwe,*+

Ndo nde ayetsha akanga wa memakana mboka kande.+

10 Mboka tshɛ ya Jehowa yekɔ ngandji ka kɔlamelo ndo kɔlamelo

Le wanɛ walama sheke+ yande ndo waohwelo+ ande.

11 Jehowa+ le, l’ɔtɛ wa lokombo layɛ,

Odimanyiya munga kami, kaanga mbetɔ woke.

13 Nde* ayohomana la kɛnɛ kele ɔlɔlɔ,+

Ndo tokanula* tande wayokita nkɛtɛ.+

14 Lɔngɛnyi la ma ma la Jehowa lekɔ le wanɛ wawooka wɔma,+

Ndo nde mbaewoyaka sheke yande.+

15 Washo ami mbɛlɛka nshi tshɛ otsha le Jehowa,+

Nɛ dia nde ayotshungola ekolo ami oma l’ɔtɛyi.+

16 Okadimɔ oya le mi ndo omboke kɛtshi,

Nɛ dia lekɔ dimɛ ndo dimi bu la okimanyedi.

17 Asui w’otema ami wambofula;+

Ontshungole oma lo lɔkɔnyɔ lami.

18 Enda sui diami ndo paa kami,+

Ndo odimanyiya pɛkato yami tshɛ.+

19 Enda woho wele atunyi ami efula

Ndo woho wampetshawɔ la ngala tshɛ.

21 Olowanyi la losembwe wankokee,+

Nɛ dia elongamelo kami kekɔ le yɛ.+

26 Jehowa le, ɔnsɛdingole lo kilombo, nɛ dia lakakɛndakɛnda lo olowanyi+ ami;

Lakayaɛkɛ le Jehowa aha la ndjɛkayɛka.+

 2 Jehowa le, ɔnsɛdingole ndo ompembe;

Ɛdia tokanyi tami toleki l’etei* ndo otema+ ami.

 3 Nɛ dia ngandji kayɛ ka kɔlamelo kekɔ nshi tshɛ la ntondo kami,

Ndo lekɔ lo nkɛndakɛnda lo mɛtɛ+ kayɛ.

 4 Dimi halekesanɛ* l’akanga wa lokeso,+

Ndo dimi mbewɔka wanɛ washɛ woho wewɔ.*

 5 Dimi petshaka lɔngɛnyi la anto wa kɔlɔ,+

Ndo dimi tonaka dia mbekesanɛ* l’akanga wa kɔlɔ.+

 6 Layosola anya ami lo monga aha la onongo,

Ndo Jehowa le, layeteta lo otshimbedi wa elambwelo kayɛ,

 7 Dia mbokiya londjo la eokelo ka losaka+

Ndo dia mbewoya akambo ayɛ tshɛ wa diambo.

 8 Jehowa le, dimi nangaka luudu ladjasɛyɛ,+

Dihole diadjasɛ+ lotombo layɛ.

 9 Tominyake* kaamɛ l’atshi wa pɛkato+

Ndo tɔsake lɔsɛnɔ lami kaamɛ l’akanga wa ngala,*

10 Wanɛ wele anya awɔ ndjashaka lo lɔkɛwɔ la nsɔnyi,

Ndo wele lonya lawɔ l’omi ndola tɔɔ la etshimba.

12 Lokolo lami memala lo nkɛtɛ y’ebamubamu;+

Dimi layotombolaka Jehowa lo etshumanelo ka woke.*+

 2 Etena kakandɔsha anto wa kɔlɔ dia ndɛ emunyi+ ami,

Andɔshi ami ndo atunyi ami mbakatakana ndo mbakakɔ.

 3 Kaanga mbayoka asɔlayi mpango dia ndɔshami,

Otema ami hawotoka wɔma.+

Kaanga mbakoka ta mbɔtwɛmi,

Ndo l’etena kɛsɔ, dimi layongaka la wɛkamu.

 4 Dui 1 kakamalɔmbɛ Jehowa;

Dui diakɔ kayomoyangaka:

Dia dimi mbidjasɛ lo luudu la Jehowa nshi tshɛ ya lɔsɛnɔ lami,+

Dia shishimaka dimɛna dia Jehowa

Ndo dia mendaka la lowando tshɛ* tɛmpɛlɔ*+ kande.

 5 Nɛ dia nde ayombishɛ lo hiombo yande lushi la mpokoso;+

Nde ayomomba lo dihole dia woshamu dia lo luudu lande la dipɛma;+

Nde ayombidiya la diko dia dive.+

 6 Laasɔ kete ɔtɛ ami waya laadiko dia atunyi ami wonyingi;

Dimi layolambola elambo lo luudu lande la dipɛma la ekoko w’ɔngɛnɔngɛnɔ;

Dimi layembɛ Jehowa esambo wa lotombo.*

 7 Jehowa le, ompokame etena kalelami;+

Omboke kɛtshi ndo onkadimole.+

Wɛ kele okimanyedi+ ami;

Nzambi kami ka panda le, tɔnsɛkake ndo tontshikake.

10 Oyadi kaanga papa la mama wambɔnsɛka,+

Jehowa ndamɛ ayonongola.+

11 Jehowa+ le, ombetsha lo mboka kayɛ,

Ɔnɔmbɔlɛ lo mboka ka losembwe l’ɔtɛ w’atunyi ami.

12 Tonkimɔke le andɔshi ami,*+

Nɛ dia ɛmɛnyi wa kashi wambotomba lo dikambo diami,+

Ndo vɔ wekɔ lo manɛɛmi la awui wa ngala.

13 Lende otomonga otondonga dimi bu la mbetawɔ

Dia dimi mɛna ɔlɔlɔ wa Jehowa lo nkɛtɛ ya wanɛ wasɛna?*+

14 Olongamɛke le Jehowa;+

Oyale la dihonga ndo la otema+ wa wolo.

28 Wɛ katomolelɛka, wɛ Jehowa Dive+ diami;

Toyalake kanga ehoke le mi.

Naka wɛ mbɔlama lo dikambo diami,

Dimi layoyala oko wanɛ watatshu otsha lo difuku.*+

 2 Ohokame ɛsɛngɔsɛngɔ wakolelɛmi dia nyanga ekimanyielo

Lam’awediami anya ami otsha lo luudu loleki l’etei la lo tɛmpɛlɔ kayɛ k’ekila.+

 3 Tominyake kaamɛ l’akanga wa kɔlɔ, kaamɛ la wanɛ wasala kɛnɛ kele kɔlɔ,+

Wanɛ watɛ osekawɔ awui wa ki etena kele kɔlɔ lo etema awɔ.+

 4 Owafute l’ɔtɛ wa etsha awɔ,+

Lo ndjela etsha awɔ wa kɔlɔ.

Owafute nto l’ɔtɛ w’olimu w’anya awɔ,

Lo ndjela kɛnɛ kambowosala.+

 5 Nɛ dia vɔ hawodje yimba lo kɛnɛ kasala Jehowa,+

Ndo l’olimu w’anya ande.+

 6 Jehowa atombɔme,

Nɛ dia nde amboka ɛsɛngɔsɛngɔ wayangami ekimanyielo.

 7 Jehowa kele wolo+ ami ndo engawo+ kami;

Le nde kayaɛkɛ otema ami.+

Dimi lakalongola ekimanyielo kande, ko otema ami wambɔngɛnangɛna,

Ɔnkɔnɛ, dimi layowotombola la osambo ami.

 8 Jehowa ekɔ wolo le anto ande;

Nde ekɔ longele, nde mbishaka okitami+ ande panda ka woke.

29 Nyosha Jehowa kɛnɛ kahombande nongola, nyu ana w’akanga wa wolo,

Nyosha Jehowa kɛnɛ kahombande nongola l’ɔtɛ wa lotombo ndo wolo+ ande.

 3 Dui dia Jehowa diambokɛma laadiko di’ashi;

Nzambi ka lotombo ambokungola.+

 4 Dui dia Jehowa diekɔ la wolo;+

Dui dia Jehowa diekɔ diambo.

 5 Dui dia Jehowa pembolaka elondo;

Ɛɛ, Jehowa mbatshatshaka elondo wa la Lɛbanɔna.+

 6 Nde salaka dia Lɛbanɔna* nembɔ oko ɔsɔngɔ wa ngɔmbɛ,

Ndo Siriyɔna+ oko ɔsɔngɔ wa ndjate.

 7 Dui dia Jehowa kɔmɔlaka la nyombe ya dja;+

 8 Dui dia Jehowa didinyaka oswe;+

Jehowa didinyaka oswe wa Kadɛshɛ.+

 9 Dui dia Jehowa salaka dia mpele didima ndo mbota

Ndo diɔ mbetɛka ekonda hwe.+

10 Jehowa mbidjasɛ lo kiti kande laadiko di’ashi wambɔmbɔ;*+

Jehowa mbidjasɛ lo kiti kande oko nkumekanga pondjo pondjo.+

30 Dimi layokotombola, wɛ Jehowa, nɛ dia wɛ akambidiya;*

Wɛ kotshika dia atunyi ami ngɛnangɛna l’ɔtɛ ami.+

 4 Nyembee Jehowa esambo wa lotombo,* nyu ekambi ande wa kɔlamelo,+

Nyosha lokombo* lande l’ekila losaka;+

 5 Nɛ dia monga l’ɛse ka nkɛlɛ kande ekɔ paka lo tshanda mɔtshi tsho,+

Koko mpomɔ lokolo l’ɔlɔ le nde* ekɔ lɔsɛnɔ l’otondo.+

 8 Jehowa le, wɛ katomelɛka;+

Ndo Jehowa katomɔlɔmbaka kɛtshi.

11 Wɛ ambokadimola delo diami nɔshi dia lokombe;

Wɛ ambokolola dikoto diami ndo ambɔndɔtsha ɔngɛnɔngɛnɔ,

12 Dia dimi* membaka lotombo layɛ ndo aha ntshikala ki.

Onga dikona dia longele le mi,

Dihole dia wolo dia shimbɛmi.+

 3 Nɛ dia wɛ kele dive diami ndo longele+ lami;

L’ɔtɛ wa lokombo+ layɛ, wɛ ayɔnɔmbɔla ndo ayɔmɛnya mboka.+

 4 Wɛ ayontshungola oma l’ɔtɛyi wakawamambe lo woshɛshɛ,+

Nɛ dia wɛ kele eshamelo kami.+

 6 Dimi petshaka wanɛ wayasha le dikishi di’anyanya, diele bu la nɛmɔ,

Koko le mi, dimi ndjaɛkɛka le Jehowa.

 7 Dimi layɔngɛnangɛna efula lo ngandji kayɛ ka kɔlamelo,

Nɛ dia wɛ ambɛna sui+ diami;

Wɛ mbeyaka shɔkɔ yami y’efula.*

 8 Wɛ hankimwe le otunyi,

Koko wɛ ambomemadia lo dihole di’ekokelo.*

10 Lɔsɛnɔ lami lambɔlɛɛma la lɔkɔnyɔ+

Ndo ɛnɔnyi ami la akumu.+

Wolo ami wambokitakita l’ɔtɛ wa munga kami;

Weka ami wambɔlɛmba.+

11 Dimi lambɔnywama oma le andɔshi ami tshɛ,+

Djekoleko asukanyi ami.

Ndo asekami wambombata asolo;

Etena kamɛnawɔ lo sɛkɛ, vɔ ndawɔkami.+

12 Dimi laya bu lo etema* awɔ ndo lambohamɛ, wate kana oko lambovɔka;

Dimi laya oko mbaka kambolɛ.

13 Dimi lakoke engunungunu efula wa kɔlɔ;

Wɔma wambonyinga.+

Etena kasanganawɔ oko onto ɔtɔi dia ndɔshami,

Vɔ kongɛka dia mbɔsa lɔsɛnɔ* lami.+

Akanga wa kɔlɔ washame nsɔnyi;+

Vɔ wɔlame lo Diombo.*+

18 Ɛlɔmɔ wata kashi wayale lomi,+

Ɛlɔmɔ watɛkɛta la lotamanya tshɛ dikambo di’onto ɔlɔlɔ, la ndjadiya ndo la diɔnyɔ.

Wɛ akoolame dikambo dia wanɛ wakooka wɔma,+

Ndo wɛ akawɛnya la ntondo k’anto tshɛ lo wahɔ wa wanɛ wayashɛ le yɛ.+

20 Wɛ ayowashɛ lo dihole dia woshamu dia laleyɛ+

Oma lo dikongelo di’anto;

Wɛ ayowashɛ lo hiombo yayɛ

Oma lo ɛlɔshamelo wa kɔlɔ.*+

21 Jehowa atombɔme,

Nɛ dia lo yoho ya diambo, nde akamɛnya ngandji kande ka kɔlamelo+ lo osomba wambodingama.+

Jehowa kokɛka akanga wa kɔlamelo,+

Koko nde mbishaka wanɛ tshɛ wele la lotamanya dilanya dia wolo.+

24 Nyonge la dihonga ndo nyokeketsha etema,+

Nyu wanɛ tshɛ wendɛ le Jehowa.+

 2 Ɔngɛnɔngɛnɔ le onto lele Jehowa hawɔshi dia nde ekɔ la onongo,+

Lele bu la lokeso lo tokanyi tande.

 5 L’ekomelo, dimi lakashola pɛkato kami le yɛ;

Dimi kokomba munga kami.+

 6 Diakɔ diele okambi tshɛ wa kɔlamelo ayokɔlɔmba+

Lam’akayakoke tanema.+

 7 Wɛ ekɔ dihole di’ekokelo le mi;

Wɛ ayonkokɛ oma lo sui.+

 9 Toyalake oko mfalasa kana oko mfalo kaha la yimba,+

Kahekiyama katowɔlɔmbɔlaka la ɛkɔdi wakikelekawɔ lo onyɔ ndo l’ɔtɛ

La ntondo ka tɔ nsukana la yɛ.”

10 Paa ya kanga kɔlɔ yekɔ efula;

Koko ɔnɛ layaɛkɛ le Jehowa nyingama la ngandji Kande ka kɔlamelo.+

11 Nyɔngɛnɛngɛnɛ le Jehowa ndo nyonge la ɔlɔ, nyu anto w’ɛlɔlɔ;

Nyode ekoko w’ɔngɛnɔngɛnɔ, nyu wanɛ tshɛ wele la etema wosembwe.

 2 Nyosha Jehowa losaka la lɔsɛsɛ;

Nyowembee esambo wa lotombo* la ehomahoma k’eshinga 10.

 3 Nyowembee osambo w’oyoyo;+

Nyohome eshinga dimɛna, kaamɛ la ekoko w’ɔngɛnɔngɛnɔ.

 4 Nɛ dia ɔtɛkɛta wa Jehowa wekɔ osembɔki,+

Ndo kɛnɛ tshɛ kasalande sunganaka mbɛkɛ otema.

 6 La ɔtɛkɛta wa Jehowa kakasalema olongo,+

Ndo la nyuma* ka l’onyɔ ande mbakasalema diangɔ tshɛ diele lɔkɔ.*

 7 Nde sanganyaka ashi wa ndjale oko nkonge;+

Nde mbidjaka ashi wambɔmbɔ lo mvudu ya waombelo.

 9 Nɛ dia nde akate dui, ko diɔ diakatshama;+

Nde akadjanga, ko diɔ diakashikikala.+

10 Jehowa akafukutanya toseke* ta wedja;+

Nde akalanya dikongelo* di’anto.+

11 Koko tɛdikɔ* ta Jehowa tayotshikalaka pondjo;+

Tokanyi ta l’otema ande tshikalaka lo lɔlɔnga la lɔlɔnga.

12 Ɔngɛnɔngɛnɔ le wodja wele Jehowa kele Nzambi kawɔ,+

Anto wakandasɔnɛ oko wande hita.+

13 Jehowa mendaka oma l’olongo;

Nde mɛnaka ana w’anto tshɛ.+

14 Oma lo dihole diadjasɛnde,

Nde shishimaka wanɛ wodjashi la nkɛtɛ.

15 Nde katokengaka etema w’anto tshɛ;

Nde sɛdingolaka elimu awɔ tshɛ.+

16 Ndooko nkumekanga kashimbamɛ l’ɔtɛ w’asɔlayi w’efula;+

Kanga wolo hashimbamɛ l’ɔtɛ wa wolo ande w’efula.+

17 Mfalasa ekɔ elongamelo ka kashi ka panda;*+

Wolo atɔ w’efula hashikikɛ kangatɔ dia nde ayohanda.

18 Eenda, washo wa Jehowa mendaka wanɛ wawooka wɔma,+

Wanɛ wakonga ngandji kande ka kɔlamelo,

19 Dia mbatshungola* oma lo nyɔi

Ndo dia mbatshika la lɔsɛnɔ lo nshi ya ndjala.+

21 Etema aso ngɛnangɛnaka le nde,

Nɛ dia sho ndjaɛkɛka lo lokombo lande l’ekila.+

22 Jehowa le, ngandji kayɛ ka kɔlamelo katshikale le so,+

Etena katetemalaso mendɛ le yɛ.+

34 Dimi layotombolaka Jehowa tena tshɛ;

Lotombo lande layongaka lo ɛlɔmɔ ami wonya tshɛ.

 2 Dimi* layoyafunaka le Jehowa;+

Akanga wa memakana wayoka, ko wayɔngɛnangɛna.

 3 Nyotombole Jehowa kaamɛ la mi;+

Nyɛsɔ todiyake lokombo lande kaamɛ.

 5 Wanɛ wakendɛka le nde wakayala la ɔngɛnɔngɛnɔ;

Dungi diawɔ kokoka mbishama nsɔnyi.

 7 Ondjelo wa Jehowa atodingaka wanɛ wawoka wɔma,+

Ndo ataatshungolaka.+

 8 Nyɔlɛtɛ ko nyayɛna dia Jehowa ekɔ ɔlɔlɔ;+

Ɔngɛnɔngɛnɔ le onto layashɛ le nde.

 9 Nyoke Jehowa wɔma, nyu ekilami ande tshɛ,

Nɛ dia wanɛ wawoka wɔma hawohombe ndooko ɛngɔ.+

10 Kaanga ɛsɔngɔ wa ntambwɛ wa wolo* waya la ndjala,

Koko wanɛ wayanga Jehowa hawotohomba ndooko ɛngɔ k’ɔlɔlɔ.+

11 Anami, nyoye, nyompokame;

Dimi layonyetsha wɔma wa Jehowa.+

12 Akɔna l’atei anyu angɛnangɛna la lɔsɛnɔ

Ndo alanga mɛna nshi efula y’ɛlɔlɔ?+

13 Laasɔ lama lolemi layɛ oma lo kɛnɛ kele kɔlɔ,+

Ɛlɔmɔ ayɛ oma l’ɛtɛkɛta wa lokeso.+

14 Kadimɔ oma lo kɛnɛ kele kɔlɔ ndo sala kɛnɛ kele ɔlɔlɔ;+

Yanga wɔladi ndo wesawɔ.+

15 Washo wa Jehowa wekɔ le anto w’ɛlɔlɔ,+

Ndo atoyi ande pokamɛka delo diawɔ dia nyanga ekimanyielo.+

16 Koko elungi ka Jehowa tonaka wanɛ wasala kɛnɛ kele kɔlɔ,

Dia dimola eohwelo kawɔ tshɛ oma la nkɛtɛ.+

17 Vɔ wakalele, ko Jehowa akoke;+

Nde akaatshungola oma lo asui awɔ tshɛ.+

18 Jehowa ekɔ suke la wanɛ wele l’etema wambatɛ;+

Nde shimbɛka wanɛ wele la lɔkɔnyɔ lo yimba.*+

19 Asui* w’onto ɔlɔlɔ mongaka efula,+

Koko Jehowa mbotshungolaka oma l’asui akɔ tshɛ.+

20 Nde namaka weka ande tshɛ;

Ndooko kaanga ɔtɔi wakɔɔkɔ.+

21 Mpokoso kayodiaka kanga kɔlɔ;

Wanɛ wahetsha onto ɔlɔlɔ wayonga la onongo.

22 Jehowa ekɔ lo ntshungola nsɛnɔ* y’ekambi ande;

Ndooko onto layashɛ le nde layonga la onongo.+

35 Jehowa le, onsambee la ntondo k’atunyi ami;+

Ɔlɔsha wanɛ wandɔsha.+

 2 Ɔsa engawo kayɛ ka tshitshɛ* ndo ka woke,+

Ndo emala dia kokɛmi.+

 5 Vɔ wayale oko fufudi lo lɔpɛpɛ;

Ondjelo wa Jehowa awatshanya.+

 6 Mboka kawɔ kayale wodjima ndo ɔsɛlɔ

Etena kawatshanya ondjelo wa Jehowa.

 7 Nɛ dia vɔ wakashɛ ɔtɛyi dia mindami wondanda;

Vɔ wakatshime difuku otshimatshima dikambo diami.*

 8 Mpokoso kambookomɛ la shashimoya;

Ɔtɛyi wakandashɛ wawonde;

Nde akɔ lɔkɔ ndo alanyeme.+

 9 Koko dimi* layɔngɛnangɛnaka le Jehowa;

Dimi layongaka la ɔlɔ lo etsha ande wa panda.

Wɛ tshungolaka ɔnɛ laha l’ekimanyielo oma le wanɛ wele la wolo,+

Ɔnɛ laha l’ekimanyielo ndo ose wola oma le wanɛ waahɔtɔla diangɔ.”+

11 Ɛmɛnyi wa kɔlɔ wambotomba,+

Wamimbola akambo wahameye.

12 Vɔ wambonkaloya kɔlɔ lo ɔlɔlɔ,+

Wambosala dia dimi* ndjaoka oko onto lambovusha.

13 Koko etena kakiwɔ la hemɔ, dimi lakalɔtɛ dikoto;

Dimi lakayasoya* lo nkila mbo ya ndɛ,

Ndo lam’aki dɔmbɛlɔ diami kokadimɔma,*

14 Dimi laketetaka oko onto lele l’otanda w’ɔngɛnyi ami kana w’ɔnalengo;

Dimi lakakotamaka la lonyangu, oko onto lalela nyango.

15 Koko etena kakamatakana, vɔ wakangɛnangɛna ndo wakasangana;

Vɔ wakasangana woholami dia kɔmɔlami;

Vɔ wakambatshatsha ndo vɔ kɔmbɔlama.

16 Anto wa kɔlɔ wekɔ lo mbɔlami la diɔnyɔ tshɛ,*

Vɔ wekɔ lo kakatanyɛmi wanyu awɔ.+

Ontshungole* oma lo ɛlɔshɛlɔ awɔ,+

Lɔsɛnɔ* lami la nɛmɔ oma le ɛsɔngɔ wa ntambwɛ.*+

18 Ko dimi layokosha losaka lo etshumanelo ka woke;+

Layokotombola l’atei w’elui wa weke w’anto.

19 Tetawɔke dia wanɛ wayaetɛ atunyi ami wetetɛ ngɛnangɛna l’ɔtɛ ami;

Tetawɔke dia wanɛ wampetsha ohetshahetsha+ pɛnɔlɛmi washo lo yoho ya kɔlɔ.+

20 Nɛ dia vɔ hawɔtɛkɛta ɛtɛkɛta wa wɔladi,

Koko la lokeso tshɛ vɔ kongɛka dia ndɔsha akanga wa wɔladi wa lo wodja.+

21 Vɔ mbasɛka enyɔ awɔ hwe dia fundami,

Wata vate: “Aah! Aah! Washo aso wambɛna dui diakɔ.”

23 Emɔ ndo etɔ dia sambɛmi,

Jehowa Nzambi kami le, onsambee.

24 Onombosha lo ndjela losembwe+ layɛ, wɛ Jehowa Nzambi kami;

Tetawɔke dia vɔ ngɛnangɛna l’ɔtɛ ami.

26 Vɔ tshɛ washame nsɔnyi ndo walɔmbɔ,

Wanɛ wangɛnangɛna l’ɔtɛ wa mpokoso kami.

27 Koko wanɛ wangɛnangɛna lo losembwe lami wade ekoko w’ɔngɛnɔngɛnɔ;

Vɔ watake tena tshɛ vate:

28 Ko lolemi lami layewoya* losembwe layɛ+

Ndo layokotombolaka lushi l’otondo.+

36 Kɔlɔ tɛkɛtɛka kanga kɔlɔ l’etei k’otema ande;

Wɔma wa Nzambi keema la ntondo ka washo ande.+

 2 Nɛ dia nde ndjatɛtɛmɔlaka efula lo washo ande hita

Dia nshihodia ndo mpetsha munga kande.+

 3 Ɛtɛkɛta wa l’onyɔ ande wekɔ kɔlɔ ndo lokeso;

Nde bu la shɛnɔdi dia nsala kɛnɛ kele ɔlɔlɔ.

Nde memala lo mboka ka kɔlɔ;

Nde hasɛkɛ kɛnɛ kele kɔlɔ.

 5 Jehowa le, ngandji kayɛ ka kɔlamelo komaka polo l’olongo,+

Kɔlamelo yayɛ polo lo wange.

 6 Losembwe layɛ lekɔ oko akona wa diambo;*+

Dombwelo diayɛ diekɔ oko ashi w’efula,+ wa dingunda.

Lo dɛdi dia ahafu ayɛ,

Mbatoyashɛka ana w’anto.+

 8 Vɔ nɔɔka efula ka diangɔ di’amɛna* dia lo luudu layɛ,+

Ndo wɛ salaka dia vɔ nnɔ ɔkɛdi w’ɛngɛnɔngɛnɔ ayɛ.+

 9 Le yɛ kele kiɔkɔ ya lɔsɛnɔ;+

La osase ayɛ mbakokaso mɛna osase.+

10 Otetemale mɛnya wanɛ wakeya+ ngandji kayɛ ka kɔlamelo,

Ndo losembwe layɛ le wanɛ wele la otema wosembwe.+

11 Tetawɔke dia lokolo la kanga lotamanya mbikamɛmi

Kana lonya la kanga kɔlɔ mbitshanyami.

12 Lɛkɔ atshi wa kɔlɔ wambɔkɔ;

Vɔ wambɔkɔshama ndo hawokoke mbetɔ.+

37 Totshimbake wɔɔngɔ* l’ɔtɛ w’anto wa kɔlɔ

Kana nkɔmiya atshi wa kɔlɔ.+

 2 Vɔ wayoma esadi oko adiyo+

Ndo wayɔlɛngɛ oko adiyo w’eyoyo w’ashi wa djɛsɛ.

 3 Yaɛkɛ le Jehowa ndo sala kɛnɛ kele ɔlɔlɔ;+

Djasɛ la nkɛtɛ,* ndo sala akambo la kɔlamelo.+

 4 Ngɛnangɛna lo yɛdikɔ y’efula le Jehowa,

Ko nde ayokokotshɛ nsaki y’otema ayɛ.

 5 Kimɔ mboka kayɛ le* Jehowa;+

Yaɛkɛ le nde, ko nde ayosala akambo lo wahɔ+ ayɛ.

 6 Nde ayosala dia sambo kayɛ k’ɔlɔlɔ ngamula oko osase wa pindju,

Ndo losembwe layɛ oko yanyi ya midi.

 7 Ɔlama la ntondo ka Jehowa+

Ndo kongaka la elongamelo tshɛ* le nde.

Totshimbake wɔɔngɔ l’ɔtɛ w’onto

Latondoya dia nkotsha tokanyi tande.+

 8 Kimɔ nkɛlɛ ndo tshika odudu;+

Totshimbake wɔɔngɔ ko nkadimɔ dia nsala kɔlɔ.*

 9 Nɛ dia anto wa kɔlɔ wayolanyema,+

Koko wanɛ watolongamɛka le Jehowa wayokita nkɛtɛ.+

10 Etena ka tshitshɛ keto kambotshikala, ko kanga kɔlɔ hatonga nto;+

Wɛ ayoshishima lo dihole diande,

Ko nde hatonga nto.+

11 Koko akanga wa memakana wayokita nkɛtɛ,+

Ndo vɔ wayɔngɛnangɛnaka heyama la wɔladi w’efula.+

12 Kanga kɔlɔ mbɔtwɛka onto ɔlɔlɔ sheke;+

Nde mbokakatanyiɛka wanyu.

13 Koko Jehowa ayowɔla,

Nɛ dia Nde mbeyaka dia lushi lande layoya.+

14 Akanga wa kɔlɔ sɔmɔlaka tokuwa tawɔ ta ta ndo minɛka* eta awɔ

Dia nkɔsha ɔmɛnyi mfɔnu ndo ose wola,

Dia ndjaka wanɛ wele mboka yawɔ yekɔ esembɔki.

15 Koko lokuwa lawɔ la ta layotondola etema awɔ vɔamɛ;+

Eta awɔ wayohembɔ.

16 Tshitshɛ yele la onto ɔlɔlɔ ndeka

Lokema lele l’efula k’akanga wa kɔlɔ.+

17 Nɛ dia anya w’akanga wa kɔlɔ wayohembɔma,

Koko Jehowa ayosukɛ anto w’ɛlɔlɔ.

18 Jehowa mbeyaka kɛnɛ kakomɛ wanɛ waha la onongo,*

Ndo etenyi kawɔ k’okitɔ kayotshikala pondjo pondjo.+

19 Vɔ hawotoshama nsɔnyi l’etena ka mpokoso;

Vɔ wayonga la diangɔ tshavutshavu l’etena ka ndjala.

20 Koko akanga wa kɔlɔ wayolanyema;+

Atunyi wa Jehowa wayeta oko adiyo w’ateketa;

Vɔ wayeta oko edinga.

21 Kanga kɔlɔ atɔsɔmbaka ko hatɔsɔmbɔlaka,

Koko onto ɔlɔlɔ ekɔ la lokaho* ndo atoshanaka.+

22 Atshɔkwami Ande wayokita nkɛtɛ,

Koko wanɛ wadjama mananu oma le Nde wayolanyema.+

23 Jehowa nɔmbɔlaka* wanya w’onto+

Naka Nde ambɔngɛnangɛna mboka kande.+

24 Kaanga mbakokande nkɔ, nde hatohomanyema,+

Nɛ dia Jehowa mbosukɛka lo lonya.*+

25 Dimi laki dikɛnda ndo wonya ɔnɛ laya osombe,

Koko dimi talɛnaka onto ɔlɔlɔ akalema,+

Kana anande walɔmbana mbo ya ndɛ.*+

26 Tena tshɛ nde sɔndjanaka la kɛtshi,+

Ndo anande wayɔtshɔkwama.

27 Tshika kɔlɔ ndo sala kɛnɛ kele ɔlɔlɔ,+

Ko wɛ ayotshikala pondjo.

28 Nɛ dia Jehowa nangaka losembwe,

Ndo nde hatokalɛ ekambi ande wa kɔlamelo.+

Vɔ wayolamemaka tena tshɛ;+

Koko tokanula t’akanga wa kɔlɔ wayolanyema.+

29 Anto w’ɛlɔlɔ wayokita nkɛtɛ,+

Ndo wayodjasɛka lɔkɔ pondjo pondjo.+

30 Onyɔ w’onto ɔlɔlɔ watotondjaka awui wa lomba,*

Ndo lolemi lande latotaka awui wa losembwe.+

31 Ɛlɛmbɛ wa Nzambi kande wekɔ lo otema ande;+

Akaka ande hawotɔsɛlɔ.+

32 Kanga kɔlɔ atendaka onto ɔlɔlɔ,

Atoyangaka dia mbodiaka.

33 Koko Jehowa hatowokimɔ lo anya w’onto akɔ+

Kana mbotana la onongo etena kalomboshamande.+

34 Longamɛ le Jehowa ndo yela mboka kande,

Ko nde ayokodiya dia wɛ nkita nkɛtɛ.

35 Dimi lakɛnyi kanga esehe, onto a kɔlɔ

Ahama oko osongo wele l’akatshi efula lo nkɛtɛ yawɔ.+

36 Koko nde akete la shashimoya ndo komonga nto;+

Dimi lakatetemala mboyanga, ko nde kokoka tanema.+

37 Endaka onto laha la onongo,*

Okaka sso le onto ɔlɔlɔ,+

Nɛ dia nshi yayaye y’onto akɔ yayonga wɔladi.+

38 Koko wanɛ tshɛ wasala kɔlɔ wayolanyema;

Nshi yayaye y’akanga wa kɔlɔ yayohembɔma.+

39 Panda k’anto w’ɛlɔlɔ ndja oma le Jehowa;+

Nde kele eshamelo kawɔ lo tena di’asui.+

Nde ayowatsha oma le akanga wa kɔlɔ ndo ayowashimbɛ,

Nɛ dia vɔ ndjashɛka le nde.+

38 Jehowa le, tompangwɛke la nkɛlɛ kayɛ,

Ndo tomingolake la odudu ayɛ.+

 2 Nɛ dia mpito yayɛ yambombikama polo l’etei,

Ndo lonya layɛ laya wotsho le mi.+

 4 Nɛ dia munga yami yambombahema l’ɔtɛ;+

Oko oshikɔ wa wotsho, dimi haakoke mɛmba.

 5 Mpota yami yambokunda ndo yambɔtɔ tonya

L’ɔtɛ w’enginya kami.

 6 Dimi lekɔ la lɔkɔnyɔ ndo lambɔkɔmɔ efula;

Dimi mbetetaka la lonyangu lushi l’otondo.

 7 Dja yalombalomba yekɔ l’etei kami;*

Demba diami di’otondo diekɔ la hemɔ.+

 8 Dimi lambondama l’oshishi ndo lambominɔma tshɛ lo tshɛ;

Otema ami wele la lɔkɔnyɔ salaka dia dimi nkuma akumu wa wolo.*

 9 Jehowa le, nsaki yami tshɛ yekɔ la ntondo kayɛ,

Ndo osekumelo ami hawoshɛma le yɛ.

10 Otema ami wambatshatshema, wolo ami wamboshila,

Ndo osase wa washo ami wambontshika.+

11 Angɛnyi ami l’asekami wombewɔ l’ɔtɛ wa sui diami,

Ndo asekami wa ma ma wemalaka lo tshalola.

12 Wanɛ wayanga lɔsɛnɔ* lami wambaamba tolonga;

Wanɛ wayanga dia salɛmi kɔlɔ tɛkɛtaka dia elanyelo;+

Vɔ ngunangunaka awui wa lokeso lushi l’otondo.

13 Koko oko kanga ehoke, dimi haahokamɛ;+

Oko kanga lomi, dimi haadihola onyɔ ami.+

14 Dimi laya oko onto lahoke,

Ɔnɛ lele onyɔ ande bu la dui dia mbuta dia ndjaswɛ.

15 Nɛ dia Jehowa le, le yɛ kendɛmi,+

Ndo wɛ akankadimola, wɛ Jehowa Nzambi kami.+

16 Nɛ dia dimi lakate nte: “Vɔ watɔngɛnangɛnake l’ɔtɛ ami

Ndo watokake ɔlɔ l’ɔtɛ ami naka lokolo lami lambɔsɛlɔ.”

17 Nɛ dia dimi laki suke la nkɔ,

Ndo dimi laki la kandji tena tshɛ.+

18 Dimi lakashola munga kami;+

Dimi lakatshimbaka wɔɔngɔ l’ɔtɛ wa pɛkato kami.+

19 Koko atunyi ami wekɔ la nkudu* ndo la wolo,*

Wanɛ wampetsha ohetshahetsha waya efula.

20 Vɔ wakankaloya kɔlɔ lo ɔlɔlɔ;

Vɔ wakandɔshaka l’ɔtɛ wawesami kɛnɛ kele ɔlɔlɔ.

22 Samanya yonkimanyiya,

Wɛ Jehowa, panda kami.+

39 Dimi lakate nte: “Dimi layolama nna diami

Dia mbewɔ nsala pɛkato la lolemi lami.+

Dimi layolama onyɔ ami la ɛngɔ kadihawɔ mfɔ onyɔ+

Edja tshɛ kele kanga kɔlɔ lalemi.”

 2 Dimi laki lomi ndo lakɔlama;+

Dimi lakatshikala ki oyadi kaanga lo kɛnɛ kele ɔlɔlɔ,

Koko kandji kami kaki wolo efula.*

 4 “Jehowa le, onkimanyiya dia mbeya woho wayonga ekomelo kami,

Ndo yɛdikɔ ya nshi yami,+

Kele mbeye woho wele lɔsɛnɔ lami mondo.*

 5 Lo mɛtɛ, wɛ aketɛ nshi yami yema tshitshɛ;*+

Ndo otale wa lɔsɛnɔ lami wekɔ anyanya la ntondo kayɛ.+

 9 Dimi lakatshikala lomi;

Dimi kokoka ndjihola onyɔ ami,+

Nɛ dia wɛ kakasalaka dui diakɔ.+

11 Wɛ mingolaka onto lo mbosha dilanya l’ɔtɛ wa munga+ kande;

Wɛ ndanyaka diangɔ diɔsande la nɛmɔ oko watolanyaka loombo.

12 Jehowa le, ooke dɔmbɛlɔ diami,

Ohokame delo diayangami ekimanyielo.+

Nɛ dia dimi lekɔ tsho ɔngɛndangɛnda le yɛ,+

Ɔmɛngɔdi watete* oko waki watshɛmi+ tshɛ.

13 Nya washo ayɛ oma le mi kele ndjaoke dimɛna

La ntondo ka dimi mbeta ndo ka dimi ntshɔ.”

40 Dimi lakalongamɛ le* Jehowa la otema ɔtɔi,

Ko nde akahokɛ toyi diande* oya le mi ndo akoke delo diakamayangaka ekimanyielo.+

 2 Nde akantondja oma lo difuku diadikita,

Oma lo lɔtɛkɛ l’otamu.

Ndo nde akakitsha ekolo ami laadiko dia dive;

Nde akashikikadia akaka ami.

 3 Oma laasɔ, nde akadje osambo w’oyoyo l’onyɔ+ ami,

Wa ntombola Nzambi kaso.

Anto efula wayenda dui sɔ la wɔma

Ndo wayoyaɛkɛ le Jehowa.

 4 Ɔngɛnɔngɛnɔ le onto layaɛkɛ le Jehowa

Ndo lahɛlɛɛ otsha le atɔmbɔki kana le akanga wa kashi.*

 5 Ande efula k’akambo wamboyosala,

Wɛ Jehowa Nzambi kami,

Akambo ayɛ wa diambo ndo tokanyi tele la yɛ oya le so+ lee!

Ndooko lakoka mbɛdikama la yɛ;+

Naka dimi layohemba mbata kana mbatɛkɛta,

Vɔ wayonga efula kaheyama mbadia.+

 6 Wɛ kokombola* elambo la weshasha,+

Koko wɛ akadihola atoyi ami dia mboka.+

 8 Dia nsala lolango layɛ, wɛ Nzambi kami, kele ɔngɛnɔngɛnɔ*+ ami,

Ndo ɛlɛmbɛ ayɛ nyɔngɔmɛ etale l’etei kami.+

Eenda, dimi haashimbe ɛlɔmɔ ami,+

Oko wadieyayɛ dimɛna, wɛ Jehowa.

Efula ka munga yami yambonkonya ewo ko haakoke mɛna mboka+ kami;

Yɔ ndeka divo dia l’ɔtɛ ami efula,

Ndo dimi lamboshisha otema.

14 Wanɛ tshɛ wayanga dia mbɔsa lɔsɛnɔ* lami

Washame nsɔnyi ndo walɔmbɔ.

Wanɛ wangɛnangɛna lo mpokoso kami

Wakalole ɛkɔngɔkɔngɔ lo mbishama nsɔnyi.

16 Koko wanɛ wakoyanga+

Wonge la ɔlɔ ndo wangɛnɛngɛnɛ le yɛ.+

17 Koko dimi bu la ekimanyielo ndo lekɔ ose wola;

Jehowa ambidje yimba.

Wɛ kele okimanyedi ami ndo ombitshi ami;+

Nzambi kami le, totshimbatshimbake.+

41 Ɔngɛnɔngɛnɔ le ɔnɛ tshɛ ladja mbolambola+ yimba;

Jehowa ayowotsha lo lushi la mpokoso.

Wayota dia nde ekɔ la ɔngɛnɔngɛnɔ la nkɛtɛ;+

Wɛ hawokadimolaki pondjo otsha lo lolango* l’atunyi ande.+

 3 Jehowa ayowosukɛ lo mbeto kande k’ɔkɔnyi;+

Lam’ayondonga la hemɔ, wɛ ayotshikitanya mbeto kande tshɛ lo tshɛ.

Nde nyangaka dui dimɔtshi dia kɔlɔ dia mbuta;

Oma laasɔ ko nde ntomba, ko dihandjola.

 7 Wanɛ tshɛ wampetsha tɛkɛtaka tɔhɔtɛhɔtɛ lam’asawɔ;

Vɔ wekɔ lo mbɔtɔ sheke dia salɛmi dui dimɔtshi dia kɔlɔ vate:

 8 “Dui dia kɔlɔ efula diambookomɛ;

Lam’ele nde ambɔkɔ, nde hatemala nto.”+

 9 Kaanga onto laki la mi lo wɔladi, ɔnɛ lakamayaɛkɛ+ le nde,

Ɔnɛ lakalɛka mapa ami ambɔmpɔta ena.*+

10 Koko wɛ Jehowa, omboke kɛtshi ndo ombetole,

Kele kambasɔmbɔya.

12 Lo dikambo diami, wɛ akansukɛ l’ɔtɛ w’olowanyi+ ami;

Wɛ ayonama laleyɛ pondjo pondjo.+

13 Jehowa Nzambi k’Isariyɛlɛ atombɔmake

Pondjo pondjo.+

42 Oko mpele kakombola ɛkɛdi w’ashi,

Ngasɔ kakokombolami,* wɛ Nzambi.

 3 Asɔyi ami mbele mbo ya ndɛ yami la yanyi ndo l’otsho,

Lushi l’otondo anto wekɔ lo sɔkami vate: “Lende ele Nzambi kayɛ?”+

 4 Dimi lambohɔ akambo anɛ, ko lambodihola anima* ami,

Nɛ dia lakakɛndakɛnda mbala kɛmɔtshi kaamɛ la olui w’anto,

Lakakɛndakɛndaka la ɔkɔmi tshɛ* la ntondo kawɔ otsha lo luudu la Nzambi,

La ekoko w’ɔngɛnɔngɛnɔ ndo wa eokelo ka losaka,

Ekoko w’olui w’anto wasala fɛtɛ.+

Kongɛɛ le Nzambi,+

Nɛ dia dimi layowotombola oko wende Oshimbedi ami wa Woke.+

Diakɔ diamomokohɔ,+

Oma l’ɛtshi ka nkɛtɛ ka Jɔrdana ndo lo tɔsɔdi ta Hɛrɛmɔna,

Oma lo Dikona dia Mizara.*

 7 Ashi wa dingunda mbelɛka ashi wa dingunda

Lo wendjo w’ahelela ayɛ.

 8 La yanyi, Jehowa ayɔmɛnya ngandji kande ka kɔlamelo,

Ndo l’otsho, osambo ande wayonga kaamɛ la mi, dɔmbɛlɔ otsha le Nzambi ka lɔsɛnɔ lami.+

10 Atunyi ami sɔkakami la lohetsho laki andjakanyi;*

Lushi l’otondo vɔ wekɔ lo sɔkami vate: “Lende ele Nzambi kayɛ?”+

Kongɛɛ le Nzambi,+

Nɛ dia dimi layowotombola nto oko wende Oshimbedi ami wa Woke ndo Nzambi+ kami.

43 Nzambi le, onombosha,+

Onsambee+ la ntondo ka wodja wele bu la kɔlamelo.

Vɔ wanɔmbɔlɛ;+

Vɔ wamɛnya mboka k’otsha lo dikona diayɛ di’ekila ndo otsha lo tabɛrnaklɛ+ kayɛ ka diambo.

 4 Ko dimi layoya lo elambwelo kaki Nzambi,+

Le Nzambi, lele ɔngɛnɔngɛnɔ ami w’efula.

Kongɛɛ le Nzambi,+

Nɛ dia dimi layowotombola nto oko wende Oshimbedi ami wa Woke ndo Nzambi+ kami.

44 Nzambi le, sho takoke la atoyi aso hita,

Watshɛso wakatɔkɔndɔlɛ,+

Akambo wakayasale lo nshi yawɔ,

Lo nshi y’edjedja.

 2 Wɛ akatshanya wedja la lonya layɛ+

Ko wɛ akadjashiya watshɛso laawɔ.+

 3 Aha la lokuwa la ta lawɔ vɔamɛ mbakawɔshi wodja akɔ,+

Ndo lonya lawɔ hita komba-konya dia vɔ mbidja otshumba.+

Koko aki la lonya layɛ l’omi, la wolo+ ayɛ ndo la osase w’oma l’elungi kayɛ,

Nɛ dia wɛ akaangɛnangɛna.+

 4 Nzambi le, wɛ kele nkumekanga kami;+

Djanga* dia Jakɔbɔ mbidja otshumba tshɛ lo tshɛ.*

 5 La wolo ayɛ mbayotokaloya andɔshi+ aso ɛkɔngɔkɔngɔ;

Lo lokombo layɛ mbayotɔhɔtshahɔtsha wanɛ watɔlɔsha.+

 6 Nɛ dia dimi haayaɛkɛ lo ota ami,

Ndo lokuwa lami la ta halokoke shimbɛmi.+

 7 Wɛ kakatoshimbɛ oma le andɔshi+ aso,

Wɛ kakasha wanɛ watohetsha nsɔnyi.

 8 Nzambi kayototombolaka lushi l’otondo,

Ndo tayandolaka lokombo layɛ pondjo pondjo. (Sela)

 9 Koko wonya ɔnɛ, wɛ ambotokasha ndo ambotosha nsɔnyi,

Ndo wɛ hatshu kaamɛ l’asɔlayi aso.

10 Wɛ ekɔ lo ntetemala tokaloya ɛkɔngɔkɔngɔ oma le andɔshi aso;+

Wanɛ watohetsha mbɔsaka kɛnɛ tshɛ kalangawɔ.

11 Wɛ tokimɔka dia sho mbatshatshema oko ɛkɔkɔ;

Wɛ ambotohandjola l’atei wa wedja.+

12 Wɛ ambosondja anto ayɛ lo oshinga w’anyanya;+

Wɛ hakondjisha ndooko wahɔ oma l’osondjelo akɔ.*

13 Wɛ ambotetɛ ɛngɔ ka lɔtɛngɔ le asukanyi aso,

Ɛngɔ ka diɔnyɔ ndo ka tɔɔla le wanɛ tshɛ wotodingi.

14 Wɛ ambotetɛ ɛngɔ ka lɔsɔkɔ* l’atei wa wedja,+

Ɛngɔ kele anto kinyinginyiɛka ɛtɛ.

15 Dimi ndɔwaka la nsɔnyi lushi l’otondo,

Ndo lambokoma ewo la nsɔnyi,

16 L’ɔtɛ wa londjo la nsɔkɔ ndo ntɛngɔ yawɔ,

L’ɔtɛ w’otunyi aso wasɔmbɔya.

17 Akambo asɔ tshɛ wambotokomɛ, koko sho hatokohe,

Ndo sho hatɔnyɔdi sheke yayɛ.+

18 Etema aso hawongane;

Ekolo aso hawotakwe mboka kayɛ.

19 Koko wɛ ambotominola lɛnɛ adjasɛ mbolo;

Wɛ ambotokomba la wodjima wa hitɔɔ.

20 Naka takohɛ lokombo la Nzambi kaso

Kana naka takemɛ anya aso lo dɔmbɛlɔ otsha le jambizambi kina,

21 Onde Nzambi hatoshola dui sɔ?

22 L’ɔtɛ ayɛ mbadiakemaso lushi l’otondo;

Tambɔsama oko ɛkɔkɔ wahomba ndjakema.+

25 Nɛ dia sho* tambokashema lo ditshu;

Alemba aso wambohinama lo nkɛtɛ.+

 3 Kanga wolo le,+ sɔmɛ lokuwa layɛ la ta+ l’omamu,

Lo kɛnɛmɔ kayɛ ndo lɔnɛnɛ layɛ.+

 4 Ndo lo lɔnɛnɛ layɛ, tshɔka dia todja otshumba;*+

Tshɔka lo mfalasa kayɛ l’ɔtɛ wa mɛtɛ, okitshakitsha ndo losembwe,+

Ko lonya layɛ l’omi layosala* akambo washa wɔma.

 5 Mpito yayɛ yekɔ ɛsɔngɔ, yɔ kɔshaka anto la ntondo kayɛ;+

Yɔ tondolaka etema w’atunyi+ wa nkumekanga.

 6 Nzambi kele kiti kayɛ ka lowandji pondjo pondjo;+

Danga dia diolelo diayɛ diekɔ danga dia losembwe.*+

 8 Ahɔndɔ ayɛ tshɛ wekɔ la opumu wa mirɛ, w’osongo wa alowe ndo wa kasia;

Oma lo luudu layɛ l’owandji la l’ewanga, dihomahoma di’eshinga kɔngɛnyangɛnyaka.

10 Ɔna womoto le, hokamɛ, dja yimba ndo hokɛ lotui;

Ohɛ anto ayɛ ndo luudu la shɔ.

11 Ko nkumekanga ayokombola olangala ayɛ,

Nɛ dia nde kele nkumɛyɛ,

Ɔnkɔnɛ kusamɛnde.

12 Ɔna womoto la Tura ayoya la woshasha;

Anto woleki ɔngɔnyi wayoyanga dia mpomɔ lokolo l’ɔlɔ le yɛ.*

13 L’etei ka luudu l’owandji, ɔna womoto la nkumekanga ambotombɔma efula;

Ahɔndɔ ande nɛngama la* paonyi.

15 Vɔ wayɔtɔlama la ɔngɛnɔngɛnɔ ndo l’ɔlɔ;

Vɔ wayɔtɔ lo luudu la nkumekanga.

46 Nzambi kele eshamelo kaso ndo wolo aso,+

Ekimanyielo kele suke dia tanema lo tena di’asui.+

 2 Diakɔ diele sho hatotoka wɔma, oyadi kaanga nkɛtɛ kayokadimɔ,

Oyadi kaanga akona wayɔsɛlɔ otsha lo angunda wa ndjale,+

 3 Oyadi kaanga ashi awɔ wayodikita ndo wayotondja lofulo,+

Oyadi kaanga akona wayosukasuka l’ɔtɛ w’asuku awɔ. (Sela)

 4 Ɔkɛdi ɔmɔtshi wekɔ wele la tɔkɔkɔ tangɛnyangɛnya osomba wa Nzambi,+

Tabɛrnaklɛ k’ekila ka diambo ka Ɔnɛ-Laheme-Tshɛ.

 6 Wedja waki lo osukusuku, waolelo wakakɔ,

Nde akadiya dui diande, ko nkɛtɛ yakalɛlɔ.+

 7 Jehowa kanga lolembelembe ekɔ kaamɛ la so;+

Nzambi ka Jakɔbɔ ekɔ eshamelo kaso k’oshika. (Sela)

 8 Nyoye nyoyende etsha wa Jehowa,

Woho wamondosala akambo wa diambo la nkɛtɛ.

Nde ambɔkɔla ota ndo ambohembola dikɔnga,

Nde ambotshumba pusupusu* y’asɔlayi lo dja.

Dimi layodiyama l’atei wa wedja;+

Dimi layodiyama la nkɛtɛ.”+

11 Jehowa kanga lolembelembe ekɔ kaamɛ la so;+

Nzambi ka Jakɔbɔ ekɔ eshamelo k’oshika le so.+ (Sela)

 2 Nɛ dia Jehowa Ɔnɛ-Laheme-Tshɛ ekɔ diambo efula;+

Nde ekɔ Nkumekanga ka woke ka nkɛtɛ k’otondo.+

 3 Nde ambokitshakitsha anto l’ɛse kaso;

Nde ambokitsha wedja l’ɛse k’ekolo aso.+

 4 Nde ambotɔsɔnɛ etenyi kaso k’okitɔ,+

Ofunu wa Jakɔbɔ, ɔnɛ lalangande.+ (Sela)

 5 Nzambi ambodɛ l’atei w’ekoko w’ɔngɛnɔngɛnɔ;

Jehowa, l’atei wa wondjo wa wɔɔndjɔ.*

 7 Nɛ dia Nzambi ekɔ Nkumekanga ka nkɛtɛ k’otondo;+

Nyembe esambo wa lotombo, ndo nyɔkɛnɛmɔlɛ shɛnɔdi.

 9 Ɛnɔmbɔdi w’anto wambosangana

Kaamɛ la anto wa Nzambi k’Abrahama.

48 Jehowa ekɔ woke ndo nde kahomba ndeka tombɔma

Lo osomba wa Nzambi kaso, lo dikona diande di’ekila.

 2 Dimɛna lo wodiyamelo awɔ, ɔngɛnɔngɛnɔ wa nkɛtɛ k’otondo,+

Kele Dikona dia Siɔna etale lo nɔrdɛ,

Osomba wa Nkumekanga ka Woke.+

 3 Lo totshoto tawɔ todingami la mpele,

Nzambi ambewoya dia nde ekɔ eshamelo k’oshika.+

 4 Nɛ dia, eenda, nkumi ya dikanga wambosangana;*

Vɔ wambotshɔ kaamɛ otsha la ntondo.

 6 Lokomba lakawande lɛkɔ,

Paa kele oko ka womoto lele la lɔɔnɔ.

 8 Kɛnɛ kakatoke, tambokiɛna wonya ɔnɛ shoamɛ

Lo osomba wa Jehowa kanga lolembelembe, lo osomba wa Nzambi kaso.

 9 Nzambi le, sho kanaka yimba la ngandji kayɛ ka kɔlamelo+

L’etei ka tɛmpɛlɔ kayɛ.

10 Nzambi le, oko lokombo layɛ, lotombo layɛ

Komaka polo lo tokoma ta nkɛtɛ.+

11 Dikona dia Siɔna+ diangɛnɛngɛnɛ,

Tosombasomba* ta la Juda tonge l’ɔlɔ l’ɔtɛ wa dombwelo+ diayɛ.

12 Nyɔkɛndɛkɛndɛ l’otshimbedi wa Siɔna; nyoyitshimbe,

Nyadia totshoto tayɔ.+

Nyɔsɛdingole totshoto tayɔ todingami la mpele,

Dia nyu ndjotɛ nɔnga yayaye awui wendana la yɔ.

Nyu wanɛ tshɛ wodjashi l’andja,* nyodje yimba,

 2 Oyadi wa totshitshɛ kana wa weke,*

Akanga w’ɛngɔnyi kana ase wola.

 3 Onyɔ ami wayɔtɛkɛta awui wa lomba,

Ndo ekanelo ka yimba k’otema+ ami kayɛnya yimba.

 4 Dimi layodja yimba lo yokedi;

Dimi layolembetshiya ɔkɛla ami la lɔsɛsɛ.

 5 Lande na katomoka wɔma lo tena dia paa,+

Lam’amomodingama la kɔlɔ* ka wanɛ wayanga dia kɔshami?

 6 Wanɛ wayaɛkɛ lo lomombo+ lawɔ

Ndo wanɛ wafuna dikambo dia ɔngɔnyi+ awɔ w’efula,

 7 Ndooko onto l’atei awɔ lakoka ntshungola ɔnango

Kana mbisha Nzambi oshinga w’etshungwelo dikambo diande,+

 8 (Oshinga w’etshungwelo wa nsɛnɔ* yawɔ wekɔ la nɛmɔ di’efula

Diele vɔ hawokokaki pondjo mfuta);

 9 Dia nde nsɛna pondjo pondjo aha la mɛna difuku.*+

10 Nde mɛnaka dia kaanga akanga wa tomba mvɔka;

Ɛpɔka ndo kanga enginya mvɔka kaamɛ,+

Ndo vɔ pombaka ntshika ɔngɔnyi awɔ le anto akina.+

11 Kɛnɛ kakombolawɔ l’etei kawɔ ele dia mvudu yawɔ ntshikala pondjo,

Mvudu yawɔ y’apɛma lo lɔlɔnga la lɔlɔnga.

12 Koko onto, kaanga kalɛmiyamande, nde hatotshikala;+

Nde haleki nyama yavɔ.+

13 Ɔnɛ ele mboka k’akanga wa dinginya+

Ndo ka wanɛ waayela, wangɛnangɛna ɛtɛkɛta awɔ w’anyanya. (Sela)

Nyɔi kayowalama;

Anto wosembwe wayowaolɛ+ la pindju.

Eohwelo kawɔ tshɛ kayoshishɔ;+

Diombo*+ kayonga ngelo kawɔ lo dihole+ dia luudu l’owandji.

15 Koko Nzambi ayontshungola* oma lo wolo* wa Diombo,*+

Nɛ dia nde ayonkimɛ. (Sela)

16 Tokake wɔma l’ɔtɛ wambɔngɔna onto ɔmɔtshi,

L’ɔtɛ wambohama lotombo la luudu lande,

17 Nɛ dia etena kavɔnde, nde+ hatshu kaanga la ɛngɔ;

Lotombo lande hatoholɔ kaamɛ la nde.+

20 Onto lahashihodia dui sɔ, kaanga kalɛmiyamande,+

Nde haleki nyama yavɔ.

50 Jehowa,* Nzambi ka waa nzambi+ ambɔtɛkɛta,

Nde mbelɛka nkɛtɛ

Oma ko etombelo ka wonya polo lo ɛɔtwɛlɔ kawɔ.*

Dja yahɛta yekɔ la ntondo kande,+

Ndo lɔpɛpɛ la wolo nɔngama lalende lo wedi akɔ tshɛ.+

 4 Nde mbelɛka olongo la nkɛtɛ,+

Dia nombosha anto ande ate:+

 5 “Nyonsanganyee ekambi ami wa kɔlamelo,

Wanɛ wadja la mi sheke lo tshimbo y’olambo.”+

 6 Olongo mbewoyaka losembwe lande,

Nɛ dia Nzambi ndamɛ ekɔ Shushi.+ (Sela)

 7 “Anto ami le, nyohokame kele ntɛkɛtɛ;

Isariyɛlɛ le, dimi layota kɛnɛ keyami lo dikambo diayɛ.+

 8 Dimi haakohangwɛ l’ɔtɛ w’elambo ayɛ,

Kana l’ɔtɛ w’elambo ayɛ wa lotshumba w’etondo wonga tena tshɛ la ntondo kami.+

 9 Dimi bu la ohomba wa mbɔsa ngɔmbɛ k’oma lo luudu layɛ,

Kana mbudi* y’oma lo nkoto yayɛ.+

10 Nɛ dia nyama tshɛ ya l’okonda yami mbeyɔ,+

Oyadi nyama yele lo akona kinunu (1 000).

11 Dimi mbeyaka tofudu tshɛ tele lo akona;+

Nyama yaheyama mbadia ya lo oswe yami mbeyɔ.

12 Otondongaka dimi laki la ndjala, totomokotɛ,

Nɛ dia nkɛtɛ y’ɛtɛtɔ ndo kɛnɛ tshɛ kele lɔkɔ kami ketɔ.+

13 Onde dimi layɔlɛ emunyi wa ngɔmbɛ

Ndo layɔnɔ dikila dia mbudi?+

14 Eokelo ka losaka onge oko olambo ayɛ le Nzambi,+

Ndo kotsha alɔkɔlɔkɔ ayɛ le Ɔnɛ-Laheme-Tshɛ;+

15 Kombelɛke* l’etena k’asui.+

“Lotshungɔ lakɔna lele la yɛ la nkɔndɔla wadjango+ ami

Kana la ntɛkɛta dia sheke+ yami?

17 Nɛ dia wɛ petshaka ohokwelo,*

Ndo wɛ tetemalaka mboka ɛtɛkɛta ami ɔkɔngɔ.*+

18 Lam’ɛnayɛ wovi, wɛ mbeetawɔka,*+

Ndo wɛ mɛngɔlaka kaamɛ la akanga wa loseka.

19 Wɛ kambaka la onyɔ ayɛ dia dianganya kɛnɛ kele kɔlɔ,

Ndo lokeso mamema lo lolemi+ layɛ.

20 Wɛ mbidjasɛka ko tɛkɛtaka kɔlɔ lo dikambo dia ɔnanyɔ;+

Wɛ mbisholaka kɔlɔ ya* ɔna nyɔ hita.

21 Lam’akayasale akambo asɔ, dimi lakɔlama,

Ko wɛ akafɔnya dia dimi layonga oko wɛ.

Koko wonya ɔnɛ dimi layanga kohangwɛ,

Ndo layanga mbuta dikambo diasami la yɛ.+

22 Lam’alanganyu, nyu wanɛ wohɛ Nzambi,+ nyɔsɛdingole dui nɛ,

Diaha dimi nyatshatsha, ko ndooko onto layonyotshungola.

23 Ɔnɛ lɔsa eokelo ka losaka oko olambo ande tombolakami,+

Ndo lo dikambo dia ɔnɛ layela mboka k’ɔlɔlɔ,

Dimi layosala dia nde mɛna panda ka Nzambi.”+

 2 Ɔmbɔtsha tshɛ lo tshɛ oma lo munga kami,+

Ndo ɔmbɛdia oma lo pɛkato kami.+

 3 Dimi mbeyaka dimɛna kɔlɔ yami,

Ndo pɛkato kami kekɔ wonya tshɛ la ntondo kami.*+

 4 Wɛ lele la diko dia tshɛ,* wɛ kakamasalɛ pɛkato;+

Kɛnɛ kele kɔlɔ lo washo ayɛ kakamasale.+

Ɔnkɔnɛ, wɛ ekɔ la losembwe etena katɛkɛtayɛ

Ndo wɛ ekɔ la losembwe lo kilombo+ kayɛ.

 5 Eenda, dimi lakotɔ la onongo wa munga,

Ndo mama akatshu diemi diami lo pɛkato.*+

 6 Eenda, wɛ ngɛnangɛnaka mɛtɛ kele l’etei k’otema w’onto;+

Etsha lonto lami la l’etei* lomba la mɛtɛ.

 7 Ɔmbɛdia la diyo dia izɔpɛ oma lo pɛkato kami, dia dimi monga pudipudi;+

Ɔmbɔtsha dia dimi monga wɛma fifɔ ndeka loonge l’ekama.+

 8 Etawɔ dia dimi mboka londjo l’ɔlɔ ndo l’ɔngɛnɔngɛnɔ,

Kele weka wakayatɛtshatɛtsha kawɔngɛnɛngɛnɛ.+

 9 Onya* elungi kayɛ oma lo pɛkato yami,+

Ndo odimole* munga yami tshɛ.+

10 Nzambi le, otonge otema wa pudipudi l’etei kami,+

Ndo odje l’etei kami yimba y’oyoyo+ ndo yamboshikimala.

11 Tombikashake oma laleyɛ;

Ndo tonyake nyuma kayɛ k’ekila oma le mi.

12 Onkaloyee ɔngɛnɔngɛnɔ wa panda kayɛ;+

Otshutshuya nsaki ka l’etei kami ka nanga kokitanyiya.*

13 Dimi layetsha atshi wa kɔlɔ mboka yayɛ,+

Kele atshi wa pɛkato kawokalole le yɛ.

14 Nzambi le, onshimbee oma lo onongo wa dikila,+ wɛ Nzambi ka panda kami,+

Kele lolemi lami kewoyake losembwe layɛ+ la ɔngɛnɔngɛnɔ tshɛ.

15 Jehowa le, odihole ɛlɔmɔ ami,

Kele onyɔ ami wewoya lotombo layɛ.+

16 Nɛ dia wɛ halange olambo; otoyolangaka, tshike lotokoshawɔ;+

Wɛ hangɛnangɛna olambo wa lotshumba+ w’otondo.

17 Elambo wangɛnyangɛnya Nzambi ele yimba yambohandjɔ;

Otema wambatɛ ndo wambatshatshema, Nzambi le, wɛ hatotona.*+

18 Lo ɔlɔlɔ ayɛ, salɛ Siɔna kɛnɛ kele ɔlɔlɔ;

Ohike mpele dia Jɛrusalɛma.

19 Ko wɛ ayɔngɛnangɛna elambo wa losembwe,

Elambo wa lotshumba ndo elambo w’etondo;

Ko ngɔmbɛ ya waomi yayolambɔma lo elambwelo kayɛ.+

 2 Lolemi layɛ la mpɛmɔ oko ɛrɛswara,+

Kongɛka dia nsala kɔlɔ ndo kesaka.+

 3 Wɛ nangaka kɔlɔ oleki ɔlɔlɔ,

Mbuta kashi oleki mbuta kɛnɛ kosembwe. (Sela)

 4 Wɛ nangaka ɔtɛkɛta tshɛ wa kɔlɔ,

Wɛ lolemi la lokeso!

 5 Diakɔ diayokohandjola Nzambi mbala ɔtɔi lo pondjo;+

Nde ayokɔsa ko ayokotawola oma lo luudu layɛ la dipɛma;+

Nde ayokokundola oma lo wodja wa wanɛ wasɛna.+ (Sela)

 6 Anto w’ɛlɔlɔ wayɛna dui sɔ ko wayolola tɔɔ la wɔma,+

Ndo vɔ wayowɔla+ vate:

 7 “Onto laki kombetɛ Nzambi eshamelo*+ kande nde ɔnɛ,

Koko nde akayaɛkɛ lo ɔngɔnyi ande w’efula+

Ndo akayaɛkɛ lo* toseke tande ndamɛ ta kɔlɔ.”*

 8 Koko dimi layonga lo luudu la Nzambi oko osongo w’ɔlivɛ wele l’akatshi efula,

Ɛkamelo kami kekɔ lo ngandji ka kɔlamelo kaki Nzambi,+ pondjo pondjo.

 9 Dimi layokotombolaka pondjo pondjo l’ɔtɛ wa kɛnɛ kamboyosala;+

Lale anto ayɛ wa kɔlamelo,

Dimi layolongamɛka lo lokombo layɛ,+ nɛ dia dui sɔ diekɔ ɔlɔlɔ.

Etsha awɔ waha la losembwe wekɔ kɔlɔ ndo wɔnɔnyi;

Ndooko onto lasala ɔlɔlɔ.+

 2 Koko Nzambi mendaka ana w’anto oma l’olongo+

Dia menda kana ɔmɔtshi ekɔ la shɛnɔdi, kana ɔmɔtshi ekɔ lo nyanga Jehowa.+

 3 Vɔ tshɛ wambonganyi yama,

Vɔ tshɛ wambɔlɛ etshimba.

Ndooko onto lasala ɔlɔlɔ,

Ndooko kaanga ɔtɔi.+

 5 Koko vɔ wayolola tɔɔ la wɔma w’efula,

Wɔma wewɔ watokaka ndooko lushi,*

Nɛ dia Nzambi ayohandjola weka wa wanɛ wakɔlɔsha.*

Lam’ayokaloya Jehowa wodja ande wele lo lɔhɔmbɔ,

Jakɔbɔ kangɛnɛngɛnɛ, Isariyɛlɛ kayale la ɔlɔ.

54 Nzambi le, onshimbee lo lokombo layɛ,+

Ndo onsambee*+ la wolo ayɛ.

 2 Nzambi le, ooke dɔmbɛlɔ diami;+

Odje yimba lo ɛtɛkɛta wa l’onyɔ ami.

 3 Nɛ dia angɛndangɛnda wambonɛɛ dia ndɔshami,

Ndo akanga w’esehe nyangaka lɔsɛnɔ*+ lami.

 4 Eenda, Nzambi kele okimanyedi ami;+

Jehowa ekɔ kaamɛ la wanɛ wansukɛ.*

 5 Nde ayokaloya andɔshi+ ami kɔlɔ kawɔ hita;

Lo kɔlamelo yayɛ, komiyawɔ.*+

 7 Nɛ dia wɛ shimbɛkami oma lo asui tshɛ,+

Ndo dimi layɛna ɔkwɛlɔ w’atunyi ami.+

55 Nzambi le, ohokame dɔmbɛlɔ diami,+

Ndo tonyake yimba lo ɔsɛngɔsɛngɔ ami wa mbokama kɛtshi.*+

Dui diele la mi kiyanya kami,+

Ndo lambohandjɔ wɔɔngɔ

 3 L’ɔtɛ wa kɛnɛ kata otunyi

Ndo pɛpɔ y’oma le kanga kɔlɔ.

Nɛ dia vɔ mɔtshɛkami efukutanu,

Ndo la nkɛlɛ tshɛ vɔ mombɛkami kumbɛkumbɛ.+

 4 Otema ami wekɔ la lɔkɔnyɔ l’etei kami,+

Ndo wɔma wa nyɔi wambonkonya ewo.+

 5 Wɔma la lokomba wambominda,

Ndo dimi lambodidima.

 8 Lotosamanya otsha lo dihole diele la hiombo

Mangana etale la lɔpɛpɛ la wolo, etale la lɔhɛlɛdi la wolo.”

 9 Jehowa le, djawɔ lo okandokando ndo fukutanya dikongelo diawɔ,*+

Nɛ dia dimi lambɛna awui wa ngala ndo ewanu lo osomba.

10 Otsho la yanyi vɔ mbetetaka lo mpele diawɔ;

Awui wa kɔlɔ ndo ofukutanu wekɔ l’etei kawɔ.+

11 Elanyelo kekɔ l’atei awɔ;

Mpɛnyɔ ndo lokeso watamɔka ndooko lushi oma lo sɛkɛ diawɔ.+

12 Nɛ dia aha otunyi ami kansɔka;+

Otondonga ngasɔ tshike lotokikɛ.

Aha ɔndɔshi kambonɛɛ dia ndɔshami;

Otondonga ngasɔ tshike lotoyashɛ oma le nde.

13 Koko wɛ, onto lele oko dimi,*+

Ɔngɛnyi ami hita weyami dimɛna.+

14 Sho taki la lɔngɛnyi la dimɛna;

Takatshɔka lo luudu la Nzambi kaamɛ la olui w’anto.

Vɔ waholɔ otsha lo Diombo* ɛsɛnyu;

Nɛ dia kɔlɔ mbidjasɛ kaamɛ la wɔ ndo l’etei kawɔ.

16 Lo wedi ami, dimi layowelɛ Nzambi,

Ndo Jehowa ayonshimbɛ.+

17 La dikɔlɔ, la pindju ndo la midi, dimi tshimbaka wɔɔngɔ ndo dimi kumaka akumu,+

Ko nde mbokaka dui diami.+

18 Nde ayombitsha* ndo ayombisha wɔladi oma le wanɛ wandɔsha,*

Nɛ dia nyemba y’anto yekɔ lo ndɔshami.+

19 Nzambi ayoka ndo ayowakadimola,+

Ɔnɛ lodjashi lo kiti ka lowandji oma ko edjedja.+ (Sela)

Vɔ wayotona dia nsala etshikitanu,

Wanɛ wahoke Nzambi wɔma.+

20 Nde* akalɔsha wanɛ wele ki la nde;+

Nde akɔnyɔla sheke yande.+

21 Ɛtɛkɛta ande wekɔ ɔsɛlɔ ndeka matɛka,+

Koko vɔ ndɔshanaka lo otema ande.

Ɛtɛkɛta ande wekɔ amɛna ndeka esɔ,

Koko wekɔ tokuwa ta ta tambowɔsɔmɔla.+

22 Kitsha wotsho ayɛ le Jehowa,+

Ko nde ayokosukɛ.+

 2 Andɔshi ami wekɔ lo ntetemala mindami lushi l’otondo;

Efula wekɔ lo ndɔshami la otako tshɛ.

 4 Le Nzambi, ɔnɛ latombolami ɔtɛkɛta ande,

Le Nzambi kayaɛkɛmi; dimi haloke wɔma.

 5 Lushi l’otondo, vɔ ndanyaka wahɔ ami;

Kanyi yaamɛ yele la wɔ ele ya salɛmi kɔlɔ.+

 6 Vɔ ndjashɛka dia ndɔsha;

Vɔ mendaka wanya ami tshɛ,+

Walongamɛ dia mbɔsa lɔsɛnɔ* lami.+

10 Le Nzambi, ɔnɛ latombolami ɔtɛkɛta ande,

Le Jehowa, ɔnɛ latombolami ɔtɛkɛta ande,

11 Le Nzambi kayaɛkɛmi; dimi haloke wɔma.+

12 Nzambi le, dimi kelekama lo alɔkɔlɔkɔ ami le yɛ;+

Dimi layokotɛ ɛtɛkɛta wa eokelo ka losaka.+

13 Nɛ dia wɛ akantshungola* oma lo nyɔi+

Ndo akashimbe ekolo ami diaha vɔ ntakana,+

Dia dimi nkɛndakɛnda la ntondo ka Nzambi lo osase wa wanɛ wasɛna.+

57 Nzambi le, omboke kɛtshi, omboke kɛtshi,

Nɛ dia dimi* lamboyashɛ le yɛ,+

Ndo lo dɛdi dia ahafu ayɛ kamomoyashɛ polo lam’ayeta ekakatanu.+

 2 Dimi mbelɛka Nzambi Kaheme-Tshɛ,

Nzambi ka mɛtɛ lawalanya l’ɔtɛ ami.

 4 Dimi* nyingama la ntambwɛ;+

Dimi lohomba mbetama l’atei w’anto walanga ndɛmi,

Wanɛ wele wanyu awɔ wekɔ akɔnga la mpito

Ndo lolemi lawɔ lekɔ lokuwa la ta la mpɛmɔ.+

 5 Nzambi le, odiyame la diko dia olongo;

Lotombo layɛ longe laadiko dia nkɛtɛ k’otondo.+

 6 Vɔ wakalɔngɔsɔla ɔtɛyi dia mamba l’ekolo ami;+

Dimi* lambokotama la lonyangu.+

Vɔ wakatshime difuku la ntondo kami,

Koko vɔamɛ mbambotambɛ lɔkɔ.+ (Sela)

 7 Nzambi le, otema ami wekɔ nge,+

Otema ami wekɔ nge.

 9 Jehowa le, dimi layokotombola l’atei w’anto;+

Layokembɛ esambo wa lotombo* l’atei wa wedja.+

10 Nɛ dia ngandji kayɛ ka kɔlamelo kekɔ woke, kekɔ tanga oko olongo,+

Ndo kɔlamelo yayɛ polo lo wange.

11 Nzambi le, odiyame la diko dia olongo;

Lotombo layɛ longe laadiko dia nkɛtɛ k’otondo.+

 2 Koko nyu kongɛka awui waha la losembwe lo etema anyu,+

Ndo anya anyu salaka awui wa ngala lo wodja.+

 3 Akanga wa kɔlɔ takɔka mboka* oma ko eotwelo;*

Vɔ wambonganɛka ndo wekɔ akanga wa kashi oma ko eotwelo kawɔ.

 4 Lɔlɛngɔ lawɔ lekɔ oko lɔlɛngɔ l’eloyi;+

Vɔ wekɔ akanga wa mpoke oko oloyi wa kɔbra watodihaka toyi diawɔ.

 5 Oloyi akɔ hawotohokamɛ dui dia asaki w’ekanga,

Oyadi diewo diakɔna diele la wɔ dia nsenga.

 8 Vɔ wayale oko ɛkɔlɔ katoome* etena kakɛndakɛndatɔ;

Oko ɔna lotwe odo oma le womoto ɔmɔtshi lahɛnaki wonya.

 9 La ntondo ka mpoke yakatɛnyu ndolɔ la dja ya nkunyi y’atɛndɛ,

Nde ayɛmba nsɛndju y’eyoyo ndo yahɛta oko lo ponganɛndji.+

10 Onto ɔlɔlɔ ayɔngɛnangɛna nɛ dia nde ambɛna ɔsɔmbɔyɛlɔ;+

Ekolo ande wayosana la dikila dia kanga kɔlɔ.+

59 Nzambi le, ombitsha oma le atunyi ami;+

Onkokee oma le wanɛ wandɔsha.+

 2 Ombitsha oma le wanɛ wasala akambo wa kɔlɔ,

Ndo onshimbee oma le akanga wa ngala.*

 3 Eenda, vɔ wambompolamɛ;*+

Apami wa wolo wekɔ lo ndɔshami

Koko Jehowa le, aha l’ɔtɛ w’ɔnɛ dimi lakatɔmbɔkɔ kana lakasale pɛkato.+

 6 Vɔ kalolaka dikɔlɔ+ tshɛ;

Vɔ pangɔka oko mfɔ+ ndo vɔ tshimbaka osomba.+

 7 Ohenda kɛnɛ kahongɔ* oma l’enyɔ awɔ;

Ɛlɔmɔ awɔ wekɔ oko tokuwa ta ta,+

Nɛ dia vɔ mbutaka vate: “Akɔna ahokamɛ?”+

 8 Koko Jehowa le, wɛ ayowaɔla;+

Wɛ ayɔnyɔla wedja tshɛ.+

 9 Wolo ami le, dimi layendɛka le yɛ;+

Nɛ dia Nzambi kele eshamelo kami k’oshika.+

10 Nzambi katɔmɛnyaka ngandji ka kɔlamelo ayoyonkimanyiya;+

Nzambi ayosala dia dimi mɛna ɔkwɛlɔ w’andɔshi+ ami.

Lo wolo ayɛ, sala dia vɔ tekekɔka;

Jehowa engawo+ kaso le, sala dia vɔ nkɔ.

12 L’ɔtɛ wa pɛkato ka l’enyɔ awɔ, ɔtɛkɛta wa l’ɛlɔmɔ awɔ,

Vɔ wandame l’ɔtɛ w’otako awɔ,+

L’ɔtɛ wa mananu ndo awui wa lokeso watawɔ.

13 Shilawɔ oshiki lo odudu ayɛ;+

Shilawɔ oshiki, kele watongake nto;

Sala dia vɔ mbeya ɔnɛ Nzambi ekɔ lo mbolɛ lo Jakɔbɔ ndo lo tokoma ta nkɛtɛ.+ (Sela)

14 Vɔ wakalole la dikɔlɔ;

Vɔ wahangɔke oko mfɔ ndo watshimbake osomba.+

15 Vɔ wekekɔke dia nyanga ɛngɔ ka ndɛ;+

Tetawɔke dia vɔ ndota kana ntana mpango.

16 Koko le mi, dimi layemba lo dikambo dia wolo ayɛ;+

La pindju dimi layotaka la ɔngɛnɔngɛnɔ tshɛ dia ngandji kayɛ ka kɔlamelo.

Nɛ dia wɛ kele eshamelo kami k’oshika+

Ndo dihole dia dimi ndawɔ lo tena diami di’asui.+

17 Wolo ami le, wɛ kayomembɛka esambo wa lotombo,*+

Nɛ dia Nzambi kele eshamelo kami k’oshika, Nzambi kamɛnya ngandji ka kɔlamelo.+

 4 Osha* wanɛ wakooka wɔma djembetelo

Dia ndawɔ ndo mbewɔ ota. (Sela)

 5 Dia wanɛ wokayɛ ngandji mbika,

Otoshimbee la lonya layɛ l’omi ndo otokadimole.+

“Dimi layɔngɛnangɛna, layokimɔ Shɛkɛmɛ oko etenyi k’okitɔ,+

Ndo layɛdika Okidi* wa Sukɔta.+

 7 Ngiliyadɛ kami ketɔ, oko wele Manase,+

Ndo Efrayimɛ kele lofulɛ* dikambo dia ɔtɛ ami;

Juda kele danga diami dia nkumekanga.+

10 Nzambi le, shi wɛ, ɔnɛ lakatokasha,

Wɛ Nzambi kaso kahayotshɔ kaamɛ l’asɔlayi aso?+

11 Otokimanyiya lo asui aso,

Nɛ dia panda k’oma le anto kekɔ anyanya.+

12 Oma le Nzambi mbayotokondja wolo,+

Ndo nde ayɔhɔtshahɔtsha andɔshi+ aso.

 2 Dimi layokolelɛ oma lo tokoma ta nkɛtɛ

Etena kayoshisha otema ami elongamelo.*+

 3 Nɛ dia wɛ kele eshamelo kami,

Tshoto ya wolo yankokɛ oma le otunyi.+

 4 Dimi layohanga lo luudu layɛ la dipɛma pondjo pondjo;+

Dimi layoyashɛ l’ɛse k’ahafu ayɛ.+ (Sela)

 6 Wɛ ayokotshɛɛ nkumekanga nshi ya lɔsɛnɔ,*+

Ndo ɛnɔnyi ande wayongaka lo lɔlɔnga la lɔlɔnga.

 7 Nde ayodjasɛ lo kiti ka lowandji pondjo pondjo la ntondo ka Nzambi;+

Ɛnyande* ngandji ka kɔlamelo ndo kɔlamelo, di’awui asɔ mbokokɛ.+

 8 Ko dimi layembɛka lokombo layɛ esambo wa lotombo* pondjo pondjo+

Etena kakotshami alɔkɔlɔkɔ ami lushi la lushi.+

 2 Lo mɛtɛ, nde kele dive diami, panda kami ndo eshamelo kami k’oshika;+

Dimi hansutshasutshamaki wolo pondjo.+

 4 Nɛ dia vɔ wambɔtɔ sheke dia mbɔkɔsha oma lo dihole diande dia laadiko;*

Vɔ ngɛnangɛnaka mbuta kashi.

 5 Lo mɛtɛ, dimi mbɔlamaka ki etena kakongami Nzambi*+

Nɛ dia oma le nde kaya elongamelo kami.+

 6 Lo mɛtɛ, nde kele dive diami, panda kami ndo eshamelo kami k’oshika;

Dimi hansutshasutshamaki pondjo.+

 9 Ana w’anto wekɔ loowe l’anyanya,

Ana w’anto wekɔ lokeso.+

10 Tanyoyaɛkɛke lo ɔhɔtwanelo

Kana mbidja elongamelo ka kashi lo wovelo.

12 Ndo nto, Jehowa le, wɛ kele kanga ngandji ka kɔlamelo,+

Nɛ dia wɛ futaka onto l’onto lo ndjela etsha ande.+

Dimi* kookaka nsaki k’efula

Lo nkɛtɛ y’ofumbo ndo ya womu, lɛnɛ ele ashi bu.+

 2 Ɔnkɔnɛ, dimi lakakende lo dihole di’ekila;

Dimi lakɛnyi wolo ayɛ ndo lotombo layɛ.+

 3 Nɛ dia ngandji kayɛ ka kɔlamelo ndeka lɔsɛnɔ dimɛna,+

Ɛlɔmɔ ami hita wayokotombola.+

 4 Ɔnkɔnɛ dimi layokotombolaka lɔsɛnɔ lami l’otondo;

Lo lokombo layɛ kayomemɛka anya ami.

 5 Dimi* lambɔngɛnangɛna la etenyi koleki dimɛna ndo ka lɔsɔna,*

Ɔnkɔnɛ onyɔ ami wayokotombola la ɔngɛnɔngɛnɔ lo ɛlɔmɔ ami.+

 6 Dimi kohɔka etena kongami lo mbeto kami;

Dimi kanaka yimba dikambo diayɛ lam’atomolalaka engondo l’otsho.+

 7 Nɛ dia wɛ kele okimanyedi ami,+

Ndo dimi mbidaka ekoko w’ɔngɛnɔngɛnɔ lo dɛdi di’ahafu ayɛ.+

 8 Dimi* komamemaka;

Lonya layɛ l’omi kimɛkami wolo.+

 9 Koko wanɛ wayanga dia ndanya lɔsɛnɔ lami*

Wayoholɔ otsha lo ɛhɔngɔ wa nkɛtɛ.

10 Vɔ wayokimɔma lo wolo wa lokuwa la ta;

Vɔ wayonga mbo ya ndɛ ya waa mbolo.*

Onto tshɛ latshiba lo lokombo Lande ayɔngɛnangɛna,*

Nɛ dia enyɔ wa wanɛ wata kashi wayodihama.

 2 Onkokee oma lo toseke ta lo woshɛshɛ t’akanga wa kɔlɔ,+

Oma l’olui w’atshi wa kɔlɔ.

 3 Vɔ kɛtɛmɔlaka nemi yawɔ oko lokuwa la ta;

Vɔ mbɛdiyaka ɛtɛkɛta awɔ wa lɔlɛngɔ oko mpito,

 4 Dia ntshieta onto laha la onongo oma lo dihole diande di’eshamelo;

Vɔ mbotshietaka la shashimoya, aha la wɔma.

 5 Vɔ kukutɛka tokanyi tawɔ ta kɔlɔ;*

Vɔ kɛtshanyaka woho wa mbishɛ tolonga tawɔ.

 6 Vɔ nyangaka toho t’eyoyo ta nsala kɔlɔ,

Vɔ kongɛka yoho ya mayɛlɛ ya nsala lo woshɛshɛ;+

Ekanelo ka yimba kele l’otema w’onto l’onto hamanema mfundo.

 7 Koko Nzambi ayowatshieta;+

Vɔ wayohomɔ lohito la shashimoya.

 8 Nemi yawɔ hita yayowakɔsha;+

Wanɛ tshɛ wenda wayonyinginya ɛtɛ awɔ.

 9 Ko anto tshɛ wayoka wɔma,

Vɔ wayewoya kɛnɛ kambosala Nzambi,

Ndo vɔ wayonga la shɛnɔdi ya nshihodia etsha ande.+

10 Onto ɔlɔlɔ ayɔngɛnangɛna le Jehowa ndo ayoyashɛ le nde;+