ESAYA
1 Xivono lexi Esaya*+ n’wana wa Amotsi a xi voneke mayelana na Yuda na Yerusalema hi nkarhi wa ku fuma ka Uziya,+ Yohatama,+ Akazi+ na Hezekiya,+ lava a va ri tihosi ta Yuda:+
3 Nkuzi yi n’wi tiva kahle loyi a nga yi xava,
Ni mbhongolo yi xi tiva kahle xidyelo xa n’wini wa yona;
Kambe Vaisrayele a va ndzi tivi,+
Vanhu va mina a va twisisi.”
4 Khombo eka tiko leri dyohaka,+
Vanhu lava hanyaka hi xidyoho,
Vanhu lava endlaka swo biha, vana lava onhakeke!
5 Hi kwihi kun’wana laha se mi nga ta biwa kona hileswi mi yaka emahlweni mi xandzuka?+
Nhloko hinkwayo ya pandza,
Ni mbilu hinkwayo ya vava.+
6 Ku sukela enkondzweni ku ya enhlokweni, a ku na laha ku nga vaviki.
Ku ni timbanga ni swivati ni swilondza
A swi kamiwanga kumbe ku bandichiwa naswona a swi totiwanga mafurha.+
7 Tiko ra n’wina i marhumbi.
Miti ya n’wina yi tshwile.
Valuveri va mi tekele tiko mi va langutile.+
Ri fana ni rhumbi leri hlaseriweke hi vamatiko.+
8 Nhwanyana wa Siyoni u sele ku fana ni nxaxa ensin’wini ya madiriva,
Ku fana ni nxaxa ensin’wini ya marhakarhaka,
Ku fana ni muti lowu rhendzeriweke.+
9 Loko Yehovha wa mavuthu a a nga ponisanga van’wana va hina,
A hi ta va hi fane na Sodoma,
Naswona a hi ta va hi fane na Gomora.+
10 Twanani rito ra Yehovha, n’wina vafumi va Sodoma.+
Yingisani nawu* wa Xikwembu xa hina, n’wina vanhu va le Gomora.+
11 Yehovha u ri: “Xana ndzi vuyeriwa hi yini loko mi ndzi endlela magandzelo yo tala?+
Ndzi karhele hi magandzelo ya n’wina yo hisiwa ya makhuna+ ni mafurha ya swifuwo leswi noneke,+
Naswona a ndzi yi tsakeli ngati+ ya swinkuzana+ ni ya swinyimpfana ni ya timbuti.+
13 Tshikani ku tisa magandzelo ya mavele lama nga pfuniki nchumu.
Murhi wa n’wina wo nun’hwela wa ndzi nyenyetsa.+
Mi tlangela ku huma ka n’weti,+ tisavata+ ni ku endla tinhlengeletano+
Kambe a ndzi nge swi koti ku tiyiselela ku tirhisiwa ka masalamusi+ etinhlengeletanweni ta n’wina.
14 Ndzi venga mikhuvo ya n’wina yo tlangela ku huma ka n’weti ni mikhuvo leyin’wana ya n’wina.
Swi hundzuke ndzhwalo eka mina;
A ndza ha swi koti ku swi tiyiselela.
17 Dyondzani ku endla leswinene, avanyisani hi ndlela leyinene,+
Tshinyani loyi a tshikilelaka,
Lwelani timfanelo ta n’wana loyi a nga riki na tatana,
Mi pfuna noni.”+
18 Yehovha u ri: “Tanani hi ta lulamisa timhaka.+
Hambiloko swidyoho swa n’wina swo va swo tshwuka,
Swi ta basisiwa swi fana ni gamboko;+
Hambiloko swi tshwuke ku fana ni lapi ro tshwuka,
Swi ta fana ni voya byo basa.
20 Kambe loko mi nga ndzi yingisi mi tlhela mi ndzi fularhela,
Mi ta dlayiwa hi banga,+
Hikuva Yehovha u vurile.”
21 Vonani, muti lowu a wu tshembeka+ wu hundzuke nghwavava!+
23 Tihosana ta wena ti ome tinhloko naswona ti tirhisana ni makhamba.+
Ti rhandza ku xaviwa ni tinyiko.+
A ti va avanyisi kahle vana lava nga riki na vatatana,
Ni mhaka ya noni a ti yi tengi.+
24 Hikokwalaho Hosi ya ntiyiso, Yehovha wa mavuthu,
Lowa Matimba wa Israyele u ri:
“Aha! Ndzi ta herisa valala va mina,
Ndzi ta tirihisela eka valala va mina.+
25 Ndzi ta ku xupula,
Ndzi ta ku susa thyaka,
Ku fana ni loko vanhu va n’okisa silivhere leswaku va yi basisa.+
26 Ndzi ta vuyisa vaavanyisi va wena ku fana ni le ku sunguleni
Ni vatsundzuxi va wena ku fana ni le ku sunguleni.+
Endzhaku ka sweswo u ta vitaniwa Muti wo Lulama, Muti wo Tshembeka.+
27 Siyoni u ta kutsuriwa hi vululami,+
Naswona vanhu vakwe lava vuyaka, va ta kutsuriwa hi ndlela leyinene.
29 Hikuva vanhu va ta khomiwa hi tingana hikwalaho ka mirhi leyikulu leyi a mi yi navela,+
Naswona mi ta poyileka hikwalaho ka mitanga* leyi mi yi hlawuleke.+
30 Hikuva mi ta fana ni murhi lowukulu lowu matluka ya wona ma vuneke,+
Ni ntanga lowu nga riki na mati.
31 Nhenha yi ta fana ni mavivi,
Ni ntirho wa yona wu ta fana ni nhlahle;
Haswimbirhi swi ta tshwa,
A nga kona loyi a nga ta swi timela.”
2 Hi leyi mhaka leyi Esaya n’wana wa Amotsi a yi voneke mayelana na Yuda na Yerusalema:+
2 Emikarhini ya makumu,
Ntshava ya yindlu ya Yehovha
Yi ta simekiwa yi tiya ehenhla ka tintshava,+
Naswona yi ta tlakusiwa yi tlula ni swintshabyana,
Matiko hinkwawo ma ta khitikanela eka yona.+
3 Vanhu vo tala va ta ya kona kutani va ku:
“Tanani, a hi tlhandlukeleni entshaveni ya Yehovha,
Endlwini ya Xikwembu xa Yakobo.+
U ta hi dyondzisa tindlela ta yena,
Kutani hi ta famba emitileni ya yena.”+
4 U ta avanyisa matiko
A lulamisa timhaka ta vanhu vo tala.
Va ta hundzula mabanga ya vona ma va swikomu
Ni matlhari ya vona ma va swikhutulo.+
Tiko a ri nge he tlakusi banga ku lwa ni tiko rin’wana,
Naswona a va nge he dyondzi nyimpi.+
6 Hikuva u fularhele vanhu va wena, ndyangu wa Yakobo,+
Hikwalaho ka leswi va tekeleleke swilo swa le Vuxeni;
Va endla masalamusi+ ku fana ni Vafilista,
Naswona va taleriwe hi vana va vanhu vamatiko.
7 Tiko ra vona ri tele hi silivhere ni nsuku,
Naswona va ni xuma xo tala.
Tiko ra vona ri tele hi tihanci,
Naswona va ni makalichi yo tala.+
8 Tiko ra vona ri tele swikwembu leswi nga pfuniki nchumu.+
Va khinsamela mitirho ya mavoko ya vona,
Leswi va nga lo tiendlela.
9 Loyi a khinsamaka u ta khomisiwa tingana,
Naswona a wu nge pfuki u va rivalerile.
10 Nghena eribyeni u tumbela emisaveni
Hikwalaho ka vukarhi bya Yehovha lebyi chavisaka
Ni vukulukumba byakwe ni ku vangama kakwe.+
I Yehovha ntsena loyi a nga ta vangamisiwa hi siku rero.
12 Hikuva i siku ra Yehovha wa mavuthu.+
Ri ta fikela hinkwavo lava titlakusaka ni lava tikukumuxaka,
Ri ta fikela hinkwavo, hambi i swifumi kumbe swisiwana,+
13 Ri ta fikela mikedari hinkwayo ya le Lebanoni leyo leha
Ni mirhi hinkwayo ya oku ya le Baxani,
14 Ni le henhla ka tintshava hinkwato to leha
Ni swintshabyana hinkwaswo swo leha,
15 Ehenhla ka swihondzo hinkwaswo swo leha ni makhumbi hinkwawo yo tiya,
16 Ehenhla ka swikepe hinkwaswo swa le Taraxixi+
Ni le henhla ka swikepe hinkwaswo swo saseka.
17 Loyi a tikurisaka u ta khomisiwa tingana,
Ni lava tivonaka va ta nyumisiwa.
I Yehovha ntsena loyi a nga ta vangamisiwa hi siku rero.
18 Swikwembu leswi nga pfuniki nchumu swi ta nyamalalela makumu.+
19 Vanhu va ta nghena emabakweni ya maribye
Ni le miceleni+
Hikwalaho ko chava vukarhi bya Yehovha
Ni vukulukumba byakwe ni ku vangama kakwe,+
Loko a ta ku ta endla leswaku misava yi rhurhumela hikwalaho ko chava.
20 Hi siku rero vanhu va ta teka swikwembu swa vona leswi nga pfuniki nchumu swa silivhere ni nsuku
Leswi va tiendleleke swona leswaku va swi gandzela
Va swi lahlela eka timfukuzana* ni vamangadyana,+
21 Leswaku va ta nghena etimbhoveni leti nga emaribyeni
Ni le mabakweni,
Hikwalaho ko chava vukarhi bya Yehovha
Ni vukulukumba byakwe ni ku vangama kakwe,
Loko a ta ku ta endla leswaku misava yi rhurhumela hikwalaho ko chava.
22 Tshikani ku tshemba munhu,
Loyi a ngo va ku hefemula ntsena.
Hikwalaho ka yini a fanele a tekeriwa enhlokweni?
3 Hikuva waswivo, Hosi ya ntiyiso, Yehovha wa mavuthu,
U susa xinkwa ni mati+ ni hinkwaswo
Leswi seketelaka Yerusalema na Yuda,
2 Nhenha ni socha,
Muavanyisi ni muprofeta,+ mungoma ni nkulukumba,
3 Ndhuna ya vanhu va 50,+ muchaviseki ni mutsundzuxi,
Mutivi wa masalamusi ni loyi a kotaka ku chayela tinyoka nanga.+
4 Ndzi ta endla vafana va va tihosana ta vona,
Va ta fumiwa hi vanhu va tinhloko to hisa.
Mufana u ta rhukana munhu lonkulu,
Xiphukuphuku xi ta delela loyi a xiximiwaka.+
6 Un’wana ni un’wana u ta khoma makwavo endlwini ya tata wakwe a ku:
“U ni xiambalo, vana murhangeri wa hina.
Fuma marhumbi lawa.”
7 Kambe enkarhini wolowo u ta ku:
“A ndzi nge mi tshunguli timbanga ta n’wina;
A ndzi na swakudya kumbe swiambalo endlwini ya mina.
Mi nga ndzi endli murhangeri wa vanhu.”
8 Hikuva vanhu va muti wa Yerusalema va khugukile
Ni vanhu va Yuda va wile,
Hikuva va lwa na Yehovha hi swiendlo swa vona ni marito ya vona;
Va xandzukele loyi a kwetsimaka.+
9 Swikandza swa vona swa va avanyisa,
Va vulavula hi swidyoho swa vona, ku fana ni vanhu va le Sodoma;+
A va swi tumbeti.
Khombo eka vona, hikuva va tivangela maxangu!
10 Byelani lavo lulama leswaku swi ta va fambela kahle;
Va ta hakeriwa hikwalaho ka leswi va swi endlaka.+
11 Khombo eka lowo homboloka!
A swi nge n’wi fambeli kahle,
Hikuva ndlela leyi a khomeke van’wana ha yona, na yena u ta khomiwa ha yona!
12 Tindhuna ta vanhu va mina ti ni mona,
Naswona va fumiwa hi vavasati.
N’wina vanhu va mina, varhangeri va n’wina va mi lahlekisa,
Va mi hambukisa.+
13 Yehovha u tilunghiselela ku tenga;
U yimile leswaku a ta gweva vanhu.
14 Yehovha u ta avanyisa vakulukumba ni tihosana ta vanhu vakwe.
“Mi hise nsimu ya madiriva,
Naswona leswi mi swi yiveleke swisiwana swi le tindlwini ta n’wina.+
15 Hikwalaho ka yini mi xanisa vanhu va mina
Ni ku swi tshikilela swinene swisiwana?”+ ku vula Hosi Leyi Tlakukeke, Yehovha wa mavuthu.
16 Yehovha u ri: “Hikwalaho ka leswi vanhwanyana va Siyoni va tivonaka,
Va tikukumuxa loko va famba,
Va langutela van’wana ehansi,
Naswona ku twakala masindza ya vona ya le milengeni, loko va ri karhi va famba,
17 Yehovha na yena u ta endla leswaku tinhloko ta vanhwanyana va Siyoni ti va ni rikhwekhwe,
Naswona Yehovha u ta endla leswaku tinhloko ta vona ti va ni timpandla.+
18 Hi siku rero Yehovha u ta teka mabendlele lawa va tibombisaka ha wona,
Swo boha misisi ni swin’wetsin’wetsi leswi fanaka ni n’weti,+
19 Swingwavila swa tindleve, vusenga ni tivheyili,
20 Maduku, vusenga bya le milengeni, swo tikhama xifuva,
Swimfukwana swa mafurha yo nun’hwela ni switshungulo,
21 Swingwavila swa le tintihweni ni swa le tinhompfini,
22 Swiambalo swo leha leswi ambariwaka hi mikarhi ya mikhuvo, mikhancu ni swipaci,
23 Swivoni swo khoma hi voko+ ni swiambalo swa ntsembyana,*
Maduku ni tivheyili.
24 Ematshan’weni ya mafurha ya balsama,+ ku ta nun’hwa swo bola;
Ematshan’weni ya bandhi, ku ta va ntambhu;
Ematshan’weni ya misisi leyi lukiweke kahle, ku ta va mpandlha;+
Ematshan’weni ya xiambalo lexinene, ku ta va xiambalo* xo khwaxa;+
Ni mfungho wa vuhlonga ematshan’weni ya ku saseka.
26 Tinyangwa ta yena ta muti ti ta rila ti kalakala+
U ta rila a tshame ehansi.”+
4 Hi siku rero vavasati va nkombo va ta khoma wanuna un’we+ va ku:
“Hi ta dya xinkwa xa hina
Hi tlhela hi ambala swiambalo swa hina;
Kambe hi kombela ku vitaniwa hi vito ra wena
2 Esikwini rero Yehovha u ta endla leswaku ku mila swimilana swo saseka swinene. Vaisrayele lava poneke va ta tibuma va tlhela va tsaka hi ndzalo ya tiko.+ 3 Lava saleke eSiyoni ni lava siyiweke eYerusalema va ta vuriwa lava kwetsimaka, hinkwavo lava nga eYerusalema lava tsariweke leswaku va ta kuma vutomi.+
4 Loko Yehovha a hlantswa thyaka* ra vanhwanyana va le Siyoni,+ a tlhela a basisa ngati leyi halatiweke eYerusalema hi moya wakwe lowu hisaka wu tlhela wu avanyisa,+ 5 Yehovha u ta tlhela a endla papa ni musi ninhlikanhi ni ndzilo lowu pfurhaka nivusiku+ eNtshaveni hinkwayo ya Siyoni ni laha ku nga ni tinhlengeletano; hikuva ku ta tshama ku ri ni xisirhelelo ehenhla ka swilo hinkwaswo swo kwetsima. 6 Ku ta va ni ntsonga lowu nga ni ndzhuti laha vanhu va nga ta tshama kona ninhlikanhi loko ku hisa+ wu tlhela wu va xisirhelelo loko ku ri ni xidzedze ni mpfula.+
Murhandziwa wanga a a ri ni nsimu ya madiriva yo nona etlhelo ka xintshabyana.
2 U yi rimile a susa ni maribye.
A byala madiriva yo tshwuka lamanene,
A aka ni xihondzo exikarhi ka yona,
A endla ni xikamelo xa madiriva.+
Hiloko a langutela leswaku yi tswala madiriva,
Kambe yi tswale madiriva yo phyama.+
3 “Kutani sweswi, n’wina vaaki va Yerusalema na n’wina vanhu va Yuda,
Ndzi kombela mi avanyisa exikarhi ka mina ni nsimu ya mina ya madiriva.+
4 Xana i yini xin’wana lexi a ndzi ta va ndzi xi endlile ensin’wini ya mina ya madiriva
Lexi ndzi nga xi endlangiki?+
Hikokwalaho ka yini yi humese madiriva yo phyama,
Kasi mina a ndzi langutele madiriva lamanene?
5 Sweswi, inge ndzi mi byela
Leswi ndzi nga ta swi endla eka nsimu ya mina ya madiriva:
Ndzi ta susa rihlampfu ra yona,
Kutani ri hisiwa.+
Ndzi ta mbundzumuxa khumbi ra yona,
Ivi ri kandziyeriwa.
Ku ta mila swihlahla swa mitwa ni nhova,+
Naswona ndzi ta lerisa mapapa leswaku ma nga ha nisi mpfula ehenhla ka yona.+
7 Hikuva nsimu ya madiriva ya Yehovha wa mavuthu i ndyangu wa Israyele;+
Vanhu va le Yuda i swibyariwa leswi a a swi rhandza.
A a langutele vululami,+
Kambe a ku avanyisiwa hi ndlela yo biha;
A a langutele ku lulama,
Kambe a ku ri ni swirilo.”+
8 Khombo eka lava tekaka tiyindlu to tala+
Va tlhela va teka ni masimu yo tala+
Kukondza ku nga ha vi na ndhawu
Ivi va tshama va ri voxe etikweni!
9 Yehovha wa mavuthu u ndzi hlambanyerile
Leswaku hambileswi ku nga ni tiyindlu to tala letikulu ti tlhela ti saseka,
Ti ta sala ti ri marhumbi yo nyenyetsa,
A ku nge tshami munhu.+
10 Hikuva tihekitara ta mune ta nsimu ya madiriva ti ta humesa bati* yin’we ntsena,
Mpimo wa homere* yin’we ya mbewu yi ta humesa mpimo wa efa* ntsena.+
11 Khombo eka lava pfukaka nimpundzu swinene leswaku va nwa byala,+
Lava tshamaka kukondza byi va vusiku va kala va dakwa hi vhinyo!
12 Eminkhubyeni ya vona ku ni tiharipa ni switende,
Swingomana, switiringo ni vhinyo;
Kambe a va na mhaka ni ntirho wa Yehovha,
Naswona a va yi voni mitirho yakwe.
13 Kutani vanhu va mina va ta ya evuhlongeni
Hikwalaho ko pfumala vutivi;+
Vanhu va vona lava tivekaka va ta dlawa hi ndlala,+
Kasi lavan’wana hinkwavo va ta dlawa hi torha.
14 Hikokwalaho Sirha* ri anamile
Naswona ri pfulekile swinene;+
Kutani lavo xiximeka emutini ni vanhu vakwe lava nga ni hasahasa, ni lava endlaka mikhuvo leyi nga lawulekiki
Va ta helela kona.
16 Yehovha wa mavuthu u ta tlakusiwa hikwalaho ka vuavanyisi byakwe;
Xikwembu xa ntiyiso, Mukwetsimi,+ u ta tivangamisa hi vululami bya yena.+
17 Swinyimpfana swi ta dya swi tshunxekile onge swi le madyelweni ya swona;
Vanhu va matiko mambe va ta dya etindhawini leti tshikiweke laha a ku ri madyelo ya swifuwo swo nona.
18 Khombo eka lava kokakokaka nandzu wa vona hi tintambhu ta vuxisi
Ni xidyoho xa vona hi tintambhu ta golonyi;
19 Lava nge: “A hatlise a endla leswi a swi vulaka;
A swi hatle swi endleka leswaku hi ta swi vona.
20 Khombo eka lava vulaka leswaku leswinene swi bihile ni leswo biha i swinene,+
Lava nge munyama i ku vonakala ni ku vonakala va ku i munyama,
Lava nge leswo bava swa tsokombela ni leswo tsokombela va ku swa bava!
Va avanyisa munhu lonene hi ndlela yo biha!+
24 Hikwalaho, hilaha ndzilo wu hisaka mahlanga hakona
Ni byanyi byo oma byi hisiwaka hi malangavi,
Timitsu ta vona ti ta bola
Naswona ku hluka ka vona ku ta hangalaka ku fana ni mapa,
Hikuva va fularhele nawu wa Yehovha wa mavuthu,
Naswona a va ri xiximanga rito ra Mukwetsimi wa Israyele.+
Tintshava ti ta tsekatseka,
Ni mitsumbu ya vona yi ta fana ni thyaka eswitarateni.+
Hikwalaho ka sweswo hinkwaswo, wa ha hlundzukile,
Naswona wa ha tiyimisele ku va xupula.
26 U vitane tiko ra le kule hi ku tirhisa mfungho;+
U va bele khwela va ri ekule swinene;+
Langutani! Va ta hi ku hatlisa.+
27 Ku hava loyi a karhaleke kumbe ku khudlunyeka exikarhi ka vona.
Ku hava loyi a khudzehelaka kumbe ku etlela.
Mabandhi ya vona ma bohiwe ma tiya,
Naswona tintambhu ta maphaxani ya vona a ti tsemekanga.
Va ta mpfhumpfha va khoma xiharhi
Va ta famba na xona naswona a ku na loyi a nga ta xi lamulela.
Loyi a langutaka tiko u ta vona munyama lowu khomisaka gome;
Hambi ku ri ku vonakala ku hundzuke munyama hikwalaho ka mapapa.*+
6 Hi lembe leri Hosi Uziya a feke ha rona,+ ndzi vone Yehovha a tshame exiluvelweni lexi tlakukeke ni lexi nga ehenhla+ naswona xiambalo xakwe a xi koka ehansi xi tata tempele. 2 Ehenhla ka yena a ku yime tiserafi; ha yin’we a yi ri ni timpapa ta tsevu. Timpapa timbirhi a yi tifunengeta xikandza ha tona, timbirhi a yi tifunengeta milenge ha tona naswona timbirhi a yi haha ha tona.
3 Kutani ti huwelelana ti ku:
“Wa kwetsima, wa kwetsima, wa kwetsima Yehovha wa mavuthu.+
Misava hinkwayo yi tele ku vangama kakwe.”
4 Hiloko timeremere* ta tinyangwa ti tsekatseka hikwalaho ka mpfumawulo wa ku huwelela, kutani yindlu yi tala hi musi.+
5 Kutani ndzi ku: “Khombo eka mina!
Ndzi file,*
Hikuva leswi humaka enon’wini wa mina a swi basanga;
Naswona ndzi tshama ni vanhu lava vulavulaka leswi nga basangiki;+
Hikuva ndzi vone Hosi, Yehovha wa mavuthu!”
6 Hiloko serafi yin’wana yi haha yi ta eka mina naswona a yi khome kala ro hisa+ leri yi ri tekeke ealtarini hi xo oka ndzilo.+ 7 Yi khumba nomu wa mina ivi yi ku:
“Waswivo! Ri khumbe nomu wa wena.
A wa ha ri na nandzu,
Xidyoho xa wena xi rivaleriwile.”
8 Hiloko ndzi twa rito ra Yehovha ri ku: “Ndzi ta rhuma mani, i mani loyi a nga ta hi yela?”+ Kutani ndzi ku: “Hi mina loyi! Ndzi rhume!”+
9 Kutani a ku, “Famba u ya byela vanhu lava u ku:
10 Endla timbilu ta vanhu lava ti sihalala,+
U endla ni tindleve ta vona ti nga twi,+
U pfala ni matihlo ya vona,
Leswaku va nga voni hi matihlo ya vona,
Naswona va nga twi hi tindleve ta vona,
Leswaku va nga twisisi,
Leswaku va hundzuka kutani va horisiwa.”+
11 Hiloko ndzi ku: “Ku fikela rini Yehovha?” Kutani a ku:
“Ku fikela loko miti yi lovisiwa yi sala yi ri marhumbi ku nga ha tshami munhu
Ni tiyindlu ti nga vi na vanhu
Ni tiko ri onheteriwa ri va mananga;+
12 Kukondza Yehovha a hlongola vanhu va ya ekule,+
Ni tiko ri sala ri ri mananga.
13 “Kambe ka ha ta va ni vanhu vatsongo lava nga ta sala etikweni naswona ri ta tlhela ri hisiwa ku fana ni murhi lowukulu ni ku fana ni murhi wa oku, leyi endzhaku ka loko yi tsemiwile ku nga ta sala xikundzu;* mbewu yo kwetsima yi ta va xikundzu xa rona.”
7 Enkarhini wa ku fuma ka Akazi+ n’wana wa Yohatama n’wana wa Uziya, hosi ya le Yuda, Hosi Resini wa Siriya na Peka+ n’wana wa Remaliya hosi ya Israyele, va ta va ta lwa na Yerusalema kambe a va swi kotanga ku wu teka.+ 2 Hiloko ndyangu wa Davhida wu twa xiviko lexi nge: “Masocha ya le Siriya ma hlangane ni masocha ya le Efrayimi.”
Kutani Akazi ni vanhu vakwe va sungula ku rhurhumela ku fana ni mirhi ya le khwatini loko yi biwa hi moya.
3 Hiloko Yehovha a byela Esaya a ku: “Ndzi kombela leswaku wena ni n’wana wa wena Xeyara-yatubu*+ mi huma mi ya hlangana na Akazi, emakumu ka mugerho*+ wa le henhla lowu nga endleleni leyi yaka ensin’wini ya muhlantswi. 4 U fanele u n’wi byela u ku, ‘Rhulisa mbilu. U nga chavi, u nga rhurhumeli hikwalaho ka swikundzu swimbirhi leswi nga kusuhi ni ku timeka ni hikwalaho ka ku hlundzuka ka Resini na Siriya ni n’wana wa Remaliya.+ 5 Hikuva muti wa Siriya ni wa Efrayimi ni n’wana wa Remaliya va ku bohele kungu, va ku: 6 “A hi fambeni hi ya lwa ni muti wa Yuda kutani hi wu hlula, hi veka n’wana wa Tabele ku va hosi ya wona.”+
7 “ ‘Yehovha Hosi Leyi Tlakukeke u ri:
“A swi nge endleki,
Naswona a swi nge humeleli.
8 Hikuva ntsindza wa tiko ra Siriya i Damaska,
Kasi hosi ya le Damaska i Resini.
Tiko ra Efrayimi ri ta herisiwa ku nga ha vi na vanhu+
Ku nga si hela malembe ya 65.
9 Ntsindza wa tiko ra Efrayimi i Samariya+
Kasi hosi ya le Samariya i n’wana wa Remaliya.+
Loko mi nga vi na ripfumelo leri tiyeke,
Mfumo wa n’wina a wu nge tiyi.” ’ ”
10 Yehovha a tlhela a vulavula na Akazi a ku: 11 “Kombela Yehovha Xikwembu xa wena leswaku a ku komba xikombiso;+ xi nga ha va xi ente kukota Sirha* kumbe xi tlakuke kukota xibakabaka.” 12 Kambe Akazi a ku: “A ndzi nge kombeli naswona a ndzi nge n’wi ringi Yehovha.”
13 Hiloko Esaya a tlhela a ku: “Ndzi kombela mi yingisa, n’wina ndyangu wa Davhida. Xana a swi enelanga leswi mi ringeke vanhu? Xana mi fanele mi tlhela mi ringa ni Xikwembu?+ 14 Hikwalaho Yehovha u ta mi nyika xikombiso: Vonani! Nhwana u ta tika kutani a veleka n’wana wa jaha+ naswona u ta n’wi thya vito ra Emanuwele.*+ 15 Loko se a kota ku hlawula leswinene eka leswo biha u ta dya botere ni vulombe. 16 Hikuva loko mufana a nga si kota ku hlawula leswinene eka leswo biha, matiko ya tihosi timbirhi leti mi ti chavaka ma ta va ma nga ha ri na munhu.+ 17 Yehovha u ta ku tisela khombo lerikulu leri wena, vanhu va wena ni vandyangu wa tata wa wena mi nga si tshamaka mi ri vona hi mpfhuka Efrayimi a hambane na Yuda,+ hikuva U ta tisa hosi ya Asiriya.+
18 “Hi siku rero Yehovha u ta ba khwela a vitana tinhongana leti nga eswinambyanini swa le kule swa Nayili eEgipta ni tinyoxi leti nga etikweni ra Asiriya, 19 kutani hinkwaswo swi ta fika swi tshama emikoveni, emabakweni lama nga ni maribye, emakhwatini hinkwawo ya mitwa ni hinkwako laha ku nga ni mati.
20 “Hi siku rero, Yehovha u ta tirhisa xikaringana* lexi lombiweke etikweni leri nga etlhelo ka Nambu* u ta tirhisa hosi ya Asiriya,+ kutani u ta va byevula tinhloko ni milenge ni malepfu.
21 “Hi siku rero munhu u ta siya xirhodyana xin’we entlhambini wakwe ni tinyimpfu timbirhi. 22 Hikwalaho ka leswi ku nga ni ntswamba wo tala, u ta dya botere hikuva vanhu hinkwavo lava nga ta va va sele etikweni va ta dya botere ni vulombe.
23 “Hi siku rero laha a ku ri ni mirhi ya madiriva ya 1 000, leyi ringanaka swiphemu swa silivhere swa 1 000, ku ta va ku ri ni khwati ra mitwa ni nhova ntsena. 24 Vanhu va ta ya kona va khome miseve ni vurha hikuva tiko hinkwaro ri ta va ri ri makhwati ya mitwa ni nhova. 25 Tintshava hinkwato leti a ti hlakuriwa hi xikomu, a wu nge he tshineli eka tona hi ku chava mitwa ni nhova; ti ta va madyelo ya tinkuzi ni tinyimpfu.”
8 Yehovha a ku eka mina: “Teka ribye lerikulu+ ra xiphepherhele, u tsala ehenhla ka rona u ku, ‘Maherixalali-haxibasa.’* 2 Kutani ndzi ta swi tiyisekisa hi timbhoni to tshembeka, muprista Uriya+ na Zakariya n’wana wa Yeberekiya.”
3 Hiloko ndzi etlela ni nsati wa mina, loyi a nga muprofeta kutani a tika, hi ku famba ka nkarhi a veleka n’wana wa mufana.+ Endzhaku ka sweswo Yehovha a ku eka mina: “N’wi thye vito ra Maherixalali-haxibasa, 4 hikuva loko mufana a nga si tiva ku vula a ku, ‘Tatana,’ na ‘Manana,’ xuma xa le Damaska ni swilo leswi phangiweke swa le Samariya swi ta tekiwa swi ya eka hosi ya Asiriya.”+
5 Yehovha a tlhela a vulavula na mina a ku:
6 “Hikwalaho ka leswi vanhu lava va fularheleke mati ya Xilowa*+ lama khulukaka kahle,
Kutani va tsakela Resini ni n’wana wa Remaliya,+
7 Hikwalaho Yehovha u ta va tisela mati
Ya Nambu* yo tala lama khulukaka hi matimba,
Hosi ya Asiriya+ ni ku vangama ka yona hinkwako.
Yi ta famba ehenhla ka swinambyana swa yona hinkwaswo
Yi khapakhapa etimbuweni ta yona hinkwato
8 Yi hundza hi le Yuda.
Yi ta ri khukhula ku ya fika enhan’wini ya rona;+
Timpapa ta yona ti ta phurumuka ti funengeta tiko ra wena,
9 Lunghekani mi ta va hlasela, kambe mi ta fayeteriwa.
Yingisani, n’wina hinkwenu lava humaka ekule!
Hlomani, kambe mi ta fayeteriwa!+
Hlomani, kambe mi ta fayeteriwa!
10 Hambiloko mo boha kungu a ri nge mi pfuni nchumu!
11 Yehovha u ndzi lemukisile hi voko rakwe ra matimba leswaku ndzi nga landzeli vanhu a ku:
12 “Leswi vanhu va swi vulaka ku xenga, wena u nga swi vuli ku xenga!
U nga chavi leswi va swi chavaka;
Swi nga ku rhurhumerisi.
13 Yehovha wa mavuthu hi yena Loyi mi faneleke mi n’wi xixima hikuva wa kwetsima,+
Mi fanele mi chava yena,
Hi yena Loyi a faneleke a mi endla mi rhurhumela.”+
14 U ta va vutumbelo eka n’wina,
Kambe u ta fana ni ribye ro phyandlasela eka rona
Ni ribye leri khudlunyaka+
Eka mindyangu ya Israyele hayimbirhi,
U ta fana ni xirimbana ni ntlhamu
Eka vanhu va le Yerusalema.
15 Vo tala va ta khudlunyeka va wa va tshoveka;
Va ta yengiwa ivi va phasiwa.
17 Ndzi ta tshama ndzi langutele Yehovha,+ loyi a tumbetelaka ndyangu wa Yakobo+ xikandza xakwe naswona ndzi ta tshemba yena.
18 Yingisani! Mina ni vana lava Yehovha a ndzi nyikeke vona,+ hi fana ni swikombiso+ ni masingita eIsrayele, leswi humaka eka Yehovha wa mavuthu, loyi a tshamaka eNtshaveni ya Siyoni.
19 Loko vo tshuka va mi byela va ku: “Vutisani vangoma ni vavhumbhi lava hlevetelaka,” xana vanhu a va fanelanga va vutisa Xikwembu xa vona? Xana swi fanerile ku vutisa lava feke timhaka leti khumbaka vanhu lava hanyaka?+ 20 Ku ri ni ku endla sweswo, va fanele va kambisisa nawu ni vumbhoni lebyi tsariweke!
Loko va nga landzeli leswi tsariweke a va nge voningeriwi.+ 21 Loyi a nga ta hundza etikweni u ta va a khomiwe hi ndlala a hlundzukile;+ hikwalaho ka sweswo u ta rhukana hosi ni Xikwembu xakwe a langute ehenhla. 22 Kutani u ta languta misava, a vona maxangu ni munyama, ku pfilunganyeka ni mikarhi yo tika, gome ni ku dzwihala.
9 Hambiswiritano, munyama a wu nge fani ni le nkarhini lowu tiko a ri ri emaxangwini, ku fana ni le mikarhini leyi hundzeke loko tiko ra Zebuloni ni tiko ra Neftali a ma nga xiximiwi.+ Kambe hi ku famba ka nkarhi U ta endla leswaku ri xiximiwa endleleni leyi yaka elwandle, exifundzheni xa Yordani, Galeliya wa matiko.
2 Vanhu lava a va famba emunyameni
Va vone ku vonakala lokukulu.
Loko ku ri lava tshamaka etikweni leri nga ni xinyami lexikulu,
Ku vonakala ku va voningerile.+
3 U endle leswaku tiko ri tala;
U endle leswaku ri tsaka swinene.
Va tsaka emahlweni ka wena,
Ku fana ni vanhu lava tsakeke hi nkarhi wa ntshovelo,
Ku fana ni lava avaka swilo leswi phangiweke va tsakile.
4 Hikuva u tshovelele joko leri a ri va tika,
Nhonga leyi a va biwa makatla ha yona, nkhavi wa loyi a a va sindzisa ku tirha,
Ku fana ni le nkarhini wa Midiyani.+
5 Majombo* hinkwawo ya masocha lama ninginisaka misava loko ma famba
Ni swiambalo hinkwaswo leswi nga ni ngati
Swi ta hisiwa.
U ta thyiwa Mutsundzuxi Lonene,+ Xikwembu xa Matimba,+ Tatana La Nga Riki Na Makumu, Hosana Ya Ku Rhula.
7 U ta fuma misava hinkwayo,
Hi ku rhula hilaha ku nga heriki,+
Exiluvelweni xa Davhida+ ni le mfun’weni wakwe,
Leswaku wu tiya+ ni ku wu seketela
Hi vululami+ ni hi ku tshembeka,+
Ku sukela sweswi ni hilaha ku nga heriki.
Yehovha wa mavuthu u ta swi endla sweswo hikuva u tiyimiserile.
9 Vanhu hinkwavo va ta ri tiva,
Efrayimi ni vanhu va le Samariya,
Lava hikwalaho ka ku titlakusa ni ku tikurisa va vulaka va ku:
Minkuwa yi tsemiwile,
Kambe hi ta yi siva hi mikedari.”
11 Yehovha u ta endla leswaku valala va Resini va lwa na yena
U ta endla leswaku valala vakwe va n’wi pfukela,
12 Vasiriya lava humaka evuxeni ni Vafilista lava humaka evupeladyambu,*+
Va ta pfula milomu va mita Israyele.+
Hikwalaho ka sweswo hinkwaswo, wa ha hlundzukile,
Naswona wa ha tiyimisele ku va xupula.+
16 Lava rhangelaka vanhu lava va va lahlekisa,
Naswona lava rhangeriwaka va pfilunganyekile.
17 Hi yona mhaka Yehovha a nga ta ka a nga ma tsakeli majaha ya vona,
A nge va kombi tintswalo vana va vona lava nga riki na tatana ni tinoni ta vona
Hikuva hinkwavo ka vona i vagwinehi ni vanhu lava endlaka swo biha+
Naswona va vulavula swilo leswi nga riki swinene.
Hikwalaho ka sweswo hinkwaswo, wa ha hlundzukile,
Naswona wa ha tiyimisele ku va xupula.+
18 Hikuva vuhomboloki byi vuvumela ku fana ni ndzilo,
Byi hisa swihlahla swa mitwa ni nhova.
Byi ta hisa ni khwati ro tlhuma,
Swi ta tshwa swi hela.
A nga kona loyi a nga ta tsetselela hambi ku ri makwavo.
20 Un’wana u ta tsema nyama exineneni
Kambe a nge xurhi;
Kasi un’wana u ta dya eximatsini,
Kambe a nge xurhi.
Havambirhi va ta lwa na Yuda.+
Hikwalaho ka sweswo hinkwaswo, wa ha hlundzukile,
Naswona wa ha tiyimisele ku va xupula.+
10 Khombo eka lava vekaka swileriso swo tika,+
Lava tshamelaka ku tsala milawu leyi tshikilelaka,
2 Leswaku va honisa timfanelo ta swisiwana,
Leswaku va nga avanyisi vanhu va mina lava nga swisiwana hi vululami+
Va dyelela tinoni
Ni ku tekela vana lava nga riki na tatana swilo swa vona!+
I mani loyi mi nga ta balekela eka yena leswaku a mi pfuna,+
Naswona mi ta ri yisa kwihi rifuwo ra n’wina?
4 Ku ta va ku sale ntsena leswaku munhu a khinsama emahlweni ka lava khomiweke
Kumbe leswaku a va exikarhi ka lava dlayiweke.
Hikwalaho ka sweswo hinkwaswo, wa ha hlundzukile,
Naswona wa ha tiyimisele ku va xupula.+
Ni nkhavi lowu ndzi wu tirhisaka ku kombisa vukarhi bya mina!
6 Ndzi ta n’wi rhumela ku lwa ni tiko leri gwineheke,+
A lwa ni vanhu lava ndzi hlundzukiseke;
Ndzi ta n’wi lerisa leswaku a phanga swilo swo tala
A tlhela a va kandziyela ku fana ni ridaka eswitarateni.+
7 Hambileswi ku nga riki xikongomelo xa yena ku endla leswi
U ta boheka ku swi endla;
Hikuva u tiyimisele ku lovisa,
Ku herisa matiko yo tala.
9 Xana muti wa Kalino+ a wu fani ni wa Karikemixi?+
Xana Hamati+ a wu fani na Aripadi?+
Xana Samariya+ a wu fani na Damaska?+
10 Ndzi teke mifumo ya swikwembu leswi nga pfuniki nchumu,
Leyi swifaniso swa yona a swi tele ku tlula swa le Yerusalema ni swa le Samariya!+
11 Xana ndzi nga tsandzeka ku endla leswi fanaka eka muti wa Yerusalema ni swikwembu swa wona
Hilaha ndzi endleke hakona eka muti wa Samariya ni swikwembu swa wona leswi nga pfuniki nchumu?’+
12 “Loko Yehovha a heta ntirho wakwe hinkwawo eNtshaveni ya Siyoni ni le Yerusalema, U ta xupula hosi ya le Asiriya hikwalaho ka manyunyu ni ku tikurisa ka yona.+ 13 Hikuva u ri,
‘Ndzi ta endla leswi hi matimba ya mina
Ni hi vutlhari bya mina, hikuva ndzi tlharihile.
Ndzi ta susa mindzilakano ya vanhu+
Ndzi tlhela ndzi phanga xuma xa vona,+
Naswona ndzi ta hlula vaaki va wona kukota nhenha.+
14 Ku fana ni munhu loyi a nghenisaka voko exisakeni,
Voko ra mina ri ta teka rifuwo ra vanhu;
Ku fana ni munhu loyi a hlengeletaka matandza lama siyiweke,
Ndzi ta hlengeleta misava hinkwayo!
A nga kona loyi a nga ta kavatela timpapa takwe kumbe a pfula nomu wakwe kumbe a hlevetela.’ ”
15 Xana xihloka xi nga tikurisa eka loyi a tsemaka hi xona?
Xana saha yi nga tikurisa eka loyi a sahaka hi yona?
Xana nhonga+ yi nga ndzuluta loyi a yi tlakuleke?
Kumbe yi tlakula loyi a nga endliwangiki hi ntsandza?
16 Hikwalaho Hosi ya ntiyiso, Yehovha wa mavuthu,
U ta vanga vuvabyi lebyi nga ta ondzisa vanhu vakwe lava nyuheleke,+
Manyunyu ya Vaasiriya ma ta hela onge hiloko ma hisiwa hi ndzilo.+
17 Ku Vonakala+ ka Israyele ku ta va ndzilo,+
Mukwetsimi wa yena u ta va langavi;
Ri ta hisa nhova ni swihlahla swakwe swa mitwa hi siku rin’we.
18 Xikwembu xi ta herisa ku saseka ka khwati ni ka ntanga wa mihandzu wa Vaasiriya;
Swi ta fana ni loko munhu loyi a vabyaka a ondza swinene.+
19 Mirhi yakwe leyi nga ta sala
Yi ta va yitsongo swinene lerova hambi ku ri mufana a nga kota ku yi hlaya.
20 Hi siku rero lava saleke va Israyele
Ni lava poneke endyangwini wa Yakobo
A va nge he titshegi hi loyi a va hlaseleke;+
Kambe va ta titshega hi Yehovha,
Mukwetsimi wa Israyele, va n’wi tshemba.
21 Ku ta vuya ntsena lava nga ta sala,
Masalela ya ndyangu wa Yakobo, eka Xikwembu lexi nga ni Matimba.+
22 Hambileswi vanhu va wena Israyele,
Va taleke ku fana ni sava ra lwandle,
Ku ta vuya masalela ya lava poneke ntsena.+
Va ta xupuriwa hilaha swi bohiweke hakona+
Va ta avanyisiwa hi vululami.+
23 Leswi Yehovha wa mavuthu, Hosi Leyi Tlakukeke a boheke ku va herisa,
U ta swi endla etikweni hinkwaro.+
24 Hikokwalaho Yehovha wa mavuthu, Hosi Leyi Tlakukeke u ri: “N’wina vanhu va mina lava tshamaka eSiyoni, mi nga n’wi chavi Muasiriya loyi a a tshamela ku mi ba hi nhonga+ a tlhela a mi tlakusela nhonga hilaha Vaegipta a va endla hakona.+ 25 Hikuva ku nga ri khale vukarhi bya mina byi ta hela; ndzi ta va herisa hikuva ndzi va hlundzukerile.+ 26 Yehovha wa mavuthu u ta n’wi ba hi ximoko+ ku fana ni loko a hlula Vamidiyani eribyeni ra Orebe.+ Naswona nhonga yakwe yi ta va ehenhla ka lwandle, u ta yi tlakusa hilaha a endleke hakona eka Vaegipta.+
27 Hi siku rero ndzhwalo wakwe wu ta susiwa emakatleni ya wena,+
Ni joko rakwe enhan’wini ya wena,+
Kutani joko ri ta tshoveka+ hikwalaho ka mafurha.”
29 Va hundze hi le nambyeni;
Kutani va etlela eGeba;+
Muti wa Rhama wu rhurhumerile, vanhu va le Gibiya+ wa Sawulo va balekile.+
30 Tlhava mukhosi wena nhwanyana wa le Galimi!
Yingisa, wena Layixa.
Anathoti mbuyangwana!+
31 Mademena u balekile.
Vaaki va le Gebimi va lava vutumbelo.
32 Esikwini leri u ta yima eNobo.+
A tlakusa xibakela xakwe a kombetela ntshava ya nhwanyana wa Siyoni,
Xintshabyana xa Yerusalema.
33 Hosi ya ntiyiso, Yehovha wa mavuthu,
U tsema marhavi hi matimba lamakulu;+
Mirhi yo leha swinene ya tsemiwa,
Kasi leyi tlakukeke ya wisiwa.
34 U heta makhwati yo tlhuma hi xihloka
Naswona Lebanoni u ta wisiwa hi lowa matimba.
11 Ku ta huma xirhabyana+ exikundzwini* xa Yese,+
Etimitswini ta yena ku ta huma xihluke+ lexi nga ta tswala mihandzu.
2 Moya wa Yehovha wu ta va ehenhla ka yena,+
Moya wa vutlhari+ ni wa ku twisisa,
Moya wa xitsundzuxo ni wa matimba,+
Moya wa vutivi ni wa ku chava Yehovha.
3 Ku chava Yehovha swi ta n’wi endla a tsaka.+
A nge avanyisi hi ku ya hi leswi a swi vonaka,
Kumbe a tshinya hi ku ya hi leswi a swi twaka.+
4 U ta avanyisa swisiwana hi ndlela leyinene,
Naswona u ta tshinya hi vunene ku pfuna lavo rhula emisaveni.
U ta ba misava hi nhonga ya nomu wakwe+
U ta dlaya lowo homboloka hi moya lowu humaka enon’wini wakwe.+
6 Mhisi yi ta tshama nkarhinyana ni xinyimpfana,+
Yingwe yi ta etlela ni ximbutana,
Rhole ni xinghalana ni xifuwo xo nona swi ta tshama swin’we;*+
Swi ta risiwa hi xifanyetana.
7 Homu ni bere swi ta dya swin’we,
Vana va swona va ta vundza swin’we.
Nghala yi ta dya byanyi kukota nkuzi.+
8 N’wana loyi a ha mamaka u ta tlangela enceleni wa xivatlankombe,
Naswona n’wana loyi a lumuriweke u ta nghenisa voko ra yena enkeleni wa nyoka leyi nga ni vuxungu.
Kumbe ku onha entshaveni ya mina yo kwetsima,+
Hikuva misava hinkwayo yi ta tala hi ku tiva Yehovha
Ku fana ni mati lama funengeteke lwandle.+
10 Hi siku rero rimitsu ra Yese+ ri ta yima ri va xikombiso eka vanhu.+
Matiko ma ta ya eka yena leswaku a ma letela,+
U ta tshama endhawini leyi vangamaka.
11 Hi siku rero Yehovha u ta tlhela a pfuna masalela ya vanhu vakwe lava saleke eAsiriya,+ eEgipta,+ ePatirosi,+ eKuxi,+ eElami,+ eXinara* ni le Hamati ku katsa ni le swihlaleni leswi nga elwandle.+ 12 U ta vekela matiko xikombiso kutani a hlengeleta Vaisrayele lava hangalakeke,+ u ta hlengeleta vanhu va le Yuda lava hangalakeke ematlhelweni ya mune ya misava.+
Efrayimi a nge he n’wi vondzoki Yuda,
Naswona Yuda a nge he n’wi vengi Efrayimi.+
14 Ma ta hlasela emikoveni ya Vafilista hi le vupeladyambu;
Ma ta tekela vanhu va le Vuxeni swilo swa vona.
U ta ba swinambyana swa rona swa nkombo hi moya wakwe wo hisa,
Naswona u ta endla leswaku vanhu va tsemakanya va ambale maphaxani.
16 Ku ta va ni ndlela leyikulu+ leyi humaka eAsiriya ya masalela ya vanhu vakwe lava saleke,+
Ku fana ni leyi a yi tirhisiwa hi Vaisrayele loko va huma etikweni ra Egipta.
12 Esikwini rero u ta ku:
“Ndza ku khensa Yehovha,
Hikuva hambileswi a wu ndzi hlundzukerile,
Ku hlundzuka ka wena ku vohlile hakatsongotsongo, kutani u ndzi chavelela.+
2 Xikwembu i muponisi wa mina.+
Ndzi ta xi tshemba naswona a ndzi nge chavi nchumu;+
Hikuva Yehovha,* Yehovha i matimba ni ntamu wa mina,
Naswona i muponisi wa mina.”+
4 Kutani esikwini rero mi ta ku:
“Khensani Yehovha mi dzunisa vito rakwe,
Byelani vanhu mitirho yakwe!+
Va byeleni leswaku vito rakwe ra xiximeka.+
5 Yimbelelelani Yehovha+ mi n’wi dzunisa, hikuva u endle swilo swo hlamarisa.+
A swi tivisiwe emisaveni hinkwayo.
6 Banani mikulungwana, n’wina vaaki va le Siyoni,
Hikuva Mukwetsimi wa Israyele loyi a nga exikarhi ka n’wina i nkulu.”
13 Ku avanyisiwa ka Babilona+ loku Esaya+ n’wana wa Amotsi a ku voneke exivonweni:
2 “Yimisani mfungho+ ehenhla ka ntshava ya maribye.
Va huweleleni mi tlakusa voko,
Leswaku va ta ta etinyangweni ta tindhuna.
3 Ndzi humese xileriso xi ya eka lava ndzi va hlawuleke.+
Ndzi vitane ni tinhenha ta mina leswaku ndzi ta komba vukarhi bya mina,
Tinhenha ta mina leti tinyungubyisaka.
4 Yingisani! Ntshungu lowu nga etintshaveni;
Wu twakala ku fana ni vanhu vo tala!
Yingisani! Mpfilumpfilu wa mifumo,
Wa matiko lama hlengeletaneke!+
Yehovha wa mavuthu u hlengeleta vuthu ra nyimpi.+
5 Va huma etikweni ra le kule swinene,+
Evugimamusi,*
Yehovha ni matlhari ya vukarhi byakwe,
Leswaku a ta herisa misava hinkwayo.+
6 Kololani, hikuva siku ra Yehovha ri le kusuhi!
Hi siku rero Lowa Matimba Hinkwawo u ta herisa swilo hinkwaswo.+
7 Hi yona mhaka mavoko hinkwawo ma nga ta lelemela,
Ni timbilu ta vanhu hinkwavo ti ta n’oka hikwalaho ko chava.+
Va rhurhumela naswona va ni switlhavi,
Ku fana ni wansati loyi a velekaka.
Va honolelana hikwalaho ko hela matimba,
Swikandza swa vona swi basulukile hikwalaho ko chava.
9 Maswivo! Siku ra Yehovha ra ta,
Ri ni vukarhi ni ku hlundzuka lokukulu,
Ri ta endla vanhu va hlamala loko va vona tiko,+
Ri ta lovisa lava dyohaka etikweni.
10 Hikuva tinyeleti ni mitlawa ya tona*+
A swi nge ku humesi ku vonakala ka swona;
Dyambu ri ta huma ri ri munyama,
Ni n’weti a wu nge voningi.
11 Ndzi ta xupula tiko hikwalaho ka vubihi bya rona,+
Ni lavo homboloka hikwalaho ka xidyoho xa vona.
Ndzi ta herisa manyunyu ya lava tikukumuxaka,
Naswona ndzi ta khomisa lava tikurisaka tingana.+
12 Ndzi ta endla leswaku munhu a kala swinene ku tlula nsuku wa xiyimo xa le henhla,+
A kala swinene ku tlula ni nsuku wa le Ofiri.+
Hikwalaho ka vukarhi bya Yehovha hi siku leri a nga ta hlundzuka ha rona.
14 Ku fana ni mhala leyi hlotiwaka ni ntlhambi lowu nga riki na murisi,
Un’wana ni un’wana u ta tlhelela eka vanhu va ka vona;
Un’wana ni un’wana u ta balekela etikweni ra rikwavo.+
15 Un’wana ni un’wana loyi a nga ta kumiwa u ta tlhaviwa hi tlhari,
Ni un’wana ni un’wana loyi a nga ta khomiwa u ta dlayiwa hi banga.+
16 Vana va vona va ta tsemeleriwa va va langutile.+
Tiyindlu ta vona ti ta phangiwa,
Vasati va vona va ta pfinyiwa.
19 Babilona, lowo saseka ngopfu exikarhi ka mifumo,+
Loyi Vakalidiya+ va tinyungubyisaka ha yena,
U ta fana ni muti wa Sodoma ni wa Gomora loko Xikwembu xi yi lovisa.+
20 A ku nge he pfuki ku tshame munhu eka yena,
A ku nge he vi na vanhu lava nga ta tshama kona hilaha ku nga heriki.+
Muarabiya a nge ri dzimi tende ra yena kwalaho,
Ni varisi a va nge yi tshiki mintlhambi ya vona yi vundza kona.
21 Ku ta tshama swiharhi swa le mananga;
Tiyindlu ta vona ti ta tala hi swikhovha.
22 Swiharhi swi ta rila eswihondzweni swa yena,
Ni timhungubye ti ta tshama etindlwini ta tihosi.
Nkarhi wa yena wu tshinele naswona masiku yakwe a ma nge lehisiwi.”+
14 Hikuva Yehovha u ta komba Yakobo+ tintswalo, u ta tlhela a hlawula Israyele.+ U ta va wisisa etikweni+ ra vona naswona valuveri va ta va joyina va tihlanganisa ni ndyangu wa Yakobo.+ 2 Kutani vanhu va ta va teka va va yisa endhawini ya vona naswona ndyangu wa Israyele wu ta va endla mahlonga+ etikweni ra Yehovha; va ta va vini va lava a va va endle mahlonga, va ta va tihosi ta lava a va va xanisa.
3 Hi siku leri Yehovha a nga ta mi wisisa ha rona emaxangwini ya n’wina ni le vuhlongeni bya n’wina,+ 4 mi ta hlekula hosi ya Babilona mi ku:
“Vona ndlela leyi loyi a a xanisa van’wana a lovisiweke ha yona!
Vona ndlela leyi ntshikilelo wu heleke ha yona!+
5 Yehovha u tshove nhonga ya lavo homboloka,
Nhonga ya lava fumaka,+
6 Loyi a tshamelaka ku fumbutela van’wana hi tihanyi,+
Loyi hi ku hlundzuka a tshikilelaka matiko hi ku ma xanisa.+
7 Misava hinkwayo yi wisile, a yi kavanyetiwi.
Vanhu va ba mikulungwana.+
8 Hambi mirhi ya yunipa yi tsakile hikwalaho ka wena,
Ni mikedari ya le Lebanoni.
Yi ri, ‘Ku sukela loko u wile,
Ku hava mutsemi wa mirhi loyi a taka a ta hi tsema.’
Hikwalaho ka wena, ri pfuxa ni lava feke,
Varhangeri* hinkwavo lava tshikilelaka va misava.
Ri endla tihosi hinkwato ta matiko ti tlakuka eswitulwini swa tona.
10 Hinkwavo va ta ku vutisa va ku,
‘Xana na wena se u tsanile ku fana na hina?
Xana se ho tifanela?
U etlele ehenhla ka swivungu,
U tlhela u funengela swona.’
12 Vona ndlela leyi u weke ha yona etilweni,
Wena loyi a vangamaka, n’wana wa vurhonga!
Vona ndlela leyi u tsemiweke ha yona u wela emisaveni,
Wena loyi a hluleke matiko!+
13 A wu tibyela u ku, ‘Ndzi ta tlhandlukela ematilweni.+
Ndzi ta veka xitulu xa mina xa vuhosi ehenhla ka tinyeleti ta Xikwembu,+
Ndzi ta tshama entshaveni ya nhlengeletano,
Etindhawini ta le kule swinene ta le n’walungwini.+
14 Ndzi ta ya ehenhla ka mapapa;
Ndzi ta tiendla la fanaka ni La Nge Henhlahenhla.’
16 Lava ku vonaka va ta ku honolela;
Va ta ku xondzolota va ku,
‘Xana loyi hi yena loyi a ninginiseke misava,
Loyi a a tsekatsekisa mifumo,+
17 Loyi a hundzuleke misava yi va mananga,
A hlasela ni ku hlula miti ya yona,+
Loyi a aleke ku tshunxa vabohiwa vakwe?’+
18 Tihosi letin’wana hinkwato ta matiko,
Ina, hinkwato ka tona ti lahliwe hi ndlela yo xiximeka,
Yin’wana ni yin’wana esirheni ra yona.
19 Kambe wena u lo cukumetiwa, a wu na sirha,
Ku fana ni rhavi leri nyenyiwaka,
U funengetiwe hi mitsumbu ya lava tlhaviweke hi savula,
Lava lahliwaka emugodini lowu nga ni maribye,
Ku fana ni ntsumbu lowu kandziyeriwaka.
Vana va lava endlaka leswo biha a va nge he pfuki va tsundzukiwile.
21 Lunghisani ndhawu hi ta dlaya vana vakwe
Hikwalaho ka swidyoho swa vakokwa wa vona,
Leswaku va nga vi na matimba va teka misava,
Kutani va tata tiko hi miti ya vona.”
22 Yehovha wa mavuthu u ri: “Ndzi ta lwa na vona.+
Ndzi ta herisa vito ni masalela ni vatukulu eBabilona,”+ ku vula Yehovha.
23 Yehovha wa mavuthu u ri: “Ndzi ta n’wi endla vutshamo bya tinungu ni ndhawu leyi nga nhlangasi, ndzi ta n’wi kukula hi nkukulo lowu dlayaka.”+
24 Yehovha wa mavuthu u hlambanyile a ku:
“Ku ta endleka ku rhandza ka mina,
Ku ta endleka leswi ndzi swi boheke, swi ta hetiseka.
Joko ra yena ri ta susiwa ehenhla ka vona,
Ni ndzhwalo wakwe wu ta susiwa emakatleni ya vona.”+
26 Xolexo i xiboho lexi tekiweke mayelana ni misava hinkwayo,
Naswona leri i voko leri tshambulutiweke ku lwa ni matiko hinkwawo.
Voko rakwe ri tshambulutiwile,
I mani la nga ri sivelaka?+
28 Hi lembe leri Hosi Akazi a feke ha rona+ ku endliwe xitiviso lexi:
29 “U nga tsaki, wena Filista ni un’wana ni un’wana wa wena,
Hikwalaho ka leswi nhonga ya loyi a ku baka yi tshovekeke.
Hikuva eka rimitsu ra nyoka+ ku ta huma nyoka ya vuxungu,+
Vana va yona va ta va nyoka ya vuxungu leyi lumaka hi ku hatlisa.
30 Loko mativula ya lava pfumalaka ma dya
Ni swisiwana swi etlela swi sirhelelekile,
Ndzi ta heta vana va wena hi ndlala,
Ndzi ta dlaya ni lava nga ta sala.+
31 Rilani n’wina mi nga egedeni! Huwelelani n’wina mi nga emutini!
N’wina Vafilista hinkwenu mi ta hela matimba!
Hikuva ku ta musi lowu humaka hi le n’walungwini,
A ri kona socha leri hambukaka eka vuthu ra valala.”
32 Xana va fanele va va hlamurisa ku yini varhumiwa va tiko?
Va ta va hlamula leswaku Yehovha se u andlale masungulo ya muti wa Siyoni,+
Ni leswaku vanhu vakwe lava xanisekaka va ta tumbela eka yena.
Hikuva wu hlaseriwe hi vusiku byin’we,
Muti wa Ara+ lowu nga eMowabu wu miyetiwile.
Hikuva wu hlaseriwe hi vusiku byin’we,
Muti wa Kiri+ lowu nga eMowabu wu miyetiwile.
Mowabu u rilela Nebo+ na Medeba.+
Tinhloko hinkwato ti byevuriwile,+ malepfu hinkwawo ma tsemetiwile.+
3 Eswitarateni swa wona va ambale swiambalo swo khwaxa.
Hinkwavo va rila va ri ehenhla ka malwangu ni le xikarhi ka miti;
Va rila hi xiviti.+
Hi yona mhaka leyi masocha ya le Mowabu ma yaka emahlweni ma huwelela.
Va karhatekile swinene.
5 Mbilu ya mina yi rilela Mowabu.
Vanhu va yena lava balekaka va tsutsume ku ya fika eSowara+ ni le Egilata-xelixiya.+
A va rila loko va ri karhi va gonya xitsunga xa Luhiti;
A va ba mukhosi endleleni leyi yaka eHoronayima hikwalaho ka maxangu.+
6 Hikuva mati ya Nimirimi ma phyile;
Byanyi bya rihlaza byi omile,
Byanyi byi herile naswona ku hava lexi nga rihlaza.
7 Hi yona mhaka va tekaka nhundzu ya vona leyi seleke ni xuma xa vona;
Va tsemakanya nkova wa mirhi ya phopla.
8 Hikuva xirilo xi twakala etikweni hinkwaro ra Mowabu.+
Ku kolola ku fika ni le Egilayimi;
Ku kolola ku fika ni le Bera-elimi.
9 Hikuva mati ya Damone ma tele ngati,
Damone ndza ha ta n’wi endla swin’wana swo tlula sweswo:
Vamowabu lava balekaka va ta hlaseriwa hi tinghala
Ni lava saleke etikweni.+
16 Rhumelani khuna eka loyi a fumaka tiko,
Ku suka eSela etlhelo ra le mananga
Ku ya entshaveni ya nhwanyana wa Siyoni.
2 Vanhwanyana va Mowabu etindhawini leti ku tsemakanyiwaka eka tona eArinoni,+
Va ta fana ni xinyenyana lexi hlongoriweke exisakeni xa xona.+
3 “Tsundzuxani, mi tlhela mi endla xiboho.
Va sirheleleni ku fana ni ndzhuti lowu sirhelelaka loko dyambu ri hisa.
Tumbetani lava hangalakeke naswona mi nga va xengi lava balekaka.
4 Onge vanhu va mina lava hangalakeke va nga tshama eka wena, wena Mowabu.
Va tumbete hikwalaho ka loyi a va xanisaka.+
Nkarhi wa muxanisi wu ta hela,
Ku onha ka yena ku ta hela,
Lava kandziyelaka van’wana va ta herisiwa emisaveni.
5 Kutani xiluvelo xi ta simekiwa xi tiya hi rirhandzu.
Loyi a nga ta fuma endyangwini wa Davhida u ta va a tshembekile;+
U ta avanyisa hi ndlela leyinene naswona u ta hatla a endlela van’wana leswo lulama.”+
6 Hi swi twile leswaku Mowabu wa tinyungubyisa naswona wa tivona swinene+
Wa tikukumuxa, u ni manyunyu ni vukarhi;+
Kambe leswi a swi vulaka a swi nge humeleli.
Lava biweke va ta rilela madiriva* lama omisiweke ya le Kiri-hareseti.+
8 Hikuva masimu ya le Hexiboni+ ma vunile,
Ni mirhi ya madiriva ya le Sibma,+
Vafumi va matiko va kandziyele marhavi ya wona yo tshwuka;*
Va fike eYazere;+
Va fike ni le mananga.
Swihluke swa wona swi fike ni le lwandle.
9 Hi yona mhaka leyi ndzi nga ta rilela mirhi ya madiriva ya le Sibma hilaha ndzi endleke hakona eka Yazere.
Ndzi ta tsakamisa Hexiboni na Eliyale+ hi mihloti ya mina,
Hikuva ntsako lowu a wu ri na wona hikwalaho ka mihandzu ya wena ya ximumu ni hikwalaho ka ntshovelo wu herile.
10 Ntsako lowu a wu ri kona entangeni wa mihandzu wu herile,
A ka ha yimbeleriwi naswona a ka ha biwi minkulungwana emasin’wini ya madiriva.+
Loyi a endlaka vhinyo a nga ha yi endli,
Hikuva ndzi va hetele ntsako.+
11 Ndzi rhurhumela kukota tingoti ta haripa,
Hikwalaho ka tiko ra Mowabu,+
Mbilu ya mina ya vava hikwalaho ka muti wa Kiri-hareseti.+
12 Hambiloko Mowabu o tikarhata a ya endhawini leyi tlakukeke ni le tempeleni yakwe leswaku a ya khongela, a swi nge n’wi pfuni nchumu.+
13 Sweswo hi leswi Yehovha a swi vuleke mayelana na Mowabu. 14 Sweswi Yehovha u ri: “Ku nga si hela malembe manharhu, lama fanaka ni malembe ya mutirhi, manyunyu ya Mowabu ma ta hela hi mpfilumpfilu naswona ku ta sala vanhu vatsongo lava nga riki na matimba.”+
“Yingisani! Muti wa Damaska wu ta lovisiwa,
Wu ta hundzuka rhumbi.+
2 Lava tshamaka emitini ya Arowere+ va ta baleka va yi siya;
Yi ta va ndhawu leyi swifuwo swi vundzaka eka yona,
Swi nga chavisiwi hi munhu.
3 Miti leyi biyeriweke a yi nge he vi kona eEfrayimi,+
Ni mfumo wa le Damaska;+
Kasi ku xiximeka ka masalela ya Siriya
Ku ta nyamalala ku fana ni ka Vaisrayele,” ku vula Yehovha wa mavuthu.
4 “Hi siku rero Yakobo a nge he xiximeki,
Naswona u ta ondza.
5 Swi ta fana ni loko mutshoveri a tshovela mavele
Voko rakwe ri tshovela mavele,
Ku fana ni loko munhu a khwaja mavele eNkoveni wa Refayimi.+
6 Ku ta sala swo khwaja ntsena,
Ku fana ni loko ku hlakahliwa mutlhwari:
Ku sala mihandzu yimbirhi kumbe yinharhu leyi wupfeke erhavini leri nga ehenhla,
Ku ta sala mune kumbe ntlhanu emarhavini ya wona lama vekaka mihandzu,”+
Ku vula Yehovha Xikwembu xa Israyele.
7 Hi siku rero munhu u ta kombela mpfuno eka Muvumbi wakwe, u ta languta Mukwetsimi wa Israyele. 8 A nge languti tialtari,+ timhandzi ta Axera* ni swo tlhandleka mirhi yo nun’hwela leswi a nga lo tiendlela swona.+
9 Hi siku rero miti yakwe leyi biyeriweke yi ta fana ni rhumbi ekhwatini,+
Ku fana ni rhavi leri siyiweke Vaisrayele va nga si fika;
Yi ta va ndhawu leyi nga pfuniki nchumu.
Hi yona mhaka u byalaka masimu lamanene,
U nghenisa ni xihluke xa mufambi.*
11 Hambiloko wo biyela masimu ya wena hi vukheta ninhlikanhi,
Nimixo u mirisa mbewu ya wena,
A wu nge tshoveli nchumu, u ta khomiwa hi vuvabyi u twa ku vava loku nga tshungulekiki.+
12 Yingisani! Ku twala huwa ya vanhu vo tala,
Lava pfumaka ku fana ni lwandle!
Vanhu va matiko va ba pongo,
Pongo leri fanaka ni maboboma ya mati!
13 Matiko ma ta ba pongo ku fana ni maboboma ya mati.
U ta ma tshinya, kutani ma ta balekela ekule,
Ma ta baleka ku fana ni muhungu* lowu biwaka hi moya,
Ku fana ni swilungwa leswi biwaka hi moya.
14 Nimadyambu, ku ni khombo.
Ri nga si xa valala a va ha ri kona.
Swi ta va tano eka lava hi xanisaka
Ni le ka lava hi phangelaka.
18 Khombo eka tiko leri taleke hi switsotswana leswi nga ni timpapa,
Leri nga exifundzheni xa milambu ya Etiyopiya!+
2 Leri rhumaka vayimeri leswaku va famba hi le lwandle,
Va tsemakanya milambu hi xikepe lexi endliweke hi papirasi ri ku:
“Fambani, n’wina varhumiwa lava nga ni rivilo,
Etikweni ra vanhu vo leha va nghohe yo saseka,
Eka vanhu lava chaviwaka emisaveni hinkwayo,+
Tiko ra matimba leri kotaka ku hlula,
Lava tiko ra vona ri khukhuriweke hi milambu.”
3 N’wina vaaki va tiko na n’wina lava tshamaka emisaveni,
Leswi mi swi vonaka swi ta fana ni mfungho lowu vekiweke etintshaveni,
Mi ta twa mpfumawulo ku fana ni loko ku chayiwa nanga.
4 Hikuva Yehovha u ndzi byele a ku:
“A ndzi nge kavanyetiwi naswona ndzi ta languta ndhawu ya mina,
Ku fana ni ku hisa ka dyambu,
Ku fana ni mberha leyi waka hi nkarhi wa ntshovelo.
5 Loko swiluva swa madiriva swi dzudzekile,
Ni mihandzu ya kona yi sungula ku wupfa, ntshovelo wu nga si fika
Swihluke swi ta khutuleriwa hi swikhutulo,
Swirhabyana swi ta tsemiwa swi cukumetiwa.
6 Mitsumbu ya vona yi ta dyiwa hi swinyenyana swa le tintshaveni leswi dyaka nyama ni swiharhi.
Swinyenyana leswi dyaka nyama swi ta yi dya hi nkarhi wa ximumu,
Naswona swiharhi swi ta yi dya ni hi nkarhi wa ntshovelo.
7 Enkarhini wolowo ku ta tisiwa nyiko eka Yehovha wa mavuthu,
Leyi humaka etikweni ra vanhu vo leha, va nghohe yo saseka,
Vanhu lava chaviwaka emisaveni hinkwayo,
Tiko ra matimba leri kotaka ku hlula,
Lava tiko ra vona ri khukhuriweke hi milambu,
Yi ya endhawini leyi dzunisaka vito ra Yehovha wa mavuthu, Ntshava ya Siyoni.”+
Yingisani! Yehovha u khandziye papa leri nga ni rivilo naswona u ya eEgipta.
Swikwembu swa le Egipta leswi nga pfuniki nchumu swi ta rhurhumela hikwalaho ko n’wi chava,+
Naswona Vaegipta va ta hela matimba.
2 “Ndzi ta endla leswaku Vaegipta va lwa hi xivona,
Va ta hlaselana,
Muegipta u ta lwa ni makwavo ni muakelani,
Muti wu ta lwa ni muti, mfumo wu ta lwa ni mfumo.
Va ta titshega hi swikwembu leswi nga pfuniki nchumu,
Vanyamusoro, swingomantanda ni vavhumbhi.+
4 Ndzi ta veka Vaegipta ehansi ka hosi leyi nga ni tihanyi,
Hosi leyi, yi ta va tshikilela,”+ ku vula Yehovha wa mavuthu, Hosi ya ntiyiso.
Tinhlanga ni vungu* swi ta bola.+
7 Swimilana leswi nga ekusuhi ni laha Nambu wa Nayili wu helelaka kona,
Ni masimu lama nga ekusuhi ni Nambu wa Nayili,+ swi ta oma.+
Swi ta biwa hi moya a swi nge he vi kona.
8 Vaphasi va tihlampfi va ta rila,
Lava phasaka hi swinjovo* eNambyeni wa Nayili va ta kolola,
Ni lava phasaka hi tinete va ta hunguteka.
9 Lava tirhaka hi ximilana xa ntsembyana+
Ni lava lukaka malapi yo basa va ta khomisiwa tingana.
10 Lava lukaka va yena va ta twa ku vava;
Hinkwavo lava thoriweke va ta va ni gome.
11 Tihosana ta le Sowana+ i swiphukuphuku.
Switsundzuxo swa vatsundzuxi va Faro vo tlhariha a swi pfuni nchumu.+
Xana mi nga vurisa ku yini eka Faro mi ku:
“Ndzi ntukulu wa lavo tlhariha,
Ntukulu wa tihosi ta khale”?
12 Kutani va kwihi vanhu va wena vo tlhariha?+
A va ku byele leswi Yehovha a tiyimiseleke ku swi endla eEgipta.
13 Tihosana ta le Sowana ti endle vuphukuphuku;
Tihosana ta le Nofu*+ ti kanganyisiwile;
Tindhuna ta tinyimba ta yena ti hambukise Egipta.
14 Yehovha u n’wi pfilunganyile;+
Va hambukise Egipta eka hinkwaswo leswi a swi endlaka,
Ku fana ni xidakwa lexi dedelekelaka emahlanteni ya xona.
16 Hi siku rero Egipta u ta fana ni vavasati, u ta rhurhumela a tlhela a chava hikwalaho ka leswi Yehovha wa mavuthu a lavaka ku n’wi xupula.+ 17 Tiko ra Yuda ri ta endla leswaku Vaegipta va chava. Va ta hela matimba loko va twa ku vulavuriwa hi rona hikwalaho ka leswi Yehovha wa mavuthu a nga ta swi endla eka vona.+
18 Hi siku rero ku ta va ni miti ya ntlhanu etikweni ra Egipta leyi vulavulaka ririmi ra le Kanana+ naswona yi ta hlambanya eka Yehovha wa mavuthu leswaku yi ta tshembeka. Muti wun’wana wu ta vuriwa Muti wo Hirimuxa.
19 Hi siku rero ku ta va ni altari ya Yehovha exikarhi ka tiko ra Egipta ni phuphu ya Yehovha endzilakaneni wa rona. 20 Yi ta va xikombiso ni vumbhoni eka Yehovha wa mavuthu etikweni ra Egipta; hikuva va ta rilela Yehovha hikwalaho ka lava va va tshikilelaka, kutani u ta va rhumela muponisi lonkulu loyi a nga ta va ponisa. 21 Yehovha u ta titivisa eka Vaegipta kutani ku sukela esikwini rero Vaegipta va ta tiva Yehovha, va ta endla magandzelo va tlhela va humesa tinyiko, kutani va ta hlambanyela Yehovha va tlhela va endla leswi va swi hlambanyeke. 22 Yehovha u ta xupula Vaegipta,+ u ta va xupula a tlhela a va horisa; va ta tlhelela eka Yehovha naswona u ta hlamula swikombelo swa vona, kutani a va horisa.
23 Hi siku rero ku ta va ni ndlela+ leyikulu leyi humaka eEgipta yi ya eAsiriya. Vaasiriya va ta ya eEgipta ivi Vaegipta va ya eAsiriya kutani va ta gandzela Xikwembu swin’we. 24 Hi siku rero Vaisrayele va ta hlangana ni Vaegipta ni Vaasiriya,+ va ta va nkateko emisaveni, 25 hikuva Yehovha wa mavuthu u ta va katekisa a ku: “A ku katekisiwe vanhu va mina ku nga Egipta, ntirho wa mavoko ya mina ku nga Asiriya ni ndzhaka ya mina, ku nga Israyele.”+
20 Hi lembe leri Hosi Sargoni wa le Asiriya a rhumeke Tartani* ha rona eAxidodo,+ u lwe ni tiko ra Axidodo kutani a ri hlula a ri teka.+ 2 Hi nkarhi wolowo Yehovha a vulavula hi ku tirhisa Esaya+ n’wana wa Amotsi a ku: “Famba, hluvula xiambalo* xo khwaxa, u tlhela u hluvula ni maphaxani.” Hiloko a endla tano, a famba hi mikondzo, a nga ambalanga nchumu.*
3 Hiloko Yehovha a ku: “Ku fana ni leswi nandza wa mina Esaya a fambafambeke hi mikondzo, a nga ambalanga nchumu ku ringana malembe manharhu, swi ri xikombiso+ ni xilemukiso eka Egipta+ na Etiyopiya,+ 4 kutani hosi ya Asiriya yi ta khoma vanhu va le Egipta+ ni va le Etiyopiya yi ya va endla mahlonga, vafana ni vakhalabye, va ta famba hi mikondzo va nga ambalanga nchumu, switshamo swi sale ehandle, ku ta va tingana eka Egipta. 5 Va ta chava va tlhela va khomiwa hi tingana hikwalaho ka Etiyopiya ntshembo wa vona ni hikwalaho ka Egipta leri a va tinyungubyisa ha rona. 6 Hi siku rero lava tshamaka ekusuhi ni lwandle va ta ku, ‘Vonani leswaku ku endleke yini eka loyi a hi tshembe yena, loyi a hi balekele eka yena leswaku a ta hi ponisa eka hosi ya le Asiriya! Xana sweswi hi ta balekela eka mani?’ ”
21 Ku avanyisiwa ka mananga lama nga elwandle:*+
Ku ta ku fana ni xidzedze lexi hungaka hi le dzongeni,
Ku huma emananga, etikweni leri chavisaka.+
2 Ndzi byeriwe xivono lexi chavisaka:
Vaxengi va ha ya emahlweni va xenga,
Kasi lava onhaka na vona va ya emahlweni va onha.
Hlasela, wena Elami! Rhendzela, wena Meda!+
Ndzi ta herisa maxangu hinkwawo lawa a ma vangeke.+
3 Hi yona mhaka leyi ndzi nga ni gome swinene.+
Ndzi ni switlhavi,
Ku fana ni wansati la velekaka.
Ndzi tshikilelekile lerova a ndzi koti no twa;
Swa ndzi tikela ku vona.
4 Ndzi hele matimba; ndza rhurhumela hi ku chava.
Madyambu lawa a ndzi ma navela ma ndzi chavisa.
5 Vekani tafula ni switulu!
Dyanani mi tlhela mi nwa!+
Lunghekani n’wina tihosana, chelani xitlhangu hi mafurha!
6 Hikuva Yehovha u ndzi byele leswi:
“Famba u ya veka murindzi, u n’wi byela a vika leswi a swi vonaka.”
7 U vone kalichi ya nyimpi yi ri ni xipani xa tihanci,
Kalichi ya nyimpi yi ri ni timbhongolo,
Kalichi ya nyimpi yi ri ni tikamela.
Hiloko a swi languta hi vukheta.
8 Kutani a huwelela ku fana ni nghala a ku:
“Yehovha Xikwembu xanga, ndzi yime exihondzweni xo rindza ninhlikanhi,
A ndzi sukanga laha ndzi vekiweke kona vusiku byin’wana ni byin’wana.+
9 Vona lexi taka:
Ku ta kalichi ya nyimpi leyi kokiwaka hi tihanci yi ri ni vavanuna!”+
Kutani a huwelela a ku: “U wile! Babilona u wile!+
Swifaniso swa swikwembu swakwe leswi endliweke hi nsimbhi u swi fayeterile!”+
10 N’wina vanhu va mina lava huriweke ku fana ni mavele,
Ndzi mi vikerile leswi ndzi swi tweke eka Yehovha wa mavuthu, Xikwembu xa Israyele.
Ku ni loyi a ndzi huwelelaka a ri eSeyiri+ a ku:
“Murindzi, xana ri ta xa rini?
Murindzi, xana ri ta xa rini?”
12 Hiloko murindzi a ku:
“Ri ta xa kambe ri ta tlhela ri pela.
Ku vutisa a swi bihanga.
Mi nga tlhela mi vutisa!”
13 Ku avanyisiwa ka ndhawu leyi nga mananga:
N’wina vanhu va le Dedani,+
Mi ta etlela ekhwatini endhawini leyi nga mananga.
14 Hlanganisani la nga ni torha mi n’wi nyika mati
N’wina lava tshamaka eThema,+
Nyikani la balekaka xinkwa.
15 Hikuva va baleke mabanga, mabanga lama hlomuriweke,
Va baleke vurha lebyi kungiweke ni nyimpi leyi nga tiyiselekiki.
16 Yehovha u ndzi byele a ku: “Ku nga si hela lembe, ku fana ni malembe ya mutirhi loyi a thoriweke, ndhuma ya Kedari+ yi ta va yi herile. 17 Tinhenha leti khomaka vurha ti ta sala ti ri titsongo eKedari, hikuva Yehovha Xikwembu xa Israyele u vurile.”
22 Ku avanyisiwa ka Nkova wa Xivono:*+
Hikwalaho ka yini hinkwenu mi khandziye elwangwini?
2 A wu ri muti wa hasahasa,
A wu ri muti wa pongo, lowu tinyungubyisaka.
Vanhu va wena lava dlayiweke a va dlayiwanga hi banga,
Naswona a va felanga enyimpini.+
3 Vafumi va wena hinkwavo va baleke swin’we.+
Va khotsiwe handle ko tirhisa vurha.
Hinkwavo lava kumiweke va pfaleriwe ekhotsweni.+
Hambileswi a va balekele ekule.
Mi nga tikarhati hi ku ndzi chavelela
Hikwalaho ka leswi vanhu va mina va nga hela.+
5 Hikuva i siku ra ku pfilunganyeka, ku hluriwa ni ku chuha,+
Leri humaka eka Yehovha wa mavuthu, Hosi Leyi Tlakukeke,
ENkoveni wa Xivono.
Ku ni ku mbundzumuxiwa ka khumbi+
Ni xirilo entshaveni.
6 Elami+ u teke nkwama wa miseve,
Tihanci* ni makalichi lama khandziyiweke hi masocha,
Kiri+ u humese xitlhangu enkwameni wa xona.
7 Tindhawu ta n’wina leto saseka
Ti ta tala hi makalichi ya nyimpi,
Kasi tihanci* ti ta yima hi le gedeni,
8 Xisirhelelo xa Yuda xi ta susiwa.
“Hi siku rero mi ta languta laha ku vekiwaka kona matlhari, eka Yindlu ya Khwati,+ 9 kutani mi ta vona timbhovo to tala ekhumbini ra Muti wa Davhida.+ Mi ta hlengeleta mati exihlobyeni xa le hansi.+ 10 Mi ta hlaya tiyindlu ta le Yerusalema mi hirimuxa tin’wana ta tona leswaku mi ta tiyisa khumbi. 11 Mi ta endla xihlambelo exikarhi ka makhumbi mambirhi, laha ku nga ni mati ya xidziva xa khale, kambe a mi nge n’wi languti Muendli Lonkulu wa xona, a mi nge n’wi voni Loyi a xi endleke khale swinene.
12 Hi siku rero Yehovha wa mavuthu, Hosi Leyi Tlakukeke,
U ta langutela leswaku mi rila mi va ni gome,+
Mi byevula tinhloko mi ambala swiambalo swo khwaxa.
13 Kambe ku ni ku tlangela ni ntsako,
Ku tlhaviwa tihomu ni tinyimpfu,
Ku dyiwa nyama ku tlhela ku nwiwa vhinyo,+
‘A hi dyeni hi nwa hikuva mundzuku hi ta fa.’ ”+
14 Hiloko Yehovha wa mavuthu a ndzi byela a ku: “ ‘A mi nge rivaleriwi xidyoho xa n’wina kukondza mi fa,’+ ku vula Yehovha wa mavuthu, Hosi Leyi Tlakukeke.”
15 Yehovha wa mavuthu, Hosi Leyi Tlakukeke u ri: “Yana eka Xebina+ loyi a langutelaka yindlu* u fika u ku, 16 ‘U ehleketa leswaku hi wena mani naswona u nyikiwe hi mani mpfumelelo wo ticelela sirha laha?’ Xebina u ticelela sirha endhawini leyi tlakukeke; u kovotla sirha ehenhla ka ribye leswaku a ta lahliwa kona. 17 ‘Yingisa wena munhu, Yehovha u ta ku khoma swi tiya, a ku lahlela ehansi u ya ku mbvevee! 18 U ta ku tsondzela, a ku cukumeta ku fana ni bolo etikweni leri anameke. U ta fela kwalaho u ri ni makalichi ya wena yo saseka kutani leswi swi ta khomisa n’wini wa wena tingana. 19 Ndzi ta ku hlongola entirhweni wa wena, ndzi ta ku susa exitulwini xa wena.
20 “ ‘Esikwini rero ndzi ta vitana nandza wa mina Eliyakimi,+ n’wana wa Hilkiya, 21 ndzi ta n’wi ambexa xiambalo xa wena xo leha, ndzi n’wi boha ni bandhi ra wena,+ ndzi n’wi nyika vuhosi bya wena. U ta va tata wa vanhu hinkwavo eYerusalema ni vandyangu wa Yuda. 22 Ndzi ta n’wi nyika xikhiya xa ndyangu wa Davhida.+ Loko a pfurile a nga kona loyi a nga ta pfala; loko a pfarile a nga kona loyi a nga ta pfula. 23 Ndzi ta n’wi belela swi tiya ku fana ni mhandzi leyi beleriwaka ehansi, u ta tiya naswona u ta fana ni xiluvelo xa ku vangama endyangwini wa ka vona. 24 Ku vangama ka ndyangu wa tata wakwe ku ta va ehenhla ka yena ni le ka vana* ni vatukulu va yena, eka swibya leswitsongo, swimbitana ni le ka makhuwana lamakulu.
25 “Yehovha wa mavuthu u ri: ‘Hi siku rero, mhandzi leyi beleriweke swi tiya yi ta susiwa+ naswona yi ta tsemiwa yi wa, ndzhwalo lowu a yi wu seketela wu ta wa, hikuva Yehovha hi byakwe u swi vurile.’ ”
23 Ku avanyisiwa ka muti wa Tiri:+
Tlhavani mukhosi n’wina swikepe swa le Taraxixi!+
Hikuva laha swikepe a swi fikela kona ku onhiwile; a ka ha ngheneki.
Va swi twile ku suka etikweni ra Kitimi.+
2 Miyelani, n’wina lava tshamaka ekusuhi ni lwandle.
Van’wamabindzu lava humaka eSidoni,+ lava tsemakanyeke lwandle ku ta bindzula na wena va ku fuwisile.
3 Mavele* ya le Xihoro*+ ma ya etindhawini to tala,
Ntshovelo wa le Nayili, i xuma xa wena,
Naswona xi vuyerisa matiko.+
4 U ta khomiwa hi tingana, wena Sidoni wena muti wo tiya lowu nga elwandle,
Hikuva lwandle ri te:
“A ndzi si tshama ndzi va ni switlhavi swa ku veleka naswona a ndzi si tshama ndzi veleka,
A ndzi na vana va majaha kumbe va vanhwanyana.”+
5 Vanhu va ta twa ku vava swinene loko va twa xiviko xa Tiri,+
Hilaha va tweke ku vava hakona loko va twa xiviko xa Egipta.+
6 Pelelani eTaraxixi!
Banani mukhosi, n’wina lava tshamaka ekusuhi ni lwandle.
7 Xana lowu hi wona muti wa n’wina lowu ku sukela khale swinene a wu tinyungubyisa, loko wa ha ku sunguriwa?
Milenge ya wona a yi hamba yi wu yisa ematikweni ya le kule.
8 I mani loyi a tekeke xiboho lexi mayelana ni muti wa Tiri,
Lowu a wu veka tihosi,
Lowu vaxavisi va wona a va ri tihosana,
Lowu van’wamabindzu va wona a va xiximeka emisaveni hinkwayo?+
9 Xiboho lexi xi tekiwe hi Yehovha wa mavuthu,
Leswaku a ta herisa manyunyu ni ku saseka ka Tiri,
Ni ku nyumisa hinkwavo lava a va xiximeka emisaveni hinkwayo.+
10 Ndlandlamuka ni tiko ra wena ku fana ni Nambu wa Nayili, wena nhwanyana wa le Taraxixi.
Hikuva ndhawu ya swikepe a ya ha ri kona.+
11 U tlakuse voko rakwe ehenhla ka lwandle;
U ninginise mifumo.
Yehovha u lerise leswaku ku herisiwa miti yo tiya ya Vafenikiya.+
Balekela eKitimi.+
Kambe a wu nge kumi ku wisa hambi kwale.”
13 Vonani! Tiko ra Vakalidiya.+
I Vakalidiya ku nga ri Vaasiriya+
Lava hundzuleke tiko leri ri va tiko ra swiharhi.
Va ake swihondzo leswaku va ta kota ku wu hlasela;
Va mbundzumuxa swihondzo swa wona,+
Muti wu sala wu ri rhumbi.
14 Tlhavani mukhosi n’wina swikepe swa le Taraxixi,
Hikuva muti wa n’wina lowu biyeriweke wu lovisiwile.+
15 Hi siku rero muti wa Tiri wu ta rivariwa ku ringana malembe ya 70,+ ku nga nkarhi* lowu hosi yin’we yi hanyaka wona. Eku heleni ka malembe ya 70, muti wa Tiri wu ta fana ni nghwavava leyi hlamuseriwaka eka risimu leri nge:
16 “Wena nghwavava leyi rivariweke, teka haripa u rhendzeleka ni muti.
Chaya haripa ya wena hi vutshila;
Yimbelela tinsimu to tala,
Leswaku va ta ku tsundzuka.”
17 Eku heleni ka malembe ya 70, Yehovha u ta tsundzuka muti wa Tiri, kutani wu ta tlhelela entirhweni wa wona, wu ya endla vunghwavava ni mifumo hinkwayo leyi nga kona emisaveni. 18 Kambe mali leyi wu nga ta yi kuma entirhweni wa wona yi ta nyikeriwa eka Yehovha. A yi nge hlayisiwi, kumbe ku hlengeletiwa, hikuva yi ta nyikiwa vanhu va Yehovha, leswaku va dya va xurha ni ku ambala swiambalo leswo xonga.+
24 Yehovha u hlongole vanhu hinkwavo etikweni* kutani a ri endla rhumbi.+
U ri lovisile+ a hangalasa vaaki va rona.+
2 Swi ta va tano eka vanhu hinkwavo:
Vanhu ni vaprista,
Nandza ni n’wini wakwe,
Nandza wa xisati ni n’wini wakwe wa xisati,
Muxavi ni muxavisi,
Mulombisi ni mulombi,
Machonisi ni la kolotaka.+
4 Tiko ra rila;*+ ri hele matimba.
Tiko leri noneke ri vunile; ri hele matimba.
Lava fuweke etikweni va hele matimba.
Hi swona swi nga endla leswaku vaaki va tiko va hunguteka,
Ku sale vanhu vatsongo.+
8 Xingomana a xa ha chayiwi;
Huwa ya lava nga tsaka a ya ha twali;
Mpfumawulo wa haripa a wa ha ri kona.+
9 Va nwa vhinyo ku nga ri na risimu,
Lava nwaka byala va ri a byi nandzihi.
10 Muti lowu vanhu va fambeke va wu siya wu mbundzumuxiwile;+
Tiyindlu hinkwato ti pfariwile leswaku ku nga ngheni munhu.
11 Va rilela vhinyo eswitarateni.
Ntsako wu herile;
Ntsako lowu tiko a ri ri na wona wu herile.+
13 Swi ta va tano etikweni, exikarhi ka vanhu:
Ku fana ni ku hlakahliwa ka murhi wa mutlhwari,+
Ku fana ni ku khwaja loko ntshovelo wa madiriva wu herile.+
14 Va ta huwelela,
Va ba mikulungwana.
Va ta twarisa ku vangama ka Yehovha va ri elwandle.*+
15 Va ta dzunisa Yehovha va ri evuxeni;*+
Va ta vangamisa vito ra Yehovha Xikwembu xa Israyele va ri eswihlaleni swa le lwandle.+
16 Hi twe tinsimu evugimamusi:
“A ku dzunisiwe Loyi a Lulameke!”+
Kambe ndzi ri: “Ndzi karhele, a ndza ha ri na matimba!
Khombo eka mina! Vakanganyisi va ya emahlweni va kanganyisa;
Vukanganyisi byi ya emahlweni byi nyanya.”+
17 N’wina vaaki va tiko mi ta weriwa hi khombo, mi rindziwe hi makhele ni mintlhamu.+
18 Loyi a balekaka mpfumawulo wa khombo u ta wela ekheleni,
Loyi a humaka ekheleni u ta phasiwa hi ntlhamu.+
Hikuva tinyangwa ta ndhambi leti nga ematilweni ti ta pfuriwa,
Misava yi ta ninginika.
20 Tiko ra dedeleka ku fana ni xidakwa,
Ri tsekatseka ku fana ni yindlu leyi biwaka hi moya.
Ri tikiwa hi swidyoho swa rona,+
Ri ta wa naswona a ri nge he pfuki.
21 Hi siku rero Yehovha u ta xupula vuthu ra le matilweni
Ni tihosi leti nga emisaveni.
22 Va ta hlengeletiwa
Ku fana ni vabohiwa loko va nghenisiwa emugodini,
Va ta pfaleriwa ekhotsweni ra munyama;
Va ta avanyisiwa endzhaku ka masiku yo tala.
23 N’weti wu ta vonaka wu dzwiharile,
Naswona dyambu ri ta khomiwa hi tingana,+
Hikuva Yehovha wa mavuthu i Hosi+ eNtshaveni ya Siyoni+ ni le Yerusalema,
U ta tivangamisa emahlweni ka vakulukumba va tiko.+
25 Yehovha, u Xikwembu xanga.
Ndza ku dzunisa, ndzi dzunisa vito ra wena,
Hikuva u endle swilo swo hlamarisa,+
Swilo leswi kunguhatiweke khale,+
Hi ku tshembeka+ ni hi ku lulama.
2 Hikuva u hundzule muti wu va nhulu ya maribye,
Muti lowu biyeriweke wu hundzuke rhumbi.
A ka ha tshami munhu exihondzweni xa valuveri;
Muti lowu a wu nge he pfuxetiwi.
3 Hikwalaho ka sweswo vanhu lava nga ni matimba va ta ku dzunisa;
Muti lowu nga ni vanhu va tihanyi wu ta ku chava.+
4 Hikuva u hundzuke vutumbelo bya xisiwana,
Vutumbelo bya xisiwana loko xi ri emaxangwini,+
Ndhawu yo tumbela loko ku ri ni xidzedze,
Ndzhuti loko ku hisa.+
Vukarhi bya lava tikurisaka byi fana ni mpfula ya matimba leyi baka khumbi,
5 Ku fana ni mumu etikweni leri omeke,
U miyeta vanhu vamatiko lava baka huwa.
Ku fana ni ku hisa loku siviwaka hi ndzhuti wa papa,
U herisa risimu ra lava tikurisaka.
6 Yehovha wa mavuthu u ta endlela vanhu hinkwavo nkhuvo entshaveni leyi,+
Nkhuvo wa swakudya swo nona,+
Nkhuvo wa vhinyo leyinene,
Wa swakudya swo nona leswi nga ni mongo,
Wa vhinyo leyinene leyi hlutiweke.
7 Entshaveni leyi u ta susa lapi leri funengeteke vanhu hinkwavo
Ni lapi leri lukiweke leri funengeteke matiko hinkwawo.
8 Rifu u ta ri mitela makumu,+
Yehovha Hosi Leyi Tlakukeke u ta sula mihloti eswikandzeni hinkwaswo.+
Vanhu va yena a va nge he hlekuriwi emisaveni hinkwayo,
Hikuva Yehovha u vurile.
9 Hi siku rero va ta ku:
“Vonani! Lexi i Xikwembu xa hina.+
Loyi i Yehovha!
Hi tshembe yena.
A hi tsakeni hi khana hikuva u hi ponisile.”+
Ku fana ni byanyi lebyi kandziyeriwaka kukondza byi va manyoro.
11 U ta ba Mowabu hi mavoko yakwe
Ku fana ni loko munhu a hlambela,
U ta n’wi khomisa tingana hikwalaho ka leswi a titlakusaka+
Hi ku tirhisa mavoko yakwe.
12 U ta mbundzumuxa muti wa wena lowu biyeriweke, lowu nga ni makhumbi yo leha,
U ta wu mbundzumuxa wu sala wu ri ritshuri.
26 Hi siku rero, etikweni ra Yuda+ ku ta yimbeleriwa risimu+ leri nge:
“Hi ni muti lowu tiyeke.+
U ta hi ponisa hi makhumbi ni miako ya wona yo tiya.+
3 U ta sirhelela lava tshembelaka eka wena hi mbilu hinkwayo;
U ta va nyika ku rhula hi masiku,+
Hikuva va tshembe wena.+
5 Hikuva u va khomise tingana lava tshamaka ehenhla, emutini lowu tlakukeke.
Wa wu wisa,
U wu lahlela emisaveni;
Wu tala ritshuri.
6 Wu ta kandziyeriwa hi nenge,
Milenge ya lava xanisekaka, mikondzo ya swisiwana.”
7 Ndlela ya lavo lulama yi lulamile.
U ta lulamisa ndlela ya lavo lulama,
Hikuva u lulamile.
8 Hi tshembe wena Yehovha.
Hikuva tindlela ta wena ti lulamile.
Hi xixima vito ra wena naswona hi lava leswaku ri tshama ri ri karhi ri tsundzukiwa.
9 Ndzi ku tsundzukile nivusiku,
Moya wa mina wu lava wena hi mbilu ya mina hinkwayo;+
Hikuva loko u avanyisa misava,
Vaakatiko va dyondza vululami.+
11 Yehovha Xikwembu xanga, voko ra wena ri tlakukile, kambe a va ri voni.+
Va ta vona ndlela leyi u seketelaka vanhu va wena ha yona kutani va khomiwa hi tingana.
Ndzilo wa wena wu ta herisa valala va wena.
13 Yehovha Xikwembu xa hina, hi fumiwe hi vanhu van’wana handle ka wena,+
Kambe hina hi ta dzunisa vito ra wena ntsena.+
14 Va file; a va nge he hanyi.
Va hluriwe hi rifu, a va nge he pfuki.+
Hikuva u va kongomile
Leswaku u va lovisa va nga ha tlheli va tsundzukiwa.
U ndlandlamuxe mindzilakana hinkwayo ya tiko.+
16 Yehovha, va ta eka wena loko va ri emaxangwini;
Va khongele eka wena endzhaku ka loko u va tshinyile.+
17 Ku fana nileswi wansati la tikeke loyi a nga ekusuhi ni ku veleka,
Loyi a nga ni switlhavi swa ku veleka, a rilaka hikwalaho ko twa ku vava
Na hina hi titwe tano hikwalaho ka wena, wena Yehovha.
18 A hi tikile, hi va ni switlhavi swa ku veleka,
Kambe swi fana ni loko hi veleke moya.
A hi ri ponisanga tiko,
A nga kona loyi a velekeke vana lava nga ta tshama etikweni.
19 “Vanhu va n’wina lava nga fa va ta tlhela va hanya.
Mitsumbu ya mina yi ta pfuka.+
Pfukani, mi ba nkulungwana,
N’wina lava tshamaka entshurini!+
Hikuva mberha ya n’wina yi fana ni mberha ya nimixo,*
Misava yi ta humesa lava feke kutani va ta hanya.
Tumbelani swa nkarhinyana
Kukondza vukarhi bya Xikwembu byi hundza.+
21 Hikuva Yehovha wa ta a huma endhawini yakwe
Ku ta avanyisa vanhu va tiko hikwalaho ka swidyoho swa vona,
Tiko ri ta paluxa ngati leyi halatiweke
A ri nge va fihli lava dlayiweke eka rona.”
27 Hi siku rero, Yehovha u ta tirhisa banga rakwe leri karihaka ri tlhela ri chavisa,+
Leswaku a dlaya Levhiyathani,* nyoka leyi kokovaka,
Levhiyathani nyoka leyi tshombonyokaka
U ta dlaya xivandzana lexikulu xa le lwandle.
2 Hi siku rero, mi ta n’wi* yimbelelela mi ku:
“Nsimu ya madiriva leyi humesaka vhinyo!*+
3 Mina Yehovha ndza n’wi hlayisa.+
Ndza n’wi cheleta nkarhi hinkwawo.+
Ndza n’wi sirhelela vusiku ni nhlikanhi,
Leswaku ku nga vi ni loyi a n’wi vavisaka.+
4 A ndza ha n’wi hlundzukelanga.+
Loko un’wana o ndzi lwisa hi ku veka swihlahla swa mitwa ni nhova emahlweni ka mina,
Ndzi ta swi kandziyela ndzi swi hisa.
5 Loko swi nga ri tano, a a te a ta tumbela eka mina.
A a endle ku rhula na mina;
Ku rhula a a ku endle na mina.”
6 Enkarhini lowu taka Yakobo u ta kula a va ni matimba ku fana ni murhi,
Israyele u ta fana ni murhi lowukulu lowu nga ni swiluva,+
Naswona u ta humesa mihandzu yo tala emisaveni.+
7 Xana va fanele va biwa hi nkhavi lowu fanaka ni wa loyi a va baka?
Kumbexana u fanele a dlayiwa hilaha lava a va dlayeke va dlayiweke hakona?
8 U ta kanetana na yena hi huwa leyikulu loko u n’wi hlongola.
U ta n’wi hlongola a hlundzukile hi siku leri ku hungaka moya wa le vuxeni.+
U ta endla maribye hinkwawo ya altari
Ma fana ni maribye ya kalaka lama siriweke,
Timhandzi ta Axera* ni swo tlhandleka murhi wo nun’hwela a swi nge he vi kona.+
10 Hikuva muti lowu biyeriweke wu ta sala wu nga ri na vanhu;
Madyelo ma ta tshikiwa ma hundzuka mananga.+
Rhole ri ta dya kwalaho ri tlhela ri vundza kona
Ri ta dya marhavi ya muti lowu.+
Hikuva vanhu lava va ome tinhloko.+
Muvumbi wa vona a nge va tsetseleli hikwalaho ka sweswo,
Loyi a va vumbeke a nge va tweli vusiwana.+
12 N’wina Vaisrayele,+ mi ta fana ni munhu loyi a hlakahlaka mihandzu kutani a yi hlengeleta, Yehovha u ta mi hlengeleta n’wina lava mi hangalakeke ni tindhawu leti hinkwato, ku sukela eNambyeni* lowukulu lowu khulukaka ku ya eNkoveni wa Egipta.+ 13 Hi siku rero ku ta biwa nanga+ yi twala ni le kule, lava nga emaxangwini etikweni ra Asiriya+ ni lava hangalakeke etikweni ra Egipta,+ va ta ta, va ta khinsamela Yehovha entshaveni yo kwetsima eYerusalema.+
28 Khombo eka harhi* ya swidakwa swa le Efrayimi+ leyi swi tinyungubyisaka ha yona
Swiluva swa yona swo saseka swi ta vuna,
Leswi nga endhawini yo nona ya lava pyopyiweke hi vhinyo!
2 Vonani! Yehovha u ta rhuma nhenha.
Ku fana ni xidzedze lexi pfanganeke ni ku dzindza,
Xidzedze lexi lovisaka,
Ku fana ni ku dzindza ka mpfula ya matimba,
Yi ta cukumeta harhi yoleyo hi matimba yi ya wela emisaveni.
4 Ni swiluva swa yona swo saseka leswi vuneke,
Leswi nga endhawini yo nona,
Swi ta fana ni kuwa leri hatlaka ri wupfa ku nga si fika ximumu.
Leri loko munhu a ri vona, a ri dyaka hi ku hatlisa.
5 Hi siku rero Yehovha wa mavuthu u ta va harhi yo vangama ni xidlodlo xo saseka lexi vanhu vakwe lava saleke va nga ta tinyungubyisa hi xona.+ 6 U ta endla leswaku vaavanyisi va avanyisa hi ndlela yo lulama, kasi lava lwaka ni valala egedeni u ta va nyika matimba.+
7 Lava na vona va hambukile hikwalaho ka vhinyo;
Byala byi endla va dedeleka.
Muprista ni muprofeta va hambuka hikwalaho ka byala;
Vhinyo ya va pfilunganya,
Va dedeleka hikwalaho ka byala;
Swivono swa vona swa va hambukisa,
A va avanyisi kahle.+
8 Hikuva matafula ya vona ma lo pyii, hi mahlanta
Ma tele hinkwako.
9 I mani loyi a nga ta dyondzisiwa vutivi,
I mani loyi a nga ta hlamuseriwa rungula?
Xana hi lava va ha ku tshikisiwaka ku mama
Lava ha ku lumuriwaka?
10 Hikuva u “tshamela ku hi byela hi milawu,
U tshamela ku hi byela nchumu wun’we,*+
Leswi a swi vulaka a swi cinci.”
11 Kutani u ta vulavula ni vanhu lava hi ku tirhisa vanhu va manghanghamela ni lava vulavulaka ririmi rin’wana.+ 12 U tshame a va byela a ku: “Leyi i ndhawu yo wisela eka yona. Loyi a karhaleke a wise kona; leyi i ndhawu yo phyuphya,” kambe a va n’wi yingisanga.+ 13 Eka vona rito ra Yehovha ri ta ku:
“U tshamela ku hi byela milawu,
U tshamela ku hi byela nchumu wun’we,*+
Leswi a swi vulaka a swi cinci,”
14 Hikwalaho twanani rito ra Yehovha, n’wina lava tikukumuxaka
N’wina vafumi va vanhu lava tshamaka eYerusalema,
15 Hikuva mi te:
16 Hikokwalaho Yehovha Hosi Leyi Tlakukeke u ri:
“Ndzi veka ribye leri kamberiweke ri va masungulo eSiyoni,+
Ribye ra le khonweni leri nga ra risima+ ri va masungulo yo tiya.+
Loyi a nga ni ripfumelo a nge chavi nchumu.+
17 Vuavanyisi byi ta fana ni ntambhu yo pima+
Vululami byi ta fana ni nsimbhi yo pima levhele.*+
Xihangu xi ta fayetela mavunwa lawa mi tumbelaka ha wona,
Mati ma ta khukhula laha mi tumbelaka kona.
18 Ntwanano lowu mi wu endleke ni Rifu wu ta herisiwa,
Ni ntwanano lowu mi wu endleke ni Sirha* a wu nge he tirhi.+
Loko maboboma lama kariheke ma hundza
Ma ta mi lovisa.
19 Nkarhi ni nkarhi loko ma hundza,
Ma ta mi khukhula;+
Hikuva ma ta hundza mixo wun’wana ni wun’wana,
Vusiku ni nhlikanhi.
Ku chava hi kona ntsena ku nga ta endla va twisisa leswi vuriweke.”
20 Hikuva sangu ri komile lerova a swi koteki ku nava eka rona,
Ni nguvu leyi lukiweke i yitsongo lerova a wu nge yi funengeli.
21 Hikuva Yehovha u ta yima ku fana ni le Ntshaveni ya Perazimi;
U ta hlundzuka ku fana ni le nkoveni lowu nga ekusuhi ni le Gibiyoni,+
Leswaku a endla ku rhandza ka yena, loku nga tolovelekangiki
Ni leswaku a tirha ntirho wakwe, lowu nga tolovelekangiki.+
22 Kutani mi nga vi vahlekuri,+
Leswaku mi nga yi emahlweni mi tiboha,
Hikuva Yehovha wa mavuthu Hosi Leyi Tlakukeke u ndzi byele
23 Rhiyani ndleve mi yingisa rito ra mina;
Yingisani leswi ndzi mi byelaka swona.
24 Xana murimi u rima siku hinkwaro a nga byali nchumu?
Xana u tshamela ku fayetela mabuwu ni ku lunghisa misava?+
25 Loko a lulamise misava
Xana a nga haxi kumini* ya ntima ni ku byala kumini leyi tolovelekeke
Xana a nga byali koroni, n’wahuva ni maxalana laha swi byariwaka kona,
A tlhela a byala koroni yo tshwuka+ emakumu ka masimu?
27 Kumini* ya ntima a yi huriwi hi xileyi xo hula+
Naswona kumini leyi tolovelekeke a yi huriwi hi vhilwa ra golonyi.
Kumini ya ntima ni leyi tolovelekeke swi huriwa hi nhonga.
28 Xana munhu u hula koroni leswaku yi namba yi endla xinkwa?
Doo, a nga yi huli yi sala yi ri mapa.+
Loyi a yi hulaka a nga yi sili loko a hula hi vhilwa ra golonyi leyi kokiwaka hi tihanci.+
29 “Khombo eka Ariyele,* Ariyele muti lowu Davhida a nga tshama a dzima nxaxa eka wona!+
A ku endliwe mikhuvo+ hinkwayo;
Lembe ni lembe.
2 Kambe ndzi ta tisa khombo eka Ariyele,+
Ku ta va ni xirilo ni ku kalakala,+
Eka mina wu ta fana ni xitiko xa altari ya Xikwembu.+
3 Ndzi ta dzima matende ndzi ku rhendzela,
Ndzi ta ku sivelela hi timhandzi to tontswa,
Ndzi ta aka makhumbi ndzi ku sivelela.+
Rito ra wena ri ta huma emisaveni+
Ku fana ni rito ra xingomantanda,
Marito ya wena ma ta pfuma ma huma entshurini.
5 Ntshungu wa valala va wena wu ta fana ni mapa lama silekeke kahle,+
Ntshungu wa vaxanisi va wena wu ta fana ni muhungu* lowu hahaka.+
Swi ta endleka hi xinkarhana, hi ku hatlisa.+
6 Yehovha wa mavuthu u ta ku ponisa
Hi ku dzindza, ku tsekatseka ka misava ni hi mpfumawulo lowukulu,
Hi moya wa matimba, xidzedze ni langavi ra ndzilo lowu lovisaka.”+
7 Matiko hinkwawo lawa ma hlaselaka Ariyele,+
Hinkwavo lava lwaka na yena,
Swihondzo leswi akiweke ku n’wi sivelela,
Ni lava n’wi vangelaka gome,
Va ta fana ni norho, xivono xa nivusiku.
8 Swi ta fana ni loko munhu loyi a nga ni ndlala a lorha a ri eku dyeni,
Kambe a pfuka a ha twa ndlala,
Ku fana ni loko munhu loyi a twaka torha a lorha a ri eku nweni,
Kambe a pfuka a karhele a ri ni torha.
Swi ta va tano eka matiko hinkwawo
Lama lwaka ni Ntshava ya Siyoni.+
Va pyopyiwile kambe ku nga ri hi vhinyo;
Va dedeleka, kambe ku nga ri hikwalaho ko nwa byala.
10 Hikuva Yehovha u mi chele moya wa vurhongo lebyikulu;+
U mi pfale matihlo ya n’wina, ku nga vaprofeta va n’wina,+
U mi funengete ni tinhloko ta n’wina, ku nga lava vonaka swivono.+
11 Eka n’wina, swivono swi ta fana ni buku leyi pfariweke.+ Leyi loko yi nyikiwa munhu loyi a kotaka ku hlaya va ku: “Hi kombela u yi hlaya swi twala,” u ta ku: “A ndzi swi koti, hikuva yi pfariwile.” 12 Kutani loko buku yi nyikiwa loyi a nga kotiki ku hlaya va ku: “Hi kombela u yi hlaya,” u ta ku: “A ndzi swi koti ku hlaya.”
13 Yehovha u ri: “Vanhu lava vo vula ntsena leswaku va ndzi rhandza,
Va ndzi xixima hi nomu ntsena,+
Kambe a swi humi embilwini;
Va ndzi chava ntsena hi ku landza milawu ya vanhu leyi va dyondzisiweke yona.+
14 Hikokwalaho, ndzi ta tlhela ndzi endla swilo swo hlamarisa hi vanhu lava,+
Ndzi ta endla swihlamariso swo tala;
Vutlhari bya tintlhari ta vona byi ta hela,
Ku twisisa ka lavo tlhariha ku ta hela.”+
15 Khombo eka lava tiyimiselaka ku tumbetela Yehovha makungu ya vona.+
Va endla mitirho ya vona emunyameni,
Va ri karhi va ku: “Hi voniwa hi mani?
I mani loyi a tivaka leswi hi swi endlaka?”+
16 Mi onhakile!
Xana muvumbi a nga fanisiwa ni vumba?+
Xana nchumu lowu vumbiweke wu nga byela muvumbi wa wona wu ku:
“A ndzi vumbiwanga hi wena”?+
Xana nchumu lowu endliweke wu nga vulavula hi muendli wa wona wu ku:
“A nga tivi nchumu”?+
18 Hi siku rero lava feke tindleve va ta twa leswi tsariweke ebukwini,
Lava feke matihlo va ta vona, hikuva va ta ntshunxiwa emunyameni.+
19 Lavo rhula va ta tsaka swinene hikwalaho ka Yehovha,
Swisiwana swi ta tsaka hikwalaho ka Mukwetsimi wa Israyele.+
20 Hikuva muxanisi a nge he vi kona,
Loyi a tikurisaka u ta herisiwa,
Ni hinkwavo lava tshamelaka ku endla leswo biha va ta herisiwa,+
21 Lava dyohisaka van’wana hi mavulavulelo ya vona,
Lava rhiyaka muyimeri* egedeni ya muti,+
Ni lava soholotaka timhaka lerova munhu lonene a dyiwa hi nandzu.+
22 Hikokwalaho, Yehovha loyi a kutsuleke Abrahama+ u byele yindlu ya Yakobo a ku:
23 Hikuva loko a vona vana vakwe,
Lava ndzi nga va vumba exikarhi ka yena,+
Lava nga ta dzunisa vito ra mina;
Kunene va ta dzunisa Mukwetsimi wa Yakobo,
Va ta xixima Xikwembu xa Israyele.+
24 Lava omeke tinhloko va ta kuma vutivi,
Ni lava vilelaka va ta pfumela ku dyondzisiwa.”
30 Yehovha u ri: “Khombo eka vana lava omeke tinhloko+
Lava endlaka leswi va swi kunguhataka, ku nga ri swa mina,+
Lava endlaka ntwanano handle ko kuma mpfumelelo eka mina,
Va engetela swidyoho swa vona hi ku endla tano.
2 Va ye eEgipta+ va nga ndzi vutisanga,+
Va ya lava nsirhelelo eka Faro,
Va ya lava vutumbelo etikweni ra Egipta!
3 Kambe nsirhelelo wa Faro wu ta mi khomisa tingana,
Mi ta nyuma hikwalaho ko tumbela etikweni ra Egipta.+
5 Hinkwavo va ta khomisiwa tingana
Hi vanhu lava nga taka va nga va vuyerisi hi nchumu,
Lava nga va pfuniki hi nchumu,
Va to va khomisa tingana ntsena.”+
6 Ku avanyisiwa ka swiharhi swa le dzongeni:
Etikweni ra maxangu ni swiyimo swo tika,
Tiko ra nghala leyi bongaka,
Ra mhiri* ni nyoka ya vuxungu leyi levaka,
Va rhwala xuma xa vona hi timbhongolo,
Kasi timbuva ta vona va ti rhwala hi tikamela.
Kambe swilo leswi, a swi nge va pfuni nchumu.
7 Ku titshega hi Egipta a swi pfuni nchumu.+
Hikokwalaho ndzi va vula: “Rahava+ loyi a nga kotiki nchumu!”
8 “Famba u ya tsala ehenhla ka ribye ra xiphepherhele emahlweni ka vona,
U tsala mhaka leyi ebukwini,+
Leswaku yi ta tirha enkarhini lowu taka,
Yi ta va vumbhoni hilaha ku nga heriki.+
10 Va byela lava vonaka swivono va ku, ‘Mi nga voni swivono,’
Ni vaprofeta va ku, ‘Mi nga hi byeli ntiyiso loko mi profeta.+
Hi byeleni swilo swo tsakisa; swilo leswi nga riki ntiyiso.+
11 Tshikani ntirho lowu; hambukani.
Tshikani ku hi byela hi Mukwetsimi wa Israyele.’ ”+
12 Hikokwalaho Mukwetsimi wa Israyele u ri:
“Leswi mi fularhelaka rito ra mina,+
Mi rhandza vuxisi ni vukanganyisi
Mi hanya hi swona,+
13 Eka n’wina, xidyoho lexi xi ta fana ni khumbi leri pandzekeke,
Ku fana ni khumbi lerikulu leri nga ekusuhi ni ku wa.
Ri ta wa hi ku hatlisa, hi ku copeta ka tihlo.
14 Ri ta fayiwa ku fana ni khuwana lerikulu ra vumba,
Ri ta pfotlosiwa hi ku helela, lerova ku nga sali ni xipetlu
A ku nge vi na xirhengele lexi munhu a nga xi tirhisaka ku oka ndzilo
Kumbe ku ka mati exidan’wanini.”*
15 Yehovha Hosi Leyi Tlakukeke, Mukwetsimi wa Israyele u ri:
“Loko mo tlhelela eka mina, mi wisa, mi ta ponisiwa;
Mi ta va ni matimba loko mi tshama mi rhurile mi tlhela mi ndzi tshemba.”+
Kambe a mi swi tsakelanga swoleswo.+
16 Mi te: “Hi ta baleka hi tihanci!”
“Hi ta gada tihanci ta rivilo!”+
I ntiyiso, mi ta baleka.
Kambe lava mi hlongorisaka va ta mi tlula hi rivilo.+
17 Vanhu va 1 000 va ta rhurhumela hikwalaho ko chava munhu un’we;+
Mi ta chavisiwa hi vanhu va ntlhanu, mi baleka
Lerova mi sala mi ri vatsongo ku fana ni mujeko lowu nga entshaveni,
Ku fana ni mfungho lowu nga exintshabyanini.+
Hikuva Yehovha i Xikwembu xo lulama.+
Va tsaka lava tshamaka va n’wi languterile.+
19 Loko n’wina mi tshama eSiyoni, eYerusalema+ a mi nge he rili.+ U ta mi twela vusiwana loko a twa xirilo xa n’wina xo lava ku pfuniwa; u ta mi hlamula hi ku hatlisa.+ 20 Yehovha u ta mi nyika maxangu ma va xinkwa ni ntshikilelo+ wu va mati eka n’wina, Muleteri wa n’wina Lonkulu a nge he tifihli naswona mi ta vona Muleteri wa n’wina Lonkulu+ hi matihlo ya n’wina. 21 Loko mo tshuka mi hambuka mi ya exineneni kumbe eximatsini,+ mi ta twa rito endzhaku ka n’wina ri ku: “Ndlela hi leyi.+ Fambani ha yona.”
22 Mi ta nyenya swifaniso swa n’wina leswi mi tivumbeleke swona mi tlhela mi swi nameka silivhere ni nsuku.+ Mi ta swi cukumeta ku fana ni xilapana lexi tirhisiwaka hi wansati loko a ri enkarhini mi ku: “I thyaka!”+ 23 U ta nisa mpfula leyi nga ta mirisa mbewu leyi u yi byaleke,+ swakudya leswi nga ta tshoveriwa swi ta va swi tele swinene swi tlhela swi nona.+ Hi siku rero, swifuwo swa wena swi ta dyela emadyelweni lama pfulekeke.+ 24 Tihomu ni timbhongolo leti mi rimaka ha tona ti ta dya furu leyi lungiweke hi ximilana xo dzunga, leswi lunghiseleriweke hi foxolo ni foroko. 25 Etintshaveni hinkwato to leha ni le swintshabyanini hinkwaswo swo leha, ku ta va ni swinkobyana ni swindledyana swa mati,+ hi siku lerikulu ra ku lovisa loko swihondzo swi wa. 26 Ku vonakala ka n’weti ku ta fana ni ku vonakala ka dyambu; ku vonakala ka dyambu ku ta va ku phindhiwe ka nkombo,+ ku fana ni ku vonakala ka masiku ya nkombo, hi siku leri Yehovha a nga ta bandicha vanhu vakwe lava tshovekeke,+ a va horisa timbanga leti a va vangeleke tona.+
Nomu wakwe wu tele hi ku hlundzuka,
Ririmi rakwe ri fana ni ndzilo lowu vavulaka.+
29 Kambe risimu ra n’wina ri ta fana ni leri yimbeleriwaka nivusiku
Loko mi tilulamisela* nkhuvo,+
Mbilu ya wena yi ta tsaka
Ku fana ni munhu loyi a fambaka* ni xitiringo
A nghena entshaveni ya Yehovha, Ribye ra Israyele.+
30 Yehovha u ta endla leswaku mpfumawulo wa rito rakwe+ ro hlamarisa wu twiwa
U ta va komba voko rakwe+ loko ri ehla hikwalaho ka ku hlundzuka kakwe,+
Hi langavi ra ndzilo lowu vavulaka,+
Loko a ri karhi a lwa na vona enyimpini.+
U tate mugodi lowukulu hi tinyandza ta tihunyi,
Ndzilo ni tihunyi swi tele.
Yehovha u ta yi hisa hi moya wakwe
Lowu fanaka ni xivavula.
31 Khombo eka lava yaka eEgipta ku ya lava mpfuno,+
Lava tshembaka tihanci,+
Lava tshembaka makalichi ya nyimpi hi leswi ma nga tala,
Ni tihanci ta nyimpi* hikwalaho ka leswi ti nga ni matimba.
Kambe a va n’wi tshembi Mukwetsimi wa Israyele,
Naswona a va kombeli mpfuno eka Yehovha.
2 Na yena u tlharihile naswona u ta va herisa,
Leswi a swi vuleke swi ta endleka.
U ta lwa ni vaendli va leswo homboloka
Ni lava pfunaka lava endlaka leswo biha.+
Loko Yehovha a tlakusa voko rakwe,
Loyi a nga ta ringeta ku va pfuna u ta va ekhombyeni,
Kasi loyi a nga ta pfuniwa u ta wa;
Va ta herisiwa hi nkarhi wun’we.
4 Yehovha u ndzi byele a ku:
“Ku fana ni nghala leyi bongaka, xinghalana xa ntshiva lexi sirhelelaka nyama ya xona,
Hambiloko xo vitaneriwa varisi vo tala,
Marito ya vona a ma xi chavisi
A xi chavi hambiloko va ringeta ku xi chavisa,
Yehovha wa mavuthu na yena u ta endla tano loko a tela ku ta lwa nyimpi
A lwela Ntshava ya Siyoni ni xintshabyana xa yona.
5 Yehovha wa mavuthu u ta lwela muti wa Yerusalema,+ ku fana ni swinyenyana leswi sirhelelaka mavondlo ya swona.
U ta wu lwela, a tlhela a wu ponisa.
U ta wu sirhelela, a wu lamulela.”
6 “N’wina Vaisrayele, tlhelelani eka Loyi mi n’wi pfukeleke ni ku n’wi delela.+ 7 Hikuva hi siku rero, hinkwenu mi ta lahla swikwembu swa n’wina swa silivhere ni swa nsuku leswi nga pfuniki nchumu, leswi mi dyoheke hi ku swi endla.
8 Muasiriya u ta dlayiwa hi banga, kambe ku nga ri banga ra munhu;
U ta herisiwa hi banga, kambe ku nga ri banga ra munhu.+
U ta baleka hi ku chava banga,
Majaha yakwe ma ta endliwa mahlonga.
9 Loyi a n’wi tshembaka u ta baleka hikwalaho ko chava,
Tihosana ta yena ti ta chava loko ti vona mfungho,” ku vula Yehovha,
Loyi ku vonakala* kakwe ku nga eSiyoni, loyi xitiko xakwe xi nga eYerusalema.
2 Ha un’we wa vona u ta fana ni ndhawu yo tumbela eka yona loko ku ri ni moya,
Ndhawu yo tifihla loko ku ri ni xidzedze,
Ku fana ni swinambyana etikweni leri nga riki na mati,+
Ku fana ni ndzhuti wa ribye lerikulu etikweni leri omeke.
3 Matihlo ya lava vonaka a ma nge he pfaleki,
Ni tindleve ta lava twaka ti ta yingiserisisa.
4 Lava nga ni magugu va ta ehleketisisa hi vutivi,
Lava nghanghamelaka va ta vulavula kahle swi twala.+
5 A ku nge he vuriwi leswaku xiphukuphuku xa hanana,
Kasi loyi a nga tshembekiki a nge he vuriwi leswaku wa xiximeka;
6 Hikuva xiphukuphuku xi ta vulavula swilo leswi humeke endleleni,
Mbilu ya xona yi ta luka marhengu yo biha,+
Leswaku xi kucetela vanhu ku xandzukela Yehovha ni ku vulavula mavunwa ha yena,
Leswaku loyi a nga ni ndlala xi n’wi dlayisa ndlala,
Ni ku tsona la nga ni torha swonwa.
7 Tindlela ta lowo homboloka ti bihile;+
U kucetela van’wana mahanyelo yo biha,
U dlayisa loyi a nga ekhombyeni hi ku vulavula mavunwa,+
Hambiloko xisiwana xi vulavula ntiyiso.
8 Kambe lowo lulama u ni makungu ya leswinene,
U ya emahlweni a endla leswinene.
9 “N’wina vavasati lava tshamisekeke, pfukani mi ndzi yingisa!
N’wina vanhwanyana lava nga riki na mhaka na nchumu,+ yingisani leswi ndzi swi vulaka!
10 Ku nga si hela lembe, n’wina lava nga riki na mhaka na nchumu mi ta rhurhumela,
Hikuva ku ta va ku nga tshoveriwanga nchumu loko nkarhi wo tshovela madiriva wu hela.+
11 Rhurhumelani, n’wina vavasati lava tshamisekeke!
Rhurhumelani, n’wina lava nga riki na mhaka na nchumu!
Hluvulani swiambalo hinkwaswo,
Mi ambala swiambalo swo khwaxa emasengeni.+
12 Kalakalani, mi timbeyetela
Mi rilela masimu ya n’wina lamanene ni mirhi ya madiriva leyi vekaka kahle.
13 Hikuva masimu ya vanhu va mina ma ta tala hi mitwa ni swihlohlwana;
Swi ta tsondzela tiyindlu leti a va tsaka eka tona,
Swi ta va tano emutini wa ntsako.+
Ofeli+ ni xihondzo xa varindzi swi hundzuke mananga,
Timbhongolo ta nhova ti tshama kona,
I madyelo ya swifuwo,+
15 Ku fikela loko hi chululeriwa moya ku suka etilweni,+
Mananga ma ta hundzuka ntanga wa mihandzu,
Ntanga lowu wu ta fana ni khwati.+
17 Ku ta va ni ku rhula+ hikwalaho ka ku lulama loku nga ta va kona,
Naswona mihandzu ya ku lulama ku ta va ku rhula ni nsirhelelo.+
18 Vanhu va mina va ta tshama endhawini yo rhula,
Etindlwini leti sirhelelekeke laha ku nga riki na pongo.+
19 Kambe xihangu xi ta herisa khwati,
Muti wu ta sala wu nga ri na nchumu.
Loko u heta ku lovisa, na wena u ta lovisiwa.+
Loko u heta ku xenga, na wena u ta xengiwa.
2 Yehovha Xikwembu xa hina, hi twele vusiwana.+
Hi tshembe wena.
3 Vanhu va baleka loko va twa mpfumawulo wa hasahasa.
Matiko ma hangalaka loko u humelela.+
4 Mi ta tekeriwa leswi mi swi phangeke enyimpini, ku fana ni tinjiya leti dyaka ku sala ku lo paa!
Vanhu va ta swi tsutsumela ku fana ni ntungu wa tinjiya.
5 Yehovha u ta dzunisiwa,
Hikuva u tshama ematilweni.
U ta tata Siyoni hi vululami ni ku lulama.
6 Hi yena loyi a nga ta ku tiyisa hi masiku;
U ni matimba yo ponisa,+ vutlhari, vutivi ni ku chava Yehovha,+
Lexi i xuma xakwe.
7 Vonani! Tinghwazi ta vona ta huwelela exitarateni;
Lava rhumiweke ku ya kombela ku rhula va rila hi xiviti.
8 A ka ha ri na munhu emagondzweni;
A ku na munhu etindleleni.
Lebanoni wu khomisiwe tingana;+ wu borile.
Saroni wu hundzuke mananga,
Kasi Baxani na Karimeli yi dzudza matluka ya yona.+
11 Mi tika byanyi byo oma mi veleka mahlanga.
Mianakanyo ya n’wina yi ta mi hisa, ku fana ni ndzilo.+
12 Vanhu va ta hela ku sala nkuma.
Va ta hisiwa ku fana ni mitwa leyi tsemiweke.+
13 N’wina lava nga ekule, yingisani leswi ndzi nga ta swi endla!
N’wina lava nga ekusuhi, pfumelani leswaku ndzi ni matimba.
‘I mani loyi a nga tshamaka laha ku nga ni ndzilo lowu hisaka?+
I mani loyi a nga tshamaka ni malangavi lama nga timelekiki?’
15 Loyi a yaka emahlweni a famba hi ku lulama,+
Loyi a vulavulaka leswinene,+
Loyi a nga rhandziki vukanganyisi,
Loyi mavoko yakwe ma alaka xifumbarheriso ematshan’weni yo xi vutla,+
Loyi a tipfalaka tindleve loko ku vulavuriwa hi ku halata ngati,
Loyi a pfalaka matihlo leswaku a nga voni leswo biha
16 U ta tshama ehenhla ka tintshava;
U ta tumbela endhawini leyi nga ni maribye,
U ta nyikiwa xinkwa,
U ta tshama a ri ni mati.”+
17 Matihlo ya wena ma ta vona hosi emfun’weni wa yona wo saseka;
U ta vona tiko leri nga ekule.
18 U ta tsundzuka* maxangu lawa u ma voneke:
“U kwihi matsalana?
U kwihi loyi a a hlayela xibalo?+
U kwihi loyi a a hlayela swihondzo?”
19 U nge he va voni vanhu lava delelaka,
Vanhu va ririmi leri nga twisisekiki,*
Lava ririmi ra vona leri nghanghamelaka u nga ta ka u nga ri twisisi.+
20 Vonani Siyoni, muti lowu hi endlelaka mikhuvo eka wona!+
Mi ta vona Yerusalema wu ri ndhawu yo rhula,
Tende leri nga ta ka ri nga susiwi.+
Timhingu ta rona a ti nge simuriwi,
Ni tintambu ta rona a ti nge tsemiwi.
21 Kambe Muchaviseki Lonkulu, Yehovha,
U ta hi sirhelela ku fana ni milambu ni migerho* leyikulu leyi sirhelelaka tiko,
Laha swikepe swa nyimpi swi nga ta ka swi nga ti,
Ni swikepe leswikulu a swi nge swi koti ku hundza.
22 Hikuva Yehovha i Muavanyisi wa hina,+
Yehovha i Munyiki wa hina wa Nawu,+
Yehovha i Hosi ya hina;+
Hi yena Loyi a nga ta hi ponisa.+
23 Tintambu ta wena ti ta tshunxeka;
A ti nge swi koti ku yimisa timhandzi ta xikepe kumbe ku gwimba seyila.
Hi nkarhi wolowo va ta avelana swilo swo tala leswi va swi phangeke;
Hambi lava lamaleke va ta phanga swo tala.+
24 Ku hava munhu loyi a tshamaka kona loyi a nga ta ku: “Ndza vabya.”+
Lava tshamaka etikweni rero va ta va va rivaleriwe xidyoho xa vona.+
34 Tshinelani n’wina matiko mi ta twa,
Yingiserisisani, n’wina vanhu.
Misava ni leswi nga eka yona a swi yingise,
Misava ni hinkwaswo leswi nga eka yona.
U ta ma lovisa;
U ta ma dlaya.+
3 Lava dlayiweke va ta cukumetiwa,
Risema ra mitsumbu ya vona ri ta twala hinkwako;+
Tintshava ti ta xiririka ngati ya vona.+
4 Swilo hinkwaswo leswi nga ematilweni swi ta bola,
Matilo ma ta songiwa, ku fana ni buku leyi songiwaka.
Swilo hinkwaswo leswi nga eka wona swi ta vuna,
Ku fana ni tluka ro vuna leri waka emurhini wa madiriva
Ku fana ni kuwa ro vuna.
5 “Hikuva banga ra mina ri ta tsakamisiwa ematilweni.+
Ndzi ta xupula Edomu hi rona,+
Vanhu lava ndzi tiyimiseleke ku va lovisa.
6 Yehovha u ni banga; ri ta tala hi ngati.
Hikuva Yehovha u ta endla gandzelo eBosira,
U ta dlaya vanhu vo tala etikweni ra Edomu.+
7 Va ta dlayiwa ni tinkuzi ta nhova,
Swinkuzana ni lava nga ni matimba.
Tiko ra vona ri ta tala hi ngati,
Ritshuri ra tiko ra vona ri ta tala hi mafurha.”
8 Yehovha u hlawule siku leri a nga ta rihisela ha rona,+
Lembe leri a nga ta rihisela Siyoni ha rona eka valala vakwe.+
9 Swinambyana swa yena* swi ta hundzuka xikontiri,
Ritshuri ra yena ri ta hundzuka xivavula,
Tiko rakwe ri ta fana ni xikontiri lexi pfurhaka.
10 Wu ta pfurha vusiku ni nhlikanhi;
Musi wa wona wu ta tuvika hilaha ku nga heriki.
Wu ta va rhumbi hilaha ku nga heriki;
A ku nge he tsemakanyi munhu eka wona hilaha ku nga heriki.+
11 Gumba ni nungu swi ta tshama kona,
Swikhovha swa tindleve letikulu ni mawukuwuku* swi ta tshama kona.
Xikwembu xi ta tirhisa ntambhu ku pima tiko leri, ku komba leswaku
Ri ta sala ri ri rhumbi ri tlhela ri nga ha pfuni nchumu.
12 Ku hava ni un’we eka vanhu vakwe lava xiximekaka loyi a nga ta va hosi,
Tihosana takwe a ti nge he vi kona.
13 Ku ta mila mitwa, nhova ni swihlohlwana eswihondzweni ni le mitini yakwe leyi biyeriweke,
Ku ta va kaya ra timhungubye,+
Ku ta va xivala xa tinca.*
14 Swiharhi swa le mananga swi ta hlangana ni swiharhi leswi vukulaka,
Mbuti ya nhova yi ta vitana vanghana va yona.
Makhuhunu ma ta tshama kona, ma ta wisa kwalaho.
15 Nyoka yi ta endla xisaka kwalaho kutani yi tshikela matandza,
Yi ta ma tlhotlhorha yi ma hlengeleta endzhutini.
Van’warikapanyana va ta hlengeletana kona, un’wana ni un’wana ni munghana wakwe.
16 Lavisisani ebukwini ya Yehovha, mi yi hlayela ehenhla:
Ku hava lexi nga riki kona;
A xi kona ni xin’we lexi nga riki na munghana,
Hikuva i xileriso lexi humaka eka Yehovha,
Swi hlengeletiwe hi moya wakwe.
17 Hi Yena loyi a swi hoxeleke vuhlolotwana,*
Voko rakwe ri swi avele ndhawu hi ku tirhisa ntambhu yo pima.
Swi ta tshama eka yona hi masiku;
Swi ta tshama kona hilaha ku nga heriki.
35 Mananga ni ndhawu leyi nga riki na mati swi ta tsaka,+
Ni ndhawu leyi nga mananga yi ta tsaka, yi rhumbuka kukota safroni.+
Va ta vona ku vangama ka Yehovha, ku xiximeka ka Xikwembu xa hina.
4 Byelani lava vilelaka mi ku:
“Tiyani. Mi nga chavi.
Vonani! Xikwembu xa n’wina xi ta ta xi ta rihisela,
Xikwembu xi ta xupula.+
Xi ta ta xi ta mi ponisa.”+
5 Hi nkarhi wolowo matihlo ya lava nga voniki ma ta pfuriwa,+
Ni tindleve ta lava nga twiki ti ta pfuriwa.+
6 Hi nkarhi wolowo loyi a lamaleke u ta tlula ku fana ni mhunti,+
Ni ririmi ra loyi a nga vulavuliki ri ta huwelela hi ku tsaka.+
Hikuva ku ta pfelela mati emananga,
Ni swinambyana etindhawini leti nga mananga.
7 Misava leyi tshweke hi mumu yi ta va xidziva lexi nga ni tinhlanga,
Ku ta va ni swihlovo laha a ku omile.+
Etindhawini leti timhungubye ti wiselaka eka tona+
Ku ta va ni byanyi bya rihlaza, tinhlanga ni swimilana swa papirasi.
Loyi a nga basangiki a nge fambi eka yona.+
Yi vekeriwe ntsena lava nga ni mfanelo yo famba eka yona;
Swiphukuphuku a swi nge fambi eka yona.
9 Kwalaho a ku nge vi na nghala,
Ni swivandzana a swi nge vi kona.
10 Lava ponisiweke hi Yehovha va ta vuya+ kutani va ya eSiyoni va ri karhi va ba mikulungwana.+
Va ta tsaka hilaha ku nga heriki.+
Va ta tsaka swinene,
Gome ni nhlomulo swi ta hela.+
36 Hi lembe ra vu-14 ra ku fuma ka Hosi Hezekiya, Senakeribi hosi ya Asiriya+ u te a ta hlasela miti hinkwayo leyi biyeriweke ya le Yuda, kutani a yi hlula.+ 2 Endzhaku ka sweswo hosi ya Asiriya yi rhuma Rabuxake*+ ku suka eLakixi+ a ya eYerusalema eka Hosi Hezekiya, a ri ni masocha yo tala swinene. Kutani va fika va yima emugerhweni+ wa le henhla lowu nga endleleni leyi yaka ensin’wini ya muhlantswi.+ 3 Hiloko ku huma Eliyakimi+ n’wana wa Hilkiya loyi a a hlayisa ndyangu wa hosi na Xebina+ loyi a a ri matsalana na Yowa n’wana wa Asafa mutsari wa matimu va ya hlangana na yena.
4 Hiloko Rabuxake a ku eka vona: “Ndzi kombela mi ya byela Hezekiya mi ku, ‘Hosi leyikulu, hosi ya Asiriya yi ri: “Xana u tshembe yini?+ 5 U ri, ‘Ndzi tiva ku lwa nyimpi,’ kambe a wu tivi nchumu. Xana u tshembe mani lerova u kanya mbilu u ndzi pfukela?+ 6 Vona! U tshembe ku seketeriwa hi rihlanga leri, leri tshovekeke, ku nga Egipta, leri loko munhu a tiseketela ha rona ri nga ta nghena exandleni xakwe ri xi tlhava. Faro hosi ya Egipta u tano eka hinkwavo lava n’wi tshembaka.+ 7 Loko mi ku, ‘Hi tshembe Yehovha Xikwembu xa hina,’ xana a hi yena loyi tindhawu takwe leti tlakukeke ni tialtari takwe swi susiweke hi Hezekiya,+ kasi hi hala tlhelo u byela vanhu va Yuda ni va Yerusalema a ku, ‘Mi fanele mi gandzela ealtarini leyi’?” ’+ 8 Kutani ndzi kombela u bejelana ni hosi ya mina, hosi ya Asiriya:+ Ndzi ta ku nyika tihanci ta 2 000 ku vona loko u ta swi kota ku kuma vanhu lava nga ta ti gada. 9 Xana u ta swi kota ku hlula hambi ko va ndhuna yin’we leyi nga nandza lontsongo wa hosi ya mina, leswi wa ha titshegaka hi Egipta leswaku ri ku nyika makalichi ni vagadi va tihanci? 10 Xana a hi Yehovha loyi a ndzi nyikeke mpfumelelo wo hlasela tiko leri ndzi ri lovisa? Yehovha u ndzi byele a ku, ‘Famba u ya hlasela tiko leri u ri lovisa.’ ”
11 Hiloko Eliyakimi na Xebina+ na Yowa va ku eka Rabuxake:+ “Hi kombela u vulavula ni malandza ya wena hi Xiaramu,*+ hikuva ha xi twa; u nga vulavuli na hina hi ririmi ra Vayuda hikuva lava nga ekhumbini va swi twa.”+ 12 Kambe Rabuxake a ku: “Xana hosi ya mina yi ndzi rhume ku vulavula ni hosi ya n’wina na n’wina ntsena? Xana a yi ndzi rhumanga ni le ka vanhu lava tshameke ehenhla ka khumbi, lava nga ta dya thyaka ra vona va tlhela va nwa ni mitsakamiso ya vona swin’we na n’wina?”
13 Hiloko Rabuxake a yima, a huwelela hi ririmi ra Vayuda+ a ku: “Twanani rito ra hosi leyikulu, hosi ya Asiriya.+ 14 Hosi yi ri, ‘Mi nga xisiwi hi Hezekiya, hikuva a nge swi koti ku mi ponisa.+ 15 Naswona mi nga pfumeli loko Hezekiya a mi kucetela ku tshemba Yehovha,+ a ku: “Yehovha u ta hi ponisa, hosi ya Asiriya a yi nge wu hluli muti lowu.” 16 Mi nga n’wi yingisi Hezekiya, hikuva hosi ya Asiriya yi ri: “Endlani ku rhula na mina mi tinyiketa, kutani un’wana ni un’wana wa n’wina u ta dya emurhini wakwe wa madiriva ni le nkuweni wakwe, a nwa ni mati exihlobyeni xakwe, 17 kukondza ndzi ta ndzi mi yisa etikweni leri fanaka ni tiko ra n’wina,+ tiko ra koroni ni vhinyo leyintshwa, tiko ra xinkwa ni masimu ya madiriva. 18 Mi nga pfumeli ku xisiwa hi Hezekiya a ku, ‘Yehovha u ta hi ponisa.’ Xana swikwembu swa matiko laman’wana swi swi kotile ku ponisa matiko ya swona eka hosi ya Asiriya?+ 19 Swi kwihi swikwembu swa Hamati na Aripadi?+ Swi kwihi swikwembu swa Sefaravhayimi?+ Xana swi swi kotile ku ponisa Samariya eka mina?+ 20 Xana xi kona xikwembu eka swikwembu hinkwaswo swa matiko wolawo lexi koteke ku ponisa vanhu va xona eka mina, lerova mi tshemba leswaku Yehovha u ta ponisa Yerusalema evokweni ra mina?” ’ ”+
21 Kambe va miyela va ku whii, hikuva hosi a yi va lerise yi ku, “Mi nga n’wi hlamuli.”+ 22 Hiloko Eliyakimi n’wana wa Hilkiya loyi a a hlayisa ndyangu* wa hosi, Xebina+ loyi a a ri matsalana na Yowa n’wana wa Asafa mutsari wa matimu, va ta eka Hezekiya va handzule swiambalo swa vona, va fika va n’wi byela leswi Rabuxake a swi vuleke.
37 Loko Hosi Hezekiya a twa marito wolawo, a handzula swiambalo swakwe a ambala xiambalo* xo khwaxa kutani a nghena endlwini ya Yehovha.+ 2 Kutani a rhuma Eliyakimi loyi a a hlayisa ndyangu* wa hosi, Xebina loyi a a ri matsalana ni vaprista lava rhangelaka va ambale swiambalo swo khwaxa, va ya eka muprofeta Esaya+ n’wana wa Amotsi. 3 Va fika va ku eka yena: “Hezekiya u ri, ‘Leri i siku ra maxangu, ra ku tshinyiwa ni ra tingana; hikuva vana va lunghekele ku velekiwa kambe matimba ya ku veleka a ma kona.+ 4 Kumbexana Yehovha Xikwembu xa wena u ta twa marito ya Rabuxake, loyi a rhumiweke hi hosi ya Asiriya, hosi yakwe, leswaku a ta sandza Xikwembu lexi hanyaka+ naswona u ta n’wi xupula hikwalaho ka marito lawa Yehovha Xikwembu xa wena a ma tweke. Kutani khongelela+ hinkwavo lava saleke.’ ”+
5 Hiloko malandza ya Hosi Hezekiya ma ya eka Esaya,+ 6 Esaya a ku eka wona: “Mi fanele mi byela hosi ya n’wina mi ku, ‘Yehovha u ri: “U nga chavisiwi+ hi marito lawa u nga ma twa, lawa malandza ya hosi ya Asiriya+ ma ndzi rhukaneke ha wona. 7 Ndzi ta nghenisa miehleketo yin’wana eka yena kutani u ta twa xiviko a tlhelela etikweni rakwe;+ naswona ndzi ta n’wi herisa hi banga etikweni rakwe.” ’ ”+
8 Loko Rabuxake a twa leswaku hosi ya Asiriya yi sukile eLakixi, a tlhelela eka yona a kuma leswaku yi le ku lweni ni muti wa Libna.+ 9 Kutani hosi yi twa ku vuriwa leswi mayelana na Hosi Tiraka wa le Etiyopiya: “U tile ku ta lwa na wena.” Loko yi twa leswi yi tlhele yi rhuma malandza ya yona eka Hezekiya,+ yi ku: 10 “Mi fanele mi byela Hosi Hezekiya wa le Yuda mi ku, ‘U nga pfumeli ku xisiwa hi Xikwembu xa wena lexi u xi tshembaka, loko xi ku: “Yerusalema a wu nge hluriwi hi hosi ya Asiriya.”+ 11 Vona! U swi twile leswi tihosi ta Asiriya ti swi endleke eka matiko hinkwawo hi ku ma lovisa.+ Xana wena u ri wexe u ta pona? 12 Xana swikwembu swa matiko lawa vakokwa wa mina va ma loviseke swi swi kotile ku ma ponisa?+ Swi kwihi swikwembu swa Gozana, Harani,+ Resefi ni swa vanhu va le Edeni lava a va ri eTela-asara? 13 Yi kwihi hosi ya Hamati, hosi ya Aripadi ni hosi ya miti ya Sefaravhayimi+ ni ya Hena ni ya Ivha?’ ”
14 Hezekiya a teka mapapila eka lava rhumiweke a ma hlaya. Kutani a ya endlwini ya Yehovha a fika a ma phurumula a ma veka emahlweni ka Yehovha.+ 15 Hiloko Hezekiya a sungula ku khongela eka Yehovha+ a ku: 16 “Yehovha wa mavuthu,+ Xikwembu xa Israyele, loyi a tshameke ehenhla* ka makerubu, hi wena ntsena Xikwembu xa ntiyiso eka mifumo hinkwayo ya misava. U endle matilo ni misava. 17 Yehovha Xikwembu xanga, rhiya ndleve u yingisa.+ Pfula matihlo ya wena, Yehovha Xikwembu xanga u vona!+ Twana marito hinkwawo ya Senakeribi lawa a ma rhumeleke leswaku a tlhontlha Xikwembu lexi hanyaka.+ 18 Yehovha, i ntiyiso leswaku tihosi ta Asiriya ti herise matiko hinkwawo+ ku katsa ni tiko ra tona. 19 Naswona ti hoxe swikwembu swa wona endzilweni,+ hikuva a swo va swikwembu leswi endliweke hi vanhu ntsena,+ leswi endliweke hi ntsandza ni ribye. Hi yona mhaka ti koteke ku swi herisa. 20 Kambe sweswi, Yehovha Xikwembu xa hina, hi ponise evokweni ra yena, leswaku mifumo hinkwayo ya misava yi ta swi tiva leswaku wena u ri wexe u Xikwembu, wena Yehovha.”+
21 Kutani Esaya n’wana wa Amotsi a rhumela rito leri eka Hezekiya a ku: “Yehovha Xikwembu xa Israyele u ri, ‘Leswi u khongeleke eka mina mayelana na Hosi Senakeribi wa le Asiriya,+ 22 Yehovha u vula leswi mayelana na yena:
“Nhwana wa Siyoni u ku langutele ehansi, wa ku hleka.
Nhwanyana wa Yerusalema u ku hlakahlele nhloko.
23 I mani loyi u n’wi delelaka+ u tlhela u n’wi sandza?
Xana u tlakusa rito u tlakusela mani+
U tlhela u lundzula ni matihlo ya wena?
U swi endlela Mukwetsimi wa Israyele!+
24 U tlhontlhe Yehovha+ hi ku tirhisa malandza ya wena u ku,
‘Ndzi ta khandziya tintshava leti tlakukeke+
Hi makalichi ya mina yo tala ya nyimpi,
Ndzi ta fika ni le tindhawini leti nga ekule swinene ta Lebanoni.
Ndzi ta tsema mikedari ya wona leyikulu ni mirhi ya wona ya yunipa leyinene.
Ndzi ta nghena ni le tindhawini ta wona leti tlakukeke ni le makhwatini ya wona lama tlhumeke.
25 Ndzi ta cela swihlovo ndzi nwa mati;
Ndzi ta omisa swinkobyana swa le Egipta hi mikondzo ya mina.’
26 Xana a wu swi twanga?
Swi hleriwe khale swinene.
Ndzi swi hlele masikundzhaku.+
Sweswi ndzi ta swi endla.+
U ta endla leswaku miti leyi biyeriweke yi va marhumbi.+
27 Vaaki va yona va ta hela matimba;
Va ta chava va khomiwa hi tingana.
Va ta fana ni swimilana swa nhova ni byanyi bya rihlaza,
Ku fana ni byanyi lebyi fuleleke lwangu loko byi biwa hi moya wa le vuxeni.
28 Kambe ndzi swi tiva kahle loko u tshama, loko u huma, loko u nghena,+
Ni loko u ndzi hlundzukerile,+
29 Hikuva ndzi ku twile ku kariha+ ka wena ni ku vomba ka wena.+
Kutani ndzi ta veka xiove xa mina enhompfini ya wena ni tomu+ ra mina emilon’wini ya wena,
Ndzi ta ku rhangela ndzi ku tlherisela endzhaku hi ndlela leyi u nga ta ha yona.”
30 “ ‘Lexi xi ta va xikombiso xa wena: Lembe leri, mi ta dya leswi nga ta timilela; kasi elembeni ra vumbirhi, mi ta dya leswi nga ta hluka eka swoleswo; kambe hi lembe ra vunharhu, mi ta byala mi tlhela mi tshovela, mi ta tlhela mi rima masimu ya madiriva mi dya mihandzu ya kona.+ 31 Vanhu va le Yuda lava nga ta baleka, lava nga ta sala va hanya,+ va ta dzima timitsu ti ya ehansi kutani va tswala mihandzu. 32 Hikuva lava saleke va ta huma eYerusalema ni lava poneke eNtshaveni ya Siyoni.+ Yehovha wa mavuthu u ta swi endla sweswo hikuva u tiyimiserile.+
33 “ ‘Hikwalaho Yehovha u vula leswi mayelana ni hosi ya Asiriya:+
“A yi nge ngheni emutini+ lowu
Kumbe yi wu copa hi nseve
Kumbe yi wu tshinelela hi xitlhangu
Kumbe yi aka makhumbi yo yi pfuna ku wu hlasela.” ’+
34 ‘Yi ta tlhela hi ndlela leyi yi teke ha yona;
A yi nge ngheni emutini lowu,’ ku vula Yehovha.
35 ‘Ndzi ta lwela muti lowu+ ndzi wu ponisa hikwalaho ka mina+
Ni hikwalaho ka Davhida nandza wa mina.’ ”+
36 Hiloko ntsumi ya Yehovha yi huma yi ya dlaya masocha ya 185 000 enxaxeni wa Vaasiriya. Loko vanhu va pfuka nimpundzu, va vone mitsumbu.+ 37 Kutani Hosi Senakeribi wa Asiriya a suka a famba a tlhelela eNinivha+ a fika a tshama kona.+ 38 Loko a ha khinsame endlwini* ya Nisiroko xikwembu xakwe, vana vakwe Adrameleke na Xarezere, va n’wi dlaya hi banga+ kutani va balekela etikweni ra Ararati.+ Hiloko Esari-hadoni+ n’wana wakwe a va hosi.
38 Emasikwini wolawo Hezekiya a vabyela ku fa.+ Hiloko muprofeta Esaya+ n’wana wa Amotsi a ya eka yena a fika a ku, “Yehovha u ri: ‘Nyika vandyangu wa wena swileriso hikuva u ta fa; a wu nge holi.’ ”+ 2 Loko Hezekiya a twa sweswo a hundzuluka a languta ekhumbini kutani a sungula ku khongela eka Yehovha a ku: 3 “Yehovha Xikwembu xanga, ndzi kombela u tsundzuka+ ndlela leyi ndzi ku tirheleke ha yona hi ku tshembeka ni hi mbilu hinkwayo+ naswona ndzi endle leswinene emahlweni ka wena.” Kutani Hezekiya a sungula ku rila hi xiviti.
4 Hiloko Yehovha a byela Esaya a ku: 5 “Tlhela u ya byela Hezekiya+ u ku, ‘Yehovha Xikwembu xa Davhida kokwa wa wena u ri: “Xikhongelo+ xa wena ndzi xi twile. Ndzi yi vonile ni mihloti+ ya wena. Ndzi ta engetela masiku ya wena ya ku hanya hi malembe ya 15,+ 6 naswona ndzi ta ku ponisa wena ni muti lowu eka hosi ya Asiriya, ndzi ta sirhelela muti lowu.+ 7 Hi lexi xikombiso lexi humaka eka Yehovha lexi nga ta ku komba leswaku Yehovha u ta swi endla leswi a swi vuleke:+ 8 Ndzi ta endla leswaku ndzhuti wa dyambu lowu nga eswitepisini swa Akazi wu tlhelela endzhaku hi magoza ya khume.” ’ ”+ Hiloko dyambu ri tlhelela endzhaku eswitepisini hi magoza ya khume hambileswi se a ri hundzile eswitepisini swoleswo.
9 Leswi swi tsariwe hi Hosi Hezekiya wa le Yuda hi nkarhi lowu a a vabya ni loko se a horile.
Ndzi ta tsoniwa malembe ya mina lama saleke.”
11 Ndzi te: “A ndzi nge n’wi voni Yehovha,* yena Yehovha, etikweni ra lava hanyaka.+
A ndzi nge he va voni vanhu
Hikuva ndzi ta va ndzi ri ni lava feke.
12 Ndzi tekeriwe ndhawu ya mina+
Ku fana ni tende ra murisi.
Ndzi songe vutomi bya mina ku fana ni loko muluki a petsa lapi;
U ndzi tsema ku fana ni tiharhani emakumu ka lapi.
Ku sukela nimpundzu ku ya fika nivusiku u ndzi tshineta eku feni.+
13 Ndzi tikhongoterile ku fikela nimixo.
U tshamela ku pfotlosa marhambu ya mina hinkwawo ku fana ni nghala;
Ku sukela nimpundzu ku ya fika nivusiku u ndzi tshineta eku feni.+
14 Ndzi tshamela ku rila ku fana ni mbewulana kumbe xinyenyana lexitsongo;+
Ndzi tshamela ku konya ku fana ni tuva.+
Matihlo ya mina ma karhala hi ku languta ehenhla:+
‘Yehovha Xikwembu xanga, ndzi tshikilelekile;
Ndzi seketele!’+
15 Ndzi ta ku yini?
U vulavule na mina a tlhela a teka goza.
Ndzi ta titsongahata vutomi bya mina hinkwabyo
Hikwalaho ka maxangu lawa ndzi nga na wona.
U ta endla leswaku ndzi hola u tlhela u ndzi hlayisa.+
17 Waswivo! Ematshan’weni ya ku rhula, ndzi ve ni maxangu lamakulu;
Kambe hikwalaho ka rirhandzu ra wena,
U ndzi kutsurile emugodini wa rifu.+
U lahlele swidyoho swa mina ekule.+
Lava yaka emugodini a va nge he ku voni ku tshembeka ka wena.+
19 Lava hanyaka, lava hanyaka va nga ku dzunisa,
Hilaha ndzi nga endlaka hakona namuntlha.
Tatana a nga dyondzisa vana vakwe hi ta ku tshembeka ka wena.+
Masiku hinkwawo ya vutomi bya hina endlwini ya Yehovha.’ ”+
21 Hiloko Esaya a ku: “Tisani khekhe leri endliweke hi makuwa lama omisiweke, mi ri bohelela ehenhla ka rhumba leswaku a ta hola.”+ 22 Hezekiya a a vutise a ku: “Ndzi ta swi tivisa ku yini leswaku ndzi ta ya endlwini ya Yehovha?”+
39 Hi nkarhi wolowo hosi ya Babilona, Merodaka-baladani n’wana wa Baladani, a rhumela mapapila ni nyiko eka Hezekiya,+ hikuva a a swi twile leswaku a a vabya kambe se u horile.+ 2 Hezekiya a va amukela hi mandla mambirhi kutani a va komba laha a vekaka kona xuma,+ silivhere, nsuku, mafurha ya balsama, mafurha man’wana ya nkoka, matlhari yakwe hinkwawo ni swilo hinkwaswo leswi a swi ri laha a hlayiselaka kona xuma. Ku hava nchumu lowu Hezekiya a nga va kombangiki wona endlwini* yakwe ni le mfun’weni wakwe hinkwawo.
3 Endzhaku ka sweswo, muprofeta Esaya a ya eka Hosi Hezekiya a fika a n’wi vutisa a ku: “Xana vavanuna lava va te yini naswona va huma kwihi?” Hiloko Hezekiya a ku: “Va huma etikweni ra le kule, eBabilona.”+ 4 A tlhela a vutisa a ku: “Va vone yini endlwini ya wena?” Hezekiya a ku: “Va vone swilo hinkwaswo leswi nga endlwini* ya mina. Ku hava nchumu ni wun’we lowu ndzi nga va kombangiki wona laha ndzi vekaka kona xuma.”
5 Hiloko Esaya a byela Hezekiya a ku: “Twana leswi Yehovha wa mavuthu a swi vulaka, 6 ‘Yingisa! Masiku ma ta naswona hinkwaswo leswi nga endlwini* ya wena ni hinkwaswo leswi vakokwa wa wena va swi siyeke ku fikela namuntlha, swi ta rhwariwa swi yisiwa eBabilona. A ku nge sali nchumu,’+ ku vula Yehovha.+ 7 ‘Naswona van’wana va vana va wena, va ta tekiwa va ya tirha ehubyeni endlwini ya vuhosi eBabilona.’ ”+
8 Hiloko Hezekiya a byela Esaya a ku: “Leswi Yehovha a ku byeleke swona i swinene.” A tlhela a ku: “Hikuva ku ta va ni ku rhula ni ntshamiseko* loko ndza ha hanya.”+
40 Xikwembu xa n’wina xi ri: “Chavelelani, chavelelani vanhu va mina.+
2 Khongotelani Yerusalema,
Mi n’wi byela leswaku vuhlonga bya yena byi herile,
Ni leswaku u rivaleriwe swihoxo swakwe.+
Yehovha u n’wi xupurile swinene hikwalaho ka swidyoho swakwe hinkwaswo.”+
3 Rito ra loyi a huwelelaka emananga ri ri:
“Basisani* ndlela ya Yehovha!+
Endlelani Xikwembu xa hina gondzo lerikulu+ leri hundzaka hi le mananga.+
4 Minkova hinkwayo a yi seleteriwe,
Tintshava hinkwato ni swintshabyana a swi hirimuxiwe.
Laha ku nga ni tindhundhuma a ku levheriwe,
Ni misava leyi nga ni maribye yi va rivala ra le nkoveni.+
6 Yingisa! Ku ni loyi a nge: “Huwelela!”
Un’wana u ri: “Ndzi huwelela ndzi ku yini?”
“Vanhu hinkwavo va fana ni byanyi bya rihlaza.
Rirhandzu ra vona ra ntiyiso ri fana ni swiluva swa nhova.+
Hakunene vanhu va fana ni byanyi bya rihlaza.
8 Byanyi bya rihlaza bya oma,
Swiluva swa vuna,
Kambe rito ra Xikwembu xa hina ri tshama hilaha ku nga heriki.”+
Huwelela swinene,
Wena wansati loyi a tisaka mahungu lamanene eYerusalema.
U nga chavi, huwelela.
Byela miti ya le Yuda u ku: “Hi lexi Xikwembu xa n’wina.”+
Vonani! U ta ni hakelo,
U khome muholo.+
11 U ta risa ntlhambi wakwe ku fana ni murisi.+
U ta hlengeleta swinyimpfana hi voko rakwe,
U ta swi veka exifuveni xakwe.
U ta khathalela tinyimpfu leti mamisaka.+
12 I mani loyi a pimeke mati hi voko rakwe+
A tlhela a pima ni matilo hi xandla* xakwe?
I mani loyi a hlengeleteke ntshuri wa misava+
Kumbe a kala tintshava
Ni swintshabyana hi swikalo?
13 I mani loyi a pimeke* moya wa Yehovha,
Naswona i mani loyi a nga n’wi dyondzisaka tanihi mutsundzuxi wakwe?+
14 Xana u vutise mani leswaku a ta va ni ku twisisa,
Kumbe i mani loyi a n’wi dyondzisaka ndlela ya vululami,
Kumbe a n’wi dyondzisaka vutivi,
Kumbe a n’wi komba ndlela ya ku twisisa ka ntiyiso?+
Vonani! U tlakula swihlala ku fana ni ntshuri.
16 Hambi ku ri mirhi ya Lebanoni a yi nge ringani ku endla ndzilo wu tshama wu ri karhi wu pfurha,
Ni swiharhi swa kona a swi nge ringani ku endla gandzelo ro hisiwa.
17 Matiko hinkwawo ma fana ni nchumu lowu nga riki kona eka yena;+
U ma teka ma nga ri nchumu, i xilo lexi nga riki kona.+
18 Xana Xikwembu mi nga xi fanisa na mani?+
Mi nga ku xi fana na yini?+
19 Loyi a nga ni vutshila u vumbe xifaniso,
Loyi a tirhaka hi nsimbhi a xi nameka nsuku,+
A endla ni tinketana ta silivhere.
A lava munhu loyi a nga ni vuswikoti,
Leswaku a vatla xifaniso lexi nga ta ka xi nga wi.+
21 Xana a mi swi tivi?
Xana a mi swi twangi?
Xana a mi byeriwanga ku sukela eku sunguleni?
Xana a mi twisisanga ku sukela emasungulweni ya misava?+
22 Ku ni Loyi a tshamaka ehenhla ka misava leyi nga xirhendzevutana,+
Lava tshamaka eka yona va fana ni tinjiya.
U andlala matilo ku fana ni nguvu yo vonikela,
U ma andlala ku fana ni tende ro tshama eka rona.+
23 Eka yena matimba ya tindhuna a hi nchumu,
Vaavanyisi* va misava va fana ni loko va nga ri kona eka yena.
24 A va si simekiwa,
A va si byariwa,
Xikundzu xa vona a xi si dzima timitsu emisaveni,
Naswona va hungiwa hi moya va oma,
Kutani moya wu va rhwala ku fana ni mavivi.+
25 Mukwetsimi u ri: “Xana mi nga ndzi fanisa na mani? Naswona i mani loyi a ringanaka na mina?
26 Langutani ematilweni mi vona.
I mani loyi a tumbuluxeke swilo leswi?+
Hi Loyi a swi humesaka ku fana ni vuthu hi nhlayo ya swona;
Hinkwaswo u swi vitana hi mavito.+
Hikwalaho ka ntamu wakwe lowukulu ni hikwalaho ka matimba yakwe yo hlamarisa,+
Ku hava ni xin’we xa swona lexi kayivelaka.
27 Wena Yakobo, ndzi vula wena Israyele, hikwalaho ka yini u ku,
‘Yehovha a nga ti voni tindlela ta mina,
Xikwembu a xi ndzi avanyisi hi ndlela leyinene’?+
28 Xana a wu swi tivi? Xana a wu swi twangi?
Yehovha, Mutumbuluxi wa hinkwaswo leswi nga kona emisaveni, i Xikwembu hilaha ku nga heriki.+
A nga karhali kumbe ku hela matimba.+
Ku twisisa kakwe ku ente ngopfu.+
30 Vafana va ta karhala, va hela matimba,
Majaha ma ta khudlunyeka ma wa,
31 Kambe lava tshembaka Yehovha va ta tlhela va va ni matimba.
Va ta haha hi timpapa ku fana ni magama.+
Va ta tsutsuma va nga heli matimba;
Va ta famba va nga karhali.”+
41 “Miyelani mi ndzi yingisa, n’wina swihlala;
Matiko a ma tlhele ma kuma matimba.
A ma tshinele; kutani ma vulavula.+
A hi hlanganeni leswaku hi ta avanyisiwa.
2 I mani loyi a hlawuleke munhu loyi a humaka evuxeni,+
A n’wi tisa emilengeni ya Yena* laha ku nga ni ku lulama,
Leswaku a ta n’wi nyika matiko,
Ni ku n’wi endla a hlula tihosi?+
I mani loyi a nga ta ti hangalasa ku fana ni ritshuri hi banga rakwe,
Ku fana ni mavivi lama hungiwaka hi moya emahlweni ka vurha byakwe?
3 Wa ti hlongorisa naswona a nga kavanyetiwi hi nchumu
U famba hi tindlela leti a nga si tshamaka a famba eka tona.
4 I mani loyi a tekeke goza a endla leswi,
A vitana vanhu ku sukela eku sunguleni?
5 Swihlala swi swi vonile swi sungula ku chava.
Makumu ya misava ma sungule ku rhurhumela.
Vanhu va tshinerile, va ta.
6 Un’wana ni un’wana u pfuna munghana wakwe
A byela makwavo a ku: “Tiya nhlana.”
7 Hiloko muvatli a tiyisa loyi a tirhaka hi nsimbhi;+
Loyi a baka nsimbhi yi va xiphepherhele hi hamula
U tiyisa loyi a belelaka ehenhla ka nsimbhi.*
Loko a vona laha tinsimbhi ti hlanganisiweke kona u ri: “Ti hlanganisiwe kahle.”
Kutani xifaniso xi tiyisiwa hi swipikiri leswaku xi nga wi.
8 “Kambe wena Israyele, u nandza wa mina,+
Ndzi ku hlawurile wena Yakobo,+
Ntukulu* wa Abrahama munghana wa mina,+
9 Wena loyi ndzi ku tekeke emakumu ka misava,+
Wena loyi ndzi ku vitaneke ekule swinene.
10 U nga chavi, hikuva ndzi na wena.+
U nga vileli, hikuva ndzi Xikwembu xa wena.+
Ndzi ta ku tiyisa, ina, ndzi ta ku pfuna.+
Ndzi ta ku khoma swi tiya hi voko ra mina ra xinene ra ku lulama.’
11 Yingisa! Hinkwavo lava ku hlundzukelaka va ta khomisiwa tingana va tsongahatiwa.+
Lava lwaka na wena va ta herisiwa.+
12 U ta lavisisa lava lwaka na wena kambe a wu nge va kumi;
Vanhu lava lwaka na wena va ta fana ni nchumu lowu nga riki kona, a va nge vi nchumu.+
13 Hikuva mina, Yehovha Xikwembu xa wena, ndzi khoma voko ra wena ra xinene,
Loyi a ku byelaka a ku, ‘U nga chavi. Ndzi ta ku pfuna.’+
14 U nga chavi wena Yakobo la nga xivungwana,+
Ndzi ta mi pfuna n’wina vanhu va Israyele,” ku vula Yehovha, Mukutsuri wa wena,+ Mukwetsimi wa Israyele.
15 “Vona! Ndzi ku endle xileyi xo hula,+
Xileyi lexintshwa lexi nga ni matino lama tsemaka matlhelo mambirhi.
U ta kandziya tintshava u ti pfotlosa
U ta endla swintshabyana swi fana ni muhungu.*
17 “Lava pfumalaka ni swisiwana va lava mati, kambe a ma kona.
Ririmi ra vona ri omile hi torha.+
Mina Yehovha ndzi ta va hlamula.+
Mina Xikwembu xa Israyele, a ndzi nge va tshiki.+
18 Ndzi ta endla milambu yi khuluka ehenhla ka swintshabyana+
Ku ta va ni swihlovo enkoveni lowu anameke.+
Ndzi ta hundzula mananga ma va xidziva lexi nga ni tinhlanga
Tiko leri nga riki na mati ri ta va ni swihlovo swa mati.+
Emananga ndzi ta byala murhi wa yunipa,
Ku katsa ni nyamarhi ni kipresi,+
20 Leswaku vanhu hinkwavo va swi vona ni ku swi tiva
Va yingisa va tlhela va twisisa
Leswaku swilo leswi swi endliwe hi Yehovha,
Swi tumbuluxiwe hi Mukwetsimi wa Israyele.”+
21 “Hlamuselani mhaka ya n’wina,” ku vula Yehovha.
“Tanani ni vumbhoni bya n’wina,” ku vula Hosi ya Yakobo.
22 “Tanani ni vumbhoni mi hi byela swilo leswi nga ta endleka.
Hi byeleni swilo swa le ku sunguleni,
Leswaku hi ta anakanyisisa hi swona ni ku tiva vuyelo bya kona.
Kumbe mi hi hlamusela leswi nga ta endleka.+
23 Hi byeleni leswi nga ta endleka enkarhini lowu taka,
Leswaku hi ta swi tiva loko mi ri swikwembu.+
Endlani leswinene kumbe swo biha,
Leswaku hi ta hlamala loko hi swi vona.+
Un’wana ni un’wana loyi a mi hlawulaka wa nyenyetsa.+
25 Ndzi hlawule munhu wa le vuxeni naswona u ta ta,+
Loyi a humaka evuxeni+ loyi a nga ta vitana vito ra mina.
U ta kandziyela vafumi,* onge hiloko va ri vumba,+
Ku fana ni muvumbi loyi a kandziyelaka vumba byo tsakama.
26 I mani loyi a vuleke leswi ku sukela eku sunguleni leswaku hi swi tiva,
Kumbe ku sukela khale swinene, leswaku hi ta ku, ‘U vulavula ntiyiso’?+
Hakunene, a nga kona loyi a swi vuleke!
A nga kona loyi a swi twariseke!
A nga kona loyi a tweke swo karhi eka n’wina!”+
27 Hi mina wo sungula ku byela Siyoni ndzi ku: “Vona! Hi lava!”+
Ndzi ta rhumela munhu eYerusalema loyi a nga ta tisa mahungu lamanene.+
28 Kambe ndzi ye emahlweni ndzi languta, a ku nga ri na munhu;
A a nga ri kona exikarhi ka vona loyi a a ta va nyika xitsundzuxo.
Ndzi ye emahlweni ndzi va kombela leswaku va hlamula.
29 Vona! Hinkwavo a vo va nchumu.
Mitirho ya vona a ko va nchumu.
Swifaniso swa vona leswi endliweke hi nsimbhi a swi pfuni nchumu naswona a hi swa xiviri.+
42 Vonani! Nandza wa mina,+ loyi ndzi n’wi seketelaka!
Muhlawuriwa wa mina+ loyi ndzi n’wi amukeleke!+
U ta tshembeka, a avanyisa hi ndlela leyinene.+
4 A nge tsani kumbe a pfotlosiwa kukondza a endla leswaku ku va ni vululami emisaveni;+
Swihlala swi tshama swi rindzele nawu wakwe.
5 Leswi hi leswi Yehovha Xikwembu xa ntiyiso a swi vulaka,
Mutumbuluxi wa matilo, Loyi a ma andlalaka,+
Loyi a ndlandlamuxaka misava ni ntshovelo wa yona,+
Loyi a nyikaka vanhu lava nga eka yona ku hefemula,+
Ni moya eka lava fambaka eka yona, u ri:+
6 “Mina Yehovha ndzi ku vitanile hi ku lulama;
Ndzi khome voko ra wena.
Ndzi ta ku sirhelela, u ta fana ni ntwanano exikarhi ka mina ni vanhu+
Ni ku vonakala eka matiko,+
7 Leswaku u ta pfula matihlo ya lava nga voniki,+
U humesa mubohiwa ekhotsweni ra munyama
Ni ku va humesa ekhotsweni lava tshameke emunyameni.+
8 Hi mina Yehovha. Rero i vito ra mina;
Ku vangama ka mina a ndzi ku nyiki un’wana,*
Ni ku dzuneka ka mina a ndzi nge ku nyiki swifaniso leswi vatliweke.+
9 Vonani, swilo swo sungula swi hundzile;
Sweswi ndzi mi byela swilo leswintshwa.
Ndzi mi byela swona swi nga si humelela.”+
10 Yimbelelelani Yehovha risimu lerintshwa,+
N’wi dzuniseni ku ya fika emakumu ka misava,+
N’wina lava yaka elwandle ni hinkwaswo leswi nga eka rona,
N’wina swihlala na n’wina lava tshamaka eka swona.+
Lava tshamaka eribyeni a va be nkulungwana;
A va huwelele va ri ehenhla ka tintshava.
13 Yehovha u ta huma ku fana ni nhenha.+
U ta kariha swinene ku fana ni socha.+
U ta huwelela, ina u ta ba hungwe ra nyimpi;
U ta tikombisa leswaku u ni matimba ku tlula valala vakwe.+
14 “Ndzi miyele nkarhi wo leha.
Ndzi miyerile naswona ndzi tikhomile.
Ndzi ta konya ku fana ni wansati loyi a velekaka
Ndzi hefemulela ehenhla, ndzi tlhela ndzi hefemuteka hi nkarhi wun’we.
15 Ndzi ta onha tintshava ni swintshabyana
Ndzi omisa ni swimilana swa swona hinkwaswo.
Ndzi ta hundzula milambu yi va swihlala,
Ndzi ta omisa ni swidan’wana leswi nga ni tinhlanga.+
16 Ndzi ta fambisa lava feke matihlo hi ndlela leyi va nga yi tiviki+
Ndzi va fambisa etindleleni leti va nga ti tiviki.+
Ndzi ta endla leswaku munyama lowu nga emahlweni ka vona wu va ku vonakala+
Ndzi ta hirimuxa swintshabyana swi va rivala.+
Leswi hi leswi ndzi nga ta va endlela swona, a ndzi nge va tshiki.”
17 Lava tshembaka swikwembu leswi vatliweke,
Va ta hluriwa, va ta khomiwa hi tingana,
Lava byelaka swifaniso leswi endliweke hi nsimbhi va ku: “Mi swikwembu swa hina.”+
19 I mani la feke matihlo handle ka nandza wa mina,
La feke tindleve ku fana ni nandza wa mina loyi ndzi n’wi rhumaka?
I mani la feke matihlo ku fana ni loyi a hakeriweke,
La feke matihlo ku fana ni nandza wa Yehovha?+
20 U vona swilo swo tala, kambe a wu swi tekeli enhlokweni.
Wa twa, kambe a wu yingisi.+
21 Hikwalaho ka ku lulama kakwe,
Yehovha u tsakele ku kombisa leswaku nawu i wa nkoka swinene a tlhela a wu vangamisa.
22 Kambe lava i vanhu lava tekiweke hi nkani va tlhela va phangeriwa swa vona;+
Hinkwavo va pfaleleke emigodini naswona va fihliwe emakhotsweni.+
Va tekiwe hi nkani naswona a ku nga ri na loyi a ta va ponisa,+
Ni ku tekeriwa swilo ku nga ri na loyi a nge: “Swi vuyiseni!”
23 I mani loyi a nga ta yingisa leswi exikarhi ka n’wina?
I mani loyi a nga ta yingisa kutani a dyondza leswi a nga ta swi tirhisa enkarhini lowu taka?
24 I mani loyi a nyiketeke Yakobo leswaku a phangiwa
Na Israyele eka vaphangi?
Xana a hi Yehovha Loyi hi n’wi dyoheleke?
Va ale ku landzela tindlela Takwe
Naswona a va wu yingisanga nawu Wakwe.+
Yi lovise hinkwaswo leswi a swi n’wi rhendzerile, kambe a nga xiyanga nchumu.+
Yi ye emahlweni yi n’wi pfurhela,* kambe a nga yingisanga.+
“U nga chavi, hikuva ndzi ku kutsurile.+
Ndzi ku vitane hi vito ra wena.
U wa mina.
2 Loko u hundza exikarhi ka mati, ndzi ta va na wena,+
Ni loko u pela milambu, a yi nge ku khukhuli.+
Loko u famba endzilweni, a wu nge tshwi,
Ni langavi a ri nge ku vavuli.
3 Hikuva hi mina Yehovha Xikwembu xa wena,
Mukwetsimi wa Israyele, Muponisi wa wena.
Ndzi ta ku kutsula hi ku nyiketa Egipta,
Etiyopiya na Seba eka valala va wena.
Kutani ndzi ta nyikela hi vanhu ni matiko
Leswaku ndzi ponisa vutomi bya wena.
5 U nga chavi, hikuva ndzi na wena.+
6 Ndzi ta byela n’walungu ndzi ku, ‘Va vuyise!’+
Ndzi byela dzonga ndzi ku, ‘U nga va khomeleli.
Vuyisa vana va mina va majaha lava sukaka ekule ni vana va mina va vanhwanyana lava sukaka ekule swinene,+
Loyi ndzi n’wi tumbuluxeke leswaku ndzi ta dzunisiwa,
Loyi ndzi n’wi vumbeke ni ku n’wi endla.’+
8 Humesa vanhu lava nga voniki hambileswi va nga ni matihlo,
Ni lava nga twiki hambileswi va nga ni tindleve.+
I mani exikarhi ka swikwembu swa vona* a nga vulaka leswi?
Kumbe xana swi nga hi byela swilo swo sungula?*+
A swi tiyimeleli, a swi humese timbhoni ta swona,
Leswaku ti ta swi twa kutani ti ku, ‘I ntiyiso!’ ”+
10 “N’wina mi timbhoni ta mina,”+ ku vula Yehovha,
“Malandza ya mina lawa ndzi tihlawuleleke wona,+
Leswaku mi ta tiva kutani mi va ni ripfumelo eka mina,
Mi tlhela mi twisisa leswaku A ndzi cincanga.+
Emahlweni ka mina a ku nga ri na Xikwembu lexi vumbiweke,
Naswona endzhaku ka mina a xi vanga kona xin’wana.+
11 Mina hi mina Yehovha,+ handle ka mina ku hava muponisi.”+
12 “Hi mina Loyi a nga huwelela ni ku ponisa ni ku tivisa,
Hi nkarhi lowu a ku nga ri na xikwembu xa matiko exikarhi ka n’wina.+
Hikwalaho mi timbhoni ta mina,” ku vula Yehovha, “mina ndzi Xikwembu.+
Loko ndzi teka goza, i mani la nga sivelaka voko ra mina?”+
14 Yehovha Mukutsuri+ wa n’wina, Mukwetsimi wa Israyele+ u ri:
“Ndzi ta rhumela vanhu eBabilona hikwalaho ka n’wina leswaku va ya wisa tigede hinkwato,+
Kutani Vakalidiya va ta rila swinene eswikepeni swa vona.+
15 Hi mina Yehovha, Mukwetsimi wa n’wina,+ Mutumbuluxi wa Israyele,+ Hosi ya n’wina.”+
16 Leswi hi leswi vuriwaka hi Yehovha,
Loyi a pfulaka ndlela exikarhi ka lwandle
Ni ndlela exikarhi ka mati lama hobomulanaka,+
17 Loyi a humesaka kalichi ya nyimpi ni hanci,+
Vuthu ra nyimpi ni tinhenha u ri:
“Va ta etlela, a va nge he pfuki.+
Va ta timiwa ku fana ni ntambhu ya rivoni.”
18 “Mi nga tsundzuki swilo swa khale,
Naswona mi nga khomeleli etimhakeni ta khale.
Xana a mi swi voni?
Ndzi ta pfula ndlela exikarhi ka mananga+
Ndzi ta endla milambu yi khuluka etikweni leri omeke.+
20 Swivandzana swi ta ndzi xixima,
Timhungubye ni tinca,
Hikuva ndzi endla leswaku ku va ni mati emananga,
Milambu etikweni leri omeke,+
Leswaku vanhu va mina, lava ndzi va hlawuleke+ va ta nwa,
21 Vanhu lava ndzi tivumbeleke vona
Leswaku va ta ndzi dzunisa.+
23 A wu ndzi tiselanga tinyimpfu to endla magandzelo yo hisiwa,
Kumbe u ndzi dzunisa hi magandzelo ya wena.
A ndzi ku sindzisanga leswaku u ndzi nyika nyiko,
A ndzi ku karharisanga hi ku tshamela ku londza murhi wa risuna.+
24 A wu ndzi xavelanga rihlanga ro nun’hwela hi mali ya wena,
Naswona a wu ndzi enerisanga hi mafurha ya swifuwo leswi a wu endla magandzelo ha swona.+
Ku ri na sweswo u ndzi tikiserile hi swidyoho swa wena
U ndzi karharisa hi swidyoho swa wena.+
25 Hi mina ndzi sulaka swidyoho swa wena,+ hikwalaho ka vito ra mina,+
Naswona a ndzi nge he swi tsundzuki swidyoho swa wena.+
26 Ndzi tsundzuxe; a hi vulavule timhaka ta hina;
Hlamusela mhaka ya wena hi ta vona loko u tiyisile.
28 Hikwalaho ndzi ta nyamisa tihosana leti tirhaka endhawini yo kwetsima,
Ndzi ta herisa Yakobo,
Ndzi ta tshika Israyele a rhukaniwa.+
2 Yehovha u vula leswi,
Muendli wa wena ni Muvumbi wa wena,+
Loyi a ku pfuneke ku sukela loko u velekiwa:
3 Hikuva ndzi ta chela mati eka la nga ni torha*+
Ni swinambyana leswi khulukaka emisaveni leyi omeke.
4 Naswona va ta hluka onge hiloko va ri exikarhi ka byanyi bya rihlaza,+
Ku fana ni mirhi ya phopla leyi nga eswinambyaneni.
5 Un’wana u ta ku: “Mina ndzi wa Yehovha.”+
Un’wana u ta tivita hi vito ra Yakobo,
Kasi un’wana u ta tsala evokweni rakwe a ku: “Ndzi wa Yehovha.”
U ta tivita hi vito ra Israyele.’
‘Hi mina wo sungula ni wo hetelela.+
A ku na Xikwembu xin’wana handle ka mina.+
A a vulavule a andlala vumbhoni emahlweni ka mina!+
Ku sukela loko ndzi vumbe vanhu va khale swinene,
A va vule swilo leswa ha taka
Ni leswi nga ta endleka enkarhini lowu taka.
Xana a ndzi byelanga un’wana ni un’wana wa n’wina ka ha ri emahlweni ndzi tlhela ndzi mi tivisa?
Mi timbhoni ta mina.+
Xana xi kona Xikwembu xin’wana handle ka mina?
E-e, a ku na Ribye+ rin’wana; a ndzi tivi rin’wana.’ ”
9 Hinkwavo lava endlaka swifaniso leswi vatliweke a va pfuni nchumu,
Swifaniso swa vona leswi va swi rhandzaka a swi nge va pfuni nchumu.+
Swona* i timbhoni ta vona kambe a swi voni nchumu kumbe ku twa nchumu,+
Kutani lava swi endlaka va ta khomisiwa tingana.+
10 I mani loyi a nga xiphukuphuku lerova a vumba xikwembu kumbe xifaniso xa nsimbhi
Lexi nga pfuniki nchumu?+
11 Waswivo! Vanghana vakwe hinkwavo va ta khomiwa hi tingana!+
Vaendli va swona ko va vanhu ntsena.
Hinkwavo a va hlengeletane kutani va yima.
Va ta chava va tlhela va khomiwa hi tingana swin’we.
12 Loyi a tirhaka hi nsimbhi u hisa nsimbhi yakwe emakaleni.
U yi vumba hi tihamula,
U tirha hi voko rakwe ra matimba.+
Kutani a khomiwa hi ndlala, a heleriwa hi matimba;
A nga nwi mati ivi a karhala.
13 Muvatli u teka mhandzi a yi pima hi ntambhu, a dirowa hi choko yo tshwuka.
U vatla mhandzi ya yena hi mukwana kutani a yi pima hi khampasi.
14 Ku ni loyi a tirhaka ku tsema mikedari.
U hlawula murhi wo karhi, murhi wa oku,
U wu tshika wu kula swinene exikarhi ka mirhi ya le khwatini.+
U byala murhi wa loreli, kutani mpfula yi wu kurisa.
15 Kutani munhu a tshivela ndzilo ha wona.
U tirhisa wona ku tinyawuxa;
U tshivela ndzilo a baka xinkwa.
Kambe u tlhela a endla xikwembu kutani a xi gandzela.
U tirhisa wona ku endla xifaniso lexi vatliweke a xi khinsamela.+
16 Hafu ya wona u tshivela ndzilo hi yona;
Kasi hafu leyin’wana u oxa nyama ha yona, a dya a xurha.
U tlhela a tinyawuxa a ku:
“Aha! Se ndza kufumela, ndzilo lowu a hi ku nandziha ka wona.”
17 Kambe leyi saleke u yi endla xikwembu, xifaniso xa yena lexi vatliweke.
Wa xi khinsamela a xi gandzela.
U khongela eka xona a ku:
“Ndzi ponise, hikuva u xikwembu xa mina.”+
18 A va tivi nchumu, a va twisisi nchumu,+
Hikuva matihlo ya vona ma pfariwile, a ma voni,
A va twisisi.
19 A nga kona loyi a anakanyisisaka
Kumbe loyi a nga ni vutivi kumbe ku twisisa, a ku:
“Ndzi tshivele ndzilo hi hafu ya wona,
Ndzi bake ni xinkwa hi makala ya wona ndzi tlhela ndzi oxa nyama ndzi dya.
Kutani, xana ndzi nga teka njhani hafu leyi saleke ndzi endla nchumu lowu nyenyetsaka?+
Hikwalaho ka yini ndzi fanele ndzi gandzela ntsandza lowu humaka ensinyeni?”
20 U dya nkuma.
Mbilu yakwe leyi nga ni vukanganyisi yi n’wi hambukisile.
A nge swi koti ku ponisa vutomi byakwe, kumbe ku vula a ku:
“Xana lexi nga evokweni ra mina ra xinene a hi vunwa?”
21 “Tsundzuka swilo leswi, wena Yakobo na wena Israyele,
Hikuva u nandza wa mina.
Ndzi ku vumbile naswona u nandza wa mina.+
A ndzi nge ku rivali,+ wena Israyele.
22 Ndzi ta funengeta milandzu ya wena ku fana ni loko yi funengetiwe hi papa,+
Ni swidyoho swa wena ku fana ni loko swi siviwe hi papa lerikulu.
Tlhelela eka mina hikuva ndzi ta ku kutsula.+
23 Banani mikulungwana, n’wina matilo,
Hikuva Yehovha u teke goza!
Banani mikulungwana, n’wina tindhawu ta le hansihansi ta misava!
Tsakani, n’wina tintshava,+
Wena khwati ni mirhi hinkwayo ya wena!
Hikuva Yehovha u kutsule Yakobo,
U kombisa ku vangama kakwe eka Israyele.”+
“Hi mina Yehovha, loyi a endleke swilo hinkwaswo.
I mani loyi a a ri na mina?
25 Ndzi endla ku vhumbha ka vaprofeta va mavunwa ku nga tirhi,
Hi mina Loyi a endlaka vangoma va hundzuka swiphukuphuku;+
Loyi a pfilunganyaka tintlhari,
A tlhela a hundzula vutivi bya tona byi va vuphukuphuku;+
26 Loyi a endlaka rito ra malandza yakwe ri va ntiyiso,
A tlhela a endla leswi varhumiwa+ vakwe va swi vulaka;
Loyi a vulaka leswi hi Yerusalema, ‘Ku ta tshamiwa+ eka yena,’
Ni hi miti ya Yuda a ku, ‘Yi ta pfuxiwa,+
Ndzi ta pfuxa marhumbi yakwe’;+
27 Loyi a byelaka xidziva a ku, ‘Oma,
Naswona ndzi ta omisa milambu ya wena hinkwayo’;+
28 Loyi a vulaka leswi mayelana na Korexe,+ ‘I murisi wa mina,
U ta endla hinkwaswo leswi ndzi lavaka leswaku swi endliwa’;+
Loyi a vulaka leswi mayelana na Yerusalema, ‘Wu ta pfuxiwa,’
Ni mayelana ni tempele a ku, ‘Masungulo ya wena ma ta vekiwa.’ ”+
Leswaku a hlula matiko lawa a lwaka na wona,+
A tekela tihosi matlhari ya tona,
A n’wi pfulela tinyangwa,
Leswaku tigede ta muti ti nga pfariwi, u ri:
Ndzi ta fayelela tinyangwa ta koporo,
Ndzi ta tsemelela ni tinsimbhi to goga.+
3 Ndzi ta ku nyika xuma lexi fihliweke emunyameni
Ni lexi nga etindhawini leti tumbeleke,+
Leswaku u ta swi tiva leswaku hi mina Yehovha,
Xikwembu xa Israyele, loyi a ku vitanaka hi vito ra wena.+
4 Ndzi ku vitana hi vito,
Hikwalaho ka nandza wa mina Yakobo na Israyele muhlawuriwa wa mina.
Ndzi ku nyika vito leri xiximekaka, hambileswi u nga ndzi tivangiki.
5 Hi mina Yehovha, a ku na un’wana.
A ku na Xikwembu xin’wana handle ka mina.+
Ndzi ta ku seketela, hambileswi u nga ndzi tivangiki,
6 Leswaku vanhu va ta swi tiva
Ku sukela evuxeni ku ya evupeladyambu
Leswaku a ku na Xikwembu xin’wana handle ka mina.+
Hi mina Yehovha, a ku na un’wana.+
7 Ndzi endla ku vonakala,+ ndzi tumbuluxa munyama,+
Ndzi endla ku rhula,+ ndzi tumbuluxa khombo;+
Mina Yehovha, ndzi endla swilo leswi hinkwaswo.
Misava a yi pfuleke yi humesa ku ponisiwa,
A yi humese ku lulama hi nkarhi lowu fanaka.+
Swilo leswi swi endliwe hi mina Yehovha.”
9 Khombo eka loyi a phikizanaka* ni Muvumbi wakwe,
Hikuva wo fana ni xirhengele* xa mbita
Exikarhi ka swirhengele swin’wana leswi nga lo n’walalaa!
Xana vumba byi nga vutisa Muvumbi wa byona byi ku: “U endla yini?”+
Kumbe xana lexi u xi vumbeke xi nga ku: “A nga na mavoko”?
10 Khombo eka loyi a byelaka tatana a ku: “Xana u tata wa yini?”
Eka wansati a ku: “U veleka yini?”
11 Yehovha Mukwetsimi wa Israyele+ ni Loyi a n’wi vumbeke u ri:
“Xana mi nga ndzi konanisa hi leswi nga ta endleka
Ni ku ndzi lerisa swo karhi mayelana ni vana va mina+ ni leswi ndzi swi endleke?
12 Ndzi endle misava+ ndzi tlhela ndzi vumba ni munhu ehenhla ka yona.+
13 “Ndzi hlawule munhu hikwalaho ka ku lulama ka mina,+
Ndzi ta endla tindlela takwe hinkwato ti va letinene.
Hi yena a nga ta aka muti wa mina+
Ni ku tshunxa vanhu va mina lava nga evuhlongeni,+ handle ko lava ku xaviwa,”+ ku vula Yehovha wa mavuthu.
14 Yehovha u ri:
“Mpindzulo wa le Egipta ni nhundzu leyi xavisiwaka ya le Etiyopiya, ku katsa ni Vasebiya, lava nga vanhu vo leha,
Swi ta va swa wena.
Va ta ku landzela va bohiwe hi tinketani.
Va ta ta va ta ku khinsamela.+
Va ta khongela va ku, ‘Hakunene Xikwembu xi na wena,+
Naswona a ku na un’wana; a ku na Xikwembu xin’wana.’ ”
16 Hinkwavo va ta khomiwa hi tingana, va tlhela va nyumisiwa;
Hinkwavo lava endlaka swikwembu swa mavunwa va ta khomisiwa tingana.+
17 Kambe Israyele u ta ponisiwa hi Yehovha hilaha ku nga heriki.+
A mi nge nyumisiwi kumbe ku khomisiwa tingana hilaha ku nga heriki.+
18 Hikuva Yehovha u vula leswi,
Mutumbuluxi wa matilo,+ Xikwembu xa ntiyiso,
Loyi a vumbeke misava ni Muendli wa yona, loyi a yi simekeke yi tiya,+
Loyi a nga yi tumbuluxelangiki swa hava, kambe a yi vumbeke leswaku ku tshamiwa eka yona, u ri:+
“Hi mina Yehovha, a ku na un’wana.
19 A ndzi vulavulanga ndzi tumberile,+ ndzi ri etikweni ra munyama;
A ndzi va byelanga vana* va Yakobo ndzi ku,
‘Ndzi laveni kambe a swi nge mi pfuni nchumu.’
Hi mina Yehovha, loyi a vulavulaka leswi lulameke, loyi a vulaka leswinene.+
20 Hlengeletanani mi ta.
Tshinelani, n’wina lava balekeke ematikweni.+
Lava rhwalaka swifaniso leswi vatliweke a va tivi nchumu,
Va khongela xikwembu lexi nga swi kotiki ku va ponisa.+
21 Endlani xiviko, andlalani mhaka ya n’wina.
Rhangani mi twana.
I mani loyi a vuleke leswi khale swinene
Loyi a swi tiviseke enkarhini lowu hundzeke?
Xana a hi mina, Yehovha?
A ku na Xikwembu xin’wana handle ka mina;
Xikwembu xo lulama ni Muponisi,+ a ku na xin’wana handle ka mina.+
22 Tanani eka mina leswaku mi ponisiwa,+ n’wina vanhu hinkwavo va misava,
Hikuva hi mina Xikwembu, a ku na xin’wana.+
Vanhu hinkwavo va ta ndzi khinsamela
Hinkwavo va ta hlambanya leswaku va ta tshembeka+
24 Va ku, ‘Hakunene Yehovha u lulamile naswona u ni matimba.
Hinkwavo lava n’wi karihelaka va ta ta eka yena va khomiwe hi tingana.
25 Vana* hinkwavo va Israyele va ta swi vona leswaku ku tirhela Yehovha i swinene+
Va ta tibuma hi yena.’ ”
46 Bele u khinsamile,+ Nebo u korhamile.
Swikwembu swa vona swi rhwariwe hi swifuwo leswi rhwalaka ndzhwalo,+
Ku fana ni ndzhwalo lowu tikaka swiharhi leswi karhaleke.
2 Swi khinsamile swi tlhela swi korhama swin’we;
A swi koti ku ponisa nhundzu* ya swona,
Na swona swi ya evuhlongeni.
3 “Ndzi yingiseni, n’wina vandyangu wa Yakobo na n’wina hinkwenu lava saleke vandyangu wa Israyele,+
N’wina lava ndzi mi wundleke ma ha ku velekiwa ndzi tlhela ndzi mi bebula ku suka ekhwirini.+
Ndzi ta ku tlakula ndzi tlhela ndzi ku ponisa hilaha ndzi endleke hakona.+
6 Ku ni lava humesaka nsuku hi vusopfa eswipachini swa vona;
Va pima silivhere hi xikalo.
Va thola loyi a tirhaka hi nsimbhi, a va endlela xikwembu.+
Kutani va khinsama emahlweni ka xona va xi gandzela.+
A xi suki laha xi vekiweke kona.+
Va xi huwelela, kambe a xi hlamuli;
A xi swi koti ku ponisa munhu emaxangwini.+
8 Tsundzukani mhaka leyi, mi va ni xivindzi.
Swi tsundzukeni, n’wina lava tlulaka nawu.
Hi mina Xikwembu, a ku na xin’wana lexi fanaka na mina.+
10 Ku sukela eku sunguleni ndzi boxa leswi nga ta humelela swi nga si humelela,
Ni leswi nga si humelelaka ndzi swi vule khale.+
Munhu loyi a humaka etikweni ra le kule, leswaku a humelerisa xikongomelo+ xa mina.
Ndzi swi vurile, ndzi ta swi endla.
Ndzi tiyimiserile, ndzi ta swi endla.+
Ndzi ta ponisa Siyoni naswona Israyele u ta vona ku saseka ka mina.”+
Tshama ehansi laha ku nga riki na xitulu xa vuhosi,+
Wena nhwanyana wa Vakalidiya,
Hikuva vanhu a va nge he pfuki va ku khome ku fana ni hosana ya xisati.
2 Teka ribye u sila mapa.
Funungula vheyila ya wena.
Hluvula xiketi xa wena, u funungula ni milenge.
Pela milambu.
3 U ta voneriwa.
U ta khomisiwa tingana.
Ndzi ta rihisela+ naswona a ku na munhu loyi a nga ta ndzi sivela.
5 Tshama kwalaho u miyela, u nghena emunyameni,
Wena nhwanyana wa Vakalidiya;+
Vanhu a va nge he pfuki va ku vitane Nkosikazi ya Mifumo.+
6 Ndzi hlundzukele vanhu va mina.+
Kambe a wu va kombanga tintswalo.+
U tshikilele+ ni vadyuhari.
7 U te: “Ndzi ta va Nkosikazi hilaha ku nga heriki.”+
A wu anakanyanga hi leswi a wu swi endla;
A wu ehleketisisanga hi makumu ya mhaka leyi.
8 Yingisa, wena wansati loyi a rhandzaka ntsako,+
Loyi a tshamaka laha ku sirhelelekeke, loyi a tibyelaka a ku:
“Mina hi mina, a ku na un’wana.+
A ndzi nge vi noni.
A ndzi nge pfuki ndzi lahlekeriwe hi vana.”+
9 Kambe swilo leswi swimbirhi swi ta ku endlekela hi ku hatlisa, hi siku rin’we:+
U ta lahlekeriwa hi vana u tlhela u va noni.
Swilo leswi swi ta ku humelela+
Hikwalaho ka leswi u tshembaka vungoma ni vuloyi bya wena lebyikulu.+
10 A wu tshembe vuhomboloki bya wena.
U te: “A ndzi voniwi hi munhu.”
Vutlhari ni vutivi bya wena hi swona swi ku hambukiseke,
U tibyele u ku: “Mina hi mina, a ku na un’wana.”
11 Kambe u ta weriwa hi khombo,
A wu nge swi koti ku ri sivela hi vuloyi bya wena.
U ta va ni maxangu; a wu nge ma balekeli.
U ta humeleriwa hi swilo swo chavisa hi xihatla leswi u nga si tshamaka u swi vona.+
12 Kutani yana emahlweni ni vuloyi bya wena ni vungoma bya wena byo tala,+
Leswi u swi tirheleke hi matimba ku sukela loko wa ha ri muntshwa.
Kumbexana swi ta ku pfuna;
Kumbexana u ta endla leswaku vanhu va chava.
13 U hele matimba hikwalaho ka vatsundzuxi va wena vo tala.
A va humelele va ku ponisa,
Lava gandzelaka swilo leswi nga ematilweni,* lava langutaka tinyeleti,+
Lava nga ni vutivi mayelana ni ku huma ka n’weti
Mayelana ni swilo leswi nga ta ku endlekela.
14 Vonani! Va fana ni mahlanga.
Va ta hisiwa hi ndzilo.
A va nge poni eka matimba ya langavi.
Lawa a hi makala yo tinyawuxa ha wona,
Naswona lowu a hi ndzilo lowu nga orhiwaka.
15 Ku ta endleka sweswo eka vangoma va wena,
Lava u tirheke na vona hi matimba ku sukela evuntshweni bya wena.
Va ta tsendzeleka, un’wana ni un’wana u ta ya endhawini yakwe.
A nga kona loyi a nga ta ku ponisa.+
48 Yingisani n’wina vandyangu wa Yakobo,
N’wina mi tivitanaka hi vito ra Israyele,+
N’wina vatukulu lava humaka* eka Yuda,
N’wina lava hlambanyaka hi vito ra Yehovha,+
Lava khongelaka Xikwembu xa Israyele,
Hambileswi ku nga riki hi ntiyiso ni ku lulama.+
2 Hikuva va vula leswaku va huma emutini wo kwetsima,+
Naswona va lava ku seketeriwa hi Xikwembu xa Israyele,+
Lexi vito ra xona ku nga Yehovha wa mavuthu.
3 “I khale ndzi mi byele swilo swo sungula.
Swi hume enon’wini wa mina,
Ndzi endle leswaku swi tiviwa.+
Ndzi teke goza hi xitshuketa, kutani swi endleka.+
4 Hikuva a ndzi swi tiva leswaku u ome nhloko ku fikela kwihi,
Nsiha wa nkolo wa wena wu fana ni nsimbhi naswona mombo wa wena i koporo,+
5 Ndzi ku byele khale swinene.
Swi nga si endleka, ndzi endle leswaku u swi twa,
Leswaku u nga tibumi u ku, ‘Swi endliwe hi xikwembu xa mina;
Swi huma eka xifaniso xa mina lexi vatliweke ni xifaniso xa mina xa nsimbhi.’
6 U swi twile u tlhela u vona swilo leswi hinkwaswo.
Xana a wu nge swi huweleli?+
Ndzi ta ku byela swilo leswintshwa ku sukela sweswi,+
Xihundla lexi u nga xi tiviki.
7 Swa ha ku tumbuluxiwa, a hi khale swi ri kona,
Swilo leswi u nga si tshamaka u swi twa,
Lerova a wu nge vuli u ku, ‘Ana se a ndzi swi tiva.’
9 Kambe ndzi ta tikhoma ndzi nga hlundzuki hikwalaho ka vito ra mina;+
Ndzi ta mi lehisela mbilu leswaku ndzi ta dzunisiwa,
A ndzi nge ku herisi.+
10 Vona! Ndzi ku basisile, kambe ku nga ri ku fana ni silivhere.+
Ndzi ku tshike u xaniseka leswaku u ta basa, ku fana ni nsimbhi loko yi n’okisiwa exitikweni.+
11 Hakunene ndzi ta endla sweswo hikwalaho ka vito ra mina,+
Xana ndzi nga pfumerisa ku yini ku rhukaniwa?+
Ku vangama ka mina a ndzi ku nyiki un’wana.*
12 Ndzi yingise, wena Yakobo na wena Israyele, loyi ndzi n’wi vitaneke.
A ndzi cincanga.+ Hi mina wo sungula; naswona ndzi wo hetelela.+
13 Masungulo ya misava ma vekiwe hi voko ra mina,+
Matilo ndzi ma andlale hi voko ra mina ra xinene.+
Loko ndzi ma vitana, ma suka ma yima.
14 Hlengeletanani, hinkwenu mi yingisa.
I mani exikarhi ka vona loyi a vuleke swilo leswi?
Yehovha u n’wi rhandzile.+
15 Mina ndzi vulavurile, ndzi tlhela ndzi n’wi vitana.+
Ndzi n’wi landzile naswona leswi a nga ta swi endla swi ta humelela.+
16 Tshinelani eka mina, mi twa leswi.
Ku sukela eku sunguleni a ndzi vulavulanga exihundleni.+
A ndzi ri kona ku sukela loko swi endleka.”
Sweswi Yehovha Hosi Leyi Tlakukeke u ndzi rhumile ni moya wa yena.
17 Yehovha, Mukutsuri wa wena, Mukwetsimi wa Israyele u ri:+
“Mina Yehovha, ndzi Xikwembu xa wena,
Loyi a ku dyondziselaka ku ku pfuna,+
Loyi a ku kongomisaka endleleni leyi u faneleke u famba hi yona.+
18 Loko wo yingisa swileriso swa mina!+
19 Vana* va wena a va ta tala ku fana ni sava,
Vatukulu va wena a va ta fana ni swiribyana swa rona.+
Vito ra vona a ri ta va kona hilaha ku nga heriki.”
Balekelani Vakalidiya.
Va byeleni hi ku ba nkulungwana! Swi tiviseni!+
Byelani vanhu emisaveni hinkwayo.+
Vulani mi ku: “Yehovha u tlhele a xava Yakobo nandza wakwe.+
21 A va khomiwanga hi torha loko a famba na vona emananga.+
U va humesele mati eribyeni;
A pandza ribye mati ma huma hi matimba.”+
22 Yehovha u ri: “Lavo homboloka a va na ku rhula.”+
Yehovha u ndzi vitane ndzi nga si velekiwa.+
U boxe vito ra mina ndza ha ri ekhwirini ra manana.
U ndzi endle ndzi fana ni nseve lowu lotiweke;
U ndzi tumbete enkotlotweni wakwe.
4 Kambe mina ndzi te: “Ndzi tirhele mahala.
Ndzi tikarhatele swa hava.
Kambe ndzi ta avanyisiwa hi Yehovha,
Xikwembu xa mina xi ta ndzi hakela.”+
5 Yehovha Loyi a ndzi vumbeke ndza ha ri ekhwirini leswaku ndzi va nandza wakwe,
U ndzi rhume leswaku ndzi landza Yakobo,
Leswaku Israyele a ta tlhelela eka yena.+
Ndzi ta dzunisiwa emahlweni ka Yehovha,
Xikwembu xa mina xi ta va ntamu wa mina.
6 U tlhele a ku: “A wo va nandza wa mina ntsena
U ta pfuxa tinyimba ta Yakobo
U vuyisa lava poneke va Israyele.
7 Yehovha Mukutsuri wa Israyele, Mukwetsimi wa yena,+ u vula tano eka loyi a nga tekeriwangiki enhlokweni,+ loyi a nyenyiwaka hi tiko, eka nandza wa vafumi u ri:
“Tihosi ti ta suka ti yima hikwalaho ka leswi ti swi vonaka,
Tihosana ti ta khinsama
Hikwalaho ka Yehovha loyi a tshembekaka,+
Mukwetsimi wa Israyele, loyi a ku hlawuleke.”+
8 Yehovha u ri:
“Ndzi ku hlamurile hi nkarhi wa kona lowunene,+
Ndzi ku pfunile hi siku ra ku ponisiwa;+
Ndzi ku hlayisile leswaku ndzi ta ku endla ntwanano wa vanhu,+
Leswaku tiko ri ta hlakarhela,
Leswaku va tlhela va kuma ndzhaka ya vona leyi onhiweke,+
Eka lava nga emunyameni,+ u ta ku, ‘Humelelani!’
Va ta dyela etindleleni,
Madyelo ya vona ma ta va etindleleni hinkwato leti pfulekeke.
12 Vona! Lava va ta va huma ekule,+
Vona, lava va huma en’walungwini ni le vupeladyambu,
Kasi van’wana va huma etikweni ra Sinimi.”+
13 Banani mikulungwana n’wina matilo, tsaka na wena misava.+
Tintshava na tona a ti tsake ti ba nkulungwana.+
14 Kambe Siyoni u ye emahlweni a ku:
“Yehovha u ndzi siyile,+ Yehovha u ndzi rivele.”+
15 Xana wansati a nga rivala n’wana wakwe loyi a n’wi mamisaka
Kumbe a nga n’wi tweli vusiwana n’wana loyi a nga lo n’wi veleka?
Hambiloko vavasati lava vo rivala, mina a ndzi nge pfuki ndzi ku rivarile.+
16 Languta! Ndzi kovotle vito ra wena eswandleni swa mina.
Ndzi tshama ndzi langute makhumbi ya wena.
17 Vana va wena va hatlisela ku vuya.
Lava ku hirimuxeke va tlhela va ku lovisa va ta suka eka wena.
18 Halahala.
Va le ku hlengeletaneni.+
Va ta eka wena.
Yehovha u ri: “Ndza hlambanya,
U ta va ambala hinkwavo ku fana ni loko u ambala swin’wetsin’wetsi,
U ta tiboha ha vona hilaha mutekiwa a endlaka hakona.
19 Hambileswi ndhawu ya wena a yi onhakile yi tlhela yi nga vi na vanhu naswona tiko ra wena a ri ri rhumbi,+
Sweswi ri ta tala hi vanhu kukondza va manyana,+
20 Vana lava velekiweke hi nkarhi lowu a wu loveriwile va ta ku eka wena,
‘Ndhawu leyi a yi ndzi ringani.
Ndzi nyike ndhawu yin’wana ndzi tshama eka yona.’+
21 Kutani wena u ta vulavula hi mbilu u ku,
‘I mani tata wa vana lava,
Leswi ndzi nga wansati loyi a nga riki na vana, ndzi nga mhika,
Leyi yisiweke evuhlongeni yi ya pfaleriwa?
Vana lava va kurisiwe hi mani?+
22 Yehovha Hosi Leyi Tlakukeke u ri:
“Yingisa! Ndzi ta tlakusela voko ra mina ehenhla leswaku matiko ma ri vona,
Ndzi ta veka mfungho leswaku vanhu va wu vona.+
Va ta tlakula vana va wena va va tisa
Va ta tlhandleka vana va wena va vanhwanyana emakatleni.+
Va ta ku khinsamela swikandza swa vona swi langute ehansi,+
Va ta nantswela ritshuri emilengeni ya wena,+
Kutani u ta swi tiva leswaku hi mina Yehovha;
Lava ndzi tshembaka va nge khomiwi hi tingana.”+
24 Xana u nga tekela nhenha vanhu lava yi va tekeke hi nkani,
Kumbe, xana mahlonga ya munhu loyi a fumaka hi voko ra nsimbhi ma nga tshunxiwa?
25 Kambe Yehovha u ri:
“Hambi ku ri vanhu lava nhenha yi va tekeke hi nkani va ta tekiwa,+
Ni mahlonga ya loyi a fumaka hi voko ra nsimbhi ma ta tshunxiwa.+
Ndzi ta lwa ni lava lwaka na wena,+
Ndzi ta ponisa vana va wena.
26 Lava ku xanisaka ndzi ta va dyisa nyama ya vona,
Va ta dakwa hi ngati ya vona onge hiloko va nwe vhinyo yo tsokombela.
Vanhu hinkwavo va ta swi tiva leswaku hi mina Yehovha,+
Muponisi+ ni Mukutsuri wa wena,+
Loyi a nyikaka Yakobo Matimba.”+
50 Yehovha u ri:
“Ri kwihi papila ro dlaya vukati+ ra mana wa n’wina, loyi ndzi n’wi hlongoleke?
Kumbe xana ndzi mi xavise eka lava ndzi va kolotaka?
Yingisani! Mi xavisiwe hikwalaho ka swihoxo swa n’wina,+
Mana wa n’wina u hlongoriwe hikwalaho ka swidyoho swa n’wina.+
2 Hikwalaho ka yini ndzi nga kumanga munhu loko ndzi fika?
Hikwalaho ka yini ku nga hlamulanga munhu loko ndzi vitana?+
Xana voko ra mina ri kome ngopfu lerova ri nga tsandzeka ku mi ponisa,
Kumbexana a ndzi na wona matimba yo ponisa?+
Tihlampfi ta yona ta bola hikwalaho ka leswi ku nga riki na mati,
Ta fa hi torha.
4 Yehovha Hosi Leyi Tlakukeke u ndzi nyike ririmi ra lava dyondzisiweke+
Leswaku ndzi ta tiva ndlela yo hlamula* la karhaleke hi rito leri faneleke,+
Mixo wun’wana ni wun’wana wa ndzi pfuxa;
U pfuxa ndleve ya mina leswaku ndzi yingisa ku fana ni lava dyondzisiweke.+
A ndzi n’wi balekelanga.+
6 Ndzi nyikete nhlana wa mina eka lava ndzi baka
Ni marhama ya mina eka lava ndzi tsuvuleke malepfu.
Xikandza xa mina a ndzi xi tumbetanga eka swilo leswi khomisaka tingana ni le ku tshwuteriweni.+
7 Kambe Yehovha Hosi Leyi Tlakukeke u ta ndzi pfuna.+
Hi yona mhaka ndzi nga taka ndzi nga khomiwi hi tingana.
Hi yona mhaka ndzi titiyiseke ku fana ni ribye,+
Naswona ndza swi tiva leswaku a ndzi nge khomiwi hi tingana.
8 Loyi a nge ndzi lulamile u le kusuhi.
I mani loyi a nga ndzi hehlaka?*+
A a te hi hlangana.
I mani loyi a nga na mhaka na mina?
A a te eka mina.
9 Maswivo! Yehovha Hosi Leyi Tlakukeke u ta ndzi pfuna.
I mani a nga ta ndzi vona nandzu?
Vonani! Hinkwavo va ta hlakala ku fana ni nguvu.
Va ta dyiwa hi nsumba.
I mani a fambeke emunyameni lowukulu, laha ku nga riki ni ku vonakala?
A a tshembe vito ra Yehovha a tlhela a titshega hi Xikwembu xakwe.
11 “Yingisani! N’wina hinkwenu lava lumekaka ndzilo,
Mi tlhela mi wu pfurhetela,
Fambani eku vonakaleni ka ndzilo wa n’wina,
Exikarhi ka tinhlahle leti pfurhaka.
Ndzi ta mi xupula hi ndlela yoleyo:
Mi ta etlela ehansi hikwalaho ko twa ku vava.
51 “Ndzi yingiseni, n’wina lava rhandzaka ku lulama,
N’wina lava lavaka Yehovha.
Langutani ribye leri mi tsemiweke eka rona,
Ni mugodi lowu mi ceriweke eka wona.
Hikuva Abrahama a a ri yexe loko ndzi n’wi vitana,+
Kutani ndzi n’wi katekisile a va ni vatukulu vo tala.+
3 Hikuva Yehovha u ta chavelela Siyoni.+
U ta chavelela marhumbi yakwe hinkwawo,+
Mananga yakwe u ta ma hundzula ma fana na Edeni+
Ma ta fana ni ntanga wa Yehovha.+
Ku ta va ni ntsako ni ku khana eka yena,
Ku khensa ni tinsimu to nandziha.+
5 Ku lulama ka mina ku le kusuhi.+
Swihlala swi ta ndzi tshemba,+
Swi ta rindzela matimba ya mina.
6 Langutani ematilweni,
Mi languta ni laha misaveni.
Hikuva matilo ma ta hangalaka kukota musi;
Misava yi ta hlakala ku fana ni nguvu,
Lava tshamaka eka yona va ta fa kukota tinsuna.*
Kambe ku ponisa ka mina ku ta va kona hilaha ku nga heriki,+
Ku lulama ka mina ku ta va kona hilaha ku nga heriki.+
Mi nga chavi loko vanhu va mi xanisa,
Mi nga chavisiwi hi nhlambha ya vona.
8 Hikuva nsumba yi ta va dya ku fana ni xiambalo;
Kambe ku lulama ka mina ku ta va kona hilaha ku nga heriki
Ndzi ta ponisa vatukulu hinkwavo.”+
Xalamuka ku fana ni khale, ku fana ni le mikarhini ya vanhu va khale.
10 Xana a hi wena loyi a omiseke lwandle, mati ya xidziva lexikulu?+
Loyi a endleke xidziva xa lwandle xi va ndlela yo tsemakanya ya lava kutsuriweke?+
11 Lava kutsuriweke va Yehovha va ta vuya.+
Ntsako ni ku khana swi ta va swa vona,
A va nge he vi na gome ni nhlomulo.+
12 “Hi mina Loyi a mi chavelelaka.+
Hikwalaho ka yini mi fanele mi chava munhu loyi a nga ta fa+
Ni n’wana wa munhu loyi a nga ta vuna ku fana ni byanyi bya rihlaza?
13 Hikwalaho ka yini mi rivala Yehovha Muvumbi wa n’wina,+
Loyi a andlaleke matilo+ ni ku simeka masungulo ya misava?
Siku hinkwaro a mi chava vukarhi bya muxanisi wa n’wina
Onge hi loko a ri ni matimba yo mi herisa.
Byi kwihi vukarhi bya loyi a mi tshikilelaka?
14 Ku nga ri khale loyi a bohiweke hi tinketana u ta tshunxiwa;+
A nge fi a lahliwa
Naswona a nge dlayiwi hi ndlala.
15 Kambe hi mina Yehovha Xikwembu xa wena,
Loyi a dungaka lwandle ni ku endla leswaku magandlati ya rona ma ba huwa+
Vito ra yena i Yehovha wa mavuthu.+
16 Ndzi ta endla leswaku u vulavula marito ya mina,
Ndzi ta ku funengeta hi ndzhuti wa voko ra mina,+
Leswaku ndzi simeka matilo ni masungulo ya misava,+
Ndzi tlhela ndzi byela Siyoni ndzi ku, ‘Mi vanhu va mina.’+
17 Xalamuka! Xalamuka! Pfuka, wena Yerusalema,+
Wena loyi a nweke evokweni ra Yehovha, ekhapini ya vukarhi byakwe.
U nwe leswi nga ejomeleni;
U nwe leswi endlaka munhu a dedeleka.+
18 A nga kona ni un’we eka vana lava a va velekeke loyi a n’wi pfunaka,
A nga kona ni un’we eka vana lava a va kuriseke loyi a n’wi khomaka hi voko.
19 Swilo leswi swimbirhi swi ku werile.
I mani loyi a nga ta rila na wena?
Ku lova ni maxangu, ndlala ni banga!+
I mani la nga ta ku chavelela?+
20 Vana va wena va titivarile.+
Va etlele etikhonweni ta switarata
Ku fana ni nyimpfu ya nhova leyi phasiweke hi nete.
Va hetiwe matimba hi vukarhi bya Yehovha, ku tshinya ka Xikwembu xa wena.”
21 Kutani yingisa leswi,
Wena wansati la xupuriweke naswona a dakweke hambileswi a nga nwangiki vhinyo.
22 Hosi Yehovha, Xikwembu xa wena, loyi a yimelelaka vanhu va yena u ri:
“Yingisa! Ndzi ta ku tekela xinwelo lexi ku dedelekisaka,+
Jomela, xinwelo xa vukarhi bya mina;
A wu nge he nwi hi swona.+
23 Ndzi ta yi nyika lava ku xanisaka,+
Lava ku byeleke va ku, ‘Khinsama hi ta hundza hi le henhla ka wena!’
Hikwalaho u pavalarile,
U tiendle xitarata leswaku va ta famba eka xona.”
52 Xalamuka! Xalamuka! Vana ni matimba,+ wena Siyoni!+
Ambala swiambalo swa wena swo saseka,+ wena Yerusalema, muti wo kwetsima!
Hikuva loyi a nga yimbangiki ni loyi a nga basangiki a va nge he pfuki va nghenile eka wena.+
2 Tidzudze ritshuri, u tshama exitulwini, wena Yerusalema.
Susa tinketana enhan’wini ya wena, wena nhwanyana wa Siyoni loyi a nga hlonga.+
3 Hikuva Yehovha u ri:
4 Hikuva Yehovha Hosi Leyi Tlakukeke u ri:
“Vanhu va mina va rhange va ya eEgipta va ya luvela kona;+
Endzhaku ka sweswo Vaasiriya va va tshikilerile handle ka xivangelo.”
5 “Kutani, xana ndzi fanele ndzi endla yini laha?” ku vula Yehovha.
“Hikuva vanhu va mina va tekiwe mahala.
Lava va va fumaka va tshamela ku tibuma,”+ ku vula Yehovha,
“Vito ra mina ri tshamela ku sandziwa siku hinkwaro.+
6 Hikwalaho ka sweswo, vanhu va mina va ta tiva vito ra mina;+
Hikwalaho ka sweswo va ta swi tiva hi siku rero leswaku hi mina Loyi a vulavulaka.
Vonani, hi mina!”
7 Yi sasekile milenge ya loyi a tisaka mahungu lamanene ehenhla ka tintshava,+
Loyi a huwelelaka ku rhula,+
Loyi a tisaka mahungu lamanene ya leswo antswa,
Loyi a twarisaka ku ponisiwa,
Loyi a byelaka Siyoni a ku: “Xikwembu xa wena i Hosi!”+
8 Yingisa! Varindzi va wena va huwelela.
Va ba mikulungwana,
Hikuva va ta tivonela hi voxe loko Yehovha a hlengeleta lava a va ri eSiyoni.
9 Khanani, banani mikulungwana n’wina marhumbi ya Yerusalema,+
Hikuva Yehovha u chavelele vanhu vakwe;+ u kutsule Yerusalema.+
10 Yehovha u kombe matiko hinkwawo voko rakwe ro kwetsima;+
Misava hinkwayo yi ta vona ndlela leyi Xikwembu xa hina xi ponisaka ha yona.+
11 Sukani, sukani, humani kona,+ mi nga khumbi nchumu lexi nga basangiki!+
12 Hikuva a mi nge humi mi chuhile,
Naswona a mi nge boheki ku tsutsuma,
Hikuva Yehovha u ta mi rhangela,+
Xikwembu xa Israyele xi ta mi rindza endzhaku.+
13 Vonani! Nandza wa mina+ u ta endla swilo hi vutlhari.
U ta nyikiwa xitulu xa le henhla,
U ta xiximiwa swinene.+
14 Hilaha vo tala va n’wi honoleleke hakona va hlamarile
Hikwalaho ka leswi a nga ha langutekiki ku fana ni munhu
Xivumbeko xakwe a xi nga ha fani ni xa vanhu
Tihosi ti ta miyela ti ku whii, loko ti n’wi vona+
Hikuva ti ta vona leswi ti nga si tshamaka ti byeriwa swona,
Ti ta anakanyisisa hi leswi ti nga si tshamaka ti swi twa.+
53 I mani loyi a veke ni ripfumelo eka swilo leswi a swi tweke eka hina?*+
I mani loyi a kombiweke+ matimba* ya Yehovha?+
2 U ta humelela ku fana ni xirhabyana+ emahlweni ka yena,* ku fana ni rimitsu leri humaka emananga.
A nga languteki a chaviseka, kumbe ku xiximeka;+
Loko hi n’wi vona, a hi swi naveli ku tshinela ekusuhi na yena.
3 A a nga tekeriwi enhlokweni naswona vanhu a va n’wi papalata,+
U twe ku vava naswona a a tolovelane ni mavabyi.
A swi fana ni loko hi tumbeteriwe xikandza xakwe.
A a languteriwa ehansi naswona a hi n’wi teka a nga pfuni nchumu.+
Kambe a hi n’wi teka ku fana ni munhu loyi a xupuriweke ni ku biwa hi Xikwembu.
6 Hinkwerhu a hi lahleke ku fana ni tinyimpfu,+
Un’wana ni un’wana a a famba hi ndlela yakwe,
Yehovha u rhwexe yoloye swidyoho swa hina hinkwaswo.+
U tisiwe ku fana ni nyimpfu leyi yaka eku tlhaviweni,+
Leyi nga riliki loko yi tsemetiwa voya,
A nga vulanga nchumu.+
8 U khomiwe hi tihanyi, a avanyisiwa a tlhela a dlayiwa;
I mani loyi a nga ta tikarhata hi vuxokoxoko bya ndlela leyi a hanyeke ha yona?
9 U lahliwe ni lavo homboloka+
10 Kambe a ku ri ku rhandza ka Yehovha leswaku a xaniseka naswona u n’wi tshike a vabya.
Loko wo nyikela vutomi byakwe byi va gandzelo ra nandzu,+
U ta vona vana* vakwe, u ta hanya nkarhi wo leha,+
Ku rhandza ka Yehovha ku ta hetiseka hikwalaho ka yena.+
11 Hikwalaho ka leswi a xanisekeke, u ta vona leswi a swi endleke kutani a eneriseka.
Hikwalaho ka vutivi byakwe nandza wa mina wo lulama,+
U ta pfuna vo tala+ leswaku va va lava lulameke,
U ta va rhwalela swidyoho swa vona.+
12 Hikwalaho ka sweswo, ndzi ta n’wi nyika xikhundlha exikarhi ka lavo tala,
U ta avelana ni tinhenha leswi phangiweke,
Hikwalaho ka leswi a nyikeleke hi vutomi byakwe,+
Nileswi a hlayiweke exikarhi ka vadyohi;+
U rhwale swidyoho swa vanhu vo tala,+
Naswona u kombelele vadyohi.+
54 “Bana nkulungwana wena wansati wa mhika loyi a nga velekangiki!+
Khana u ba ni xivuvutana,+ wena loyi a nga vangiki na switlhavi swa ku veleka,+
Hikuva vana va loyi a tshikiweke va tele ngopfu
Ku tlula vana va wansati loyi a nga ni nuna,”*+ ku vula Yehovha.
Engetela malapi ya tende ra tabernakela ya wena leyikulu.
U nga feleli, lehisa tintambhu ta tende ra wena,
Belela timhingu leti khomeke tende ra wena ti tiya.+
3 Hikuva u ta hangalaka u ya exineneni ni le ximatsini.
Vana va wena va ta fuma matiko,
Va ta tshama emitini leyi ku nga ha tshamiki munhu.+
4 U nga chavi,+ hikuva a wu nge nyumisiwi;+
U nga khomiwi hi tingana, hikuva swi ta ku fambela kahle.
U ta rivala tingana leti u veke na tona loko wa ha ri muntshwa,
A wu nge he swi tsundzuki leswaku u tshame u hlekiwa hi leswi a wu ri noni.”
5 “Hikuva Mutumbuluxi wa wena Lonkulu+ u fana ni nuna*+ wa wena,
Vito ra yena i Yehovha wa mavuthu,
Mukutsuri+ wa wena i Mukwetsimi wa Israyele.
U ta vitaniwa Xikwembu xa misava hinkwayo.+
6 Hikuva Yehovha u ku vitanile ku fana ni wansati loyi a siyiweke, loyi a nga ni gome,+
Ku fana ni wansati loyi a tekiweke a ha ri muntshwa kutani a tshikiwa,” ku vula Xikwembu xa wena.
8 Ndzi ku tumbetele xikandza xa mina swa nkarhinyana hikwalaho ko hlundzuka,+
Kambe ndzi ta ku twela vusiwana+ hikwalaho ka rirhandzu ra mina leri nga heriki,” ku vula Yehovha Mukutsuri+ wa wena.
9 “Leswi swi fana ni le nkarhini wa Nowa eka mina.+
Hilaha ndzi hlambanyeke hakona leswaku mati ya Nowa a ma nge he tlheli ma funengeta misava,+
Hi ndlela yoleyo ndzi hlambanyile leswaku a ndzi nge he ku hlundzukeli kumbe ku ku holovela.+
10 Hikuva tintshava ti nga ha susiwa
Switsunga swi nga ha tsekatsekisiwa,
Kambe mina a ndzi nge tshiki ku ku rhandza,+
Ntwanano wa mina wa ku rhula a wu nge tsekatsekisiwi,”+ ku vula Yehovha, Loyi a mi twelaka vusiwana.+
11 “Wena wansati la xanisekaka,+ la biwaka hi moya, la nga chaveleriwiki,+
Ndzi ku aka hi maribye ni semendhe,
Ndzi aka masungulo ya wena hi tisafiri.+
12 Ndzi ta aka swihondzo swa wena hi tirhubi,
Tigede ta wena hi maribye lama hatimaka,
Ni mindzilakana ya wena hinkwayo ndzi ta yi endla hi maribye ya nkoka.
14 U ta simekiwa u tiya hi ku lulama.+
U ta va ekule ni ntshikilelo,+
A wu nge he chavi nchumu naswona a ku na lexi nga ta ku chavisa,+
Hikuva a xi nge tshineli eka wena.
15 Loko un’wana o tshuka a ku hlasela,
U ta va a nga rhumiwanga hi mina.
Loyi a nga ta ringeta ku ku hlasela u ta n’wi hlula.”+
Ndzi tlhele ndzi tumbuluxa munhu loyi a nga ta onhetela.+
17 A ku na tlhari leri nga ta ku hlasela ri ku hlula,+
U ta hlula un’wana ni un’wana loyi a nga ta tenga na wena ehubyeni.
Leyi i ndzhaka ya malandza ya Yehovha,
Ma lulamile eka mina,” ku vula Yehovha.+
55 Tanani n’wina hinkwenu mi nga ni torha,+ tanani ematini!+
N’wina mi nga riki na mali, tanani, mi xava mi dya!
Tanani, xavani vhinyo ni ntswamba+ handle ka mali, handle ka nxavo.+
2 Hikwalaho ka yini mi tshamela ku xava swilo leswi nga riki xinkwa,
Naswona hikwalaho ka yini mi tirhisa mali leyi mi yi tirheleke hi matimba eka leswi nga enerisiki?
3 Rhiyani ndleve mi ta eka mina.+
Yingisani, kutani mi ta hanya,
Ndzi ta endla ntwanano lowu nga heriki na n’wina,+
Hi ku landza switshembiso swa rirhandzu eka Davhida, leswi tshembekaka.+
5 Yingisa! U ta vitana tiko leri u nga ri tiviki,
Vanhu va tiko lava nga ku tiviki va ta tsutsumela eka wena,
Hikwalaho ka Yehovha Xikwembu xa wena,+ Mukwetsimi wa Israyele,
Hikuva u ta ku dzunisa.+
6 Lavisisani Yehovha loko a ha kumeka.+
N’wi vitaneni loko a ha ri ekusuhi.+
7 Lowo homboloka a a tshike mahanyelo yakwe,+
Ni lowo biha miehleketo yakwe;
A a tlhelele eka Yehovha, loyi a nga ta n’wi twela vusiwana+
Eka Xikwembu xa hina, hikuva xi ta rivalela hi ndlela leyikulu.+
8 “Hikuva miehleketo ya mina a yi fani ni ya n’wina,+
Ni tindlela ta n’wina a hi tindlela ta mina,” ku vula Yehovha.
9 “Hikuva tanihi leswi matilo ma tlakukeke ku tlula misava,
Ni tindlela ta mina ti tlakuke ku tlula tindlela ta n’wina
Ni miehleketo ya mina yi tlakukile eka ya n’wina.+
10 Hikuva tanihi leswi mpfula ni gamboko swi naka swi huma etilweni
Naswona swi nga tlheleriki kwalaho swi nga si tsakamisa misava, swi yi endla yi mirisa ni ku hlukisa,
Leswaku mubyari a kuma mbewu ni loyi a dyaka a kuma xinkwa,
11 Swi ta va tano ni hi rito leri humaka enon’wini wa mina.+
A ri nge tlheleli eka mina ri nga endlanga leswi ndzi ri rhumeke swona,+
Kambe ri ta endla leswi ndzi swi tsakelaka,+
Naswona ri ta endla leswi ndzi ri rhumeke ku swi endla.
Tintshava ni swintshabyana swi ta tsaka swi ba mikulungwana emahlweni ka n’wina,+
Ni mirhi hinkwayo leyi nga enhoveni yi ta phokotela mavoko.+
13 Ematshan’weni ya swihlahla swa mitwa ku ta mila murhi wa yunipa,+
Naswona ematshan’weni ya swimilana swo hlohlonya ku ta mila murhi wa mirta.
Yehovha+ u ta tiveka hikwalaho ka swona,
Swi ta va mfungho lowu nga taka wu nga herisiwi.”
56 Yehovha u ri:
“Rhandzani vululami,+ mi endla leswi lulameke,
Hikuva ndzi ta mi ponisa ku nga ri khale
Naswona mi ta vona ku lulama ka mina.+
2 Wa tsaka munhu la endlaka leswi
Ni n’wana wa munhu loyi a swi yingisaka,
Loyi a hlayisaka Savata a nga yi nyamisi,+
Naswona a nga endliki vubihi bya muxaka wihi ni wihi.
3 Muluveri loyi a tirhelaka Yehovha+ a nga tshuki a ku,
‘Handle ko kanakana Yehovha a nge ndzi hlanganisi ni vanhu vakwe.’
Ni mutsheniwa a nga tshuki a ku, ‘Vona! Ndzi fana ni murhi lowu omeke.’ ”
4 Hikuva Yehovha u byela vatsheniwa lava hlayisaka tisavata ta mina, lava hlawulaka leswi ndzi swi tsakelaka ni lava hlayisaka ntwanano wa mina, a ku:
5 “Ndzi ta va nyika ribye ra xitsundzuxo endlwini ya mina ni le ndzeni ka makhumbi ya mina ni vito,
Nchumu wo antswa ku tlula vana va majaha ni va vanhwanyana.
Ndzi ta va nyika vito leri nga ta tshama hilaha ku nga heriki,
Leri nga ta ka ri nga herisiwi.
Ni ku va malandza yakwe,
Hinkwavo lava hlayisaka Savata va nga yi nyamisi
Naswona va hlayisaka ntwanano wa mina,
Ndzi va endla va tsaka endlwini ya mina ya xikhongelo.
Magandzelo ya vona yo hisiwa lama heleleke ni magandzelo laman’wana ma ta amukeriwa ealtarini ya mina.
Hikuva yindlu ya mina yi ta vuriwa yindlu ya xikhongelo ya vanhu hinkwavo.”+
8 Yehovha Hosi Leyi Tlakukeke, loyi a hlengeletaka lava hangalakeke va Israyele,+ u ri:
“Ndzi ta n’wi hlengeletela vanhu van’wana handle ka lava se va hlengeletiweke.”+
9 N’wina hinkwenu swiharhi swa nhova, tanani mi ta dya,
N’wina hinkwenu swiharhi leswi nga ekhwatini.+
10 Varindzi vakwe va fe matihlo,+ ku hava loyi a lemukeke.+
Hinkwavo i timbyana leti nga vulavuliki, leti nga kotiki ku vukula.+
Va hefemuteka, va etlela; va rhandza ku khudzehela.
11 Va fana ni timbyana leti nga ni makolo;
A va eneriseki.
I varisi lava nga twisisiki.+
Hinkwavo va tiendlela ku rhandza;
Hinkwavo va rhandza leswi vuyerisaka vona ntsena, va tlhela va ku:
Siku ra mundzuku ri ta fana ni ra namuntlha, hi ta tiphina swinene.”
57 Lowo lulama u lovile,
Kambe ku hava la nga ni mhaka na swona.
A nga kona loyi a swi xiyaka leswaku lowo lulama wa hela
Hikwalaho ka khombo.
2 U kuma ku rhula.
Hinkwavo lava endlaka leswinene va wisile emasangwini ya vona.*
3 “Kambe loko ku ri n’wina, tshinelani,
N’wina vana va wansati loyi a nga noyi,
N’wina vana va muoswi tlhelo nghwavava:
4 Xana mi sandza mani?
Loko mi pfula milomu mi humesa ririmi, mi endlela mani?
Xana a mi vana va vadyohi
Ni vana va vahembi,+
5 Lava hisiwaka hi ku navela exikarhi ka mirhi leyikulu,+
Ehansi ka mirhi hinkwayo leyikulu,+
Lava dlayetelaka vana emikoveni,+
Ehansi ka maribye ya mabako?
6 U tsakela maribye ya le nkoveni.+
U hlawule wona.
U ma chululela gandzelo ra swakunwa u ma nyika ni tinyiko.+
Xana ndzi fanele ndzi tsaka hi swilo leswi?
8 U veka xifaniso xa xikwembu xa wena endlwini ya wena.
U ndzi tshikile, u famba u ya hluvula;
U tlhandlukile u ya engetela ndhawu leyi u etlelaka eka yona.
U endle ntwanano na vona.
U rhumele vayimeri va wena ekule,
U kala u ya eSirheni.*
10 U tirhe hi matimba u landzela tindlela ta wena to tala,
A wu vulanga u ku, ‘A swi pfuni nchumu!’
U tlhele u kuma matimba.
Hi yona mhaka u tiyiseleke.
A wu ndzi tsundzukanga.+
A wu tekelanga nchumu enhlokweni.+
Xana a ndzi miyelanga ndzi fihla timhaka?+
A wu ndzi chavanga.
Hinkwaswo swi ta biwa hi moya,
Swi ta ya wela ekule loko munhu a swi fufutela kunene,
Kambe loyi a tumbelaka eka mina u ta dya ndzhaka ya tiko
Ntshava ya mina yo kwetsima yi ta va ndzhaka yakwe.+
14 Ku ta vuriwa leswi, ‘Endlani ndlela! Lulamisani ndlela.+
Susani swilo hinkwaswo leswi nga kavanyetaka vanhu va mina endleleni ya vona.’ ”
15 Hikuva Loyi a Tlakukeke, La nga eHenhla,
Loyi a hanyaka hilaha ku nga heriki+ loyi vito rakwe ri kwetsimaka,+ u ri:
“Ndzi tshama endhawini leyi tlakukeke ni leyi kwetsimaka,+
Kambe ni le xikarhi ka lava tshikileriwaka ni lava titsongahataka,
Leswaku ndzi tiyisa lava titsongahataka
Ni ku pfuxa timbilu ta lava tshikileriwaka.+
16 Hikuva a ndzi nge va kariheli hilaha ku nga heriki
Kumbe ku tshama ndzi hlundzukile;+
Hikuva moya wa munhu wu ta heleriwa hi matimba hikwalaho ka mina,+
Hambi ku ri swivumbiwa leswi hanyaka leswi ndzi swi endleke.
17 A ndzi n’wi* hlundzukerile hikwalaho ka leswi a nga ni makwanga,+
Hiloko ndzi n’wi ba, ndzi tumbete xikandza xa mina naswona a ndzi hlundzukile.
Kambe u ye emahlweni a tiendlela ku rhandza.+
18 Ndzi yi vonile ndlela leyi a hanyaka ha yona,
Kambe ndzi ta n’wi tshungula,+ ndzi n’wi komba ndlela,+
Ndzi n’wi chavelela,+ ndzi tlhela ndzi chavelela ni vanhu vakwe lava rilaka.”+
19 “Ndzi endla marito yo dzunisa.*
Ku ta va ni ku rhula loku nga heriki eka loyi a nga ekule ni loyi a nga ekusuhi,”+ ku vula Yehovha,
“Ndzi ta n’wi horisa.”
20 “Kambe lavo homboloka va fana ni lwandle leri kariheke,
Mati ya rona ma tshamela ku humesa swimilana swa le lwandle ni ndzhope.
21 Lavo homboloka a va na ku rhula,”+ ku vula Xikwembu xanga.
58 “Huwelela swinene; u nga titsetseleli!
Tlakusa rito ra wena ku fana ni nanga.
Byela vanhu va mina leswaku va dyohile,+
Byela vandyangu wa Yakobo swidyoho swa vona.
2 Siku ni siku va ndzi lava,
Va tsakela ku tiva tindlela ta mina,
Onge hiloko va ri tiko leri endlaka leswinene
Leri nga tshikangiki milawu ya Xikwembu xa rona.+
Va kombela leswaku ndzi va avanyisa hi ndlela yo lulama,
Va rhandza ku tshinela eka Xikwembu va ku:+
3 ‘Hikwalaho ka yini u nga swi voni loko hi titsona swakudya?+
Hikwalaho ka yini u nga swi xiyi loko hi tixanisa?’+
Hikwalaho ka leswi mi tiendlelaka ku rhandza hi siku leri mi titsonaka swakudya ha rona,
Naswona mi tshikilela vatirhi va n’wina.+
4 Ku titsona ka n’wina swakudya ku endla mi holova ni ku lwa,
Mi tlhela mi fumbutelana hi swibakele.
A mi nge titsoni swakudya hi ndlela yoleyo mi tlhela mi langutela ku twiwa etilweni.
5 Xana ku titsona swakudya loku ndzi ku lavaka ku fanele ku va hi ndlela leyi,
Ku va siku leri munhu a tixanisaka ha rona,
A korhamisa nhloko yakwe ku fana ni byanyi byo leha,
A etlela ehenhla ka xiambalo* xo khwaxa ni le nkumeni?
Xana leswi hi swona mi swi vulaka ku titsona swakudya ni siku leri tsakisaka Yehovha?
6 E-e, ku titsona swakudya loku ndzi ku lavaka hi loku:
Ku susa tinsimbhi leti tshikilelaka,
Ku tshunxa tintambhu ta majoko,+
Ku tshunxa lava tshikileriweke,+
Ni ku tshova joko rin’wana ni rin’wana hi le xikarhi;
7 I ku nyika la nga ni ndlala xinkwa xa wena,+
Ku tshama ni xisiwana ni loyi a nga riki na kaya emakaya ya n’wina,
Ku ambexa loyi a nga ambalangiki loko u n’wi vona,+
Ni ku nga fularheli maxaka ya n’wina.
Mitirho ya n’wina yo lulama yi ta vonaka,
Ku vangama ka Yehovha ku ta mi rindza endzhaku.+
9 Kutani mi ta vitana naswona Yehovha u ta mi hlamula;
Mi ta kombela ku pfuniwa, yena u ta ku, ‘Hi mina loyi!’
Loko mo susa joko exikarhi ka n’wina,
Mi tshika ku kombetelana hi tintiho ni ku vulavula swo biha,+
10 Loko mi nyika lava nga ni ndlala leswi n’wina mi swi navelaka+
Mi khathalela lava xanisekaka,
Kutani rivoni ra n’wina ri ta voninga hambiloko mi ri emunyameni,
Ku dzwihala ka n’wina ku ta vangama ku fana ni nhlikanhi.+
11 Yehovha u ta mi kongomisa mikarhi hinkwayo
U ta mi nyika leswi mi swi lavaka hambiloko mi ri emananga;+
U ta tiyisa marhambu ya n’wina,
Mi ta fana ni ntanga lowu cheletiwaka kahle,+
Ku fana ni xihlovo lexi nga phyiki.
12 Va ta pfuxa tindhawu leti nga marhumbi hikwalaho ka n’wina,+
Mi ta ma aka hi vuntshwa masungulo lama tshameke nkarhi wo leha ma ri marhumbi.+
Mi ta vitaniwa loyi a lunghisaka makhumbi lama onhakeke,+
Loyi a pfuxaka tindlela to tshama eka tona.
13 Loko mo tshika ku endla leswi mi tsakisaka hi siku ra mina ro kwetsima ku nga Savata+
Kutani mi vitana Savata leswaku i siku ro hlawuleka eka n’wina, siku leri kwetsimaka ra Yehovha, siku leri faneleke ri xiximiwa,+
Mi ri xixima ku ri ni ku endla leswi mi tsakisaka ni ku vula swilo leswi nga pfuniki nchumu,
14 Kutani mi ta tsaka hikwalaho ka Yehovha,
Ndzi ta mi nyika tindhawu leti tlakukeke ta misava leswaku mi tifuma.+
Ndzi ta endla leswaku mi tiphina hi ndzhaka ya Yakobo kokwa wa n’wina,+
Hikuva Yehovha u swi vurile.”
59 Maswivo! Voko ra Yehovha a ri komanga lerova ri nga tsandzeka ku ponisa,+
Ni ndleve yakwe a yi pfalekanga lerova yi nga tsandzeka ku twa.+
2 Swihoxo swa n’wina swi mi hambanise ni Xikwembu xa n’wina.+
Swidyoho swa n’wina swi endle leswaku xi mi tumbetela xikandza xa xona,
Xa ala ku mi yingisa.+
Milomu ya n’wina yi vulavula mavunwa+ ni ririmi ra n’wina ri hlevetela leswi nga lulamangiki.
Va tshemba swilo leswi nga riki swa xiviri,+ va vulavula leswi nga pfuniki nchumu.
Va tika swiphiqo va veleka maxangu.+
Un’wana ni un’wana loyi a dyaka matandza ya vona u ta fa,
Kutani tandza leri fayiweke ri tlhotlhorha mhiri.*
Mitirho ya vona yi ni khombo,
Va endla madzolonga.+
7 Milenge ya vona yi tsutsumela ku endla leswo biha,
Va hatlisela ku halata ngati leyi nga riki na nandzu.+
Leswi va swi ehleketaka swi ni khombo;
Va endla swo biha ni ku twisa van’wana ku vava.+
Va endla tindlela ta vona ti homboloka;
Loyi a fambaka eka tona a nge vi ni ku rhula.+
9 Hi yona mhaka vululami byi nga ekule na hina,
Ni ku lulama a hi ku kumi.
Hi tshama hi rindzele ku vonakala kambe hi kuma munyama;
Hi rindzela ku vangama kambe hi ya emahlweni hi famba eku dzwihaleni.+
10 Hi mbambela khumbi ku fana ni vanhu lava feke matihlo;
Hi tshamela ku mbambela ku fana ni lava nga riki na matihlo.+
Ha khudlunyeka ninhlikanhi onge hiloko hi famba nivusiku;
Exikarhi ka tinhenha hi fana ni vafi.
11 Hinkwerhu hi tshamela ku konya ku fana ni tibere
Hi tiputa vusiwana ku fana ni matuva.
Hi langutela vululami, kambe a byi kona;
Ni ku ponisiwa, kambe ku le kule na hina.
12 Hikuva ku xandzuka ka hina ku tele emahlweni ka wena;+
Swidyoho swa un’wana ni un’wana wa hina swi tiyisekisa mhaka leyi.+
Hikuva ku xandzuka ka hina ku le mahlweni ka hina;
Hi swi tiva kahle swihoxo swa hina.+
13 Hi dyohile hi tlhela hi nga n’wi yingisi Yehovha;
Hi fularhele Xikwembu xa hina.
14 A ku avanyisiwi hi ndlela leyinene,+
Ni ku lulama a ku kona;+
Hikuva a ku na ntiyiso emutini,
Naswona leswinene a swi endliwi.
Yehovha u swi vonile naswona a swi n’wi tsakisanga,
Hikuva a ku nga avanyisiwi hi ndlela leyinene.+
16 U xiye leswaku a ku na munhu,
Naswona u hlamarile loko a vona leswaku a ku na mulamuleri,
Kutani a va ponisa,
U swi endle hikwalaho ka leswi a lulameke.
17 Kutani a ambala ku lulama ku fana ni xiambalo xa nyimpi lexi endliweke hi swinsimbana,
A ambala swiambalo swa ku tirihisela+
A tlhela a titsondzela hi ku hiseka onge hi loko a titsondzele hi nguvu.
18 U ta va hakela hi ku ya hi leswi va swi endleke:+
U ta karihela valala vakwe a tlhela a va xupula.+
Swihlala u ta swi nyika leswi faneleke.
19 Va ta chava vito ra Yehovha ku sukela evupeladyambu,
Kasi evuxeni va ta n’wi dzunisa,
Hikuva u ta ta ku fana ni nambu lowu khulukaka hi matimba,
Lowu susumetiwaka hi moya wa Yehovha.
20 “Mukutsuri+ u ta ya eSiyoni,+
Ni le ka lava nga wu tluliki nawu eka ndyangu wa Yakobo,”+ ku vula Yehovha.
21 “Ntwanano wa mina na vona hi lowu,”+ ku vula Yehovha. “Moya wa mina lowu nga eka n’wina ni marito ya mina lawa ndzi ma vekeke emilon’wini ya n’wina a swi nge susiwi emilon’wini ya n’wina ni le milon’wini ya vana va n’wina kumbe emilon’wini ya vatukulu va n’wina, ku sukela sweswi ni hilaha ku nga heriki,” ku vula Yehovha.
60 “Pfuka wena wansati,+ voninga hikuva rivoni ra wena ri fikile.
Ku vangama ka Yehovha ka ku voningela.+
2 Hikuva waswivo, munyama wu ta funengeta misava
Matiko ma ta va emunyameni;
Kambe Yehovha u ta ku voningela,
Ku vangama ka yena ku ta vonaka eka wena.
3 Matiko ma ta ta eku vonakaleni ka wena+
Ni tihosi+ ti ta ta eku vangameni ka wena.+
4 Halahala!
Hinkwavo va hlengeletiwile; va ta eka wena.
Vana va wena va majaha lava humaka ekule va tama va ta,+
Kasi vana va wena va vanhwanyana va ta vuya va beburiwe kunene.+
5 Enkarhini wolowo u ta swi vona ivi u tsaka,+
Mbilu ya wena yi ta tsaka yi khana swinene,
Hikuva rifuwo leri nga elwandle ri ta ta eka wena;
Rifuwo ra matiko ri ta ta eka wena.+
6 Ku ta va ni tikamela to tala swinene etikweni ra wena,
Tikamela letitsongo leti humaka eMidiyani ni le Efa.+
Hinkwavo lava humaka eXeba va ta ta;
Va ta ta va rhwale nsuku ni mirhi ya risuna.
Va ta dzunisa Yehovha.+
7 Mitlhambi hinkwayo ya le Kedari+ yi ta hlengeletiwa yi tisiwa eka wena.
Makhuna ya le Nebayoto+ ma ta ku tirhela.
Ma ta amukeriwa ma va gandzelo ealtarini ya mina,+
8 I vamani lava, lava hahaka ku fana ni mapapa,
Ku fana ni matuva lama yaka eswisakeni swa wona?
9 Hikuva swihlala swi ta tshemba mina;+
Swikepe swa le Taraxixi swi le ku teni,
Swi tisa vana va wena lava humaka ekule,+
Va rhwale silivhere ya vona ni nsuku wa vona,
Leswaku va ta dzunisa vito ra Yehovha Xikwembu xa wena, Mukwetsimi wa Israyele,
Hikuva u ta ku vangamisa.+
10 Valuveri va ta aka makhumbi ya wena,
Tihosi ta vona ti ta ku tirhela,+
Ndzi ku xupule hikwalaho ka leswi a ndzi hlundzukile,
Kambe ndzi ta ku komba tintswalo hikwalaho ka vunene bya mina.+
11 Tigede ta wena ti ta tshama ti pfulekile;+
A ti nge pfariwi vusiku ninhlikanhi,
Leswaku u tiseriwa rifuwo ra matiko,
Tihosi ta wona hi tona ti nga ta rhanga ti ta.+
12 Hikuva matiko ni mifumo leyi nga ta ka yi nga ku tirheli swi ta lovisiwa,
Matiko ma ta sala ma ri marhumbi.+
13 Ku ta ta leswinene leswi humaka eLebanoni,+
Mirhi ya yunipa, ya nyamarhi ni ya kipresi,+
Leswaku u ta khavisa ndhawu ya mina yo kwetsima;
Ndzi ta vangamisa laha ndzi vekaka kona milenge ya mina.+
14 Vana va lava a va ku xanisa va ta fika va ku khinsamela;
Hinkwavo lava va nga ku xiximiki va ta boheka ku ku khinsamela,
Naswona va ta boheka ku ku vitana muti wa Yehovha,
Siyoni, muti wa Mukwetsimi wa Israyele.+
15 Ematshan’weni ya ku va u fularheriwa u tlhela u vengiwa, ku ri hava ni loyi a hundzaka hi le ka wena,+
Ndzi ta ku endla u va nchumu lowu vanhu va nga ta tibuma ha wona,
Lowu nga ta va tsakisa hilaha ku nga heriki.+
16 Kunene u ta nwa ntswamba wa matiko,+
U ta mama mavele ya tihosi;+
Hakunene u ta swi tiva leswaku mina Yehovha, ndzi Muponisi wa wena,
Loyi a nyikaka Yakobo Matimba i Mukutsuri wa wena.+
17 Ematshan’weni ya koporo ndzi ta tisa nsuku,
Naswona ematshan’weni ya nsimbhi ndzi ta tisa silivhere,
Ematshan’weni ya ntsandza, koporo,
Naswona ematshan’weni ya maribye, nsimbhi;
Ndzi ta endla leswaku ku rhula ku va mulanguteri wa wena
Ku lulama ku ta va ndhuna ya wena.+
Makhumbi ya wena u ta ma thya Ku Ponisiwa+ kasi tigede ta wena u ta ti thya Ku Dzunisa.
19 Ninhlikanhi a wu nge he voningeriwi hi dyambu,
Ni n’weti a wu nge he ku voningeli,
Hikuva Yehovha u ta ku voningela hilaha ku nga heriki,+
U ta saseka hikwalaho ka Xikwembu xa wena.+
20 Dyambu a ri nge he ku peleli,
Ni n’weti a wu nge he nyamalali,
Hikuva Yehovha u ta ku voningela hilaha ku nga heriki,+
Swirilo swa wena swi ta va swi herile.+
21 Vanhu va wena hinkwavo va ta va vo lulama;
Tiko ri ta va ra vona hilaha ku nga heriki.
22 Lontsongo u ta va gidi,
Kasi lontsongo ngopfu u ta va tiko ra matimba.
Mina Yehovha, ndzi ta swi hatlisisa hi nkarhi wa swona.”
61 Moya wa Yehovha Hosi Leyi Tlakukeke wu le ka mina,+
Hikuva Yehovha u ndzi hlawule ku twarisa mahungu lamanene eka lavo rhula.+
U ndzi rhume leswaku ndzi horisa lava vavisekeke mbilu,
Ndzi byela mahlonga leswaku ma ta tshunxiwa
Ni leswaku matihlo ya vabohiwa ma ta pfuriwa,+
2 Ku huwelela lembe ra Yehovha ra ntwelavusiwana
Ni siku ra ku rihisela ka Xikwembu xa hina,+
Ku chavelela hinkwavo lava rilaka,+
3 Ku khathalela lava rilelaka Siyoni,
Ku va nyika duku ematshan’weni ya nkuma,
Mafurha leswaku va tsaka ematshan’weni ya ku rila,
Xiambalo xa ku dzunisiwa ematshan’weni ya ku va ni gome.
Va ta vitaniwa mirhi leyikulu ya ku lulama,
Leyi byariweke hi Yehovha leswaku a dzunisiwa.+
4 Va ta pfuxa marhumbi ya khale;
Va ta pfuxa tindhawu ta khale leti a ku nga ha tshami munhu,+
Va ta pfuxa miti leyi onhiweke,+
Tindhawu leti se a ku hundze nkarhi wo leha ku nga ha tshami munhu.+
5 “Vafambi va ta ta va ta risa swifuwo swa n’wina,
Valuveri+ va ta va varimi va n’wina ni varimi va masimu ya n’wina ya madiriva.+
6 Loko ku ri n’wina, mi ta vitaniwa vaprista va Yehovha;+
Va ta mi vitana malandza ya Xikwembu xa hina.
Mi ta dya rifuwo ra matiko,+
Mi ta tibuma hi rifuwo ra wona.
7 Ematshan’weni ya tingana mi ta kuma tiko hilaha ku phindhiweke kambirhi,
Naswona ematshan’weni yo khomisiwa tingana va ta ba nkulungwana hikwalaho ka mikateko ya vona.
Va ta averiwa ndhawu hilaha ku phindhiweke kambirhi etikweni ra vona.+
Va ta tsaka hilaha ku nga heriki.+
Ndzi ta va hakela hi ku tshembeka,
Naswona ndzi ta endla ntwanano wa hilaha ku nga heriki na vona.+
10 Ndzi ta tsaka swinene hikwalaho ka Yehovha.
Ndzi ta tsaka hikwalaho ka Xikwembu xanga.+
Hikuva eka mina matimba ya xona yo ponisa ma fana ni xiambalo;+
Xi ndzi tsondzele hi xiambalo xo leha xa ku lulama,
Ku fana ni muteki loyi a ambalaka duku leri fanaka ni ra muprista,+
Ni ku fana ni mutekiwa loyi a tikhavisaka hi swin’wetsin’wetsi.
11 Tanihi leswi misava yi hlukisaka swimilana
Ni ntanga wu kurisaka leswi byariweke eka wona,
Yehovha Hosi Leyi Tlakukeke
U ta endla leswaku ku va ni ku lulama+ naswona vanhu ematikweni hinkwawo va ta n’wi dzunisa.+
62 A ndzi nge miyeli hikwalaho ka Siyoni,+
Naswona a ndzi nge tshami ndzi miyerile hikwalaho ka Yerusalema
Kukondza ku lulama ka yena ku voninga ku fana ni rivoni leri vangamaka+
Ni ku ponisiwa ka yena ku pfurha ku fana ni xisana.+
2 “Matiko ma ta vona ku lulama ka wena, wena wansati,+
Ni tihosi hinkwato ti ta vona ku xiximeka ka wena.+
U ta vitaniwa hi vito lerintshwa,+
Leri Yehovha hi byakwe a nga ta ri hlawula.
3 U ta fana ni harhi yo saseka evokweni ra Yehovha,
Duku ra vuhosi exandleni xa Xikwembu xa wena.
4 A wu nge he pfuki u vuriwe wansati loyi a tshikiweke,+
Ni tiko ra wena a ri nge he pfuki ri vuriwe marhumbi.+
Kambe u ta vitaniwa hi vito leri nge, Ndza Tsaka Hi Yena,+
Ni tiko ra wena ri ta vitaniwa hi vito leri nge, Wansati Loyi A Tekiweke.
Hikuva Yehovha u ta tsaka ha wena,
Ni tiko ra wena ri ta fana ni wansati loyi a tekiweke.
5 Hikuva ku fana ni jaha leri tekaka nhwana,
U ta tekiwa hi vanhu va wena.
Xikwembu xi ta tsaka ha wena,+
Ku fana ni muteki loyi a tsakaka hikwalaho ka ntombhi yakwe.
6 Ndzi veke varindzi ehenhla ka makhumbi ya wena, wena Yerusalema.
A va fanelanga va miyela, vusiku ninhlikanhi.
N’wina lava dzunisaka Yehovha,
Mi nga wisi,
7 Mi nga n’wi wisisi kukondza a aka muti wa Yerusalema wu tiya,
Kukondza wu dzunisiwa emisaveni hinkwayo.”+
8 Yehovha u hlambanyile hi voko rakwe ra xinene leri nga ni matimba, a ku:
“A ndzi nge he va nyiki valala va wena koroni ya wena,
Vamatiko a va nge he nwi vhinyo ya wena leyintshwa, leyi u yi tirheleke ku vava.+
9 Kambe lava tshovelaka koroni va ta yi dya, va dzunisa Yehovha;
Kasi lava endlaka vhinyo va ta yi nwa eswivaveni* swa mina swo kwetsima.”+
10 Humani, humani hi tigede.
Basiselani vanhu ndlela.+
Akani, akani gondzo lerikulu.
Susani maribye eka rona.+
Vekelani vanhu mfungho.+
11 Vonani! Yehovha u byele misava hinkwayo a ku:
“Byelani nhwanyana wa Siyoni mi ku,
‘U ta ponisiwa ku nga ri khale.+
Vonani! U ta ni hakelo,
U khome muholo.’ ”+
12 Va ta vuriwa vanhu vo kwetsima, lava kutsuriweke hi Yehovha,+
Kutani wena u ta vitaniwa hi vito leri nge, Muti Lowu Laviwaka, Muti Lowu Nga Tshikiwangiki.+
63 I mani loyi la humaka eEdomu,+
Loyi a humaka eBosira+ a ambale swiambalo swa mivalavala,
Swiambalo swakwe swa xiximeka,
Loyi loko a famba swi tikombaka leswaku u ni matimba?
“Hi mina Loyi a vulavulaka swo lulama,
Loyi a nga ni matimba lamakulu yo ponisa.”
2 Hikwalaho ka yini swiambalo swa wena swi ri swo tshwuka,
Naswona hikwalaho ka yini swiambalo swa wena swi fana ni swa loyi a pyanyaka madiriva?+
3 “Ndzi pyanyetele vhinyo ndzi ri ndzexe.
A ndzi nga pfuniwi hi munhu.
Ndzi ye emahlweni ndzi va pyanya hikwalaho ko hlundzuka,
Ndzi va pyanyeterile hikwalaho ka vukarhi bya mina.+
Swiambalo swa mina a swi phyandlakele hi ngati ya vona,
Ndzi thyakise swiambalo swa mina hinkwaswo.
4 Hikuva ndza ri tiva siku leri ndzi nga ta rihisela ha rona,+
Ni lembe leri ndzi nga ta kutsula vanhu va mina ri fikile.
5 Ndzi langutile, kambe a ku nga ri na mupfuni;
Ndzi karhatekile hikwalaho ka leswi a ku nga ri na loyi a ta ndzi seketela.
Kutani voko ra mina ri ndzi ponisile,+
Ni vukarhi bya mina byi ndzi seketerile.
Ndzi halatele ngati ya vona ehansi.”
7 Ndzi ta vulavula hi mitirho ya rirhandzu ra Yehovha,
Mitirho leyi endlaka leswaku Yehovha a dzunisiwa,
Hikwalaho ka swilo hinkwaswo leswi Yehovha a hi endleleke swona,+
Swilo swo tala leswinene leswi a swi endleleke Vaisrayele,
Hikwalaho ka tintswalo ni rirhandzu rakwe lerikulu.
8 Hikuva u te: “Hakunene i vanhu va mina, vana lava nga ta tshama va tshembekile.”+
Hiloko a va Muponisi wa vona.+
9 Nkarhi hinkwawo lowu a va twa ku vava, na yena a a twa ku vava.+
Naswona murhumiwa wakwe u va ponisile.+
U va kutsurile hikwalaho ka rirhandzu ni ntwelavusiwana wakwe,+
Kutani a va tlakula a va rhwala nkarhi hinkwawo.+
10 Kambe va xandzukile+ va dyohela moya wakwe lowo kwetsima.+
11 Hiloko va tsundzuka mikarhi ya khale,
Mikarhi ya Muxe nandza wakwe, va ku:
“U kwihi Loyi a va humeseke elwandle+ swin’we ni varisi va ntlhambi wakwe?+
U kwihi Loyi a n’wi nyikeke moya Wakwe wo kwetsima,+
12 Loyi voko ra Yena ra matimba ri seketeleke voko ra xinene ra Muxe,+
Loyi a aveke mati va langutile+
Leswaku vito rakwe ri ta tsundzukiwa hilaha ku nga heriki,+
13 Loyi a endleke leswaku va famba exikarhi ka maboboma ya mati,
Va famba va nga khudlunyiwi hi nchumu,
Ku fana ni hanci leyi fambaka endhawini leyi nga rivala?*
Leyi i ndlela leyi u rhangeleke vanhu va wena ha yona,
Leswaku vito ra wena ri ta tsundzukiwa.+
15 Languta u ri etilweni u vona
U ri endhawini ya wena leyi tlakukeke yo vangama leyi kwetsimaka.
Ndzi tsoniwe swona.
Hambileswi Abrahama a nga ha vaka a nga hi tivi
Na Israyele a nga ha vaka a nga hi tsundzuki,
Wena Yehovha u Tata wa hina.
Vito ra wena hi wena Mukutsuri wa hina wa khale.+
17 Yehovha Xikwembu xanga, hikwalaho ka yini u hi tshika* hi hambuka etindleleni ta wena?
Hikwalaho ka yini u hi tshika hi tiomisa tinhloko hi nga ku chavi?+
Vuya hikwalaho ka malandza ya wena,
Tinyimba ta ndzhaka ya wena.+
18 Vanhu va wena vo kwetsima va tshame eka yona nkarhinyana.
Valala va hina va onhe ndhawu ya wena yo kwetsima.+
19 Se ku hundze nkarhi wo leha hi ri karhi hi fana ni vanhu lava u nga si tshamaka u va fuma,
Ku fana ni vanhu lava u nga si tshamaka u va vitana hi vito ra wena.
64 Loko a wu lo handzula matilo u xika,
Leswaku tintshava ti ta tsekatseka hikwalaho ka wena,
2 Ku fana ni ndzilo loko wu hisa mavivi,
Ni ndzilo wu virisa mati,
Kutani valala va wena a va ta tiva vito ra wena,
Ni matiko a ma ta rhurhumela emahlweni ka wena!
3 Loko u endla swilo swo hlamarisa leswi a hi nga swi langutelanga,+
U xikile, tintshava ti tsekatseka hikwalaho ka wena.+
4 Ku sukela khale swinene a ku si tshama ku va ni loyi a tweke kumbe ku yingisa,
Kumbe ku vona Xikwembu xo fana na wena,
Lexi kotaka ku pfuna lava xi rindzeleke.+
5 U hlangane ni lava endlaka swo lulama va tsakile,+
Lava ku tsundzukaka va tlhela va hanya hi milawu ya wena.
U hi hlundzukerile loko hi tshamela ku dyoha,+
Hi dyohe nkarhi wo leha.
Xana sweswi swa hi fanela ku ponisiwa?
6 Hinkwerhu hi fana ni munhu loyi a nga basangiki,
Mitirho ya hina hinkwayo yo lulama yi fana ni xilapana lexi tirhisiwaka hi wansati loko a ri enkarhini.+
Hinkwerhu hi ta vuna ku fana ni tluka,
Naswona swihoxo swa hina swi ta hi pewulela ekule ku fana ni moya.
7 A nga kona loyi a vitanaka vito ra wena,
A nga kona loyi a pfukaka a ku khoma,
Hikuva u hi tumbetele xikandza xa wena,+
Naswona u hi tshika hi lova hikwalaho ka swidyoho swa hina.
8 Kambe Yehovha Xikwembu xa hina, hi wena Tata wa hina.+
Hina hi vumba, wena u Muvumbi wa hina;+
Hinkwerhu hi endliwe hi mavoko ya wena.
9 Yehovha Xikwembu xa hina, u nga hi hlundzukeli ngopfu,+
Naswona u nga ha swi tsundzuki swihoxo swa hina.
Hi kombela u hi tsundzuka hikuva hinkwerhu hi vanhu va wena.
10 Miti ya wena yo kwetsima yi hundzuke mananga.
Siyoni wu hundzuke mananga,
Yerusalema wu hundzuke rhumbi.+
11 Tempele ya hina yo kwetsima leyo saseka,
Leyi vakokwa wa hina a va ku dzunisa eka yona,
Yi hisiwile hi ndzilo,+
Naswona hinkwaswo swilo leswi a hi swi rhandza swi lovile.
12 Yehovha, xana u ta hi tshika hambiloko u twe timhaka leti?
Xana u ta miyela u hi tshika hi xanisiwa hi tihanyi?+
65 “Ndzi pfumele ku laviwa hi vanhu lava nga kombelangiki mpfuno eka mina;
Ndzi pfumele ku kumiwa hi lava a va nga ri eku ndzi laveni.+
Ndzi te, ‘Hi mina loyi, hi mina loyi,’ ndzi byela tiko leri a ri nga vitani vito ra mina.+
2 Ndzi yimise mavoko siku hinkwaro ndzi yimisela vanhu lava omeke tinhloko,+
Lava fambaka etindleleni to homboloka,+
Lava tiendlelaka ku rhandza;+
3 Vanhu lava tshamelaka ku ndzi dyohela,+
Va gandzela emintangeni,+ va hisa magandzelo ya vona ehenhla ka switina.
4 Va tshama exikarhi ka masirha,+
Nivusiku va tshama etindhawini leti tumbeleke,*
Va dya nyama ya tinguluve,+
Swibya swa vona swi ni murhu* wa swilo leswi nga basangiki.+
5 Va ri, ‘Tshama kwalaho; u nga tshineli eka mina,
Hikuva ndzi kwetsima ku ku tlula.’
Va ya emahlweni va ndzi hlundzukisa, ku fana ni ndzilo lowu pfurhaka siku hinkwaro.
6 Vonani! Swi tsariwile;
A ndzi nge miyeli,
Ndzi ta va xupula,+
Ndzi ta va xupula hikwalaho ka swidyoho swa vona
7 Ndzi va xupulela swidyoho swa vona ni swa vakokwa wa vona,”+ ku vula Yehovha.
“Hikuva va endle magandzelo etintshaveni,
Va ndzi rhukanile ehenhla ka swintshabyana,+
Ndzi ta rhanga hi ku va xupula hikwalaho ka swidyoho swa vona.”
8 Yehovha u ri:
“Ku fana ni leswi vhinyo leyintshwa yi humaka exichochweni xa madiriva
Kutani un’wana a ku, ‘Mi nga xi cukumeti, hikuva ku ni leswinene* eka xona,’
Ndzi ta endla tano hi malandza ya mina;
A ndzi nge ma lovisi hinkwawo.+
9 Yakobo u ta ndzi tswalela n’wana*
Yuda u ta ndzi tswalela loyi a nga ta nyikiwa tintshava ta mina;+
Lava ndzi va hlawuleke va ta tshama kwalaho,
Malandza ya mina ma ta tshama kona.+
10 Saroni+ wu ta va madyelo ya tinyimpfu
Ni Nkova wa Akora+ wu ta va ndhawu yo vundza eka yona ya tihomu,
Eka vanhu va mina lava ndzi lavaka.
11 Kambe n’wina mi van’wana va lava fularhelaka Yehovha,+
Lava rivalaka ntshava ya mina yo kwetsima,+
Lava lulamiselaka xikwembu xa Nkateko tafula,
Ni lava tataka swinwelo hi vhinyo leyi pfanganisiweke va endlela xikwembu xa Vumundzuku.
12 Hikwalaho mi ta dlayiwa hi banga,+
Naswona hinkwenu mi ta khinsama leswaku mi dlayiwa,+
Hikuva ndzi mi vitanile kambe a mi ndzi hlamulanga,
Ndzi vulavurile, kambe a mi yingisanga;+
A mi tshamela ku ndzi dyohela,
Mi hlawule ku endla leswi nga ndzi tsakisiki.”+
13 Hikwalaho Yehovha Hosi Leyi Tlakukeke u ri:
“Vonani! Malandza ya mina ma ta dya, kambe mi ta va ni ndlala.+
Vonani! Malandza ya mina ma ta nwa,+ kambe n’wina mi ta va ni torha.
Vonani! Malandza ya mina ma ta tsaka,+ kambe n’wina mi ta khomiwa hi tingana.+
14 Vonani! Malandza ya mina ma ta ba nkulungwana hikwalaho ka leswi timbilu ta wona ti tsakeke,
Kambe n’wina mi ta rila hikwalaho ka leswi timbilu ta n’wina ti vavaka,
Naswona mi ta kalakala hikwalaho ka gome.
15 Vito ra n’wina ri ta va ndzhukano eka vanhu va mina,
Naswona Yehovha Hosi Leyi Tlakukeke u ta mi dlaya hinkwenu,
Kambe malandza yakwe u ta ma thya vito rin’wana;+
16 Lerova loyi a tikombelelaka mikateko emisaveni
U ta katekisiwa hi Xikwembu xa ntiyiso,*
Kasi loyi a hlambanyaka emisaveni
Hikuva a va nge he ma tsundzuki maxangu ya vona;
A ndzi nge he ma voni.+
17 Vonani! Ndzi tumbuluxa matilo lamantshwa ni misava leyintshwa;+
Swilo swa khale swi ta rivariwa,
Naswona a swi nge he ti emiehleketweni.+
18 Hikwalaho khanani, mi tsaka hilaha ku nga heriki hi leswi ndzi swi tumbuluxaka.
Hikuva maswivo! Ndzi ta endla leswaku vanhu va tsaka hikwalaho ka Yerusalema
Vanhu vakwe va ta khana.+
19 Ndzi ta tsaka hikwalaho ka Yerusalema, ndzi khana hikwalaho ka vanhu va mina;+
A ku nge he twali swirilo kumbe ku kalakala emutini wolowo.”+
20 “A ku nge he vi na ricece leri nga ta hanya masikunyana,
Kumbe mudyuhari loyi a nga ta fa a nga si hanya malembe lawa a faneleke a hanya wona.
Hikuva munhu loyi a faka a ri ni malembe ya 100, swi ta fana ni loko a fe a ha ri mufana,
Kasi mudyohi u ta rhukaniwa hambiloko a ri ni malembe ya 100.*
22 A va nge he aki kutani ku tshama un’wana,
A va nge rimi kutani ku dya un’wana.
Hikuva masiku ya vanhu va mina ma ta fana ni masiku ya murhi,+
Vanhu va mina lava ndzi va hlawuleke va ta tiphina swinene hi mitirho ya mavoko ya vona.
23 A va nge he tirheli swa hava,+
Kumbe va veleka vana lava nga ta xaniseka,
Hikuva vona i vanhu lava katekisiweke hi Yehovha,+
Swin’we ni vana va vona lava nga na vona.+
24 Ndzi ta va hlamula va nga si kombela mpfuno;
Ndzi ta va twa va nga si heta ni ku vulavula.
25 Mhisi ni xinyimpfana swi ta dya swin’we,
Nghala yi ta dya byanyi ku fana ni nkuzi,+
Swakudya swa nyoka ku ta va ntshuri.
A swi nge he endli swo biha kumbe ku onha entshaveni ya mina yo kwetsima,”+ ku vula Yehovha.
66 Yehovha u ri:
“Matilo i xiluvelo xa mina, kasi misava i xitulu xa milenge ya mina.+
Kutani yi kwihi yindlu leyi mi nga ndzi akelaka yona,+
Naswona yi kwihi ndhawu leyi ndzi nga wiselaka eka yona?”+
2 “Swilo leswi hinkwaswo swi endliwe hi voko ra mina,
Swi ve kona hinkwaswo hi ndlela yoleyo,” ku vula Yehovha.+
“Kutani loyi ndzi ta n’wi languta,
Loyi a titsongahataka a tlhela a va ni gome, loyi a xiximaka* rito ra mina.+
3 Loyi a tlhavaka nkuzi u fana ni loyi a dlayaka munhu.+
Loyi a endlaka gandzelo hi nyimpfu u fana ni loyi a tshovaka nhamu ya mbyana.+
Loyi a humesaka nyiko, u fana ni loyi a nyikelaka hi ngati ya nguluve!+
Loyi a nyikelaka murhi wa risuna+ u fana ni loyi a khensaka hi marito ya masalamusi.*+
Va tiendlela ku rhandza,
Va rhandza swilo leswi nyenyetsaka.
Hikuva a ku hlamulanga munhu loko ndzi va vitana;
A va ndzi yingisanga loko ndzi vulavula.+
A va tshamela ku ndzi dyohela,
Naswona va hlawule ku endla leswi nga ndzi tsakisiki.”+
5 Twanani rito ra Yehovha, n’wina lava xiximaka* rito ra yena:
“Vamakwenu lava mi vengaka va tlhela va mi nyenya hikwalaho ka vito ra mina va te, ‘A ku dzunisiwe Yehovha!’+
Kambe U ta ta naswona mi ta tsaka loko mi n’wi vona,
Kasi vona va ta khomisiwa tingana.”+
6 Ku twala hasahasa emutini, yi huma etempeleni!
I hasahasa ya valala lava xupuriwaka hi Yehovha.
7 U veleke a nga si va ni switlhavi swa ku veleka.+
U tswale n’wana wa jaha a nga si khomiwa hi ku lun’wa ka ku veleka.
8 I mani loyi a nga tshama a twa mhaka yo tani?
I mani loyi a nga tshama a vona mhaka yo tani?
Xana tiko ri nga velekiwa hi siku rin’we?
Kumbe, xana rixaka ri nga velekiwa hi nkarhi wun’we?
Kambe hi ku hatlisa loko Siyoni a va ni switlhavi swa ku veleka, u veleke vana va yena.
9 “Xana ndzi nga endla leswaku munhu a va ekusuhi ni ku veleka, kambe a nga veleki?” ku vula Yehovha.
“Kumbe, xana ndzi nga endla leswaku wansati a sungula ku veleka ivi ndzi pfala xivelekelo?” ku vula Xikwembu xa n’wina.
10 Tsakani na Yerusalema mi khana na yena,+ n’wina hinkwenu lava n’wi rhandzaka.+
Khanani na yena, n’wina hinkwenu lava n’wi rilelaka,
11 Hikuva mi ta mama mi eneriseka emaveleni yakwe ya nchavelelo,
Naswona mi ta eneriseka mi tsaka hikwalaho ka ku tala ka ku vangama kakwe.
12 Hikuva Yehovha u ri:
“Ndzi n’wi nyika ku rhula ku fana ni nambu+
Ni ku vangama ka matiko ku fana ni xinambyana lexi khulukaka.+
Mi ta mama mi tlhela mi beburiwa,
Naswona mi ta xingiwa.
13 Ku fana ni manana loyi a chavelelaka n’wana wakwe,
Na mina ndzi ta tshama ndzi ri karhi ndzi mi chavelela;+
Naswona mi ta chaveleriwa hikwalaho ka Yerusalema.+
14 Mi ta swi vona leswi kutani mi ta tsaka,
Marhambu ya n’wina ma ta hluka ku fana ni byanyi lebyintshwa.
Malandza ya Yehovha ma ta tiva matimba yakwe,
Kambe u ta holovela valala vakwe.”+
15 “Hikuva Yehovha u ta ta ku fana ni ndzilo,+
Makalichi yakwe ma fana ni xidzedze,+
U ta xupula hi vukarhi lebyikulu
U ta tshinya hi malangavi ya ndzilo.+
16 Hikuva Yehovha u ta avanyisa hi ndzilo,
U ta avanyisa vanhu hinkwavo hi banga rakwe;
Yehovha u ta dlaya vanhu vo tala.
17 “Lava tibasisaka leswaku va ta nghena emitangeni,*+ va ri karhi va landzela loyi a nga le xikarhi, lava dyaka nyama ya tinguluve+ ni swilo leswi nyenyetsaka ni makondlo,+ hinkwavo ka vona va ta herisiwa,” ku vula Yehovha. 18 “Leswi ndzi tivaka mitirho ya vona ni leswi va swi ehleketaka, ndza ta ndzi ta hlengeleta vanhu va matiko ni tindzimi hinkwato, va ta ta va ta vona ku vangama ka mina.”
19 “Ndzi ta veka mfungho exikarhi ka vona naswona van’wana va lava nga ta baleka ndzi ta va rhumela eka vamatiko, eTaraxixi,+ ePulu ni le Ludi,+ lava lwaka hi vurha ndzi ta va rhumela eTubala ni le Yavhani+ ni le swihlaleni leswi nga ekule, lava nga si tshamaka va twa swo karhi hi mina kumbe ku vona ku vangama ka mina; va ta vulavula hi ku vangama ka mina exikarhi ka matiko.+ 20 Va ta humesa vamakwenu hinkwavo lava nga ematikweni hinkwawo+ va va nyiko eka Yehovha, va ta vuya entshaveni ya mina yo kwetsima, ku nga Yerusalema va gade tihanci, makalichi, tigolonyi leti funengetiweke, timeyila ni tikamela ta rivilo,” ku vula Yehovha, “ku fana ni loko Vaisrayele va tisa nyiko hi xibya lexi baseke endlwini ya Yehovha.”
21 “Ndzi ta tlhela ndzi teka van’wana va vona va va vaprista ni Valevhi,” ku vula Yehovha.
22 Yehovha u ri: “Hikuva ku fana ni leswi matilo lamantshwa ni misava leyintshwa+ leswi ndzi swi endlaka swi nga ta tshama swi ri kona emahlweni ka mina, hi ndlela leyi fanaka, vana* va n’wina ni vito ra n’wina swi ta tshama swi ri kona.”+
23 “Vanhu hinkwavo va ta ndzi khinsamela*+
Va ta endla tano n’hweti ni n’hweti, vhiki ni vhiki,”* ku vula Yehovha.
24 “Va ta huma va ya languta mitsumbu ya lava va ndzi pfukeleke;
Hikuva swivungu leswi nga eka yona a swi nge fi,
Ndzilo wa vona a wu nge timeki,+
Va ta nyenyiwa hi vanhu hinkwavo.”
Leswi vulaka “Yehovha I Muponisi.”
Kumbe “xileriso.”
Vona Tinhlamuselo.
Swi tikomba ku vulavuriwa hi mirhi ni mitanga laha a ku gandzeriwa swifaniso.
Kumbe “xileriso.”
Kumbe “danisiwa.”
Ku nga swihadyana leswi mamisaka.
Kumbe “swa le ndzeni.”
Kumbe “nguvu.”
Ku nga ku khomisiwa tingana hikwalaho ka leswi va nga tekiwangiki naswona va nga riki ni vana.
Hi Xiheveru, “mahuma.”
Vona Xiengetelo B14.
Vona Xiengetelo B14.
Vona Xiengetelo B14.
Kumbe “Sheol.” Vona Tinhlamuselo.
Kumbe “Xiboho.”
Kumbe “Mimpaxu.”
Kumbe “swinyondzwana.”
Kumbe “matsefu.”
Ku nga swinsimbana leswi hlanganisaka rivanti ni fureme.
Hi Xiheveru, “Ndzi miyetiwile.”
Kumbe “xigodo.”
Leswi vulaka “Ku Ta Vuya Lava Nga Ta Sala Ntsena.”
Kumbe “ndhawu leyi ku fambaka mati.”
Kumbe “Sheol.” Vona Tinhlamuselo.
Leswi vulaka “Xikwembu Xi Na Hina.”
Kumbe “xisingwana.”
Ku nga Yufrata.
Swi nga endleka swi vula “Ku Tsutsumela Ku Phanga.”
Xilowa a ku ri xihlovo xa mati.
Ku nga Yufrata.
Vona Esa 7:14.
Kumbe “xileriso.”
Kumbe “Tibutsu.”
Kumbe “mfumo.” Hi Xiheveru, “Vuhosi byi ta va emakatleni yakwe.”
Hi Xiheveru, “hi le ndzhaku.”
Kumbexana “rhavi ra ncindzu ni rihlanga.”
Kumbe “exigodweni.”
Kumbexana “Rhole ni xinghalana swi ta dya swin’we.”
Ku nga mfumo wa Babilona.
Kumbexana “omisa.”
Ku nga Yufrata.
Kumbe “Yah.” “Yah” i nkomiso wa vito leri nge Yehovha.
Hi Xiheveru, “Emakumu ya matilo.”
Kumbexana ku vulavuriwa hi ntlawa wa tinyeleti lowu vuriwaka Orion ni mitlawa yin’wana leyi nga ekusuhi na wona.
Kumbe “tiyimbhu.”
Kumbe “Sheol.” Vona Tinhlamuselo.
Hi Xiheveru, “Swiphongo.”
Kumbe “eSheol.” Vona Tinhlamuselo.
Kumbe “eSheol.” Vona Tinhlamuselo.
Kumbe “eTempeleni.”
Laha ku vulavuriwa hi madiriva lama omisiweke lama pyanyiweke kutani ma languteka ku fana na khekhe.
Kumbe “marhavi lama nga ni madiriva yo tshwuka.”
Vona Tinhlamuselo.
Kumbe “xikwembu ximbe.”
Kumbe “vudyangwana.”
Kumbe “Misele.”
Ku nga muxaka wa byanyi lebyi milaka enkoveni.
Kumbe “tindzovo.”
Kumbe “Memfisi.”
Ku nga muxaka wa byanyi lebyi milaka enkoveni; kumbexana “rhavi ra ncindzu kumbe rihlanga.”
Kumbe “ndhuna ya masocha.”
Kumbe “a ambale xirhanganiso ntsena.”
Kumbe “a ambale xirhangiso ntsena.”
Swi nga endleka ku vulavuriwa hi ndhawu leyi khale a yi ri mfumo wa Babilona.
Ku nga ndhawu leyi ku peperhiwaka mavele.
Leswi vulaka “Ku Miyela.”
Swi tikomba ku vulavuriwa hi Yerusalema.
Kumbe “Vagadi va tihanci.”
Kumbe “vagadi va tihanci.”
Kumbe “yindlu ya vuhosi.”
Hi Xiheveru, “mbewu.”
Hi Xiheveru, “Mbewu.”
I nambu lowu humaka eka Nambu wa Nayili.
Hi Xiheveru, “masiku.”
Kumbe “emisaveni.”
Kumbexana “oma.”
Kumbe “wa khale.”
Kumbe “evupeladyambu.”
Kumbe “endhawini ya ku vonakala.”
Kumbe “Yah.” “Yah” i nkomiso wa vito leri nge Yehovha.
Kumbexana “mberha leyi hanyisaka swimilana.”
Vona Tinhlamuselo.
Swi nga ha endleka ku vulavuriwa hi Israyele, laha u yimeriwa hi wansati ni nsimu ya madiriva.
Kumbe “vhinyo leyi vilaka.”
Vona Tinhlamuselo.
Ku nga Yufrata.
Swi nga endleka ku vulavuriwa hi ntsindza, ku nga Samariya.
Kumbe “Ntambu yo pima ehenhla ka ntambu yo pima, ntambu yo pima ehenhla ka ntambu yo pima.”
Kumbe “Ntambu yo pima ehenhla ka ntambu yo pima, ntambu yo pima ehenhla ka ntambu yo pima.”
Kumbe “Sheol.” Vona Tinhlamuselo.
Kumbe “vhaterepasi.”
Kumbe “Sheol.” Vona Tinhlamuselo.
Kumbe “misava hinkwayo.”
Ku nga ximilana lexi nandzihisaka swakudya; xipayisisi.
Kumbe “laya.”
Ku nga ximilana lexi nandzihisaka swakudya; xipayisisi.
Kumbe “xikongomelo.”
Kumbe “Loyi a nga ni vutlhari byo hlamarisa.”
Swi nga endleka ri vula “Xitiko xa Altari ya Xikwembu,” leswi kumbexana swi vulaka Yerusalema.
Kumbe “vudyangwana.”
Hi Xiheveru, “loyi a tshinyaka.”
Ku nga hikwalaho ko khomisiwa tingana.
Ku nga muxaka wo karhi wa nyoka.
Kumbe “xileriso.”
Kumbexana “exihlobyeni.”
Hi Xiheveru, “Vito ra Yehovha ri huma ekule.”
Kumbe “ku hefemula.”
Kumbe “tintambhu.”
Kumbe “mi tibasisela.”
Kumbe “chayaka.”
“Tofete” laha yi tirhisiwe tanihi ndhawu yo fanekisela leyi ku hisiwaka swilo eka yona, leyi yimelaka ku lovisiwa.
Kumbe “vagadi va tihanci.”
Kumbe “ndzilo.”
Kumbe “matimba.”
Ku vulavuriwa hi nala.
Kumbexana “oma.”
Kumbe “ehleketisisa hi.”
Hi Xiheveru, “ro tika.”
Kumbe “misele.”
Swi vonaka ku vulavuriwa hi muti wa Bosira, ntsindza wa Edomu.
Ku nga muxaka wo karhi wa swinyenyana.
Kumbe “tiyimbhu.”
Vona Tinhlamuselo.
Kumbe “ndhuna ya vacheri va vhinyo.”
Kumbe “Xisiriya.”
Kumbe “yindlu ya hosi.”
Kumbe “nguvu.”
Kumbe “yindlu ya hosi.”
Kumbexana “exikarhi.”
Kumbe “etempeleni.”
Kumbe “Sheol.” Vona Tinhlamuselo.
Kumbe “Yah.” “Yah” i nkomiso wa vito leri nge Yehovha.
Ku nga marito ni swiendlo swa Xikwembu.
Kumbe “Sheol.” Vona Tinhlamuselo.
Kumbe “endlwini ya vuhosi.”
Kumbe “endlwini ya vuhosi.”
Kumbe “endlwini ya vuhosi.”
Kumbe “ntiyiso.”
Kumbe “Lunghisani.”
Ku suka eka ritiho lerikulu ku ya eka leritsongo. Vona Xiengetelo B14.
Kumbexana “twisiseke.”
Kumbe “Vafumi.”
Ku nga ku N’wi tirhela.
Kumbe “xigalanyundzu.”
Hi Xiheveru, “Mbewu.”
Kumbe “vudyangwana.”
Kumbe “tindhuna.”
Kumbe “Ku vangama ka mina a ndzi ku aveli un’wana.”
Kumbe “hisa.”
Hi Xiheveru, “mbewu.”
Hi Xiheveru, “exikarhi ka vona.”
Swi nga endleka ku vulavuriwa hi swilo leswi nga ta rhanga swi endleka enkarhini lowu taka.
Swi nga endleka ku vulavuriwa hi lava dyondzisaka Nawu.
Leswi vulaka “Munhu Wo Lulama,” ku nga xithopo lexi a xi tirhisiwa ku xixima Israyele.
Kumbe “etikweni leri nga ni torha.”
Hi Xiheveru, “mbewu.”
Ku nga swifaniso.
Kumbe “egandzelweni.”
Kumbe “holovaka.”
Kumbe “xipetlu.”
Hi Xiheveru, “mbewu.”
Hi Xiheveru, “Mbewu.”
Ku nga swifaniso leswi rhwexiweke swifuwo.
Hi Xiheveru, “swo sungula.”
Hi Xiheveru, “tsindziyela.”
Kumbexana “Lava avaka matilo.”
Hi Xiheveru, “lava humaka ematini ya.”
Kumbe “Ku vangama ka mina a ndzi ku avelani ni un’wana.”
Hi Xiheveru, “Mbewu.”
Kumbe “nguvu.”
Kumbexana “tiyisa.”
Kumbe “lwaka na mina.”
Lowu a ku ri muxaka wa switsotswana leswitsongo leswi yelanaka ni tinsuna leswi a swi tolovelekile eEgipta.
Kumbe “xileriso.”
Kumbexana “Xivungu.”
Vona Tinhlamuselo.
Kumbexana “leswi hi swi tweke.”
Hi Xiheveru, “voko.”
“Yena” swi nga ha endleka ku vulavuriwa hi munhu un’wana kumbe Xikwembu.
Hi Xiheveru, “mbewu.”
Kumbe “n’wini.”
Kumbe “n’wini.”
Ku nga ku fa.
Ku nga esirheni.
Swi nga endleka ku vulavuriwa hi ku gandzela swifaniso.
Kumbexana “hosi.”
Kumbe “eSheol.” Vona Tinhlamuselo.
Swi tikomba ku vuriwa Vaisrayele.
Hi Xiheveru, “mihandzu ya milomu.”
Kumbe “nguvu.”
Ku nga muxaka wo karhi wa nyoka.
Kumbe “xigqoko.”
Kumbe “yindlu ya mina yo saseka.”
Hi Xiheveru, “Mbewu.”
Hi Xiheveru, “mbewu.”
Vona Tinhlamuselo.
Kumbe “emananga.”
Hi Xiheveru, “endla.”
Kumbexana “eswiyindlwanini swa varindzi.”
Kumbe “sopo.”
Hi Xiheveru, “nkateko.”
Hi Xiheveru, “mbewu.”
Kumbe “xo tshembeka.” Hi Xiheveru, “Amen.”
Kumbe “xo tshembeka.” Hi Xiheveru, “Amen.”
Kumbexana “Kasi loyi a faka a ri ni malembe ya 100 u ta tekiwa a rhukaniwile.”
Kumbe “karhatekaka hi.”
Kumbexana “loyi a dzunisaka xifaniso.”
Kumbe “karhatekaka hi.”
Ku nga mitanga yo hlawuleka leyi a ku phahliwa swikwembu eka yona.
Hi Xiheveru, “mbewu.”
Kumbe “gandzela.”
Hi Xiheveru, “ku suka eku thwaseni ka n’weti ku ya eku thwaseni ka n’weti ni ku suka eka savata ku ya eka savata.”