Sáàmù

3 Ẹ má ṣe gbẹ́kẹ̀ lé àwọn olórí*

Tàbí lé ọmọ èèyàn, tí kò lè gbani là.+

4 Ẹ̀mí* rẹ̀ jáde lọ, ó pa dà sínú ilẹ̀;+

Ọjọ́ yẹn gan-an ni èrò inú rẹ̀ ṣègbé.+

5 Aláyọ̀ ni ẹni tí Ọlọ́run Jékọ́bù jẹ́ olùrànlọ́wọ́ rẹ̀,+

Tó gbẹ́kẹ̀ lé Jèhófà Ọlọ́run rẹ̀,+

6 Aṣẹ̀dá ọ̀run àti ayé,

Òkun àti gbogbo ohun tó wà nínú wọn,+

Ẹni tó jẹ́ olóòótọ́ nígbà gbogbo,+

7 Ẹni tó ń ṣe ìdájọ́ òdodo fún àwọn tí wọ́n lù ní jìbìtì,

Ẹni tó ń fún àwọn tí ebi ń pa lóúnjẹ.+

8 Jèhófà ń la ojú àwọn afọ́jú;+

Jèhófà ń gbé àwọn tó sorí kọ́ dìde;+

Jèhófà nífẹ̀ẹ́ àwọn olódodo.

9 Jèhófà ń dáàbò bo àwọn àjèjì;

Ó ń fún ọmọ aláìníbaba àti opó lókun,+

Àmọ́, ó ń sọ èrò àwọn ẹni burúkú dòfo.*+

10 Jèhófà yóò jẹ Ọba títí láé,+

Àní Ọlọ́run rẹ, ìwọ Síónì, láti ìran dé ìran.