Revizio Ne La Ini Ne Cainöj
Kola troa ce wange hmaca la itre ini hna goeëne hë ngöne la Ini ne Cainöje ne la 3 mei utihë e 23 ogas 1999. Xome jë la ketre pepa matre troa isa cinyihane la itre mekune ka sa lai itre hnying, nge troa metrötrëne la traeme hna sa.
[Hna Amekötin: Ame ngöne la ijine revizio, troa xome hmekuje hi la Tusi Hmitrötr. Hna hamëne la itre jëne mekune thupene la itre hnying, matre hmaloe troa sa itre ej. Thaa hna cinyihane asë kö la itre götrane me itre paragarafe ne la itre zonal, La Tour de Garde, hna hamëne nyine ixatua troa sa la itre hnying.]
Troa sa la itre hnyinge hnei nyipici maine thoi:
1. Thaa loi kö tro la itre keme me thine a wangacone la itre trepene meköti qa hnine la Tusi Hmitrötr, ngöne la angatre a hiane la itre nekö i angatr. [fy g. 108 par. 14.]
2. Ame la taan la Tusi Hmitrötr, ke, ene laka kola troa anyipicine la mus i Iehova, hnene la Baselaia hna cilëne hnene la “matrane” hna thingehnaean. (Gen. 3:15) [si g. 17 par. 30.]
3. Xalaithe hi la itre hatrene hna öhne jëne la itre etë me itre xaa ewekë ju kö, nyine anyipicine la itre ewekë hna cinyihane ngöne Esodo. [si g. 20 par. 4.]
4. Thatreine kö troa hane hamë manie hnene la itre trejine ka puafala, thatraqane la itre ewekëne la Baselaia. [w97 15/9 g. 5 par. 7.]
5. Eje ngöne la hmi koi Iehova, la troa thupëne la itre keme me thine me itre qaqa hmunë, pine laka, hnei angatre hna hia së me thupë së. (1 Tim. 5:4) [w97 1/9 g. 4 par. 1-2.]
6. Ame la troa metrötrëne la sabath, ke, celë hi isisinyikeu i Iehova memine la itre nöje asë. [Wiike Ne e Tusi Hmitrötr; wange ju la rs g. 343 par. 2.]
7. Tro la nekönatre a ketre xeni pune la itre huliwa hnei angeice hna kuca, e kola mama laka, atreine hë angeice troa ketre axeciëne la itre mekune hnei angeice hna ajane troa kuca; ketre mekune lai ka tru ngöne la wathebo i Akötresie. (Rom. 14:12) [fy g. 135 par. 17.]
8. Hna cinyihane hnei Mose la tusi Levitiko ngöne la macatre 1513 M.P.K. [si g. 25 par. 3-4.]
9. Hna eatre ngöne la macatre 66 M.K., lo itre trenge ewekë i Iesu hna cinyihane ngöne Luka 21:20, 21, ene lo kola uthi he troa lepe e Ierusalema, hnene la trongene isi angetre Roma hna elemekene hnei Tito. [w97 1/4 g. 5 par. 3-4.]
10. Ka ngazo catre kowe la itre keresiano la ini ne la itre Epicuriens, pine laka, hna nyitrepene eje ngöne la mekune ka thaa ihmeku kö me Tusi Hmitrötr, hna qaja ngöne 1 Korinito 15:32. [w97 1/11 g. 24 par. 4.]
Sa jë la itre hnyinge celë:
11. Nemene la ini hne së hna kapa qa ngöne la hna qaja ngöne Levitiko 3:17, göi wathebo troa öni giris? [Wiike Ne e Tusi Hmitrötr; wange ju la w84 15/5 g. 27 par. 3.]
12. Pine nemene matre Iehova a nue Satana Diabolo troa mel? (Eso. 9:15) [Wiike Ne e Tusi Hmitrötr; wange ju la zonal, w92 15/3 g. 10 par. 14.]
13. Maine troa traqa la ketre meci ka ngazo kowe la ketre atrene la hnepe lapa, nemene la itre ewekë nyine troa ce wange hnene la hnepe lapa, matre troa axeciëne la itre nyine troa pane kuca? (Ite edomë 15:22) [fy g. 122 par. 14.]
14. Nemene la aliene la mekune hna hape, ame la nöje Isaraela, ke “baselaia angete huj”? (Eso. 19:6) [Wiike ne e Tusi Hmitrötr; wange ju w95 1/7 g. 16 par. 8.]
15. Nemene la eisapengönene la alameke ka “maca” memine la alameke ka “ngazo”? (Mat. 6:22, 23) [w97 1/10 g. 26 par. 5.]
16. Hnauëne la kola qeje Davita, kösë ketre hlue ka tro “memine la hni ka pexeje memine la meköt,” ngo itre ngazo pe a hna kuca hnei nyidrë? (1 Ite jo. 9:4) [w97 1/5 g. 5 par. 2.]
17. Nemene la itre hnëqa ka tru ngöne la hnedrai së, ahnuene lo hna kuca “thenge” ekö hnei angetre Isaraela ngöne la kola cane la ita ne huj? (Eso. 39:32) [Wiike Ne e Tusi Hmitrötr; wange ju la zonal, w95 15/12 g. 12 par. 9.]
18. Nemene la ewekë hna amamane ngöne la Iehova a ketre qeje Nyidrëti ka hape, “Ini la ka ej, nge eje kö ni”? (Eso. 3:14) [Wiike Ne e Tusi Hmitrötr; wange ju la zonal, w95 1/3 g. 10 par. 6.]
19. Nemene la ini hne së hna kapa qa ngöne la ewekë ka traqa koi Nadaba me Abiu, nge hna cinyihane ngöne Levitiko 10:1, 2? [Wiike Ne e Tusi Hmitrötr; wange ju la w84 15/5 g. 27 par. 4.]
20. Ame ngöne la Trenge Wathebo i Mose, pine nemene matre, ka “pui ngazo” la föe ngöne la nyidroti a hnaho? (Lev. 12:2, 5) [Wiike ne e Tusi Hmitrötr; wange ju la zonal, w84 15/5 g. 27 par. 6.]
Nyialiene jë la itre götrane hna amë pe:
21. Ngacama pëkö nyin kowe la ejolene la troa lapa caas, ngo ijije hi tro la ketre e nyidro lue trefëne ka mele caasi pe, a xomihnine la jole cili jëne la trenge catre hna hamëne hnei ․․․․․․․․ nge hna troa kapa e hna catre ․․․․․․․․ pala hi. (1 Tim. 5:5) [fy g. 112 par. 21.]
22. Maine jë troa traqa la ketre hulö ngöne la mele ne la atr, qa ngöne la ․․․․․․․․ maine pine laka, itre atr ka ․․․․․․․․ [w97 15/5 g. 22 par. 7.]
23. Kola amamane hnene la tusi Esodo laka, Iehova la ․․․․․․․․ ka tru, nge ․․․․․․․․ la itre ewekë, me ․․․․․․․․ la itre aja i Nyidrë ka sheminge lolo. [si g. 24 par. 26.]
24. Kola mama hnyawa la sipu aqane mele së ngöne lo easë ․․․․․․․․ isa pengöne kö memine la easë ngöne ․․․․․․․․ [w97 15/10 g. 29 par. 4.]
25. Maine ame la itre feet ne menu ngöne la nöje së, ke, ka xulu qaathene la itre ․․․․․․․․ maine qaathene pena la ․․․․․․․․ haawe loi e tro la itre Keresiano ka hni ka menyike a thele troa amadrinëne pala hi la hni Iehova, nge thaa tro kö a ․․․․․․․․ la hmi hna apoizinëne cili. [w97 15/9 g. 9 par. 6.]
Xome jë la itre mekune ka nyipici:
26. Ame lo “foa hadredre macatre” ne hleuhleu atraqatre la matra i Aberahama, ke, hna nyiqaane ngöne la kola hnyima sai Isaka hnei Isamaela ngöne la macatre (1943; 1919; 1913) M.P.K., nge hna nyipune ngöne la kola thepe angetre Isaraela qaa Aigupito, ngöne la macatre (1543; 1519; 1513) M.P.K. (Gen. 15:13) [si g. 17 par. 31.]
27. Tro la hnepe lapa a atreine cile kowe la ketre meci ka tru, e (tru hnei mani; ajane la hni; hetre assurance) ne la itre atren. (Ite edomë 17:22) [fy g. 120 par. 10]
28. Ame la atre qaja e kuhu hni angeice ka hape, “pëkö Iehova” ke, hna hë angeice ka hape, “ate hmo” pine laka, ka (xeti la mekun; thaa hna inine kö; thatreine kö troa trotrohni ewekë). (Ps. 14:1, MN) [w97 1/10 g. 6 par. 8.]
29. Pine la hnei Adamu me Eva hna icilekeu, haawe, ame la ewekë ka sisitria catre hnei nyidroti hna aluzin, ke, ene la (troa pexej; aqane imelekeu me Akötresie; hlapa e Edena), lo jëne manathithi koi nyidro. [w97 15/10 g. 6 par. 2.]
30. Tru catre kö la hna qaja hnene la tusi (Genese; Esodo; Levitiko) hune la itre xaa tusi ne la Tusi Hmitrötr, la hna amekötine hnei Akötresie göi ehmitrötre i Nyidrë. [si g. 26 par. 9.]
Iacasikeune jë la itre mekune ka ihmeku memine la itre mekene tus:
Eso. 5:2; Eso. 21:29; Ite edomë 1:8; Gal. 5:20; Iako. 1:14, 15
31. Ame la atr ka qaja ka hape Keresiano angeic, nge catre la aqane iwesitrë matre kola lepe la föe hmunë me haa kuku, nge thaa ietra kö, haawe, ijije hi troa upe triji angeice qa hnine la ekalesia. [fy g. 150 par. 23.]
32. Easë a ujë thenge la mekune ka eje the së. [fy g. 148 par. 18.]
33. Iehova a thaipiëne la nöjei atr asë ka xele ma kapa laka, Akötresieti Nyidrë. [Wiike Ne e Tusi Hmitrötr; wange ju la zonal, w92 15/12 g. 13 par. 18.]
34. Ngacama pane hnëqa ne la keme la troa inine la itre nekönatr, ngo nyipi ewekë fe tro la thine a hane ixatua ngöne la götrane cili. [fy g. 133 par. 12.]
35. Ame ngöne la wathebo, maine kola meci la ketre atr hnene laka, ka wangahmalohmaloeë ewekë la ketre, haawe, thatreine kö troa qeje menune la ngazo; zöi angeice matre meci pi lai atr. [Wiike Ne e Tusi Hmitrötr; see w95 15/11 g. 11 par. 5.]