Abụ Ọma

129 “Ha ebusowo m iro ruo ogologo oge malite mgbe m bụ nwata,”+

Ka Izrel kwuo, sị,+

 2 “Ha ebusowo m iro ruo ogologo oge malite mgbe m bụ nwata;+

Ma ha emerighị m.+

 3 Ndị na-akọ ihe n’ubi akọwo ihe n’elu azụ m;+

Ha emewo ka ebe ha kọrọ akọ dịkwuo ogologo.”

 4 Jehova bụ onye ezi omume.+

O gbubisịwo ụdọ ndị ajọ omume.+

 5 Ihere ga-eme ndị niile kpọrọ Zayọn asị,+

Ha ewee gbaghachi azụ.+

 6 Ha ga-adị ka ahịhịa ndụ nke puru n’elu ụlọ,+

Bụ́ nke na-akpọnwụ tupu e fopụ ya,+

 7 Nke onye na-ewe ihe ubi na-adịghị ekpoju aka,+

Onye ọ bụla nke na-achịkọta okporo ọka adịghịkwa ekpoju ya n’obi uwe ya.

 8 Ndị na-agafe agafe adịghịkwa ekwu, sị:

“Ka ngọzi Jehova dịrị unu.+

Anyị ejiriwo aha Jehova gọzie unu.”+