Abụ Ọma

142 Eji m olu m kpọkuo Jehova ka o nyere m aka;+

Eji m olu m malite itiku Jehova ka o meere m amara.+

 2 M nọ na-awụpụ nchegbu m n’ihu ya dị ka mmiri.+

M nọ na-akọ nhụjuanya m n’ihu ya,+

 3 Mgbe ike gwụrụ mmụọ m+ n’ime m.

Mgbe ahụ, gị onwe gị maara okporo ụzọ m.+

Ha siiri m ọnyà+

N’ụzọ m si agafe.+

 4 Lee anya n’aka nri hụ

Na ọ dịghị onye na-eme ka ọ̀ ma onye m bụ.+

Enwekwaghị m ebe mgbaba;+

Ọ dịghị onye na-ajụ ase mkpụrụ obi m.+

 5 Jehova, akpọkuru m gị ka i nyere m aka.+

Asịrị m: “Ị bụ ebe mgbaba m,+

Bụrụkwa òkè m+ n’ala ndị dị ndụ.”+

 6 Ṅaa ntị n’ákwá m na-ebesara gị,+

N’ihi na ike agwụla m kpamkpam.+

Napụta m n’aka ndị na-akpagbu m,+

N’ihi na ha ka m ike.+

 7 Mee ka mkpụrụ obi m si n’ụlọ mkpọrọ pụta+

Ka m wee too aha gị.+

Ka ndị ezi omume zukọta gburugburu m,+

N’ihi na ị na-emeso m ihe n’ụzọ kwesịrị ekwesị.+