Ħosea*

1 Il-kelma taʼ Ġeħova+ li ġiet għand Ħosea+ bin Begħeri fi żmien+ Użżija,+ Ġotam,+ Aħaż,+ u Ħeżekija,+ slaten taʼ Ġuda, u fi żmien Ġerobogħam+ bin Ġowas,+ is-​sultan taʼ Israel. 2 Ġeħova beda jitkellem permezz taʼ Ħosea, u Ġeħova qal lil Ħosea: “Mur,+ ħu għalik mara li se tiżni u int se jkollok tfal miż-​żína, għax żgur li minħabba ż-​żína l-​art ma tibqax timxi wara Ġeħova.”+

3 U hu mar u ħa lil Gomer bint Diblajm, u hi ħarġet tqila u maż-​żmien wilditlu iben.+

4 U Ġeħova kompla jgħidlu: “Semmih Ġeżragħel,+ għax ftit taż-​żmien ieħor nitlob kont taʼ l-​atti taʼ tixrid taʼ demm taʼ Ġeżragħel* mid-​dar taʼ Ġeħu,+ u ntemm il-​ħakma rjali taʼ dar Israel.+ 5 U jrid iseħħ f’dak il-​jum li jien inkisser il-​qaws+ taʼ Israel fil-​pjanura l-​baxxa taʼ Ġeżragħel.”

6 U hi ħarġet tqila darb’oħra u wildet bint. U Hu kompla jgħidlu: “Semmiha Lo-ruħama,*+ għax ma nurix iktar ħniena+ maʼ dar Israel, għax żgur li nkeċċihom.+ 7 Imma nuri ħniena maʼ dar Ġuda,+ u nsalvahom b’Ġeħova Alla tagħhom;+ imma m’iniex se nsalvahom b’qaws jew b’sejf jew bi gwerra, bi żwiemel jew b’rikkieba taż-​żwiemel.”+

8 U maż-​żmien qatgħet il-​ħalib lil Lo-ruħama, u reġgħet ħarġet tqila u wildet iben. 9 Għalhekk, Hu qal: “Semmih Lo-għammi,* għax intom m’intomx il-​poplu tiegħi u jien mhux se nkun Alla tagħkom.

10 “U l-​għadd taʼ wlied Israel irid isir bħar-​ramel tal-​baħar li ma jistax jitkejjel jew jingħadd.+ U jrid iseħħ li fil-​post fejn kien jintqalilhom, ‘M’intomx il-​poplu tiegħi,’+ se jintqalilhom, ‘Ulied l-​Alla l-​ħaj.’+ 11 U wlied Ġuda u wlied Israel se jinġabru flimkien f’unità+ u jistabbilixxu għalihom infushom kap wieħed u joħorġu mill-​art,+ għax kbir ikun il-​jum taʼ Ġeżragħel.+

2 “Għidu lil ħutkom subien, ‘Poplu tiegħi!’+ u lil ħutkom bniet, ‘O mara murija l-​ħniena!’+ 2 Iftħu kawża legali m’ommkom;+ iftħu kawża legali, għax hi mhix marti+ u jien m’iniex żewġha.+ U hi għandha twarrab iż-​żína tagħha minn quddiemha u l-​atti tagħha t’adulterju minn bejn sidirha,+ 3 li ma nneżżagħhiex għarwiena+ u nagħmilha bħal dakinhar li twieldet,+ u nġibha bħal xagħri+ u nagħmilha bħal art bla ilma+ u noqtolha bl-​għatx.+ 4 U lil uliedha m’iniex se nurihom ħniena,+ għax huma wlied iż-​żína.+ 5 Għax ommhom żniet.+ Dik li kienet tqila bihom aġixxiet b’mod taʼ mistħija,+ għax qalet, ‘Irrid immur wara dawk li jħobbuni b’mod appassjonat,+ dawk li qed jagħtuni l-​ħobż u l-​ilma, is-​suf u l-​għażel, iż-​żejt u x-​xorb.’+

6 “Għalhekk, qed nagħlqilha triqitha bix-​xewk; u ntellgħalha ħajt,+ sabiex triqatha ma ssibhomx.+ 7 U se tiġri wara l-​maħbubin appassjonati tagħha, imma ma tilħaqhomx;+ u tfittixhom, imma ma ssibhomx. U jkollha tgħid, ‘Irrid immur u nerġaʼ lura għand żewġi,+ l-​ewwel wieħed,+ għax dak iż-​żmien kont aħjar milli jien issa.’+ 8 Imma hi m’għarfitx+ li kont jien li tajtha l-​qmuħ+ u l-​inbid ħelu u ż-​żejt, u li kont kattartilha l-​fidda u d-​deheb, li huma użaw għal Bagħal.+

9 “‘Għaldaqstant se naġixxi b’mod differenti u se nieħu lura l-​qmuħ tiegħi fi żmienu u l-​inbid ħelu tiegħi fl-​istaġun tiegħu,+ u se naħtaf is-​suf u l-​għażel tiegħi li jgħattu l-​għera tagħha.+ 10 U nikxef il-​partijiet privati tagħha quddiem il-​maħbubin appassjonati tagħha,+ u ma jkun hemm ħadd li jaħtafha minn idi.+ 11 U ntemm il-​ferħ kbir kollu tagħha,+ il-​festa tagħha,+ il-​qamar ġdid tagħha+ u s-​Sabat* tagħha u kull staġun tal-​festi tagħha. 12 U nagħmel ħerba mid-​dielja+ u mis-​siġra tat-​tin tagħha,+ li dwarhom qalet: “Huma rigal għalija li tawhuli l-​maħbubin appassjonati tiegħi”; u nagħmilhom bħal foresta,+ u l-​bhima salvaġġa tar-​rabaʼ tiblagħhom. 13 U nitlob kont+ minnha minħabba l-​jiem li fihom offriet id-​duħħan tas-​sagrifiċċji+ lix-​xbihat taʼ Bagħal,+ meta qagħdet tiżżejjen bil-​ħoloq u l-​ornamenti tagħha+ u tmur wara l-​maħbubin appassjonati tagħha,+ u lili nsietni,’+ hija l-​kelma taʼ Ġeħova.

14 “‘Għalhekk, qiegħed nipperswadiha, u se nġegħelha tmur fix-​xagħri,+ u se nkellimha biex nilħqilha qalbha.+ 15 U minn dakinhar ’il quddiem nagħtiha l-​għelieqi tad-​dwieli tagħha,+ u l-​pjanura l-​baxxa t’Għakor+ bħala bieb għat-​tama; u hemm twieġeb bħal f’jiem żgħożitha+ u bħal f’jum il-​ħruġ tagħha mill-​art taʼ l-​Eġittu.+ 16 U jseħħ f’dak il-​jum,’ hija l-​kelma taʼ Ġeħova, ‘li int issejjaħli Żewġi, u ma ssejjaħlix iktar Sidi.’*+

17 “‘U nneħħi l-​ismijiet tax-​xbihat taʼ Bagħal minn fommha,+ u ma jkunux miftakrin iktar b’isimhom.+ 18 U nagħmel patt għall-​poplu tiegħi f’dak il-​jum rigward il-​bhima salvaġġa tar-​rabaʼ+ u l-​ħliqa li ttir fis-​smewwiet u l-​ħliqa li titkaxkar maʼ l-​art, u neqred mill-​pajjiż il-​qaws u s-​sejf u l-​gwerra,+ u nħallihom jgħixu fis-​sigurtà.+ 19 U ngħarrsek miegħi għal żmien indefinit,*+ u ngħarrsek miegħi bis-​sewwa u bil-​ġustizzja u bil-​qalb tajba bl-​imħabba u bil-​ħniniet.+ 20 U ngħarrsek miegħi bil-​fedeltà; u int issir taf lil Ġeħova.’+

21 “‘U jrid iseħħ f’dak il-​jum li jien inwieġeb,’ hija l-​kelma taʼ Ġeħova, ‘inwieġeb lis-​smewwiet, u huma, min-​naħa tagħhom, iwieġbu lill-​art;+ 22 u l-​art, min-​naħa tagħha, twieġeb lill-​qmuħ+ u lill-​inbid ħelu u liż-​żejt; u huma, min-​naħa tagħhom, iwieġbu lil Ġeżragħel.*+ 23 U niżragħha bħal żerriegħa għalija fl-​art,+ u nuri ħniena maʼ dik li ma ntwerietx ħniena,+ u ngħid lil dawk li m’humiex il-​poplu tiegħi: “Intom il-​poplu tiegħi”;+ u huma, min-​naħa tagħhom, jgħidu: “Int Alla tagħna.”’”+

3 U Ġeħova kompla jgħidli: “Erġaʼ mur, ħobb mara maħbuba minn ieħor+ u li qed tagħmel adulterju, l-​istess bħalma Ġeħova jħobb lil ulied Israel+ għalkemm huma jduru lejn allat oħrajn+ u jħobbu ċ-​ċapep taż-​żbib tagħhom.”+

2 U xtrajtha bi ħmistax-il biċċa tal-​fidda+ u ħomer u nofs xgħir. 3 Imbagħad għedtilha: “Int se tgħammar miegħi għal ħafna jiem.+ Tiżnix+ u ssirx taʼ raġel ieħor;+ u jien ukoll ma nersaqx lejk.”

4 Għax ulied Israel se jgħammru għal ħafna jiem mingħajr sultan+ u mingħajr prinċep u mingħajr sagrifiċċju+ u mingħajr pilastru sagru u mingħajr efod+ u terafim.*+ 5 Wara dan, ulied Israel se jerġgħu lura u jfittxu lil Ġeħova Alla tagħhom,+ u lil David is-​sultan tagħhom;+ u jiġu jirtogħdu lejn Ġeħova+ u lejn tjubitu fl-​aħħar parti tal-​jiem.+

4 Isimgħu l-​kelma taʼ Ġeħova, O wlied Israel, għax Ġeħova għandu kawża legali maʼ l-​abitanti tal-​pajjiż,+ għax la hemm verità,+ la qalb tajba bl-​imħabba, u lanqas għarfien dwar Alla fil-​pajjiż.+ 2 Is-sħit,+ il-​qerq,+ il-​qtil,+ is-​serq,+ u l-​adulterju+ żdiedu, u hemm tixrid taʼ demm wara tixrid taʼ demm.+ 3 Għalhekk, il-​pajjiż se jitnikket+ u kulmin jgħix fih jiddgħajjef tant li kważi jgħib flimkien mal-​bhima salvaġġa tar-​rabaʼ u mal-​ħliqa li ttir fis-​smewwiet, u saħansitra l-​ħut jinqered.+

4 “Madankollu, ħalli ħadd ma jitlewwem+ maʼ ħadd u lanqas ħadd ma jwiddeb lil ħadd, għax niesek huma bħal dawk li jitlewmu maʼ qassis.+ 5 U int titfixkel bi nhar+ bħallikieku bil-​lejl, u saħansitra profeta jitfixkel miegħek.+ U jien se neqred lil ommok.+ 6 Il-poplu tiegħi se jgħib, għax m’hemmx għarfien.+ Talli int stess ċħadt l-​għarfien,+ jien ukoll se nċaħħdek milli taqdini bħala qassis;+ u talli dejjem tinsa l-​liġi t’Alla tiegħek,+ jien, iva, jien, se ninsa lil uliedek.+ 7 Iżjed ma kienu, iżjed dinbu kontrija.+ Huma partu l-​glorja tiegħi mad-​diżunur.+ 8 Jieklu minn fuq id-​dnub tal-​poplu tiegħi, u ruħhom tixxennaq għall-​iżball tagħhom.+

9 “U jiġri lill-​poplu bħalma jiġri lill-​qassis;+ u jien se nitlobhom kont taʼ triqathom;+ u l-​aġir tagħhom se nġibu lura fuqhom.+ 10 U huma jieklu, imma ma jixbgħux.+ Jittrattaw lin-​nisa li jmorru magħhom bħala prostituti; imma ma jiżdidux,+ għax ma baqgħux jagħtu kas Ġeħova b’rispett.+ 11 Iż-żína u l-​inbid u l-​inbid ħelu jneħħu l-​motiv tajjeb.+ 12 In-nies tiegħi jibqgħu jistaqsu+ lill-​idolu tagħhom taʼ l-​injam,+ u l-​ħatar taʼ idejhom jgħidilhom; għax l-​ispirtu taż-​żína ġegħelhom jiżvijaw,+ u biż-​żína huma ma jibqgħux taħt Alla tagħhom.+ 13 Fuq il-​qċaċet tal-​muntanji joffru sagrifiċċji,+ u fuq l-​għoljiet joffru d-​duħħan tas-​sagrifiċċji,+ taħt siġra immensa u siġra taʼ l-​istoraċi u siġra kbira, għax id-​dell tagħhom tajjeb.+ Huwa għalhekk li l-​bniet tagħkom jiżnu u n-​nisa taʼ wliedkom jagħmlu adulterju.

14 “Ma nitlobx kont mill-​bniet tagħkom għax jiżnu, u min-​nisa taʼ wliedkom għax jagħmlu adulterju. Għax l-​irġiel jitilqu għal rashom mal-​prostituti,+ u joffru sagrifiċċji mal-​prostituti nisa tat-​tempju;+ u poplu li ma jifhimx+ se jinsaħaq. 15 Għalkemm int qed tiżni, O Israel,+ ħa ma jsirx ħati Ġuda,+ u intom tiġux Gilgal,+ u lanqas titilgħu Bet-awen+ jew taħilfu ‘Daqskemm Ġeħova hu ħaj!’+ 16 Għax, bħal baqra rasha iebsa, Israel sar rasu iebsa.+ Sejjer issa Ġeħova jirgħahom bħallikieku muntun żgħir f’post spazjuż? 17 Efrajm issieħeb maʼ l-​idoli.+ Ħallih waħdu!+ 18 Malli tispiċċalhom il-​birra tal-​qamħ,+ imorru man-​nisa u ċertament li jittrattawhom bħala prostituti.+ Dawk li pproteġewh bħal b’tarki+ ħabbew id-​diżunur bis-​sħiħ.+ 19 Riħ geżwru fi ġwinħajh.+ U se jistħu minħabba s-​sagrifiċċji tagħhom.”+

5 “Isimgħu dan, O qassisin,+ u oqogħdu attenti, O dar Israel, u intom, O dar is-​sultan,+ agħtu widen, għax il-​ġudizzju għandu x’jaqsam magħkom; għax sirtu nassa+ f’Mispa u bħal xibka mifruxa fuq it-​Tabor.+ 2 U dawk li tbiegħdu minn dak li hu tajjeb involvew ruħhom sew fil-​qtil,+ u jien widdibthom kollha.+ 3 Jien personalment kont naf lil Efrajm,+ u Israel ma kienx moħbi minni.+ Għax issa, O Efrajm, int ittrattajt lin-​nisa li mort magħhom bħala prostituti;+ u Israel tniġġes.+ 4 L-aġir tagħhom ma jippermettilhomx jerġgħu lura lejn Alla tagħhom,+ għax hemm spirtu taʼ żína+ f’nofshom; u lil Ġeħova ma rrikonoxxewhx.+ 5 U l-​kburija taʼ Israel xehdet kontrih stess;+ u Israel u Efrajm jitfixklu fl-​iżball tagħhom stess.+ Ġuda wkoll tfixkel magħhom.+ 6 Huma fittxew lil Ġeħova bin-​nagħaġ u l-​baqar tagħhom, imma ma setgħux isibuh.+ Hu kien tbiegħed minnhom. 7  Maʼ Ġeħova huma aġixxew bi tradiment,+ għax saru missirijiet taʼ wlied stranġieri.+ F’xahar se jinbelgħu flimkien mal-​proprjetà tagħhom.+

8 “Doqqu l-​qarn+ f’Gibegħa,+ it-​trumbetta f’Rama! Għajtu l-​għajta tal-​gwerra f’Bet-awen+—għal warajk, O Benjamin!+ 9 O Efrajm, f’jum iċ-​ċanfira se ssir sempliċi oġġett taʼ stagħġib.+ Fost it-​tribujiet taʼ Israel jien għarraft kliem taʼ min jafdah.+ 10 Il-prinċpijiet taʼ Ġuda saru sewwasew bħal dawk li jressqu lura t-​trufijiet taʼ proprjetà.+ Fuqhom se nsawwab qillti bħall-​ilma. 11 Efrajm maħqur, imfarrak b’ġustizzja,+ għax hu ssieħeb u mexa wara l-​avversarju tiegħu.+ 12 U jien kont bħall-​kamla+ għal Efrajm u bħal taħsir għal dar Ġuda.

13 “U Efrajm ra l-​marda tiegħu, u Ġuda l-​pjaga tiegħu.+ U Efrajm mar l-​Assirja+ u bagħat għal sultan kbir.+ Imma dan ma kellux il-​ħila jfejjaqkom,+ u ma setax ineħħilkom il-​pjaga.+ 14 Għax jien se nkun bħal iljun fl-​aqwa tiegħu għal Efrajm+ u bħal iljun b’saħħtu għal dar Ġuda. Jien, iva, jien stess se nqattagħhom biċċiet, u se mmur u nġorrhom ’l hemm, u ma jkun hemm ħadd li jeħlishom.+ 15 Se mmur u nerġaʼ lura lejn posti sakemm iġorru l-​ħtija tagħhom;+ u se jfittxu lil wiċċi.+ Meta jkunu f’sitwazzjoni mwiegħra+ jfittxuni.”+

6 “Ejjew, ħa nerġgħu lura lejn Ġeħova,+ għax hu stess qattagħna biċċiet+ imma se jfejjaqna.+ Hu sawwatna, imma se jinfaxxana.+ 2 Se jagħtina l-​ħajja wara jumejn.+ Fit-​tielet jum iqajjimna, u aħna ngħixu quddiemu.+ 3 U se nkunu nafu, iva, se nibqgħu nfittxu li nkunu nafu lil Ġeħova.+ Bħaż-​żerniq,+ il-​wasla tiegħu hija stabbilita fis-​sod.+ Jiġi għandna bħax-​xita qawwija;+ bħax-​xita tar-​rebbiegħa li xxebbaʼ l-​art.”+

4 “X’nagħmillek, O Efrajm? X’nagħmillek, O Ġuda,+ meta l-​qalb tajba bl-​imħabba tagħkom hi bħas-​sħab taʼ fil-​għodu u bħan-​nida li tgħib kmieni? 5 Għalhekk ikolli nidrobhom permezz tal-​profeti;+ se jkolli noqtolhom bi kliem fommi.+ U l-​ġudizzji fuqek ikunu bħad-​dawl li jiddi.+ 6 Għax jien bil-​qalb tajba bl-​imħabba tgħaxxaqt,+ mhux bis-​sagrifiċċji;+ u bl-​għarfien dwar Alla minflok bl-​offerti sħaħ tal-​ħruq.+ 7 Imma huma, bħal sempliċi bnedmin, kisru l-​patt.+ Hemmhekk aġixxew miegħi bi tradiment.+ 8 Gilegħad+ hija belt mimlija nies li jipprattikaw il-​ħsara; il-​passi tagħhom huma demm.+ 9 U bħal qtajjaʼ taʼ ħallelin lesti għal xi ħadd,+ hekk hi l-​ġemgħa taʼ qassisin.+ F’Sikem+ joqtlu mal-​ġenb tal-​mogħdija, għax ma jwettqu xejn ħlief kondotta laxka.+ 10 Fid-dar taʼ Israel rajt ħaġa orribbli.+ Hemmhekk Efrajm żena.+ Israel tniġġes.+ 11 Iktar minn hekk, O Ġuda, hemm ħsad lest għalik, meta niġbor lura lill-​imjassrin tal-​poplu tiegħi.”+

7 “Kull darba li nipprova nfejjaq lil Israel,+ jinkixef l-​iżball t’Efrajm+ u l-​ħażen tas-​Samarija;+ għax jaġixxu bil-​qerq,+ u l-​ħallelin jidħlu fid-​djar; qatgħa ħallelin jattakkaw fuq barra.+ 2 U f’qalbhom ma jgħidux+ li jien se niftakar fil-​ħażen kollu tagħhom.+ Issa jinsabu mdawrin minn kullimkien bl-​aġir tagħhom.+ Quddiem wiċċi qiegħed.+ 3 Bil-ħażen tagħhom huma jferrħu lis-​sultan u bil-​qerq tagħhom lill-​prinċpijiet.+ 4 Ilkoll kemm huma adulteri;+ huma bħal forn li jitkebbes minn furnar, li ma jibqax iqalleb in-​nar minn x’ħin jagħmel l-​għaġina sakemm titħemmer. 5 F’jum is-​sultan tagħna, il-​prinċpijiet dardru lilhom infushom+—hemm dagħdigħa minħabba l-​inbid.+ Hu medd idu maʼ dawk li jirridikolaw. 6 Għax huma bħallikieku ġabu lil qalbhom qrib forn;+ qed taqbad ġo fihom.+ Il-​lejl kollu rieqed il-​furnar tagħhom; sa fil-​għodu l-​forn ikun jaqbad b’nar iħeġġeġ.+ 7 Ilkoll isiru jaħarqu bħall-​forn, u jibilgħu lill-​imħallfin tagħhom. Is-​slaten tagħhom waqgħu kollha;+ ħadd minnhom ma qiegħed jgħajjatli.+

8 “Efrajm jitħallat mal-​popli.+ Efrajm sar ftira mhix imdawra fuq in-​naħa l-​oħra.+ 9 L-istranġieri belgħulu setegħtu,+ u ma ntebaħx.+ Ukoll, ix-​xagħar griż bjadlu, imma ma ntebaħx. 10 U l-​kburija taʼ Israel xehdet kontrih stess,+ u minħabba dan kollu huma ma reġgħux lura lejn Ġeħova Alla tagħhom,+ lanqas ma fittxewh.+ 11 U Efrajm hu bħal ħamiema+ b’moħħ sempliċi u b’qalb belha.*+ Lill-​Eġittu sejħu;+ għand l-​Assirja marru.+

12 “Imorru fejn imorru, nifrex fuqhom ix-​xibka tiegħi.+ Bħal ħlejjaq li jtiru fis-​smewwiet inniżżilhom.+ Niddixxiplinahom skond it-​twissija li ngħataw bħala ġemgħa.+ 13 Gwaj għalihom,+ għax ħarbu minni!+ Inħarbathom, għax dinbu kontrija! Jien fdejthom,+ imma huma gidbu fuqi.+ 14 U ma sejħulix mill-​qalb għall-​għajnuna,+ għalkemm baqgħu jnewħu fuq is-​sodod tagħhom. Minħabba l-​qmuħ u l-​inbid ħelu tagħhom huma baqgħu jitnikkru ’l hemm u ’l hawn;+ baqgħu jduru kontrija.+ 15 Jien, min-​naħa tiegħi, iddixxiplinajthom;+ saħħaħtilhom dirgħajhom,+ imma baqgħu jfasslu l-​ħażen kontrija.+ 16 U huma reġgħu lura, iżda mhux lejn xi ħaġa iktar għolja;*+ kienu saru bħal qaws merħi.+ Bis-​sejf jaqgħu l-​prinċpijiet tagħhom minħabba li jikkundannaw bi lsienhom.+ Dan se jkun il-​kaġun tat-​twaqqigħ għaċ-​ċajt tagħhom fl-​art taʼ l-​Eġittu.”+

8 “Poġġi qarn+ maʼ fommok! Ġej wieħed bħal ajkla+ kontra d-​dar taʼ Ġeħova, għax huma kisru l-​patt tiegħi,+ u kontra l-​liġi tiegħi naqsu.+ 2 Lili jibqgħu jgħajtu, ‘O Alla tagħna, aħna, Israel, nafuk.’+

3 “Israel twarrab mit-​tajjeb.+ Ħa jiġri warajh l-​għadu.+ 4 Huma għamlu slaten,+ imma mhux minni kien ġej dan. Għamlu prinċpijiet, imma ma kontx naf b’dan. Bil-​fidda u d-​deheb tagħhom għamlu idoli għalihom,+ għall-​qerda tagħhom stess.+ 5 L-għoġol tiegħek ġie mwarrab,+ O Samarija. Ir-​rabja tiegħi xegħlet kontrihom.+ Kemm se jdumu hekk, mhux kapaċi jirkupraw l-​innoċenza tagħhom?+ 6 Minn Israel kien dan l-​għoġol.+ Sempliċi bniedem tas-​sengħa għamlu,+ mhux Alla; għax l-​għoġol tas-​Samarija se jsir frak.+

7 “Għax jiżirgħu r-​riħ, u riħ taʼ tempesta jaħsdu.+ M’hemmx żaraʼ wieqaf.+ Ebda rimja ma tipproduċi d-​dqiq.+ Jekk forsi tipproduċih, l-​istranġieri se jibilgħuh.+

8 “Israel għandu jinbelaʼ.+ Issa se jkun fost il-​ġnus,+ bħal reċipjent li ma jingħoġobx.+ 9 Għax huma telgħu għand l-​Assirja,+ bħal żebra li nqatgħet għaliha.+ Fil-​każ t’Efrajm, huma krew il-​prostituti bħala maħbubin.+ 10 U għalkemm jibqgħu jikruhom minn fost il-​ġnus,+ jien issa se niġborhom flimkien; u se jbatu ħafna+ għal ftit żmien minħabba t-​tagħbija tas-​sultan u l-​prinċpijiet.

11 “Għax Efrajm żied l-​artali biex jidneb.+ Għamel l-​artali biex jidneb.+ 12 Ktibtlu ħafna affarijiet fil-​liġi+ tiegħi imma qieshom sempliċement bħala xi ħaġa barranija.+ 13 Huma offrewli l-​laħam+ b’sagrifiċċji bħala għotja, u kielu dak li Ġeħova ma ħax pjaċir bih.+ Issa hu se jiftakar l-​iżball tagħhom u jitlob kont taʼ dnubiethom.+ Għand l-​Eġittu reġgħu marru.+ 14 U Israel beda jinsa lil Dak li għamlu+ u beda jibni t-​tempji;+ u Ġuda żied il-​bliet fortifikati.+ Se nibgħat in-​nar fil-​bliet tiegħu u dan irid jiblaʼ t-​torrijiet mgħammrin taʼ kull wieħed minnhom.”+

9 “Tithenniex, O Israel.+ Tifraħx bħall-​popli.+ Għax biż-​żína tbegħedt minn Alla tiegħek.+ Int ħabbejt il-​ħlas għall-​prostituzzjoni li wettaqt fuq il-​qigħan kollha fejn jidirsu l-​qmuħ.+ 2 Il-qiegħa tad-​dris u l-​magħsar taʼ l-​inbid ma jitimgħuhomx,+ u l-​inbid ħelu jkun taʼ diżappunt għalihom.+ 3 Ma jibqgħux jgħammru fl-​art taʼ Ġeħova,+ u Efrajm imur lura għand l-​Eġittu,+ u fl-​Assirja se jieklu dak li mhux nadif.+ 4 Mhux se jkomplu jferrgħu l-​inbid lil Ġeħova.+ U bis-​sagrifiċċji tagħhom hu ma jitgħaxxaqx;+ dawn huma bħall-​ħobż taʼ żmien il-​vistu+ għalihom; dawk kollha li jieklu minnu se jitniġġsu. Għax il-​ħobż tagħhom hu għalihom stess; ma jidħolx fid-​dar taʼ Ġeħova.+ 5 X’se tagħmlu intom f’jum il-​laqgħa u f’jum il-​festa taʼ Ġeħova?+ 6 Għax se jkollhom jitilqu minħabba l-​ħerba.+ L-​Eġittu se jiġborhom flimkien;+ Memfi+ se tidfinhom. Il-​ħurrieq se jiret l-​affarijiet mixtiqin tagħhom tal-​fidda;+ għollieq se jkun hemm fit-​tined tagħhom.+

7 “Il-​jiem li tingħata attenzjoni jridu jiġu;+ il-​jiem tal-​ħlas mistħoqq iridu jiġu.+ In-​nies taʼ Israel se jkunu jafuh dan.+ Il-​profeta se jkun bħal iblah,+ il-​bniedem t’espressjoni mnebbħa se jiġġennen minħabba l-​abbundanza taʼ l-​iżball tiegħek,+ u minħabba li l-​mibegħda hija abbundanti.”

8 L-għassies+ t’Efrajm kien m’Alla tiegħi.+ Inkwantu għall-​profeta,+ hemm in-​nasba tan-​nassâb fit-​triqat kollha tiegħu;+ hemm il-​mibegħda f’dar Alla tiegħu. 9 Huma involvew ruħhom sew f’li jġibu rovina,+ bħal f’jiem Gibegħa.+ Hu se jiftakar l-​iżball tagħhom;+ se jitlob kont taʼ dnubiethom.

10 “Bħall-​għeneb fix-​xagħri qist lil Israel.+ Bħat-​tina bikrija fuq siġra tat-​tin fil-​bidu tagħha jien rajt lil missirijietkom.+ Imma huma marru għand Bagħal taʼ Pegħor,+ u ddedikaw ruħhom lill-​ħaġa taʼ mistħija,+ u saru moqżieża bħall-​ħaġa li ħabbew.+ 11 U l-​glorja t’Efrajm se ttir bħal għasfur,+ u la jkun hemm twelid, la tqala, u lanqas tnissil.+ 12 Għax għalkemm irabbu ’l uliedhom subien, jien ma nħallilhomx tfal biex ma jkun hemm ebda raġel.+ Iva, gwaj għalihom meta nwarrab minnhom!+ 13 Efrajm, li rajtu bħal Tir imħawwel f’mergħa,+ iva, Efrajm se jkollu joħroġ ’l uliedu għall-​qattiel.”+

14 Agħtihom, O Ġeħova, dak li għandek tagħtihom.+ Agħtihom ġuf li ma jżommx tarbija+ u isdra nexfin.

15 “Il-​ħażen kollu tagħhom kien f’Gilgal,+ għax hemmhekk kelli nobgħodhom.+ Minħabba l-​aġir mill-​agħar tagħhom se nkeċċihom minn ġo dari stess.+ Ma nkomplix nurihom imħabba.+ Il-​prinċpijiet kollha tagħhom qed iwebbsu rashom.+ 16 Efrajm għandu jiġġarraf.+ L-​istess għerq tagħhom għandu jinxef.+ Ma jkollhomx frott.+ Ukoll, fil-​każ li jildu, jien noqtlilhom l-​affarijiet mixtiqin taʼ ġufhom.”+

17 Alla tiegħi+ jiċħadhom għax ma semgħux minnu,+ u jkunu maħrubin fost il-​ġnus.+

10 “Israel dielja+ li qed issir salvaġġa. Jibqaʼ jagħmel il-​frott għalih.+ Skond l-​abbundanza tal-​frott tiegħu hu żied l-​artali tiegħu.+ Skond it-​tjubija t’artu, in-​nies waqqfu pilastri sagri impressjonanti.+ 2 Qalbhom saret ipokrita;+ issa se jinstabu ħatjin.

“Hemm wieħed li se jkisser l-​artali tagħhom; se jħarbat il-​pilastri tagħhom.+ 3 Għax issa se jgħidu, ‘M’għandna ebda sultan,+ għax ma bżajniex minn Ġeħova. U x’se jagħmel għalina s-​sultan?’

4 “Huma jitkellmu fil-​vojt, jaħilfu falz,+ jagħmlu pattijiet;+ u l-​ġudizzju nibet bħal pjanta velenuża fir-​raddi tar-​rabaʼ.+ 5 Ir-residenti tas-​Samarija se jibżgħu minħabba l-​idolu forma t’għoġol taʼ Bet-awen;+ minħabba fih in-​nies tagħha se jitnikktu, kif ukoll il-​qassisin taʼ l-​allat barranin tagħha li kienu jkunu ferħanin bih minħabba l-​glorja tiegħu, għax se jkun mar fl-​eżilju lil hinn minnhom.+ 6 Saħansitra xi ħadd se jġib l-​idolu lejn l-​Assirja bħala għotja lil sultan kbir.+ Mistħija se jġib fuqu nnifsu Efrajm,+ u Israel se jistħi bil-​pjanijiet tiegħu.+ 7 Is-Samarija u s-​sultan tagħha se jgħibu,+ bħal fergħa mqaċċta fuq wiċċ l-​ilmijiet. 8 U l-​postijiet għall-​qima* taʼ Bet-awen,+ id-​dnub taʼ Israel,+ se jinqerdu għalkollox. Xewk u għollieq+ se jikbru fuq l-​artali tagħhom.+ U n-​nies se jgħidu lill-​muntanji, ‘Ordmuna!’ u lill-​għoljiet, ‘Aqgħu fuqna!’+

9 “Sa mill-​jiem taʼ Gibegħa+ ilek tidneb,+ O Israel. Hemmhekk huma ma tbiddlux. F’Gibegħa, il-​gwerra kontra wlied l-​inġustizzja ma laħqithomx għalkollox.+ 10 Meta rrid se niddixxiplinahom.+ U l-​popli se jinġabru kontrihom meta b’kastig ikollhom iġorru ż-​żewġ żbalji tagħhom.+

11 “Efrajm kien għoġla mħarrġa li tħobb tidres;+ u jien, min-​naħa tiegħi, għaddejt fuq l-​għonq sabiħ tagħha. Se rrikkeb lil xi ħadd fuq Efrajm.+ Ġuda jaħrat;+ Ġakobb iwittilu l-​ħamrija.+ 12 Iżirgħu bis-​sewwa;+ aħsdu skond il-​qalb tajba bl-​imħabba.+ Aħdmu l-​art li hi tajba għall-​ħrit,+ meta għad hemm ħin biex tfittxu lil Ġeħova sakemm jiġi+ u jistruwikom dwar is-​sewwa.+

13 “Intom ħrattu l-​ħażen.+ Ħsadtu l-​inġustizzja.+ Intom kiltu l-​frott tal-​qerq,+ għax fdajtu fi triqitkom,+ fil-​kotra tas-​setgħanin tagħkom.+ 14 U qamet rewwixta fost nieskom,+ u l-​bliet fortifikati tagħkom se jkunu rovinati kollha,+ bħar-​rovina li għamel Salman minn dar Arbel, fil-​jum tal-​battalja meta omm tfarrket maġenb uliedha stess.+ 15 Hekk se jagħmlulkom, O Betel, minħabba l-​ħażen estrem tagħkom.+ Fiż-​żerniq, is-​sultan taʼ Israel żgur se jkollu jgħib.”+

11 “Ħabbejt lil Israel meta kien tifel,+ u mill-​Eġittu sejjaħt lil ibni.+

2 “Kien hemm dawk li sejħulhom.+ Iżjed ma sejħulhom, iżjed tbiegħdu minnhom.+ Lix-​xbihat taʼ Bagħal offrew is-​sagrifiċċji,+ u lix-​xbihat minquxin offrewlhom id-​duħħan tas-​sagrifiċċji.+ 3 Imma kont jien li għallimt lil Efrajm jimxi,+ li rfajtu f’dirgħajja;+ u huma ma rrikonoxxewx li kont fejjaqthom.+ 4 Bil-ħbula tal-​qalb tajba umana bqajt niġbidhom, bl-​irbit taʼ l-​imħabba,+ u b’hekk sirt għalihom bħal wieħed li jneħħi l-​madmad mix-​xedaq tagħhom,+ u b’ġentilezza tajt l-​ikel lil kull wieħed.+ 5 Hu mhux se jmur lura lejn l-​art taʼ l-​Eġittu, imma l-​Assirja se ssaltan fuqu,+ għax huma rrifjutaw li jiġu lura għandi.+ 6 U sejf se jixxejjer ’l hemm u ’l hawn fi blietu+ u jeqred l-​istaneg tiegħu u jiblagħhom+ minħabba l-​pjanijiet tagħhom.+ 7 U n-​nies tiegħi għandhom it-​tendenza li ma jurunix fedeltà.+ Hemm min isejħilhom biex jerġgħu lura lejn l-​ogħla wieħed; imma lanqas ħadd ma jqum.

8 “Kif nistaʼ nitilqek, O Efrajm?+ Kif nistaʼ nagħtik f’idejn ħaddieħor, O Israel?+ Kif nistaʼ nagħmlek bħal Adma?+ Kif nistaʼ nagħmillek bħalma għamilt lil Sebojim?+ Qalbi nbidlet ġewwa fija;+ fl-​istess ħin il-​mogħdrijiet tiegħi tqanqlu. 9 M’iniex se nesprimi r-​rabja taħraq tiegħi.+ M’iniex se nerġaʼ neqred+ lil Efrajm, għax jien Alla+ u mhux bniedem, il-​Qaddis f’nofsok;+ u m’iniex se niġi kontrik b’qilla. 10 Wara Ġeħova se jimxu.+ Bħal iljun se jgħajjat;+ għax hu nnifsu se jgħajjat,+ u l-​ulied se jiġu jitriegħdu mill-​punent.+ 11 Bħal għasfur se joħorġu jitriegħdu mill-​Eġittu,+ u bħal ħamiema mill-​art taʼ l-​Assirja;+ u se nġegħelhom jgħammru fi djarhom,” hija l-​kelma taʼ Ġeħova.+

12 “Efrajm dawwarni bil-​gideb minn kullimkien,+ u d-​dar taʼ Israel bil-​qerq. Imma Ġuda għadu jimxi m’Alla,+ u juri fedeltà lejn l-​Iktar Wieħed Qaddis.”

12 “Efrajm jiekol ir-​riħ+ u jiġri wara r-​riħ mil-​lvant il-​jum kollu.+ Kattar il-​gideb u s-​serq.+ Jagħmlu patt maʼ l-​Assirja,+ u lejn l-​Eġittu jinġieb iż-​żejt.

2 “U Ġeħova għandu kawża legali maʼ Ġuda,+ iva, se jitlob kont minn Ġakobb skond triqatu;+ se jħallsu lura skond l-​aġir tiegħu.+ 3 Fiż-żaqq hu ħataf lil ħuh mill-​għarqub,+ u b’saħħtu kollha ssara m’Alla.+ 4 U baqaʼ jissara m’anġlu u fl-​aħħar għelbu.+ Beka, u talbu jurih ħniena.”+

F’Betel Hu sabu,+ u hemmhekk Hu kellimna.+ 5 U dan hu Ġeħova, l-​Alla taʼ l-​armati.+ Ġeħova hu l-​isem li bih jiġi miftakar.+

6 “U int, lejn Alla tiegħek għandek terġaʼ lura,+ billi tħares il-​qalb tajba bl-​imħabba+ u l-​ġustizzja;+ u ħa tittama f’Alla tiegħek il-​ħin kollu.+ 7 F’id in-​negozjant hemm il-​miżien tal-​qerq;+ hu jħobb jimbrolja.+ 8 U Efrajm jibqaʼ jgħid, ‘Tabilħaqq, sirt sinjur;+ sibt affarijiet taʼ valur għalija.+ Fit-​taħbit kollu tiegħi m’humiex se jsibuli xi żball li huwa dnub.’+

9 “Imma jien Ġeħova Alla tiegħek minn żmien l-​art taʼ l-​Eġittu.+ Għad nagħmlek tgħammar fit-​tined bħal fil-​jiem taʼ festa. 10 Jien kellimt lill-​profeti,+ żidt il-​viżjonijiet, u tajt tixbihat permezz tal-​profeti.+

11 “In-​nies taʼ Gilegħad ipprattikaw il-​maġija u gidbu.+ F’Gilgal issagrifikaw il-​barrin.+ Iktar minn hekk, l-​artali tagħhom huma bħal gzuz taʼ ġebel fir-​raddi tar-​rabaʼ.+ 12 U Ġakobb ħarab lejn it-​territorju tas-​Sirja,+ u Israel+ baqaʼ jaqdi għal mara,+ u għal mara ħares in-​nagħaġ.+ 13 U bi profeta, Ġeħova ħareġ lil Israel mill-​Eġittu,+ u bi profeta ħarsu.+ 14 Efrajm offenda bl-​ikrah lil Alla,+ u l-​għemejjel tiegħu taʼ tixrid taʼ demm jibqgħu fuqu,+ u s-​Sid Grandjuż tiegħu se jroddlu t-​tmaqdir li ġab fuqu.”+

13 “Meta Efrajm kien jitkellem, kien ikun hemm it-​tregħid; kien influwenti f’Israel.+ Imma hu sar ħati minħabba Bagħal+ u miet.+ 2 U issa jerġgħu jidinbu u jagħmlu għalihom statwa mill-​fidda mdewba tagħhom,+ idoli skond kif jifhmu huma,+ kollha xogħol in-​nies tas-​sengħa.+ Dwar l-​idoli qed jgħidu, ‘Ħalli dawk il-​bnedmin li jagħmlu s-​sagrifiċċji jbusu l-​għoġiela.’+ 3 Għalhekk, se jsiru bħas-​sħab taʼ fil-​għodu+ u bħan-​nida li tgħib kmieni; bħall-​karfa li tittajjar mill-​qiegħa tad-​dris+ u bħad-​duħħan mill-​fetħa tas-​saqaf.

4 “Imma jien Ġeħova Alla tiegħek minn żmien l-​art taʼ l-​Eġittu,+ u ma kont taf b’ebda Alla ieħor ħliefi; u ma kien hemm ebda salvatur ħliefi.+ 5 Jien ħadt ħsiebek fix-​xagħri,+ fl-​art fejn in-​nies jitlgħalhom id-​deni.+ 6 Meta kielu mill-​mergħa tagħhom xebgħu.+ Xebgħu u qalbhom tkabbret.+ Għalhekk insewni.+ 7 U jien se nsir għalihom bħal iljun b’saħħtu.+ Bħal leopard ħdejn it-​triq se nibqaʼ nħares.+ 8 Se nħebb għalihom bħal orsa li tilfet il-​frieħ tagħha,+ u se niftħilhom il-​qafas taʼ sidirhom. Niblagħhom hemmhekk bħal iljun;+ bhima salvaġġa tar-​rabaʼ se tqattagħhom biċċiet.+ 9 Se ssir ħerba,+ O Israel, għax dak li għamilt kien kontrija, kontra l-​għajnuna tiegħek.+

10 “Fejn, allura, hu s-​sultan tiegħek, biex isalvak fil-​bliet kollha tiegħek,+ u l-​imħallfin tiegħek, li dwarhom int għedt, ‘Agħtini sultan u prinċpijiet’?+ 11 Jien tajtek sultan fir-​rabja tiegħi,+ u fil-​qilla tiegħi se nneħħih.+

12 “L-​iżball t’Efrajm huwa merfugħ f’sorra, dnubu ġie maħżun.+ 13 Fuqu se jiġi l-​uġigħ tal-​ħlas taʼ mara tiled.+ M’huwiex iben għaqli,+ għax meta jasallu żmienu ma jiħux il-​pożizzjoni fil-​post minfejn l-​ulied joħorġu mill-​ġuf.+

14 “Minn taħt idejn il-​Qabar* se nifdihom;+ mill-​mewt se nġibhom lura.+ Fejn hu t-​tingiż tiegħek, O Mewt?+ Fejn hi s-​setgħa qerrieda tiegħek, O Qabar?+ Il-​mogħdrija se tkun moħbija minn għajnejja.+

15 “Imqar jekk joktor bħall-​qasab,+ jiġi riħ mil-​lvant, ir-​riħ taʼ Ġeħova.+ Mix-​xagħri ġej, u se jnixxef il-​bir tiegħu u jixxotta n-​nixxiegħa tiegħu.+ Dan se jħarbat it-​teżor li fih kull oġġett mixtieq.+

16 “Is-​Samarija se tinstab ħatja,+ għax hi qed tirribella kontra Alla tagħha.+ Bis-​sejf se jaqgħu.+ Uliedhom se jitfarrku+ u n-​nisa tqal tagħhom se jiġu mċarrtin.”+

14 “Ejja lura, O Israel, lejn Ġeħova Alla tiegħek,+ għax int tfixkilt fl-​iżball tiegħek.+ 2 Ġibu l-​kliem taʼ ndiema magħkom u ejjew lura lejn Ġeħova.+ Għidulu, intom ilkoll, ‘Jalla taħfer l-​iżball;+ u aċċetta t-​tajjeb, u aħna se noffru bi tpattija l-​frott taʼ xofftejna, iva, il-​barrin żgħar tat-​tifħir.+ 3 L-Assirja mhix se ssalvana.+ Fuq żwiemel m’aħniex se nirkbu.+ U qatt iktar m’aħna se ngħidu: “O Alla tagħna!” lil xogħol idejna, għax huwa permezz tiegħek li tifel bla missier jintwera ħniena.’+

4 “Se nfejjaq in-​nuqqas taʼ fedeltà tagħhom.+ Se nħobbhom minn jeddi,+ għax ir-​rabja tiegħi reġgħet lura minn fuqu.+ 5 Se nsir bħan-​nida għal Israel.+ Hu se jwarrad bħall-​ġilju, u se joħroġ għeruqu bħal-​Libanu. 6 Il-friegħi tiegħu se jinfirxu, u d-​dinjità tiegħu se ssir bħal dik tas-​siġra taż-​żebbuġ,+ u l-​fwieħa tiegħu se tkun bħal tal-​Libanu. 7 Huma se jerġgħu jgħammru f’dellu.+ Se jkabbru l-​qmuħ u jarmu bħad-​dielja.+ It-​tifkira tiegħu se tkun bħall-​inbid tal-​Libanu.

8 “Efrajm se jgħid, ‘X’għandi x’naqsam iktar maʼ l-​idoli?’+

“Jien stess se nwieġeb u nibqaʼ nżomm ħarsti fuqu.+ Jien inkun bħal siġra tħaddar tal-​ġnibru.+ Għandi ssib il-​frott għalik.”

9 Min hu għaref biex jifhem dawn l-​affarijiet,+ għaqli biex ikun jafhom?+ Għax it-​triqat taʼ Ġeħova retti,+ u n-​nies sewwa huma dawk li se jimxu fihom;+ imma dawk li jiksru l-​liġi se jitfixklu fihom.+