113 Tamandani Ya, anthu inu!+

Inu atumiki a Yehova, mutamandeni,+

Tamandani dzina la Yehova.+

 2 Dzina la Yehova lidalitsike,+

Kuyambira tsopano mpaka kalekale.+

 3 Kuyambira kotulukira dzuwa mpaka kumene limalowera,+

Dzina la Yehova liyenera kutamandidwa.+

 4 Yehova wakwezeka pamwamba pa mitundu yonse ya anthu.+

Ulemerero wake uli pamwamba pa kumwamba.+

 5 Ndani angafanane ndi Yehova Mulungu wathu,+

Amene amakhala pamwamba?+

 6 Iye amatsika m’munsi kuti aone kumwamba ndi dziko lapansi.+

 7 Amadzutsa munthu wonyozeka kumuchotsa m’fumbi.+

Amakweza munthu wosauka kumuchotsa padzala,+

 8 Kuti amukhazike pamodzi ndi anthu olemekezeka,+

Pamodzi ndi anthu olemekezeka pakati pa anthu a Mulungu.+

 9 Akuchititsa mkazi wosabereka kukhala m’nyumba+

Monga mayi wosangalala wa ana aamuna.+

Tamandani Ya, anthu inu!+