Fakkeenya
5 Yaa ilma koo, ogummaa koo dhagaʼi.
Hubannaa koo of eeggannoodhaan dhaggeeffadhu,*+
2 Kunis, dandeettii yaaduu kee akka eeggattuuf,
Afaan keetiinis beekumsa akka dubbattuufi.+
4 Dhuma irratti garuu ishiin akkuma hadheessaatti hadhoofti,+
Ishiin akkuma goraadee gar lamaan qarameetti qara qabdi.+
5 Miilli ishii gara duʼaatti gad buʼa.
Tarkaanfiin ishiis kallattiidhaan gara Awwaalaatti* geessa.
6 Ishiin waaʼee daandii jireenyaa hin yaaddu.
Asii fi achi ni joorti, garuu garam akka dhaqxu hin beektu.
7 Ammas, yaa ilmaan koo, na dhagaʼaa,
Wantan jedhu irraas hin gorinaa.
8 Ishii irraa fagaadhu;
Gara balbala mana ishiitti hin dhihaatin.+
9 Kunis, ulfina kee warra kaaniif akka hin kennine,+
Wanta hamaas waggoota hedduudhaaf akka hin haammanneefi;+
10 Akkasumas namoonni ormaa qabeenya* kee akka hin onsineef,+
Wanti itti dadhabdes mana nama biyya ormaatiif akka hin taaneefi.
11 Taʼuu baannaan, dhuma bara jireenyaa keetti,
Yeroo foon kee fi qaamni kee dhumutti ni aadda;+
12 Achiis akkana jetta: “Ani akkamittan adaba jibbe!
Garaan koo akkamitti sirreeffama tuffate!
13 Ani sagalee warra qajeelfama naa kennanii hin dhageenye
Yookiin barsiisota koo xiyyeeffannaadhaan hin dhaggeeffanne.
16 Burqaawwan kee alatti,
Yaaʼaawwan bishaanii kee hoo addabaabayiitti yaaʼuu qabuu?+
17 Isaan kanuma kee qofa haa taʼan,
Namoota ormaa sii wajjin jiraniifis hin taʼin.+
18 Burqaan* bishaanii kee kan eebbifame haa taʼu,
Haadha manaa dargaggummaa keettis gammadi,+
19 Ishiin gadamsa dhaltuu jaallatamtuu, re’ee gaaraa* simbo qabeettii dha.+
Yeroo hundumaa harmi ishii si haa gammachiisu.*
Yeroo hundumaa jaalala ishiitiin boojiʼami.+
20 Yaa ilma koo, maarree ati dubartii addaggeedhaan* kan boojiʼamtu
21 Sababiin isaas, daandiin namaa ija Yihowaa dura jira;
Inni karaa isaa hundumaa ni qora.+
22 Namni hamaan balleessaa ofii isaatiin kiyyoo keessa gala,
Wadaroo cubbuu isaatiinis ni qabama.+
23 Adaba dhabuu isaatiin ni duʼa,
Gowwummaa isaa isa hammana hin jedhamneenis karaa irraa ni maqa.