Faarfannaa
Kadhannaa namni cunqurfame yeroo abdii kutatettii* fi yeroo yaaddoo isaa Yihowaa duratti dhangalaasetti dhiheesse.+
2 Yeroo dhiphina kootti fuula kee na jalaa hin dhoksin.+
3 Sababiin isaas, guyyoonni koo akka aaraatti darbu,
Lafeewwan koos akka iddoo ibiddaatti gubatanii gurraachaʼaniiru.+
4 Nyaata koo nyaachuu waanan irraanfadheef,
Garaan koo akka margaatti coolligeera, gogeeras.+
6 Allaattii bishaanii lafa onaa keessa jirtu nan fakkaadhe;
Ani akkuma hurunguu xinnoo bakka diigamaa gidduu jirtuu ti.
8 Diinonni koo guyyaa guutuu na arrabsu.+
Warri natti qoosanis* abaarsaaf maqaa kootti fayyadamu.
9 Daaraa akka nyaataatti nan nyaadha,+
Wantin dhugus imimmaaniin makameera,+
10 Kunis kan taʼe dheekkamsaa fi aarii keetiin kan kaʼe dha,
Ati kan ol na kaaste na darbachuuf qofa dha.
13 Yeroon gaarummaa kee ishiitti itti argisiistu amma waan taʼeef,+
Ati dhugumaan kaatee Xiyoonitti gara laafina ni argisiista;+
Yeroon murteeffame sun gaʼeera.+
15 Saboonni maqaa Yihowaa,
Mootonni lafa irraa hundis ulfina kee ni sodaatu.+
19 Inni iddoo ol kaʼaa isaa isa qulqulluu irraa gad ni ilaala,+
Yihowaan samii irraa lafa ni ilaala,
20 Kanas kan godhu, hidhamtoonni yommuu aadan dhagaʼuuf,+
Warra duuti itti murteeffames bilisa baasuufi;+
21 Maqaan Yihowaa Xiyoon keessatti,
Jajamuun isaas Yerusaalem keessatti ni labsama;+
22 Kunis yeroo saboonnii fi mootummoonni
Yihowaa tajaajiluuf walitti qabamanitti taʼa.+
23 Inni jabina koo yeroo isaa malee na irraa fudhateera;
Umurii koo gabaabseera.
24 Anis akkanan jedhe: “Yaa Waaqa koo,
Yaa isa dhalootaa hamma dhalootaatti jiraattuu,
Walakkaa umurii kootti na hin balleessin.+
25 Ati hundee lafaa bara dheeraa dura keesseetta,
Samiiwwanis hojii harka keetii ti.+
26 Isaan ni badu, ati garuu ni jiraatta;
Hundi isaanii akkuma uffataatti ni moofaʼu.
Ati akkuma uffataatti isaan ni jijjiirta, isaanis ni darbu.
27 Ati garuu sanuma, waggoonni kees matumaa dhuma hin qaban.+
28 Ijoolleen tajaajiltoota keetii tasgabbiidhaan jiraatu,
Sanyiin isaaniis jabaatee si dura dhaabbata.”+