Faarfannaa

145 Mootii kan taate yaa Waaqa koo,+ ol sin qaba,

Baraa hamma bara baraatti maqaa kee nan jajadha.+

 2 Guyyaa guutuu sin jajadha;+

Baraa hamma bara baraatti maqaa kee nan jajadha.+

 3 Yihowaan guddaa fi hundumaa caalaa jajamuun kan isaaf malu dha;+

Guddinni isaa qoramuu kan hin dandeenye* dha.+

 4 Dhaloonni tokko dhaloota kaanitti hojiiwwan kee ni labsa;

Isaan waaʼee gochawwan kee warra jajjaboo taʼanii ni himu.+

 5 Waaʼee guddinaa fi simboo ulfina keetii ni dubbatu,+

Anis hojiiwwan kee warra dinqisiisoo taʼan irratti nan xiinxala.

 6 Isaan waaʼee gochawwan kee warra sodaachisoo taʼanii* ni dubbatu,

Anis guddina kee nan labsa.

 7 Isaan gaarummaa kee isa hedduu taʼe yommuu yaadatan gammachuudhaan dubbatu,+

Qajeelummaa keetiin kan kaʼes ni ililchu.+

 8 Yihowaan gara laafessaa* fi araara qabeessa,+

Aariidhaaf suuta kan jedhuu fi jaalalli isaa inni amanamaan baayʼee kan taʼe dha.+

 9 Yihowaan uumamawwan hundumaatiif gaarii dha,+

Gara laafinni isaas hojiiwwan isaa hundumaa irratti mulʼata.

10 Yaa Yihowaa, hojiiwwan kee hundi ulfina siif kennu,+

Warri siif amanamoo taʼanis si jajatu.+

11 Isaan ulfina mootummaa keetii ni labsu,+

Waaʼee jabina keetiis ni dubbatu,+

ל [Laamed]

12 Kanas kan godhan, gochawwan kee warra jajjaboo,+

Simboo mootummaa keetii+ isa ulfina qabeessa taʼes namootatti beeksisuufi.

13 Mootummaan kee mootummaa bara baraa ti,

Bulchiinsi kee dhaloota hundumaa keessatti jabaatee dhaabbata.+

14 Yihowaan warra kufuuf jedhan hundumaa ni deggera,+

Warra gombifaman hundumaas ol ni kaasa.+

15 Ijji hundi abdiidhaan gara kee ilaala;

Atis nyaata isaanii waqtii isaatti isaaniif kennita.+

16 Ati harka kee ni banta,

Fedhii uumamawwan jiraatoo hundumaas ni quubsita.+

17 Yihowaan karaawwan isaa hundumaatiin qajeelaa dha,+

Wanta raawwatu hundumaatiinis amanamaa dha.+

18 Yihowaan warra isa waammatan hundumaatti,

Warra dhugaadhaan* isa waammatan+ hundumaatti dhihoo dha.+

19 Inni fedhii warra isa sodaatanii ni quubsa;+

Iyya gargaarsa argachuuf dhageessisan ni dhagaʼa, isaan ni oolchas.+

20 Yihowaan warra isa jaallatan hundumaa ni eega,+

Hamoota hundumaa garuu ni balleessa.+

21 Afaan koo jajannaa Yihowaa ni labsa;+

Uumamni jiraataan* hundi baraa hamma bara baraatti maqaa isaa isa qulqulluu haa jajatu.+