Seenaa Baraa Isa Tokkoffaa
16 Kanaafuu, isaan Taabota Waaqa dhugaa fidanii dunkaana Daawit isaaf dhaabe keessa kaaʼan;+ achiis Waaqa dhugaa duratti aarsaawwan gubamanii fi aarsaawwan gamtaa dhiheessan.+ 2 Daawit aarsaawwan gubamanii+ fi aarsaawwan gamtaa+ sana dhiheessee yommuu xumuru, maqaa Yihowaatiin sabicha ni eebbise. 3 Kana malees, Israaʼelota hundumaatiif, tokkoon tokkoon dhiirotaa fi dubartootaatiif daabboo tokko tokko, bixxillee teemirii tokko tokkoo fi bixxillee zabiibii tokko tokko ni hire. 4 Achiis Taabota Yihowaa duratti akka tajaajilaniif, akkasumas Yihowaa Waaqa Israaʼeliif ulfina akka kennaniif,* akka isa galateeffatanii fi akka isa jajataniif Leewwota tokko tokko ni muude.+ 5 Asaaf+ dura buʼaa yeroo taʼu, isatti aansee immoo Zakkaariyaastu muudame; Yeyiʼel, Shemiraamot, Yehiʼel, Maataatiyaan, Eeliyaab, Benaayaan, Obeed Edoomii fi Yeyiʼel+ meeshaawwan muuziqaa ribuu qabanii fi baganaa taphatu turan;+ Asaaf immoo siimbaalii taphata ture;+ 6 Benaayaa fi Yaahaaziʼel warri luboota taʼan taabota kakuu Waaqa dhugaa duratti yeroo hunda malakata afuufu turan.
7 Daawit yeroo jalqabaatiif Yihowaadhaaf faarfannaa galataa tokko qindeessee Asaafii+ fi obboloonni isaa akkana jedhanii akka faarfatan kan godhe guyyaa sanatti ture:
8 “Yihowaadhaaf galata galchaa;+ maqaa isaa waammadhaa;
Gochawwan isaas saboota gidduutti beeksisaa!+
9 Isa faarfadhaa, faarfannaa galataa isaaf dhiheessaa;*+
Hojiiwwan isaa warra dinqisiisoo taʼan hundumaa irratti yaadaa.*+
10 Maqaa isaa isa qulqulluudhaan boonaa.+
Garaan warra Yihowaa barbaaddatanii haa gammadu.+
11 Yihowaa fi jabina isaa barbaaddadhaa.+
Yeroo hunda fuula isaa barbaaddadhaa.+
12 Hojiiwwan dinqisiisoo inni raawwate,+
Dinqiiwwan isaa fi murtiiwwan inni dabarse yaadadhaa;
13 Isin warri sanyii tajaajilaa isaa Israaʼel taatan;+
Isin ilmaan Yaaqoob, warri isaaf filatamtan+ kana yaadadhaa.
14 Inni Waaqa keenya Yihowaa dha.+
Murtiiwwan isaa guutummaa lafaa irratti ni mulʼatu.+
15 Kakuu isaa bara baraaf,
Waadaa inni gales* hamma dhaloota kumaatti yaadadhaa;+
16 Kakuu inni Abrahaamii wajjin gale,+
Kakaa inni Yisihaaqiif kakates+ yaadadhaa;
17 Isa inni Yaaqoobiif labsii godhee,+
Israaʼeliifis kakuu dhaabbataa godhee hundeesse yaadadhaa;
18 Inni, ‘Ani biyya Kanaʼaan
Dhaala siif ramadame godhee siif nan kenna’+ jedheera.
19 Kanas kan dubbate yeroo lakkoofsi keessan xinnoo turetti,
Eeyyee, yeroo baayʼee xinnoo turettii fi yeroo isin biyyattii keessatti namoota biyya ormaa turtanitti dha.+
20 Isaan saba tokko irraa gara saba kaaniitti,
Mootummaa tokko irraas gara uummata kaaniitti jooran.+
21 Inni namni kam iyyuu akka isaan cunqursu hin heyyamne;+
Kanaa mannaa, isaaniif jedhee mootota ni akeekkachiise;+
22 ‘Warra ani dibe hin tuqinaa;
Raajota koo irrattis wanta hamaa tokko illee hin raawwatinaa’ jedhe.+
23 Guutummaan lafaa, Yihowaa faarfadhu!
Guyyaa guyyaadhaan fayyisuu isaa labsaa!+
24 Ulfina isaa saboota gidduutti,
Hojiiwwan isaa warra dinqisiisoos namoota hundumaa gidduutti labsaa.
25 Yihowaan guddaa fi hunda caalaa jajamuun kan isaaf malu dha.
Inni waaqolii kaan hundumaa caalaa kan sodaatamu dha.+
28 Isin maatiiwwan sabootaa wanta isaaf malu Yihowaadhaaf kennaa;
Ulfinaa fi jabina isaatiif wanta isaaf malu Yihowaadhaaf kennaa.+
Uffata qulqullummaa uffadhaatii* Yihowaadhaaf sagadaa.*+
30 Guutummaan lafaa isa duratti romʼi!
Lafti* jabaattee hundeeffamteetti; iddoo ishiitii sochoʼuu* hin dandeessu.+
31 Samiin haa gammadu; laftis haa ililchitu;+
‘Yihowaan Mootii taʼeera!’ jedhaatii saboota gidduutti labsaa.+
32 Galaannii fi wantoonni achi keessa guutan hundi haa kakawweessaʼan;
Dirreewwanii fi wantoonni isaan irratti argaman hundis haa gammadan.
33 Inni lafatti murteessuuf dhufaa waan jiruuf,*
Mukeetiin bosonaas Yihowaa duratti haa ililchan.
34 Inni gaarii waan taʼeef, Yihowaadhaaf galata galchaa;+
Jaalalli isaa inni amanamaan bara baraaf jabaatee dhaabbata.+
35 Isinis akkana jedhaa: ‘Yaa Waaqa fayyinaa keenya, nu oolchi;+
Maqaa kee isa qulqulluudhaaf galata akka galchinuuf,+
Akkasumas si jajachuudhaan akka gammannuuf,+
Saboota keessaa walitti nu qabi; isaan jalaas nu oolchi.
36 Yihowaan Waaqni Israaʼel,
Baraa hamma bara baraatti haa jajamu.’”
Namoonni hundis, “Ameen!”* jedhan; Yihowaas ni jajatan.
37 Achiis Daawit akka barsiifata guyyaa guyyaadhaan turetti+ yeroo hunda Taaboticha duratti akka tajaajilaniif,+ Asaafii+ fi obboloota isaa achuma taabota kakuu Yihowaa duratti dhiise. 38 Obeed Edoomii fi obboloonni isaa warri lakkoofsi isaanii 68 taʼe, akkasumas Obeed Edoom ilmi Yedutuunii fi Hosaan karra eegdota turan; 39 Saadoq+ lubichii fi luboonni isaa wajjin tajaajilan kaan godoo qulqulluu Yihowaa isa iddoo ol kaʼaa Gibeʼonitti+ argamu fuuldura turan; 40 achi kan turanis, iddoo aarsaa aarsaan gubamu irratti dhihaatu irratti yeroo hunda ganamaa fi galgala Yihowaadhaaf aarsaawwan gubaman akka dhiheessanii fi akka Yihowaan Israaʼeliin ajajetti wanta Seericha keessatti barreeffame hunda akka godhaniif ture.+ 41 Hemaanii fi Yedutuun,+ akkasumas namoonni filatamoon warri maqaa dhaʼamanii filataman kaan Yihowaa galateeffachuuf isaanii wajjin turan;+ sababiin isaas, “jaalalli isaa inni amanamaan bara baraaf jabaatee dhaabbata”;+ 42 Hemaanii+ fi Yedutuun malakata, siimbaalii fi meeshaawwan muuziqaa Waaqa dhugaa jajachuuf* gargaaran kaan taphachuuf isaanii wajjin jiru turan; ilmaan Yedutuun+ immoo karricha bira turan. 43 Achiis namoonni sun hundi gara mana mana isaaniitti qajeelan; Daawitis maatii isaa eebbisuuf deeme.