Isaayyaas
52 Yaa Xiyoon, dammaqi! Dammaqi! Jabinas uffadhu!+
Yaa Yerusaalem ishii magaalaa qulqulluu taate nana, uffata kee isa bareedaa uffadhu!+
Sababiin isaas, kana booda dhaqna kan hin qabannee fi xuraaʼaa kan taʼe sitti hin seenu.+
2 Yaa Yerusaalem, awwaara kee hurgufadhu, kaʼiitii teessoo irra taaʼi.
Yaa intala Xiyoon ishii boojiʼamte nana, hidhaa morma kee irra jiru hiikkadhu.+
3 Sababiin isaas, Yihowaan,
“Isin akkanumaan gurguramtanii turtan,+
Maallaqa malees ni furamtu” jedha.+
4 Yihowaan Gooftaa Ol Aanaan akkana jedha:
“Jalqaba irratti sabni koo namoota biyya ormaa taʼanii achi jiraachuuf gara Gibxiitti gad ni buʼan;+
Sana booda Asoor sababii malee isaan cunqursite.”
5 “Maarree, ani asii maalan godha?” jedha Yihowaan.
Yihowaan akkana jedha: “Sabni koo akkanumaan fudhatamaniiru.
Warri isaan bulchanis miira injifannootiin ni iyyu,+
Yeroo hundumaa, guyyaa guutuu maqaan koo ni tuffatama.+
6 Kanaan kan kaʼes, sabni koo maqaa koo ni beeka;+
Kanaan kan kaʼes, guyyaa sanatti inni kana dubbachaa jiru ana taʼuu koo ni beeku.
Kunoo, inni ana dha!”
Inni nagaa labsu,+
Inni wanti gaariin akka dhufu misiraachoo himu,
Inni fayyina labsu,
Inni Xiyooniin, “Waaqni kee Mootii taʼeera!”+ jedhu miilli isaa gaarota irratti akkam bareeda!
8 Dhagaʼi! Waardiyyoonni kee ni iyyu.
Isaan yommuu Yihowaan Xiyooniin deebisee walitti qabu ifatti* waan arganiif,
Tokkummaadhaan ni ililchu.
9 Isin diiggaawwan Yerusaalem, gammadaa, tokkummaadhaanis ililchaa,+
Sababiin isaas, Yihowaan saba isaa jajjabeesseera;+ Yerusaalemiinis fureera.+
10 Yihowaan saboota hundumaa duratti irree isaa mulʼiseera;+
Guutummaan andaara lafaas gochawwan fayyinaa* Waaqni keenya raawwatu ni argu.+
11 Irraa goraa, irraa goraa, achii baʼaa,+ wanta xuraaʼaa tokko illees hin tuqinaa!+
12 Yihowaan isin dura waan deemuuf,+
Waaqni Israaʼel duuba keessaniin waan isin eeguufis,+
Naasuudhaan achii hin deemtan,
Baqachuunis isin hin barbaachisu.
13 Kunoo, tajaajilaan koo+ hubannaadhaan tarkaanfii fudhata.
Inni ol kaafama,
Ol qabama, ulfina guddaas ni argata.+
14 Bifti isaa nama kam iyyuu caalaa,
Dhaabbiin isaa inni nama hawwatus ilma namaa kam iyyuu caalaa mancaʼuu isaatiin kan kaʼe,
Namoonni dinqisiifannaadhaan isa ilaalan akkuma hedduu taʼan,
15 Innis saboota hedduu ni rifachiisa.+