Faarfannaa
Geggeessaa muuziqaatiif; meeshaawwan muuziqaa ribuu qabaniin kan faarfatamu. Maaskiil.* Faarfannaa Daawit.
55 Yaa Waaqayyo, kadhannaa koo dhagaʼi,+
Gaaffii ani gara laafina argachuuf dhiheessus hin tuffatin.*+
2 Xiyyeeffannaa naaf kenni, deebiis naaf kenni.+
Yaaddoon koo boqonnaa na dhowwateera,+
Baayʼees dhiphadheera.
3 Kun kan na irra gaʼe, wanta diinni dubbatuun,
Akkasumas dhiibbaa namni hamaan na irraan gaʼuun kan kaʼe dha.
Isaan rakkina na irratti tuulu,
Aariidhaanis ija diinummaatiin na ilaalu.+
5 Sodaa fi romʼuun natti dhufeera,
Hollachuunis na qabateera.
6 Yeroo hundumaa akkana nan jedha: “Maal taʼa utuun akka gugee* qoochoo qabaadhee!
Silaa barrisee dhaqee bakka tasgabbii qabu keessa nan jiraadhan ture.
8 Iddoo gaaddisa qabu dafee deemee,
Bubbee hamaa fi obomboleettii jalaa nan baqadhan ture.”
9 Yaa Yihowaa, isaan burjaajessi, karoora isaaniis fashaleessi,*+
Sababiin isaas, ani magaalaa keessatti hamminaa fi walitti buʼiinsa argeera.
10 Isaan halkanii fi guyyaa dallaa ishii irra asii fi achi deemu;
Hamminnii fi rakkinni ishii keessa jira.+
11 Badiisni ishii gidduu jira;
Cunqursaa fi gowwoomsaan addabaabayii ishii keessaa matumaa hin dhabamu.+
12 Kan natti qoosu diina miti;+
Utuu akkana taʼee silaa nan dandaʼan ture.
Kan na irratti kaʼe hamajaajii miti;
Utuu akkana taʼee silaa isa jalaa nan dhokadhan ture.
13 Kanaa mannaa, kan na irratti kaʼe siʼi, nama akka kootii,*+
Hiriyaa koo isan akka gaariitti beeku dha.+
14 Nuti michummaa cimaa qabna turre;
Namoota hedduu wajjin taanee gara mana Waaqayyoo ni deemna turre.
15 Hamminni isaan gidduu fi isaanii wajjin waan jiraatuuf,
Badiisni isaanitti haa dhufu!+
Utuma lubbuudhaan jiraniis gara Awwaalaatti* gad haa buʼan.
16 Ani garuu Waaqayyoon nan waammadha,
Yihowaan na oolcha.+
18 Namoonni hedduun waan natti dhufaniif,+
19 Waaqayyo inni bara duriitii jalqabee teessoo irra taaʼee jiru,+
Isaan dhagaʼa, deebiis isaaniif ni kenna.+ (Seelaa)
Warri Waaqayyoon hin sodaanne,+
Jijjiirama gochuu didu.
21 Dubbiin isaa dhadhaa caalaa lallaafa,+
Garaa isaa keessa garuu lolatu jira.
Dubbiin isaa zayitii caalaa laafaa dha,
Taʼus goraadee luqqifame dha.+
Namni qajeelaan akka kufu* matumaa hin heyyamu.+
23 Ati garuu yaa Waaqayyo, boolla gad fagoo keessa isaan buusta.+
Warri dhiigaan itti gaafatamanii fi namoonni gowwoomsaa raawwatan walakkaa bara isaanii hin jiraatan.+
Ani garuu sittan amanama.