BUKA EA PELE EA LIKRONIKE

5 Bara ba Jafeta e ne e le Gomere, Magogo, Madai, Javane, Tubale,+ Mesheke+ le Tirase.+

6 Bara ba Gomere e ne e le Ashkenaze, Rifathe le Togarma.+

7 Bara ba Javane e ne e le Elisha, Tarshishe, Kitime le Rodanime.

8 Bara ba Kama e ne e le Kushe,+ Mizraime, Pute le Kanana.+

9 Bara ba Kushe e ne e le Seba,+ Havila, Sabta, Rama+ le Sabteka.

Bara ba Rama e ne e le Sheba le Dedane.+

10 Kushe a ba le mora ea bitsoang Nimrode.+ Ke eena motho oa pele ea ileng a ba matla lefatšeng.

11 Mizraime a ba le bara ba bitsoang Ludime,+ Anamime, Lehabime, Naftuhime,+ 12 Patrusime,+ Kasluhime (eo Bafilista+ ba hlahang ho eena) le Kaftorime.+

13 Kanana a ba le mora oa letsibolo ea bitsoang Sidone,+ a lateloa ke Hethe,+ 14 Bajebuse,+ Baamore,+ Bagirgashe,+ 15 Baheve,+ Baarke, Basine, 16 Baarvade,+ Bazemare le Bahamathe.

18 Arpakshade a ba le mora ea bitsoang Shela+ ’me Shela a ba le mora ea bitsoang Ebere.

19 Ebere a ba le bara ba babeli. Lebitso la e mong e ne e le Pelege*+ hobane baahi ba lefatše ba ile ba aroloa* mehleng ea hae ’me lebitso la ngoan’abo e le Jokthane.

20 Jokthane a ba le bara ba bitsoang Almodade, Shelefe, Hazaremavethe, Jera,+ 21 Hadorame, Uzale, Dikla, 22 Obale, Abimaele, Sheba, 23 Ofire,+ Havila+ le Jobabe. Kaofela e ne e le bara ba Jokthane.

28 Bara ba Abrahama e ne e le Isaka+ le Ishmaele.+

29 Bana ke bara ba bona ho ea ka malapa a bona: Nebajothe+ letsibolo la Ishmaele, Kedare,+ Adbele, Mibsame,+ 30 Mishma, Duma, Masa, Hadade, Tema, 31 Jeture, Nafishe le Kedema. Bana e ne e le bara ba Ishmaele.

32 Bara ba Ketura,+ serethe* sa Abrahama, e ne e le Zimrane, Jokshane, Medane, Midiane,+ Ishbake le Shua.+

Bara ba Jokshane e ne e le Sheba le Dedane.+

33 Bara ba Midiane e ne e le Efa,+ Efere, Hanoke, Abida le Elda.

Kaofela e ne e le bara ba Ketura.

34 Abrahama ea e-ba ntate oa Isaka.+ Bara ba Isaka e ne e le Esau+ le Iseraele.+

35 Bara ba Esau e ne e le Elifaze, Reuele, Jeushe, Jalame le Kora.+

36 Bara ba Elifaze e ne e le Temane,+ Omare, Zefo, Gatame, Kenaze, Timna le Amaleke.+

37 Bara ba Reuele e ne e le Nahathe, Zera, Shama le Miza.+

38 Bara ba Seire+ e ne e le Lotane, Shobale, Zibeone, Ana, Dishone, Ezere le Dishane.+

39 Bara ba Lotane e ne e le Hori le Homame. Khaitseli ea Lotane e ne e le Timna.+

40 Bara ba Shobale e ne e le Alvane, Manahathe, Ebale, Shefo le Oname.

Bara ba Zibeone e ne e le Aja le Ana.+

41 Mora* oa Ana e ne e le Dishone.

Bara ba Dishone e ne e le Hemdane, Eshbane, Ithrane le Kerane.+

42 Bara ba Ezere+ e ne e le Bilhane, Zavane le Akane.

Bara ba Dishane e ne e le Utse le Arane.+

43 Ana ke marena a ileng a busa naha ea Edomo+ pele morena leha e le ofe a busa Baiseraele:*+ Bela mora oa Beore, eo motse oa hae e neng e le Dinhaba. 44 Ha Bela a shoa, Jobabe mora oa Zera ea tsoang Bozra+ a busa ka mor’a hae. 45 Ha Jobabe a shoa, Hushame ea tsoang naheng ea Batemane a busa ka mor’a hae. 46 Ha Hushame a shoa, Hadade mora oa Bedade, ea hlotseng Midiane naheng ea* Moabe, a busa ka mor’a hae. Lebitso la motse oa hae e ne e le Avithe. 47 Ha Hadade a shoa, Samla ea tsoang Masreka a busa ka mor’a hae. 48 Ha Samla a shoa, Shaule ea tsoang Rehobothe pel’a Noka a busa ka mor’a hae. 49 Ha Shaule a shoa, Baale-hanane mora oa Akbore a busa ka mor’a hae. 50 Ha Baale-hanane a shoa, Hadade a busa ka mor’a hae. Lebitso la motse oa hae e ne e le Pau ’me lebitso la mosali oa hae e ne e le Mehetabele morali oa Matrede morali oa Mezahabe. 51 Qetellong Hadade a shoa.

Baeta-pele ba Edomo e ne e le moeta-pele Timna, moeta-pele Aleva, moeta-pele Jethethe,+ 52 moeta-pele Oholibama, moeta-pele Ela, moeta-pele Pinone, 53 moeta-pele Kenaze, moeta-pele Temane, moeta-pele Mibzare, 54 moeta-pele Magdiele, moeta-pele Irame. Kaofela e ne e le baeta-pele ba Edomo.

2 Bana e ne e le bara ba Iseraele:+ Rubene,+ Simeone,+ Levi,+ Juda,+ Isakare,+ Zabulone,+ 2 Dane,+ Josefa,+ Benjamine,+ Nefthali,+ Gade+ le Ashere.+

3 Bara ba Juda e ne e le Ere, Onane le Shela. Bara bana ba bararo o ile a ba tsoalloa ke morali oa Shua oa Mokanana.+ Empa Ere mora e moholo oa Juda, o ne a etsa lintho tse sa khahliseng Jehova eaba oa mo bolaea.+ 4 Tamare+ ngoetsi ea Juda, o ile a mo tsoalla Pereze+ le Zera. Bara bohle ba Juda ba ne ba le bahlano.

5 Bara ba Pereze e ne e le Hezrone le Hamule.+

6 Bara ba Zera e ne e le Zimri, Ethane, Hemane, Kalkole le Dara. Kaofela ba ne ba le bahlano.

7 Mora* oa Karmi e ne e le Akare,* ea ileng a tlisetsa Iseraele khathatso,*+ ea sa kang a mamela taelo e mabapi le lintho tse lokelang ho felisoa.+

8 Mora* oa Ethane e ne e le Azaria.

9 Bara ba Hezrone e ne e le Jeramiele,+ Rame+ le Kelubai.*

10 Rame a tsoala Aminadabe.+ Aminadabe a tsoala Nashone+ khosana ea litloholo tsa Juda. 11 Nashone a tsoala Salma.+ Salma a tsoala Boase.+ 12 Boase a tsoala Obede. Obede a tsoala Jese.+ 13 Jese a tsoala Eliabe letsibolo la hae, Abinadabe+ e le oa bobeli, Shimea e le oa boraro,+ 14 Nethaniele e le oa bone, Radai e le oa bohlano, 15 Ozeme e le oa botšelela ’me Davida+ e le oa bosupa. 16 Likhaitseli tsa bona e ne e le Tseruja le Abigaile.+ Bara ba Tseruja ba ne ba le bararo, e le Abishai,+ Joabe+ le Asahele.+ 17 Abigaile a tsoala Amasa+ ’me ntate oa Amasa e ne e le Jethere oa Moishmaele.

18 Kalebe* mora oa Hezrone ea e-ba ntate oa Jeshere, Shobabe le Ardone ka mosali oa hae Azuba le ka Jeriothe. 19 Ha Azuba a shoa, Kalebe a nyala Efratha+ ea ileng a mo tsoalla Hure.+ 20 Hure ea e-ba ntate oa Uri. Uri ea e-ba ntate oa Bezalele.+

21 Ka mor’a moo, Hezrone a robala le morali oa Makire+ ntate oa Gileade.+ O ile a mo nyala ha a le lilemo li 60 ’me a mo tsoalla Segube. 22 Segube ke ntate oa Jaire+ ea neng a e-na le metse e 23 naheng ea Gileade.+ 23 Hamorao baahi ba Geshure+ le ba Siria+ ba hapa Havothe-jaire+ ho baahi ba eona hammoho le Kenathe+ le metse e haufi le eona,* kaofela e le metse e 60. Bana bohle e ne e le litloholo tsa Makire ntate oa Gileade.

24 Ka mor’a hore Hezrone+ a shoelle Kalebe-efratha, Abija mosali oa Hezrone o ile a mo tsoalla Ashure+ ntate oa Tekooa.+

25 Bara ba Jeramiele letsibolo la Hezrone e ne e le Rame oa letsibolo, Buna, Orene, Ozeme le Akija. 26 Jeramiele o ne a e-na le mosali e mong, lebitso la hae e le Atara. E ne e le ’mè oa Oname. 27 Bara ba Rame letsibolo la Jeramiele e ne e le Maze, Jamine le Ekere. 28 Bara ba Oname e ne e le Shamai le Jada. Bara ba Shamai e ne e le Nadabe le Abishure. 29 Lebitso la mosali oa Abishure e ne e le Abikaile, ea ileng a mo tsoalla Akbane le Molide. 30 Bara ba Nadabe e ne e le Selede le Apaime. Empa Selede o ile a shoa a se na bara. 31 Mora* oa Apaime e ne e le Ishi. Mora* oa Ishi e ne e le Sheshane ’me mora* oa Sheshane e ne e le Aklai. 32 Bara ba Jada ngoan’abo Shamai e ne e le Jethere le Jonathane. Empa Jethere o ile a shoa a se na bara. 33 Bara ba Jonathane e ne e le Pelethe le Zaza. E ne e le litloholo tsa Jeramiele.

34 Sheshane o ne a se na bara, a e-na le barali feela. O ne a e-na le mohlanka oa Moegepeta e leng Jarha. 35 Sheshane o ile a fa mohlanka oa hae Jarha e mong oa barali ba hae hore e be mosali oa hae ’me a mo tsoalla Atai. 36 Atai ea e-ba ntate oa Nathane. Nathane ea e-ba ntate oa Zabade. 37 Zabade ea e-ba ntate oa Eflale. Eflale ea e-ba ntate oa Obede. 38 Obede ea e-ba ntate oa Jehu. Jehu ea e-ba ntate oa Azaria. 39 Azaria ea e-ba ntate oa Heleze. Heleze ea e-ba ntate oa Eleasa. 40 Eleasa ea e-ba ntate oa Sismai. Sismai ea e-ba ntate oa Shalume. 41 Shalume ea e-ba ntate oa Jekamia. Jekamia ea e-ba ntate oa Elishama.

42 Bara ba Kalebe*+ ngoan’abo Jeramiele e ne e le Mesha letsibolo la hae, eo e neng e le ntate oa Zife le bara ba Maresha ntate oa Hebrone. 43 Bara ba Hebrone e ne e le Kora, Tapua, Rekeme le Shema. 44 Shema ea e-ba ntate oa Rahame ntate oa Jorkeame. Rekeme ea e-ba ntate oa Shamai. 45 Mora oa Shamai e ne e le Maone. Maone e ne e le ntate oa Bethe-zure.+ 46 Efa serethe* sa Kalebe a tsoala Harane, Moza le Gazeze. Harane ea e-ba ntate oa Gazeze. 47 Bara ba Jahdai e ne e le Regeme, Jothame, Geshane, Pelete, Efa le Shafe. 48 Maaka serethe sa Kalebe a tsoala Shebere le Tirhana. 49 Ka mor’a nako a tsoala Shafe ntate oa Madmana+ le Sheva ntate oa Makbena le ntate oa Gibea.+ Morali oa Kalebe+ e ne e le Aksa.+ 50 Tsena e ne e le litloholo tsa Kalebe.

Bara ba Hure+ letsibolo la Efratha+ e ne e le Shobale ntate oa Kiriathe-jearime,+ 51 Salma ntate oa Bethlehema+ le Harefe ntate oa Bethe-gadere. 52 Shobale ntate oa Kiriathe-jearime o ne a e-na le bara: Haroe le halofo ea batho ba Menuhothe. 53 Malapa a Kiriathe-jearime e ne e le Baithere,+ Baputhe, Bashumathe le Bamishra. Bazorathe+ le Baeshtaole+ ba tsoile ho bona. 54 Bara ba Salma e ne e le Bethlehema,+ Banetofa, Aterothe-bethe-joabe, halofo ea Bamanahathe le Bazora. 55 Malapa a bangoli a lulang Jabeze e ne e le Batira, Bashimeathe le Basukathe. Bana e ne e le Bakene+ ba tsoileng ho Hamathe ntate oa ntlo ea Rekabe.+

3 Bana ke bara bao Davida a bileng le bona ha a ntse a le Hebrone:+ Letsibolo e ne e le Amnone,+ ’mè oa hae e le Akinoame+ oa Mojezriele, oa bobeli e le Daniele, ’mè oa hae e le Abigaile+ oa Mokarmele, 2 oa boraro e le Absalome+ mora oa Maaka e leng morali oa Talmai morena oa Geshure, oa bone e le Adonija+ mora oa Hagithe, 3 oa bohlano e le Shefatia, ’mè oa hae e le Abitale ’me oa botšelela e le Ithereame, ’mè oa hae e le Egla mosali oa Davida. 4 Bara bana ba tšeletseng o ile a ba le bona Hebrone. O ile a busa moo ka lilemo tse supileng le likhoeli tse tšeletseng ’me a busa Jerusalema ka lilemo tse 33.+

5 Bana ke bao a ileng a ba le bona Jerusalema:+ Shimea, Shobabe, Nathane+ le Solomone.+ ’Mè oa bana ba bane e ne e le Bathe-sheba+ morali oa Amiele. 6 Bara ba bang ba robong e ne e le Ibare, Elishama, Elifelete, 7 Noga, Nefege, Jafia, 8 Elishama, Eliada le Elifelete. 9 Bana bohle e ne e le bara ba Davida, ntle ho bara ba lirethe* ’me Tamare+ e ne e le khaitseli ea bona.

10 Mora oa Solomone e ne e le Roboame;+ mora oa hae e ne e le Abija,+ mora oa hae e le Asa,+ mora oa hae e le Josafate,+ 11 mora oa hae e le Jorame,+ mora oa hae e le Akazia,+ mora oa hae e le Joase,+ 12 mora oa hae e le Amazia,+ mora oa hae e le Azaria,+ mora oa hae e le Jothame,+ 13 mora oa hae e le Akaze,+ mora oa hae e le Ezekiase,+ mora oa hae e le Manase,+ 14 mora oa hae e le Amone,+ mora oa hae e le Josiase.+ 15 Bara ba Josiase e ne e le Johanane letsibolo, oa bobeli e le Jojakime,+ oa boraro e le Tsedekia,+ oa bone e le Shalume. 16 Mora oa Jojakime e ne e le Jekonia,+ eo mora oa hae e neng e le Tsedekia. 17 Bara ba Jekonia motšoaruoa e ne e le Shalatiele, 18 Malkirame, Pedaia, Shenazare, Jekamia, Hoshama le Nedabia. 19 Bara ba Pedaia e ne e le Zorobabele+ le Shimei. Bara ba Zorobabele e ne e le Meshulame le Hanania (khaitseli ea bona e ne e le Shelomithe). 20 Bara ba bang ba bahlano e ne e le Hashuba, Ohele, Berekia, Hasalia le Jushabe-hesede. 21 Bara ba Hanania e ne e le Pelatia le Jeshaia, mora* oa Jeshaia e le Refaia, mora* oa Refaia e le Arnane, mora* oa Arnane e le Obadia, mora* oa Obadia e le Shekania. 22 Shekania o ne a e-na le mora le litloholo. Mora oa hae e ne e le Shemaia ’me bara ba Shemaia e ne e le Hatushe, Igale, Baria, Nearia le Shafate, bara ba Shekania kaofela e le ba tšeletseng. 23 Bara ba Nearia e ne e le Elioenai, Hizekia le Azrikame, ba le bararo. 24 Bara ba Elioenai e ne e le Hodavia, Eliashibe, Pelaia, Akube, Johanane, Delaia le Anani, e le ba supileng.

4 Bara ba Juda e ne e le Pereze,+ Hezrone,+ Karmi, Hure+ le Shobale.+ 2 Reaia mora oa Shobale ea e-ba ntate oa Jahathe, Jahathe ea e-ba ntate oa Akumai le Lahade. Ana e ne e le malapa a Bazorathe.+ 3 Bana e ne e le bara ba ntate oa Etame:+ Jezriele, Ishma le Idbashe (lebitso la khaitseli ea bona e ne e le Hazelelponi). 4 Penuele e ne e le ntate oa Gedore ’me Ezere e le ntate oa Husha. Bana e ne e le bara ba Hure+ letsibolo la Efratha ntate oa Bethlehema.+ 5 Ashure+ ntate oa Tekooa+ o ne a e-na le basali ba babeli e leng Hela le Nara. 6 Nara o ile a mo tsoalla Akuzame, Hefere, Temeni le Hahashtari. Bana e ne e le bara ba Nara. 7 Bara ba Hela e ne e le Zerethe, Izehare le Ethnane. 8 Koze ea e-ba ntate oa Anube, Zobeba le oa malapa a Akarehele mora oa Harume.

9 Jabeze* o ne a hlompheha ho feta bana babo. ’Mè oa hae o ile a mo reha Jabeze a re: “Ke mo belehile ka bohloko.” 10 Jabeze a rapela Molimo oa Iseraele a re: “E se eka u ka ntlhohonolofatsa ’me oa eketsa naha ea ka. E se eka u ka lula u e-na le ’na ’me oa ntšireletsa linthong tse mpe e le hore ke se ke ka tsoa kotsi.” Molimo a arabela thapelo ea hae.

11 Kelube ngoan’abo Shuha ea e-ba ntate oa Mehire, eo e neng e le ntate oa Eshtone. 12 Eshtone ea e-ba ntate oa Bethe-rafa, Pasea le Tehina, ntate oa Ire-nahashe. Bana e ne e le banna ba Reka. 13 Bara ba Kenaze e ne e le Othniele+ le Seraia ’me mora* oa Othniele e le Hathathe. 14 Meonothai ea e-ba ntate oa Ofra. Seraia ea e-ba ntate oa Joabe ntate oa Ge-harashime.* Ba ne ba bitsoa joalo hobane e ne e le litsebi tsa mesebetsi ea matsoho.

15 Bara ba Kalebe+ mora oa Jefune e ne e le Iru, Ela le Naame. Mora* oa Ela e ne e le Kenaze. 16 Bara ba Jehaleliele e ne e le Zife, Zifa, Tiria le Asarele. 17 Bara ba Esdrase e ne e le Jethere, Merede, Efere le Jalone. O ile a* tsoala Miriame, Shamai le Ishba ntate oa Eshtemooa. 18 (Mosali oa hae oa Mojuda o ile a tsoala Jerede ntate oa Gedore, Hebere ntate oa Soko le Jekuthiele ntate oa Zanooa.) Bana e ne e le bara ba Bithia morali oa Faro, ea ileng a nyaloa ke Merede.

19 Bara ba mosali oa Hodia, khaitseli ea Nahame, e ne e le ntate oa Keila oa Mogareme le ntate oa Eshtemooa oa Momakathe. 20 Bara ba Shimone e ne e le Amnone, Rina, Bene-hanane le Tilone. Bara ba Ishi e ne e le Zohethe le Bene-zohethe.

21 Bara ba Shela+ mora oa Juda e ne e le Ere ntate oa Leka, Lada ntate oa Maresha le malapa a ba sebetsang ka lesela la boleng bo botle ba ntlo ea Ashbea 22 le Jokime, banna ba Kozeba, Joashe le Sarafe, bao e ileng ea e-ba banna ba basali ba Bamoabe le Jashubi-leheme. Litlaleho tsena ke tsa khale.* 23 E ne e le libopi ’me ba lula Netaime le Gedera. Ba ne ba lula moo ’me ba sebeletsa morena.

24 Bara ba Simeone+ e ne e le Nemuele, Jamine, Jaribe, Zera le Shaule.+ 25 Mora oa hae e ne e le Shalume, mora oa hae e le Mibsame ’me mora oa hae e le Mishma. 26 Mora oa* Mishma e ne e le Hamuele, mora oa Hamuele e le Zakure ’me mora oa Zakure e le Shimei. 27 Shimei o ne a e-na le bara ba 16 le barali ba tšeletseng. Empa bana babo ba ne ba se na bara ba bangata ’me ha ho le le leng la malapa a bona le neng le e-na le bara ba bangata joaloka banna ba Juda.+ 28 Ba ne ba lula Beersheba,+ Molada,+ Hazare-shuale,+ 29 Bilha, Ezeme,+ Tolade, 30 Bethuele,+ Horma,+ Ziklage+ 31 Bethe-markabothe, Hazare-susime,+ Bethe-biri le Sharaime. Ena e ne e le metse ea bona ho fihlela Davida a busa.

32 Libaka tseo ba neng ba lula ho tsona e ne e le Etame, Aine, Rimone, Tokene le Ashane,+ e le metse e mehlano 33 hammoho le libaka tsa bona tse neng li pota-potile metse ena ho ea fihla Baale. Ana ke mabitso a bona a ngolisitsoeng ho ea ka maloko a bona le libaka tseo ba neng ba lula ho tsona. 34 Litloholo tse ling tsa Simeone e ne e le Meshobabe, Jamleke, Josha mora oa Amazia, 35 Joele, Jehu mora oa Joshibia mora oa Seraia mora oa Asiele 36 le Elioenai, Jakoba, Jeshohaia, Asaia, Aliele, Jesimiele, Benaia 37 le Ziza mora oa Shifi mora oa Alone mora oa Jedaia mora oa Shimri mora oa Shemaia. 38 Bana ba boletsoeng ka mabitso e ne e le likhosana malapeng a habo bona ’me malapa a baholo-holo ba bona a ile a eketseha. 39 Ba ile ba ea haufi le Gedore, ka lehlakoreng le ka bochabela la khohlo, ho ea batla moo liphoofolo tsa bona li ka fulang teng. 40 Qetellong ba fumana sebaka se setle se nang le joang bo bongata. Se ne se le seholo, se khutsitse ebile se se na litšitiso. Batho ba neng ba lula moo pele e ne e le Bakama.+ 41 Bana bao mabitso a bona a ngotsoeng fatše ba ile ba tla mehleng ea Morena Ezekiase+ oa Juda ’me ba hlasela litente tsa Bakama le Bameunime ba neng ba lula moo. Ba ile ba ba felisa ho fihlela letsatsing lena ’me ba lula sebakeng sa bona hobane se ne se e-na le joang bakeng sa liphoofolo tsa bona.

42 Ba bang ba Basimeone e leng banna ba 500, ba ile ba ea Thabeng ea Seire+ ba eteletsoe pele ke bara ba Ishi e leng Pelatia, Nearia, Refaia le Uziele. 43 Ba ile ba bolaea Baamaleke+ ba bang ba neng ba phonyohile ’me ba lula moo ho fihlela letsatsing lena.

5 Bana ke bara ba Rubene+ letsibolo la Iseraele. Kaha Rubene o ile a robala le serethe* sa ntate oa hae,*+ tokelo ea hae ea ho ba letsibolo e ile ea fuoa bara ba Josefa mora oa Iseraele. Kahoo, o ne a sa ngolisoa e le letsibolo lelokong la habo.+ 2 Leha Juda+ a ne a phahametse bana babo ’me eo e neng e tl’o ba moeta-pele+ a ne a tl’o hlaha ho eena, tokelo ea letsibolo e ne e le ea Josefa. 3 Bara ba Rubene letsibolo la Iseraele e ne e le Hanoke, Palu, Hezrone le Karmi.+ 4 Mora oa Joele e ne e le Shemaia, mora oa Shemaia e le Gogo, mora oa Gogo e le Shimei, 5 mora oa Shimei e le Mikea, mora oa Mikea e le Reaia, mora oa Reaia e le Baale 6 ’me mora oa Baale e le Bera, eo Morena Tilgathe-pilnesere+ oa Asiria a ileng a mo isa botlamuoeng. E ne e le khosana ea Barubene. 7 Bana babo ka malapa a bona ba ngolisitsoeng ka maloko le ka masika a bona e ne e le Jeiele e leng hlooho, Zakaria 8 le Bela mora oa Azaze mora oa Shema mora oa Joele, ea neng a lula Aroere+ le ho ea fihla Nebo le Baale-meone.+ 9 Ka bochabela o ne a lula ho ea fihla qalong ea lefeella nokeng ea Eufrate+ hobane liphoofolo tsa bona li ne li se li le ngata naheng ea Gileade.+ 10 Mehleng ea Saule, ba ile ba loantša Bahagare ’me ba ba hlola eaba ba lula litenteng tsa bona naheng eohle e ka bochabela ho Gileade.

11 Litloholo tsa Gade li ne li lula haufi le bona naheng ea Bashane ho ea fihla Salka.+ 12 Naheng ea Bashane, Joele e ne e le hlooho, Shafame e le oa bobeli ’me ho ne ho boetse ho e-na le Janai le Shafate. 13 Bana ba bo bona e ne e le Mikaele, Meshulame, Sheba, Jorai, Jakane, Zia le Ebere, kaofela e le ba supileng. 14 Bana e ne e le bara ba Abikaile mora oa Huri, mora oa Jarooa, mora oa Gileade, mora oa Mikaele, mora oa Jeshishai, mora oa Jahdo, mora oa Buze. 15 Aki mora oa Abdiele mora oa Guni e ne e le hlooho ea lelapa la bo-ntate ba bona. 16 Ba ne ba lula Gileade,+ Bashane+ le metseng e haufi le eona* le makhulong ’ohle a Sharone ho ea fihla moo a fellang teng. 17 Kaofela ha bona ba ne ba ngolisitsoe ho ea ka maloko mehleng ea Morena Jothame+ oa Juda le mehleng ea Morena Jeroboame*+ oa Iseraele.

18 Barubene, Bagade le halofo ea leloko la Manase ba ne ba e-na le banna ba matla ba 44 760 lebothong la bona la sesole, ba neng ba tšoara lithebe le lisabole hammoho le liqha ’me ba koetliselitsoe ntoa. 19 Ba loantša Bahagare,+ Jeture, Nafishe+ le Nodabe. 20 Ha ba ne ba loana le bona, Molimo o ile a ba thusa ’me ba hlola Bahagare le bohle ba neng ba e-na le bona. Kaha ba ile ba kopa Molimo hore a ba thuse ntoeng, o ile a araba kopo ea bona hobane ba ne ba mo tšepa.+ 21 Ba ile ba ba nkela liphoofolo tsa bona e leng likamele tse 50 000, linku tse 250 000 le litonki tse 2 000. Ba nka le batho ba 100 000. 22 Molimo o ne a ba loanela.+ Kahoo, ho ile ha bolaoa batho ba bangata eaba ba lula naheng ea bona ho fihlela nakong ea botlamuoa.+

23 Litloholo tsa halofo ea leloko la Manase+ li ne li lula naheng ea Bashane ho ea Baale-hermone, Senire le Thabeng ea Hermone.+ Li ne li le ngata. 24 Tsena e ne e le lihlooho tsa malapa a bo-ntate ba tsona: Efere, Ishi, Eliele, Azriele, Jeremia, Hodavia le Jahdiele. E ne e le banna ba matla ba tummeng ’me e le lihlooho tsa malapa a bo-ntate ba tsona. 25 Empa ha baa ka ba tšepahalla Molimo oa baholo-holo ba bona. Ba ile ba rapela melimo* ea lichaba tsa naha eo+ tseo Molimo a neng a li felisitse. 26 Molimo oa Iseraele a susumetsa Morena Pule oa Asiria+ (e leng Morena Tilgathe-pilnesere+ oa Asiria) hore a nke Barubene, Bagade le halofo ea leloko la Manase a ba ise botlamuoeng Hala, Habore, Har’a le nokeng ea Gozane,+ moo ba ntseng ba le teng ho fihlela kajeno.

6 Bara ba Levi+ e ne e le Gershone, Kohathe+ le Merari.+ 2 Bara ba Kohathe e ne e le Amrame, Izehare,+ Hebrone le Uziele.+ 3 Bana* ba Amrame+ e ne e le Arone,+ Moshe+ le Miriame.+ Bara ba Arone e ne e le Nadabe, Abihu,+ Eleazare+ le Ithamare.+ 4 Eleazare ea e-ba ntate oa Finease,+ Finease ea e-ba ntate oa Abishua. 5 Abishua ea e-ba ntate oa Buki, Buki ea e-ba ntate oa Uzi. 6 Uzi ea e-ba ntate oa Zerahia, Zerahia ea e-ba ntate oa Merajothe. 7 Merajothe ea e-ba ntate oa Amaria, Amaria ea e-ba ntate oa Akitube.+ 8 Akitube ea e-ba ntate oa Tsadoke,+ Tsadoke ea e-ba ntate oa Akimaze.+ 9 Akimaze ea e-ba ntate oa Azaria, Azaria ea e-ba ntate oa Johanane. 10 Johanane ea e-ba ntate oa Azaria. O ile a sebeletsa e le moprista ntlong eo Solomone a ileng a e haha Jerusalema.

11 Azaria ea e-ba ntate oa Amaria, Amaria ea e-ba ntate oa Akitube. 12 Akitube ea e-ba ntate oa Tsadoke,+ Tsadoke ea e-ba ntate oa Shalume. 13 Shalume ea e-ba ntate oa Hilkia,+ Hilkia ea e-ba ntate oa Azaria. 14 Azaria ea e-ba ntate oa Seraia,+ Seraia ea e-ba ntate oa Jozadake.+ 15 Jozadake o ile a ea botlamuoeng ha Jehova a ne a isa Juda le Jerusalema botlamuoeng a sebelisa Nebukadnezare.

16 Bara ba Levi e ne e le Gershome,* Kohathe le Merari. 17 Ana ke mabitso a bara ba Gershome: Libni le Shimei.+ 18 Bara ba Kohathe e ne e le Amrame, Izehare, Hebrone le Uziele.+ 19 Bara ba Merari e ne e le Maheli le Mushi.

Ana e ne e le malapa a Balevi ho ea ka baholo-holo ba bona:+ 20 Mora oa Gershome+ e ne e le Libni, mora oa hae e le Jahathe, mora oa hae e le Zima, 21 mora oa hae e le Jooa, mora oa hae e le Ido, mora oa hae e le Zera, mora oa hae e le Jeatherai. 22 Bara* ba Kohathe e ne e le Aminadabe, mora oa hae e le Kora,+ mora oa hae e le Asire, 23 mora oa hae e le Elkana, mora oa hae e le Ebiasafe,+ mora oa hae e le Asire, 24 mora oa hae e le Tahathe, mora oa hae e le Uriele, mora oa hae e le Uzia ’me mora oa hae e le Shaule. 25 Bara ba Elkana e ne e le Amasai le Akimothe. 26 Bara ba Elkana e mong e ne e le Zofai, mora oa hae e le Nahathe, 27 mora oa hae e le Eliabe, mora oa hae e le Jerohame, mora oa hae e le Elkana.+ 28 Bara ba Samuele+ e ne e le Joele letsibolo ’me oa bobeli e le Abija.+ 29 Bara* ba Merari e ne e le Maheli,+ mora oa hae e le Libni, mora oa hae e le Shimei, mora oa hae e le Uza, 30 mora oa hae e le Shimea, mora oa hae e le Hagia ’me mora oa hae e le Asaia.

31 Bana ke bao Davida a ileng a ba khetha hore ba tsamaise ’mino ntlong ea Jehova ka mor’a hore Areka e behoe moo.+ 32 Ke bona ba neng ba bina tabernakeleng e leng tenteng ea pokano ho fihlela Solomone a haha ntlo ea Jehova Jerusalema+ ’me ba ne ba etsa mosebetsi oa bona ho ea kamoo ba neng ba laetsoe kateng.+ 33 Bana ke banna ba neng ba sebeletsa le bara ba bona: Ho Bakohathe e ne e le Hemane+ sebini, mora oa Joele,+ mora oa Samuele, 34 mora oa Elkana,+ mora oa Jerohame, mora oa Eliele, mora oa Tooa, 35 mora oa Zufe, mora oa Elkana, mora oa Mahathe, mora oa Amasai, 36 mora oa Elkana, mora oa Joele, mora oa Azaria, mora oa Sofonia, 37 mora oa Tahathe, mora oa Asire, mora oa Ebiasafe, mora oa Kora, 38 mora oa Izehare, mora oa Kohathe, mora oa Levi, mora oa Iseraele.

39 Ngoan’abo* e leng Asafe+ o ne a ema ka letsohong la hae le letona. Asafe e ne e le mora oa Berekia mora oa Shimea 40 mora oa Mikaele mora oa Baseia mora oa Malkija 41 mora oa Ethni mora oa Zera mora oa Adaia 42 mora oa Ethane mora oa Zima mora oa Shimei 43 mora oa Jahathe mora oa Gershome mora oa Levi.

44 Bana ba bo bona e leng litloholo tsa Merari+ ba ne ba le ka letsohong le letšehali. E ne e le Ethane+ mora oa Kishi, mora oa Abdi, mora oa Maluke, 45 mora oa Hashabia, mora oa Amazia, mora oa Hilkia, 46 mora oa Amzi, mora oa Bani, mora oa Shemere, 47 mora oa Maheli, mora oa Mushi, mora oa Merari, mora oa Levi.

48 Bana ba bo bona e leng Balevi ba ne ba khethetsoe* hore ba etse mesebetsi eohle ea tabernakele e leng ntlo ea Molimo oa ’nete.+ 49 Arone le bara+ ba hae ba ne ba chesa mahlabelo hore a kubelle holim’a aletare ea nyehelo ea secheso+ le holim’a aletare ea libano,+ ba etsa mesebetsi e amanang le lintho tse halalelang ka ho fetisisa hore ba etsetse Iseraele sehlabelo sa tšoarelo ea libe,+ ho ea ka sohle seo Moshe mohlanka oa Molimo oa ’nete a neng a se laetse. 50 Tsena e ne e le litloholo tsa Arone:+ Mora oa hae e le Eleazare,+ mora oa hae e le Finease, mora oa hae e le Abishua, 51 mora oa hae e le Buki, mora oa hae e le Uzi, mora oa hae e le Zerahia, 52 mora oa hae e le Merajothe, mora oa hae e le Amaria, mora oa hae e le Akitube,+ 53 mora oa hae e le Tsadoke+ ’me mora oa hae e le Akimaze.

54 Mona ke moo Balevi ba neng ba lula teng le libaka tseo ba neng ba hlomme litente* tsa bona ho tsona: Lotho ea pele e ile ea oela ho litloholo tsa Arone tsa lelapa la Bakohathe, 55 ba ba fa Hebrone+ naheng ea Juda hammoho le makhulo a e pota-potileng. 56 Empa ba fa Kalebe+ mora oa Jefune masimo a motse le metsana ea ’ona. 57 Ba fa litloholo tsa Arone metse* ea setšabelo+ e leng Hebrone,+ Libna+ hammoho le makhulo a eona, Jatire+ le Eshtemooa hammoho le makhulo a eona,+ 58 Hilene hammoho le makhulo a eona, Debire+ hammoho le makhulo a eona, 59 Ashane+ hammoho le makhulo a eona le Bethe-shemeshe+ hammoho le makhulo a eona. 60 Leloko la Benjamine ba le fa Geba+ hammoho le makhulo a eona, Alemethe hammoho le makhulo a eona le Anathothe+ hammoho le makhulo a eona. Metse eohle ea malapa a bona e ne e le 13.+

61 Bakohathe ba bang bohle ba abeloa* metse e leshome ka lotho, ho tsoa lelapeng la leloko, ho tsoa halofong ea leloko e leng halofo ea leloko la Manase.+

62 Ba fa Bagershome ho ea ka malapa a bona metse e 13 ho tsoa lelokong la Isakare, lelokong la Ashere, lelokong la Nefthali le lelokong la Manase naheng ea Bashane.+

63 Ba fa Bamerari ho ea ka malapa a bona metse e 12 ka lotho ho tsoa lelokong la Rubene, lelokong la Gade le lelokong la Zabulone.+

64 Baiseraele ba fa Balevi metse ena hammoho le makhulo a eona.+ 65 Ho feta moo, ba fana ka metse ena ka lotho ho tsoa ho leloko la Juda, leloko la Simeone le leloko la Benjamine e leng metse e boletsoeng ka mabitso.

66 Malapa a mang a Bakohathe a ne a e-na le metse ho tsoa lelokong la Efraime e le sebaka sa ’ona.+ 67 Ba ile ba a fa metse* ea setšabelo e leng Shikeme+ hammoho le makhulo a eona lithabeng tsa Efraime, Gezere+ hammoho le makhulo a eona, 68 Jokmeame hammoho le makhulo a eona, Bethe-horone+ hammoho le makhulo a eona, 69 Ajalone+ hammoho le makhulo a eona le Gathe-rimone+ hammoho le makhulo a eona. 70 Malapa a mang ’ohle a Bakohathe a fuoa Anere hammoho le makhulo a eona le Bileame hammoho le makhulo a eona ho tsoa halofong ea leloko la Manase.

71 Bagershome ba fuoa Golane+ e Bashane hammoho le makhulo a eona le Ashtarothe hammoho le makhulo a eona ho tsoa halofong ea leloko la Manase.+ 72 Ho tsoa lelokong la Isakare, ba fuoa Kedeshe hammoho le makhulo a eona, Dabrathe+ hammoho le makhulo a eona,+ 73 Ramothe hammoho le makhulo a eona le Aneme hammoho le makhulo a eona. 74 Ho tsoa lelokong la Ashere, ba fuoa Mashale hammoho le makhulo a eona, Abdone hammoho le makhulo a eona,+ 75 Hukoke hammoho le makhulo a eona le Rehobe+ hammoho le makhulo a eona. 76 Ho tsoa lelokong la Nefthali, ba fuoa Kedeshe+ e Galilea+ hammoho le makhulo a eona, Hamone hammoho le makhulo a eona le Kiriathaime hammoho le makhulo a eona.

77 Bamerari ba neng ba setse ba fuoa Rimono hammoho le makhulo a eona le Tabore hammoho le makhulo a eona ho tsoa lelokong la Zabulone.+ 78 Sebakeng sa Jordane se Jeriko ka bochabela ho Jordane ho tsoa lelokong la Rubene, ba ile ba fuoa Bezere lefeelleng hammoho le makhulo a eona, Jahaze+ hammoho le makhulo a eona, 79 Kedemothe+ hammoho le makhulo a eona le Mefathe hammoho le makhulo a eona. 80 Ho tsoa lelokong la Gade ba fuoa Ramothe e Gileade hammoho le makhulo a eona, Mahanaime+ hammoho le makhulo a eona, 81 Heshbone+ hammoho le makhulo a eona le Jazere+ hammoho le makhulo a eona.

7 Bara ba Isakare ba ne ba le bane, e le Thola, Pua, Jashube le Shimrone.+ 2 Bara ba Thola e ne e le Uzi, Refaia, Jeriele, Jamai, Ibsame le Shemuele, lihlooho tsa malapa a bo-ntate ba bona. Ho Thola ho ile ha hlaha banna ba matla ba 22 600 mehleng ea Davida. 3 Litloholo* tsa Uzi e ne e le Izrahia ’me bara ba Izrahia e le Mikaele, Obadia, Joele le Ishia, kaofela ha bona e le balaoli.* 4 Bona hammoho le litloholo tsa bona ba ne ba e-na le basali le bara ba bangata. Kahoo, ho tsoa malapeng a bo-ntate ba bona ho ne ho e-na le masole a 36 000 lebothong la bona la sesole. 5 Bana ba bo bona ba malapa ’ohle a Isakare e ne e le banna ba matla ba 87 000 ba ngolisitsoeng ka maloko a bona.+

6 Bara ba Benjamine+ ba ne ba le bararo, e le Bela,+ Bekere+ le Jeliaele.+ 7 Bara ba Bela ba ne ba le bahlano, e le Ezbone, Uzi, Uziele, Jerimothe le Iri, lihlooho tsa malapa a bo-ntate ba bona, banna ba matla ’me ba 22 034 ba ne ba ngolisitsoe ho ea ka maloko a bona.+ 8 Bara ba Bekere e ne e le Zemira, Joashe, Eliezere, Elioenai, Omri, Jeremothe, Abija, Anathothe le Alemethe. Kaofela e ne e le bara ba Bekere. 9 Ba ngolisitsoeng ho ea ka tatellano ea malapa a bo-ntate ba bona le ho ea ka maloko a bona e ne e le banna ba matla ba 20 200. 10 Bara ba Jediaele+ e ne e le Bilhane ’me bara ba Bilhane e le Jeushe, Benjamine, Ehude, Kenana, Zethane, Tarshishe le Akishahare. 11 Kaofela e ne e le bara ba Jediaele, ho ea ka lihlooho tsa baholo-holo ba bona, e le banna ba matla ba 17 200 ba loketseng ho ea ntoeng.

12 Bashupime le Bahupime* e ne e le bara ba Ire.+ Bahushime e ne e le bara ba Akere.

13 Bara ba Nefthali+ e ne e le Jaziele, Guni, Jezere le Shalume e leng litloholo* tsa Bilha.+

14 Bara ba Manase+ e ne e le Asriele, ea ileng a tsoaloa ke serethe* sa hae sa Mosiria. (Se ile sa tsoala Makire+ ntate oa Gileade. 15 Makire a fumanela Hupime le Shupime basali. Lebitso la khaitseli ea hae e ne e le Maaka.) Lebitso la oa bobeli e ne e le Zelofehade+ empa Zelofehade o ile a ba le barali.+ 16 Maaka mosali oa Makire a ba le mora ’me a mo bitsa Pereshe. Lebitso la ngoan’abo e ne e le Shereshe ’me bara ba hae e le Ulame le Rekeme. 17 Mora* oa Ulame e ne e le Bedane. Kaofela e ne e le bara ba Gileade mora oa Makire mora oa Manase. 18 Khaitseli ea hae e ne e le Hamolekethe. O ile a tsoala Ishhode, Abi-ezere le Mahela. 19 Bara ba Shemida e ne e le Akiane, Shikeme, Likhi le Aniame.

20 Bara ba Efraime+ e ne e le Shuthela,+ mora oa hae e le Berede, mora oa hae e le Tahathe, mora oa hae e le Eleada, mora oa hae e le Tahathe, 21 mora oa hae e le Zabade, mora oa hae e le Shuthela, Ezere le Eleade. Banna ba Gathe+ ba neng ba tsoaletsoe naheng eo ba theoha ho ea utsoa liphoofolo tsa bara ba Efraime ’me ba bolaea Ezere le Eleade. 22 Ntate oa bona Efraime a qeta matsatsi a mangata a utloile bohloko ’me bana babo ba ’na ba tla ho tla mo tšelisa. 23 Ka mor’a moo, a robala le mosali oa hae eaba oa ima ’me o tsoala mora. Empa a mo bitsa Beria* hobane o bile le eena nakong eo ho neng ho e-na le tlokotsi lelapeng la hae. 24 Morali oa hae e ne e le Sheera, ea ileng a haha Bethe-horone e ka Tlase+ le e ka Holimo+ le Uzene-sheera. 25 Ho ne ho e-na le mora oa hae Refa, Reshefe, mora oa hae e le Tela, mora oa hae e le Tahane, 26 mora oa hae e le Ladane, mora oa hae e le Amihude, mora oa hae e le Elishama, 27 mora oa hae e le Nune ’me mora oa hae e le Joshua.*+

28 Libaka tseo litloholo tsa Efraime li neng li lula ho tsona e ne e le Bethele+ le metse e haufi* le eona. Ka bochabela e ne e le Narane ’me ka bophirimela e le Gezere le metse e haufi le eona le Shikeme le metse e haufi le eona, ho ea fihla Aea* le metseng e haufi le eona. 29 Pel’a litloholo tsa Manase e le Bethe-sheane+ le metse e haufi le eona, Tanake+ le metse e haufi le eona, Megido+ le metse e haufi le eona le Dore+ le metse e haufi le eona. Litloholo tsa Josefa mora oa Iseraele li ne li lula libakeng tsena.

30 Bara ba Ashere e ne e le Imna, Ishva, Ishvi le Beria+ ’me khaitseli ea bona e le Sera.+ 31 Bara ba Beria e ne e le Hebere le Malkiele, eo e neng e le ntate oa Birzaithe. 32 Hebere ea e-ba ntate oa Jaflete, Shomere, Hothame le khaitseli ea bona Shua. 33 Bara ba Jaflete e ne e le Pasake, Bimhale le Ashvathe. Bana e ne e le bara ba Jaflete. 34 Bara ba Shemere* e ne e le Aki, Roga, Jehuba le Arame. 35 Bara ba Heleme* ngoan’abo e ne e le Zofa, Imna, Sheleshe le Amale. 36 Bara ba Zofa e ne e le Sua, Harnefere, Shuale, Beri, Imra, 37 Bezere, Hode, Shamma, Shilsha, Ithrane le Bera. 38 Bara ba Jethere e ne e le Jefune, Pispa le Ara. 39 Bara ba Ula e ne e le Ara, Haniele le Rizia. 40 Kaofela e ne e le bara ba Ashere, lihlooho tsa malapa a bo-ntate ba bona, banna ba khethiloeng, ba matla, lihlooho tsa likhosana. Palo ea ba ngolisitsoeng ho ea ka maloko a bona+ e ne e le lebotho la sesole la banna ba 26 000.+

8 Benjamine+ ea e-ba ntate oa Bela+ letsibolo la hae, oa bobeli e le Ashbele,+ oa boraro e le Ahara, 2 oa bone e le Noha ’me oa bohlano e le Rafa. 3 Bara ba Bela e ne e le Adare, Gera,+ Abihude, 4 Abishua, Naamane, Akooa, 5 Gera, Shefufane le Hurame. 6 Bana e ne e le bara ba Ehude, lihlooho tsa malapa a baahi ba Geba,+ ba ileng ba isoa botlamuoeng Manahathe: 7 Naamane, Akija le Gera. Gera ke eena ea ileng a ba isa botlamuoeng ’me ea e-ba ntate oa Uza le Akihude. 8 Shaharaime a ba le bana naheng ea* Moabe ka mor’a hore a re batho ba tsamaee. Basali ba hae e ne e le Hushime le Bara.* 9 Ka mosali oa hae Hodeshe a tsoala Jobabe, Zibia, Mesha, Malkame, 10 Jeuze, Sakia le Mirma. Bana e ne e le bara ba hae, lihlooho tsa malapa a bo-ntate ba bona.

11 Ka Hushime a tsoala Abitube le Elpale. 12 Bara ba Elpale e ne e le Ebere, Mishame, Shemede (ea ileng a haha Ono+ le Lode+ le metse e haufi le eona*), 13 Beria le Shema. Bana e ne e le lihlooho tsa malapa a bo-ntate ba baahi ba Ajalone.+ Ba ile ba leleka baahi ba Gathe. 14 Ho ne ho e-na le Akio, Shashake, Jeremothe, 15 Zebadia, Arade, Edere, 16 Mikaele, Ishpa, Joha, bara ba Beria 17 le Zebadia, Meshulame, Hizki, Hebere, 18 Ishmerai, Izlia, Jobabe, bara ba Elpale 19 le Jakime, Zikri, Zabdi, 20 Elienai, Zilethai, Eliele, 21 Adaia, Beraia, Shimrathe, bara ba Shimei 22 le Ishpane, Ebere, Eliele, 23 Abdone, Zikri, Hanane, 24 Hanania, Elame, Anthothija, 25 Ifdeia, Penuele, bara ba Shashake 26 le Shamsherai, Sheharia, Athalia, 27 Jareshia, Elia, Zikri, bara ba Jerohame. 28 Bana e ne e le lihlooho tsa malapa a bo-ntate ba bona ho ea ka maloko a bona. Ba ne ba lula Jerusalema.

29 Ntate oa Gibeone e leng Jeiele o ne a lula Gibeone.+ Lebitso la mosali oa hae e ne e le Maaka.+ 30 Mora oa hae oa letsibolo e ne e le Abdone, a lateloa ke Zure, Kishe, Baale, Nadabe, 31 Gedore, Akio le Zekere. 32 Miklothe ea e-ba ntate oa Shimea. Kaofela ba ne ba lula haufi le bana ba bo bona Jerusalema hammoho le bana ba bo bona ba bang.

33 Nere+ ea e-ba ntate oa Kishe, Kishe ea e-ba ntate oa Saule,+ Saule ea e-ba ntate oa Jonathane,+ Malki-shua,+ Abinadabe+ le Eshbaale.*+ 34 Mora oa Jonathane e ne e le Meribe-baale.+ Meribe-baale ea e-ba ntate oa Mikea.+ 35 Bara ba Mikea e ne e le Pithone, Meleke, Tarea le Akaze. 36 Akaze ea e-ba ntate oa Jehoada, Jehoada ea e-ba ntate oa Alemethe, Azmavethe le Zimri. Zimri ea e-ba ntate oa Moza. 37 Moza ea e-ba ntate oa Binea, mora oa hae e le Rafa, mora oa hae e le Eleasa, mora oa hae e le Azele. 38 Azele o ne a e-na le bara ba tšeletseng. Mabitso a bona e ne e le Azrikame, Bokru, Ishmaele, Shearia, Obadia le Hanane. Bana kaofela e ne e le bara ba Azele. 39 Bara ba Esheke ngoan’abo e ne e le Ulame letsibolo la hae, oa bobeli e le Jeushe ’me oa boraro e le Elifelete. 40 Bara ba Ulame e ne e le banna ba matla ba tsebang ho sebelisa seqha ’me ba ne ba e-na le bara le litloholo tse ngata, ba le 150. Kaofela e ne e le litloholo tsa Benjamine.

9 Baiseraele bohle ba ne ba ngolisitsoe ho ea ka maloko a bona ’me ba ngotsoe Bukeng ea Marena a Iseraele. Bajuda ba ile ba isoa botlamuoeng Babilona ka lebaka la ho se tšepahale.+ 2 Baahi ba pele ba ileng ba khutlela naheng ea bona le metseng ea bona e ne e le ba bang ba Baiseraele, baprista, Balevi le basebeletsi ba tempeleng.*+ 3 Litloholo tse ling tsa Juda,+ tsa Benjamine,+ tsa Efraime le tsa Manase li ile tsa lula Jerusalema: 4 Tsona ke Uthai mora oa Amihude mora oa Omri mora oa Imri mora oa Bani, oa litloholo tsa Pereze+ mora oa Juda. 5 Ho Bashilo, e le Asaia letsibolo le bara ba hae. 6 Ho bara ba Zera,+ e le Jeuele le bana ba bo bona ba 690.

7 Litloholo tsa Benjamine, e le Salu mora oa Meshulame mora oa Hodavia mora oa Hasenua, 8 Ibneia mora oa Jerohame, Ela mora oa Uzi mora oa Mikri le Meshulame mora oa Shefatia mora oa Reuele mora oa Ibnija. 9 Bana ba bo bona ho ea ka masika a bona ba ne ba le 956. Banna bana bohle e ne e le lihlooho tsa malapa a bo-ntate ba bona.

10 Ho baprista e ne e le Jedaia, Jehojaribe, Jakine,+ 11 Azaria mora oa Hilkia mora oa Meshulame mora oa Tsadoke mora oa Merajothe mora oa Akitube, moeta-pele oa ntlo* ea Molimo oa ’nete, 12 Adaia mora oa Jerohame mora oa Pashkure mora oa Malkija, Masai mora oa Adiele mora oa Jazera mora oa Meshulame mora oa Meshilemithe mora oa Imere 13 le bana ba bo bona, lihlooho tsa malapa a bo-ntate ba bona e le banna ba 1 760 ba matla le ba tšepahalang, ba ka sebeletsang ntlong ea Molimo oa ’nete.

14 Ho Balevi, e ne e le Shemaia+ mora oa Hashube mora oa Azrikame mora oa Hashabia ea tsoang ho litloholo tsa Merari 15 le Bakbakare, Hereshe, Galale, Matania mora oa Mika mora oa Zikri mora oa Asafe, 16 Obadia mora oa Shemaia mora oa Galale mora oa Jeduthune le Berekia mora oa Asa mora oa Elkana ea neng a lula metsaneng ea Banetofa.+

17 Balebeli ba likeiti+ e ne e le Shalume, Akube, Talmone le Akimane. Ngoan’abo bona Shalume e ne e le hlooho 18 ’me ho fihlela nakong eo, o ne a le keiting ea morena ka bochabela.+ Bana e ne e le balebeli ba likeiti tsa litente tsa Balevi. 19 Shalume mora oa Kore mora oa Ebiasafe mora oa Kora le bana babo ba lelapa la ntate oa hae e leng Bakora, ba ne ba okametse mesebetsi ea tšebeletso e le balebeli ba menyako ea tente ’me bo-ntate ba bona ba ne ba okametse tabernakele ea Jehova e le balebeli ba keiti. 20 Ke Finease+ mora oa Eleazare+ eo e neng e le moeta-pele oa bona nakong e fetileng. Jehova o ne a e-na le eena. 21 Zakaria+ mora oa Meshelemia e ne e le molebeli oa keiti ea monyako oa tente ea pokano.

22 Bohle ba neng ba khethiloe hore e be balebeli ba likeiti ba ne ba le 212. Ba ne ba le metsaneng ea bona ho ea kamoo ba neng ba ngolisitsoe kateng ka maloko a bona.+ Davida le Samuele e leng seboni,+ ba ile ba beha banna bana boemong boo hobane ba ne ba tšepahala. 23 Bona le bara ba bona ba ne ba okametse mosebetsi oa ho lebela likeiti tsa ntlo ea Jehova+ e leng ntlo ea tente. 24 Balebeli ba likeiti ba ne ba le ka mahlakoreng a mane, ka bochabela, ka bophirimela, ka leboea le ka boroa.+ 25 Nako le nako bana ba bo bona ba ne ba tla ka matsatsi a supileng ba tsoa metsaneng ea bona hore ba tl’o sebetsa hammoho le bona. 26 Ho ne ho e-na le balebeli ba likeiti ba bane ba ka sehloohong* ba neng ba tšepahala mosebetsing oa bona. E ne e le Balevi ’me ba ikarabella ka likamore* le ka matlotlo a ntlo ea Molimo oa ’nete.+ 27 Ba ne ba qeta bosiu bohle ba pota-potile ntlo ea Molimo oa ’nete hobane ba ne ba ikarabella ka mosebetsi oa ho lebela le ka ho bula* ntlo hoseng ho hong le ho hong.

28 Ba bang ba ne ba ikarabella ka lisebelisoa+ tsa tšebeletso ea Molimo. Ba ne ba li bala ha ba li nka le ha ba li khutlisa. 29 Ba bang ba bona ba ne ba behiloe hore ba hlokomele lisebelisoa tse ling le lisebelisoa tsohle tse halalelang+ hammoho le phofo e sitsoeng hantle,+ veine,+ oli,+ libano tse tšoeu+ le oli ea balsame.+ 30 Ba bang ba bara ba baprista ba ne ba etsa motsoako oa mafura a oli ea balsame. 31 Matithia oa Balevi, eo e neng e le letsibolo la Shalume oa Mokora, o ne a behiloe hore a okamele lintho tse bakuoang ka lipane+ hobane o ne a tšepahala. 32 Ba bang ba bana ba bo bona ba Bakohathe ba ne ba ikarabella ka bohobe,*+ hore ba bo lokise ka sabatha e ’ngoe le e ’ngoe.+

33 Bana e ne e le libini, lihlooho tsa malapa a bo-ntate ba Balevi ka likamoreng* tsa tempele, ba neng ba lokolotsoe mesebetsing e meng hobane ba ne ba etsa mosebetsi oa bona bosiu le motšehare. 34 Bana e ne e le lihlooho tsa malapa a bo-ntate ba Balevi ho ea ka tatellano ea masika a bona, banna ba ka sehloohong. Bana ba ne ba lula Jerusalema.

35 Ntate oa Gibeone e leng Jeiele o ne a lula Gibeone.+ Lebitso la mosali oa hae e ne e le Maaka. 36 Mora oa hae oa letsibolo e ne e le Abdone, a lateloa ke Zure, Kishe, Baale, Nere, Nadabe, 37 Gedore, Akio, Zakaria le Miklothe. 38 Miklothe ea e-ba ntate oa Shimeame. Kaofela ha bona ba ne ba lula haufi le bana ba bo bona Jerusalema hammoho le bana ba bo bona ba bang. 39 Nere+ ea e-ba ntate oa Kishe, Kishe ea e-ba ntate oa Saule,+ Saule ea e-ba ntate oa Jonathane,+ Malki-shua,+ Abinadabe+ le Eshbaale. 40 Mora oa Jonathane e ne e le Meri-baale.+ Meri-baale ea e-ba ntate oa Mikea.+ 41 Bara ba Mikea e ne e le Pithone, Meleke, Tahrea le Akaze. 42 Akaze ea e-ba ntate oa Jara, Jara ea e-ba ntate oa Alemethe, Azmavethe le Zimri. Zimri ea e-ba ntate oa Moza. 43 Moza ea e-ba ntate oa Binea, mora oa hae e le Refaia, mora oa hae e le Eleasa, mora oa hae e le Azele. 44 Azele o ne a e-na le bara ba tšeletseng. Mabitso a bona e ne e le Azrikame, Bokru, Ishmaele, Shearia, Obadia le Hanane. Bana kaofela e ne e le bara ba Azele.

10 Bafilista ba ne ba loantša Baiseraele. Eaba banna ba Iseraele ba baleha Bafilista ’me ba bangata ba bona ba shoella Thabeng ea Gilboa.+ 2 Bafilista ba ’na ba lelekisa Saule le bara ba hae ’me Bafilista ba bolaea Jonathane, Abinadabe le Malki-shua+ e leng bara ba Saule. 3 Ntoa ea ’na ea e-ba boima bakeng sa Saule. Banna ba betsang metsu ba mo fumana ’me ba mo lematsa.+ 4 Eaba Saule o re ho mojari oa lihlomo tsa hae: “Ntša sabole ea hao ’me u ntlhabe ka eona e le hore banna bana ba sa bollang ba se ke ba tla ’me ba nketsa hampe.”*+ Empa mojari oa lihlomo tsa hae o ne a sa batle hobane o ne a tšohile haholo. Kahoo, Saule a nka sabole ’me a itihela holim’a eona.+ 5 Ha mojari oa lihlomo tsa hae a bona hore Saule o shoele, le eena a itihela holim’a sabole ea hae ’me a shoa le Saule. 6 Kahoo, Saule le bara ba hae ba bararo le bohle ba lelapa la hae ba shoa kaofela.+ 7 Ha batho bohle ba Iseraele ba neng ba le khohlong* ba bona hore batho kaofela ba balehile le hore Saule le bara ba hae ba shoele, ba tloha metseng ea bona ba baleha. Bafilista ba tla ’me ba lula metseng eo.

8 Letsatsing le hlahlamang, ha Bafilista ba tla ba tl’o nkela batho ba bolailoeng lintho tsa bona, ba fumana Saule le bara ba hae ba shoele Thabeng ea Gilboa.+ 9 Ba mo hlobolisa ’me ba mo khaola hlooho eaba ba nka lihlomo tsa hae ’me ba romela batho naheng eohle ea Bafilista hore ba ise molaetsa matlong a melimo ea bona+ le ho batho bohle. 10 Eaba ba beha lihlomo tsa hae ka tlung* ea molimo oa bona ’me ba tlamella lehata la hae ntlong ea Dagone.+

11 Ha baahi bohle ba Jabeshe+ e Gileade ba utloa ka sohle seo Bafilista ba se entseng ho Saule,+ 12 banna bohle ba sebete ba tsamaea ba e’o nka setopo sa Saule le tsa bara ba hae. Ba li tlisa Jabeshe ’me ba pata masapo a bona tlas’a sefate se seholo se Jabeshe+ eaba ba itima lijo ka matsatsi a supileng.

13 Kahoo, Saule a shoa ka lebaka la ho se tšepahalle Jehova hobane ha aa ka a mamela lentsoe la Jehova+ ebile o ile a kopa thuso ho motho ea reng o buisana le balimo+ 14 ho e-na le ho e kopa ho Jehova. Molimo o ile a mo bolaea ’me a beha Davida mora oa Jese hore e be morena.+

11 Ka mor’a nako Baiseraele bohle ba tla ho Davida Hebrone+ ’me ba re: “Re bana beno.*+ 2 Nakong e fetileng ha Saule e le morena, ke uena ea neng a etella Baiseraele pele ha ba il’o loana.*+ Jehova Molimo oa hao o ile a re ho uena: ‘U tla lisa sechaba sa ka sa Iseraele ’me u tla ba moeta-pele oa sechaba sa ka sa Iseraele.’”+ 3 Baholo bohle ba Iseraele ba tla Hebrone ho morena ’me Davida a etsa selekane le bona Hebrone ka pel’a Jehova. Eaba ba tlotsa Davida hore e be morena oa Iseraele+ ho ea kamoo Jehova a neng a laetse Samuele.+

4 Hamorao Davida le Baiseraele bohle ba ea Jerusalema e leng Jebuse,+ moo Bajebuse+ ba neng ba lula teng. 5 Baahi ba Jebuse ba nyefola Davida ba re: “U ke ke oa kena mona!”+ Leha ho le joalo, Davida a hapa motse o sireletsehileng oa Sione,+ oo hona joale o bitsoang Motse oa Davida.+ 6 Davida a re: “Mang kapa mang ea tla hlasela Bajebuse pele e tla ba molaoli* le khosana.” Joabe+ mora oa Tseruja a ea pele ’me ea e-ba eena molaoli. 7 Davida a lula motseng o sireletsehileng. Ke ka lebaka leo ba ileng ba o bitsa Motse oa Davida. 8 A haha ho tloha Qubung* ho ea fihla libakeng tse e potolohileng ’me Joabe a tsosolosa libaka tse ling tsohle tsa motse. 9 Davida a ’na a ba matla le ho feta+ ’me Jehova oa mabotho o ne a e-na le eena.

10 Bana ke lihlooho tsa banna ba matla ba Davida ba ileng ba mo tšehetsa haholo ha a busa, hammoho le Baiseraele bohle ’me ba mo etsa morena ho ea ka seo Jehova a se boletseng mabapi le Iseraele.+ 11 Lena ke lethathamo la banna ba matla ba Davida: Jashobeame+ mora oa Mohakmone, hlooho ea ba bararo.+ O ile a bolaea batho ba 300 ka lerumo la hae ka nako e le ’ngoe.+ 12 O ne a lateloa ke Eleazare+ mora oa Dodo oa Moakoki.+ E ne e le e mong oa banna ba bararo ba matla. 13 O ne a e-na le Davida Pase-damime+ moo Bafilista ba neng ba bokane teng ho tla loana. Ho ne ho e-na le tšimo e nang le harese e ngata ’me batho ba ne ba balehile ka lebaka la Bafilista. 14 Empa a ema har’a tšimo eo, a e loanela ’me a ’na a bolaea Bafilista. Jehova a etsa hore batho ba hae ba hlole.*+

15 Banna ba bararo ho ba 30 ba ka sehloohong ba ea lefikeng ho Davida lehaheng la Adulame.+ Ka nako eo, lebotho la Bafilista le ne le hlomme litente Khohlong* ea Barefaime.+ 16 Ka nako eo, Davida o ne a le sebakeng se sireletsehileng ’me masole a Bafilista a ne a hlomme litente tsa ’ona Bethlehema. 17 Davida a bua hore na o lakatsa eng a re: “Ke lakatsa ho noa metsi a tsoang selibeng se keiting ea Bethlehema.”+ 18 Eaba banna ba bararo ba matla ba kena ka nkane litenteng tsa Bafilista ’me ba kha metsi selibeng se keiting ea Bethlehema ’me baa tlisa ho Davida. Empa Davida a hana ho a noa, a a qhalla fatše ka pel’a Jehova. 19 Davida a re: “Le ka mohla nke ke ka etsa ntho ena hobane ke hlompha Molimo. Na nka noa mali a banna baa ba ileng ba beha bophelo ba bona kotsing?+ Ba behile bophelo ba bona kotsing hore ba ntlisetse ’ona.” Kahoo, a hana ho a noa. Tsena ke lintho tseo banna ba hae ba bararo ba matla ba li entseng.

20 Abishai+ abuti oa Joabe+ ea e-ba ea ka sehloohong ho ba bang ba bararo. O ile a bolaea batho ba 300 ka lerumo la hae. O ne a e-na le botumo bo tšoanang le ba banna bane ba bararo.+ 21 Ho ba bang ba bararo, o ne a hlaheletse ho feta ba babeli ba bona ’me e le molaoli oa bona. Empa o ne a sa fihle boemong ba bane ba bararo ba pele.

22 Benaia+ mora oa Jehojada e ne e le monna ea sebete* ea ileng a etsa liketso tse ngata Kabziele.+ O ile a bolaea bara ba babeli ba Ariele oa Moabe hape a theohela ka sekoting sa metsi letsatsing leo lehloa le neng le khethehile ka lona eaba o bolaea tau.+ 23 A boela a bolaea monna oa Moegepeta ea boholo bo sa tloaelehang, a le bolelele ba limithara tse ka bang peli.*+ Le hoja Moegepeta eo a ne a tšoere lerumo le joaloka thupa ea foreimi e etsang masela,+ o ile a ea ho eena a tšoere molamu, a nka lerumo letsohong la Moegepeta eo eaba o mo bolaea ka lona.+ 24 Tsena ke lintho tseo Benaia mora oa Jehojada a li entseng. Botumo ba hae bo ne bo tšoana le ba banna ba bararo ba matla. 25 Le hoja a ne a hlaheletse ho feta banna bane ba 30, o ne a sa fihle boemong ba banna ba bararo ba matla.+ Leha ho le joalo, Davida o ile a mo khetha hore e be e mong oa balebeli ba hae.

26 Banna ba matla ba mabotho a sesole, e ne e le Asahele+ ngoan’abo Joabe, Elkanane mora oa Dodo oa Bethlehema,+ 27 Shamothe oa Moharore, Heleze oa Mopelone, 28 Ira+ mora oa Ikeshe oa Motekooa, Abi-ezere+ oa Moanathothe, 29 Sibekai+ oa Mohushathe, Ilai oa Moakoki, 30 Maharai+ oa Monetofa, Helede+ mora oa Baana oa Monetofa, 31 Ithai mora oa Ribai oa Gibea oa Babenjamine,+ Benaia oa Mopirathone, 32 Hurai oa liphuleng* tsa Gashe,+ Abiele oa Moaraba, 33 Azmavethe oa Mobaharume, Eliaba oa Moshalbone, 34 bara ba Hasheme oa Mogizone, Jonathane mora oa Shage oa Moharare, 35 Akiame mora oa Sakare oa Moharare, Elifale mora oa Ure, 36 Hefere oa Momekera, Akija oa Mopelone, 37 Hezro oa Mokarmele, Narai mora oa Ezbai, 38 Joele ngoan’abo Nathane, Mibhare mora oa Hagri, 39 Zeleke oa Moamone, Naharai oa Moberothe mojari oa lihlomo oa Joabe mora oa Tseruja, 40 Ira oa Moithere, Garebe oa Moithere, 41 Uria oa Mohethe,+ Zabade mora oa Aklai, 42 Adina mora oa Shiza oa Morubene hlooho ea Barubene le ba 30 ba neng ba e-na le eena, 43 Hanane mora oa Maaka, Joshafate oa Momithini, 44 Uzia oa Moashtarothe, Shama le Jeiele, bara ba Hothame oa Moaroere, 45 Jediaele mora oa Shimri le Joha ngoan’abo oa Motizi, 46 Eliele oa Momahava, Jeribai le Joshavia bara ba Elname le Ithma oa Momoabe, 47 Eliele, Obede le Jasiele oa Momezoba.

12 Bana e ne e le banna ba ileng ba tla ho Davida Ziklage+ nakong eo a neng a sa khone ho tsamaea ka bolokolohi ka lebaka la Saule+ mora oa Kishe. E ne e le ba bang ba banna ba matla ba neng ba mo tšehetsa ntoeng.+ 2 Ba ne ba tšoara seqha ’me ba khona ho sebelisa matsoho a bona a matona le a matšehali+ ho betsa majoe ka letjeketjane+ kapa ho betsa metsu ka seqha. E ne e le ba bana ba bo Saule, e le Babenjamine.+ 3 Hlooho ea bona e ne e le Akiezere hammoho le Joashe e leng bara ba babeli ba Shema oa Mogibea,+ le Jeziele le Pelete bara ba Azmavethe,+ Beraka, Jehu oa Moanathothe, 4 Ishmaia oa Mogibeone,+ monna ea matla har’a ba 30+ le ea ba phahametseng hammoho le Jeremia, Jahaziele, Johanane, Jozabade oa Mogedera, 5 Eluzai, Jerimothe, Bealia, Shemaria, Shefatia oa Moharife, 6 Elkana, Ishia, Azarele, Joezere le Jashobeame e leng Bakora+ 7 le Joela le Zebadia bara ba Jerohame oa Gedore.

8 Bagade ba bang ba ile ba ea ka lehlakoreng la Davida sebakeng se sireletsehileng lefeelleng.+ E ne e le banna ba matla, masole a koetliselitsoeng ntoa, ba lulang ba tšoere thebe e kholo le lerumo, bao lifahleho tsa bona li neng li tšoana le tsa litau ’me ba le lebelo joaloka litšephe lithabeng. 9 Ezere e ne e le hlooho, oa bobeli e le Obadia, oa boraro e le Eliabe, 10 oa bone e le Mishmana, oa bohlano e le Jeremia, 11 oa botšelela e le Atai, oa bosupa e le Eliele, 12 oa borobeli e le Johanane, oa borobong e le Elzabade, 13 oa leshome e le Jeremia, oa leshome le motso o mong e le Makbanai. 14 Bana e ne e le Bagade,+ lihlooho tsa lebotho la sesole. Ea fokolang ho bona o ne a ka loantša masole a 100 ’me ea matla o ne a ka loantša masole a 1 000.+ 15 Bana ke banna ba ileng ba tšela noka ea Jordane ha e ne e tletse haholo ka khoeli ea pele ’me ba leleka batho bohle ba lulang libakeng tse se nang lithaba hore ba ee ka bochabela le ka bophirimela.

16 Banna ba bang ba Benjamine le ba Juda le bona ba tla ho Davida sebakeng sa hae se sireletsehileng.+ 17 Davida a ea ho bona ’me a re: “Haeba le tlile ho ’na ka khotso hore le tl’o nthusa, joale re tla ba metsoalle. Empa haeba le tlile ho tla nehelana ka ’na ho lira tsa ka le hoja ho se na phoso eo ke e entseng, e se eka Molimo oa baholo-holo ba rona a ka bona seo ’me a ahlole.”+ 18 Moea oa Molimo oa theohela* ho Amasai+ e leng hlooho ea ba mashome a mararo eaba Amasai o re:

“Re ba hao Davida ’me re na le uena, mora oa Jese.+

Kahoo, Davida a ba amohela ’me a ba khetha hore e be ba bang ba lihlooho tsa masole.

19 Ba bang ba leloko la Manase le bona ba ile ba tloha sesoleng sa Saule ba ea ho Davida ha a ne a tla le Bafilista hore a tl’o loantša Saule. Empa ha aa ka a thusa Bafilista+ hobane ka mor’a hore marena a Bafilista a buisane a ile a mo leleka a re: “O tla re tlohela a ee ho morena oa hae Saule ’me re tla bolaoa.”+ 20 Bana ke ba ileng ba ea ho eena ho tsoa lelokong la Manase ha a ne a ea Ziklage:+ Adna, Jozabade, Jediaele, Mikaele, Jozabade, Elihu le Zilethai e leng lihlooho tsa ba likete ba Manase.+ 21 Ba ile ba thusa Davida ho loantša batho ba mo hlaselang hobane kaofela ha bona e ne e le banna ba matla, ba sebete+ ’me e ile ea e-ba balaoli ba lebotho la sesole. 22 Letsatsi le letsatsi batho ba ’na ba tla ho Davida+ hore ba tl’o mo thusa ho fihlela e e-ba lebotho la sesole le leholo joaloka lebotho la Molimo.+

23 Ena ke palo ea bao e leng lihlooho ba hlometseng bakeng sa ntoa ba ileng ba tla ho Davida Hebrone+ ho tla mo fa borena ba Saule ho ea ka taelo ea Jehova.+ 24 Banna ba Juda ba tšoarang thebe e kholo le lerumo ba ne ba le 6 800 ’me ba hlometse bakeng sa ntoa. 25 Ho Basimeone e ne e le banna ba sesole ba 7 100, ba le matla ebile ba le sebete.

26 Ho Balevi e ne e le ba 4 600. 27 Jehojada+ e ne e le moeta-pele oa bara ba Arone+ ’me ba neng ba e-na le eena e ne e le ba 3 700 28 le Tsadoke+ mohlankana ea matla le ea sebete hammoho le balaoli ba 22 ba lelapa la ntate oa hae.

29 Ho Babenjamine bana ba bo Saule,+ ho ne ho e-na le ba 3 000. Nakong e fetileng ba bangata ba bona ba ne ba lebela ntlo ea Saule. 30 Ho Baefraime ho ne ho e-na le banna ba 20 800 ba matla, ba sebete le ba tummeng har’a malapa a bo-ntate ba bona.

31 Halofong ea leloko la Manase ho ne ho e-na le ba 18 000 ba khethiloeng ka mabitso hore ba tl’o etsa Davida morena. 32 Lelokong la Isakare, ba neng ba utloisisa linako ’me ba tseba seo Baiseraele ba lokelang ho se etsa, ba ne ba e-na le banna ba ka sehloohong ba 200. Bana ba bo bona bohle ba ne ba laeloa ke bona. 33 Lelokong la Zabulone ho ne ho e-na le masole a 50 000 a loketseng ho ea ntoeng, a e-na le libetsa tsohle tsa ntoa ’me kaofela ha bona ba tšepahalla Davida ka lipelo tsohle. 34 Lelokong la Nefthali ho ne ho e-na le balaoli ba 1 000 ’me ba e-na le ba 37 000 ba nang le lithebe tse kholo le marumo. 35 Ho Badane ho ne ho e-na le ba 28 600 ba ka eang ntoeng. 36 Lelokong la Ashere ho ne ho e-na le masole a 40 000 a loketseng ho ea ntoeng.

37 Ka lehlakoreng le leng la Jordane,+ ho Barubene, Bagade le halofo ea leloko la Manase ho ne ho e-na le masole a 120 000 a nang le mefuta eohle ea libetsa tsa ntoa. 38 Bana bohle e ne e le masole a neng a bokane hammoho moleng oa ntoa. Ba ile ba tla Hebrone ba ikemiselitse ho tla etsa Davida morena oa Baiseraele bohle. Baiseraele ba bang bohle le bona ba ne ba lumellana hore ba etse Davida morena.+ 39 Ba ile ba lula moo le Davida ka matsatsi a mararo, ba ja ’me ba noa lintho tseo bana ba bo bona ba neng ba ba lokiselitse tsona. 40 Hape ba neng ba le haufi le bona le ba neng ba le linaheng tse hole tsa Isakare, Zabulone le Nefthali, ba ne ba tlisa lijo ka litonki, likamele, limmoulo le likhomo, ba tlisa phofo, lipolokoe tsa lifeie* tse omisitsoeng le tsa morara o omisitsoeng, veine, oli le likhomo le linku tse ngata haholo hobane Baiseraele ba ne ba thabile.

13 Davida a buisana le balaoli ba ba likete le ba ba makholo le baeta-pele bohle.+ 2 Davida a re ho phutheho eohle ea Iseraele: “Haeba le lumela ’me e le taba e amohelehang ho Jehova Molimo oa rona, e-reng re romele molaetsa ho bana ba bo rona ba setseng linaheng tsohle tsa Iseraele le ho baprista le Balevi ba metseng ea bona+ e nang le makhulo hore ba tle ho rona. 3 A re lateng Areka+ ea Molimo oa rona.” Ba ne ba sa e hlokomele mehleng ea Saule.+ 4 Phutheho eohle ea lumellana le taba eo hobane e ne e utloa e nepahetse. 5 Kahoo, Davida a bitsa Baiseraele bohle ho tloha nokeng* ea Egepeta ho ea fihla Lebo-hamathe*+ hore Areka ea Molimo oa ’nete e latoe Kiriathe-jearime.+

6 Davida le Baiseraele bohle ba nyolohela Baala,+ Kiriathe-jearime ea Juda ho ea lata Areka ea Molimo oa ’nete Jehova, ea lutseng holim’a* likerubime,+ moo lebitso la hae le bitsoang teng. 7 Leha ho le joalo, ba palamisa Areka ea Molimo oa ’nete holim’a kariki e ncha+ ’me ba e lata ho tsoa ntlong ea Abinadabe. Uza le Akio ba ne ba tsamaea ka pel’a kariki eo.+ 8 Davida le Baiseraele bohle ba ne ba keteka ka matla ’ohle a bona ka pel’a Molimo oa ’nete ka lipina, ka liharepa, ka liletsa tse ling tse likhoele, ka meropa e menyenyane,+ ka lisimbala+ le ka literompeta.+ 9 Empa ha ba fihla seotlong sa Kidone, Uza a otlolla letsoho a tšoara Areka hobane likhomo li ile tsa batla li e liha. 10 Jehova a halefela Uza ’me a mo bolaea hobane a ile a tšoara Areka+ eaba o shoella ka pel’a Molimo.+ 11 Empa Davida a koata hobane Jehova a ne a halefetse Uza haholo. Sebaka seo sa bitsoa Pereze-uza* ho fihlela letsatsing lena.

12 Letsatsing leo, Davida a tšoha ’me a tšaba Molimo oa ’nete a re: “Ke tla tlisa Areka ea Molimo oa ’nete joang ho ’na?”+ 13 Davida ha aa ka a tlisa Areka ho eena Motseng oa Davida. Empa a re e isoe ntlong ea Obede-edomo oa Mogathe. 14 Areka ea Molimo oa ’nete ea lula ntlong ea Obede-edomo ka likhoeli tse tharo ’me Jehova a ’na a hlohonolofatsa lelapa la Obede-edomo le sohle sa hae.+

14 Morena Hirame+ oa Tire a romela baromuoa ho Davida hammoho le lifate tsa kedare, batho ba betlang majoe* le ba sebetsang ka mapolanka hore ba mo hahele ntlo.*+ 2 Davida o ne a tseba hore Jehova o tiisitse borena ba hae Iseraele+ hobane o entse hore ’muso oa hae o be matla molemong oa sechaba sa hae sa Iseraele.+

3 Davida a ba le basali+ ba bangata Jerusalema ’me a ba le bara le barali ba bangata.+ 4 Ana ke mabitso a bana ba hae ba hlahetseng Jerusalema:+ Shamua, Shobabe, Nathane,+ Solomone,+ 5 Ibare, Elishua, Elpelete, 6 Noga, Nefege, Jafia, 7 Elishama, Beliada le Elifelete.

8 Ha Bafilista ba utloa hore Davida o tlotsitsoe hore e be morena oa Iseraele eohle,+ Bafilista bohle ba tla ho tla loantša Davida.+ Ha Davida a utloa taba ena, a tsoa a e’o ba hlasela. 9 Bafilista ba tla ’me ba hlasela batho ba lulang Khohlong* ea Refaime.+ 10 Davida a botsa Molimo a re: “Na nka ea ke e’o loantša Bafilista? Na u tla nthusa hore ke ba hlole?” Eaba Jehova o re ho eena: “Tsamaea ’me ke tla u thusa hore u ba hlole.”+ 11 Davida a ea Baale-perazime+ ’me a ba bolaela moo. Eaba o re: “Molimo oa ’nete o hlotse lira tsa ka joaloka lerako le lihiloeng ke metsi.” Ke ka lebaka leo ba ileng ba bitsa sebaka seo Baale-perazime.* 12 Bafilista ba siea melimo ea bona ea litšoantšo moo ’me e ile ea chesoa mollong+ ha Davida a fana ka taelo eo.

13 Hamorao Bafilista ba boela ba hlasela batho ba lulang khohlong.*+ 14 Davida a boela a botsa Molimo empa Molimo oa ’nete a re ho eena: “U se ke oa nyolohela ho bona ka ho toba. Empa u ba pote ka morao ’me u ba hlasele u hlaha ka pel’a lihlahla tsa bak’ha.+ 15 Ha u utloa lerata la masole a tsamaeang holim’a lihlahla tsa bak’ha, u a hlasele hang-hang hobane Molimo oa ’nete o tla be a u eteletse pele ho ea bolaea masole a Bafilista.”+ 16 Davida a etsa feela joalokaha Molimo oa ’nete a mo laetse+ eaba ba bolaea masole a Bafilista ho tloha Gibeone ho ea fihla Gezere.+ 17 Davida a tuma linaheng tsohle ’me Jehova a etsa hore lichaba tsohle li mo tšabe.+

15 Davida a ’na a ikahela matlo Motseng oa Davida, a lokisetsa Areka ea Molimo oa ’nete sebaka ’me a e hlomela tente.+ 2 Nakong eo Davida o ile a re: “Ha ho na motho ea lokelang ho jara Areka ea Molimo oa ’nete ntle ho Balevi hobane ke bona bao Jehova a ba khethileng hore ba jare Areka ea Jehova le ho mo sebeletsa kamehla.”+ 3 Davida a bitsetsa Baiseraele bohle Jerusalema hore Areka ea Jehova e tlisoe sebakeng seo a se lokisitseng bakeng sa eona.+

4 Davida a bokella litloholo tsa Arone+ le Balevi:+ 5 Ho Bakohathe e le Uriele molaoli le bana babo ba 120, 6 ho Bamerari e le Asaia+ molaoli le bana babo ba 220, 7 ho Bagershome e le Joele+ molaoli le bana babo ba 130, 8 ho litloholo tsa Elizafane+ e le Shemaia molaoli le bana babo ba 200, 9 ho litloholo tsa Hebrone e le Eliele molaoli le bana babo ba 80, 10 ho litloholo tsa Uziele+ e le Aminadabe molaoli le bana babo ba 112. 11 Ho feta moo, Davida a bitsa moprista Tsadoke+ le moprista Abiathare+ le Balevi Uriele, Asaia, Joele, Shemaia, Eliele le Aminadabe. 12 A re ho bona: “Ke lona lihlooho tsa malapa a bo-ntate ba Balevi. Itlhoekiseng, lona le bana ba bo lona ’me le tlise Areka ea Jehova Molimo oa Iseraele sebakeng seo ke e lokiselitseng sona. 13 Kaha ka lekhetlo la pele ha lea ka la e jara,+ Jehova Molimo oa rona o ile a re halefela+ hobane ha rea ka ra latela litaelo tsa hae.”+ 14 Kahoo, baprista le Balevi ba itlhoekisa hore ba late Areka ea Jehova Molimo oa Iseraele.

15 Balevi ba jara Areka ea Molimo oa ’nete mahetleng ka lipalo tsa eona+ feela joalokaha Moshe a ne a laetse ho ea ka lentsoe la Jehova. 16 Davida a bolella balaoli ba Balevi hore ba khethe bana ba bo bona ba binang hore ba bine ba thabile ka liletsa tsa ’mino: Liletsa tse likhoele, liharepa+ le lisimbala.+

17 Balevi ba khetha Hemane+ mora oa Joele, ho bana babo ba khetha Asafe+ mora oa Berekia ’me ho Bamerari bana ba bo bona, ba khetha Ethane+ mora oa Kushaia. 18 Bana ba bo bona ba sehlopha sa bobeli+ ba ne ba e-na le bona e leng Zakaria, Bene, Jaziele, Shemiramothe, Jehiele, Uni, Eliabe, Benaia, Maseia, Matithia, Elifelehu le Mikneia hammoho le Obede-edomo le Jeiele balebeli ba likeiti. 19 Libini e leng Hemane,+ Asafe+ le Ethane ba ne ba tla letsa lisimbala tsa koporo.+ 20 Zakaria, Aziele, Shemiramothe, Jehiele, Uni, Eliabe, Maseia le Benaia ba ne ba bapala liletsa tse likhoele ka molumo oa Alamothe.*+ 21 Matithia,+ Elifelehu, Mikneia, Obede-edomo, Jeiele le Azazia ba ne ba letsa liharepa ka molumo oa Sheminithe*+ hore e be batsamaisi. 22 Kenania+ molaoli oa Balevi o ne a etella pele mosebetsi oa ho tsamaisa areka hobane e ne e le setsebi. 23 Berekia le Elkana e ne e le balebeli ba likeiti bakeng sa Areka. 24 Baprista e leng Shebania, Joshafate, Nethaniele, Amasai, Zakaria, Benaia le Eliezere ba ne ba letsetsa literompeta holimo ka pel’a Areka ea Molimo oa ’nete+ ’me Obede-edomo le Jehia le bona e ne e le balebeli ba likeiti bakeng sa Areka.

25 Davida le baholo ba Iseraele le balaoli ba ba likete ba ne ba tsamaea hammoho ho ea lata areka ea selekane sa Jehova ntlong ea Obede-edomo+ ba thabile.+ 26 Kaha Molimo oa ’nete o ne a thusitse Balevi ba neng ba jere areka ea selekane sa Jehova, ba ile ba etsa sehlabelo ka lipohoana tse supileng le liramo tse supileng.+ 27 Davida o ne a apere seaparo se se nang matsoho sa lesela la boleng bo botle hammoho le Balevi bohle ba jereng Areka, libini le Kenania moeta-pele oa ho tsamaisa Areka le libini. Davida o ne a apere le efoda* ea line.+ 28 Baiseraele bohle ba ne ba tlisa areka ea selekane sa Jehova ba hoeletsa ’me ba thabile,+ ba letsa lenaka, literompeta,+ lisimbala ’me ba letsetsa holimo liletsa tse likhoele le liharepa.+

29 Empa ha areka ea selekane sa Jehova e fihla Motseng oa Davida,+ Mikale+ morali oa Saule a sheba tlase ka fensetere ’me a bona Morena Davida a tlola-tlola a keteka eaba o mo nyefola ka pelong.+

16 Ba tlisa Areka ea Molimo oa ’nete ’me ba e beha ka tenteng eo Davida a neng a e hlometse eona.+ Eaba ba etsetsa Molimo oa ’nete linyehelo tsa secheso le mahlabelo a kopanetsoeng.+ 2 Ha Davida a qeta ho etsa linyehelo tsa secheso+ le mahlabelo a kopanetsoeng,+ a hlohonolofatsa batho ka lebitso la Jehova. 3 Ho ekelletsa moo, a fa Baiseraele bohle, monna le mosali e mong le e mong bohobe bo selika-likoe, bohobe ba litholoana tsa palema le bohobe ba morara o omisitsoeng. 4 A khetha Balevi ba bang hore ba sebeletse ka pel’a Areka ea Jehova,+ ho tlotlisa,* ho leboha le ho rorisa Jehova Molimo oa Iseraele. 5 Asafe+ e ne e le hlooho ’me Zakaria e le oa bobeli ho eena. Jeiele, Shemiramothe, Jehiele, Matithia, Eliabe, Benaia, Obede-edomo le Jeiele+ ba ne ba bapala liletsa tse likhoele le liharepa+ ’me Asafe a letsa lisimbala.+ 6 Baprista Benaia le Jahaziele ba ne ba letsa literompeta kamehla ka pel’a areka ea selekane sa Molimo oa ’nete.

7 Letsatsing leo Davida a qapa pina ka lekhetlo la pele ho leboha Jehova ’me a re Asafe+ le bana babo ba e bine ba re:

10 Ithoriseng ka lebitso la hae le halalelang.+

Lipelo tsa ba batlang Jehova li ke li thabe.+

11 Batlang Jehova,+ le mo kope hore a le fe matla a hae.

Le mo kope kamehla hore a le thuse.+

14 Ke Jehova Molimo oa rona.+

O ahlola lefatše lohle.+

23 Binelang Jehova, lona bohle ba lefatšeng.

Letsatsi le letsatsi le phatlalatse hore oa pholosa.+

27 O pota-potiloe ke khanya* le bokhabane.*+

Matla le thabo li moo a lulang teng.+

29 Rorisang Jehova hobane lebitso la hae le tšoaneloa ke thoriso.+

Tlisang mpho ’me le kene ka pel’a hae.+

Inamelang* Jehova le apere liaparo tse halalelang.*+

30 Le thothomele ka pel’a hae, lona bohle ba lefatšeng.

Lefatše le tiisitsoe ka thata ebile le ke ke la suthisoa.*+

31 Maholimo a ke a thabe le lefatše le ke le thabe.+

E-reng ho lichaba: ‘Jehova ke Morena!’+

32 Leoatle le tsohle tse ho lona li ke li hoeletse li thabile.

Masimo le tsohle tse ho ’ona li ke li thabe.

35 E-reng, ‘Re pholose, Molimo oa poloko ea rona.+

Batho bohle ba re, “Amen!”* ’me ba rorisa Jehova.

37 Davida a siea Asafe+ le bana babo moo ka pel’a areka ea selekane sa Jehova hore ba ’ne ba sebeletse ka pel’a Areka,+ ba etsa lintho tseo ba neng ba tloaetse ho li etsa letsatsi le letsatsi.+ 38 A siea le Obede-edomo le bana babo ba 68. A khetha Obede-edomo, mora oa Jeduthune le Hosa hore e be balebeli ba likeiti. 39 A beha moprista Tsadoke+ le baprista-’moho le eena ka pel’a tabernakele ea Jehova sebakeng se phahameng Gibeone+ 40 hore ba nyehele linyehelo tsa secheso ho Jehova kamehla aletareng ea linyehelo tsa secheso hoseng le mantsiboea, le ho etsa lintho tsohle tse ngotsoeng molaong oa Jehova oo a o laetseng Baiseraele.+ 41 Ba ne ba e-na le Hemane le Jeduthune+ le banna bohle ba khethiloeng ka mabitso ho leboha Jehova+ hobane “lerato* la hae ha le fele le ka mohla.”+ 42 Ba ne ba e-na le Hemane+ le Jeduthune ba letsa literompeta, lisimbala le liletsa tsa ho rorisa* Molimo oa ’nete ’me bara ba Jeduthune+ ba le keiting. 43 Ka mor’a moo, batho bohle ba ea malapeng a bona ’me Davida a hlohonolofatsa ba lelapa la hae.

17 Ha Davida a se a lula ka tlung* ea hae, a re ho moprofeta Nathane:+ “ ’Na ke lula ka tlung e entsoeng ka likedare+ empa areka ea selekane sa Jehova e lula ka tenteng ea masela.”+ 2 Nathane a re ho Davida: “Etsa ntho leha e le efe e ka pelong ea hao hobane Molimo oa ’nete o na le uena.”

3 Bosiung bona boo, Molimo a re ho Nathane: 4 “E-ea ho mohlanka oa ka Davida ’me u re, ‘Jehova o re: “Ha se uena ea tla nkahela ntlo eo ke tla lula ho eona.+ 5 Ha ke e-s’o lule ka tlung ho tloha letsatsing leo ka lona ke ntšitseng Baiseraele Egepeta ho fihlela letsatsing lena empa ke ne ke ntse ke tloha tenteng e ’ngoe ho ea ho e ’ngoe le tabernakeleng e ’ngoe ho ea ho e ’ngoe.*+ 6 Nakong eohle eo ke neng ke tsamaea le sechaba sohle sa Iseraele, na nkile ka bua ntho leha e le efe ho moahloli leha e le ofe oa Iseraele eo ke mo khethileng hore a lise sechaba sa ka, ka re, ‘Ke hobane’ng ha u sa nkahela ntlo e entsoeng ka likedare?’”’

7 E-re ho mohlanka oa ka Davida, ‘Jehova oa mabotho o re: “Ke u nkile naheng moo u neng u lisa mohlape, ka u etsa moeta-pele oa sechaba sa ka sa Iseraele.+ 8 Ke tla ba le uena kae kapa kae moo u eang teng+ ’me ke felise lira tsohle tsa hao.+ Ke tla etsa hore lebitso la hao le tsebahale, le be joaloka mabitso a batho ba tummeng lefatšeng.+ 9 Ke tla khethela sechaba sa ka sa Iseraele sebaka ’me se tla lula moo. Ha ho sa tla hlola ho e-ba le batho ba tla se tšoenya. Banna ba khopo ba ke ke ba se hatella* hape joaloka pele,+ 10 ho tloha letsatsing leo ke khethelang sechaba sa ka sa Iseraele baahloli.+ Ke tla hlola lira tsohle tsa hao.+ Hape, kea u bolella, ‘Jehova o tla u hahela ntlo.’*

11 Ha u shoa ’me u patoa le baholo-holo ba hao, ke tla etsa hore baneng* ba hao, e mong oa bara ba hao+ e be morena ea u hlahlamang ’me ke tla tiisa ’muso oa hae.+ 12 Ke eena ea tla nkahela ntlo+ ’me ke tla tiisa terone ea hae ka ho sa feleng.+ 13 Ke tla ba ntate oa hae ’me eena e tla ba mora oa ka.+ Nke ke ka khaotsa ho mo rata*+ joalokaha ke ile ka tlohela ho rata ea tlileng pele ho uena.+ 14 Ke tla mo etsa morena oa ka ka tlung ea ka ka ho sa feleng+ ’me terone ea hae e tla lula e le teng ka ho sa feleng.”’”+

15 Nathane a bolella Davida mantsoe ana ’ohle le sohle seo a se boneng ponong.

16 Morena Davida a tla ’me a lula ka pel’a Jehova a re: “ ’Na ke mang Jehova Molimo? Lelapa la ka e ne e boetse e le eng hore ebe u nketselitse lintho tsee?+ 17 Ho feta moo, Jehova Molimo, u boetse u bua ka seo u tla se etsetsa lelapa la mohlanka oa hao nakong e tlang+ ’me u bone ke le motho ea lokelang ho phahamisoa le ho feta.* 18 ’Na mohlanka oa hao Davida ke tla re’ng ka tlotla eo u mphileng eona kaha u tseba mohlanka oa hao hantle?+ 19 Jehova, ka lebaka la mohlanka oa hao le ka hobane u ne u batla,* u entse lintho tsena tsohle tse kholo ’me oa senola boholo ba hao.+ 20 Jehova, ha ho na ea tšoanang le uena+ ’me ha ho Molimo ntle ho uena.+ Lintho tsohle tseo re li utloileng ka litsebe tsa rona li paka sena. 21 Ke sechaba sefe lefatšeng se tšoanang le sechaba sa hao sa Iseraele?+ Uena Molimo oa ’nete, u ile oa se lopolla hore e be sechaba sa hao.+ U iketselitse lebitso ka liketso tsa hao tse kholo le tse makatsang,+ oa leleka lichaba ka pel’a batho ba hao+ bao u ba lopolotseng Egepeta. 22 U entse hore sechaba sa Iseraele e be sechaba sa hao ka ho sa feleng+ ’me uena Jehova, o ile oa ba Molimo oa sona.+ 23 Jehova, e se eka u ka phetha tšepiso eo u e etselitseng ’na mohlanka oa hao le lelapa la ka ka ho sa feleng. E se eka u ka etsa seo u se tšepisitseng.+ 24 E se eka lebitso la hao le ka lula le le teng ’me le phahamisoe+ ka ho sa feleng e le hore batho ba ka re, ‘Jehova oa mabotho, Molimo oa Iseraele, ke Molimo ho batho ba Iseraele.’ Hape e se eka ntlo ea mohlanka oa hao Davida e ka tiisoa ka thata ka pel’a hao+ 25 hobane uena, Molimo oa ka, u tsebisitse ’na mohlanka oa hao morero oa hao oa ho nkahela ntlo.* Ke ka lebaka leo ’na mohlanka oa hao ke nang le sebete sa ho u rapela ka tsela ena. 26 Jehova, u Molimo oa ’nete ebile u tšepisitse mohlanka oa hao lintho tsena tse ntle. 27 E se eka u ka hlohonolofatsa ntlo ea mohlanka oa hao ’me ea lula e le teng ka ho sa feleng kaha uena Jehova, u e hlohonolofalitse ’me e tla hlohonolofatsoa ka ho sa feleng.”

18 Ka mor’a nako, Davida a loantša Bafilista ’me a ba hlola eaba o hapa Gathe+ le metse e haufi le eona* ho Bafilista.+ 2 A hlola Bamoabe+ ’me Bamoabe ea e-ba basebeletsi ba Davida ba ntšang lekhetho.*+

3 Davida a hlola Morena Hadadezere+ oa Zoba+ haufi le Hamathe,+ ha Hadadezere a ne a e’o busa sebaka se Nokeng ea Eufrate.+ 4 Davida a hapa likariki tsa ntoa tse 1 000, bapalami ba lipere ba 7 000 le masole a 20 000 a tsamaeang ka maoto.+ Eaba Davida o khaola mesifa ea lipere tsohle tse hulang likariki empa a siea lipere tse 100.+ 5 Ha Basiria ba Damaseka ba tla ho tla thusa Morena Hadadezere oa Zoba, Davida a bolaea Basiria ba 22 000.+ 6 Davida a beha masole Siria ea Damaseka ’me Basiria ea e-ba basebeletsi ba Davida ba ntšang lekhetho. Jehova o ne a thusa Davida hore a hlole* hohle moo a neng a ea teng.+ 7 Ho ekelletsa moo, Davida a nka lithebe tse selika-likoe tsa khauta ho bahlanka ba Hadadezere, a li tlisa Jerusalema. 8 Davida a nka koporo e ngata Tibathe le Kune e leng metse ea Hadadezere. Solomone o ile a etsa Leoatle la koporo,+ lipilara le lisebelisoa tsa koporo ka eona.+

9 Ha Morena Tou oa Hamathe a utloa hore Davida o hlotse masole ’ohle a Morena Hadadezere+ oa Zoba,+ 10 hang-hang a romela mora oa hae Hadorame ho Morena Davida hore a e’o utloa hore na o ntse a ea joang le ho mo lebohisa hobane o ne a loantšitse Hadadezere ’me a mo hlotse (kaha Hadadezere o ne a lula a loantša Tou). Hape o ile a mo tlisetsa mefuta eohle ea lintho tsa khauta, tsa silevera le tsa koporo. 11 Morena Davida a nehelana ka* lintho tsena ho Jehova+ hammoho le silevera le khauta tseo a neng a li nkile lichabeng tsohle, ho Edomo le Moabe, Baamone,+ Bafilista+ le ho Baamaleke.+

12 Abishai+ mora oa Tseruja+ a bolaea Baedomo ba 18 000 Khohlong ea Letsoai.+ 13 A beha mabotho a sesole Edomo ’me Baedomo bohle ea e-ba basebeletsi ba Davida.+ Jehova o ne a thusa Davida hore a hlole* hohle moo a neng a ea teng.+ 14 Davida a ’na a busa Iseraele eohle,+ a ahlola sechaba sohle ka toka le ka ho loka.+ 15 Joabe mora oa Tseruja o ne a okametse masole,+ Josafate+ mora oa Akilude e ne e le motlalehi, 16 Tsadoke mora oa Akitube le Akimeleke mora oa Abiathare e ne e le baprista ’me Shavsha e le mongoli. 17 Benaia mora oa Jehojada o ne a okametse Bakerethe+ le Bapelethe.+ Bara ba Davida e ne e le baeta-pele ba ka sehloohong.

19 Ka mor’a nako, Nahashe morena oa Baamone a shoa ’me mora oa hae ea e-ba morena.+ 2 Davida a re: “Ke tla bontša Hanune mora oa Nahashe hore kea mo rata*+ hobane ntate oa hae o ile a mpontša hore oa nthata.” Kahoo, Davida a romela baromuoa ba hae hore ba e’o mo tšelisa hobane a hlokahalletsoe ke ntate oa hae. Empa ha bahlanka ba Davida ba fihla naheng ea Baamone+ ho tla tšelisa Hanune, 3 likhosana tsa Baamone tsa re ho Hanune: “Na u nahana hore Davida o hlompha ntate oa hao ka ho romela batho ba tl’o u tšelisa? Na Davida ha aa romela bahlanka ba hae ho uena hore ba tl’o hlahloba naha le ho e hloela e le hore ba tle ba e hape?” 4 Hanune a nka bahlanka ba Davida, a kuta litelu tsa bona+ ’me a seha liaparo tsa bona, ba sala ba le feela ho tloha mathekeng eaba o re ba tsamaee. 5 Ha Davida a bolelloa ka banna bao, hang-hang a romela banna ba bang hore ba e’o ba khahlanyetsa hobane banna bao ba ne ba tlotlolotsoe haholo. Morena a re ho bona: “Lulang Jeriko.+ Le tla khutlela hae ha litelu tsa lona li holile.”

6 Ka mor’a nako, Baamone ba bona hore Davida o ba hloile eaba Hanune le Baamone ba romela silevera e boima ba lik’hilokramo tse 34 200* hore ba hire likariki tsa ntoa le bapalami ba lipere Mesopotamia,* Arame-maaka le Zoba.+ 7 Ba hira likariki tsa ntoa tse 32 000 hammoho le morena oa Maaka le batho ba hae. Ka mor’a moo, ba tla Medeba+ ’me ba hloma litente tsa bona ka pel’a eona. Baamone ba bokana ho tsoa metseng ea bona ’me ba tsoa ho tla loana.

8 Ha Davida a utloa taba ena, a romela Joabe+ le masole ’ohle, ho akarelletsa le banna ba hae ba matla ka ho fetisisa.+ 9 Baamone ba tsoa ’me ba itokisetsa ntoa keiting ea motse ha marena a neng a tlile a setse a le mang naheng.

10 Ha Joabe a bona hore masole a lira tsa hae a mo hlasela a hlaha ka pele le ka morao, a khetha a mang a masole a matla ka ho fetisisa a Iseraele ’me a a lokisetsa ho ea loantša Basiria.+ 11 A beha abuti oa hae Abishai+ hore e be molaoli oa banna ba bang kaofela e le hore a ba lokisetse ho ea loantša Baamone. 12 Eaba o re: “Haeba Basiria+ ba e-ba matla ho mpheta, u tle u tl’o nthusa. Empa haeba Baamone ba e-ba matla ho u feta, ke tla u thusa. 13 Re lokela ho ba matla ’me re be sebete+ bakeng sa batho ba habo rona le metse ea Molimo oa rona ’me Jehova o tla phetha karolo ea hae.”

14 Joabe le banna ba hae ba ea ho Basiria ho ea ba loantša empa ba mo baleha.+ 15 Ha Baamone ba bona hore Basiria ba balehile, le bona ba baleha Abishai abuti oa hae ’me ba kena motseng. Ka mor’a moo, Joabe a tla Jerusalema.

16 Ha Basiria ba bona hore ba hlotsoe ke Baiseraele, ba romela baromuoa hore ba bitse Basiria ba lulang pel’a Noka,*+ ba etelletsoe pele ke Shofake molaoli oa sesole sa Hadadezere.+

17 Ha Davida a bolelloa sena, a bokella Baiseraele bohle ka potlako ’me a tšela Jordane a ea ho bona eaba o itokisetsa ho ba loantša. Davida a itokisetsa ho ea kopana le Basiria ’me ba mo loantša.+ 18 Empa Basiria ba baleha Baiseraele ’me Davida a bolaea bakhanni ba likariki tsa ntoa ba 7 000 le masole a tsamaeang ka maoto a 40 000 a Basiria eaba o bolaea Shofake molaoli oa lebotho la sesole. 19 Ha bahlanka ba Hadadezere ba bona hore ba hlotsoe ke Baiseraele,+ ba etsa khotso kapele le Davida ’me ea e-ba basebeletsi ba hae.+ Basiria ha baa ka ba hlola ba batla ho thusa Baamone.

20 Ha selemo* se qala, nakong eo marena a eang ntoeng, Joabe+ a etella pele lebotho la sesole ho ea naheng ea Baamone ’me a e felisa. O ile a tla ’me a lika-liketsa Raba+ ha Davida a ne a setse Jerusalema.+ Joabe a hlasela Raba ’me a e felisa.+ 2 Ka mor’a moo, Davida a nka korone e neng e le hloohong ea Malkame.* A fumana boima ba korone eo bo lekana le ba khauta e ka etsang lik’hilokramo tse 34,* ebile e e-na le majoe a bohlokoa eaba e behoa hloohong ea Davida. O ile a boela a nka thepa e ngata eo a e hapileng motseng oo.+ 3 A ntša batho ba neng ba le motseng oo ’me a ba fa mosebetsi+ oa ho betla majoe, oa ho sebetsa ka lisebelisoa tse bohale tsa tšepe le ka lilepe. Davida a etsa sena metseng eohle ea Baamone. Qetellong Davida le masole ’ohle ba khutlela Jerusalema.

4 Ka mor’a moo, ba loana le Bafilista Gezere. Eaba Sibekai+ oa Mohushathe o bolaea Sipai setloholo sa Barefaime+ ’me Bafilista ba hloloa.

5 Ba boela ba loana le Bafilista ’me Elkanane mora oa Jaire a bolaea Lahmi ngoan’abo Goliathe+ oa Mogathe, eo lerumo la hae le neng le e-na le mofeng o joaloka thupa ea foreimi e etsang masela.+

6 Ha boela ha e-ba le ntoa Gathe.+ Ntoeng eo, ho ne ho e-na le monna ea boholo bo sa tloaelehang,+ a e-na le menoana e tšeletseng letsohong ka leng le menoana e tšeletseng leotong ka leng, kaofela ha eona e le 24. Le eena e ne e le setloholo sa Barefaime.+ 7 A ’na a nyefola+ Iseraele. Kahoo, Jonathane mora oa Shimea,+ abuti oa Davida, a mo bolaea.

8 Tsena e ne e le litloholo tsa Barefaime+ tse lulang Gathe+ ’me li ile tsa bolaoa ke Davida le bahlanka ba hae.

21 Satane* a loantša Baiseraele ’me a susumelletsa Davida hore a bale Baiseraele.+ 2 Davida a re ho Joabe+ le balaoli ba sechaba: “Tsamaeang le e’o bala Baiseraele ho tloha Beersheba ho ea fihla Dane.+ Ka mor’a moo, le mpolelle e le hore ke tle ke tsebe palo ea bona.” 3 Empa Joabe a re: “E se eka Jehova a ka eketsa batho ba hae ka makhetlo a 100. Moren’a ka, kaofela ha bona e se e ntse e le bahlanka ba hao. Ke hobane’ng ha u batla ho etsa ntho ee? Ke hobane’ng ha u etsa hore Baiseraele ba be molato?”

4 Empa morena a hana ho mamela Joabe. Joabe a tloha ’me a tsamaea Iseraele eohle. Ka mor’a moo, a fihla Jerusalema.+ 5 Joabe a fa Davida palo ea batho ba neng ba ngolisitsoe. Banna bohle ba Iseraele ba tšoarang lisabole ba ne ba le 1 100 000 ’me banna ba Juda ba tšoarang lisabole ba le 470 000.+ 6 Empa leloko la Levi le la Benjamine ha lea ka la ngolisoa har’a bona+ hobane Joabe o ne a nyonya seo morena a se buileng.+

7 Molimo oa ’nete ha aa ka a thabela ntho ena. Kahoo, a otla Baiseraele. 8 Davida a re ho Molimo oa ’nete: “Ke entse sebe+ se seholo ka ho etsa ntho ena. Ke kopa u ntšoarele+ hobane ke entse ka booatla.”+ 9 Jehova a bua le Gade+ ea bonang lipono bakeng sa Davida a re: 10 “Tsamaea ’me u re ho Davida, ‘Jehova o re: “Ke u fa likotlo tse tharo. Ikhethele eo u e batlang.”’” 11 Gade a tla ho Davida a re ho eena: “Jehova o re, ‘Ikhethele 12 hore na ho be le lilemo tse tharo tsa tlala+ kapa likhoeli tse tharo u bolaoa ke lira tsa hao ’me li u hlasela ka sabole+ kapa matsatsi a mararo a sabole ea Jehova, e leng hore lengeloi la Jehova le tlise lefu la seoa naheng eohle ea Iseraele.’+ Joale inahane ’me u mpolelle hore na ke re’ng ho ea nthomileng.” 13 Davida a re ho Gade: “Ke tšoenyehile haholo. Re kopa hore re se ke ra fuoa kotlo ke motho+ empa e be Jehova ea re fang kotlo hobane eena o mohau haholo.”+

14 Jehova a tlisa lefu la seoa+ Iseraele ’me ha shoa batho ba 70 000 Iseraele.+ 15 Ho ekelletsa moo, Molimo oa ’nete a romela lengeloi hore le e’o felisa Jerusalema. Empa ha le le haufi le ho etsa joalo, Jehova a bona seo eaba o utloa bohloko* ka lebaka la tlokotsi eo.+ A re ho lengeloi le neng le tl’o felisa batho: “Ho lekane!+ Theola letsoho la hao.” Lengeloi la Jehova le ne le eme haufi le seotlo sa Ornane+ oa Mojebuse.+

16 Ha Davida a sheba holimo, a bona lengeloi la Jehova le eme sepakapakeng le tšoere sabole+ ’me le supile Jerusalema ka eona. Hang-hang Davida le baholo ba itihela fatše, ba inama+ ba ikoahetse ka masela a hoashang.*+ 17 Davida a re ho Molimo oa ’nete: “Na ha se ’na ea itseng ho baloe batho? Ke ’na ea entseng sebe ’me ke ’na ea entseng phoso+ empa linku tsee tsona li entse’ng? Jehova Molimo oa ka, ke kopa hore u tlise kotlo ena ho ’na le ho ba lelapa la ntate oa ka empa u se ke oa otla sechaba sa hao.”+

18 Lengeloi la Jehova la re Gade+ a bolelle Davida hore a nyolohe a e’o etsetsa Jehova aletare seotlong sa Ornane oa Mojebuse.+ 19 Eaba Davida oa nyoloha ka mor’a hore moprofeta Gade a mo bolelle seo Jehova a se buileng. 20 Ka nako eo, Ornane o ne a ntse a pola koro. Ha a hetla, a bona lengeloi. Bara ba hae ba bane ba neng ba e-na le eena ba ipata. 21 Ha Davida a tla ho eena, Ornane a mo bona ’me hang-hang a tsoa seotlong a inamela Davida sefahleho sa hae se shebile fatše. 22 Davida a re ho Ornane: “Nthekisetse* sebaka sena sa seotlo e le hore nka hahela Jehova aletare ho sona. Nthekisetse sona ka chelete e feletseng hore boloetse bona bo tšoereng batho bo tle bo felisoe.”+ 23 Empa Ornane a re ho Davida: “Inkele sona moren’a ka ’me u etse seo u bonang se le molemo. Likhomo tsa nyehelo ea secheso ke tsena ke fana ka tsona le selei+ sa ho pola* bakeng sa patsi hammoho le koro bakeng sa nyehelo ea lijo.* Ke fana ka tsona kaofela.”

24 Leha ho le joalo, Morena Davida a re ho Ornane: “Che, ke lokela ho se reka ka chelete e feletseng hobane nke ke ka nka lintho tsa hao ebe ke li fa Jehova kapa ka nyehela mahlabelo a secheso ka lintho tseo ke li fumaneng mahala.”+ 25 Davida a fa Ornane likotoana* tsa khauta tse 600 bakeng sa sebaka seo. 26 Davida a hahela Jehova aletare+ moo ’me a nyehela mahlabelo a secheso le mahlabelo a kopanetsoeng, a rapela Jehova eaba o mo arabela ka ho theolela mollo+ o tsoang leholimong holim’a aletare ea nyehelo ea secheso. 27 Eaba Jehova o laela lengeloi+ hore le khutlisetse sabole ea lona selateng* sa eona. 28 Ka nako eo, ha Davida a bona hore Jehova o mo arabetse seotlong sa Ornane oa Mojebuse, a lula a etsetsa mahlabelo moo. 29 Empa ka nako eo, tabernakele ea Jehova eo Moshe a neng a e entse lefeelleng le aletare ea nyehelo ea secheso li ne li le sebakeng se phahameng Gibeone.+ 30 Empa Davida o ne a sa ka a khona ho ea ka pel’a eona ho ea bua le Molimo hobane o ne a tšositsoe ke sabole ea lengeloi la Jehova.

22 Davida a re: “Ena ke ntlo ea Jehova Molimo oa ’nete ’me ena ke aletare ea nyehelo ea secheso bakeng sa Iseraele.”+

2 Davida a laela hore ho bokelloe balichaba+ ba neng ba lula naheng ea Iseraele, a ba fa mosebetsi oa ho betla majoe bakeng sa ho haha ntlo ea Molimo oa ’nete.+ 3 Davida a boela a hlophisa hore ho be le tšepe e ngata bakeng sa lipekere tsa mamati a likeiti le bakeng sa lintho tse kopanyang le koporo e ngata hoo e neng e sa khone ho bekhoa+ 4 le lifate tsa kedare+ tse se nang palo hobane Basidone+ le Batire+ ba ne ba tliselitse Davida lifate tsa kedare tse ngata. 5 Davida a re: “Mora oa ka Solomone o sa le mocha ebile ha a e-s’o tsebe lintho tse ngata+ ’me ntlo e tl’o haheloa Jehova e lokela ho ba ntle ka ho fetisisa+ e le hore botumo ba eona le botle ba eona+ bo ka tsebahala linaheng tsohle.+ Ka lebaka leo, ke tla mo hlophisetsa lintho.” Kahoo, Davida a hlophisa thepa e ngata pele a shoa.

6 Ho ekelletsa moo, a bitsa mora oa hae Solomone ’me a mo laela hore a hahele Jehova Molimo oa Iseraele ntlo. 7 Davida a re ho mora oa hae Solomone: “Ke ne ke lakalitse ho haha ntlo e tla tlisa thoriso lebitsong la Jehova Molimo oa ka.+ 8 Empa Jehova o ile a re ho ’na, ‘U bolaile batho ba bangata haholo ebile u loanne lintoa tse ngata. U ke ke oa haha ntlo e tla tlisa thoriso lebitsong la ka+ hobane u bolaile batho ba bangata lefatšeng. 9 U tla ba le mora+ eo e tla ba motho oa khotso.* Ke tla mo phomotsa ho lira tsohle tsa hae tse mo potolohileng.+ Lebitso la hae e tla ba Solomone*+ ’me ke tla etsa hore Iseraele ho be le khotso le khutso nakong ea puso ea hae.+ 10 Ke eena ea tla haha ntlo e tla tlisa thoriso lebitsong la ka.+ E tla ba mora oa ka ’me ’na ke be ntate oa hae.+ Ke tla tiisa borena ba hae Iseraele ka ho sa feleng.’+

11 Mora oa ka, e se eka Jehova a ka ba le uena, u atlehe ’me u hahe ntlo ea Jehova Molimo oa hao feela joalokaha a itse o tla etsa.+ 12 Ka holim’a tsohle, e se eka Jehova a ka u fa bohlale le kutloisiso+ ha a u fa matla a ho laola Iseraele e le hore u ka mamela molao oa Jehova Molimo oa hao.+ 13 U tla atleha haeba u mamela ka hloko melao+ le likahlolo tseo Jehova a laetseng Moshe hore a li fe Baiseraele.+ E-ba sebete ’me u be matla. U se ke oa tšoha kapa oa thothomela.+ 14 Ke sebelitse ka thata ho lokisetsa ntlo ea Jehova khauta ea boima ba lik’hilokramo tse ka holimo ho limilione tse tharo,* silevera ea boima ba lik’hilokramo tse ka holimo ho limilione tse 34* le koporo le litšepe tse ngata+ hoo li sa khoneng ho bekhoa. Ke boetse ke lokisitse lifate le majoe+ empa u tla li eketsa. 15 U na le basebetsi ba bangata, babetli ba majoe, ba sebetsang ka majoe,+ ba sebetsang ka mapolanka le batho ba tsebang ho etsa mesebetsi ea mefuta eohle.+ 16 Khauta, silevera, koporo le tšepe li ngata hoo li se nang palo.+ Qala mosebetsi. E se eka Jehova a ka ba le uena.”+

17 Davida a laela likhosana tsohle tsa Iseraele hore li thuse mora oa hae Solomone a re: 18 “Jehova Molimo oa lona o na le lona ’me o le phomolitse ho lira tsohle tsa lona tse le potolohileng. O mphile baahi ba naha ’me naha e se e laoloa ke Jehova le sechaba sa hae. 19 Ikemisetseng ho batla Jehova Molimo oa lona+ ka lipelo tsohle tsa lona le ka matla ’ohle a lona ’me le qale ho haha sehalalelo sa Jehova Molimo oa ’nete+ e le hore ho tlisoe areka ea selekane sa Jehova le lisebelisoa tse halalelang tsa Molimo oa ’nete+ ka tlung e hahetsoeng ho tlotlisa lebitso la Jehova.”+

23 Ha Davida a se a tsofetse ’me a le haufi le ho shoa, a beha mora oa hae Solomone boreneng ba Iseraele.+ 2 A bokella likhosana tsohle tsa Iseraele, baprista+ le Balevi.+ 3 Balevi ba lilemo li 30 ho ea holimo ba ile ba baloa.+ Ba ne ba le 38 000. 4 Har’a bona, ba 24 000 e ne e le batsamaisi ba mosebetsi oa ntlo ea Jehova, ba 6 000 e le balaoli le baahloli+ 5 ’me ba 4 000 e le balebeli ba likeiti.+ Ba bang ba 4 000 ba ne ba rorisa+ Jehova ka liletsa tseo Davida a itseng ka tsona, “Ke li etselitse ho rorisa Molimo.”

6 Davida a ba arola* ka lihlopha+ ho ea ka bara ba Levi: Gershone, Kohathe le Merari.+ 7 Ho Bagershone e le Ladane le Shimei. 8 Bara ba Ladane ba ne ba le bararo e le Jehiele hlooho, Zethame le Joele.+ 9 Bara ba Shimei ba ne ba le bararo e le Shelomothe, Haziele le Harane. Bana e ne e le lihlooho tsa malapa a bo-ntate ba bona tsa Ladane. 10 Bara ba Shimei e ne e le Jahathe, Zina, Jeushe le Beria. Bana ba bane e ne e le bara ba Shimei. 11 Jahathe e ne e le hlooho ’me Ziza e le oa bobeli. Jeushe le Beria ba ne ba se na bara ba bangata. Kahoo, ba ile ba nkoa e le lelapa le le leng la habo ntate oa bona ba e-na le boikarabelo bo tšoanang.

12 Bara ba Kohathe ba ne ba le bane, e le Amrame, Izehare,+ Hebrone le Uziele.+ 13 Bara ba Amrame e ne e le Arone+ le Moshe.+ Empa Arone o ile a khethoa+ hore a hloekise* Sehalalelisiso kamehla, eena le bara ba hae hore ba nyehele mahlabelo ka pel’a Jehova, ba mo sebeletse ’me ba phatlalatse litlhohonolofatso ka lebitso la hae kamehla.+ 14 Ha e le Moshe mohlanka oa Molimo oa ’nete, bara ba hae ba ile ba balelloa le leloko la Balevi. 15 Bara ba Moshe e ne e le Gershome+ le Eliezere.+ 16 Ho bara ba Gershome, Shebuele+ e ne e le hlooho. 17 Ho litloholo* tsa Eliezere, Rehabia+ e ne e le hlooho. Eliezere o ne a se na bara ba bang empa bara ba Rehabia ba ne ba le bangata haholo. 18 Ho bara ba Izehare,+ Shelomithe+ e ne e le hlooho. 19 Hlooho ea bara ba Hebrone e ne e le Jeria, oa bobeli e le Amaria, oa boraro e le Jahaziele ’me oa bone e le Jekameame.+ 20 Hlooho ea bara ba Uziele+ e ne e le Mikea ’me oa bobeli e le Ishia.

21 Bara ba Merari e ne e le Maheli le Mushi.+ Bara ba Maheli e le Eleazare le Kishe. 22 Eleazare a shoa a se na bara, a e-na le barali feela. Ba ile ba nyaloa ke bara ba Kishe, bao e neng e le ba leloko la habo bona.* 23 Bara ba Mushi ba ne ba le bararo, e le Maheli, Edere le Jeremothe.

24 Bana e ne e le bara ba Levi ba ngolisitsoeng ho ea ka malapa a bo-ntate ba bona le ho ea ka lihlooho tsa malapa a bo-ntate ba bona. Balevi ba lilemo li 20 ho ea holimo ba ne ba baloa ’me ba ngolisoa ka mabitso a bona bakeng sa ho sebeletsa ntlong ea Jehova. 25 Davida o ne a itse: “Jehova Molimo oa Iseraele o phomolitse sechaba sa hae+ ’me o tla lula Jerusalema ka ho sa feleng.+ 26 Hape Balevi ba ke ke ba jara tabernakele kapa lisebelisoa leha e le life tsa tšebeletso ea eona.”+ 27 Balevi ba lilemo li 20 ho ea holimo ba ile ba baloa ho latela litaelo tsa Davida tsa ho qetela. 28 Mosebetsi oa bona e ne e le ho thusa bara ba Arone+ bakeng sa tšebeletso ea ntlo ea Jehova hore ba ikarabelle ka likamore tsa ho jela, mabala,+ ho hloekisa ntho e ’ngoe le e ’ngoe e halalelang le ho etsa mosebetsi leha e le ofe o lokelang ho etsoa ka tlung ea Molimo oa ’nete. 29 Ba ne ba thusa ka ho lokisa bohobe,*+ phofo e sitsoeng hantle bakeng sa nyehelo ea lijo,* liphaphatha tsa bohobe bo se nang tomoso,+ liphaphatha tse entsoeng ka pane, hlama e lubiloeng+ le ka mosebetsi oohle oa ho lekanya boholo ba lintho le bongata ba tsona. 30 Ba ne ba lokela ho ema hoseng ho hong le ho hong+ le mantsiboea a mang le a mang hore ba lebohe Jehova le ho mo rorisa.+ 31 Ba ne ba thusa neng kapa neng ha ho nyeheloa mahlabelo a secheso ho Jehova ka Lisabatha,+ ha likhoeli li qala+ le ka linako tsa mekete,+ ho ea ka se ngotsoeng molaong, ba etsa joalo kamehla ka pel’a Jehova. 32 Ba ne ba boetse ba ikarabella ka mesebetsi ea tente ea pokano, ka sebaka se halalelang le ka bana ba bo bona e leng bara ba Arone bakeng sa tšebeletso ea ntlo ea Jehova.

24 Lihlopha tsa litloholo tsa Arone e ne e le tsena: Bara ba Arone e ne e le Nadabe, Abihu,+ Eleazare le Ithamare.+ 2 Leha ho le joalo, Nadabe le Abihu ba ile ba shoa pele ho ntate oa bona+ ’me ba ne ba se na bara. Empa Eleazare+ le Ithamare ba ile ba tsoela pele ho sebeletsa e le baprista. 3 Davida hammoho le Tsadoke+ ea tsoang ho bara ba Eleazare le Akimeleke ea tsoang ho bara ba Ithamare, ba ile ba ba arola bakeng sa mosebetsi oa bona. 4 Kaha bara ba Eleazare bao e neng e le lihlooho ba ne ba le bangata ho feta bara ba Ithamare, ba ile ba aroloa ka tsela ena: Bara ba Eleazare bao e neng e le lihlooho tsa malapa a bo-ntate ba bona ba ne ba le 16 ’me bara ba Ithamare bao e neng e le lihlooho tsa malapa a bo-ntate ba bona ba le robeli.

5 Ho ekelletsa moo, ba arola sehlopha ka seng ka lotho+ hobane ho ne ho e-na le baokameli ba sebaka se halalelang le baokameli ba Molimo oa ’nete ba tsoang ho bara ba Eleazare le ho bara ba Ithamare. 6 Shemaia mora oa Nethaniele e leng mongoli oa Balevi, a ngola mabitso a bona ka pel’a morena, likhosana, moprista Tsadoke,+ Akimeleke+ mora oa Abiathare+ le ka pel’a lihlooho tsa malapa a bo-ntate ba baprista le tsa Balevi. Ho ile ha khethoa lelapa le le leng la habo ntate bakeng sa Eleazare ’me ha khethoa le le leng bakeng sa Ithamare.

7 Ho ile ha tsoa lotho ea pele bakeng sa Jehojaribe, ea bobeli bakeng sa Jedaia, 8 ea boraro bakeng sa Harime, ea bone bakeng sa Seorime, 9 ea bohlano bakeng sa Malkija, ea botšelela bakeng sa Mijamine, 10 ea bosupa bakeng sa Hakoze, ea borobeli bakeng sa Abija,+ 11 ea borobong bakeng sa Jeshua, ea leshome bakeng sa Shekania, 12 ea bo11 bakeng sa Eliashibe, ea bo12 bakeng sa Jakime, 13 ea bo13 bakeng sa Hupa, ea bo14 bakeng sa Jeshebeabe, 14 ea bo15 bakeng sa Bilga, ea bo16 bakeng sa Imere, 15 ea bo17 bakeng sa Hezire, ea bo18 bakeng sa Hapizeze, 16 ea bo19 bakeng sa Pethahia, ea bo20 bakeng sa Jehezekele, 17 ea bo21 bakeng sa Jakine, ea bo22 bakeng sa Gamule, 18 ea bo23 bakeng sa Delaia, ea bo24 bakeng sa Mazia.

19 Ena e ne e le mesebetsi ea bona eo ba neng ba e etsa+ ha ba kena ka tlung ea Jehova ho latela litaelo tseo ba neng ba li filoe ke Arone moholo-holo oa bona feela joalokaha Jehova Molimo oa Iseraele a ne a mo laetse.

20 Balevi ba bang e ne e le bana: Ho bara ba Amrame+ e ne e le Shubaele,+ ho bara ba Shubaele e le Jehdeia. 21 Ho bara ba Rehabia,+ hlooho e le Ishia. 22 Ho Baizehare e le Shelomothe,+ ho bara ba Shelomothe e le Jahathe. 23 Ho bara ba Hebrone, hlooho e le Jeria,+ oa bobeli e le Amaria, oa boraro e le Jahaziele, oa bone e le Jekameame. 24 Ho bara ba Uziele e le Mikea, ho bara ba Mikea e le Shamire. 25 Ngoan’abo Mikea e ne e le Ishia, ho bara ba Ishia e le Zakaria.

26 Bara ba Merari+ e ne e le Maheli le Mushi, ho bara ba Jazia e le Beno. 27 Bara ba Merari: Ho Jazia e le Beno, Shohame, Zakure le Ibri. 28 Ho Maheli e le Eleazare ea neng a se na bara.+ 29 Ho bara ba Kishe e ne e le Jeramiele. 30 Bara ba Mushi e ne e le Maheli, Edere le Jerimothe.

Bana e ne e le bara ba Levi ho ea ka malapa a bo-ntate ba bona. 31 Le bona ba ile ba lahla lotho+ joalokaha bana ba bo bona e leng bara ba Arone ba ile ba etsa ka pel’a Morena Davida, Tsadoke, Akimeleke le ka pel’a lihlooho tsa malapa a bo-ntate ba baprista le a Balevi. Mabapi le malapa a bo-ntate ba bona, eo e neng e le hlooho o ne a itšoanela le ngoan’abo e monyenyane.

25 Ho ekelletsa moo, Davida le baokameli ba lihlopha tsa tšebeletso ba khetha ba bang ba bara ba Asafe, Hemane le Jeduthune+ hore ba sebeletse e le ba profetang ka ho sebelisa liharepa, liletsa tse likhoele+ le lisimbala.+ Lena ke lethathamo la banna ba neng ba khethiloe bakeng sa mosebetsi ona: 2 Ho bara ba Asafe e ne e le Zakure, Josefa, Nethania le Asharela, molaoli oa bona e le ntate oa bona Asafe ea neng a profeta tlas’a taolo ea morena. 3 Ho Jeduthune,+ bara ba Jeduthune e ne e le Gedalia, Zeri, Jeshaia, Shimei, Hashabia le Matithia,+ ba ne ba tšeletse. Molaoli oa bona e ne e le ntate oa bona Jeduthune ea neng a profeta a sebelisa harepa a leboha a bile a rorisa Jehova.+ 4 Ho Hemane,+ bara ba Hemane e ne e le Bukia, Matania, Uziele, Shebuele, Jerimothe, Hanania, Hanani, Eliatha, Gidalti, Romamti-ezere, Joshbekasha, Malothi, Hothire le Mahaziothe. 5 Bana bohle e ne e le bara ba Hemane ea neng a bona lipono bakeng sa morena mabapi le litaba tsa Molimo oa ’nete hore a mo rorise.* Kahoo, Molimo oa ’nete a fa Hemane bara ba 14 le barali ba bararo. 6 Bana bohle molaoli oa bona e ne e le ntate oa bona bakeng sa ho bina ntlong ea Jehova, ka lisimbala, liletsa tse likhoele le ka liharepa+ bakeng sa tšebeletso ea ntlo ea Molimo oa ’nete.

Morena e ne e le molaoli oa Asafe, Jeduthune le Hemane.

7 Palo ea bona le ea bana ba bo bona ba neng ba koetliselitsoe ho binela Jehova e ne e le 288 ’me kaofela e le litsebi. 8 Ba lahla lotho+ bakeng sa mesebetsi ea bona ebang ke ba banyenyane, ba baholo, litsebi kapa baithuti.

9 Lotho ea pele e ileng ea tsoa e ne e le ea Asafe bakeng sa Josefa,+ ea bobeli bakeng sa Gedalia+ (eena le bana babo le bara ba hae ba ne ba le 12). 10 Ea boraro bakeng sa Zakure,+ eena le bara ba hae le bana babo ba ne ba le 12. 11 Ea bone bakeng sa Izeri, eena le bara ba hae le bana babo ba ne ba le 12. 12 Ea bohlano bakeng sa Nethania,+ eena le bara ba hae le bana babo ba ne ba le 12. 13 Ea botšelela bakeng sa Bukia, eena le bara ba hae le bana babo ba ne ba le 12. 14 Ea bosupa bakeng sa Jesharela, eena le bara ba hae le bana babo ba ne ba le 12. 15 Ea borobeli bakeng sa Jeshaia, eena le bara ba hae le bana babo ba ne ba le 12. 16 Ea borobong bakeng sa Matania, eena le bara ba hae le bana babo ba ne ba le 12. 17 Ea leshome bakeng sa Shimei, eena le bara ba hae le bana babo ba ne ba le 12. 18 Ea bo11 bakeng sa Azarele, eena le bara ba hae le bana babo ba ne ba le 12. 19 Ea bo12 bakeng sa Hashabia, eena le bara ba hae le bana babo ba ne ba le 12. 20 Ea bo13 bakeng sa Shubaele,+ eena le bara ba hae le bana babo ba ne ba le 12. 21 Ea bo14 bakeng sa Matithia, eena le bara ba hae le bana babo ba ne ba le 12. 22 Ea bo15 bakeng sa Jeremothe, eena le bara ba hae le bana babo ba ne ba le 12. 23 Ea bo16 bakeng sa Hanania, eena le bara ba hae le bana babo ba ne ba le 12. 24 Ea bo17 bakeng sa Joshbekasha, eena le bara ba hae le bana babo ba ne ba le 12. 25 Ea bo18 bakeng sa Hanani, eena le bara ba hae le bana babo ba ne ba le 12. 26 Ea bo19 bakeng sa Malothi, eena le bara ba hae le bana babo ba ne ba le 12. 27 Ea bo20 bakeng sa Eliatha, eena le bara ba hae le bana babo ba ne ba le 12. 28 Ea bo21 bakeng sa Hothire, eena le bara ba hae le bana babo ba ne ba le 12. 29 Ea bo22 bakeng sa Gidalti,+ eena le bara ba hae le bana babo ba ne ba le 12. 30 Ea bo23 bakeng sa Mahaziothe,+ eena le bara ba hae le bana babo ba ne ba le 12. 31 Ea bo24 bakeng sa Romamti-ezere,+ eena le bara ba hae le bana babo ba ne ba le 12.

26 Lihlopha tsa balebeli ba likeiti+ li ne li le ka tsela ena: Ho Bakora, e le Meshelemia+ mora oa Kore oa bara ba Asafe. 2 Meshelemia o ne a e-na le bara: Zakaria e le letsibolo, oa bobeli e le Jediaele, oa boraro e le Zebadia, oa bone e le Jathaniele, 3 oa bohlano e le Elame, oa botšelela e le Johanane, oa bosupa e le Elieho-enai. 4 Obede-edomo o ne a e-na le bara: Letsibolo e le Shemaia, oa bobeli e le Jozabade, oa boraro e le Jooa, oa bone e le Sakare, oa bohlano e le Nethaniele, 5 oa botšelela e le Amiele, oa bosupa e le Isakare ’me oa borobeli e le Peulethai. Molimo o ne a mo hlohonolofalitse ka bana bana.

6 Mora oa hae Shemaia o ile a ba le bara bao e neng e le babusi ba lelapa la ntate oa bona hobane ba ne ba le matla, ba e-na le bokhoni. 7 Bara ba Shemaia e ne e le Othni, Refaele, Obede le Elzabade. Bana babo e leng Elihu le Semakia e ne e le banna ba nang le bokhoni. 8 Kaofela e ne e le bara ba Obede-edomo. Bona, bara ba bona le bana ba bo bona, e ne e le banna ba nang le bokhoni le ba tšoanelehang bakeng sa tšebeletso, e le ba lelapa la Obede-edomo ba le 62. 9 Meshelemia+ o ne a e-na le bara le bana babo, e le banna ba 18 ba nang le bokhoni. 10 Hosa oa bara ba Merari o ne a e-na le bara. Shimri e ne e le hlooho. Le hoja e ne e se letsibolo, ntate oa hae o ile a mo khetha hore e be hlooho, 11 oa bobeli e le Hilkia, oa boraro e le Tebalia, oa bone e le Zakaria. Bara bohle ba Hosa le bana babo ba ne ba le 13.

12 Lihlopheng tsena tsa balebeli ba likeiti, banna bao e leng lihlooho ba ne ba e-na le mesebetsi feela joaloka bana ba bo bona hore ba sebeletse ntlong ea Jehova. 13 Malapa a manyenyane le a maholo a lahla lotho+ ho ea ka malapa a bo-ntate ba ’ona, bakeng sa ho lebela likeiti tse fapaneng. 14 Lotho ea ka bochabela ea oela ho Shelemia. Ba lahla lotho bakeng sa mora oa hae Zakaria, moeletsi ea bohlale ’me lotho ea hae ea oela ka leboea. 15 Ea Obede-edomo ea oela ka boroa ’me bara ba hae+ ba abeloa ho hlokomela litoro.* 16 Ea Shupime le Hosa+ ea e-ba ka bophirimela haufi le Keiti ea Shalekethe tseleng e kholo e nyolohang, sehlopha sa balebeli se le pel’a sehlopha se seng sa balebeli. 17 Ka bochabela ho ne ho e-na le Balevi ba tšeletseng, ka leboea e le ba bane ka letsatsi, ka boroa e le ba bane ka letsatsi ’me bakeng sa litoro,+ ba tsamaea ka bobeli. 18 Bakeng sa foranta e ka bophirimela ho ne ho e-na le ba bane tseleng e kholo+ le ba babeli foranteng. 19 Tsena e ne e le lihlopha tsa balebeli ba likeiti ho tsoa ho bara ba Bakora le ho ba Bamerari.

20 Ho Balevi, Akija e ne e le eena ea ikarabellang ka matlotlo a ntlo ea Molimo oa ’nete le ka matlotlo a lintho tse halalelitsoeng.*+ 21 Har’a bara ba Ladane setloholo sa Gershone, Jehieli+ e ne e le e mong oa lihlooho tsa malapa a bo-ntate tsa Ladane. 22 Bara ba Jehieli e le Zethame le Joele ngoan’abo. Ba ne ba ikarabella ka matlotlo a ntlo ea Jehova.+ 23 Ho Baamrame, Baizehare, Bahebrone le Bauziele,+ 24 Shebuele mora oa Gershome mora oa Moshe e ne e le moeta-pele ea ikarabellang ka litoro. 25 Bana babo, bao e neng e le litloholo tsa Eliezere+ e ne e le Rehabia,+ Jeshaia, Jorame, Zikri le Shelomothe. 26 Shelomothe enoa le bana babo ba ne ba ikarabella ka matlotlo ’ohle a lintho+ tseo Morena Davida,+ lihlooho tsa malapa a bo-ntate,+ balaoli ba ba likete le ba ba makholo le balaoli ba sesole ba neng ba nehelane* ka tsona. 27 Ba ile ba nehelana* ka lintho tseo ba li fumaneng ntoeng+ le tseo ba li hapileng+ hore ba boloke ntlo ea Jehova e le boemong bo botle 28 le lintho tsohle tseo Samuele seboni,+ Saule mora oa Kishe, Abnere+ mora oa Nere le Joabe+ mora oa Tseruja+ ba nehelaneng* ka tsona. Ntho efe kapa efe eo motho a neng a nehelana* ka eona, e ne e behoa tlhokomelong ea Shelomithe le bana babo.

29 Ho Baizehare,+ Kenania le bara ba hae ba ile ba fuoa mesebetsi e ka ntle ho ntlo ea Molimo e le balaoli le baahloli+ ba Iseraele.

30 Ho Bahebrone,+ Hashabia le bana babo, banna ba nang le bokhoni ba 1 700, e ne e le baokameli ba mosebetsi Iseraele sebakeng se ka bophirimela sa Jordane bakeng sa mosebetsi oohle oa Jehova le bakeng sa tšebeletso ea morena. 31 Ho Bahebrone, Jerija+ e ne e le hlooho ea Bahebrone ho ea ka tatellano ea malapa a bo-ntate ba bona. Ka selemo sa bo40 sa puso ea Davida,+ ho ile ha batloa banna ba matla le ba nang le bokhoni ho Bahebrone ’me ba fumanoa Jazere+ e Gileade. 32 Bana babo e ne e le banna ba nang le bokhoni ba 2 700, e le lihlooho tsa malapa a bo-ntate ba bona. Morena Davida a ba beha hore ba okamele Barubene, Bagade le halofo ea leloko la Bamanase bakeng sa taba e ’ngoe le e ’ngoe ea Molimo oa ’nete le ea morena.

27 Ena ke palo ea Baiseraele, lihlooho tsa malapa a habo ntate, balaoli ba ba likete le ba ba makholo+ le balaoli ba bona ba neng ba sebeletsa morena+ tabeng e ’ngoe le e ’ngoe e amanang le lihlopha tse neng li chenchana* ka likhoeli selemo kaofela. Sehlopheng ka seng e ne e le ba 24 000.

2 Ea okametseng sehlopha sa pele sa khoeli ea pele e ne e le Jashobeame+ mora oa Zabdiele ’me sehlopheng sa hae ho e-na le ba 24 000. 3 Ho bara ba Pereze,+ ke eena eo e neng e le hlooho ea balaoli bohle ba lihlopha tse neng li abetsoe ho sebeletsa ka khoeli ea pele. 4 Ea okametseng sehlopha sa khoeli ea bobeli e ne e le Dodai+ oa Moakoki+ le sehlopha sa hae ’me Miklothe e le moeta-pele. Sehlopheng sa hae ho e-na le ba 24 000. 5 Mookameli oa sehlopha sa boraro se abetsoeng ho sebeletsa ka khoeli ea boraro e ne e le Benaia+ mora oa moprista e moholo Jehojada+ ’me sehlopheng sa hae ho e-na le ba 24 000. 6 Benaia enoa e ne e le monna ea matla ho ba 30 ’me a ba okametse. Mookameli oa sehlopha sa hae e ne e le mora oa hae Amizadabe. 7 Mookameli oa bone bakeng sa khoeli ea bone e ne e le Asahele+ ngoan’abo Joabe+ le mora oa hae Zebadia ka mor’a hae ’me sehlopheng sa hae ho e-na le ba 24 000. 8 Mookameli oa bohlano bakeng sa khoeli ea bohlano e ne e le Shamehuthe oa Moizrahia ’me sehlopheng sa hae ho e-na le ba 24 000. 9 Mookameli oa botšelela bakeng sa khoeli ea botšelela e ne e le Ira+ mora oa Ikeshe oa Motekooa+ ’me sehlopheng sa hae ho e-na le ba 24 000. 10 Mookameli oa bosupa bakeng sa khoeli ea bosupa e ne e le Heleze+ oa Mopelone oa Baefraime ’me sehlopheng sa hae ho e-na le ba 24 000. 11 Mookameli oa borobeli bakeng sa khoeli ea borobeli e ne e le Sibekai+ oa Mohushathe oa Bazera+ ’me sehlopheng sa hae ho e-na le ba 24 000. 12 Mookameli oa borobong bakeng sa khoeli ea borobong e ne e le Abi-ezere+ oa Moanathothe+ oa Babenjamine ’me sehlopheng sa hae ho e-na le ba 24 000. 13 Mookameli oa leshome bakeng sa khoeli ea leshome e ne e le Maharai+ oa Monetofa oa Bazera+ ’me sehlopheng sa hae ho e-na le ba 24 000. 14 Mookameli oa bo11 bakeng sa khoeli ea bo11 e ne e le Benaia+ oa Mopirathone oa bara ba Efraime ’me sehlopheng sa hae ho e-na le ba 24 000. 15 Mookameli oa bo12 bakeng sa khoeli ea bo12 e ne e le Heldai oa Monetofa oa Othniele ’me sehlopheng sa hae ho e-na le ba 24 000.

16 Bana e ne e le baeta-pele ba maloko a Iseraele: Ho Barubene moeta-pele e ne e le Eliezere mora oa Zikri, ho Basimeone e le Shefatia mora oa Maaka. 17 Ho Levi e le Hashabia mora oa Kemuele, ho Arone e le Tsadoke. 18 Ho Juda e le Elihu,+ e mong oa bana ba bo Davida, ho Isakare e le Omri mora oa Mikaele. 19 Ho Zabulone e le Ishmaia mora oa Obadia, ho Nefthali e le Jerimothe mora oa Azriele. 20 Ho Baefraime e le Hoshea mora oa Azazia, halofong ea leloko la Manase e le Joele mora oa Pedaia. 21 Halofong ea leloko la Manase e Gileade e le Ido mora oa Zakaria, ho Benjamine e le Jasiele mora oa Abnere.+ 22 Ho Dane e le Azarele mora oa Jerohame. Bana e ne e le likhosana tsa maloko a Iseraele.

23 Davida ha aa ka a bala ba lilemo li 20 ho ea tlase hobane Jehova o ne a tšepisitse ho etsa hore Baiseraele ba be bangata joaloka linaleli tsa maholimo.+ 24 Joabe mora oa Tseruja o ne a qalile ho bala batho empa ha aa ka a qeta. Molimo o ile a halefela Baiseraele* ka lebaka la sena+ ’me palo eo ha ea ka ea kenngoa tlalehong ea histori ea mehleng ea Morena Davida.

25 Ea hlokomelang matlotlo a morena+ e ne e le Azmavethe mora oa Adiele. Ea hlokomelang litoro* tse masimong, tse metseng, tse metsaneng le tse litoreng e le Jonathane mora oa Uzia. 26 Ea okametseng batho ba neng ba lema masimong e le Ezri mora oa Kelube. 27 Ea hlokomelang lirapa tsa morara e le Shimei oa Morama. Zabdi oa Moshefame o ne a hlokomela litoro tsa veine. 28 Ea hlokomelang meru ea mohloaare le lifate tsa sikamora+ tse Shefela+ e le Baale-hanane oa Mogedere. Joashe o ne a hlokomela litoro tsa oli. 29 Ea hlokomelang mehlape ea liphoofolo e neng e fula Sharone+ e le Shiterai oa Mosharone ’me ea hlokomelang mehlape e lithoteng e le Shafate mora oa Adlai. 30 Ea hlokomelang likamele e le Obile oa Moishmaele. Ea hlokomelang litonki* e le Jehdeia oa Momeronothe. 31 Ea hlokomelang mehlape ea linku le lipoli e le Jazize oa Mohagare. Bana bohle e ne e le bahlokomeli ba thepa ea Morena Davida.

32 Jonathane+ mochana oa Davida e ne e le moeletsi e le monna ea nang le kutloisiso ebile e le mongoli. Jehiele mora oa Hakmoni o ne a hlokomela bara ba morena.+ 33 Akitofele+ e ne e le moeletsi oa morena ’me Hushai+ oa Moareke e le motsoalle oa morena. 34 Ka mor’a Akitofele e ne e le Jehojada mora oa Benaia+ le Abiathare.+ Joabe+ e ne e le molaoli oa lebotho la sesole la morena.

28 Davida a bokella likhosana tsohle tsa Iseraele Jerusalema: Likhosana tsa maloko,+ balaoli ba lihlopha tse sebeletsang morena, balaoli ba ba likete le ba ba makholo,+ balaoli ba thepa eohle le liphoofolo tsohle tsa morena+ le bara ba hae+ hammoho le balaoli ba makhotla le banna bohle ba matla le ba nang le bokhoni.+ 2 Morena Davida a ema ’me a re:

“ ’Mameleng bana beso le sechaba sa ka. Ke ne ke lakalitse ho haha ntlo hore e be setuloana sa maoto sa Molimo oa rona le hore areka ea selekane sa Jehova e lule teng+ ’me ke lokisitse lintho hore e hahoe.+ 3 Empa Molimo oa ’nete o ile a re ho ’na, ‘U ke ke oa nkahela ntlo e tla tlisa thoriso lebitsong la ka+ hobane u loanne lintoa tse ngata ebile u bolaile batho ba bangata.’*+ 4 Leha ho le joalo, Jehova Molimo oa Iseraele o khethile ’na ho bohle ba lelapa la Ntate hore ke be morena oa Iseraele ka ho sa feleng.+ O khethile Juda hore e be moeta-pele,+ ho leloko la Juda a khetha lelapa la ntate oa ka,+ ho bara ba ntate oa ka a khetha ’na hore ke be morena oa Iseraele eohle.+ 5 Jehova o mphile bara ba bangata+ ’me ho bona kaofela a khetha Solomone+ hore a lule teroneng ea borena ea Jehova ’me a buse Iseraele.+

6 O ile a re ho ’na: ‘Mora oa hao Solomone ke eena ea tla haha ntlo ea ka le mabala a ka hobane ke khethile eena hore e be mora oa ka ’me ’na ke tla ba ntate oa hae.+ 7 Ke tla tiisa borena ba hae ka ho sa feleng+ haeba a ikemiselitse ho mamela litaelo tsa ka le melao ea ka+ joalokaha a ntse a etsa.’ 8 Ke bua ka pel’a Baiseraele bohle, phutheho ea Jehova le ka pel’a Molimo oa rona ke re: Batlang litaelo tsohle tsa Jehova Molimo oa lona ’me le mamele ka hloko e le hore le ka fumana naha e ntle+ ’me le e fetisetse ho bara ba lona hore e be lefa la bona ka ho sa feleng.

9 Solomone mora oa ka, tseba Molimo oa ntate oa hao ’me u mo sebeletse ka pelo eohle*+ u thabile* hobane Jehova o hlahloba lipelo tsohle+ ’me o khona ho bona lintho tsohle tseo motho a li nahanang.+ Haeba u mo batla, o tla etsa hore u mo fumane+ empa haeba u mo tlohela, o tla u lahla ka ho sa feleng.+ 10 Hlokomela hore Jehova o khethile uena hore u mo hahele ntlo e tla ba sebaka se halalelang. E-ba sebete ’me u sebetse.”

11 Davida a fa mora oa hae Solomone polane ea ho haha+ foranta+ le likamore tse fapaneng, ho akarelletsa le likamore tsa ho boloka thepa, likamore tse ka holimo, likamore tse ka hare le kamore ea ho tšoareloa libe.*+ 12 O ile a mo fa polane ea ho haha lintho tsohle tseo moea oa Molimo o ileng oa mo bontša tsona, polane ea ho haha mabala+ a ntlo ea Jehova, ea likamore tsohle tsa ho jela tse ka thoko, ea sebaka se bolokang matlotlo a ntlo ea Molimo oa ’nete le sa matlotlo a lintho tse nehetsoeng.*+ 13 Davida a boela a mo fa litaelo mabapi le lihlopha tsa baprista+ le tsa Balevi le mesebetsi eohle e etsoang ntlong ea Jehova le lintho tsohle tse sebelisoang ntlong ea Jehova. 14 A boela a mo bolella boima ba khauta e tla etsa lintho tsohle tsa khauta tse tla sebelisoa mesebetsing e fapaneng le boima ba silevera e tla etsa lintho tsohle tsa silevera tse tla sebelisoa mesebetsing e fapaneng. 15 A mo bolella le boima ba khauta+ e tla etsa mabone ’ohle a khauta le liluloana tsa ’ona, le boima ba silevera e tla etsa mabone ’ohle a silevera le liluloana tsa ’ona ho latela hore na li tla sebelisoa joang. 16 A mo bolella le boima ba khauta e tla etsa tafole e ’ngoe le e ’ngoe e tla beha bohobe*+ le boima ba silevera e tla etsa litafole tsa silevera, 17 khauta e hloekileng bakeng sa lifereko, likotlolo, lijeke le boima ba khauta e tla etsa likotlolo tsohle tse nyenyane tsa khauta+ le boima ba silevera e tla etsa likotlolo tsohle tse nyenyane tsa silevera. 18 A bolela le boima ba khauta e hloekileng e tla etsa aletare ea libano+ le e tla etsa likerubime+ tsa khauta tse emelang koloi ea Molimo+ tse phukalalitseng mapheo a tsona ho sireletsa areka ea selekane sa Jehova. 19 Davida a re: “Jehova o ile a ntataisa ’me a mpha bohlale ba hore ke ngole lintlha tsohle tsa polane ea ho haha.”+

20 Davida a re ho mora oa hae Solomone: “E-ba sebete, u be matla ’me u sebetse. U se ke oa tšoha kapa oa thothomela hobane Jehova Molimo oa ka o na le uena.+ A ke ke a u lahla kapa a u tlohela+ empa o tla ba le uena ho fihlela mosebetsi oohle oa ho haha ntlo ea Jehova o felile. 21 Lihlopha tsa baprista+ le tsa Balevi+ ke tsena bakeng sa mosebetsi oohle oa ntlo ea Molimo oa ’nete. U na le batho ba tsebang ho etsa mesebetsi ea mefuta eohle le ba ikemiselitseng ho u thusa+ le likhosana+ le batho bohle ba tla phetha litaelo tsohle tsa hao.”

29 Morena Davida a re ho phutheho eohle: “Mora oa ka Solomone eo Molimo a mo khethileng,+ o sa le mocha ebile ha a e-s’o tsebe lintho tse ngata+ ’me mosebetsi o mongata hobane tempele* ena ha se ea motho empa ke ea Jehova Molimo.+ 2 Ke sebelitse ka thata ho lokisa lintho bakeng sa ntlo ea Molimo oa ka, ka fana ka khauta bakeng sa mosebetsi oa khauta, silevera bakeng sa mosebetsi oa silevera, koporo bakeng sa mosebetsi oa koporo, tšepe bakeng sa mosebetsi oa tšepe,+ lifate+ bakeng sa mosebetsi oa lifate, majoe a onikse le majoe a tla hlongoa ka seretse, majoana a selika-likoe a mebala-bala, majoe a mefuta eohle a bohlokoa le majoe a alabastera a mangata haholo. 3 Kaha ke rata ntlo ea Molimo oa ka,+ ke boetse ke fana ka khauta le silevera ho tsoa matlotlong a ka+ bakeng sa ntlo ea Molimo oa ka holim’a lintho tsohle tseo ke li lokiselitseng ntlo e halalelang, 4 ke fana ka khauta ea boima ba lik’hilokramo tse ka holimonyana ho 100 000* e tsoang Ofire+ le silevera e hloekisitsoeng ea boima ba lik’hilokramo tse ka holimonyana ho 200 000* bakeng sa ho tlotsa mabota a likamore, 5 khauta bakeng sa mosebetsi oa khauta, silevera bakeng sa mosebetsi oa silevera le bakeng sa mosebetsi oohle o tla etsoa ke litsebi tsa mesebetsi. Ke mang ea ithaopelang ho fa Jehova mpho kajeno?”+

6 Likhosana tsa malapa, likhosana tsa maloko a Iseraele, balaoli ba ba likete le ba ba makholo+ le baokameli ba mesebetsi ea morena+ ba ithaopa. 7 Bakeng sa mosebetsi oa ntlo ea Molimo oa ’nete ba fana ka khauta ea boima ba lik’hilokramo tse ka holimonyana ho 170 000,* lichelete tsa khauta* tse 10 000, silevera ea boima ba lik’hilokramo tse ka holimonyana ho 340 000,* koporo ea boima ba lik’hilokramo tse ka holimonyana ho 600 000* le tšepe ea boima ba lik’hilokramo tse ka holimonyana ho limilione tse tharo.* 8 Mang kapa mang ea neng a e-na le majoe a bohlokoa o ile a fana ka ’ona letlotlong la ntlo ea Jehova, le neng le hlokomeloa ke Jehiele+ oa Mogershone.+ 9 Batho ba thaba haholo ka lebaka la ho ithaopela ho fana ka linyehelo tsena hobane ba ne ba ithaopetse ho fa Jehova linyehelo tseo ka lipelo tsa bona tsohle.+ Morena Davida le eena a thaba haholo.

10 Davida a rorisa Jehova ka pel’a phutheho eohle a re: “E se eka u ka rorisoa ka ho sa feleng, Jehova Molimo oa Iseraele ntate oa rona. 11 Uena Jehova, u moholo,+ u na le matla+ le bokhabane ebile oa hlompheha+ hobane lintho tsohle tse maholimong le tse lefatšeng ke tsa hao.+ Borena ke ba hao Jehova.+ Ke uena ea iphahamisang hore u be hlooho ka holim’a lintho tsohle. 12 Maruo le khanya li tsoa ho uena+ ’me u busa ntho e ’ngoe le e ’ngoe,+ matla le bonatla li ka letsohong la hao+ ’me letsoho la hao le khona ho etsa hore motho leha e le ofe a be moholo+ le ho fa batho bohle matla.+ 13 Molimo oa rona, rea u leboha ’me re rorisa lebitso la hao le hlollang.

14 ’Na le batho ba ka re ne re boetse re le bo-mang hore ebe re ithaopetse ho fana ka linyehelo ka tsela ee? Lintho tsohle li tsoa ho uena ’me re u file se tsoang letsohong la hao. 15 Re balichaba le baahi ba nakoana ka pel’a hao joaloka baholo-holo bohle ba rona.+ Matsatsi a rona lefatšeng a joaloka moriti,+ ha ho na tšepo ka oona. 16 Jehova Molimo oa rona, lintho* tsena tsohle tseo re li lokiselitseng ho u hahela ntlo e tla tlisa thoriso lebitsong la hao le halalelang, li tsoa letsohong la hao ’me kaofela ke tsa hao. 17 Molimo oa ka, kea tseba hore u hlahloba pelo+ ’me u khahlisoa ke ha motho a tšepahala.*+ Ke ithaopetse ho fana ka lintho tsena tsohle ho tsoa botebong ba pelo ea ka ’me ke thabetse ho bona batho ba hao ba teng mona ba ithaopela ho u etsetsa linyehelo. 18 Jehova Molimo oa Abrahama, Isaka le Iseraele e leng baholo-holo ba rona, thusa batho ba hao hore ba lule ba nahana le ho ikutloa ka tsela ena ka lipelong tsa bona ka ho sa feleng le hore ba u sebeletse ka lipelo tsohle tsa bona.+ 19 Etsa hore mora oa ka Solomone a batle ho u sebeletsa ka pelo eohle+ e le hore a mamele litaelo,+ likhopotso le melao ea hao ’me a etse lintho tsena tsohle a be a hahe tempele* ka lintho tseo ke li lokisitseng.”+

20 Davida a re ho phutheho eohle ea Baiseraele: “Rorisang Jehova Molimo oa lona.” Joale Baiseraele ba rorisa Jehova Molimo oa baholo-holo ba bona eaba ba khumama lifahleho tsa bona li shebile fatše ka pel’a Jehova le morena. 21 Ba ’na ba etsetsa Jehova mahlabelo le ho nyehela linyehelo tsa secheso+ ho Jehova le letsatsing le hlahlamang. Ba nyehela lipohoana tse 1 000, liramo tse 1 000, likonyana tse tona tse 1 000 hammoho le linyehelo tsa tsona tsa lino.+ Ba etsa mahlabelo a mangata haholo bakeng sa Baiseraele bohle.+ 22 Ba ’na ba ja le ho noa ka pel’a Jehova letsatsing leo ba thabile haholo.+ Ba etsa Solomone mora oa Davida morena ka lekhetlo la bobeli le ho mo tlotsa ka pel’a Jehova hore e be moeta-pele.+ Ba tlotsa le Tsadoke hore e be moprista.+ 23 Solomone a lula teroneng ea Jehova+ e le morena, a hlahlama ntate oa hae Davida. O ile a atleha ’me Baiseraele bohle ba ne ba mo mamela. 24 Likhosana tsohle,+ banna ba matla+ hammoho le bara bohle ba Morena Davida+ ba ile ba ikokobelletsa Morena Solomone. 25 Jehova a etsa hore Solomone a be matla ho feta Baiseraele bohle. A mo fa borena bo hlomphehang ho feta ba morena leha e le ofe ea kileng a busa Iseraele.+

26 Davida mora oa Jese a busa Iseraele eohle. 27 O busitse Iseraele ka lilemo tse 40. A busa Hebrone ka lilemo tse supileng+ ’me a busa Jerusalema ka lilemo tse 33.+ 28 A shoa a tsofetse,+ a khotsofetse hobane a phetse nako e telele a bile a khotsofaletse maruo le khanya. Mora oa hae Solomone ea e-ba morena ka mor’a hae.+ 29 Histori ea Morena Davida ho tloha qalong ho fihlela qetellong, e ngotsoe mangolong a Samuele seboni, moprofeta Nathane+ le Gade+ ea bonang lipono 30 hammoho le litaba tsohle tsa puso ea hae, matla a hae le lintho tsohle tse mo etsahalletseng le tse etsahetseng Iseraele le mebusong eohle e e potolohileng.