Liboka Tsa Tšebeletso Tsa December
TLHOKOMELISO: Tšebeletso ea Rōna ea ’Muso e tla ba le kemiso ea Seboka sa Tšebeletso bakeng sa beke e ’ngoe le e ’ngoe ka December. Liphutheho li ka etsa liphetoho tse hlokahalang bakeng sa ho fana ka nako ea ho ba teng Kopanong ea Setereke ea “Manģosa a Khotso ea Bomolimo” le ho ikhopotsa ka metsotso e 30 lintlha tsa sehlooho tsa lenaneo Sebokeng sa Tšebeletso bekeng e latelang. Ho ikhopotsa lintlha tsa letsatsi le letsatsi tsa lenaneo la kopano ea setereke ho lokela ho abeloa barab’abo rōna ba babeli kapa ba bararo ba tšoanelehang esale pele ba tla khona ho lebisa tlhokomelo lintlheng tse khōlō. Ho ikhopotsa lintlha hona ho lokiselitsoeng hantle ho tla thusa phutheho ho hopola lintlha tsa sehlooho tseo e ka itšebelisetsang tsona le ho li sebelisa tšimong. Litlhaloso tse tsoang ho bamameli le liphihlelo tse phetoang li lokela ho ba khutšoanyane ’me e be tse tobileng.
Beke e Qalang ka la 2 December
10 mets: Litsebiso tsa phutheho ka mongoli. Litsebiso tse khethiloeng ho Tšebeletso ea Rōna ea ’Muso. Hopotsa bahoeletsi bohle ho kopanela tšebeletsong ea tšimo mathoasong a khoeli. Ba tla beng ba le sieo kapa ba ile kopanong ea setereke bofelong ba khoeli ba lokela ho fana ka litlaleho tsa bona pele ba tsamaea. Hatella bohlokoa ba hore bohle ba fane ka litlaleho tsa bona khoeling ena.
15 mets: “Ke Mang ea Tla Mamela Molaetsa oa Rōna?” Lipotso le likarabo. Akarelletsa lintlha tse tsoang ho Awake! ea March 22, 1987, leqepheng la 5, mabapi le hore na ke hobane’ng ha molaetsa oa rōna e le o ipiletsang.
20 mets: “Lentsoe la Molimo le Fana ka Tataiso.” (Serapeng sa 1-6) Kenyelletsa karolo ena ka serapa 1-2. (Kopanyelletsa le buka ea Ho Bea Mabaka, leqepheng la 54-6, ’me u lokolise “Mabaka a ho hlahloba Bibele” a mane ka bokhutšoanyane.) E-re bahoeletsi ba nang le bokhoni ba etse pontšo ka linehelano tse khothalelitsoeng serapeng sa 3-6. Mema bamameli ho fana ka litlhaloso mabapi le (1) kamoo lipotso tse botsitsoeng li ileng tsa thusa ho tsosa thahasello, (2) kamoo mangolo a sebelisitsoeng a tšoanelang taba eo ho buisanoang ka eona, (3) kamoo puisano ea pele e ileng ea lateloa ka mokhoa o utloahalang ke leeto la ho boela, le (4) kamoo ho ileng ha khothalletsoa thuto.
Pina 75 le thapelo e koalang.
Beke e Qalang ka la 9 December
10 mets: Litsebiso tsa phutheho. Tlaleho ea lichelete. Bolela litokisetso tse khethehileng tsa tšebeletso ea tšimo ka la 16 December.
20 mets: “Na U Tlaleha Kamehla?” Puisano ka mongoli oa phutheho. Hatella tlhokahalo ea hore bohle ba tlalehe kamehla le kapele. Bakeng sa boitsebiso bo eketsehileng ka bohlokoa ba ho tlaleha, ka kōpo bona buka ea Ho Hlophisetsoa ho Phetha Tšebeletso ea Rōna, leqepheng la 106-109.
15 mets: “Lentsoe la Molimo le Fana ka Tataiso.” (Serapeng sa 7-9) Bua ka “Tlhoko ea Tataiso” ho Molula-Qhooa oa May 1, 1993, leqepheng la 3. Hlalosa hore na ke hobane’ng ha linehelano tsa rōna li lokela ho hatella bohlokoa ba ho batla thuso mohloling o phahameng haholoanyane—Molimo. E-re mohoeletsi a etse pontšo ka linehelano tse leng serapeng sa 7-8. Hatisa hore pakane ea rōna ke hore qetellong re qalise thuto ea Bibele ka buka ea Tsebo.
Pina 197 le thapelo e koalang.
Beke e Qalang ka la 16 December
10 mets: Litsebiso tsa phutheho. Fana ka litlhahiso tsa kamoo ho ka arabeloang ka bohlale kateng litumelisong tsa matsatsi a phomolo. Bolela litokisetso tse khethehileng bakeng sa tšebeletso ea tšimo ka la 25 le la 26 December.
15 mets: “Ho Ithaopa ka ho Rata.” Lipotso le likarabo. Akarelletsa le litlhaloso tse tsoang ho Molula-Qhooa oa November 15, 1984, leqepheng la 29.
20 mets: “Thabela Keketseho eo Molimo a Fanang ka Eona.” Puo e fanoang ka cheseho ke moholo. Bolela liphihlelo kapa bopaki ba keketseho linaheng tse boletsoeng ho li-Yearbook tsa morao-rao.
Pina 41 le thapelo e koalang.
Beke e Qalang ka la 23 December
10 mets: Litsebiso tsa phutheho. Bontša tse ling tsa lintlha tsa puisano limakasineng tsa morao-rao tse ka sebelisoang tšebeletsong bekeng ena. Bolela litokisetso tse khethehileng tsa tšebeletso ea tšimo ka la 1 January.
15 mets: Litlhoko tsa phutheho. Kapa moholo a ka fana ka puo sehloohong “Ho Tlohela Mosebetsi—Na ke Monyako o Bulehelang Tšebetso ea Puso ea Molimo?” se tsoang ho Molula-Qhooa oa July 15, 1996, leqepheng la 24-5.—Bona Insight, Moqolo 2, leqepheng la 794, serapeng sa 2-3.
20 mets: “Ho Ngolisa Sekolong sa Tšebeletso sa Puso ea Molimo.” Puo ka molebeli oa sekolo. Bolela palo ea ba ngolisitseng phuthehong ’me u khothalletse bohle ba ka khonang ho ngolisa. Hlahloba litaelo bakeng sa likabelo tsa liithuti tse fanoeng ho “Kemiso ea Sekolo sa Tšebeletso sa Puso ea Molimo Bakeng sa 1997.”
Pina 166 le thapelo e koalang.
Beke e Qalang ka la 30 December
10 mets: Litsebiso tsa phutheho. Haeba phutheho ea lōna e lokela ho fetola linako tsa liboka selemong se secha, fana ka khothatso e mosa e phehellang bohle ho etsa liphetoho tse hlokahalang le ho ba teng kamehla libokeng tsa phutheho linakong tsena tse ncha.
15 mets: Ho Thusa ba Hōlileng ho Kopanela Tšebeletsong. Bahoeletsi ba bangata ba hōlileng ba tšepahalang ba na le takatso e matla ea ho kopanela boboleling hammoho le phutheho, empa ba na le mefokolo ’meleng ka lebaka la botsofali le ho haelloa ke bophelo. Ho na le litsela tseo ka tsona re ka ba bontšang ho nahanela e le hore re ka ba akarelletsa sehlopheng se eang tšebeletsong: Ithaopele ho nehelana ka sepalangoang; lokisetsa hore ba sebetse matlo a nang le litepisi tse ’maloa tseo ho hlokahalang hore ba li hloe; emisa koloi haufi le sebaka seo ba se sebetsang e le hore ba ka phomola ka koloing ha ba khathala; ithaopele ho ba isa maetong a bona a ho boela; ba bolelle hore u tla ba khutlisetsa lapeng nakong eo ba ikutloang hore ha ba sa khona ho tsoela pele. Ba hōlileng ba leboha thuso eo ba e fuoang. Bolela litsela tse ling tseo ka tsona ho ka bontšoang ho nahanela ho joalo phuthehong ea lōna. Hlahloba lintlha tse khōlō sehloohong “Re Ananela ba Hōlileng!” ho Molula-Qhooa oa February 1, 1986, leqepheng la 28-9.
20 mets: Hlahloba Lingoliloeng Tseo ho Tla Nehelanoa ka Tsona ka January. Nehelana ka buka ea Khotso ea ’Nete le Tšireletseho—U ka li Fumana Joang? U sebelisa buka ea Ho Bea Mabaka, leqepheng la 9-14, ka bokhutšoanyane hlahloba likenyelletso tse loketseng bakeng sa ho nehelana ka buka eo. Etsa pontšo ka nehelano e le ’ngoe kapa tse peli.
Pina 137 le thapelo e koalang.