Zaburi

140 Uniokoe, Ee Yehova, kutoka kwa watu wabaya;+

Unilinde na mtu mwenye matendo ya jeuri,+

 2 Wale ambao wamepanga mambo mabaya moyoni mwao,+

Ambao mchana kutwa wanaendelea kushambulia kama katika vita.+

 3 Wameunoa ulimi wao kama ule wa nyoka;+

Sumu ya kipiri-pembe iko chini ya midomo yao.+ Sela.

 4 Unilinde, Ee Yehova, na mikono ya mwovu;+

Unilinde na mtu mwenye matendo ya jeuri,+

Wale ambao wamepanga hila ya kuzisukuma hatua zangu.+

 5 Waliojiinua wenyewe wameficha mtego kwa ajili yangu;+

Nao wamezitandika kamba kama wavu kando ya njia.+

Wametega minaso kwa ajili yangu.+ Sela.

 6 Nimemwambia Yehova: “Wewe ni Mungu wangu.+

Utege sikio, Ee Yehova, usikie sauti ya kusihi kwangu.”+

 7 Ee Yehova Bwana Mwenye Enzi Kuu,+ nguvu za wokovu wangu,+

Umekinga kichwa changu katika siku ya jeshi lenye silaha.+

 8 Ee Yehova, usimpe mwovu tamaa zake.+

Usiunge mkono hila yake, ili wasipate kuinuliwa.+ Sela.

 9 Navyo vichwa vya wale wanaonizunguka,+

Taabu ya midomo yao wenyewe na ivifunike.+

10 Makaa yanayowaka moto na yaangushwe juu yao.+

Na waangushwe motoni,+ ndani ya mashimo yenye maji, ili wasipate kusimama.+

11 Yule mwenye kuongea makuu—na asifanywe imara duniani.+

Mtu wa jeuri—uovu na umwinde kwa mapigo yenye kurudiwa.+

12 Najua vema kwamba Yehova atatimiza+

Dai halali la mwenye kuteseka, hukumu ya maskini.+

13 Hakika waadilifu watalishukuru jina lako;+

Wanyoofu watakaa mbele za uso wako.+