Zaburi

88 Ee Yehova, Mungu wa wokovu wangu,+

Wakati wa mchana nimepaaza kilio,+

Usiku pia, mbele zako.+

 2 Sala yangu itakuja mbele zako.+

Utege sikio lako kwa kilio changu cha kusihi.+

 3 Kwa maana nafsi yangu imepata misiba ya kutosha,+

Na maisha yangu yamekaribiana na Kaburi.*+

 4 Nimehesabiwa katikati ya wale wanaoshuka kuingia shimoni;+

Nimekuwa kama mwanamume ambaye hana nguvu,+

 5 Aliyewekwa huru katikati ya wafu,+

Kama waliouawa ambao wanalala kaburini,+

Ambao huwakumbuki tena

Na ambao wametenganishwa na mkono wako wenye kusaidia.+

 6 Umeniweka katika shimo lililo katika vina vya chini kabisa,

Katika mahali penye giza, katika abiso kubwa.+

 7 Ghadhabu yako imejitupa juu yangu,+

Nawe umenitesa kwa mashuu yako yote.+ Sela.

 8 Umewaweka rafiki zangu mbali nami;+

Umeniweka kuwa kama kitu chenye kuchukiza sana kwao.+

Niko chini ya kizuizi wala siwezi kwenda.+

 9 Jicho langu mwenyewe limedhoofika kwa sababu ya mateso yangu.+

Nimekuitia wewe, Ee Yehova, mchana kutwa;+

Nimekunyooshea mikono yangu.+

10 Je, utawafanyia wale waliokufa jambo la ajabu?+

Au je, wale wasiojiweza katika kifo watasimama,+

Je, watakusifu wewe?+ Sela.

11 Je, fadhili zako zenye upendo zitatangazwa katika kaburi,

Na uaminifu wako katika mahali pa maangamizi?+

12 Je, jambo lako la ajabu litajulikana katika giza,+

Au uadilifu wako katika nchi ya usahaulifu?+

13 Na bado wewe, Ee Yehova, nimekulilia unisaidie,+

Na asubuhi sala yangu inaendelea kukuelekea.+

14 Kwa nini, Ee Yehova, unaitupilia mbali nafsi yangu?+

Kwa nini unauficha uso wako mbali nami?+

15 Ninateseka nami niko karibu kukata pumzi tangu uvulana;+

Nimevumilia sana vitu vyenye kuogopesha kutoka kwako.+

16 Miwako ya hasira yako inayowaka imepita juu yangu;+

Vitisho kutoka kwako mwenyewe vimeninyamazisha.+

17 Vimenizunguka kama maji mchana kutwa;+

Vyote vimenizingira kwa wakati mmoja.

18 Rafiki na mwenzangu umewaweka mbali nami;+

Mahali penye giza ndipo rafiki zangu.+