Ɔsɛnkafoɔ

5 Sɛ wokɔ nokorɛ Nyankopɔn fie a, hwɛ w’anammɔn yie;+ kɔ na kɔyɛ aso tie.+ Ɛno yɛ sene nkwaseafoɔ afɔrebɔ,+ ɛfiri sɛ wɔn deɛ, wɔnnim sɛ wɔreyɛ bɔne.+

2 Mma w’ano mmpere wo; na w’akoma+ nso, mma no mmpere ne ho nnka asɛm bi nokorɛ Nyankopɔn anim.+ Nokorɛ Nyankopɔn wɔ soro,+ na wo deɛ, asase so na wowɔ. Ɛno nti na ɛsɛ sɛ wo nsɛm yɛ kakraa bi no.+ 3 Nneɛma a nnipa dwene ho pii na ɛde adaeɛso ba,+ na nsɛm bebrebe na ɛma wɔte ɔkwasea nne.+ 4 Sɛ wohyɛ Onyankopɔn bɔ a, ntwentwɛn wo nan ase sɛ wobɛtua,+ ɛfiri sɛ n’ani nnye nkwaseafoɔ ho.+ Deɛ woahyɛ ho bɔ no, tua.+ 5 Ɛyɛ sɛ worenhyɛ bɔ+ sene sɛ wobɛhyɛ bɔ na wontua.+ 6 Mma w’ano nnnyegye wo honam nnkɔ bɔne mu,+ na nka no ɔbɔfoɔ+ no anim sɛ ɛyɛ mfomsoɔ.+ Adɛn nti na wo nne nti ɛsɛ sɛ nokorɛ Nyankopɔn bo fuo na ɔsɛe wo nsa ano adwuma?+ 7 Nneɛma a nnipa dwene ho pii na ɛde adaeɛso+ ne ahuhudeɛ ne kasa dodoɔ ba. Nanso nokorɛ Nyankopɔn na suro no.+

8 Sɛ wohunu sɛ obi hyɛ ohiani so na ɔde atirimuɔden kyea n’atemmuo+ wɔ asase bi so a, mma no nnyɛ wo nwanwa;+ wɔn a wɔkorɔn no, deɛ ɔyɛ kɛseɛ sene wɔn+ rehwɛ wɔn,+ na wɔn a wɔkorɔn no, ebinom nso wɔ hɔ a wɔkorɔn sene wɔn.

9 Bio nso asase so aba wɔ hɔ ma nnipa nyinaa;+ ɔhene nso, wɔde asase so nnɔbaeɛ kɔma no.+

10 Deɛ ɔpɛ dwetɛ no, dwetɛ mmee no, na deɛ ɔpɛ adedodoɔ nso, ahonyadeɛ mmee no.+ Yei nso yɛ ahuhudeɛ.+

11 Sɛ nneɛma pa dɔɔso a, wɔn a wɔdie nso dɔɔso.+ Na mfasoɔ bɛn na ɛwɔ so ma ne wura sɛ́ n’ani kɛkɛ a ɔde bɛhwɛ?+

12 Sɛ ɔsomfoɔ didi kakraa bi oo, sɛ ɔdidi pii oo, ne nna yɛ no dɛ;+ na ɔdefoɔ adedodoɔ mma no ntumi nna.

13 Ɔbrɛ hunu kɛseɛ bi wɔ hɔ a mahunu no owia ase: wɔboaboa ahonyadeɛ ano ma ne wura ma no dane ɔbrɛ hunu ma no.+ 14 Ɔbrɛ hunu nti saa ahonyadeɛ no yera,+ na berɛ a ɔnni hwee wɔ ne nsam no na ɔwo ɔba.+

15 Sɛdeɛ onipa de adagya firi ne maame yam baeɛ no, saa ara na ɔbɛsan akorɔ;+ na ɔrentumi mfa adwuma a ɔbrɛ yɛeɛ no mu biribiara nkura nkɔ.+

16 Yei nso yɛ ɔbrɛ hunu kɛseɛ: sɛdeɛ onipa baeɛ no, saa ara na ɔbɛsan akorɔ; na mfasoɔ bɛn na ɛwɔ hɔ ma deɛ ɔbrɛ yɛ adwuma gu mframa mu?+ 17 Ne nna nyinaa nso, esum mu na ɔdidie, na n’ahoyera ne ne yareɛ ne n’abufuo dɔɔso.+

18 Hwɛ! adeɛ a mahunu sɛ ɛyɛ na ɛyɛ fɛ onipa nkwa nna dodoɔ a nokorɛ Nyankopɔn de ama no mu ne sɛ ɔbɛdidie, na wanom, na wahunu adepa, ne brɛ a ɔbrɛ owia ase nyinaa mu;+ yei ne ne kyɛfa. 19 Onipa biara a nokorɛ Nyankopɔn ama no sika ne ahonyadeɛ no,+ wama no tumi sɛ ɔnni bi+ na ɔmmoaboa ne kyɛfa ano na n’ani nnye adwuma a wabrɛ ayɛ no mu.+ Onyankopɔn akyɛdeɛ ne no.+ 20 N’adwene renkɔ ne nkwa nna so pii, ɛfiri sɛ nokorɛ Nyankopɔn de ahyɛ n’adwenem sɛ n’ani nnye n’akomam.+