Sáàmù
118 Ẹ fi ọpẹ́ fún Jèhófà, nítorí ó jẹ́ ẹni rere;+
Ìfẹ́ rẹ̀ tí kì í yẹ̀ wà títí láé.
2 Kí Ísírẹ́lì sọ pé:
“Ìfẹ́ rẹ̀ tí kì í yẹ̀ wà títí láé.”
3 Kí àwọn ará ilé Áárónì sọ pé:
“Ìfẹ́ rẹ̀ tí kì í yẹ̀ wà títí láé.”
4 Kí àwọn tó ń bẹ̀rù Jèhófà sọ pé:
“Ìfẹ́ rẹ̀ tí kì í yẹ̀ wà títí láé.”
6 Jèhófà wà lẹ́yìn mi; mi ò ní bẹ̀rù.+
Kí ni èèyàn lè fi mí ṣe?+
8 Ó sàn láti fi Jèhófà ṣe ibi ààbò
Ju láti gbẹ́kẹ̀ lé èèyàn.+
9 Ó sàn láti fi Jèhófà ṣe ibi ààbò
Ju láti gbẹ́kẹ̀ lé àwọn olórí.+
11 Wọ́n yí mi ká, bẹ́ẹ̀ ni, wọ́n yí mi ká pátápátá,
Àmọ́ ní orúkọ Jèhófà,
Mo lé wọn sẹ́yìn.
12 Wọ́n yí mi ká bí oyin,
Àmọ́ wọ́n kú kíákíá bí iná ẹ̀gún.
Ní orúkọ Jèhófà,
Mo lé wọn sẹ́yìn.+
13 Wọ́n* fi agbára tì mí kí n lè ṣubú,
Àmọ́ Jèhófà ràn mí lọ́wọ́.
14 Jáà ni ibi ààbò mi àti agbára mi,
Ó sì ti di ìgbàlà mi.+
15 Ìró ayọ̀ àti ti ìgbàlà*
Wà ní àgọ́ àwọn olódodo.
Ọwọ́ ọ̀tún Jèhófà ń fi agbára rẹ̀ hàn.+
16 Ọwọ́ ọ̀tún Jèhófà ń ṣẹ́gun;
Ọwọ́ ọ̀tún Jèhófà ń fi agbára rẹ̀ hàn.+
17 Mi ò ní kú, ṣe ni màá wà láàyè,
Kí n lè máa kéde àwọn iṣẹ́ Jáà.+
19 Ẹ ṣí àwọn ẹnubodè òdodo fún mi;+
Màá wọ inú wọn, màá sì yin Jáà.
20 Ẹnubodè Jèhófà nìyí.
Olódodo yóò gba ibẹ̀ wọlé.+
21 Màá yìn ọ́, nítorí o dá mi lóhùn,+
O sì di ìgbàlà mi.
24 Ọjọ́ tí Jèhófà dá nìyí;
Inú wa yóò máa dùn, a ó sì máa yọ̀ nínú rẹ̀.
25 Jèhófà, a bẹ̀ ọ́, jọ̀wọ́ gbà wá!
Jèhófà, jọ̀wọ́ fún wa ní ìṣẹ́gun!
27 Jèhófà ni Ọlọ́run;
Ó ń fún wa ní ìmọ́lẹ̀.+
Ẹ já ewé dání, kí ẹ sì dara pọ̀ mọ́ àwọn tó ń kọ́wọ̀ọ́ rìn lọ síbi àjọyọ̀,+
Títí dé ibi àwọn ìwo pẹpẹ.+
28 Ìwọ ni Ọlọ́run mi, màá yìn ọ́;
Ìwọ Ọlọ́run mi, màá gbé ọ ga.+