Àìsáyà

43 Ohun tí Jèhófà wá sọ nìyí,

Ẹlẹ́dàá rẹ, ìwọ Jékọ́bù, Ẹni tó dá ọ, ìwọ Ísírẹ́lì:+

 2 Tí o bá gba inú omi kọjá, màá wà pẹ̀lú rẹ,+

Tí o bá sì gba inú odò kọjá, kò ní kún bò ọ́.+

Tí o bá rin inú iná kọjá, kò ní jó ọ,

Ọwọ́ iná ò sì ní rà ọ́.

 3 Torí èmi ni Jèhófà Ọlọ́run rẹ,

Ẹni Mímọ́ Ísírẹ́lì, Olùgbàlà rẹ.

Mo ti fi Íjíbítì ṣe ìràpadà fún ọ,

Mo sì ti fi Etiópíà àti Sébà dípò rẹ.

 4 Torí o ti wá ṣeyebíye ní ojú mi,+

A dá ọ lọ́lá, mo sì nífẹ̀ẹ́ rẹ.+

Torí náà, màá fi àwọn èèyàn rọ́pò rẹ,

Màá sì fi àwọn orílẹ̀-èdè dípò ẹ̀mí* rẹ.

Màá mú ọmọ* rẹ wá láti ìlà oòrùn,

Màá sì kó ọ jọ láti ìwọ̀ oòrùn.+

Mú àwọn ọmọkùnrin mi wá láti ọ̀nà jíjìn àti àwọn ọmọbìnrin mi láti àwọn ìkángun ayé,+

 7 Gbogbo ẹni tí wọ́n ń fi orúkọ mi pè,+

Tí mo sì dá fún ògo mi,

Tí mo ṣẹ̀dá, tí mo sì ṣe.’+

 8 Mú àwọn èèyàn tó fọ́jú jáde, bí wọ́n tiẹ̀ ní ojú,

Àwọn tó jẹ́ adití, bí wọ́n tiẹ̀ ní etí.+

 9 Kí gbogbo orílẹ̀-èdè pé jọ síbì kan,

Kí àwọn èèyàn sì kóra jọ.+

Kí wọ́n mú àwọn ẹlẹ́rìí wọn wá, kí wọ́n lè fi hàn pé àwọn jàre,

Tàbí kí wọ́n gbọ́, kí wọ́n sì sọ pé, ‘Òótọ́ ni!’”+

10 “Ẹ̀yin ni ẹlẹ́rìí mi,”+ ni Jèhófà wí,

“Àní ìránṣẹ́ mi tí mo ti yàn,+

Kí ẹ lè mọ̀, kí ẹ sì ní ìgbàgbọ́ nínú mi,*

Kó sì yé yín pé Ẹnì kan náà ni mí.+

Ṣáájú mi, kò sí Ọlọ́run tí a dá,

Lẹ́yìn mi, kò sí ìkankan.+

12 “Èmi ni Ẹni tó kéde, tó gbani là, tó sì mú kó di mímọ̀,

Nígbà tí kò sí ọlọ́run àjèjì kankan láàárín yín.+

13 Bákan náà, Ẹnì kan náà ni mí+ nígbà gbogbo;

Kò sì sí ẹni tó lè já ohunkóhun gbà kúrò lọ́wọ́ mi.+

“Nítorí yín, màá ránṣẹ́ sí Bábílónì, màá sì gé gbogbo ọ̀pá ìdábùú ẹnubodè lulẹ̀,+

Àwọn ará Kálídíà sì máa ké jáde nínú ìdààmú, nínú àwọn ọkọ̀ òkun wọn.+

16 Ohun tí Jèhófà sọ nìyí,

Ẹni tó ń la ọ̀nà gba inú òkun,

Tó sì ń la ọ̀nà gba inú omi tó ń ru gùdù,+

17 Ẹni tó ń fa kẹ̀kẹ́ ogun àti ẹṣin jáde,+

Àwọn ọmọ ogun pẹ̀lú àwọn jagunjagun tó lákíkanjú:

18 “Ẹ má ṣe rántí àwọn ohun àtijọ́,

Ẹ má sì máa ronú nípa ohun tó ti kọjá.

19 Ẹ wò ó! Mò ń ṣe ohun tuntun;+

Kódà, ní báyìí, ó ti ń rú yọ.

Màá la ọ̀nà kan gba inú aginjù,+

Màá sì mú kí odò gba inú aṣálẹ̀.+

20 Ẹran igbó máa bọlá fún mi,

Àwọn ajáko* àti ògòǹgò,

Torí mo pèsè omi ní aginjù,

Odò ní aṣálẹ̀,+

Fún àwọn èèyàn mi, àwọn àyànfẹ́ mi,+ kí wọ́n lè mu,

21 Àwọn èèyàn tí mo dá fún ara mi,

Kí wọ́n lè kéde ìyìn mi.+

22 Àmọ́ o ò ké pè mí, ìwọ Jékọ́bù,+

Torí ọ̀rọ̀ mi ti sú ọ, ìwọ Ísírẹ́lì.+

23 O ò mú àgùntàn wá fún mi láti fi rú àwọn odindi ẹbọ sísun rẹ,

O ò sì fi àwọn ẹbọ rẹ yìn mí lógo.

Mi ò fi dandan mú ọ pé kí o mú ẹ̀bùn wá fún mi,

Mi ò sì fi oje igi tùràrí tí mo ní kí o mú wá dá ọ lágara.+

24 O ò fi owó rẹ ra pòròpórò olóòórùn dídùn* fún mi,

O ò sì fi ọ̀rá àwọn ẹbọ rẹ tẹ́ mi lọ́rùn.+

Dípò ìyẹn, ṣe lo fi àwọn ẹ̀ṣẹ̀ rẹ di ẹrù wọ̀ mí lọ́rùn,

O sì fi àwọn àṣìṣe rẹ tán mi lókun.+

25 Èmi, àní èmi ni Ẹni tó ń nu àwọn àṣìṣe* rẹ+ kúrò nítorí tèmi,+

Mi ò sì ní rántí àwọn ẹ̀ṣẹ̀ rẹ.+

26 Rán mi létí; jẹ́ ká gbé ẹjọ́ wa wá;

Ro ẹjọ́ rẹ, kí o lè fi hàn pé o jàre.

27 Baba ńlá rẹ àkọ́kọ́ ṣẹ̀,

Àwọn agbẹnusọ* rẹ sì ti ṣọ̀tẹ̀ sí mi.+

28 Torí náà, màá sọ àwọn ìjòyè ibi mímọ́ di aláìmọ́,

Màá mú kí wọ́n pa Jékọ́bù run,

Màá sì mú kí wọ́n sọ̀rọ̀ èébú sí Ísírẹ́lì.+