Àìsáyà

45 Ohun tí Jèhófà sọ fún ẹni tó yàn nìyí, fún Kírúsì,+

Ẹni tí mo di ọwọ́ ọ̀tún rẹ̀ mú,+

Láti tẹ àwọn orílẹ̀-èdè lórí ba níwájú rẹ̀,+

Láti gba ohun ìjà* àwọn ọba,

Láti ṣí àwọn ilẹ̀kùn aláwẹ́ méjì níwájú rẹ̀,

Kí wọ́n má sì ti àwọn ẹnubodè:

 2 “Màá lọ níwájú rẹ,+

Màá sì mú kí àwọn òkè di ilẹ̀ tó tẹ́jú.

Màá fọ́ àwọn ilẹ̀kùn bàbà sí wẹ́wẹ́,

Màá sì gé àwọn ọ̀pá irin lulẹ̀.+

 3 Màá fún ọ ní àwọn ìṣúra tó wà nínú òkùnkùn

Àti àwọn ìṣúra tó pa mọ́ láwọn ibi tí kò hàn síta,+

Kí o lè mọ̀ pé èmi ni Jèhófà,

Ọlọ́run Ísírẹ́lì, ẹni tó ń fi orúkọ rẹ pè ọ́.+

 4 Torí ìránṣẹ́ mi Jékọ́bù àti Ísírẹ́lì àyànfẹ́ mi,

Màá fi orúkọ rẹ pè ọ́.

Màá fún ọ lókun,* bó ò tiẹ̀ mọ̀ mí,

 6 Kí àwọn èèyàn lè mọ̀,

Láti ibi tí oòrùn ti ń yọ, dé ibi tó ti ń wọ̀*

Pé kò sí ẹnì kankan yàtọ̀ sí mi.+

 7 Mo dá ìmọ́lẹ̀,+ mo sì ṣe òkùnkùn,+

Mo dá àlàáfíà,+ mo sì ṣe àjálù;+

Èmi Jèhófà ni mò ń ṣe gbogbo nǹkan yìí.

 8 Ẹ̀yin ọ̀run, ẹ rọ òjò sílẹ̀ látòkè;+

Kí ojú ọ̀run rọ òdodo sílẹ̀.

Kí ilẹ̀ lanu, kó sì so èso ìgbàlà,

Kó mú kí òdodo rú yọ lẹ́ẹ̀kan náà.+

 9 Ó mà ṣe fún ẹni tó ń bá Aṣẹ̀dá rẹ̀* fa nǹkan* o,

Torí ó dà bí àfọ́kù ìkòkò lásán

Láàárín àwọn àfọ́kù ìkòkò míì tó wà nílẹ̀!

10 Ó mà ṣe o, fún ẹni tó ń sọ fún bàbá pé: “Kí lo bí?”

Àti fún obìnrin pé: “Kí lo fẹ́ bí?”*

“Ṣé o máa bi mí nípa àwọn ohun tó ń bọ̀ ni,

Kí o sì pàṣẹ fún mi nípa àwọn ọmọ mi+ àti àwọn iṣẹ́ ọwọ́ mi?

Ọwọ́ ara mi ni mo fi na ọ̀run,+

Mo sì ń pàṣẹ fún gbogbo ọmọ ogun wọn.”+

13 “Mo ti gbé ẹnì kan dìde nínú òdodo,+

Màá sì mú kí gbogbo ọ̀nà rẹ̀ tọ́.

Òun ló máa kọ́ ìlú mi,+

Tó sì máa dá àwọn ìgbèkùn mi sílẹ̀ lọ́fẹ̀ẹ́ + tàbí láìgba àbẹ̀tẹ́lẹ̀,”+ ni Jèhófà Ọlọ́run àwọn ọmọ ogun wí.

“Èrè* Íjíbítì àti ọjà* Etiópíà àtàwọn Sábéà, àwọn tó ga,

Máa wá bá ọ, wọ́n á sì di tìrẹ.

Wọ́n á máa rìn lẹ́yìn rẹ, pẹ̀lú ṣẹkẹ́ṣẹkẹ̀ tí wọ́n fi dè wọ́n,

Wọ́n á wá bá ọ, wọ́n á sì tẹrí ba fún ọ.+

Wọ́n á gbàdúrà, wọ́n á sọ fún ọ pé, ‘Ó dájú pé Ọlọ́run wà pẹ̀lú rẹ,+

Kò sì sí ẹlòmíì; kò sí Ọlọ́run míì.’”

15 Lóòótọ́, Ọlọ́run tó ń fi ara rẹ̀ pa mọ́ ni ọ́,

Ìwọ Ọlọ́run Ísírẹ́lì, Olùgbàlà.+

16 Ojú máa ti gbogbo wọn, wọ́n sì máa tẹ́;

Ìtìjú ni gbogbo àwọn tó ń ṣe ère máa bá kúrò.+

18 Torí ohun tí Jèhófà sọ nìyí,

Ẹlẹ́dàá ọ̀run,+ Ọlọ́run tòótọ́,

Ẹni tó dá ayé, Aṣẹ̀dá rẹ̀ tó fìdí rẹ̀ múlẹ̀ gbọn-in,+

Ẹni tí kò kàn dá a lásán,* àmọ́ tó dá a ká lè máa gbé inú rẹ̀:+

19 Mi ò sọ̀rọ̀ ní ibi tó pa mọ́,+ ní ilẹ̀ tó ṣókùnkùn;

Mi ò sọ fún ọmọ* Jékọ́bù pé,

‘Ẹ kàn máa wá mi lásán.’*

Wọn ò mọ nǹkan kan, àwọn tó ń gbé ère gbígbẹ́ kiri,

Tí wọ́n sì ń gbàdúrà sí ọlọ́run tí kò lè gbà wọ́n.+

Ta ló ti sọ èyí tipẹ́tipẹ́,

Tó sì kéde rẹ̀ láti ìgbà àtijọ́?

Kò sí Ọlọ́run míì, àfi èmi;

Ọlọ́run òdodo àti Olùgbàlà,+ kò sí ẹlòmíì yàtọ̀ sí mi.+

23 Mo ti fi ara mi búra;

Ọ̀rọ̀ ti jáde lẹ́nu mi nínú òdodo,

Kò sì ní pa dà:+

Gbogbo eékún máa tẹ̀ ba fún mi,

Gbogbo ahọ́n máa búra láti dúró ṣinṣin,+

24 Wọ́n á sì sọ pé, ‘Ó dájú pé inú Jèhófà ni òdodo tòótọ́ àti okun wà.

25 Gbogbo ọmọ* Ísírẹ́lì máa fi hàn pé àwọn ṣe ohun tó tọ́ nínú Jèhófà,+

Òun ni wọ́n á sì máa fi yangàn.’”