યશાયા

અને અંજીરી પરથી ચીમળાયેલું અંજીર નીચે પડે,

તેમ તેઓનું સૈન્ય સુકાઈ જશે.

જે લોકોનો વિનાશ કરવાનું મેં નક્કી કર્યું છે,

એ અદોમ પર મારો ન્યાયચુકાદો લાવવા તલવાર ઊતરી આવશે.+

એના પર ચરબીનાં થર જામશે,+

એ નર ઘેટાઓ અને બકરાઓના લોહીથી તરબોળ થશે,

નર ઘેટાઓનાં મૂત્રપિંડની ચરબીથી લથપથ થશે.

યહોવા બોસરાહમાં બલિદાનો તૈયાર કરે છે,

અદોમના દેશમાં તે મોટી કતલ ચલાવે છે.+

 ૭ શક્તિશાળી લોકો સાથે આખલાઓ મરશે,

તેઓ સાથે જંગલી આખલાઓ પણ મરશે.

તેઓનો દેશ લોહીથી તરબોળ થઈ જશે,

તેઓની ધૂળ ચરબીથી લથપથ થઈ જશે.”

 ૮ યહોવા માટે એ વેર વાળવાનો દિવસ છે,+

સિયોન માટે મુકદ્દમો લડીને બદલો લેવાનું એ વર્ષ છે.+

 ૯ એ શહેરનાં* ઝરણાં ડામર બની જશે

અને એની ધૂળ ગંધક બની જશે.

ઈશ્વર એ દેશને માપદોરીથી ને ઓળંબાથી માપશે

અને બતાવશે કે એ ખાલી તથા વેરાન બની જશે.

૧૨ એના કોઈ રાજવીને રાજસત્તા મળશે નહિ,

એના બધા અધિકારીઓનો અંત આવશે.

૧૩ એના ગઢોમાં કાંટા

અને કિલ્લાઓમાં કુવેચ* ને ઝાડી-ઝાંખરાં ઊગી નીકળશે.

એ શિયાળોનું રહેઠાણ+

અને શાહમૃગોનો વાડો બની જશે.

૧૫ ઊડતા સાપ ત્યાં પોતાનાં દર બનાવશે અને ઈંડાં મૂકશે,

એને એ સેવશે અને પોતાની છાયામાં તેઓનું રક્ષણ કરશે.

તેઓમાંનું એકેય બાકી રહી જશે નહિ,

કોઈ પોતાના સાથી વગરનું નહિ હોય.

યહોવાએ પોતે હુકમ આપ્યો છે,

તેમણે પોતાની શક્તિથી તેઓને ભેગાં કર્યાં છે.

૧૭ ઈશ્વરે પોતે તેઓનો હિસ્સો નક્કી કર્યો છે,

તેમના હાથે તેઓની જગ્યા માપી આપી છે.*

તેઓ હંમેશ માટે ત્યાં રહેશે,

પેઢી દર પેઢી એ તેઓનું રહેઠાણ બનશે.