યર્મિયા

૧૬ યહોવાનો સંદેશો ફરી એક વાર મારી પાસે આવ્યો. તેમણે કહ્યું: ૨ “આ દેશમાં તું લગ્‍ન કરીશ નહિ કે દીકરા-દીકરીઓ પેદા કરીશ નહિ. ૩ કેમ કે આ દેશમાં જન્મેલાં દીકરા-દીકરીઓ વિશે અને તેઓને જન્મ આપનાર માબાપ વિશે યહોવા કહે છે: ૪ ‘તેઓ જીવલેણ બીમારીથી માર્યાં જશે.+ તેઓ માટે કોઈ શોક કરશે નહિ. તેઓને કોઈ દફનાવશે નહિ. તેઓ જમીન પર ખાતર બની જશે.+ તેઓ તલવારથી અને દુકાળથી માર્યાં જશે.+ તેઓનાં મડદાં પક્ષીઓનો અને પ્રાણીઓનો ખોરાક બની જશે.’

તું વિલાપ કરવા કે દિલાસો આપવા પણ ન જતો.’+

યહોવા કહે છે, ‘આ લોકો પાસેથી મેં શાંતિ છીનવી લીધી છે.

મારો પ્રેમ* ખૂંચવી લીધો છે, મારી દયા પણ લઈ લીધી છે.+

 ૬ નાના-મોટા બધા આ દેશમાં મરી જશે.

તેઓને દાટવામાં નહિ આવે.

 ૭ મરણ પ્રસંગે શોક કરનારાઓને દિલાસો આપવા

કોઈ તેઓને ખોરાક નહિ આપે.

 ૮ તું મિજબાનીના ઘરમાં પણ ન જતો.

તેઓ સાથે બેસીને ખાતો-પીતો નહિ.’

૯ “ઇઝરાયેલના ઈશ્વર, સૈન્યોના ઈશ્વર યહોવા કહે છે, ‘હું આ જગ્યાએ, તમારા દિવસોમાં અને તમારી આંખો સામે આનંદ-ઉલ્લાસનો પોકાર બંધ કરી દઈશ. અહીંથી વરરાજા અને કન્યાનો અવાજ સંભળાશે નહિ.’+

૧૦ “તું આ વાતો લોકોને કહેશે ત્યારે તેઓ તને પૂછશે, ‘યહોવા કેમ અમારા પર આ મોટી આફતો લાવવાનું કહે છે? અમે એવો તો શું ગુનો કર્યો છે? અમારા ઈશ્વર યહોવા વિરુદ્ધ અમે એવું તો શું પાપ કર્યું છે?’+ ૧૧ તું તેઓને કહેજે, ‘યહોવા કહે છે, “તમારા બાપદાદાઓએ મને છોડી દીધો હતો.+ તેઓ બીજા દેવોની પાછળ પાછળ ચાલતા હતા, તેઓની ભક્તિ કરતા હતા અને તેઓને નમન કરતા હતા.+ પણ તેઓએ મને ત્યજી દીધો અને મારા નિયમો પાળ્યા નહિ.+ ૧૨ તમે તો તમારા બાપદાદાઓથી પણ વધારે દુષ્ટ છો.+ મારું સાંભળવાને બદલે તમે અડિયલ બનીને પોતાનાં દુષ્ટ હૃદય પ્રમાણે કરો છો.+ ૧૩ એટલે હું તમને અહીંથી એવા દેશમાં તગેડી મૂકીશ, જેને તમે કે તમારા બાપદાદાઓ જાણતા નથી.+ ત્યાં તમારે રાત-દિવસ જૂઠા દેવોની સેવા કરવી પડશે.+ હું તમને જરાય દયા નહિ બતાવું.”’

૧૪ “યહોવા કહે છે, ‘જુઓ! એવા દિવસો આવે છે, જ્યારે તેઓ એવું નહિ કહે: “ઇઝરાયેલીઓને ઇજિપ્તમાંથી બહાર કાઢી લાવનાર યહોવાના સમ!”*+ ૧૫ પણ તેઓ કહેશે, “ઇઝરાયેલીઓને ઉત્તરના દેશમાંથી અને તેમણે વિખેરી નાખ્યા હતા એ દેશોમાંથી બહાર કાઢી લાવનાર યહોવાના સમ!”* તેઓ એવું કહેશે, કેમ કે હું તેઓને એ દેશમાં પાછા લાવીશ, જે મેં તેઓના બાપદાદાઓને આપ્યો હતો.’+

૧૭ કેમ કે તેઓના એકેએક કામ* પર મારી નજર છે.

તેઓ મારાથી સંતાઈ શકતા નથી.

તેઓનો એકેય અપરાધ મારાથી છુપાયેલો નથી.

૧૮ પણ પહેલા તો હું તેઓનાં અપરાધો અને પાપોનો હિસાબ લઈશ.+

તેઓએ મૂર્તિઓથી મારો દેશ ભ્રષ્ટ કર્યો છે. એ નિર્જીવ મૂર્તિઓને* હું ધિક્કારું છું.

તેઓએ મારા વારસાની જમીન એવી વસ્તુઓથી ભરી દીધી છે, જેને હું ધિક્કારું છું.’”+

૧૯ હે યહોવા, તમે મારી તાકાત અને મારો મજબૂત કિલ્લો છો.

તમે મારો આશરો છો, જ્યાં આફતના દિવસે હું નાસી જઈ શકું છું.+

પૃથ્વીના ખૂણે ખૂણેથી પ્રજાઓ તમારી પાસે આવશે.

૨૦ શું માણસ પોતાના માટે ઈશ્વર બનાવી શકે?

માણસ જે બનાવે છે એ કંઈ ઈશ્વર નથી.+

તેઓએ સ્વીકારવું પડશે કે મારું નામ યહોવા છે.”