Lamentazzjonijiet*
א [Alef]*
1 O kif spiċċat waħedha,+ il-belt li kienet mimlija bin-nies!+
Kif saret bħal armla,+ dik li kienet iffollata fost il-ġnus!+
Kif spiċċat tagħmel xogħol forzat, dik li kienet prinċipessa fost il-provinċji!+
ב [Bet]
2 Bil-lejl tibki fuq li tibki,+ u d-dmugħ tagħha jinżel maʼ ħaddejha.+
M’għandha ’l ħadd biex ifarraġha minn fost dawk kollha li kienu jħobbuha.+
ג [Gimel]
3 Dar Ġuda marret fl-eżilju minħabba s-sofferenza+ u minħabba l-jasar kbir.+
Kellha tgħammar fost il-ġnus.+ Ma sabet ebda post taʼ mistrieħ.
Dawk kollha li kienu qed jippersegwitawha qabduha meta kienet f’ċirkustanzi taʼ niket.+
ד [Dalet]
4 It-toroq taʼ Sijon huma mnikktin, għax ħadd m’hu ġej għall-festa.+
Bwiebha kollha mħarbtin;+ il-qassisin tagħha qed jitniehdu.+
Il-verġni tagħha maħkumin mid-dwejjaq, u hi mimlija mrar.+
ה [Ħe]
5 L-avversarji tagħha huma minn fuq.+ L-għedewwa tagħha ma jimpurtahomx.+
Għax Ġeħova nnifsu ġab l-għali fuqha talli kisret il-liġi kemm-il darba;+
U wliedha mxew imjassrin quddiem l-avversarju.+
ו [Waw]
6 U bint Sijon tilfet ġmielha kollu.+
Il-prinċpijiet tagħha saru bħal ċriev li ma sabux fejn jirgħu;+
U jimxu bla saħħa quddiem dak li jrid jaqbadhom.+
ז [Żajin]
7 Ġerusalemm ftakret, matul jiem is-sofferenza tagħha u meta niesha ma kellhomx fejn joqogħdu,
Fl-affarijiet sbieħ kollha li kellha sa minn żmien il-qedem.+
Meta niesha waqgħu f’idejn l-avversarju u ma kien hemm ħadd biex jgħinha,+
L-avversarji rawha. Mal-waqgħa tagħha qagħdu jidħqu biha.+
ח [Ħet]
8 Ġerusalemm dinbet bl-ikrah.+ Għalhekk saret xi ħaġa mistmerra.+
Dawk kollha li kienu jonorawha issa jiddisprezzawha,+ għax raw l-għera tagħha.+
Hi titniehed+ u ddur ’l hemm.
ט [Tet]
9 Fi djulha hemm nuqqas taʼ ndafa.+ Ma ftakritx fil-ġejjieni tagħha,+
U għaġġbet lil kulħadd bil-waqgħa tagħha. M’għandha ’l ħadd biex ifarraġha.+
O Ġeħova, ara s-sofferenza tiegħi,+ għax l-għadu tiegħi qed jitkabbar ħafna.+
י [Jod]
10 L-avversarju medd idu fuq l-affarijiet sbieħ kollha li għandha.+
Għax hi rat ġnus deħlin fis-santwarju tagħha,+
Li int ikkmandajthom biex ma jidħlux fil-kongregazzjoni tiegħek.
כ [Kaf]
11 Niesha kollha jitniehdu; qed ifittxu l-ħobż.+
Partu l-affarijiet sbieħ tagħhom maʼ xi ħaġa x’jieklu, sabiex jieħdu r-ruħ.+
Ara, O Ġeħova, u ħares, għax jien sirt qisni mara bla preġju.+
ל [Lamed]
12 M’hu xejn dan għalikom, intom ilkoll li għaddejjin mit-triq? Ħarsu u araw.+
Hemm xi wġigħ bħall-uġigħ tiegħi li ġejt kastigata bih,+
Li Ġeħova nikkitna bih f’jum ir-rabja taħraq tiegħu?+
מ [Mem]
13 Mill-għoli bagħat nar f’għadmi,+ u ħakmu kollu.
Firex xibka għal saqajja.+ Dawwarni lura.
Għamilni mara abbandunata. Il-jum kollu marida.+
נ [Nun]
14 Hu qagħad għassa għan-nuqqasijiet tiegħi.+ F’idu jinbarmu f’xulxin.
Għonqi taqqluhuli.+ Il-qawwa tiegħi ħallietni.
Ġeħova tani f’idejn dawk li ma nistax inqum kontrihom.+
ס [Samek]
15 Lis-setgħanin kollha tiegħi Ġeħova warrabhom minn ġo nofsi.+
Ħejja laqgħa kontrija, sabiex ifarrak lill-irġiel żgħażagħ tiegħi.+
Ġeħova għaffeġ il-magħsar taʼ l-inbid+ taʼ bint Ġuda, il-verġni.+
ע [Għajn]
16 Għalhekk qed nibki.+ Minn għajnejja, minn għajnejja nieżel ħafna dmugħ.+
Għax tbiegħed minni min ifarraġni, min jgħinni nieħu r-ruħ.
פ [Pe]
17 Sijon ħarġet idejha.+ M’għandha ’l ħadd biex ifarraġha.+
Ġeħova ta kmand lil dawk kollha madwar Ġakobb biex ikunu l-avversarji tiegħu.+
Ġerusalemm saret ħaġa mistmerra fosthom.+
צ [Sade]
18 Ġeħova hu ġust,+ għax jien irribellajt kontra fommu.+
Isimgħu, issa, intom popli kollha, u araw l-uġigħ tiegħi.
Ix-xebbiet u l-ġuvintur tiegħi marru fil-jasar.+
ק [Kof]
19 Sejjaħt lil dawk li ħabbewni bil-kbir.+ Daħqu bija.
Il-qassisin u x-xjuħ tiegħi ntemmew fil-belt,+
Waqt li kienu qed ifittxu xi ħaġa x’jieklu għalihom infushom sabiex jieħdu r-ruħ.+
ר [Rex]
20 Ħares, O Ġeħova, għax jien ninsab f’sitwazzjoni mwiegħra. Il-ġewwieni* tiegħi qed ibaqbaq.+
Qalbi muġugħa ġo fija,+ għax kont ribelluża ferm.+
Fuq barra, is-sejf ċaħħadni mit-tfal.+ U ġewwa d-dar hemm il-mewt ukoll.+
ש [Xin]
21 In-nies semgħu li qed nitniehed.+ M’hemmx min ifarraġni.+
L-għedewwa kollha tiegħi semgħu bil-gwaj tiegħi.+ Tgħidx kemm ferħu b’dan, għax int stess ġibtu fuqi.+
Int se ġġib il-jum li ħabbart,+ sabiex huma wkoll isiru bħali.+
ת [Taw]
22 Ħa jkun il-ħażen kollu tagħhom quddiemek, u kkastigahom,+
Bħalma kkastigajt lili minħabba n-nuqqasijiet kollha tiegħi.+
א [Alef]
2 O kif Ġeħova għatta lil bint Sijon bis-sħab fir-rabja tiegħu!+
Is-sbuħija taʼ Israel+ mis-sema waddabha fl-art.+
U ma ftakarx fil-banketta għal saqajh+ f’jum ir-rabja tiegħu.
ב [Bet]
2 Ġeħova belaʼ l-postijiet fejn jgħammar+ Ġakobb; maʼ l-ebda wieħed minnhom ma wera mogħdrija.
Fir-rabja qalila tiegħu ġarraf il-postijiet fortifikati+ taʼ bint Ġuda.
Tefagħhom maʼ l-art,+ kasbar is-saltna+ u l-prinċpijiet tagħha.+
ג [Gimel]
3 Fis-saħna tar-rabja tiegħu qaċċat kull qarn* taʼ Israel.+
Reġġaʼ lura idu l-leminija minn quddiem l-għadu;+
U f’Ġakobb hu jibqaʼ jaqbad bħal nar iħeġġeġ li jiblaʼ kulma hemm madwaru.+
ד [Dalet]
4 Ħejja l-qaws tiegħu bħalma jagħmel l-għadu.+ Idu l-leminija+ tinsab lesta f’postha
Bħalma jagħmel l-avversarju,+ u baqaʼ joqtol lil dawk kollha li kienu jpaxxu l-għajnejn.+
Għal ġot-tinda+ taʼ bint Sijon sawwab il-korla tiegħu, bħan-nar.+
ה [Ħe]
5 Ġeħova sar bħal għadu.+ Belaʼ lil Israel.+
Belaʼ t-torrijiet mgħammrin kollha tagħha;+ il-postijiet fortifikati tiegħu għamilhom ħerba.+
U f’bint Ġuda kattar in-niket u t-tinwiħ.+
ו [Waw]
6 U lill-għarix+ tiegħu ttrattah ħażin bħal għarix fi ġnien.+ Qeridlu l-festa tiegħu.
Ġeħova nessa f’Sijon il-festa+ u s-Sabat,*
U fil-qilla t’għadbu ma wera ebda rispett lejn is-sultan u l-qassis.+
ז [Żajin]
7 Ġeħova warrab l-artal tiegħu.+ Stmerr is-santwarju tiegħu.+
Ċeda l-ħitan tat-torrijiet mgħammrin tagħha f’idejn l-għadu.+
Huma semmgħu leħinhom fid-dar taʼ Ġeħova, bħal f’jum taʼ festa.+
ח [Ħet]
8 Ġeħova ħaseb li jħarbat is-sur+ taʼ bint Sijon.
Firex il-ħabel tal-kejl.+ Ma żammx idu lura milli jeqred.+
U tefaʼ n-niket fuq is-sur u l-ħajt.+ Iddgħajfu t-tnejn li huma.
ט [Tet]
9 Il-bibien+ tagħha ntradmu fl-art. Qered u farrak l-istaneg tagħha.
Is-sultan u l-prinċpijiet tagħha jinsabu fost il-ġnus.+ M’hemmx liġi.+
Il-profeti tagħha ma rċivew l-ebda viżjoni mingħand Ġeħova.+
י [Jod]
10 Ix-xjuħ taʼ bint Sijon qegħdin bil-qiegħda maʼ l-art, fejn jibqgħu siktin.+
Tefgħu t-trab fuq rashom.+ Tħażżmu bl-ixkora.+
Il-verġni taʼ Ġerusalemm niżżlu rashom sa l-art.+
כ [Kaf]
11 Għajnejja nfnew bid-dmugħ li xerridt.+ Il-ġewwieni* tiegħi qed ibaqbaq.+
Fwiedi xxerred maʼ l-art,+ minħabba t-tisbita li ħadet bint il-poplu tiegħi,+
Minħabba li t-tfal u t-trabi tal-ħalib qed iħosshom ħażin fil-pjazez tal-belt.+
ל [Lamed]
12 Kienu qed jgħidu lil ommijiethom: “Fejn huma l-qmuħ u l-inbid?”+
Għax intelqu bħal maqtulin fil-pjazez tal-belt,
Għax bil-mod il-mod qed imutu fi ħdan ommhom.
מ [Mem]
13 Liema eżempju nistaʼ nurik? Maʼ xiex se nxebbhek, O bint Ġerusalemm?+
Maʼ xiex se nqabblek, sabiex infarrġek, O verġni, bint Sijon?+
Għax il-ġerħa tiegħek+ kbira daqs il-baħar. Min jistaʼ jfejqek?+
נ [Nun]
14 Il-profeti tiegħek raw għalik viżjonijiet fiergħa u bla siwi,+
U ma kixfux l-iżball tiegħek sabiex jiskansawlek il-jasar,+
Imma baqgħu jaraw għalik viżjonijiet b’dikjarazzjonijiet bla siwi u qarriqin.+
ס [Samek]
15 Dawk kollha li kienu għaddejjin fit-triq minn ħdejk ċapċpu.+
Saffru+ u xenglu rashom+ għal bint Ġerusalemm, u staqsew:
“Din hi l-belt li kienu jgħidulha, ‘Il-perfezzjoni tas-sbuħija, ferħ għall-art kollha’?”+
פ [Pe]
16 L-għedewwa kollha tiegħek fetħu ħalqhom għalik.+
ע [Għajn]
17 Ġeħova għamel li kellu f’moħħu.+ Wettaq dak li qal,+
Dak li kien ikkmanda minn żmien twil ilu.+ Ġarraf u ma weriex mogħdrija.+
U bik iferraħ lill-għadu.+ Għolla l-qarn taʼ l-avversarji tiegħek.+
צ [Sade]
18 Qalbhom għajtet lil Ġeħova,+ O sur taʼ bint Sijon.+
Xerred id-dmugħ bħal gelgul lejl u nhar.+
Titħeddilx. Tagħtix mistrieħ lill-ħabba t’għajnejk.
ק [Kof]
19 Qum! Newwaħ matul il-lejl meta jkunu se jibdew l-għases taʼ fil-għodu.+
Ferraʼ qalbek+ quddiem wiċċ+ Ġeħova bħall-ilma.
Għolli idejk+ fit-talb għal ħajjet uliedek,
Li minħabba l-ġuħ qed iħosshom ħażin f’ras it-toroq kollha.+
ר [Rex]
20 Ara, O Ġeħova, u ħares+ lejn dak li kkastigajtu b’dan il-mod.
Għandhom in-nisa jibqgħu jieklu frotthom, it-tfal b’saħħithom li wildu?+
Jew għandhom il-qassis u l-profeta jinqatlu fis-santwarju taʼ Ġeħova?+
ש [Xin]
21 It-tifel u x-xiħ+ imteddew fit-trab tat-toroq.+
Ix-xebbiet u l-ġuvintur tiegħi mietu bis-sejf.+
Int qtilthom f’jum ir-rabja tiegħek.+ Biċċirthom;+ ma kellekx mogħdrija.+
ת [Taw]
22 Bħal f’jum taʼ festa+ int sejjaħt lin-nies biex jiġu mill-inħawi kollha fejn jgħixu bħala barranin.
U f’jum il-korla taʼ Ġeħova ħadd ma ħarab jew baqaʼ ħaj;+
It-tfal b’saħħithom li kelli u li rabbejt, l-għadu tiegħi qeridhom għalkollox.+
א [Alef]*
3 Jien ir-raġel b’saħħtu li ra s-sofferenza+ minħabba l-ħatar tar-rabja qalila tiegħu.
2 Lili ħa u mexxa fid-dlam u mhux fid-dawl.+
3 Iva, kontrija jdawwar idu kemm-il darba matul il-jum.+
ב [Bet]
4 Herrieli laħmi u ġildi.+ Kissirli għadmi.+
5 Bena ħajt madwari, u dawwarni+ b’ħaxix velenuż+ u tbatija.
6 Poġġieni bil-qiegħda f’postijiet mudlama,+ bħal dawk li ilhom mejtin żmien twil.+
ג [Gimel]
7 Sakkarni bħallikieku b’ħajt tal-ġebel, sabiex ma noħroġx.+ Rabatni bi rbit tqil tar-ram aħmar.+
8 U meta nsejjaħ għall-għajnuna u ngħajjat għall-ajjut, it-talb tiegħi ma jisimgħux.+
9 Għalaqli triqati b’ġebel minġur.+ Gerfixli mogħdijieti.+
ד [Dalet]
10 Lest għalija bħal ors,+ bħal iljun moħbi.+
11 Ħawwadli triqati, u ġabni ma niswa xejn. Għamilni bħal wieħed abbandunat.+
12 Ħejja l-qaws tiegħu,+ u mmira l-vleġġa lejja.+
ה [Ħe]
13 Fil-kliewi daħħalli l-vleġeġ, ulied il-barżakka tiegħu.+
14 Għan-nies kollha taʼ kontrija sirt xi ħaġa tad-daħq,+ sirt it-tema tal-kant tagħhom il-jum kollu.+
15 Xebbagħni b’affarijiet morri.+ Faqagħni bi pjanta morra.*+
ו [Waw]
16 U kissirli snieni biż-żrar.+ Ġegħelni nitmiegħek fl-irmied.+
17 Int warrabtni, u b’hekk ruħi ma tistax issib sliem. Jien insejt x’inhu ġid.+
18 U ngħid: “Għabet il-glorja tiegħi, u ma nistenna xejn iktar minn Ġeħova.”+
ז [Żajin]
19 Ftakar fis-sofferenza tiegħi u li m’għandix fejn noqgħod,+ fil-pjanta morra u l-ħaxix velenuż li niekol.+
20 Żgur li ruħek tiftakar u titbaxxa lejja.+
21 Dan se nibqaʼ nżommu f’moħħi.+ Għalhekk, se nistenna b’attitudni xierqa.+
ח [Ħet]
22 Hu minħabba l-atti taʼ qalb tajba bl-imħabba+ taʼ Ġeħova li ma ntemmejniex,+ għax il-ħniniet tiegħu ma jispiċċawx.+
23 Jiġġeddu kull fil-għodu.+ Il-fedeltà tiegħek hi kotrana.+
24 “Ġeħova huwa sehmi,”+ qalet ruħi, “għalhekk se nistennieh b’attitudni xierqa.”+
ט [Tet]
25 Tajjeb Ġeħova maʼ min jittama fih,+ mar-ruħ li tibqaʼ tfittxu.+
26 Tajjeb li wieħed jistenna,+ iva, fis-skiet,+ għas-salvazzjoni taʼ Ġeħova.+
27 Tajjeb għal raġel b’saħħtu li jġorr il-madmad f’żgħożitu.+
י [Jod]
28 Ħa joqgħod bil-qiegħda waħdu u jibqaʼ sieket,+ għax hu għabbieh b’din it-tagħbija.+
29 Ħa jagħmel ħalqu mat-trab.+ Forsi hemm tama.+
30 Ħa jagħti ħaddejh lil min qed isawtu.+ Ħa jissaporti t-tmaqdir tiegħu bis-sħiħ.+
כ [Kaf]
31 Għax Ġeħova mhux se jibqaʼ jwarrabna għal dejjem.+
32 Għax għalkemm nikkitna,+ hu se jurina ħniena skond l-abbundanza taʼ qalb tajba bl-imħabba tiegħu.+
33 Għax mhux minn qalbu jgħakkes lil ulied il-bnedmin jew inikkithom.+
ל [Lamed]
34 Għal wieħed li jgħaffeġ taħt saqajh+ il-priġunieri kollha taʼ l-art,+
35 Li jneħħi l-ġudizzju taʼ raġel minn quddiem wiċċ l-Iktar Għoli,+
36 Li jċaħħad lil bniedem mill-ġustizzja f’kawża legali, Ġeħova m’esprimiex approvazzjoni.+
מ [Mem]
37 Min ordna li ssir xi ħaġa u seħħet meta Ġeħova nnifsu ma kkmandax li ssir?+
38 Għax minn fomm l-Iktar Għoli ma joħorġux affarijiet ħżiena flimkien m’affarijiet tajbin.+
39 Kif jistaʼ bniedem ħaj joqgħod jilmenta,+ raġel b’saħħtu jilmenta minħabba dnubu?+
נ [Nun]
40 Ejjew neżaminaw triqatna u nifluhom,+ u ejjew nerġgħu lura għand Ġeħova.+
41 Ejjew ngħollu qlubna flimkien maʼ idejna fit-talb lil Alla fis-smewwiet:+
42 “Aħna dnibna, u aġixxejna b’mod ribelluż.+ Int ma ħfirtx.+
ס [Samek]
43 Minħabba r-rabja ma ħallejtniex nersqu lejk,+ u komplejt tiġri warajna.+ Int qtilt; ma wrejtx mogħdrija.+
44 Ma ħallejtniex nersqu lejk billi qegħedt ħafna sħab quddiemek,+ sabiex it-talb ma jgħaddix minnu.+
45 Int tagħmilna rmixk u skart fost il-popli.”+
פ [Pe]
46 L-għedewwa kollha tagħna fetħu ħalqhom għalina.+
47 Biżaʼ u ħofra għandna issa,+ ħerba u tiġrif.+
48 Minn għajnejja neżlin gliegel taʼ ilma minħabba t-tiġrif taʼ bint il-poplu tiegħi.+
ע [Għajn]
49 Għajnejja jċarċru d-dmugħ u ma jiqfux, ma jistriħux,+
50 Sakemm Ġeħova jħares ’l isfel u jarana mis-sema.+
51 Għajnejja weġġgħuli ruħi,+ minħabba l-bniet kollha taʼ belti.*+
צ [Sade]
52 L-għedewwa tiegħi ħarġu jikkaċċjawni qisni xi għasfur,+ għalxejn b’xejn.+
53 Ipprovaw itemmuli ħajti fil-ħofra,+ u qagħdu jitfgħuli l-ġebel.
54 L-ilmijiet għattewli rasi.+ Għedt: “Żgur se ninqered!”+
ק [Kof]
55 Sejjaħt ismek, O Ġeħova, minn ħofra mill-iktar fonda.+
56 Żgur li se tismaʼ leħni.+ Tagħlaqx widnejk għall-għajta tiegħi għall-għajnuna, biex isserraħni.+
57 Int ersaqt qrib meta qgħadt insejjaħlek.+ Għedtli: “Tibżax.”+
ר [Rex]
58 Ħadt f’idejk il-kawża tiegħi,+ O Ġeħova. Fdejtli ħajti.+
59 Int rajt, O Ġeħova, xi ħsara saritli.+ Agħmel il-ġudizzju għalija.+
60 Int rajt il-vendetta kollha tagħhom, il-ħsibijiet kollha li ħasbu kontrija.+
ש [Sin] jew [Xin]
61 Smajt iż-żebliħ kollu tagħhom, O Ġeħova, il-ħsibijiet kollha li ħasbu kontrija,+
62 Il-kliem taʼ xofftejn dawk li qamu kontrija+ u t-tfesfis tagħhom kontrija l-jum kollu.+
63 Arahom meta joqogħdu bil-qiegħda u meta jqumu bil-wieqfa.+ Jien is-suġġett tal-kant tagħhom.+
ת [Taw]
64 O Ġeħova, int se troddilhom lura skond għemil idejhom.+
65 Se tagħtihom qalb insolenti,+ is-saħta tiegħek fuqhom.+
66 Int se tfittixhom bir-rabja, Ġeħova, u teqridhom għalkollox+ minn taħt smewwietek.+
א [Alef]
4 O kif ittappan id-deheb li kien ileqq, id-deheb fin!+
O kif qed jixxerred f’ras it-toroq kollha+ l-ħaġar imqaddes!*+
ב [Bet]
2 L-ulied prezzjużi taʼ Sijon,+ dawk li ntiżnu mad-deheb irfinut,
O kif m’għadhomx jiswew iktar minn ġarar kbar tal-fuħħar, xogħol idejn il-fuħħari!+
ג[Gimel]
3 Anki x-xakalli ppreżentaw sidirhom u reddgħu l-frieħ tagħhom.
Imma bint il-poplu tiegħi saret kattiva,+ bħan-ngħam fix-xagħri.+
ד [Dalet]
ה [Ħe]
5 Dawk li kienu jieklu affarijiet tajbin inħasdu fit-toroq.+
Dawk li trabbew bl-iskarlat+ spiċċaw kellhom iħaddnu l-gzuz taʼ l-irmied.+
ו [Waw]
6 Il-kastig għall-iżball taʼ bint il-poplu tiegħi jkun akbar mill-kastig għad-dnub taʼ Sodoma,+
Li waqgħet f’waqt wieħed, u li ħadd ma taha daqqa t’id.+
ז [Żajin]
7 In-Nażiriti+ tagħha kienu iktar puri mill-borra;+ bojod iktar mill-ħalib.
Fil-fatt kienu ħamranin+ iżjed mill-qroll; kienu llostrati bħaż-żaffir.+
ח [Ħet]
8 Id-dehra tagħhom skurat iktar mis-swidija. Ma ntgħarfux fit-toroq.+
Il-ġilda nxtorbot fuq għadamhom.+ Nixfet bħal siġra.
ט [Tet]
9 Aħjar dawk maqtulin bis-sejf+ minn dawk maqtulin bil-ġuħ,+
Għax dawn jinfnew ftit ftit minħabba n-nuqqas taʼ prodotti tar-rabaʼ, bħallikieku ġew minfudin.
י [Jod]
10 Idejn in-nisa ħanina għallew ’l uliedhom stess.+
Dawn saru bħall-ħobż tal-konsolazzjoni matul it-tiġrif taʼ bint il-poplu tiegħi.+
כ [Kaf]
11 Ġeħova esprima l-korla kollha tiegħu.+ Ferraʼ r-rabja taħraq tiegħu.+
U jqabbad nar f’Sijon, li jiklilha l-pedamenti tagħha.+
ל [Lamed]
12 Is-slaten taʼ l-art u l-abitanti kollha taʼ l-art m’emmnux+
Li l-avversarju u l-għadu kellhom jidħlu mill-bibien taʼ Ġerusalemm.+
מ [Mem]
13 Minħabba d-dnubiet tal-profeti tagħha, l-iżbalji tal-qassisin tagħha,+
Ġew f’nofsha dawk li xerrdu demm il-ġusti.+
נ [Nun]
14 Iġġerrew bħal għomja+ fit-toroq.+ Tniġġsu bid-demm,+
U għalhekk ħadd ma jistaʼ jmissilhom ħwejjiġhom.+
ס [Samek]
15 “Ersqu min-nofs! M’intomx nodfa!”+ qalulhom. “Ersqu min-nofs! Ersqu min-nofs! Tmissuniex!”+
Għax spiċċaw ma kellhomx fejn joqogħdu.+ U ġġerrew ’l hemm u ’l hawn.+ In-nies qalu fost il-ġnus: “Ma jerġgħux jgħixu magħna bħala barranin.+
פ [Pe]
16 Ġeħova xerridhom.+ M’huwiex se jerġaʼ jħares lejhom.+
Il-qassisin ma jintwerewx konsiderazzjoni.+ Lix-xjuħ ma jħennux għalihom.”+
ע [Għajn]
17 Sakemm inkomplu neżistu, għajnejna se jibqgħu jinfnew għalxejn waqt li nistennew l-għajnuna.+
Aħna u nfittxu ’l hemm u ’l hawn dorna lejn ġens li ma jistax isalvana.+
צ [Sade]
18 Qed iqisulna l-passi tagħna,+ u għalhekk ma nistgħux nimxu fil-pjazez tagħna.
Tmiemna fil-qrib. Għalqilna żmienna, għax wasal tmiemna.+
ק [Kof]
19 Eħfef mill-ajkli tas-smewwiet kienu dawk li ġrew warajna.+
Fuq il-muntanji ġrew warajna kemm felħu.+ Fix-xagħri qagħdu lesti għalina.+
ר [Rex]
20 In-nifs taʼ mnifsejna,+ il-midluk taʼ Ġeħova,+ inqabad fil-ħofra kbira tagħhom,+
Dak li dwaru għedna: “Għad-dell tiegħu+ se ngħixu fost il-ġnus.”+
ש [Sin]
21 Ifraħ u thenna,+ O bint Edom,+ int li tgħammar fl-art t’Uż.+
Il-kies se jgħaddi għal għandek ukoll.+ Se tisker u tinkixef għarwiena.+
ת [Taw]
22 Il-kastig għall-iżball tiegħek, O bint Sijon, intemm.+ Hu ma jerġax jieħdok fl-eżilju.+
Se jikkastigak għall-iżball tiegħek, O bint Edom. Kixiflek dnubietek.+
5 *Ftakar, O Ġeħova, xi ġralna.+ Ħares u ara t-tmaqdir tagħna.+
2 Wirtna ngħata f’idejn l-istranġieri, djarna lill-barranin.+
3 Sirna ltiema mingħajr missier.+ Ommijietna qishom romol.+
4 Kellna noħorġu l-flus biex nixorbu mill-ilma tagħna stess.+ Il-ħatab tagħna stess inħallsu għalih.
5 Ġrew warajna u għoddhom laħqulna għonqna.+ Għejejna. Ma baqgħalniex mistrieħ.+
6 Tajna idejna+ lill-Eġittu;+ lill-Assirja,+ sabiex nixbgħu bil-ħobż.
7 Kienu missirijietna li dinbu.+ Huma m’għadhomx iktar. U aħna tgħabbejna bl-iżbalji tagħhom.+
8 Sempliċi qaddejja ħakmu fuqna.+ M’hemm ħadd li jeħlisna minn taħt idejhom.+
9 Ħobżna nġibuh waqt li nissograw ħajjitna,+ minħabba s-sejf fix-xagħri.
10 Il-ġilda tagħna saret taħraq bħal forn, minħabba l-weġgħat tal-ġuħ.+
11 F’Sijon umiljaw lin-nisa miżżewġin,+ u lill-verġni fil-bliet taʼ Ġuda.
12 Lill-prinċpijiet dendluhom minn id waħda biss.+ Wiċċ ix-xjuħ ma ġiex onorat.+
13 Anki l-ġuvintur qabdu l-mitħna taʼ l-idejn,+ u s-subien tfixklu mgħobbijin bil-ħatab.+
14 M’għadx hemm xjuħ f’bieb il-belt,+ u lanqas żgħażagħ idoqqu l-istrumenti tagħhom.+
15 Il-ferħ taʼ qalbna għab. Iż-żfin tagħna nbidel f’niket.+
16 Il-kuruna taʼ fuq rasna waqgħet.+ Gwaj għalina issa għax dnibna!+
17 Minħabba dan qalbna mardet.+ Minħabba dawn l-affarijiet għajnejna ċċajprulna,+
18 Minħabba li l-muntanja taʼ Sijon saret ħerba;+ il-volpijiet jiġġerrew fuqha.+
19 U int, O Ġeħova, se toqgħod fuq it-tron tiegħek għal dejjem.+ It-tron tiegħek jibqaʼ minn ġenerazzjoni għal ġenerazzjoni.+
20 Għala se tibqaʼ tinsiena għal dejjem,+ titlaqna għal kemm itul iż-żmien?+
21 Reġġagħna lura,+ O Ġeħova, lejk, u aħna niġu mill-ewwel. Ġibilna jiem ġodda bħal dawk li kellna żmien twil ilu.+
22 Madankollu, int ċħadtna għalkollox.+ Int għadabt ħafna għalina.+
Bl-Ebrajk, dan il-ktieb hu msemmi bil-kelma li jiftaħ biha, jiġifieri, Ekka!, li tfisser “Kif!” L-isem bil-Malti ġej mill-kelma Latina Lamentationes li tfisser “Għanjiet taʼ Niket; Tinwiħ.”
Dan il-kapitlu huwa għanja taʼ niket f’forma akrostika, jew skond l-alfabet Ebrajk, bi 22 sezzjoni li taqbel mat-22 ittra taʼ l-alfabet Ebrajk. Kull sezzjoni li jkun imiss tibda bl-ittra li jkun imiss taʼ l-alfabet Ebrajk bħalma hu indikat fil-bidu taʼ kull sezzjoni.
Letteralment, “l-imsaren.” Dawn kienu jitqiesu bħala l-post fejn jinsabu l-iktar emozzjonijiet profondi.
Ara l-1Sa 2:1, in-nota taʼ taħt.
Is-Sabat kien minn inżul ix-xemx tal-Ġimgħa sa nżul ix-xemx tas-Sibt. Ara Eżo 16:23, in-nota taʼ taħt.
Ara La 1:20, in-nota taʼ taħt.
Kull linja f’kull sezzjoni taʼ dan il-kapitlu tibda bl-istess ittra Ebrajka skond l-ordni alfabetiku; is-sezzjoni Pe (versi 46-48) qiegħda qabel is-sezzjoni Għajn (versi 49-51).
Letteralment, “assenzju.”
Jew, “il-bliet kollha li jiddependu minn belti.”
Jew, “il-ġebel tas-santwarju.”
Dan il-kapitlu m’huwiex akrostiku skond l-alfabet, bħall-erbaʼ kapitli taʼ qablu, imma xorta għandu 22 vers daqs l-alfabet Ebrajk li għandu 22 ittra.