LIBRERIJA ONLAJN tat-Torri tal-Għassa
LIBRERIJA ONLAJN
tat-Torri tal-Għassa
Malti
@
  • ċ
  • ġ
  • ħ
  • ż
  • à
  • è
  • ò
  • ù
  • ʼ
  • BIBBJA
  • PUBBLIKAZZJONIJIET
  • LAGĦQAT
  • bi12 Eżekjel 1:1-48:35
  • Eżekjel

M'hawnx video għall-għażla li għamilt.

Jiddispjaċina, kien hemm problema biex jillowdja l-vidjow.

  • Eżekjel
  • Traduzzjoni tad-Dinja l-Ġdida taʼ l-Iskrittura Mqaddsa
Traduzzjoni tad-Dinja l-Ġdida taʼ l-Iskrittura Mqaddsa
Eżekjel

Eżekjel*

1 Issa ġara fis-​sena tletin, fir-​rabaʼ xahar, fil-​ħames jum tax-​xahar, waqt li kont qalb il-​poplu eżiljat+ ħdejn ix-​xmara Kebar,+ li s-​smewwiet infetħu+ u bdejt nara viżjonijiet t’Alla.+ 2 Fil-ħames jum tax-​xahar, jiġifieri, fil-​ħames sena taʼ l-​eżilju tas-​Sultan Ġeħojakin,+ 3 il-kelma taʼ Ġeħova ġiet+ speċifikament għand Eżekjel+ bin Bużi l-​qassis fl-​art tal-​Kaldin+ ħdejn ix-​xmara Kebar, u id Ġeħova ġiet fuqu f’dak il-​post.+

4 U bdejt inħares, u rajt riefnu qawwi+ ġej mit-​tramuntana, sħaba kbira+ u nar jaqbad,+ u madwarha kien hemm id-​dija, u f’nofsu, f’nofs in-​nar,+ kien hemm xi ħaġa li tixbah il-​metall imħallat mid-​deheb u l-​fidda. 5 U f’nofsu kien hemm bħal erbaʼ ħlejjaq ħajjin,+ u hekk kienu jidhru: kienu jixbhu lill-​bniedem. 6 U kull ħliqa kellha erbaʼ wċuħ,+ u kull waħda kellha erbaʼ ġwienaħ.+ 7 Saqajhom kienu dritti, u qiegħ saqajhom kien bħal qiegħ saqajn t’għoġol;+ u kienu jixegħlu bħar-​ram aħmar illostrat.+ 8 U kellhom idejn taʼ bniedem taħt il-​ġwienaħ tagħhom fuq l-​erbaʼ naħat tagħhom,+ u l-​erbgħa li huma kellhom l-​uċuħ tagħhom u l-​ġwienaħ tagħhom.+ 9 Il-ġwienaħ tagħhom kienu jmissu ġewnaħ maʼ l-​ieħor. Ma kinux iduru huma u sejrin; kull waħda kienet tmur dritt ’il quddiem.+

10 U l-​erbgħa li huma kellhom wiċċ jixbah lil dak taʼ bniedem+ b’wiċċ taʼ ljun+ fuq il-​lemin,+ u l-​erbgħa li huma kellhom wiċċ taʼ barri+ fuq ix-​xellug;+ u l-​erbgħa li huma kellhom ukoll wiċċ t’ajkla.+ 11 Hekk kienu l-​uċuħ tagħhom. U l-​ġwienaħ+ tagħhom kienu miftuħin ’il fuq. Kull ħliqa kellha tnejn imissu maʼ xulxin, u tnejn kienu jgħattulhom ġisimhom.+

12 U kull waħda kienet tmur dritt ’il quddiem.+ Kulfejn l-​ispirtu kien iqanqalhom imorru, huma kienu jmorru.+ Ma kinux iduru huma u sejrin.+ 13 U l-​ħlejjaq ħajjin kienu jidhru qishom ġamar tan-​nar.+ Xi ħaġa bħal torċi+ kienet qed tiċċaqlaq lura u ’l quddiem bejn il-​ħlejjaq ħajjin, u n-​nar kien jiddi, u minn ġon-​nar kien ħiereġ il-​beraq.+ 14 U l-​ħlejjaq ħajjin kienu jidhru qishom berqa+ meta kienu jmorru u jiġu lura.

15 Hekk kif bqajt inħares lejn il-​ħlejjaq ħajjin, rajt rota fl-​art ħdejn il-​ħlejjaq ħajjin,+ rota ħdejn kull ħliqa ħajja b’erbaʼ wċuħ.+ 16 U r-​roti+ bl-​għamla tagħhom kienu jidhru qishom qed jixegħlu bħall-​krisolitu;+ u l-​erbgħa li huma kienu l-​istess. U bil-​mod kif kienu maħdumin kienu jidhru bħal meta rota tkun f’nofs rota.+ 17 Meta kienu jitilqu kienu jmorru fl-​erbaʼ naħat rispettivi tagħhom.+ Ma kinux jilwu huma u sejrin.+ 18 U ċ-​ċrieki tagħhom kienu tal-​biżaʼ tant kemm kienu għoljin; u ċ-​ċrieki tagħhom kienu mimlijin għajnejn madwarhom l-​erbgħa.+ 19 U meta l-​ħlejjaq ħajjin kienu jitilqu, ir-​roti kienu jmorru magħhom, u meta l-​ħlejjaq ħajjin kienu jogħlew mill-​art, ir-​roti kienu jogħlew ukoll.+ 20 Kulfejn l-​ispirtu kien iqanqalhom imorru, huma kienu jmorru, għax l-​ispirtu kien iqanqalhom imorru hemmhekk; u r-​roti kienu jogħlew qrib maġenbhom, għax l-​ispirtu li kien fuq il-​ħlejjaq ħajjin kien fuq ir-​roti wkoll. 21 Meta kienu jitilqu, dawn kienu jmorru wkoll; u meta kienu jieqfu, dawn kienu jieqfu wkoll; u meta kienu jogħlew mill-​art, ir-​roti kienu jogħlew qrib maġenbhom, għax l-​ispirtu li kien fuq il-​ħlejjaq ħajjin kien fuq ir-​roti wkoll.+

22 U fuq l-​irjus tal-​ħlejjaq ħajjin kien hemm qisha firxa+ tleqq bħal silġ impressjonanti, mifruxa fuq irjushom, ’il fuq minnhom.+ 23 U taħt il-​firxa l-​ġwienaħ tagħhom kienu dritti, ġewnaħ maʼ l-​ieħor. U kellhom żewġ ġwienaħ jgħattu naħa waħda u żewġ ġwienaħ jgħattu n-​naħa l-​oħra taʼ ġisimhom. 24 U smajt il-​ħoss tal-​ġwienaħ tagħhom, ħoss bħal dak taʼ ilmijiet kbar,+ bħall-​ħoss taʼ Dak li Jistaʼ Kollox, huma u sejrin, ħoss t’għagħa,+ bħall-​ħoss taʼ kamp tas-​suldati.+ Meta kienu jieqfu, kienu jniżżlu l-​ġwienaħ tagħhom.

25 U nstemaʼ leħen fuq il-​firxa taʼ fuq rashom. (Meta kienu jieqfu, kienu jniżżlu l-​ġwienaħ tagħhom.) 26 U fuq il-​firxa taʼ fuq rashom kien hemm ħaġa li kienet tidher qisha ħaġra taż-​żaffir,+ ħaġa li tixbah lil tron.+ U fuq il-​ħaġa li tixbah lil tron kien hemm xi ħadd jidher qisu bniedem,+ fl-​għoli. 27 U rajt ħaġa tixgħel bħall-​metall imħallat mid-​deheb u l-​fidda,+ li kienet tidher bħal nar magħluq dawramejt,+ minn dawk li kienu jidhru qishom ġenbejh u ’l fuq; u minn dawk li kienu jidhru qishom ġenbejh u ’l isfel rajt bħal nar, u hu kien imdawwar kollu bid-​dija. 28 U kien hemm xi ħaġa qisha l-​qawsalla+ li tfiġġ fis-​sħab f’jum taʼ xita qawwija. Hekk kienet tidher id-​dija dawramejt. Kienet tixbah il-​glorja taʼ Ġeħova.+ Meta rajt dan, inxtħett wiċċi fl-​art,+ u bdejt nismaʼ l-​leħen taʼ wieħed jitkellem.

2 U qalli: “Bin il-​bniedem,*+ qum fuq saqajk ħa nkellmek.”+ 2 U malli kellimni+ daħal fija l-​ispirtu li qajjimni fuq saqajja sabiex nismaʼ lil Dak li kien qed ikellimni.+

3 U kompla jgħidli: “Bin il-​bniedem, qed nibagħtek għand ulied Israel,+ għand ġnus ribellużi li rribellaw kontrija.+ Huma u missirijiethom dinbu kontrija u għadhom jagħmlu dan sa llum stess.+ 4 Lilek qed nibagħtek għand l-​ulied li għandhom wiċċhom+ insolenti u qalbhom iebsa,+ u trid tgħidilhom, ‘Hekk qal il-​Mulej Sovran Ġeħova.’* 5 U huma, sew jekk jisimgħu+ u sew jekk le+—għax huma dar ribelluża+—żgur se jkunu jafu li kien hemm profeta f’nofshom.+

6 “U int, O bin il-​bniedem, tibżax minnhom;+ u tibżax minn kliemhom, għax huma stinati+ u jniggżuk,+ u int fost l-​iskorpjuni+ qed tgħammar. Tibżax minn kliemhom,+ u tħallix lil wiċċhom iwerwrek,+ għax huma dar ribelluża.+ 7 U trid tgħidilhom kliemi, sew jekk jisimgħu u sew jekk le, għax huma ribellużi.+

8 “U int, O bin il-​bniedem, ismaʼ dak li qed ngħidlek. Issirx ribelluż bħad-​dar ribelluża.+ Iftaħ ħalqek u kul li qed nagħtik.”+

9 U bdejt inħares u rajt id ħierġa lejja,+ u fiha kien hemm romblu taʼ ktieb.+ 10 U firxu quddiemi, u kellu l-​kitba fuq quddiem u fuq wara;+ u fih kien hemm miktubin għanjiet taʼ niket u krib u biki.+

3 U qalli: “Bin il-​bniedem, dak li ssib, kulu. Kul dan ir-​romblu,+ u mur u kellem lil dar Israel.”

2 Għalhekk, ftaħt ħalqi, u tani niekol dan ir-​romblu.+ 3 U kompla jgħidli: “Bin il-​bniedem, lil żaqqek trid iġġegħelha tiekol, sabiex timla msarnek b’dan ir-​romblu li qed nagħtik.” U bdejt nieklu, u kien ħelu bħall-​għasel f’ħalqi.+

4 U kompla jgħidli: “Bin il-​bniedem, mur, idħol f’nofs dar+ Israel, u kellimhom bi kliemi. 5 Għax m’intix qed tintbagħat għand poplu b’lingwa li ma tinftihemx+ jew bi lsien+ tqil imma għand dar Israel, 6 mhux għand ħafna popli b’lingwa li ma tinftihemx jew bi lsien tqil, li kliemhom ma tifhmux meta tisimgħu.+ Kieku bgħattek għandhom, dawn kienu jisimgħuk.+ 7 Imma taʼ dar Israel mhux se jkunu jridu jisimgħuk, għax ma jridux jisimgħu lili;+ għax dawk kollha taʼ dar Israel għandhom rashom iebsa u qalbhom iebsa.+ 8 Ara! Għamiltlek wiċċek iebes eżatt daqs wiċċhom+ u ġbinek iebes eżatt daqs ġbinhom.+ 9 Bħal djamant għamilthulek ġbinek, u iebes iktar miż-​żnied.+ Tibżax minnhom,+ u tħallix lil wiċċhom iwerwrek,+ għax huma dar ribelluża.”+

10 U kompla jgħidli: “Bin il-​bniedem, il-​kliem kollu li se ngħidlek daħħlu f’qalbek+ u isimgħu b’widnejk. 11 U mur, idħol fost il-​poplu eżiljat,+ fost ulied il-​poplu tiegħek, u kellimhom u għidilhom, ‘Hekk qal il-​Mulej Sovran Ġeħova,’ sew jekk jisimgħu u sew jekk le.”+

12 U spirtu beda jġorrni+ u bdejt nismaʼ warajja l-​ħoss taʼ kurrent qawwi:+ “Imbierka tkun il-​glorja taʼ Ġeħova minn postu.”+ 13 U nstemaʼ l-​ħoss tal-​ġwienaħ tal-​ħlejjaq ħajjin li kienu qed iħabbtu u jmissu maʼ xulxin,+ u l-​ħoss tar-​roti qrib ħdejhom,+ u l-​ħoss taʼ kurrent qawwi. 14 U l-​ispirtu ġarrni u ħadni,+ u jien mort mimli mrar u bi spirtu inkorlat, u id Ġeħova fuqi kienet b’saħħitha.+ 15 Għalhekk, dħalt fost l-​eżiljati f’Tel-abib, li kienu qed jgħammru+ ħdejn ix-​xmara Kebar,+ u bdejt ngħammar fejn kienu qed jgħammru huma; u bqajt hemmhekk sebat ijiem, issummat f’nofshom.+

16 U ġara wara sebat ijiem li l-​kelma taʼ Ġeħova ġiet għandi, tgħid:

17 “Bin il-​bniedem, għassies għamiltek għal dar Israel,+ u se tismaʼ kliem minn fommi u trid twissihom għalija.+ 18 Meta ngħid lil xi ħadd ħażin, ‘Żgur se tmut,’+ u int fil-​fatt ma twissihx u ma titkellimx sabiex twissi lill-​ħażin dwar triqtu l-​ħażina biex iżżommu ħaj,+ billi hu ħażin, hu jmut fl-​iżball tiegħu,+ imma demmu nitolbu lura minn idejk.+ 19 Madankollu, jekk int tkun wissejt lil xi ħadd ħażin+ u dan ma jdurx lura mill-​ħażen tiegħu u minn triqtu l-​ħażina, hu jmut għall-​iżball tiegħu;+ imma int tkun ħlist lil ruħek.+ 20 U meta xi ħadd ġust idur lura mis-​sewwa+ tiegħu u jagħmel l-​inġustizzja u jien ikolli nqiegħed tfixkil quddiemu,+ hu jmut għax int ma tkunx wissejtu. Għad-​dnub tiegħu jmut,+ u l-​atti ġusti li jkun għamel ma jitfakkrux,+ imma demmu nitolbu lura minn idejk.+ 21 Imma jekk int tkun wissejt lil xi ħadd ġust sabiex il-​ġust ma jidnibx,+ u hu fil-​fatt ma jidnibx, hu żgur jibqaʼ jgħix għax kien ġie mwissi,+ u int innifsek tkun ħlist lil ruħek.”+

22 U id Ġeħova ġiet fuqi hemmhekk u hu qalli: “Qum, mur lejn il-​pjanura fil-​wied,+ u nkellmek hemmhekk.” 23 Għalhekk, qomt u mort lejn il-​pjanura fil-​wied, u l-​glorja taʼ Ġeħova kienet wieqfa hemmhekk,+ bħall-​glorja li kont rajt ħdejn ix-​xmara Kebar,+ u nxtħett wiċċi fl-​art.+ 24 Imbagħad daħal fija l-​ispirtu+ li qajjimni fuq saqajja,+ u hu beda jkellimni u jgħidli:

“Mur ngħalaq f’darek. 25 U lilek, O bin il-​bniedem, se jqegħdulek il-​ħbula fuqek u jorbtuk bihom sabiex ma tkunx tistaʼ tmur f’nofshom.+ 26 U jien inwaħħallek ilsienek mas-​saqaf taʼ ħalqek,+ u int timmuta,+ u ma tkunx għalihom raġel li jagħti t-​twiddib,+ għax huma dar ribelluża.+ 27 U meta nkellmek niftaħlek fommok, u trid tgħidilhom,+ ‘Hekk qal il-​Mulej Sovran Ġeħova.’ Ħa jismaʼ min irid jismaʼ,+ u min ma jridx, ma jismax, għax huma dar ribelluża.+

4 “U int, O bin il-​bniedem, ħu maduma,* u qegħedha quddiemek u naqqax fuqha belt, iva, lil Ġerusalemm.+ 2 U dawwarha b’assedju+ u ibnilha ħajt taʼ l-​assedju+ u ibni magħha rampa għall-​assedju+ u waqqaf kampijiet kontriha u qiegħed magni li jġarrfu l-​ħitan dawramejt magħha.+ 3 U ħu pjanċa tal-​ħadid, u qegħedha bħala ħajt tal-​ħadid bejnek u bejn il-​belt, u ċċassa lejha, u din tkun f’assedju, u int tassedjaha. Dan hu sinjal għal dar Israel.+

4 “U mtedd fuq ġenbek tax-​xellug, u qiegħed fuqu l-​iżball taʼ dar Israel.+ Int iġġorr l-​iżball tagħhom skond l-​għadd tal-​jiem li ddum mimdud fuqu. 5 U jien stess nagħtik is-​snin taʼ l-​iżball tagħhom,+ skond l-​għadd tal-​jiem, tliet mija u disgħin jum,+ u int iġġorr l-​iżball taʼ dar Israel. 6 U trid ittemmhom kollha.

“U trid terġaʼ timtedd, għat-​tieni darba, fuq ġenbek tal-​lemin u ġġorr l-​iżball taʼ dar Ġuda erbgħin jum.+ Jum għal sena, jum għal sena, tajtek.+ 7 U ċċassa lejn l-​assedju taʼ Ġerusalemm,+ bi driegħek mikxuf, u pprofetizza kontriha.

8 “U, ara! Se nqiegħed ħbula+ fuqek sabiex ma ddurx minn ġenb għal ieħor, sakemm tkun temmejt il-​jiem kollha taʼ l-​assedju tiegħek.

9 “U ħu qamħ+ u xgħir u ful+ u għads+ u millieġ u spelta,*+ u qegħedhom f’borma waħda u agħmilhom ħobż għalik, tul il-​jiem li se tkun mimdud fuq ġenbek; tliet mija u disgħin jum iddum tiekol minnu.+ 10 U l-​ikel tiegħek tieklu bl-​użin—għoxrin xekel kuljum.+ U tiekol minnu minn ħin għal ieħor.

11 “U tixrob ilma biss bil-​qjies, parti minn sitta taʼ ħinn. U tixrob minn ħin għal ieħor.

12 “U tieklu bħala ftira tax-​xgħir;+ u taħmiha quddiem għajnejhom fuq biċċiet nexfin tal-​ħmieġ+ tal-​bniedem.” 13 U Ġeħova kompla jgħid: “Hekk se jieklu ħobżhom mhux nadif+ ulied Israel fost il-​ġnus fejn se nxerridhom.”+

14 U jien għedt: “Jaħasra, O Mulej Sovran Ġeħova! Ara! Ruħi m’hijiex imniġġsa;+ lanqas ma kilt xi ġisem li kien diġà mejjet jew xi annimal maħtuf minn mindu kont żgħir s’issa,+ u f’ħalqi ma daħal l-​ebda laħam imniġġes.”+

15 Għaldaqstant qalli: “Ara, tajtek demel tal-​baqar minflok biċċiet nexfin taʼ ħmieġ tal-​bniedem, u aħmi ħobżok fuqu.” 16 U kompla jgħidli: “Bin il-​bniedem, ara, f’Ġerusalemm qed inkisser il-​bsaten li jdendlu l-​ftajjar magħhom,+ u huma jkollhom jieklu l-​ħobż bl-​użin u bl-​ansjetà,+ u se jixorbu l-​ilma bil-​qjies u bit-​twerwir,+ 17 sabiex b’hekk jonqoshom il-​ħobż u l-​ilma u jħarsu mbellhin lejn xulxin u jitmermru fl-​iżball tagħhom.+

5 “U int, O bin il-​bniedem, ħu sejf jaqtaʼ. Użah bħal mus taʼ barbier, u għaddih fuq rasek u fuq id-​daqna tiegħek,+ u aqbad miżien u qassam ix-​xagħar f’porzjonijiet. 2 Terz taħarqu fin-​nar f’nofs il-​belt malli jgħaddu jiem l-​assedju.+ Imbagħad tieħu terz ieħor. U tidorbu bix-​xabla madwar il-​belt kollha,+ u l-​aħħar terz ixxerrdu mar-​riħ, u jien nislet is-​sejf għal warajhom.+

3 “U ħu ftit minn taʼ l-​aħħar u geżwru fi djulek.+ 4 U minn dan ħu ftit ieħor u itfgħu qalb in-​nar u aħarqu fin-​nar. Minn dan in-​nar se jinfirex nar maʼ dar Israel kollha.+

5 “Hekk qal il-​Mulej Sovran Ġeħova, ‘Din hi Ġerusalemm. Qegħedtha f’nofs il-​ġnus, imdawra bil-​pajjiżi. 6 U hi aġixxiet b’mod ribelluż kontra d-​deċiżjonijiet ġudizzjarji tiegħi u b’ħażen akbar minn tal-​ġnus,+ u kontra l-​istatuti tiegħi iktar mill-​pajjiżi kollha taʼ madwarha, għax ċaħdu d-​deċiżjonijiet ġudizzjarji tiegħi u ma mxewx maʼ l-​istatuti tiegħi.’+

7 “Għaldaqstant, hekk qal il-​Mulej Sovran Ġeħova, ‘Talli rribellajtu+ iktar mill-​ġnus kollha taʼ madwarkom, billi ma mxejtux maʼ l-​istatuti tiegħi u ma wettaqtux id-​deċiżjonijiet ġudizzjarji tiegħi;+ imma għamiltu skond id-​deċiżjonijiet ġudizzjarji tal-​ġnus taʼ madwarkom,+ 8 mela hekk qal il-​Mulej Sovran Ġeħova: “Ara, jien kontrik, O belt, iva, jien,+ u se nwettaq f’nofsok id-​deċiżjonijiet ġudizzjarji quddiem għajnejn il-​ġnus.+ 9 U fik nagħmel dak li m’għamiltx u li m’iniex se nerġaʼ nagħmel bħalu, minħabba l-​affarijiet mistkerrhin kollha li għamilt int.+

10 “‘“Għalhekk, ikun hemm missirijiet li jieklu ’l uliedhom f’nofsok,+ u wlied li jieklu lil missirijiethom, u jien inwettaq fik atti taʼ ġudizzju u nxerred maʼ kull riħ lil dawk kollha li jibqaʼ minnek.”’+

11 “‘Għalhekk, daqskemm jien ħaj,’ hija l-​kelma tal-​Mulej Sovran Ġeħova, ‘żgur li talli kien is-​santwarju tiegħi li int niġġist bil-​qżiżijiet+ u bl-​affarijiet mistkerrhin kollha tiegħek,+ inkun jien li nnaqqas l-​għadd tiegħek+ u għajnejja ma jitħassrukx+ u ma nurikx mogħdrija.+ 12 Terz minnek—bil-​pesti jmutu,+ u bil-​ġuħ jintemmu f’nofsok.+ U terz ieħor—bis-​sejf jaqgħu madwarek. U l-​aħħar terz inxerridhom maʼ kull riħ,+ u nislet sejf għal warajhom.+ 13 U r-​rabja tiegħi tintemm+ u jien inberred il-​korla tiegħi għalihom+ u nitfarraġ;+ u jkollhom ikunu jafu li jien, Ġeħova, tkellimt għax ninsisti għal devozzjoni esklużiva,+ meta ntemm il-​korla tiegħi fuqhom.

14 “‘U nagħmlek ħerba u oġġett taʼ żebliħ fost il-​ġnus kollha taʼ madwarek quddiem għajnejn kulmin jgħaddi minn ħdejk.+ 15 U int issir oġġett taʼ żebliħ+ u taʼ tgħajjir,+ eżempju taʼ twissija+ u ħaġa tat-​twerwir għall-​ġnus kollha taʼ madwarek, meta nwettaq fik atti taʼ ġudizzju bir-​rabja u bil-​korla u b’ċanfir qalil.+ Jien, Ġeħova, tkellimt.

16 “‘Meta nitfaʼ fuqkom il-​vleġeġ tal-​ġuħ+ li jagħmlu l-​ħsara u li jġibu rovina, vleġeġ li jien se nitfagħhom biex neqridkom,+ iva, se nżid il-​ġuħ fuqkom u nkissrilkom il-​bsaten li ddendlu l-​ftajjar magħhom.+ 17 U se nibgħat fuqkom ġuħ u bhejjem salvaġġi+ li jagħmlu l-​ħsara u jħallukom bla tfal; u pesta+ u demm+ se jgħaddu minn fostkom, u sejf inġib fuqkom.+ Jien, Ġeħova, tkellimt.’”

6 U l-​kelma taʼ Ġeħova kompliet tiġi għandi, tgħid: 2 “Bin il-​bniedem, dawwar wiċċek lejn il-​muntanji taʼ Israel u pprofetizzalhom.+ 3 Għidilhom, ‘O muntanji taʼ Israel, isimgħu l-​kelma tal-​Mulej Sovran Ġeħova:+ Hekk qal il-​Mulej Sovran Ġeħova lill-​muntanji u lill-​għoljiet,+ lin-​nixxigħat u lill-​widien: “Hawn jien! Se nġib fuqkom sejf, u se neqred il-​postijiet għall-​qima* tagħkom.+ 4 U l-​artali tagħkom iridu jiġu abbandunati+ u l-​artali taʼ l-​inċens jitkissru, u se nwaqqaʼ lill-​maqtulin tagħkom quddiem l-​idoli tagħkom moqżieża daqs id-​demel.+ 5 U nqiegħed l-​iġsma mejtin taʼ wlied Israel quddiem l-​idoli tagħhom moqżieża daqs id-​demel, u nxerred għadamkom madwar l-​artali tagħkom.+ 6 Kulfejn tgħammru,+ blietkom isiru ħerba+ u l-​postijiet għall-​qima jiġu abbandunati, sabiex jibqgħu ħerba+ u l-​artali tagħkom jibqgħu abbandunati u jitkissru+ u l-​idoli tagħkom moqżieża daqs id-​demel jintemmu+ u l-​artali tagħkom taʼ l-​inċens jitkissru+ u xogħol idejkom jinqered. 7 U l-​maqtulin se jaqgħu f’nofskom,+ u intom se jkollkom tkunu tafu li jien Ġeħova.*+

8 “‘“U meta jseħħ dan, jien inħallilkom bħala fdal lil dawk li jaħarbu mis-​sejf fost il-​ġnus, meta tixterdu mal-​pajjiżi.+ 9 U dawk fostkom li jaħarbu żgur se jiftakruni fost il-​ġnus fejn ikunu ttieħdu fil-​jasar,+ għax qasmuli qalbi peress li l-​qalb żienja tagħhom warrbet minni+ u għajnejhom qed jiġru wara l-​idoli tagħhom moqżieża daqs id-​demel biex jiżnu magħhom;+ u minn wiċċhom ikun jidher li qed jistkerrhu lilhom infushom minħabba l-​affarijiet ħżiena li għamlu bl-​affarijiet mistkerrhin kollha tagħhom.+ 10 U se jkollhom ikunu jafu li jien Ġeħova; ma tkellimtx għalxejn meta għedt+ li nġib fuqhom dan il-​gwaj.”’+

11 “Hekk qal il-​Mulej Sovran Ġeħova, ‘Ċapċpu idejkom+ u sabbtu saqajkom, u għidu: “Jaħasra!” minħabba l-​affarijiet ħżiena u mistkerrhin kollha taʼ dar Israel,+ għax bis-​sejf,+ bil-​ġuħ+ u bil-​pesta għad jaqgħu.+ 12 U dak li jkun ’il bogħod+ imut bil-​pesta; u dak li jkun viċin jaqaʼ bis-​sejf; u dak li jkun baqaʼ u ħelisha jmut bil-​ġuħ, u jien intemm il-​korla tiegħi fuqhom.+ 13 U se jkollhom ikunu jafu li jien Ġeħova,+ meta l-​maqtulin tagħhom ikunu qalb l-​idoli tagħhom moqżieża daqs id-​demel,+ madwar l-​artali tagħhom,+ fuq kull għolja,+ fuq il-​qċaċet kollha tal-​muntanji+ u taħt kull siġra tħaddar+ u taħt kull siġra kbira b’ħafna weraq,+ il-​post fejn offrew riħa pjaċevoli* lill-​idoli kollha tagħhom moqżieża daqs id-​demel.+ 14 U mmidd idi fuqhom+ u lil arthom nagħmilha art abbandunata, abbandunata iktar mix-​xagħri lejn Dibla, kulfejn jgħammru. U se jkollhom ikunu jafu li jien Ġeħova.’”

7 U l-​kelma taʼ Ġeħova kompliet tiġi għandi tgħid: 2 “U int, O bin il-​bniedem, hekk qal il-​Mulej Sovran Ġeħova lill-​art taʼ Israel, ‘Ġie tmiem, it-​tmiem, fuq l-​erbat itruf tal-​pajjiż.+ 3 Issa t-​tmiem hu fuqek,+ u se nibgħat ir-​rabja tiegħi kontrik, u se niġġudikak skond triqatek+ u nġib fuqek l-​affarijiet mistkerrhin kollha tiegħek. 4 U għajnejja ma jitħassrukx,+ u ma nagħdrekx, għax triqatek inġibhom fuqek stess, u l-​affarijiet mistkerrhin tiegħek jiġu f’nofsok;+ u intom se jkollkom tkunu tafu li jien Ġeħova.’+

5 “Hekk qal il-​Mulej Sovran Ġeħova, ‘Ġej gwaj, gwaj mhux tas-​soltu. Ara, ġej!+ 6 Ġej tmiem.+ It-​tmiem ġej; se jistenbaħ biex jiġi għalik. Ara! Ġej.+ 7 Il-girlanda tal-​gwaj ġejja għandek, O abitant tal-​pajjiż, iż-​żmien se jasal, il-​jum fil-​qrib.+ Hemm konfużjoni minflok l-​għajat tal-​muntanji.

8 “‘Issa dalwaqt inferraʼ l-​korla tiegħi fuqek,+ u ntemm ir-​rabja tiegħi fuqek,+ u niġġudikak skond triqatek+ u l-​affarijiet mistkerrhin kollha tiegħek inġibhom fuqek. 9 U għajnejja ma jitħassrukx+ u ma nagħdrekx.+ Triqatek se nġibhom fuqek stess, u l-​affarijiet mistkerrhin tiegħek se jiġu f’nofsok;+ u intom se jkollkom tkunu tafu li jien Ġeħova, dak li qed insawwatkom.+

10 “‘Ara! Il-​jum! Ara! Ġej.+ Il-​girlanda tal-​gwaj ħarġet.+ Il-​ħatar warrad.+ Il-​prużunzjoni nibtet.+ 11 Il-vjolenza kibret u saret ħatar tal-​ħażen.+ U la l-​għana tagħhom, la huma nfushom, u lanqas il-​prominenza tagħhom ma se jeħilsuhom mill-​kastig. 12 Iż-żmien ġej, il-​jum se jasal. U ħa ma jifraħx ix-​xerrej;+ u ħa ma jitnikkitx il-​bejjiegħ, għax is-​saħna qiegħda kontra l-​kotra tagħhom kollha. 13 Għax il-​bejjiegħa mhux se jerġgħu lura għal dak li biegħu, waqt li jkunu għadhom ħajjin; għax il-​viżjoni hi għall-​kotra tagħhom kollha. Ħadd ma jerġaʼ lura, u ħadd ma jistaʼ jsalva ħajtu bl-​iżball li jagħmel.

14 “‘Daqqew it-​trumbetta+ u kulħadd ipprepara ruħu, imma ħadd m’hu sejjer għall-​battalja, għax is-​saħna tiegħi qiegħda kontra l-​kotra tagħhom kollha.+ 15 Is-sejf+ qiegħed barra, u l-​pesta u l-​ġuħ ġewwa.+ Kulmin ikun fl-​għalqa jmut bis-​sejf, u kulmin ikun fil-​belt jinbelaʼ mill-​ġuħ u l-​pesta.+ 16 U l-​maħrubin tagħhom jaħarbu+ u fuq il-​muntanji jsiru bħall-​ħamiem tal-​widien,+ li kollha jokorbu, kull wieħed minħabba l-​iżball tiegħu. 17 U l-​idejn kollha jintelqu;+ u l-​irkopptejn kollha jqattru l-​ilma.*+ 18 U huma tħażżmu bl-​ilbies taʼ l-​ixkora,+ u nksew bir-​rogħda;+ u fuq l-​uċuħ kollha tidher il-​mistħija+ u rjushom kollha qargħin.+

19 “‘Fit-​toroq għad jitfgħu l-​fidda tagħhom, u d-​deheb tagħhom għad isir xi ħaġa mistmerra. La l-​fidda u lanqas id-​deheb tagħhom ma se jkunu jistgħu jeħilsuhom f’jum il-​qilla taʼ Ġeħova.+ Ruħhom ma jxebbgħuhiex, u msarinhom ma jimlewhomx, għax dan sar tfixkil għalihom u kkaġuna l-​iżball tagħhom.+ 20 Tkabbru bil-​ġmiel tat-​tiżjin tagħhom; huma użaw il-​fidda u d-​deheb biex jagħmlu xbihat mistkerrhin,+ l-​affarijiet moqżieża tagħhom.+ Għalhekk, nagħmilhomlhom ħaġa mistmerra għalihom.+ 21 U nagħtihom f’id l-​istranġieri biex jaħtfuhomlhom u lill-​ħżiena taʼ l-​art biex jiħduhomlhom bħala priża,+ u jipprofanawhom.

22 “‘U jkolli ndawwar wiċċi lil hinn minnhom,+ u huma jipprofanaw il-​post moħbi tiegħi, u fih jidħlu l-​ħallelin u jipprofanawh.+

23 “‘Agħmel il-​katina,+ għax il-​pajjiż imtela b’ġudizzju mtebbaʼ bid-​demm+ u l-​belt imtliet bil-​vjolenza.+ 24 U jien indaħħal l-​agħar nies tal-​ġnus,+ u huma jiħdulhom djarhom,+ u ntemm il-​kburija taʼ dawk b’saħħithom,+ u s-​santwarji tagħhom jiġu profanati.+ 25 Ikun hemm diqa, u jipprovaw ifittxu l-​paċi imma ma jkun hemm ebda paċi.+ 26 Jiġi għawġ fuq għawġ,+ u jkun hemm rapport fuq rapport, u n-​nies ifittxu viżjoni mingħand profeta,+ u l-​liġi tgħib mingħand il-​qassis u l-​pariri mingħand ix-​xjuħ.+ 27 Is-sultan stess ikun imnikket;+ u kap ewlieni jinħakem mid-​disprament,+ u minħabba t-​taħwid idejn in-​nies tal-​pajjiż jitriegħdu. Jien naġixxi magħhom skond triqithom,+ u bil-​ġudizzji tagħhom niġġudikahom;+ u se jkollhom ikunu jafu li jien Ġeħova.’”+

8 U ġara fis-​sitt sena, fis-​sitt xahar, fil-​ħames jum tax-​xahar, li kont bil-​qiegħda f’dari u x-​xjuħ taʼ Ġuda kienu bil-​qiegħda quddiemi,+ u id il-​Mulej Sovran Ġeħova niżlet fuqi hemmhekk.+ 2 U bdejt inħares, u rajt xi ħaġa qisha nar;+ u minn dawk li kienu jidhru qishom ġenbejh u ’l isfel kien hemm nar,+ u minn ġenbejh ’il fuq kien hemm xi ħaġa tidher tleqq, tixgħel bħall-​metall imħallat mid-​deheb u l-​fidda.+ 3 Imbagħad bħal donnu ħareġ idu+ u qabadni minn troffa xagħar taʼ rasi; u spirtu+ ġarrni bejn l-​art u s-​smewwiet u ġabni Ġerusalemm fil-​viżjonijiet t’Alla,+ lejn id-​daħla tal-​bieb taʼ ġewwa+ li jħares lejn it-​tramuntana, fejn jgħammar is-​simbolu taʼ l-​għira li qed iqanqal l-​għira.*+ 4 U, ara! Il-​glorja taʼ l-​Alla taʼ Israel kienet hemmhekk,+ u kienet tidher bħalma kont rajtha fil-​pjanura fil-​wied.

5 U qalli: “Bin il-​bniedem, jekk jogħġbok, erfaʼ għajnejk lejn it-​tramuntana.” Għalhekk, erfajt għajnejja lejn it-​tramuntana, u lejn it-​tramuntana tal-​bieb taʼ l-​artal kien hemm dan is-​simbolu taʼ l-​għira+ fid-​daħla. 6 U kompla jgħidli: “Bin il-​bniedem, qiegħed tara l-​affarijiet ferm mistkerrhin li qed jagħmlu,+ l-​affarijiet li n-​nies taʼ dar Israel qed jagħmlu hawnhekk biex jien nitbiegħed mis-​santwarju tiegħi?+ U madankollu se tara affarijiet oħrajn ferm mistkerrhin.”

7 Għaldaqstant ħadni lejn id-​daħla tal-​bitħa, u bdejt inħares, u kien hemm toqba fil-​ħajt. 8 U issa qalli: “Bin il-​bniedem, jekk jogħġbok, ħaffer il-​ħajt.”+ U jien ħaffirt il-​ħajt, u kien hemm daħla. 9 U żied jgħidli: “Idħol u ara l-​affarijiet mistkerrhin tant terribbli li qed jagħmlu hawnhekk.”+ 10 Għalhekk, dħalt u bdejt inħares, u kien hemm kull rappreżentazzjoni+ taʼ ħlejjaq li jitkaxkru u taʼ bhejjem moqżieża,+ u kull idolu taʼ dar Israel moqżież daqs id-​demel,+ u dawn kienu minquxin fuq il-​ħajt dawramejt. 11 U kien hemm weqfin quddiemhom sebgħin raġel+ mix-​xjuħ taʼ dar Israel, b’Ġagħżanija bin Safan+ wieqaf f’nofshom, u kull wieħed kellu inċensier f’idu, u l-​fwieħa tas-​sħaba taʼ l-​inċens kienet tielgħa ’l fuq.+ 12 U qalli: “Rajt, O bin il-​bniedem, x’qed jagħmlu x-​xjuħ taʼ dar Israel fid-​dlam,+ kull wieħed fil-​kmamar taʼ ġewwa fejn għandu l-​figuri skolpiti tiegħu? Għax qed jgħidu, ‘Ġeħova mhux qed jarana.+ Ġeħova ħalla l-​pajjiż.’”

13 U kompla jgħidli: “Se tarahom jagħmlu affarijiet oħrajn ferm mistkerrhin.”+ 14 Għalhekk, ħadni lejn id-​daħla tal-​bieb tad-​dar taʼ Ġeħova, li qiegħda lejn it-​tramuntana, u kien hemm in-​nisa bil-​qiegħda, jibku ’l-alla Tammuż.

15 U qalli wkoll: “Qed tarah dan, O bin il-​bniedem? Se tara affarijiet jerġaʼ agħar minn dawn l-​affarijiet ferm mistkerrhin.”+ 16 Għalhekk, ħadni fil-​bitħa taʼ ġewwa tad-​dar taʼ Ġeħova,+ u fid-​daħla tat-​tempju taʼ Ġeħova, bejn il-​loġġa u l-​artal,+ kien hemm xi ħamsa u għoxrin raġel+ b’daharhom lejn it-​tempju taʼ Ġeħova+ u wiċċhom lejn il-​lvant imilu lejn ix-​xemx.+

17 U kompla jgħidli: “Qed tarah dan, O bin il-​bniedem? Hija ħaġa żgħira għal dar Ġuda li jagħmlu dawn l-​affarijiet mistkerrhin li għamlu hawnhekk, biex jimlew ukoll il-​pajjiż bil-​vjolenza+ u jerġgħu joffenduni, u qed jgħollu r-​rimja* maʼ mnieħri? 18 Għalhekk, jien ukoll se naġixxi bil-​korla.+ Għajnejja ma jitħassruhomx, u ma nagħdirhomx.+ U huma se jgħajtu f’widnejja b’leħen qawwi, imma jien ma nismagħhomx.”+

9 U għajjat b’leħen qawwi li smajtu b’widnejja, u qal: “Ħa jersqu dawk li se jikkastigaw il-​belt, kull wieħed bl-​arma tiegħu f’idu biex iġib ħerba!”

2 U, ara! Kien hemm sitt irġiel ġejjin min-​naħa tal-​bieb taʼ fuq+ li jħares lejn it-​tramuntana, u kull wieħed minnhom kellu l-​arma tiegħu f’idu biex ifarrak biha. Magħhom kien hemm raġel liebes l-​għażel,+ u kellu l-​kaxxa tal-​kitba taʼ segretarju fuq ġenbu, u dawn daħlu u waqfu ħdejn l-​artal tar-​ram aħmar.+

3 U l-​glorja taʼ l-​Alla taʼ Israel+ intrefgħet minn fuq il-​kerubini+ li kienet fuqhom u marret lejn l-​għatba tad-​dar,+ u hu beda jsejjaħ lir-​raġel liebes l-​għażel+ u li fuq ġenbu kellu l-​kaxxa tal-​kitba taʼ segretarju. 4 U Ġeħova kompla jgħidlu: “Għaddi minn nofs il-​belt, minn nofs Ġerusalemm, u agħmel marka fuq ġbin dawk li qed jitniehdu u jokorbu+ minħabba l-​affarijiet mistkerrhin kollha li qed isiru f’nofsha.”+

5 U lill-​oħrajn qalilhom, u dan smajtu b’widnejja: “Għaddu mill-​belt warajh u idorbu. Tħallux lil għajnejkom tiġihom ħasra, u tagħdrux.+ 6 Ix-xiħ, iż-​żagħżugħ u l-​verġni u t-​tifel żgħir u n-​nisa,+ oqtluhom—sakemm teqirduhom. Imma kulmin ikollu fuqu l-​marka tersqux lejh,+ u tridu tibdew mis-​santwarju tiegħi.”+ Għalhekk, bdew mill-​irġiel xjuħ li kienu quddiem id-​dar.+ 7 U qalilhom ukoll: “Niġġsu d-​dar u imlew il-​btieħi bil-​maqtulin.+ Oħorġu!” U ħarġu u bdew jidorbu fil-​belt.

8 U ġara li waqt li kienu qed jidorbu u bqajt jien waħdi, inxtħett wiċċi fl-​art+ u bdejt ngħajjat u ngħid: “Jaħasra,+ O Mulej Sovran Ġeħova! Kollha se teqridhom lil dawk li fadal minn Israel int u tferraʼ l-​korla tiegħek fuq Ġerusalemm?”+

9 Għalhekk, qalli: “L-​iżball taʼ dar Israel u Ġuda+ hu kbir ħafna u ħafna,+ u l-​pajjiż mimli bit-​tixrid taʼ demm+ u l-​belt mimlija tagħwiġ;+ għax qalu, ‘Ġeħova ħalla l-​pajjiż,+ u Ġeħova mhux qed jara.’+ 10 Mela jien ukoll, mhux se nħalli lil għajnejja tiġihom ħasra,+ u lanqas ma se nuri mogħdrija.+ Triqithom inġibha fuq rashom stess.”+

11 U, ara, ir-​raġel liebes l-​għażel, u li fuq ġenbu kellu l-​kaxxa tal-​kitba, ġie lura jirrapporta u jgħid: “Għamilt eżatt kif ikkmandajtni.”+

10 U komplejt inħares, u fuq il-​firxa+ li kienet fuq ras il-​kerubini kien hemm tidher fuqhom xi ħaġa bħal ħaġra taż-​żaffir,+ tixbah lil tron.+ 2 U lir-​raġel liebes l-​għażel+ qallu: “Idħol bejn ir-​roti li jduru bil-​ħeffa,+ taħt il-​kerubini, u imla l-​pali taʼ idejk it-​tnejn bil-​ġamar+ tan-​nar minn bejn il-​kerubini u ixħtu fuq il-​belt.”+ U daħal, quddiem għajnejja.

3 U l-​kerubini kienu weqfin fuq il-​lemin tad-​dar meta daħal ir-​raġel, u s-​sħaba kienet qed timla l-​bitħa taʼ ġewwa.+ 4 U l-​glorja taʼ Ġeħova+ kienet għoliet minn fuq il-​kerubini u marret lejn l-​għatba tad-​dar, u d-​dar imtliet bis-​sħaba,+ u l-​bitħa kienet mimlija bid-​dija tal-​glorja taʼ Ġeħova. 5 U l-​ħoss tal-​ġwienaħ tal-​kerubini+ kien jinstemaʼ mill-​bitħa taʼ barra, bħall-​ħoss taʼ meta jitkellem Alla li Jistaʼ Kollox.+

6 U ġara li meta kkmanda lir-​raġel liebes l-​għażel: “Ħu n-​nar minn bejn ir-​roti li jduru bil-​ħeffa, minn bejn il-​kerubini,” dan daħal u waqaf ħdejn ir-​rota. 7 Imbagħad il-​kerubin ħareġ idu minn bejn il-​kerubini lejn in-​nar+ li kien hemm bejn il-​kerubini+ u ġarru u qiegħdu fil-​pali taʼ idejn ir-​raġel liebes l-​għażel,+ li dan imbagħad ħadu u ħareġ. 8 U deher li l-​kerubini kellhom xi ħaġa li tixbah id taʼ bniedem taħt il-​ġwienaħ tagħhom.+

9 U komplejt inħares, u kien hemm erbaʼ roti ħdejn il-​kerubini, rota ħdejn kerubin wieħed u rota ħdejn kerubin ieħor,+ u r-​roti kienu jidhru qishom qed jixegħlu bħal ħaġra tal-​krisolitu. 10 U l-​erbgħa li huma kienu jidhru l-​istess, bħal meta rota tkun f’nofs rota.+ 11 Meta kienu jitilqu kienu jmorru fl-​erbaʼ naħat tagħhom. Ma kinux jibdlu d-​direzzjoni huma u sejrin, għax fejn kienet tħares ir-​ras, ’l hemm kienu jmorru. Ma kinux jibdlu d-​direzzjoni huma u sejrin.+ 12 U ġisimhom kollu u daharhom u idejhom u l-​ġwienaħ tagħhom u r-​roti kienu mimlijin għajnejn dawramejt.+ L-​erbgħa li huma kellhom ir-​roti tagħhom. 13 U lir-​roti ntqalilhom, u dan smajtu b’widnejja, “O roti, duru bil-​ħeffa!”

14 U kull wieħed kellu erbaʼ wċuħ.+ L-​ewwel wiċċ kien il-​wiċċ tal-​kerubin, u t-​tieni wiċċ kien wiċċ taʼ bniedem,+ u t-​tielet kien wiċċ taʼ ljun, u r-​rabaʼ kien wiċċ t’ajkla.+

15 U l-​kerubini kienu jogħlew+—kienu l-​istess ħlejjaq ħajjin li kont rajt ħdejn ix-​xmara Kebar+— 16 u meta l-​kerubini kienu jitilqu, ir-​roti kienu jmorru magħhom;+ u meta l-​kerubini kienu jiftħu l-​ġwienaħ tagħhom biex jogħlew ’il fuq mill-​art, ir-​roti ma kinux jibdlu d-​direzzjoni minn maġenbhom.+ 17 Meta kienu jieqfu, dawn kienu jieqfu wkoll; u meta kienu jogħlew,+ kienu jogħlew magħhom, għax l-​ispirtu li kien fuq il-​ħlejjaq ħajjin kien fuqhom ukoll.+

18 U l-​glorja+ taʼ Ġeħova telqet minn fuq l-​għatba tad-​dar u waqfet fuq il-​kerubini.+ 19 U l-​kerubini issa fetħu l-​ġwienaħ tagħhom u għolew mill-​art+ quddiem għajnejja. Huma u sejrin, ir-​roti wkoll kienu qrib maġenbhom; u waqfu ħdejn id-​daħla tal-​bieb tal-​lvant tad-​dar taʼ Ġeħova, u l-​glorja taʼ l-​Alla taʼ Israel kienet fuqhom, minn fuq.

20 Dawn huma l-​ħlejjaq ħajjin+ li kont rajt taħt l-​Alla taʼ Israel ħdejn ix-​xmara Kebar,+ u għalhekk sirt naf li kienu kerubini. 21 U kull wieħed minnhom, l-​erbgħa li huma, kellu erbaʼ wċuħ+ u kull wieħed kellu erbaʼ ġwienaħ, u taħt il-​ġwienaħ kellhom bħal idejn taʼ bniedem. 22 U l-​uċuħ tagħhom kienu jidhru bħall-​uċuħ li kont rajt ħdejn ix-​xmara Kebar, bħalhom eżatt.+ Kull kerubin kien imur dritt ’il quddiem.+

11 U spirtu+ refagħni+ u ħadni lejn il-​bieb tal-​lvant tad-​dar taʼ Ġeħova li jħares lejn il-​lvant,+ u, ara, fid-​daħla tal-​bieb kien hemm ħamsa u għoxrin raġel,+ u rajt f’nofshom lil Ġagħżanija bin Għażżur u lil Pelatija bin Benaja, prinċpijiet tal-​poplu.+ 2 Imbagħad Hu qalli: “Bin il-​bniedem, dawn huma l-​irġiel li qed ifasslu l-​ħsara u jagħtu pariri ħżiena kontra din il-​belt;+ 3 li qed jgħidu, ‘Mhux dalwaqt jinbnew id-​djar?+ Hi l-​borma l-​kbira,+ u aħna l-​laħam.’*

4 “Għalhekk, ipprofetizza kontrihom. Ipprofetizza, O bin il-​bniedem.”+

5 Imbagħad niżel fuqi l-​ispirtu taʼ Ġeħova,+ u hu qalli: “Għid, ‘Hekk qal Ġeħova:+ “Intom għedtu sew, O dar Israel; u jien naf+ x’jiġikom f’moħħkom. 6 Minħabba fikom il-​maqtulin tagħkom f’din il-​belt huma ħafna, u t-​toroq tagħha mlejtuhomlha bil-​maqtulin.”’”+ 7 “Għaldaqstant, hekk qal il-​Mulej Sovran Ġeħova, ‘Il-​maqtulin tagħkom li tfajtu f’nofsha huma l-​laħam,+ u hi l-​borma l-​kbira;+ u intom tiġu maħruġin minn ġo nofsha.’”+

8 “‘Intom bżajtu mis-​sejf,+ u s-​sejf inġib fuqkom,’ hija l-​kelma tal-​Mulej Sovran Ġeħova.+ 9 ‘U jien noħroġkom minn ġo nofsha u nagħtikom f’idejn l-​istranġieri+ u nwettaq fuqkom atti taʼ ġudizzju.+ 10 Bis-sejf taqgħu.+ Nagħmel ħaqq minnkom fil-​fruntiera taʼ Israel;+ u se jkollkom tkunu tafu li jien Ġeħova.+ 11 Ma tkunx għalikom borma kbira,+ u intom ma tkunux il-​laħam taʼ ġo fiha. Fil-​fruntiera taʼ Israel nagħmel ħaqq minnkom, 12 u se jkollkom tkunu tafu li jien Ġeħova, għax ma mxejtux mar-​regolamenti u mal-​ġudizzji tiegħi,+ imma aġixxejtu skond il-​ġudizzji tal-​ġnus taʼ madwarkom.’”+

13 U ġara li malli spiċċajt nipprofetizza, Pelatija bin Benaja miet,+ u jien inxtħett wiċċi fl-​art u għajjatt b’leħen qawwi+ u għedt: “Jaħasra, O Mulej Sovran Ġeħova!+ Se teqridhom għalkollox lil dawk li fadal minn Israel?”+

14 U l-​kelma taʼ Ġeħova kompliet tiġi għandi, tgħid: 15 “Bin il-​bniedem, inkwantu għal ħutek,+ ħutek, l-​irġiel li jinteressahom mid-​dritt tiegħek li tixtri wirtek lura, u d-​dar kollha taʼ Israel, kollha kemm hi, huma dawk li lilhom l-​abitanti taʼ Ġerusalemm qalulhom, ‘Tbiegħdu minn Ġeħova. L-​art tagħna; lilna ngħatat biex tkun tagħna’;+ 16 għaldaqstant għid, ‘Hekk qal il-​Mulej Sovran Ġeħova: “Għalkemm bgħatthom ’il bogħod fost il-​ġnus, u għalkemm xerridthom fost il-​pajjiżi,+ jien se nsir għalihom santwarju għal ftit żmien fost il-​pajjiżi li marru fihom.”’+

17 “Għaldaqstant għid, ‘Hekk qal il-​Mulej Sovran Ġeħova: “Se niġborkom mill-​popli u niġmagħkom mill-​pajjiżi li xxerridtu fihom, u nagħtikom l-​art taʼ Israel.+ 18 U huma jmorru hemmhekk u jneħħulha l-​qżiżijiet u l-​affarijiet mistkerrhin kollha tagħha.+ 19 U nagħtihom qalb waħda,+ u ndaħħal fihom spirtu ġdid;+ u nneħħi l-​qalb tal-​ġebel minn ġisimhom+ u nagħtihom qalb tal-​laħam,+ 20 sabiex jimxu maʼ l-​istatuti tiegħi u jħarsu d-​deċiżjonijiet ġudizzjarji tiegħi u jwettquhom;+ u huma tassew isiru l-​poplu tiegħi+ u jien insir Alla tagħhom.”’+

21 “‘“Imma dawk li qalbhom miexja wara l-​qżiżijiet u l-​affarijiet mistkerrhin tagħhom,+ triqithom inġibha fuq rashom,” hija l-​kelma tal-​Mulej Sovran Ġeħova.’”+

22 U l-​kerubini+ fetħu l-​ġwienaħ tagħhom, u r-​roti kienu qrib ħdejhom,+ u l-​glorja+ taʼ l-​Alla taʼ Israel kienet fuqhom, minn fuq.+ 23 U l-​glorja taʼ Ġeħova+ telgħet minn fuq nofs il-​belt u waqfet fuq il-​muntanja+ li qiegħda lejn il-​lvant tal-​belt.+ 24 U spirtu+ refagħni+ u ħadni l-​Kaldija għand il-​poplu eżiljat,+ fil-​viżjoni mill-​ispirtu t’Alla; u l-​viżjoni li kont rajt intrefgħet minn fuqi. 25 U bdejt inkellem lill-​poplu eżiljat dwar l-​affarijiet kollha li kien ġegħelni nara Ġeħova.+

12 U l-​kelma taʼ Ġeħova kompliet tiġi għandi, tgħid: 2 “Bin il-​bniedem, fost dar ribelluża qed tgħammar,+ li għandhom għajnejn biex jaraw imma ma jarawx,+ li għandhom widnejn biex jisimgħu imma ma jisimgħux,+ għax huma dar ribelluża.+ 3 U int, O bin il-​bniedem, agħmel sorra għalik bħallikieku għall-​eżilju u mur fl-​eżilju bi nhar quddiem għajnejhom, u minfejn qiegħed mur fl-​eżilju lejn post ieħor quddiem għajnejhom. Forsi jieħdu l-​messaġġ, għalkemm huma dar ribelluża.+ 4 U bi nhar oħroġ is-​sorra tiegħek quddiem għajnejhom, bħallikieku s-​sorra għall-​eżilju, u int stess oħroġ fil-​għaxija quddiem għajnejhom bħal dawk li jinħarġu għall-​eżilju.+

5 “Quddiem għajnejhom, ħaffer il-​ħajt biex tgħaddi minnu, u oħroġ is-​sorra minn ġo fih.+ 6 Quddiem għajnejhom ġorrha fuq spallejk, u oħroġha fid-​dlam. U għatti wiċċek sabiex ma tarax l-​art, għax sinjal+ għamiltek għal dar Israel.”+

7 U jien għamilt eżatt kif ġejt kmandat.+ Bi nhar ħriġt is-​sorra tiegħi, bħas-​sorra għall-​eżilju; u fil-​għaxija ħaffirt il-​ħajt b’idi biex ngħaddi minnu. Fid-​dlam ħriġt is-​sorra u ġarrejtha fuq spallejja, quddiem għajnejhom.

8 U fil-​għodu l-​kelma taʼ Ġeħova kompliet tiġi għandi, tgħid: 9 “Bin il-​bniedem, ma qalulekx dawk taʼ dar Israel, id-​dar ribelluża,+ ‘X’int tagħmel?’ 10 Mela għidilhom, ‘Hekk qal il-​Mulej Sovran Ġeħova: “Għall-​kap ewlieni+ hemm din id-​dikjarazzjoni kontra Ġerusalemm u d-​dar kollha taʼ Israel li jinsabu hemmhekk.”’

11 “Għid, ‘Jien sinjal+ għalikom. Kif għamilt jien, hekk se jiġrilhom. Fl-​eżilju, fil-​jasar imorru.+ 12 U l-​kap ewlieni li jinsab fosthom, fuq l-​ispallejn iġorr is-​sorra fid-​dlam u joħroġ; iħaffru l-​ħajt sabiex joħorġuha minnu.+ Wiċċu jgħattih sabiex ma jarax l-​art b’għajnejh.’ 13 U jien nifrex ix-​xibka tiegħi fuqu, u jinqabad fix-​xibka tal-​kaċċa tiegħi;+ u nġibu Babilonja, lejn l-​art tal-​Kaldin,+ imma hu ma jarahiex; u hemmhekk imut.+ 14 U kulmin ikun madwaru biex jgħinu, u l-​qtajjaʼ militari kollha tiegħu, inxerridhom maʼ kull riħ;+ u nislet sejf għal warajhom.+ 15 U se jkollhom ikunu jafu li jien Ġeħova meta nxerridhom fost il-​ġnus u nferrixhom fost il-​pajjiżi.+ 16 U nħalli minnhom ftit irġiel meħlusin mis-​sejf,+ mill-​ġuħ u mill-​pesta, sabiex ikunu jistgħu jirrakkontaw fost il-​ġnus li jkunu fihom+ dwar l-​affarijiet mistkerrhin kollha tagħhom;+ u se jkollhom ikunu jafu li jien Ġeħova.”

17 U l-​kelma taʼ Ġeħova kompliet tiġi għandi, tgħid: 18 “Bin il-​bniedem, ħobżok kulu bit-​tregħid; u bl-​inkwiet u bl-​ansjetà ixrob l-​ilma tiegħek.+ 19 U għid lin-​nies tal-​pajjiż, ‘Hekk qal il-​Mulej Sovran Ġeħova lill-​abitanti taʼ Ġerusalemm fl-​art taʼ Israel:+ “Bl-​ansjetà jieklu ħobżhom, u bit-​twerwir jixorbu l-​ilma tagħhom, għax l-​art tkun abbandunata u mbattla minn kollox+ minħabba l-​vjolenza taʼ dawk kollha li jgħammru fiha.+ 20 U l-​bliet abitati jitħarbtu,+ u l-​art infisha ssir abbandunata;+ u intom se jkollkom tkunu tafu li jien Ġeħova.”’”+

21 U l-​kelma taʼ Ġeħova reġgħet ġiet għandi, tgħid:  22 “Bin il-​bniedem, x’inhu dan il-​qawl li għandkom fl-​art taʼ Israel,+ li jgħid, ‘Iż-​żmien qed jitwal,+ imma kull viżjoni ġiet fix-​xejn’?+ 23 Għaldaqstant għidilhom, ‘Hekk qal il-​Mulej Sovran Ġeħova: “Se ntemm dan il-​qawl, u ma jibqgħux jgħidu iktar dan il-​proverbju f’Israel.”’+ Imma għidilhom, ‘Iż-​żmien qorob,+ u anki t-​twettiq taʼ kull viżjoni.’ 24 Għax mhux se jibqaʼ jkun hemm viżjoni bla siwi+ jew teħbir b’żewġ uċuħ fost id-​dar taʼ Israel.+ 25 ‘“Għax jien, Ġeħova, se nitkellem, u l-​kelma li ngħid se sseħħ.+ Mhux se jkun hemm iktar dewmien,+ għax fi żmienkom,+ O dar ribelluża, se ngħid kelma u nagħmilha,” hija l-​kelma tal-​Mulej Sovran Ġeħova.’”

26 U l-​kelma taʼ Ġeħova kompliet tiġi għandi, tgħid: 27 “Bin il-​bniedem, ara! Dawk taʼ dar Israel qed jgħidu, ‘Il-​viżjoni li qed jara hi għal ħafna żmien ieħor, u dwar żminijiet fil-​bogħod qed jipprofetizza.’+ 28 Għaldaqstant għidilhom, ‘Hekk qal il-​Mulej Sovran Ġeħova: “‘Xejn minn kliemi ma se jdum iktar biex jitwettaq.+ Il-​kelma li ngħid se sseħħ,’+ hija l-​kelma tal-​Mulej Sovran Ġeħova.”’”+

13 U l-​kelma taʼ Ġeħova kompliet tiġi għandi, tgħid: 2 “Bin il-​bniedem, ipprofetizza dwar il-​profeti taʼ Israel li qed jipprofetizzaw,+ u għid lil dawk li qed jipprofetizzaw skond kif tgħidilhom qalbhom,+ ‘Isimgħu l-​kelma taʼ Ġeħova.+ 3 Hekk qal il-​Mulej Sovran Ġeħova: “Gwaj għall-​profeti stupidi,+ li qed jimxu wara qalbhom+ meta ma raw xejn!+ 4 Bħal volpijiet f’postijiet imħarbtin saru l-​profeti tiegħek, O Israel.+ 5 Intom ma titilgħux fil-​fetħiet tal-​ħitan, u lanqas tibnu sur tal-​ġebel+ għal dar Israel, sabiex tibqgħu weqfin fil-​battalja f’jum Ġeħova.”+ 6 “Kellhom viżjonijiet taʼ dak li m’huwiex veru u teħbir giddieb,+ dawk li qed jgħidu, ‘Il-​kelma taʼ Ġeħova hija,’ meta ma kienx Ġeħova li bagħathom, u stennew biex titwettqilhom kelma.+ 7 Mhux viżjoni li m’hijiex vera rajtu, u teħbir giddieb tkellimtu, meta għedtu, ‘Il-​kelma taʼ Ġeħova hija,’ meta jien ma kont għedt xejn?”’+

8 “‘Għaldaqstant, hekk qal il-​Mulej Sovran Ġeħova: “‘Talli ma tkellimtux il-​verità u rajtu gidba bħala viżjoni, ara, jien kontrikom,’+ hija l-​kelma tal-​Mulej Sovran Ġeħova.” 9 U mmidd idi kontra l-​profeti li qed jaraw viżjonijiet mhux veri, u li qed jeħbru gidba.+ Mhux se jibqgħu fost il-​ġemgħa intima+ tal-​poplu tiegħi, u fir-​reġistru taʼ dar Israel ma jinkitbux,+ u lejn l-​art taʼ Israel ma jiġux;+ u intom se jkollkom tkunu tafu li jien il-​Mulej Sovran Ġeħova,+ 10 għar-raġuni, iva, għar-​raġuni li huma żvijaw lill-​poplu tiegħi, billi qalu, “Hemm il-​paċi!” meta m’hemm l-​ebda paċi,+ u hemm min qed jibni ħajt, imma għalxejn+ hemm dawk li qed jiksuh bit-​tibjid.’+

11 “Għid lil dawk li qed jiksu bit-​tibjid li dan se jaqaʼ. Se tinżel xita bil-​qliel, u intom, O biċċiet tas-​silġ, se tinżlu, u buffura taʼ rwiefen qawwijin taqsmu.+ 12 U, ara, il-​ħajt jaqaʼ. Imbagħad jintqalilkom, ‘Fejn hu l-​kisi li ksejtu bih?’+

13 “Għaldaqstant, hekk qal il-​Mulej Sovran Ġeħova, ‘Bil-​korla tiegħi, jien inqajjem buffura taʼ rwiefen qawwijin, u bir-​rabja tiegħi tinżel xita bil-​qliel, u bil-​korla jinżlu biċċiet tas-​silġ li jeqirdu kollox.+ 14 U nġarraf il-​ħajt li tkunu ksejtu bit-​tibjid u nitfgħu maʼ l-​art, u l-​pedament tiegħu jinkixef.+ U hi taqaʼ, u intom tintemmu f’nofsha; u se jkollkom tkunu tafu li jien Ġeħova.’+

15 “‘U ntemm il-​korla tiegħi fuq il-​ħajt u fuq dawk li ksewh bit-​tibjid, u ngħidilkom: “Il-​ħajt m’għadux iktar, u dawk li ksewh m’għadhomx iktar,+ 16 il-profeti taʼ Israel li qed jipprofetizzaw lil Ġerusalemm u li qed jaraw għaliha viżjoni taʼ paċi,+ meta m’hemm l-​ebda paċi,”’ hija l-​kelma tal-​Mulej Sovran Ġeħova.+

17 “U int, O bin il-​bniedem, dawwar wiċċek+ lejn il-​bniet tal-​poplu tiegħek li qed jaqdu bħala profetessi+ skond kif tgħidilhom qalbhom,+ u pprofetizza kontrihom. 18 U għid, ‘Hekk qal il-​Mulej Sovran Ġeħova: “Gwaj għan-​nisa li qed iħitu flimkien strixxi għal kull minkeb u jagħmlu velijiet għar-​ras taʼ persuni taʼ kull daqs sabiex jonsbu għall-​erwieħ!+ Jaqaw intom in-​nisa qed tonsbu għall-​erwieħ tal-​poplu tiegħi, u tħallu ħajjin l-​erwieħ tagħkom? 19 U se tkasbruni mal-​poplu tiegħi għal ponn xgħir u biċċa ħobż,+ billi tagħtu l-​mewt lir-​ruħ li m’għandhiex tmut+ u tħallu ħajja lir-​ruħ li m’għandhiex tgħix billi tigdbu lill-​poplu tiegħi, dawk li jisimgħu l-​gideb?”’+

20 “Għaldaqstant, hekk qal il-​Mulej Sovran Ġeħova, ‘Ara, jien se naġixxi kontra l-​istrixxi tagħkom, li bihom qed tonsbu għall-​erwieħ bħallikieku kienu tjur, u jien inċarrathom minn maʼ dirgħajkom u neħles lill-​erwieħ li qed tonsbu għalihom, l-​erwieħ qishom tjur.+ 21 U nċarrat il-​velijiet tagħkom u neħles lill-​poplu tiegħi minn idejkom, u ma jibqgħux iktar f’idejkom bħal xi ħaġa li nqabdet fil-​kaċċa; u se jkollkom tkunu tafu li jien Ġeħova.+ 22 Talli sewwidtu qalb il-​ġust bil-​gideb,+ meta jien stess ma kontx weġġajtu, u talli saħħaħtu+ idejn il-​ħażin sabiex ma jerġax lura minn triqtu l-​ħażina u jibqaʼ ħaj,+ 23 m’intomx se taraw iktar viżjonijiet mhux veri,+ u m’intomx se teħbru+ iktar;+ u jien neħles lill-​poplu tiegħi minn idejkom,+ u intom se jkollkom tkunu tafu li jien Ġeħova.’”+

14 U xi rġiel minn fost ix-​xjuħ taʼ Israel ġew għandi u qagħdu bil-​qiegħda quddiemi.+ 2 Imbagħad il-​kelma taʼ Ġeħova ġiet għandi, tgħid: 3 “Bin il-​bniedem, dawn l-​irġiel daħħlu f’qalbhom l-​idoli tagħhom moqżieża daqs id-​demel, u quddiem wiċċhom qiegħdu t-​tfixkil li qed iġegħelhom jiżbaljaw.+ U jien se nħallihom b’xi mod jistaqsuni?+ 4 Għaldaqstant kellimhom u għidilhom, ‘Hekk qal il-​Mulej Sovran Ġeħova: “Kull wieħed minn dar Israel li jdaħħal f’qalbu l-​idoli tiegħu moqżieża daqs id-​demel+ u li jqiegħed quddiem wiċċu t-​tfixkil li jġiegħlu jiżbalja u jiġi għand il-​profeta, jien, Ġeħova, se nwieġbu dwar il-​kwistjoni skond il-​kotra taʼ l-​idoli tiegħu moqżieża daqs id-​demel,+ 5 sabiex naqbad lil dar Israel minn qalbhom,+ għax telquni minħabba l-​idoli tagħhom moqżieża daqs id-​demel—ilkoll kemm huma.”’+

6 “Għaldaqstant għid lil dar Israel, ‘Hekk qal il-​Mulej Sovran Ġeħova: “Erġgħu lura u duru mill-​idoli tagħkom moqżieża daqs id-​demel+ u dawru wiċċkom mill-​affarijiet mistkerrhin kollha tagħkom;+ 7 għax kull raġel minn dar Israel jew mir-​residenti barranin li jgħixu bħala barranin f’Israel, li ma jibqax jimxi warajja+ u li jdaħħal f’qalbu l-​idoli tiegħu moqżieża daqs id-​demel u li jqiegħed quddiem wiċċu t-​tfixkil li jġiegħlu jiżbalja u jiġi għand il-​profeta biex jistaqsi għalih innifsu x’ngħid,+ jien, Ġeħova, jien stess inwieġbu. 8 U ndawwar wiċċi kontra dak ir-​raġel+ u nqiegħdu bħala sinjal+ u bħala qawl,+ u naqtgħu minn fost il-​poplu tiegħi;+ u intom se jkollkom tkunu tafu li jien Ġeħova.”’+

9 “‘U min-​naħa tal-​profeta, f’każ li jiġi mqarraq u jgħid xi ħaġa, jien stess, Ġeħova, inkun qarraqt b’dak il-​profeta;+ u mmidd idi kontrih u neqirdu għalkollox minn fost il-​poplu tiegħi Israel.+ 10 U jkollhom iġorru l-​iżball tagħhom.+ L-​iżball taʼ min jistaqsi jkun l-​istess bħall-​iżball tal-​profeta,+ 11 sabiex dawk taʼ dar Israel ma jwarrbux iżjed minn warajja+ u ma jitniġġsux iktar bil-​ksur tal-​liġi kollu tagħhom. U huma jsiru l-​poplu tiegħi u jien insir Alla tagħhom,’ hija l-​kelma tal-​Mulej Sovran Ġeħova.”+

12 U l-​kelma taʼ Ġeħova kompliet tiġi għandi, tgħid: 13 “Bin il-​bniedem, jekk pajjiż jidneb kontrija billi jaġixxi bla fedeltà,+ jien immidd idi kontrih u nkissirlu l-​bsaten li jdendlu l-​ftajjar magħhom,+ u nibgħat fuqu l-​ġuħ+ u naqtaʼ minnu l-​bniedem u l-​annimal domestiku.”+ 14 “‘U kieku kellu jkun hemm fih dawn it-​tlett irġiel, Noè,+ Danjel,+ u Ġob,+ kienu jeħilsu biss lilhom infushom minħabba s-​sewwa tagħhom,’+ hija l-​kelma tal-​Mulej Sovran Ġeħova.”+

15 “‘Jew kieku kelli nġiegħel lill-​bhejjem salvaġġi li jagħmlu l-​ħsara biex jgħaddu mill-​pajjiż+ u jħalluh bla tfal+ u jsir art abbandunata li ħadd ma jgħaddi minnha minħabba l-​bhejjem salvaġġi,+ 16 u jkun hemm dawn it-​tlett irġiel fih, daqskemm jien ħaj,’ hija l-​kelma tal-​Mulej Sovran Ġeħova, ‘dawn la jeħilsu wlied subien u lanqas bniet; ikunu huma biss li jinħelsu u l-​pajjiż isir art abbandunata.’”+

17 “‘Jew kieku kelli nġib sejf fuq il-​pajjiż,+ u ngħid: “Ħa jgħaddi sejf mill-​pajjiż,” u naqtaʼ minnu l-​bniedem u l-​annimal domestiku,+ 18 anki kieku dawn it-​tlett irġiel kellhom ikunu hemmhekk,+ daqskemm jien ħaj,’ hija l-​kelma tal-​Mulej Sovran Ġeħova, ‘dawn la jeħilsu wlied subien u lanqas bniet, imma jkunu huma biss li jinħelsu.’”+

19 “‘Jew kieku kelli nibgħat il-​pesta fuq il-​pajjiż+ u nferraʼ l-​korla tiegħi fuqu bid-​dmija,+ sabiex naqtaʼ minnu l-​bniedem u l-​annimal domestiku, 20 u li kieku Noè,+ Danjel,+ u Ġob+ kellhom ikunu hemmhekk,+ daqskemm jien ħaj,’ hija l-​kelma tal-​Mulej Sovran Ġeħova, ‘la jeħilsu wlied subien u lanqas bniet; kienu jeħilsu biss lilhom infushom minħabba s-​sewwa tagħhom.’”+

21 “Għax hekk qal il-​Mulej Sovran Ġeħova, ‘Mela, hekk ukoll iseħħ meta jkun hemm l-​erbaʼ atti tiegħi taʼ ġudizzju+ li jagħmlu l-​ħsara—sejf u ġuħ u bhejjem salvaġġi li jagħmlu l-​ħsara u pesta+—li se nibgħat fuq Ġerusalemm sabiex naqtaʼ minnha l-​bniedem u l-​annimal domestiku.+ 22 Imma, ara, se jibqaʼ fiha grupp li jeħilsuha, dawk li joħorġu.+ Ulied subien u bniet, hawn huma! Ġejjin għandkom, u intom taraw triqithom u l-​għemejjel tagħhom.+ U se titfarrġu għall-​gwaj li nkun ġibt fuq Ġerusalemm, iva, dak kollu li se nkun ġibt fuqha.’”

23 “‘U se jfarrġukom meta taraw triqithom u l-​għemejjel tagħhom; u se jkollkom tkunu tafu li mhux għalxejn inkun għamilt dak kollu li se jkolli nagħmel kontriha,’ hija l-​kelma tal-​Mulej Sovran Ġeħova.”+

15 U l-​kelma taʼ Ġeħova kompliet tiġi għandi, tgħid: 2 “Bin il-​bniedem, is-​siġra tad-​dielja,+ jew ir-​rimja tagħha li tikber fost is-​siġar tal-​foresta, kif inhi differenti minn kull siġra oħra? 3 Jaqaw in-​nies jieħdu minnha xi lasta biex jaħdmu biha? Jew jagħmlu minnha xi musmar biex idendlu xi ħaġa miegħu? 4 Ara! Fin-​nar tintefaʼ ħalli jkollu biex jaqbad.+ Iż-​żewġt itruf tagħha jiblagħhom in-​nar, u fin-​nofs tinħaraq.+ Imbagħad tkun tajba għal xi xogħol? 5 Ara! Meta tkun sħiħa, ma tintużax għax-​xogħol. Mela, kemm inqas tistaʼ tintuża għax-​xogħol meta jkun belagħha n-​nar u nħarqet!”+

6 “Għaldaqstant, hekk qal il-​Mulej Sovran Ġeħova, ‘Bħas-​siġra tad-​dielja fost is-​siġar tal-​foresti, li jien tajt lin-​nar ħalli jkollu biex jaqbad, hekk tajt l-​abitanti taʼ Ġerusalemm.+ 7 U dawwart wiċċi kontrihom.+ Ħarġu min-​nar, imma n-​nar jiblagħhom.+ U intom se jkollkom tkunu tafu li jien Ġeħova, meta ndawwar wiċċi kontrihom.’”+

8 “‘U l-​pajjiż nagħmlu art abbandunata,+ talli ma wrewx fedeltà,’+ hija l-​kelma tal-​Mulej Sovran Ġeħova.”

16 U l-​kelma taʼ Ġeħova reġgħet ġiet għandi, tgħid: 2 “Bin il-​bniedem, għarraf+ lil Ġerusalemm bl-​affarijiet mistkerrhin tagħha.+ 3 U għid, ‘Hekk qal il-​Mulej Sovran Ġeħova lil Ġerusalemm: “L-​oriġini tiegħek u twelidek kienu mill-​pajjiż tal-​Kangħanin.+ Missierek kien Amurri,+ u ommok kienet Ħittija.+ 4 U fi twelidek, dakinhar li twilidt+ ma qatgħulekx il-​kurdun taʼ żokortok, u ma ħaslukx fl-​ilma biex tindaf, u xejn m’għorkuk bil-​melħ, u lanqas biss ġejt imgeżwra fil-​faxex. 5 L-ebda għajn ma tħassritek biex tagħmillek xi waħda minn dawn l-​affarijiet ħalli turik mogħdrija,+ imma ġejt mitfugħa f’wiċċ ir-​rabaʼ għax stmerrewk sa minn jum twelidek.

6 “‘“U jien għaddejt minn ħdejk u rajtek tagħti b’saqajk f’demmek, u għedtlek meta kont f’demmek, ‘Ibqaʼ għix!’+ iva, għedtlek meta kont f’demmek, ‘Ibqaʼ għix!’ 7 Kotra kbira ħafna bħall-​ħaxix li jinbet fl-​għalqa għamiltek sabiex tikber+ u titwal u tidħol bl-​aqwa tiżjin.+ Sidrek żviluppa u ssoda, u xagħrek twallek ħafna, meta kont għadek għarwiena u mikxufa.”’

8 “‘U għaddejt minn ħdejk u rajtek meta kien iż-​żmien tiegħek għall-​espressjonijiet taʼ mħabba.+ Għalhekk, frixt djuli fuqek+ biex ngħatti l-​għera tiegħek u għamiltlek ħalfa u dħalt f’patt miegħek,’+ hija l-​kelma tal-​Mulej Sovran Ġeħova, ‘u b’hekk sirt tiegħi.+ 9 Iktar minn hekk, ħsiltek bl-​ilma+ u laħlaħtek mid-​demm u dliktek biż-​żejt.+ 10 U libbistek libsa rrakkmata+ u tajtek żarbun mill-​ġild tal-​bumerin+ u dawwartek b’għażel fin+ u għattejtek b’materjal li jiswa ħafna flus. 11 U żejjintek u poġġejtlek brazzuletti+ maʼ idejk u ġiżirana+ m’għonqok. 12 Iktar minn hekk, qegħedtlek ħolqa taʼ l-​imnieħer+ fi mnifsejk u msielet maʼ widnejk+ u kuruna sabiħa fuq rasek.+ 13 U int bqajt tiżżejjen b’deheb u fidda, u ħwejġek kienu għażel fin u materjal li jiswa ħafna flus u libsa rrakkmata.+ Dqiq fin u għasel u żejt+ kont tiekol, u sbiħt fuq li sbiħt, u bil-​mod il-​mod sirt xierqa għal pożizzjoni rjali.’”+

14 “‘U ħareġ ismek fost il-​ġnus minħabba sbuħitek, għax kienet perfetta minħabba l-​glorja tiegħi li qegħedtlek fuqek,’+ hija l-​kelma tal-​Mulej Sovran Ġeħova.”

15 “‘Imma int bdejt tafda fis-​sbuħija tiegħek+ u sirt prostituta minħabba l-​isem+ li kellek u għamilt atti taʼ prostituzzjoni bl-​addoċċ maʼ kulmin kien għaddej;+ u sbuħitek saret tiegħu. 16 U ħadt ftit minn ħwejġek u għamilt postijiet għall-​qima*+ mżewqin b’ħafna kuluri u kont tipprostitwixxi ruħek fuqhom+—affarijiet bħal dawn m’għandhomx isiru, u qatt m’għandhom ikunu. 17 U kont tieħu l-​oġġetti sbieħ tiegħek mid-​deheb u l-​fidda tiegħi li kont tajtek+ u kont tagħmel għalik xbihat taʼ raġel+ u tipprostitwixxi ruħek magħhom.+ 18 U kont tieħu l-​ilbiesi rrakkmati tiegħek u tgħattihom; u kont tqiegħed quddiemhom iż-​żejt tiegħi u l-​inċens tiegħi.+ 19 U l-​ħobż tiegħi li kont tajtek—id-​dqiq fin u ż-​żejt u l-​għasel li tajtek biex tiekol+—int qegħedtu quddiemhom bħala riħa pjaċevoli,+ u dan bqajt tagħmlu,’ hija l-​kelma tal-​Mulej Sovran Ġeħova.”

20 “‘U kont tieħu lil uliedek subien u bniet li wlidtli,+ u kont tissagrifikahom lill-​idoli biex jinbelgħu+—mhux biżżejjed l-​atti taʼ prostituzzjoni li għamilt? 21 Kont toqtol lil uliedi,+ u billi tgħaddihom min-​nar kont tagħtihom lilhom.+ 22 U int u tagħmel l-​affarijiet mistkerrhin kollha tiegħek u l-​atti tiegħek taʼ prostituzzjoni ma ftakartx f’jiem żgħożitek meta kont għarwiena u mikxufa, u kont qed tagħti b’saqajk f’demmek.+ 23 Għalhekk, wara dan il-​ħażen kollu tiegħek (“gwaj, gwaj għalik,”+ hija l-​kelma tal-​Mulej Sovran Ġeħova) 24 bnejt għalik għolja u għamilt post għoli f’kull pjazza.+ 25 F’kull ras it-​triq bnejt il-​post għoli tiegħek+ u bdejt tagħmel is-​sbuħija tiegħek xi ħaġa mistkerrha+ u tiftaħ saqajk beraħ għal kulmin kien jgħaddi+ u tkattar l-​atti tiegħek taʼ prostituzzjoni.+ 26 U pprostitwejt ruħek maʼ wlied l-​Eġittu,+ il-​ġirien tiegħek taʼ ġisem* imlaħħam,+ u komplejt tkattar il-​prostituzzjoni tiegħek sabiex toffendini. 27 U jien se mmidd idi kontrik+ u nnaqqaslek sehmek+ u nerħik għax-​xewqa+ tan-​nisa li jobogħduk,+ il-​bniet tal-​Filistin,+ in-​nisa li ġew umiljati minħabba l-​kondotta laxka tiegħek.+

28 “‘U int mort tipprostitwixxi ruħek maʼ wlied l-​Assirja għax ma kontx sodisfatta,+ u komplejt tipprostitwixxi ruħek magħhom u xorta ma ssodisfajtx ruħek. 29 Għalhekk, żidt il-​prostituzzjoni tiegħek fl-​art taʼ Kangħan,+ u mal-​Kaldin;+ u lanqas b’dan ma ssodisfajt ruħek. 30 O kemm jien inkorlat+ għalik,’ hija l-​kelma tal-​Mulej Sovran Ġeħova, ‘talli għamilt dawn l-​affarijiet kollha, l-​għemejjel taʼ mara+ prostituta bla mistħija!+ 31 Meta bnejt l-​għolja tiegħek f’ras kull triq u għamilt post għoli f’kull pjazza, xorta kont differenti minn prostituta għax int tistmerr il-​ħlas. 32 Il-mara miżżewġa li tagħmel adulterju tilqaʼ l-​istranġieri minflok lir-​raġel tagħha.+ 33 Hija drawwa li kull prostituta tingħata rigal,+ imma int—int tajt ir-​rigali tiegħek lil dawk kollha li jħobbuk b’mod appassjonat,+ u toffrilhom tixħim biex jiġu għandek minn kullimkien għal atti+ taʼ prostituzzjoni miegħek. 34 U fil-​każ tiegħek jiġri l-​oppost tan-​nisa l-​oħrajn fl-​atti tiegħek taʼ prostituzzjoni, u għadha ma saret l-​ebda prostituzzjoni bl-​istil tiegħek, iva, li tħallas int meta int stess ma tkunx tħallast, u b’hekk isir l-​oppost.’

35 “Għalhekk, O  prostituta,+ ismaʼ l-​kelma taʼ Ġeħova.+ 36 Hekk qal il-​Mulej Sovran Ġeħova, ‘Minħabba li l-​passjoni tiegħek issawbet+ u l-​partijiet privati tiegħek+ jinkixfu fl-​atti tiegħek taʼ prostituzzjoni maʼ dawk li jħobbuk b’mod appassjonat+ u maʼ l-​idoli tiegħek mistkerrhin u moqżieża daqs id-​demel,+ iva, bid-​demm taʼ wliedek li int tajt lilhom,+ 37 minħabba dan, jien qed niġbor lil dawk kollha li ħabbewk b’mod appassjonat u li int tajthom pjaċir u lil dawk kollha li ħabbejt flimkien maʼ dawk li bgħadt, u niġborhom flimkien kontrik minn kullimkien u nikxiflek il-​partijiet privati quddiemhom, u huma jarawlek il-​partijiet privati kollha tiegħek.+

38 “‘U jien niġġudikak bil-​ġudizzji tan-​nisa adulteri+ u n-​nisa li jxerrdu d-​demm,+ u nġib fuqek id-​demm tal-​korla u taʼ l-​għira* tiegħi.+ 39 U jien nagħtik f’idejhom, u jġarrfulek l-​għolja tiegħek+ u jwaqqgħu l-​postijiet għoljin tiegħek,+ u jneżżgħuk minn ħwejġek+ u jiħdulek l-​oġġetti sbieħ+ u jħalluk għarwiena u mikxufa. 40 U jġibu ġemgħa+ kontrik u jħaġġruk+ u joqtluk bi sjufhom.+ 41 U jaħarqulek djarek bin-​nar+ u jwettqu fik atti taʼ ġudizzju quddiem għajnejn ħafna nisa;+ u ma nħallikx iktar prostituta,+ u ma tibqax tagħti iktar ħlas. 42 U nserraħ il-​korla tiegħi fik,+ u l-​għira tiegħi twarrab minnek;+ u noqgħod kwiet u ma nħossnix iktar offiż.’

43 “‘Talli ma ftakartx f’jiem żgħożitek+ u ġegħeltni ninkedd b’dawn l-​affarijiet kollha,+ jien ukoll, min-​naħa tiegħi, se nġib triqtek fuq rasek stess,’+ hija l-​kelma tal-​Mulej Sovran Ġeħova, ‘u ma tkomplix tieħu sehem f’kondotta laxka flimkien maʼ l-​affarijiet mistkerrhin kollha li qed tagħmel.

44 “‘Ara! Kulmin juża proverbju+ kontrik se juża l-​proverbju: “Bħall-​omm, il-​bint!”+ 45 Int bint ommok,+ waħda li tistmerr lil żewġha+ u lil uliedha. U int oħt ħutek il-​bniet, li stmerrew lil żwieġhom u lil uliedhom. Ommkom kienet Ħittija,+ u missierkom kien Amurri.’”+

46 “‘U oħtok il-​kbira hi s-​Samarija+ u l-​bliet li jiddependu minnha,+ li tgħammar fuq ix-​xellug tiegħek, u oħtok iż-​żgħira, li tgħammar fuq lemintek, hi Sodoma+ u l-​bliet li jiddependu minnha.+ 47 U ma mxejtx fi triqathom, jew għamilt skond l-​affarijiet mistkerrhin tagħhom.+ Imma wara ftit, fi triqatek kollha aġixxejt b’mod mill-​agħar iktar minnhom.+ 48 Daqskemm jien ħaj,’ hija l-​kelma tal-​Mulej Sovran Ġeħova, ‘oħtok Sodoma, hi u l-​bliet li jiddependu minnha, m’għamlitx bħalma għamilt int, int u l-​bliet li jiddependu minnek.+ 49 Ara! Dan kien l-​iżball t’oħtok Sodoma: Kburija,+ xabaʼ tal-​ħobż+ u moħħ mistrieħ+ mit-​tfixkil kellha hi u l-​bliet li jiddependu minnha,+ u ma saħħitx id min kien qed isofri+ u id il-​fqir.+ 50 U baqgħu suppervi+ u komplew jagħmlu ħaġa mistkerrha quddiemi,+ u fl-​aħħar neħħejthom, kif rajt li kien xieraq.+

51 “‘U s-​Samarija+ m’għamlitx nofs id-​dnubiet li għamilt int, imma int għamilt affarijiet mistkerrhin iżjed milli għamlu huma, tant li lil ħutek il-​bniet għamilthom jidhru ġusti bl-​affarijiet mistkerrhin kollha li għamilt.+ 52 Int ukoll se jkollok iġġorr l-​umiljazzjoni tiegħek meta tkun qed taqbeż għal ħutek il-​bniet. Minħabba dnubietek li bihom aġixxejt b’mod iktar mistkerrah milli għamlu huma, huma iktar ġusti minnek.+ Istħi u kun umiljata għax tagħmel lil ħutek jidhru ġusti.’

53 “‘U jien niġbor lill-​imjassrin tagħhom,+ l-​imjassrin taʼ Sodoma u tal-​bliet li jiddependu minnha, u l-​imjassrin tas-​Samarija u tal-​bliet li jiddependu minnha; u niġbor ukoll lill-​imjassrin tiegħek minn nofshom,+ 54 sabiex iġġorr l-​umiljazzjoni tiegħek;+ u se tħossok umiljata minħabba dak kollu li għamilt, talli kont taʼ faraġ għalihom.+ 55 U ħutek, Sodoma u l-​bliet li jiddependu minnha, jerġgħu għal li kienu, u s-​Samarija u l-​bliet li jiddependu minnha jerġgħu għal li kienu, u int stess u l-​bliet li jiddependu minnek terġgħu għal li kontu.+ 56 U oħtok Sodoma ma kinitx xi ħaġa taʼ min jismaʼ dwarha minn fommok f’jum kburitek,+ 57 qabel ma nkixef il-​ħażen tiegħek stess,+ bħal meta ġejt immaqdra mill-​bniet tas-​Sirja+ u dawk kollha taʼ madwarha, il-​bniet tal-​Filistin,+ dawk li żebilħuk minn kull naħa.+ 58 Il-kondotta laxka tiegħek+ u l-​affarijiet mistkerrhin tiegħek, int stess trid iġġorrhom,’+ hija l-​kelma taʼ Ġeħova.”

59 “Għax hekk qal il-​Mulej Sovran Ġeħova, ‘Se nagħmillek bħalma għamilt int,+ għax int stmerrejt il-​ħalfa billi ksirt il-​patt tiegħi.+ 60 U jien, jien stess, niftakar il-​patt tiegħi miegħek f’jiem żgħożitek,+ u nistabbilixxi għalik patt għal żmien indefinit.*+ 61 U int żgur tiftakar triqatek+ u tħossok umiljata meta tilqaʼ lil ħutek il-​bniet, dawk akbar minnek kif ukoll dawk iżgħar minnek, u nagħtihomlok bħala wliedek,+ imma mhux minħabba l-​patt miegħek.’+

62 “‘U jien, jien stess, se nistabbilixxi l-​patt tiegħi miegħek;+ u int se jkollok tkun taf li jien Ġeħova, 63 sabiex tiftakar u tistħi+ u ma jkollokx għalfejn tiftaħ ħalqek+ iktar minħabba l-​umiljazzjoni tiegħek, meta nagħmel tpattija+ għalik għal kulma għamilt,’ hija l-​kelma tal-​Mulej Sovran Ġeħova.”

17 U l-​kelma taʼ Ġeħova kompliet tiġi għandi, tgħid: 2 “Bin il-​bniedem, ippreżenta ħaġa moħġaġa+ u lissen qawl lil dar Israel.+ 3 U għid, ‘Hekk qal il-​Mulej Sovran Ġeħova: “L-​ajkla l-​kbira,+ bi ġwienaħ kbar,+ bi truf ġwinħajha twal, mimlija rix taʼ lwien differenti, ġiet il-​Libanu+ u ħadet il-​quċċata tas-​siġra+ taċ-​ċedru.+ 4 Qaċċtet il-​quċċata tar-​rimjiet żgħar tagħha u ġabitha fl-​art taʼ Kangħan;+ qegħditha f’belt taʼ negozjanti. 5 Iktar minn hekk, ħadet ftit żerriegħa mill-​pajjiż+ u żergħetha f’għalqa lesta għaż-​żrigħ. Bħal żafżafa ħdejn ilmijiet vasti,+ bħal siġra taż-​żafżaf żergħetha. 6 U bdiet tinbet u bil-​mod il-​mod saret dielja tħaddar u baxxa,+ li l-​friegħi tagħha kienu jduru lejha; u bil-​mod il-​mod l-​għeruq tagħha niżlu taħtha. U fl-​aħħar saret dielja u rmiet u ħarġet il-​friegħi.+

7 “‘“U kien hemm ajkla kbira oħra,+ li kellha ġwienaħ kbar, u truf ġwinħajha kbar;+ u din id-​dielja firxet għeruqha lejha bil-​ġuħ.+ U l-​friegħi tagħha meddithom lejha sabiex issaqqiha, lil hinn mir-​roqgħa fejn kienet imħawla fil-​ġnien.+ 8 Kienet diġà tħawlet f’rabaʼ tajjeb,+ ħdejn ilmijiet vasti, sabiex toħroġ il-​friegħi u tagħmel il-​frott u ssir dielja maestuża.”’

9 “Għid, ‘Hekk qal il-​Mulej Sovran Ġeħova: “Se tirnexxi din?+ Pjuttost mhux se jkun hemm xi ħadd li jqaċċtilha l-​għeruq+ u jħassrilha frottha? U r-​rimjiet kollha li jkunu għadhom kemm ġew imqaċċtin, ma jinxfux?+ Se tinxef. Biex tintrefaʼ minn għeruqha la se jkollha bżonn driegħ qawwi u lanqas xi kotra nies. 10 U, ara, għalkemm titħawwel mill-​ġdid, se tirnexxi? Mhux se tinxef għalkollox, bħal meta jolqotha r-​riħ mil-​lvant?+ Fir-​roqgħa fil-​ġnien fejn nibtet se tinxef.”’”+

11 U l-​kelma taʼ Ġeħova kompliet tiġi għandi, tgħid: 12 “Jekk jogħġbok, għid lid-​dar ribelluża,+ ‘Ma tafux xi jfissru dawn l-​affarijiet?’ Għid, ‘Ara! Is-​sultan taʼ Babilonja ġie Ġerusalemm u ħa lis-​sultan+ u l-​prinċpijiet tagħha u ġabhom għandu f’Babilonja.+ 13 Iktar minn hekk, ħa wieħed min-​nisel* irjali+ u għamel patt miegħu u daħħlu f’ħalfa;+ u ħa lill-​irġiel importanti tal-​pajjiż,+ 14 sabiex is-​saltna titbaxxa,+ u ma tkunx tistaʼ tintrefaʼ, u billi jħares il-​patt tiegħu tibqaʼ wieqfa.+ 15 Imma hu rribella+ kontrih billi bagħat il-​messaġġiera tiegħu l-​Eġittu, biex dan jagħtih iż-​żwiemel+ u kotra nies. Se jirnexxi? Se jaħrab dak li qed jagħmel dawn l-​affarijiet u kiser il-​patt? Se jirnexxilu jaħrab?’+

16 “‘“Daqskemm jien ħaj,”+ hija l-​kelma tal-​Mulej Sovran Ġeħova, “fl-​istess post tas-​sultan li għamel sultan lil dak li stmerr il-​ħalfa tiegħu+ u li kiser il-​patt, miegħu f’nofs Babilonja jmut.+ 17 U l-​Fargħun, b’qawwa militari kbira u b’ġemgħa kotrana, ma jgħinux fil-​gwerra+ billi jwaqqaf rampa għall-​assedju u jibni ħajt taʼ l-​assedju, sabiex jeqred lil ħafna nies.*+ 18 Hu stmerr il-​ħalfa+ billi kiser il-​patt, u, ara, hu kien ħadlu b’idu+ bi ftehim u għamel dawn l-​affarijiet kollha. Mhux se jaħrab.”’+

19 “‘Għaldaqstant, hekk qal il-​Mulej Sovran Ġeħova: “Daqskemm jien ħaj, żgur li l-​ħalfa tiegħi li stmerr+ u l-​patt tiegħi li kiser se nitħallas tagħhom minn fuq rasu. 20 U jien nifrex ix-​xibka tiegħi fuqu, u jinqabad fix-​xibka tal-​kaċċa tiegħi;+ u nġibu Babilonja u jkolli xi ngħid miegħu hemmhekk dwar in-​nuqqas taʼ fedeltà li wera kontrija.+ 21 U dawk kollha li qed jaħarbu mill-​qtajjaʼ tiegħu, bis-​sejf jaqgħu, u dawk li jitħallew se jinxterdu maʼ kull riħ.+ U intom se jkollkom tkunu tafu li jien, Ġeħova, għedtu dan.”’+

22 “‘Hekk qal il-​Mulej Sovran Ġeħova: “Jien stess nieħu ftit mill-​quċċata għolja taċ-​ċedru u nħawwilha;+ mill-​quċċata tal-​friegħi tagħha nqaċċat waħda tarija+ u nħawwilha fl-​għoli fuq muntanja għolja.+ 23 Fuq il-​muntanja għolja taʼ Israel inħawwilha,+ u toħroġ il-​friegħi u tagħmel il-​frott+ u ssir siġra taċ-​ċedru maestuża.+ U taħtha jgħammru għasafar taʼ kull tip; f’dell il-​weraq tagħha jgħammru.+ 24 U s-​siġar kollha tar-​rabaʼ se jkollhom ikunu jafu li jien, Ġeħova,+ baxxejt is-​siġra għolja,+ għollejt is-​siġra baxxa,+ nixxift is-​siġra ħadra+ u ġegħelt lis-​siġra niexfa twarrad. Jien, Ġeħova, tkellimt u wettaqt.”’”+

18 U l-​kelma taʼ Ġeħova kompliet tiġi għandi, tgħid: 2 “Xi jfisser għalikom dan il-​qawl li qed tikkwotaw fl-​art taʼ Israel, ‘Il-​missirijiet jieklu l-​għeneb mhux misjur, imma jiddarrsu snien l-​ulied’?+

3 “‘Daqskemm jien ħaj,’ hija l-​kelma tal-​Mulej Sovran Ġeħova, ‘ma tkunux tistgħu tikkwotawh iktar dan il-​qawl f’Israel. 4 Ara! L-​erwieħ huma kollha tiegħi.+ Bħalma hi ruħ+ il-​missier hekk ukoll ruħ l-​iben—tiegħi huma.+ Ir-​ruħ li qed tidneb+—din tmut.+

5 “‘U jekk raġel ikun ġust u jkun wettaq il-​ġustizzja u s-​sewwa,+ 6 ma jkunx kiel+ mis-​sagrifiċċji idolatrużi fuq il-​muntanji+ u għajnejh ma refagħhomx lejn l-​idoli taʼ dar Israel moqżieża daqs id-​demel,+ u ma kasbarx+ lil mart sieħbu u ma resaqx lejn mara fin-​nuqqas taʼ safa tagħha,+ 7 u ma mmaltratta lil ħadd;+ radd lura dak li ħa bħala rahan għad-​dejn,+ ma ħataf xejn b’serq,+ lil min hu bil-​ġuħ tah ħobżu+ stess u lill-​għarwien tah x’jilbes,+ 8 xejn ma ta bl-​imgħax+ u m’għamel l-​ebda qligħ mis-​self,+ żamm idu lura mill-​inġustizzja,+ wettaq ġustizzja vera bejn raġel u ieħor,+ 9 baqaʼ jimxi maʼ l-​istatuti tiegħi+ u ħares id-​deċiżjonijiet ġudizzjarji tiegħi sabiex iwettaq il-​verità,+ hu jkun ġust.+ Żgur jibqaʼ jgħix,’+ hija l-​kelma tal-​Mulej Sovran Ġeħova.

10 “‘U jekk xi ħadd ikollu iben li hu ħalliel,+ wieħed li jxerred id-​demm,+ li jkun għamel xi waħda minn dawn l-​affarijiet 11 (imma hu nnifsu ma jkun għamel l-​ebda waħda minnhom), jekk hu jkun kiel mis-​sagrifiċċji idolatrużi fuq il-​muntanji,+ u kasbar lil mart sieħbu,+ 12 immaltratta lil min kien qed isofri u lill-​fqir,+ ħataf xi affarijiet b’serq,+ u ma raddx lura dak li ħa bħala rahan għad-​dejn,+ u refaʼ għajnejh lejn l-​idoli moqżieża daqs id-​demel,+ hu jkun għamel xi ħaġa mistkerrha.+ 13 Sellef biex jagħmel il-​qligħ,+ u ħa l-​imgħax,+ u għalhekk żgur ma jibqax jgħix. Għamel dawn l-​affarijiet mistkerrhin kollha.+ Żgur jingħata l-​mewt. Demmu jkun fuqu stess.+

14 “‘U jekk wieħed ikollu iben, li jara d-​dnubiet kollha li jkun għamel missieru, u jara u ma jagħmilx affarijiet bħalhom.+ 15 Ma jkunx kiel mis-​sagrifiċċji idolatrużi fuq il-​muntanji, u għajnejh ma refagħhomx lejn l-​idoli taʼ dar Israel moqżieża daqs id-​demel;+ ma kasbarx lil mart sieħbu;+ 16 u ma mmaltratta lil ħadd,+ ma ħataf l-​ebda rahan,+ u xejn ma ħa b’serq;+ lil min kien bil-​ġuħ tah ħobżu stess,+ u lill-​għarwien tah x’jilbes;+ 17 ma meddx idu fuq min kien qed isofri; ma sellifx bi qligħ+ jew ħa l-​imgħax;+ wettaq id-​deċiżjonijiet ġudizzjarji tiegħi;+ mexa maʼ l-​istatuti tiegħi;+ hu ma jmutx minħabba l-​iżball taʼ missieru.+ Żgur jibqaʼ jgħix.+ 18 Imma missieru, talli imbrolja għall-​aħħar,+ ħataf xi ħaġa b’serq mingħand ħuh,+ u għamel kull ħaġa mhix tajba f’nofs il-​poplu tiegħu,+ ikollu jmut għall-​iżball tiegħu.+

19 “‘U intom se tgħidu: “Għala l-​iben m’għandux għalfejn jitgħabba bl-​iżball taʼ missieru?”+ L-​iben wettaq il-​ġustizzja u s-​sewwa,+ ħares l-​istatuti kollha tiegħi u qed ikompli jagħmilhom.+ Żgur jibqaʼ jgħix.+ 20 Ir-ruħ li qed tidneb—din tmut.+ Iben ma jitgħabbiex bl-​iżball taʼ missieru, u l-​missier ma jitgħabbiex bl-​iżball taʼ ibnu.+ Il-​ġustizzja tal-​ġust tiġi fuqu stess,+ u l-​ħażen tal-​ħażin jiġi fuqu stess.+

21 “‘Issa jekk xi ħadd ħażin idur lura mid-​dnubiet kollha li għamel+ u jħares l-​istatuti kollha tiegħi u jwettaq il-​ġustizzja u s-​sewwa,+ hu żgur jibqaʼ jgħix. Ma jmutx.+ 22 Kulma għamel biex jikser il-​liġi ma jitfakkarx kontrih.+ Hu jibqaʼ jgħix għas-​sewwa li jkun għamel.’+

23 “‘Jaqaw jien nitgħaxxaq b’xi mod bil-​mewt taʼ xi ħadd ħażin,’+ hija l-​kelma tal-​Mulej Sovran Ġeħova, ‘u mhux li dan idur lura minn triqatu u jibqaʼ jgħix?’+

24 “‘Issa meta xi ħadd ġust idur lura mis-​sewwa tiegħu u jagħmel l-​inġustizzja,+ jibqaʼ jagħmel skond l-​affarijiet mistkerrhin kollha tal-​wieħed ħażin u jkompli jgħix,+ xejn mill-​atti ġusti kollha li jkun għamel ma jitfakkar.+ Minħabba n-​nuqqas taʼ fedeltà li wettaq u d-​dnub li dineb bih, minħabba fihom imut.+

25 “‘U intom se tgħidu: “It-​triq taʼ Ġeħova mhix ġusta.”+ Ismaʼ, jekk jogħġbok, O dar Israel. Triqti mhix ġusta?+ Mhux triqatkom m’humiex ġusti?+

26 “‘Meta xi ħadd ġust idur lura mis-​sewwa tiegħu u jagħmel l-​inġustizzja+ u jmut minħabba dan, għall-​inġustizzja li għamel imut.+

27 “‘U meta xi ħadd ħażin idur lura mill-​ħażen li jkun għamel u jwettaq il-​ġustizzja u s-​sewwa,+ ikun hu stess li jżomm lil ruħu ħajja.+ 28 Meta jara+ kulma għamel biex jikser il-​liġi u jdur lura,+ hu żgur jibqaʼ jgħix. Ma jmutx.+

29 “‘U dar Israel se tgħid: “It-​triq taʼ Ġeħova mhix ġusta.”+ Triqati m’humiex ġusti, O dar Israel?+ Mhux triqatkom m’humiex ġusti?’+

30 “‘Għalhekk, se niġġudika lil kull wieħed skond triqatu,+ O dar Israel,’ hija l-​kelma tal-​Mulej Sovran Ġeħova.+ ‘Duru lura, iva, duru lura minn kulma qed tagħmlu biex tiksru l-​liġi,+ u tħallu xejn ikun taʼ tfixkil għalikom li jġegħelkom tiżbaljaw.+ 31 Neħħu minn fuqkom kulma għamiltu biex tiksru l-​liġi,+ u sawru għalikom qalb ġdida+ u spirtu ġdid,+ għax għalfejn għandkom tmutu,+ O dar Israel?’

32 “‘Għax jien ma niħux pjaċir meta xi ħadd imut,’+ hija l-​kelma tal-​Mulej Sovran Ġeħova. ‘Mela, duru lura u ibqgħu għixu.’”+

19 “U int, semmaʼ għanja taʼ niket+ dwar il-​kapijiet ewlenin taʼ Israel,+ 2 u għid, ‘Ommok x’kienet? Iljunessa fost l-​iljuni.+ Imteddet fost l-​iljuni b’saħħithom. Rabbiet il-​frieħ tagħha.

3 “‘U bil-​mod il-​mod rawmet wieħed mill-​frieħ tagħha.+ Dan sar iljun b’saħħtu, u beda jitgħallem kif itertaq il-​priża.+ Saħansitra belaʼ lill-​bnedmin. 4 U l-​ġnus komplew jisimgħu dwaru. Hu nqabad fil-​ħofra tagħhom, u tellgħuh bil-​ganċijiet lejn l-​art taʼ l-​Eġittu.+

5 “‘Meta rat li kienet stenniet u t-​tama tagħha sfat fix-​xejn, ħadet ieħor mill-​frieħ tagħha+ u għamlitu ljun b’saħħtu. 6 U beda jimxi qalb l-​iljuni. Iljun b’saħħtu sar. U bil-​mod il-​mod tgħallem kif itertaq il-​priża.+ Saħansitra belaʼ lill-​bnedmin.+ 7 U sar midħla tat-​torrijiet mgħammrin tagħhom, u ħarbat il-​bliet tagħhom,+ u għalhekk l-​art tħalliet abbandunata u mlieha bil-​ħoss taʼ l-​għajta tiegħu.+ 8 U l-​ġnus mill-​provinċji taʼ dawk l-​inħawi daru kontrih+ u firxu x-​xibka tagħhom fuqu.+ Inqabad fil-​ħofra tagħhom.+ 9 Fl-aħħar qegħduh fil-​gaġġa permezz tal-​ganċijiet u ġabuh għand is-​sultan taʼ Babilonja.+ Ġabuh permezz tax-​xbieki tal-​kaċċa, sabiex leħnu ma jinstemax iżjed fuq il-​muntanji taʼ Israel.+

10 “‘Ommok+ kienet bħal dielja f’demmek,+ imħawla ħdejn l-​ilmijiet. Kellha l-​frott u mtliet bil-​friegħi minħabba l-​abbundanza taʼ l-​ilma.+ 11 U sarulha bsaten b’saħħithom, tajbin għax-​xettri taʼ ħakkiema.+ U bil-​mod il-​mod għoliet fuq il-​friegħi, u bdiet tidher minħabba t-​tul tagħha, għax kellha ħafna friegħi u weraq.+ 12 Imma fl-​aħħar ġiet imqaċċta b’rabja qalila.+ Twaddbet maʼ l-​art, u riħ mil-​lvant nixxfilha frottha.+ Il-​bastun b’saħħtu tagħha nkiser u nixef.+ Belgħu n-​nar.+ 13 U issa mħawla fix-​xagħri,+ f’art bla ilma u għatxana.+ 14 U mill-​bastun tagħha ħareġ nar.+ Dan belaʼ r-​rimjiet tagħha, il-​frott tagħha, u ma baqgħalha ebda bastun b’saħħtu, ebda xettru għall-​ħakma.+

“‘Din hi għanja taʼ niket, u se tkun għanja taʼ niket.’”+

20 Issa ġara fis-​sebaʼ sena, fil-​ħames xahar, fl-​għaxar jum tax-​xahar, li xi rġiel mix-​xjuħ taʼ Israel ġew jistaqsu lil Ġeħova,+ u qagħdu bil-​qiegħda quddiemi.+ 2 Imbagħad il-​kelma taʼ Ġeħova ġiet għandi, tgħid: 3 “Bin il-​bniedem, kellem lix-​xjuħ taʼ Israel, u għidilhom, ‘Hekk qal il-​Mulej Sovran Ġeħova: “Ġejtu tistaqsuni?+ ‘Daqskemm jien ħaj, m’iniex se nħallikom tistaqsuni,’+ hija l-​kelma tal-​Mulej Sovran Ġeħova.”’

4 “Se tiġġudikahom? Se tiġġudikahom, O bin il-​bniedem?+ Għarrafhom bl-​affarijiet mistkerrhin taʼ missirijiethom.+ 5 U għidilhom, ‘Hekk qal il-​Mulej Sovran Ġeħova: “Dakinhar li għażilt lil Israel,+ jien għollejt idi+ b’ħalfa lin-​nisel taʼ dar Ġakobb+ u għarrafthom min jien fl-​art taʼ l-​Eġittu.+ Iva, għollejt idi biex naħilfilhom, u għedt, ‘Jien Ġeħova Alla tagħkom.’+ 6 Dakinhar għollejt idi+ biex naħilfilhom li noħroġhom mill-​art taʼ l-​Eġittu lejn art li kont tkixxiftilhom, art li tnixxi ħalib u għasel.+ Kienet id-​dekorazzjoni taʼ l-​artijiet kollha.+ 7 U komplejt ngħidilhom, ‘Armu, kull wieħed minnkom, l-​affarijiet moqżieża li tfajtu għajnejkom fuqhom,+ u titniġġsux bl-​idoli taʼ l-​Eġittu moqżieża daqs id-​demel.+ Jien Ġeħova Alla tagħkom.’+

8 “‘“U bdew jirribellaw kontrija,+ u ma ridux jisimgħu minni. Mhux kull wieħed minnhom rema l-​affarijiet moqżieża li tefaʼ għajnejh fuqhom, u ma telqux l-​idoli taʼ l-​Eġittu moqżieża daqs id-​demel,+ u għalhekk jien wegħedt li nferraʼ l-​korla tiegħi fuqhom, u b’hekk intemm ir-​rabja tiegħi fuqhom f’nofs l-​art taʼ l-​Eġittu.+ 9 Imma jien aġixxejt minħabba ismi sabiex ma jkunx imkasbar f’għajnejn il-​ġnus li huma kienu f’nofshom,+ għax kont għarrafthom min jien quddiem għajnejhom meta kont qed noħroġhom mill-​art taʼ l-​Eġittu.+ 10 Għalhekk, ħriġthom mill-​art taʼ l-​Eġittu u ġibthom fix-​xagħri.+

11 “‘“U tajthom l-​istatuti tiegħi;+ u għarrafthom id-​deċiżjonijiet ġudizzjarji tiegħi,+ sabiex il-​bniedem li jibqaʼ jagħmilhom jibqaʼ jgħix permezz tagħhom.+ 12 U tajthom ukoll is-​Sabatijiet* tiegħi,+ biex ikunu sinjal bejni u bejnhom,+ sabiex ikunu jafu li jien Ġeħova, dak li qed inqaddishom.

13 “‘“Imma huma, id-​dar taʼ Israel, irribellaw kontrija fix-​xagħri.+ Ma mxewx maʼ l-​istatuti tiegħi,+ u ċaħdu d-​deċiżjonijiet ġudizzjarji tiegħi,+ illi kieku wieħed kellu jibqaʼ jwettaqhom kien jibqaʼ jgħix permezz tagħhom.+ U s-​Sabatijiet tiegħi kasbruhom fuq li kasbruhom,+ u għalhekk wegħedt li nferraʼ fuqhom il-​qilla tiegħi fix-​xagħri, sabiex neqridhom għalkollox.+ 14 Imma aġixxejt minħabba ismi sabiex ma jkunx imkasbar f’għajnejn il-​ġnus li rawni noħroġhom.+ 15 U jien għollejt idi biex naħilfilhom fix-​xagħri+ li ma ndaħħalhomx fl-​art li kont tajthom, art tnixxi ħalib u għasel,+ (din hija d-​dekorazzjoni taʼ l-​artijiet kollha,)+ 16 talli ċaħdu d-​deċiżjonijiet ġudizzjarji tiegħi; u l-​istatuti tiegħi ma mxewx magħhom, u s-​Sabatijiet tiegħi kasbruhom, għax qalbhom marret wara l-​idoli tagħhom moqżieża daqs id-​demel.+

17 “‘“U għajnejja bdew jitħassruhom biex ma nħarbathomx,+ u ma qridthomx għalkollox fix-​xagħri. 18 U għedt lil uliedhom fix-​xagħri,+ ‘Timxux mar-​regolamenti taʼ missirijietkom,+ u tħarsux il-​ġudizzji tagħhom,+ u titniġġsux bl-​idoli tagħhom moqżieża daqs id-​demel.+ 19 Jien Ġeħova Alla tagħkom.+ Imxu maʼ l-​istatuti tiegħi,+ u ħarsu d-​deċiżjonijiet ġudizzjarji tiegħi+ u wettquhom.+ 20 U qaddsu s-​Sabatijiet tiegħi,+ u jservu taʼ sinjal bejni u bejnkom, biex intom tkunu tafu li jien Ġeħova Alla tagħkom.’+

21 “‘“U l-​ulied bdew jirribellaw kontrija.+ Ma mxewx maʼ l-​istatuti tiegħi, u ma ħarsux id-​deċiżjonijiet ġudizzjarji tiegħi billi wettquhom, li jekk bniedem iwettaqhom jibqaʼ jgħix permezz tagħhom.+ Is-​Sabatijiet tiegħi kasbruhom.+ Għalhekk, wegħedt li nferraʼ l-​korla tiegħi fuqhom, u b’hekk intemm ir-​rabja tiegħi fuqhom fix-​xagħri.+ 22 U ġbidt idi lura+ u aġixxejt minħabba ismi, sabiex ma jkunx imkasbar f’għajnejn il-​ġnus li rawni noħroġhom.+ 23 U wkoll, jien għollejt idi biex naħilfilhom fix-​xagħri+ li nxerridhom fost il-​ġnus u nferrixhom fost il-​pajjiżi,+ 24 talli ma wettqux id-​deċiżjonijiet ġudizzjarji tiegħi+ u ċaħdu l-​istatuti tiegħi+ u kasbru s-​Sabatijiet tiegħi,+ u marru wara l-​idoli moqżieża daqs id-​demel li kienu għamlu missirijiethom.+ 25 U jien ħallejthom ikollhom regolamenti li ma kinux tajbin u deċiżjonijiet ġudizzjarji li ma setgħux ikomplu jgħixu magħhom.+ 26 U ħallejthom jitniġġsu bl-​għotjiet tagħhom meta kienu jgħaddu min-​nar lill-​ulied kollha li jiftħu l-​ġuf,+ sabiex inħarbathom, u sabiex ikunu jafu li jien Ġeħova.”’+

27 “Għalhekk, kellem lil dar Israel, O bin il-​bniedem, u għidilhom,+ ‘Hekk qal il-​Mulej Sovran Ġeħova: “Madankollu, missirijietkom żebilħuni b’dan il-​mod, billi aġixxew kontrija b’nuqqas taʼ fedeltà.+ 28 U daħħalthom fl-​art+ li kont għollejt idi biex naħlef li nagħtihielhom.+ U kulmeta kienu jilmħu xi għolja kbira+ u xi siġra miżgħuda bil-​friegħi, kienu joffru hemmhekk is-​sagrifiċċji tagħhom+ u jagħtu l-​offerti offensivi tagħhom u jippreżentaw hemmhekk irwejjaħ pjaċevoli+ u jferrgħu l-​offerti tax-​xorb tagħhom.+ 29 Għalhekk, jien għedtilhom, ‘X’inhu dan il-​post fl-​għoli li sejrin lejh, biex għadu jismu Post fl-​Għoli* sa llum?’”’+

30 “Għalhekk, għid lil dar Israel, ‘Hekk qal il-​Mulej Sovran Ġeħova: “Intom qegħdin titniġġsu bl-​istess mod li tniġġsu missirijietkom?+ U qegħdin tidħlu f’relazzjoni immorali maʼ l-​affarijiet moqżieża tagħhom?+ 31 U għadkom titniġġsu sa llum għall-​idoli kollha tagħkom moqżieża daqs id-​demel,+ billi tgħollu l-​għotjiet tagħkom intom u tgħaddu lil uliedkom min-​nar?+ Imbagħad jien se nħallikom tistaqsuni, O dar Israel?”’+

“‘Daqskemm jien ħaj,’ hija l-​kelma tal-​Mulej Sovran Ġeħova, ‘ma nħallikomx tistaqsuni.+ 32 U dak li jiġikom f’moħħkom*+ żgur ma jseħħx,+ għax qed tgħidu: “Ejjew insiru bħall-​ġnus, bħall-​familji tal-​pajjiżi,+ billi naqdu l-​injam u l-​ġebel.”’”+

33 “‘Daqskemm jien ħaj,’ hija l-​kelma tal-​Mulej Sovran Ġeħova, ‘insaltan fuqkom b’id b’saħħitha u bi driegħ maħruġ ’il barra+ u b’korla mferrgħa.+ 34 U jien inġibkom mill-​popli, u niġborkom mill-​pajjiżi li tkunu xxerridtu fihom b’id b’saħħitha u bi driegħ maħruġ ’il barra u b’korla mferrgħa.+ 35 U ndaħħalkom fix-​xagħri tal-​popli+ u hemmhekk ikolli xi ngħid magħkom wiċċ imbwiċċ.+

36 “‘Bħalma kelli xi ngħid maʼ missirijietkom fix-​xagħri fl-​art taʼ l-​Eġittu,+ hekk ukoll se jkolli xi ngħid magħkom,’ hija l-​kelma tal-​Mulej Sovran Ġeħova. 37 ‘U ngħaddikom minn taħt il-​ħatar+ u ndaħħalkom fir-​rabta tal-​patt.+ 38 U nnaddafkom minn dawk li jirvellaw kontrija u minn dawk li jiksru l-​liġi tiegħi,+ għax noħroġhom mill-​art fejn għexu bħala barranin, imma ma jmorrux lejn l-​art taʼ Israel;+ u intom se jkollkom tkunu tafu li jien Ġeħova.’+

39 “U lilkom, O dar Israel, hekk qalilkom il-​Mulej Sovran Ġeħova, ‘Ħa jmur kull wieħed minnkom jaqdi lill-​idoli tiegħu moqżieża daqs id-​demel.+ Imma mbagħad, jekk ma tisimgħux minni, ismi l-​qaddis ma tkasbruhx iktar bl-​għotjiet tagħkom u bl-​idoli tagħkom moqżieża daqs id-​demel.’+

40 “‘Għax fuq il-​muntanja qaddisa tiegħi, fuq il-​muntanja għolja taʼ Israel,’+ hija l-​kelma tal-​Mulej Sovran Ġeħova, ‘hemmhekk se jaqduni, dar Israel kollha kemm hi, fil-​pajjiż.+ Hemmhekk nitgħaxxaq bihom u nitlob mingħandkom il-​kontribuzzjonijiet u l-​ewwel frott taʼ dak li tippreżentaw li jikkonsistu fl-​affarijiet imqaddsin kollha tagħkom.+ 41 Se nitgħaxxaq bikom minħabba r-​riħa pjaċevoli,+ meta noħroġkom mill-​popli u niġborkom flimkien mill-​pajjiżi li xxerridtu fihom,+ u jien nitqaddes permezz tagħkom quddiem għajnejn il-​ġnus.’+

42 “‘U intom se jkollkom tkunu tafu li jien Ġeħova,+ meta nġibkom fl-​art taʼ Israel,+ fil-​pajjiż li kont għollejt idi biex naħlef li nagħtih lil missirijietkom. 43 U hemmhekk intom tiftakru fi triqatkom+ u l-​għemejjel kollha tagħkom li tniġġistu bihom,+ u minn wiċċkom ikun jidher li qed tistkerrhu lilkom infuskom minħabba l-​affarijiet ħżiena kollha li għamiltu.+ 44 U se jkollkom tkunu tafu li jien Ġeħova+ meta naġixxi magħkom minħabba ismi,+ mhux skond it-​triqat ħżiena tagħkom jew skond l-​għemejjel korrotti tagħkom,+ O dar Israel,’ hija l-​kelma tal-​Mulej Sovran Ġeħova.”

45 U l-​kelma taʼ Ġeħova kompliet tiġi għandi, tgħid: 46 “Bin il-​bniedem, dawwar wiċċek+ lejn in-​naħa tan-​nofsinhar u lissen+ kliem lin-​nofsinhar, u pprofetizza lill-​foresta fl-​art tan-​nofsinhar. 47 U lill-​foresta tan-​nofsinhar għidilha, ‘Ismaʼ l-​kelma taʼ Ġeħova. Hekk qal il-​Mulej Sovran Ġeħova: “Ara, se nqabbad nar kontrik,+ u jiblaʼ fik kull siġra ħadra u kull siġra niexfa.+ Il-​ħuġġieġa tħeġġeġ ma tintefiex,+ u biha l-​uċuħ kollha jinħarqu min-​nofsinhar sat-​tramuntana.+ 48 U l-​bnedmin kollha se jkollhom jaraw li jien, Ġeħova, tajtha n-​nar, u għalhekk mhix se tintefa.”’”+

49 U jien għedt: “Jaħasra, O Mulej Sovran Ġeħova! Qed jgħidu dwari, ‘Dan mhux dejjem jgħid il-​qwiel?’”+

21 U l-​kelma taʼ Ġeħova kompliet tiġi għandi, tgħid: 2 “Bin il-​bniedem, dawwar wiċċek lejn Ġerusalemm u lissen+ kliem lejn il-​postijiet qaddisin,+ u pprofetizza kontra l-​art taʼ Israel.+ 3 U għid lill-​art taʼ Israel, ‘Hekk qal Ġeħova: “Ara, jien kontrik,+ u se noħroġ sejfi mill-​għant tiegħu+ u naqtaʼ minnek il-​ġust u l-​ħażin.+ 4 Sabiex naqtaʼ minnek il-​ġust u l-​ħażin, sejfi se joħroġ mill-​għant tiegħu kontra l-​bnedmin kollha min-​nofsinhar sat-​tramuntana.+ 5 U l-​bnedmin kollha se jkollhom ikunu jafu li jien stess, Ġeħova, ħriġt sejfi mill-​għant tiegħu.+ Ma jerġax jidħol lura.”’+

6 “U int, O bin il-​bniedem, tniehed b’ġenbejn jirtogħdu.+ U wkoll, tniehed bi mrar quddiem għajnejhom.+ 7 U jrid iseħħ li jekk jgħidulek, ‘Għalfejn qed titniehed?’+ int tgħidilhom, ‘Minħabba rapport.’+ Għax ġej żgur,+ u kull qalb iddub+ u l-​idejn kollha jintelqu u kull spirtu jiddgħajjef u l-​irkopptejn kollha jqattru l-​ilma.*+ ‘Ara! Żgur ġej+ u jseħħ,’ hija l-​kelma tal-​Mulej Sovran Ġeħova.”

8 U l-​kelma taʼ Ġeħova kompliet tiġi għandi, tgħid: 9 “Bin il-​bniedem, ipprofetizza, u għid, ‘Hekk qal Ġeħova: “Għid, ‘Sejf, sejf!+ Ġie misnun+ u llostrat ukoll. 10 Ġie misnun biex tiġi organizzata qatla; ġie llostrat biex ikun ileqq.’”’”+

“Imma aħna m’għandniex raġun nifirħu?”+

“‘Qiegħed is-​sejf jiċħad ix-​xettru+ taʼ ibni stess,+ bħalma qed jiċħad kull siġra oħra?+

11 “‘U jingħata biex ikun illostrat, sabiex jinżamm fl-​id u jintuża. Dan—is-​sejf—ġie misnun u llostrat, sabiex jingħata f’idejn wieħed qattiel.+

12 “‘Għajjat u newwaħ,+ O bin il-​bniedem, għax is-​sejf ġie kontra l-​poplu tiegħi stess;+ ġie kontra l-​kapijiet ewlenin kollha taʼ Israel.+ Dawn intefgħu għas-​sejf flimkien mal-​poplu tiegħi.+ Għalhekk, agħti fuq koxxtok.+ 13 Għax is-​sejf ġie eżaminat,+ u jekk qed jiċħad ukoll lix-​xettru x’se jsir minnu dan?+ Mhux se jibqaʼ jeżisti,’+ hija l-​kelma tal-​Mulej Sovran Ġeħova.

14 “U int, O bin il-​bniedem—ipprofetizza, u ħabbat idek maʼ l-​oħra,+ u rripeti ‘Sejf!’ tliet darbiet.+ Huwa s-​sejf li joqtol. Huwa s-​sejf li joqtol lil xi ħadd kbir, sejf li qed idur madwarhom.+ 15 Sabiex il-​qalb iddub+ u joktru l-​mirbuħin fil-​bibien kollha tal-​belt,+ jien se noqtol bis-​sejf. Ah, hu magħmul biex ileqq, illostrat għall-​qatla!+ 16 Kun sejf li jaqtaʼ,+ mur lejn il-​lemin! Ħu postok; mur lejn ix-​xellug! Lejn kulfejn iħares wiċċek! 17 U jien ukoll inħabbat idi maʼ l-​oħra,+ u nserraħ+ il-​korla tiegħi.+ Jien, Ġeħova, tkellimt.”

18 U l-​kelma taʼ Ġeħova kompliet tiġi għandi, tgħid: 19 “U int, O bin il-​bniedem, agħmel żewġ toroq minfejn jidħol is-​sejf tas-​sultan taʼ Babilonja.+ It-​tnejn li huma joħorġu minn pajjiż wieħed, u agħmel sinjal li jindika d-​direzzjoni;+ agħmlu f’ras it-​triq li tagħti għall-​belt. 20 Triq waħda agħmilha biex is-​sejf jidħol kontra Rabba+ taʼ wlied Għammon, u t-​triq l-​oħra kontra Ġuda, kontra Ġerusalemm fortifikata.+ 21 Għax is-​sultan taʼ Babilonja waqaf f’salib it-​toroq, f’ras iż-​żewġ toroq, sabiex jirrikorri għat-​teħbir.+ Ħawwad il-​vleġeġ. Staqsa permezz tat-​terafim;*+ fittex fil-​fwied. 22 It-teħbir f’idu l-​leminija wera li kellhom imorru kontra Ġerusalemm, biex jitwaqqfu magni li jġarrfu l-​ħitan,+ biex jingħata l-​kmand għall-​qatla, biex tissemmaʼ l-​għajta tal-​gwerra,+ biex jitwaqqfu magni li jġarrfu bibien il-​belt, biex jinbnew rampi għall-​assedju, biex jinbena ħajt taʼ l-​assedju.+ 23 U f’għajnejn dawk li ħalfulhom+ dan kien bħal teħbir mhux veru;+ u hu qed jiftakar fl-​iżball tagħhom,+ u b’hekk jinqabdu.+

24 “Għaldaqstant, hekk qal il-​Mulej Sovran Ġeħova, ‘Talli ġegħeltu li l-​iżball tagħkom jitfakkar, meta nkixef il-​ksur tagħkom tal-​liġi, u b’hekk dnubietkom dehru fl-​għemejjel tagħkom kollha, iva, talli qed tiġu miftakrin+ se tinħatfu f’idejn l-​għadu.’+

25 “U int, O kap ewlieni+ mill-​agħar taʼ Israel,+ ferut għall-​mewt, li wasallu jumu fi żmien l-​iżball taʼ l-​aħħar,+ 26 hekk qal il-​Mulej Sovran Ġeħova, ‘Neħħi t-​turbant, u inżaʼ l-​kuruna.+ L-​affarijiet ma jibqgħux l-​istess.+ Għolli dak li hu baxx,+ u baxxi dak li hu għoli.+ 27 Rovina, rovina, rovina nagħmilha.+ U din ukoll, ma tkun taʼ ħadd sakemm jiġi dak li għandu d-​dritt legali,+ u nagħtihielu.’+

28 “U int, O bin il-​bniedem, ipprofetizza, u għid, ‘Hekk qal il-​Mulej Sovran Ġeħova dwar ulied Għammon u dwar iż-​żebliħ tagħhom.’ U għid, ‘Sejf, sejf mislut għall-​qatla, illostrat biex ileqq,+ biex jiblaʼ, 29 għax huma jaraw għalik* viżjonijiet mhux reali, għax jeħbrulek gidba,+ sabiex tiġi mitfugħa fuq il-​maqtulin, il-​ħżiena li jumhom waslilhom fi żmien l-​iżball taʼ l-​aħħar.+ 30 Daħħlu lura f’għantu. Se niġġudikak fil-​post fejn inħloqt, fil-​pajjiż minfejn ġejt.+ 31 U nferraʼ kontrik il-​kundanna tiegħi. Nonfoħ fuqek in-​nar tal-​qilla tiegħi,+ u nagħtik f’idejn irġiel li ma jirraġunawx, dawk li s-​sengħa tagħhom hi li jġibu rovina.+ 32 Int tkun ikel għan-​nar.+ Demmek jiġri f’nofs l-​art. Ħadd ma jiftakrek, għax jien, Ġeħova, tkellimt.’”+

22 U l-​kelma taʼ Ġeħova kompliet tiġi għandi, tgħid: 2 “U int, O bin il-​bniedem, se tiġġudikaha?+ Se tiġġudikaha lil din il-​belt ħatja tad-​demm+ u tgħarrafha bl-​affarijiet mistkerrhin kollha tagħha?+ 3 U għid, ‘Hekk qal il-​Mulej Sovran Ġeħova: “O belt li xxerred id-​demm+ fik sakemm jasallek żmienek,+ u li għamilt fik idoli moqżieża daqs id-​demel sabiex ma tibqax nadifa,+ 4 sirt ħatja minħabba d-​demm li xerridt,+ u ma bqajtx nadifa bl-​idoli li għamilt moqżieża daqs id-​demel.+ U int qed tqassar jiemek, u se tasal fi żmien il-​kastig tiegħek. Huwa għalhekk li nagħmlek oġġett taʼ żebliħ għall-​ġnus u ħaġa tad-​daħq għall-​pajjiżi kollha.+ 5 Il-pajjiżi fil-​qrib u dawk fil-​bogħod se jiddieħqu bik, O int li ismek mhux nadif, kotrana fit-​taħwid.+ 6 Ara! Kull wieħed mill-​kapijiet ewlenin+ taʼ Israel li hemm fik għandu driegħu mogħti għat-​tixrid taʼ demm.+ 7 Fik jiddisprezzaw lill-​missirijiet u lill-​ommijiet.+ Fik jimbroljaw lir-​resident barrani.+ U fik jimmaltrattaw lit-​tifel bla missier u lill-​armla.”’”+

8 “‘Il-​postijiet qaddisin tiegħi tistmerrhom, u s-​Sabatijiet tiegħi tkasbarhom.+ 9 Fik hemm kalunnjaturi sfaċċati li qed ixerrdu d-​demm;+ u fik in-​nies jieklu mis-​sagrifiċċji idolatrużi fuq il-​muntanji.+ U fik jieħdu sehem f’kondotta laxka.+ 10 Fik jikxfu l-​għera taʼ missier;+ u fik jumiljaw mara mhix nadifa meta jkollha t-​tnixxija tad-​demm taʼ kull xahar.+ 11 Raġel jagħmel ħaġa mistkerrha maʼ mart sieħbu,+ u raġel ikasbar lil mart ibnu b’kondotta laxka;+ u fik, raġel jumilja lil oħtu, bint missieru stess.+ 12 Fik jieħdu t-​tixħim sabiex ixerrdu d-​demm.+ Int tieħu l-​imgħax+ u ssellef biex tagħmel il-​qligħ,+ u bl-​imbroljar vjolenti tiegħek+ tibqaʼ tiggwadanja+ minn fuq sħabek, u lili nsejtni,’+ hija l-​kelma tal-​Mulej Sovran Ġeħova.

13 “‘U, ara! Ħabbatt idejja+ flimkien għall-​qligħ inġust li għamilt,+ u għall-​atti taʼ tixrid taʼ demm li hemm fik.+ 14 Fiż-żmien li naġixxi kontrik, qalbek se tkun tiflaħ iżżomm,+ u idejk se jkunu b’saħħithom?+ Jien, Ġeħova, tkellimt u se naġixxi.+ 15 U nxerrdek fost il-​ġnus u nferrxek fost il-​pajjiżi,+ u neqred in-​nuqqas taʼ ndafa li għandek fik.+ 16 U int tkun imkasbra quddiem għajnejn il-​ġnus, u se jkollok tkun taf li jien Ġeħova.’”+

17 U l-​kelma taʼ Ġeħova kompliet tiġi għandi, tgħid: 18 “Bin il-​bniedem, dawk taʼ dar Israel saru għalija bħall-​ħmieġ tal-​metalli li jitlaʼ fil-​wiċċ.+ Ilkoll huma bħal ram aħmar u landa u ħadid u ċomb ġo forn. Saru bħall-​ħafna ħmieġ li jitlaʼ fil-​wiċċ, il-​ħmieġ tal-​fidda.+

19 “Għaldaqstant, hekk qal il-​Mulej Sovran Ġeħova, ‘Talli lkoll kemm intom sirtu bħall-​ħafna ħmieġ li jitlaʼ fil-​wiċċ,+ ara, qed niġborkom flimkien f’Ġerusalemm.+ 20 Bħalma wieħed jiġbor il-​fidda u r-​ram aħmar u l-​ħadid+ u ċ-​ċomb u l-​landa ġo forn, sabiex iġiegħel in-​nar jonfoħ+ kontrihom u dawn idubu,+ hekk ukoll se niġborhom flimkien fir-​rabja u l-​korla tiegħi, u nonfoħ u ndewwibkom. 21 U niġborkom flimkien u nonfoħ fuqkom in-​nar tal-​qilla tiegħi,+ u intom iddubu ġo fiha.+ 22 Bħalma l-​fidda ddub ġo forn, hekk intom iddubu ġo fiha; u se jkollkom tkunu tafu li jien, Ġeħova, ferrajt il-​korla tiegħi fuqkom.’”+

23 U l-​kelma taʼ Ġeħova kompliet tiġi għandi, tgħid: 24 “Bin il-​bniedem, għidilha, ‘Int art mhix imnaddfa, art li ma tinżel ebda xita fiha f’jum il-​kundanna.+ 25 Il-profeti tagħha qed jikkonfoffaw fiha,+ bħal iljun jgħajjat, itertaq il-​priża.+ Huma jibilgħu l-​ħajjiet.*+ Jibqgħu jieħdu teżori u affarijiet prezzjużi.+ Ir-​romol li hemm fiha żdiedu.+ 26 Il-qassisin tagħha jiksru l-​liġi tiegħi,+ u jkomplu jkasbru l-​postijiet qaddisin tiegħi.+ Ma jagħmlux distinzjoni+ bejn ħaġa qaddisa u ħaġa komuni,+ u ma jagħrfux+ id-​differenza bejn il-​ħaġa mhix nadifa u dik nadifa, u jagħlqu għajnejhom+ għas-​Sabatijiet tiegħi, u jien imkasbar fosthom.+ 27 Il-prinċpijiet tagħha li hemm fiha huma bħal ilpup li jtertqu l-​priża, għax ixerrdu d-​demm+ u jeqirdu n-​nies* sabiex jagħmlu qligħ inġust.+ 28 U l-​profeti tagħha jgħattulhom l-​għemejjel ħżiena tagħhom bħallikieku qed jiksu ħajt bit-​tibjid,+ u jaraw għalihom viżjonijiet mhux reali+ u jeħbrulhom gidba,+ billi jgħidu: “Hekk qal il-​Mulej Sovran Ġeħova,” meta Ġeħova ma jkun qal xejn. 29 In-nies tal-​pajjiż komplew jippjanaw kif jimbroljaw+ u ħatfu b’serq+ mingħand oħrajn; ittrattaw ħażin+ lil min isofri u lill-​fqir, u lir-​resident barrani imbroljawh bla ġustizzja.’+

30 “‘U fittixt raġel fosthom li qed isewwi s-​sur tal-​ġebel+ u li qiegħed fil-​fetħa tal-​ħajt quddiemi għan-​nom tal-​pajjiż, sabiex jien ma nagħmlux ħerba,+ imma ma sibt lil ħadd. 31 Għaldaqstant se nferraʼ l-​kundanna tiegħi+ fuqhom. Bin-​nar tal-​qilla tiegħi neqridhom għalkollox.+ Triqithom inġibha fuq rashom,’+ hija l-​kelma tal-​Mulej Sovran Ġeħova.”

23 U l-​kelma taʼ Ġeħova ġiet għandi,+ tgħid: 2 “Bin il-​bniedem, kien hemm żewġ nisa, ulied l-​istess omm.+ 3 U bdew jipprostitwixxu ruħhom fl-​Eġittu.+ F’żgħożithom wettqu l-​prostituzzjoni.+ Hemmhekk għafsulhom sidirhom,+ u hemmhekk rassewlhom ħobbhom meta kienu verġni. 4 U isimhom kien Oħola, il-​kbira, u oħtha Oħoliba, u saru tiegħi+ u bdew jildu subien u bniet.+ U dwar isimhom, Oħola hi s-​Samarija,+ u Oħoliba hi Ġerusalemm.+

5 “U Oħola bdiet tipprostitwixxi ruħha,+ waqt li kienet taħt l-​awtorità tiegħi, u kompliet tixgħel bil-​passjoni għal dawk li ħabbewha b’mod appassjonat,+ għall-​Assirjani,+ li kienu fil-​qrib, 6 gvernaturi mlibbsin materjal blu, u ħakkiema deputati—ilkoll żgħażagħ sbieħ, suldati tal-​kavallerija rekbin iż-​żwiemel. 7 U kompliet twettaq prostituzzjoni magħhom, ilkoll l-​aqwa wlied taʼ l-​Assirja; u tniġġset maʼ dawk kollha li xegħlet bil-​passjoni għalihom, iva, maʼ l-​idoli tagħhom moqżieża daqs id-​demel.+ 8 U l-​prostituzzjoni li ġabet mill-​Eġittu ma telqithiex, għax huma mteddew magħha f’żgħożitha, u kienu huma li rassewlha ħobbha meta kienet verġni, u kellhom relazzjoni immorali magħha b’passjoni kbira.+ 9 Għalhekk, jien tajtha f’idejn dawk li ħabbewha b’mod appassjonat,+ f’idejn ulied l-​Assirja, li għalihom kienet xegħlet bil-​passjoni.+ 10 Dawn kixfulha l-​għera tagħha.+ Ħadulha lil uliedha subien u bniet,+ u lilha qatluha bis-​sejf. U kisbet isem ħażin fost in-​nisa, u wettqu fuqha atti taʼ ġudizzju.

11 “Meta oħtha Oħoliba rat dan,+ hi ssodisfat ix-​xewqa senswali tagħha b’mod iktar taʼ ħsara minnha, u l-​prostituzzjoni tagħha kienet agħar miż-​żína t’oħtha.+ 12 Hi xegħlet bil-​passjoni+ għal ulied l-​Assirja, il-​gvernaturi u l-​ħakkiema deputati li kienu fil-​qrib, imlibbsin bl-​isbaħ mod, suldati tal-​kavallerija rekbin iż-​żwiemel—ilkoll żgħażagħ sbieħ.+ 13 U jien rajt li, billi kienet tniġġset, it-​tnejn li huma kienu fi triq waħda.+ 14 U kompliet iżżid l-​atti taʼ prostituzzjoni tagħha meta rat lill-​irġiel fit-​tinqix taʼ fuq il-​ħajt,+ ix-​xbihat+ tal-​Kaldin minquxin u miżbugħin bl-​aħmar,*+ 15 imħażżmin biċ-​ċinturini+ maʼ ġenbejhom, b’rashom imlibbsa turbantijiet imdendlin, u li kellhom id-​dehra taʼ gwerriera, ilkoll kemm huma, u kienu jixbhu lil ulied Babilonja, imweldin fl-​art tal-​Kaldija. 16 U hi xegħlet bil-​passjoni għalihom malli rathom b’għajnejha+ u bagħtitilhom messaġġiera fil-​Kaldija.+ 17 U wlied Babilonja baqgħu ġejjin għandha, lejn is-​sodda taʼ l-​espressjonijiet taʼ mħabba, u niġġsuha bir-​relazzjonijiet immorali tagħhom;+ u hi kompliet titniġġes magħhom, u fl-​aħħar ruħha warrbet minnhom diżgustata.

18 “U bdiet tipprattika l-​prostituzzjoni fil-​beraħ u kixfet l-​għera tagħha,+ u jien* warrabt minnha diżgustat bħalma għamilt fil-​każ t’oħtha.+ 19 U kompliet iżżid l-​atti taʼ prostituzzjoni tagħha+ sal-​punt li ftakret fi żmien żgħożitha,+ meta kienet tipprostitwixxi ruħha fl-​art taʼ l-​Eġittu.+ 20 U xegħlet bil-​passjoni bħalma jagħmlu l-​konkubini taʼ dawk li l-​membru tal-​laħam tagħhom hu bħall-​membru tal-​laħam tal-​ħmir u li l-​organu ġenitali tagħhom hu bħall-​organu ġenitali taż-​żwiemel.+ 21 U bqajt tiftakar fil-​kondotta laxka taʼ żgħożitek bit-​trassis taʼ ħobbok minn żmien l-​Eġittu+ ’l quddiem, minħabba sider żgħożitek.+

22 “Għaldaqstant, O Oħoliba, hekk qal il-​Mulej Sovran Ġeħova, ‘Ara, se nqajjem kontrik+ lil dawk li ħabbewk b’mod appassjonat, dawk li ruħek warrbet minnhom diżgustata, u nġibhom kontrik minn kull naħa,+ 23 ulied Babilonja+ u l-​Kaldin kollha,+ irġiel minn Pekod+ u Sugħa u Kugħa, ulied l-​Assirja kollha magħhom, żgħażagħ sbieħ, ilkoll gvernaturi u ħakkiema deputati, gwerriera u kunsillieri magħżulin, rekbin iż-​żwiemel, ilkoll kemm huma. 24 U jiġu kontrik bit-​tkarwit tal-​karrijiet tal-​gwerra u tar-​roti tagħhom,+ u b’ġemgħa taʼ popli, b’tarki kbar u tarki żgħar u elmijiet. Huma jdawruk dawramejt, u nħalli l-​ġudizzju f’idejhom, u jiġġudikawk bil-​ġudizzji tagħhom.+ 25 U jien nesprimi l-​ħeġġa tiegħi kontrik,+ u jaġixxu kontrik fil-​korla.+ Jaqilgħulek imnieħrek u widnejk, u dak li jibqaʼ minnek jaqaʼ bis-​sejf. Jiħdulek+ lil uliedek subien u bniet,+ u dak li jibqaʼ minnek jinbelaʼ min-​nar.+ 26 U jneżżgħulek ħwejġek+ u jiħdulek l-​oġġetti sbieħ tiegħek.+ 27 U ntemm minnek il-​kondotta laxka tiegħek,+ u l-​prostituzzjoni li ġibt mill-​art taʼ l-​Eġittu;+ u ma terfax għajnejk lejhom, u l-​Eġittu ma tiftakrux iżjed.’

28 “Għax hekk qal il-​Mulej Sovran Ġeħova, ‘Ara, se nagħtik f’idejn dawk li bgħadt, f’idejn dawk li ruħek warrbet minnhom diżgustata.+ 29 U jaġixxu kontrik b’mibegħda u jiħdulek frott it-​taħbit kollu tiegħek u jħalluk għarwiena u mikxufa;+ u trid tinkixef l-​għera taʼ l-​atti żienja tiegħek u l-​kondotta laxka tiegħek u l-​atti taʼ prostituzzjoni tiegħek.+ 30 Se jiġrilek hekk għax int mort mal-​ġnus bħal prostituta,+ għax tniġġist bl-​idoli tagħhom moqżieża daqs id-​demel.+ 31 Imxejt fl-​istess triq t’oħtok;+ u se jkolli nagħtik f’idek il-​kies tagħha.’+

32 “Hekk qal il-​Mulej Sovran Ġeħova, ‘Il-​kies t’oħtok se tixrob, kies fond u wiesaʼ.+ Se jidħqu bik u jwaqqgħuk għaċ-​ċajt, għax il-​kies mimli sew.+ 33 B’sokor u niket timtela, bil-​kies taʼ stagħġib u abbandun, il-​kies t’oħtok is-​Samarija. 34 U jkollok tixrob minnu u tlaqqtu,+ u tgerrem il-​biċċiet tal-​fuħħar, u tqattaʼ sidrek.+ “Għax jien tkellimt,” hija l-​kelma tal-​Mulej Sovran Ġeħova.’

35 “Għaldaqstant, hekk qal il-​Mulej Sovran Ġeħova, ‘Talli nsejtni+ u tfajtni wara dahrek,+ int se titgħabba bil-​kondotta laxka tiegħek u bl-​atti taʼ prostituzzjoni li għamilt.’”

36 U Ġeħova kompla jgħidli: “Bin il-​bniedem, se tiġġudikahom+ lil Oħola u Oħoliba+ u tgħidilhom l-​affarijiet mistkerrhin li għamlu?+ 37 Għax għamlu adulterju+ u hemm id-​dmija maʼ idejhom,+ u għamlu adulterju maʼ l-​idoli tagħhom moqżieża daqs id-​demel.+ U, barra minn hekk, lil uliedhom li kienu wilduli għaddewhom min-​nar bħala ikel+ għall-​idoli. 38 U mhux hekk biss imma għamluli dan ukoll: Dakinhar ipprofanaw+ is-​santwarju tiegħi,+ u s-​Sabatijiet tiegħi kasbruhom.+ 39 U meta kienu qatlu lil uliedhom għall-​idoli tagħhom moqżieża daqs id-​demel,+ dakinhar stess daħlu fis-​santwarju tiegħi biex jipprofanawh,+ u, ara, dan għamluh f’nofs dari.+ 40 U iżjed, meta bagħtu għall-​irġiel biex jiġu mill-​bogħod, billi bagħtu messaġġier għalihom,+ ara, dawn ġew+—l-​irġiel li għalihom int kont inħsilt,+ żbajt għajnejk+ u żżejjint bl-​ornamenti.+ 41 U poġġejt fuq divan mill-​isbaħ,+ b’mejda mifruxa quddiemu,+ u int qegħedt fuqha+ l-​inċens+ u ż-​żejt tiegħi. 42 U għandha kien hemm il-​ħoss taʼ folla tixxala,+ u flimkien maʼ l-​irġiel minn fost il-​bnedmin kollha bdew jinġiebu sakranazzi+ mix-​xagħri, u lin-​nisa libbsulhom brazzuletti f’idejhom u kuruni sbieħ f’rashom.+

43 “Imbagħad għedt dwar dik li kienet maħluba bl-​adulterju,+ ‘Imma issa hi xorta se tkompli bil-​prostituzzjoni tagħha, iva, hi stess.’+ 44 U kienu dejjem ġejjin għandha, bħalma jiġu għand mara prostituta; hekk ġew għand Oħola u għand Oħoliba bħala nisa taʼ kondotta laxka.+ 45 Imma l-​irġiel sewwa+ jiġġudikawha bil-​ġudizzju tan-​nisa adulteri+ u bil-​ġudizzju tan-​nisa li jxerrdu d-​demm;+ għax adulteri huma, u hemm id-​dmija maʼ idejhom.+

46 “Għax hekk qal il-​Mulej Sovran Ġeħova, ‘Se titlaʼ ġemgħa kontrihom+ u jsiru oġġett tal-​biżaʼ u xi ħaġa biex tinħataf bħala priża.+ 47 U l-​ġemgħa trid tħaġġarhom,+ u jinqerdu bis-​sejf. Lil uliedhom subien u bniet joqtluhomlhom,+ u djarhom jaħarquhomlhom bin-​nar.+ 48 U ntemm il-​kondotta laxka+ mill-​pajjiż,+ u n-​nisa kollha se jkollhom jieħdu tagħlima minn dan, sabiex ma jagħmlux skond il-​kondotta laxka tagħkom.+ 49 U jridu jġibu l-​kondotta laxka tagħkom fuqkom,+ u titgħabbew bid-​dnubiet li għamiltu bl-​idoli tagħkom moqżieża daqs id-​demel; u intom se jkollkom tkunu tafu li jien il-​Mulej Sovran Ġeħova.’”+

24 U l-​kelma taʼ Ġeħova kompliet tiġi għandi fid-​disaʼ sena, fl-​għaxar xahar, fl-​għaxar jum tax-​xahar, tgħid: 2 “Bin il-​bniedem, ikteb l-​isem tal-​ġurnata, tal-​ġurnata taʼ llum. Is-​sultan taʼ Babilonja ntefaʼ kontra Ġerusalemm illum.+ 3 U int lissen qawl dwar id-​dar ribelluża,+ u għid dwarhom,

“‘Hekk qal il-​Mulej Sovran Ġeħova: “Poġġi l-​borma l-​kbira fuq in-​nar; poġġiha, u ferraʼ l-​ilma ġo fiha.+ 4 Iġbor il-​biċċiet+ tal-​laħam fiha, kull biċċa tajba, il-​koxxa u l-​ispalla; imlieha bl-​aħjar għadam. 5 Ħu l-​aħjar nagħaġ,+ u agħmel ukoll munzell ħatab f’ċirku taħtha. Għalli l-​biċċiet tal-​laħam, u sajjar l-​għadam taʼ ġo fiha.”’”+

6 “Għaldaqstant, hekk qal il-​Mulej Sovran Ġeħova, ‘Gwaj għall-​belt tat-​tixrid taʼ demm,+ il-​borma l-​kbira mimlija sadid li ma jinqalax! Oħorġu l-​laħam biċċa biċċa;+ m’għandhiex tintefaʼ x-​xorti għalihom.+ 7 Għax id-​demm li xerrdet qiegħed f’nofsha.+ Qegħditu fuq il-​wiċċ ileqq u għeri tal-​blat. Ma sawbitux maʼ l-​art, sabiex tgħattih bit-​trab.+ 8 Id-demm li xerrdet jien qegħedtu fuq il-​wiċċ ileqq u għeri tal-​blat, sabiex ma jkunx mgħotti,+ u biex tqum il-​korla ħalli nagħmel vendetta.’+

9 “Għaldaqstant, hekk qal il-​Mulej Sovran Ġeħova, ‘Gwaj għall-​belt tat-​tixrid taʼ demm!+ Tabilħaqq, jien stess se nkabbar il-​munzell.+ 10 Żid il-​ħatab. Kebbes in-​nar. Għalli l-​laħam sew. Battal il-​brodu, u ħalli l-​għadam jisħon ferm. 11 Qegħedha vojta fuq il-​ġamar tagħha sabiex issir taħraq; u r-​ram aħmar tagħha jsir jikwi, u n-​nuqqas taʼ ndafa tagħha jdub f’nofsha.+ Ħa jintemm is-​sadid tagħha.+ 12 X’taħbit! X’kedda tat! Imma l-​ħafna sadid tagħha xorta ma jridx jinqalaʼ.+ Għal ġon-​nar bis-​sadid b’kollox!’

13 “‘Kien hemm kondotta laxka fin-​nuqqas taʼ ndafa tiegħek.+ Għalhekk kelli nnaddfek, imma int ma tnaddaftx min-​nuqqas taʼ ndafa tiegħek.+ M’intix se tindaf iżjed sakemm inserraħ il-​korla li għandi għalik.+ 14 Jien, Ġeħova, tkellimt.+ Dan se jseħħ,+ u jien se naġixxi. M’iniex se nħalli l-​affarijiet għaddejjin,+ u la se tiġini ħasra+ u lanqas jiddispjaċini.+ Skond triqatek u skond l-​għemejjel tiegħek se jiġġudikawk,’+ hija l-​kelma tal-​Mulej Sovran Ġeħova.”

15 U l-​kelma taʼ Ġeħova kompliet tiġi għandi, tgħid: 16 “Bin il-​bniedem, se nagħtik daqqa+ u niħodlok il-​ħaġa sabiħa+ f’għajnejk, u m’għandekx tħabbat fuq sidrek, lanqas m’għandek tibki jew jaqbiżlek id-​dmugħ.+ 17 Tniehed bla kliem. Tagħmilx vistu għall-​mejtin.+ Orbot l-​għata fuq rasek,+ u ilbes is-​sandli f’saqajk.+ U tgħattix il-​mustaċċi,+ u tikolx ħobż mingħand in-​nies.”+

18 U kellimt lin-​nies fil-​għodu, u marti mietet sa fil-​għaxija. Għalhekk, fil-​għodu għamilt eżatt bħalma ġejt kmandat. 19 U n-​nies qaluli: “M’intix se tgħidilna x’għandhom x’jaqsmu magħna dawn l-​affarijiet li qed tagħmel?”+ 20 Imbagħad għedtilhom: “Il-​kelma taʼ Ġeħova ġiet għandi, tgħid, 21 ‘Għid lil dar Israel: “Hekk qal il-​Mulej Sovran Ġeħova, ‘Ara, qed nipprofana s-​santwarju tiegħi,+ il-​kburija taʼ saħħitkom,+ il-​ħaġa sabiħa f’għajnejkom+ u l-​ħaġa li ruħkom tagħder, u wliedkom subien u bniet li intom ħallejtu warajkom—bis-​sejf se jaqgħu.+ 22 U se jkollkom tagħmlu bħalma għamilt jien. Il-​mustaċċi ma tgħattuhomx,+ u ma tiklux ħobż mingħand in-​nies.+ 23 U l-​għata tar-​ras tkun fuq raskom, u s-​sandli f’saqajkom. Ma tħabbtux fuq sidirkom u lanqas tibku,+ u jkollkom titmermru fl-​iżbalji tagħkom,+ u tokorbu bejnietkom.+ 24 U Eżekjel sar għalikom sinjal.+ Skond kulma għamel hu, hekk se tagħmlu intom. Meta dan iseħħ,+ intom se jkollkom tkunu tafu li jien il-​Mulej Sovran Ġeħova.’”’”+

25 “U inkwantu għalik, O bin il-​bniedem, dakinhar li niħdilhom il-​fortizza, il-​ħaġa kollha ġmiel li jifirħu biha, il-​ħaġa sabiħa f’għajnejhom+ u x-​xenqa taʼ ruħhom, uliedhom subien u bniet,+ 26 dakinhar ma jiġix għandek wieħed maħrub li jsemmaʼ l-​aħbar lil widnejk?+ 27 Dakinhar fommok jinfetaħ mal-​wasla tal-​maħrub,+ u titkellem u ma tibqax mutu;+ u ssir għalihom sinjal,+ u se jkollhom ikunu jafu li jien Ġeħova.”+

25 U l-​kelma taʼ Ġeħova kompliet tiġi għandi, tgħid: 2 “Bin il-​bniedem, dawwar wiċċek lejn ulied Għammon u pprofetizza kontrihom.+ 3 U għid lil ulied Għammon, ‘Isimgħu l-​kelma tal-​Mulej Sovran Ġeħova. Hekk qal il-​Mulej Sovran Ġeħova: “Talli għedt Ħaħ! għas-​santwarju tiegħi, għax ġie profanat, u għall-​art taʼ Israel, għax ġiet abbandunata, u għal dar Ġuda, għax marru fl-​eżilju,+ 4 għal dan, ara, jien nagħtik lin-​nies taʼ l-​Orjent biex tkun tagħhom,+ u dawn iwaqqfu fik il-​kampijiet tagħhom imdawrin bil-​ħitan u jqiegħdu fik it-​tined tagħhom. Huma jieklu frottok u jixorbu l-​ħalib tiegħek.+ 5 U jien nagħmel lil Rabba+ mergħa għall-​iġmla u l-​art taʼ wlied Għammon post fejn tistrieħ il-​merħla;+ u intom se jkollkom tkunu tafu li jien Ġeħova.”’”+

6 “Għax hekk qal il-​Mulej Sovran Ġeħova, ‘Talli ċapċapt idejk+ u sabbatt saqajk u qgħadt tifraħ u żżeblaħ bil-​kbir l-​art taʼ Israel,+ 7 hawn jien; meddejt idi fuqek,+ u se nagħtik lill-​ġnus biex jaħtfuk bħala priża; u naqtgħek mill-​popli u neqirdek mill-​pajjiżi.+ Se nġibek fix-​xejn,+ u se jkollok tkun taf li jien Ġeħova.’

8 “Hekk qal il-​Mulej Sovran Ġeħova, ‘Talli Mowab+ u s-​Segħir+ qalu: “Ara! Dar Ġuda hi bħall-​ġnus l-​oħrajn kollha,”+ 9 jien qed nikxef il-​ġnub tal-​muntanji taʼ Mowab ħdejn il-​bliet, ħdejn blietu lejn il-​fruntiera tiegħu, id-​dekorazzjoni tal-​pajjiż, Bet-ġesimot,+ Bagħal-megħon,+ iva, sa Kirjatajm,+ 10 lin-nies taʼ l-​Orjent,+ flimkien maʼ wlied Għammon;+ u se nagħti lil Mowab u Għammon lil ħaddieħor, sabiex ulied Għammon ma jkunux miftakrin+ fost il-​ġnus. 11 U f’Mowab inwettaq atti taʼ ġudizzju;+ u se jkollhom ikunu jafu li jien Ġeħova.’+

12 “Hekk qal il-​Mulej Sovran Ġeħova, ‘Talli Edom aġixxa b’vendetta maʼ dar Ġuda u żbaljaw bl-​ikrah u vvendikaw ruħhom minnhom,+ 13 għaldaqstant, hekk qal il-​Mulej Sovran Ġeħova: “Jien immidd idi wkoll fuq Edom+ u naqtaʼ minnu l-​bniedem u l-​annimal domestiku,+ u nagħmlu ħerba minn Teman,+ iva, sa Dedan.+ Bis-​sejf jaqgħu. 14 ‘U nġib il-​vendetta tiegħi fuq Edom b’id il-​poplu tiegħi Israel;+ u f’Edom jagħmlu skond ir-​rabja tiegħi u skond il-​korla tiegħi; u Edom se jkollu jkun jaf x’inhi l-​vendetta tiegħi,’+ hija l-​kelma tal-​Mulej Sovran Ġeħova.”’

15 “Hekk qal il-​Mulej Sovran Ġeħova, ‘Talli l-​Filistin aġixxew b’vendetta+ u komplew jivvendikaw ruħhom b’vendetta u b’żebliħ, sabiex iġibu rovina,+ minħabba għadwa li ilha minn dejjem,*+ 16 għaldaqstant, hekk qal il-​Mulej Sovran Ġeħova: “Ara, qed immidd idi kontra l-​Filistin,+ u se nqaċċat lill-​Keretin+ u neqred il-​bqija tan-​nies li joqogħdu mal-​kosta tal-​baħar.+ 17 U nwettaq fihom atti kbar taʼ vendetta, b’ċanfir qalil;+ u huma se jkollhom ikunu jafu li jien Ġeħova meta nġib il-​vendetta tiegħi fuqhom.”’”+

26 U ġara fis-​sena ħdax, fl-​ewwel jum tax-​xahar, li l-​kelma taʼ Ġeħova ġiet għandi, tgħid: 2 “Bin il-​bniedem, talli Tir+ qalet kontra Ġerusalemm,+ ‘Ħaħ! Tfarrket+ dik li kienet il-​bieb tal-​popli!+ L-​affarijiet se jduru favurija. Jien se nimtela bil-​ġid, għax hi ntgħamlet ħerba,’+ 3 għaldaqstant, hekk qal il-​Mulej Sovran Ġeħova, ‘Ara, jien kontrik, O Tir, u se ntellaʼ kontrik ħafna ġnus,+ bħalma l-​baħar itellaʼ l-​mewġ.+ 4 U huma jagħmlu ħerba mis-​swar taʼ Tir+ u jġarrfulha t-​torrijiet tagħha,+ u jien niknes it-​trab minnha u nagħmilha blata b’wiċċ ileqq u għeri. 5 U ssir wesgħa f’nofs taʼ baħar+ fejn inixxfu x-​xbieki tas-​sajd.’+

“‘Għax jien tkellimt,’ hija l-​kelma tal-​Mulej Sovran Ġeħova, ‘u hi ssir priża għall-​ġnus. 6 U l-​abitanti tal-​bliet rurali li jiddependu minnha jinqatlu bis-​sejf, u n-​nies se jkollhom ikunu jafu li jien Ġeħova.’+

7 “Għax hekk qal il-​Mulej Sovran Ġeħova, ‘Ara, qed inġib mit-​tramuntana kontra Tir lil Nebukadressar is-​sultan taʼ Babilonja,+ sultan tas-​slaten,+ bi żwiemel,+ karrijiet tal-​gwerra,+ suldati tal-​kavallerija, u ġemgħa,+ iva, kotra nies. 8 U lill-​abitanti tal-​bliet rurali li jiddependu minnek joqtolhom bis-​sejf. U jibnilek ħajt taʼ l-​assedju+ u jwaqqaf miegħek rampa għall-​assedju u jgħolli kontrik tarka kbira; 9 u jxejjer id-​daqqiet tal-​magna tal-​gwerra għal fuq is-​swar tiegħek, u bl-​armi tiegħu jwaqqagħlek it-​torrijiet. 10 It-trab li jittajjar mill-​kotra kbira taʼ żwiemel tiegħu ġejjin ilebbtu lejk jgħattik.+ Bil-​ħoss tas-​suldati tal-​kavallerija u tar-​roti u tal-​karrijiet tal-​gwerra, is-​swar tiegħek jitriegħdu, meta hu jidħol mill-​bibien tiegħek, bħalma jiġri meta jidħlu f’belt li tkun ġiet minfuda. 11 B’saqajn iż-​żwiemel tiegħu jitħanlek triqatek kollha.+ Lil niesek joqtolhom bis-​sejf, u l-​kolonni b’saħħithom tiegħek jaqgħu maʼ l-​art. 12 U jaħtfulek ir-​riżorsi tiegħek+ u jisirqulek in-​negozju tiegħek,+ u l-​ħitan tiegħek iġarrfuhomlok, u d-​djar sbieħ tiegħek iwaqqgħuhomlok. U l-​ġebel u l-​injam u t-​trab tiegħek jitfgħuh f’nofs l-​ilma.’

13 “‘U nsikket l-​għagħa tal-​kant tiegħek,+ u l-​ħoss taʼ l-​arpi ma jinstemax iżjed.+ 14 U nagħmlek blata b’wiċċ ileqq u għeri.+ U ssir wesgħa fejn inixxfu x-​xbieki tas-​sajd.+ Qatt ma terġaʼ tinbena; għax jien, Ġeħova, tkellimt,’ hija l-​kelma tal-​Mulej Sovran Ġeħova.+

15 “Hekk qal il-​Mulej Sovran Ġeħova lil Tir, ‘Jaqaw mal-​ħoss tal-​waqgħa tiegħek, meta dawk midrubin għall-​mewt jokorbu, meta jkun qed isir massakru f’nofsok, m’humiex se jitriegħdu l-​gżejjer?+ 16 U l-​kapijiet ewlenin+ kollha tal-​baħar se jinżlu minn fuq it-​tronijiet tagħhom+ u jneħħu l-​libsa taʼ bla kmiem u jinżgħu l-​ilbies irrakkmat, u jilbsu t-​tregħid. Ipoġġu bil-​qiegħda maʼ l-​art,+ u jitriegħdu l-​ħin kollu+ u jibqgħu mistagħġbin u ċċassati lejk. 17 U jgħannulek għanja taʼ niket+ u jgħidulek:

“‘“Kif ġejt fix-​xejn, int li kienu jgħammru fik in-​nies tal-​baħar,+ O belt imfaħħra, li saret belt b’saħħitha fil-​baħar,+ hi u dawk li jgħammru fiha, dawk li kienu jbeżżgħu lill-​abitanti kollha taʼ l-​art! 18 Issa l-​gżejjer se jitriegħdu f’jum il-​waqgħa tiegħek, u l-​gżejjer tal-​baħar se jitfixklu minħabba tmiemek.”’+

19 “Għax hekk qal il-​Mulej Sovran Ġeħova, ‘Meta nagħmlek belt imħarbta, bħall-​bliet li ma jgħammar fihom ħadd, meta ntellaʼ għal fuqek l-​ilmijiet fondi, u l-​ilmijiet vasti jkunu għattewk,+ 20 inniżżlek maʼ dawk li neżlin fil-​ħofra għand il-​poplu taʼ żmien twil ilu,+ u nġiegħlek tgħammar fl-​iktar art baxxa,+ flimkien maʼ postijiet oħrajn li ilhom ħerba għal ħafna żmien, flimkien maʼ dawk li neżlin fil-​ħofra,+ sabiex ħadd ma jerġaʼ jgħammar fik; u l-​art tal-​ħajjin jien insebbaħha.+

21 “‘Inġib fuqek gwaj għal għarrieda,+ u ma tkunx iżjed; u jfittxuk,+ imma jibqgħu ma jsibukx għal żmien indefinit,’+ hija l-​kelma tal-​Mulej Sovran Ġeħova.”

27 U l-​kelma taʼ Ġeħova kompliet tiġi għandi, tgħid: 2 “U int, O bin il-​bniedem, għanni għanja taʼ niket dwar Tir,+ 3 u għid lil Tir,

“‘O int li tgħammar fid-​daħliet tal-​baħar,+ in-​negozjanta mal-​popli taʼ ħafna gżejjer,+ hekk qal il-​Mulej Sovran Ġeħova: “O Tir, int għedt, ‘Sbuħiti perfetta.’+ 4 It-territorji tiegħek huma f’nofs l-​ibħra.+ Dawk li bnewk għamlu s-​sbuħija tiegħek perfetta.+ 5 Għamlu t-​twavel kollha tiegħek mill-​injam tal-​ġnibru li ġie mis-​Senir.*+ U mil-​Libanu ħadu siġra taċ-​ċedru+ biex jagħmlulek arblu. 6 Mis-siġar immensi tal-​Basan għamlulek l-​imqadef, u l-​pruwa tiegħek għamluha biċ-​ċipress ingastat bl-​avorju, mill-​gżejjer taʼ Kittim.+ 7 Id-drapp użat għall-​qlugħ tiegħek kien għażel taʼ l-​Eġittu,+ imżewwaq b’ħafna kuluri. U l-​għata tal-​gverta tiegħek kienet magħmula minn ħajt blu+ u suf miżbugħ vjola ħamrani+ mill-​gżejjer t’Elisa.+

8 “‘“L-​abitanti taʼ Sidon+ u Arwad+ saru l-​qaddiefa tiegħek. In-​nies tas-​sengħa+ li kienu fik, O Tir, kienu l-​baħrin tiegħek.+ 9 Fik kellek ukoll ix-​xjuħ taʼ Gebal+ u n-​nies tas-​sengħa tagħha sabiex isewwulek ix-​xquq.+ Il-​bastimenti kollha taʼ fuq il-​baħar u l-​baħħara tagħhom kienu jiġu għandek sabiex ipartu l-​merkanzija. 10 Persjani,+ Ludin,+ u rġiel minn Put+ kienu fil-​qawwa militari tiegħek, il-​gwerriera tiegħek. It-​tarka u l-​elmu dendluhom fik.+ Huma kienu li tawk ġmielek. 11 Ulied Arwad,+ flimkien mal-​qawwa militari tiegħek, kienu fuq is-​swar tiegħek dawramejt, u l-​irġiel taʼ ħila fit-​torrijiet tiegħek. It-​tarki tondi tagħhom dendluhom mas-​swar kollha dawramejt.+ Dawn kienu li għamlulek sbuħitek perfetta.

12 “‘“Tarsis+ kien jinnegozja miegħek minħabba l-​abbundanza taʼ kull xorta t’affarijiet taʼ valur.+ Il-​merkanzija tiegħek kienet titpartat mal-​fidda, il-​ħadid, il-​landa, u ċ-​ċomb tiegħu.+ 13 Ġawan,+ Tubal,+ u Mesek+ kienu jinnegozjaw miegħek. Il-​merkanzija tiegħek kienet titpartat mal-​ħajja tal-​bnedmin*+ u oġġetti tar-​ram aħmar. 14 Minn dar Togarma+ ġew żwiemel u żwiemel tal-​ġiri u bgħula, li ksibthom bil-​merkanzija tiegħek. 15 Ulied Dedan+ kienu jinnegozjaw miegħek; ħafna gżejjer kienu merkanti mħaddmin miegħek; u kienu jħallsuk b’għotjiet t’avorju+ u ebbanu. 16 Edom kien jinnegozja miegħek minħabba l-​abbundanza taʼ prodotti tiegħek. Il-​merkanzija tiegħek kienet titpartat mat-​turkina,+ suf miżbugħ vjola ħamrani, materjal imżewwaq b’ħafna kuluri, drapp fin, qroll, u rubini.

17 “‘“Ġuda u l-​art taʼ Israel kienu jinnegozjaw miegħek. Il-​merkanzija tiegħek kienet titpartat+ mal-​qamħ+ taʼ Minnit,+ affarijiet speċjali taʼ l-​ikel, għasel,+ żejt, u balzmu.+

18 “‘“Damasku+ kienet tinnegozja miegħek bl-​inbid+ taʼ Ħelbon u bis-​suf griż ħamrani għall-​abbundanza taʼ prodotti tiegħek, għax int kellek abbundanza taʼ kull xorta t’affarijiet taʼ valur. 19 Vedan u Ġawan minn Użal kienu jpartu l-​merkanzija tagħhom miegħek. Ħadid maħdum, kassja, u qasab+ aromatiku kienu jpartu miegħek. 20 Dedan+ kien jinnegozja miegħek drapp minsuġ użat għal mas-​sarġ. 21 L-Għarab+ u l-​kapijiet ewlenin kollha taʼ Kedar+ kienu merkanti mħaddmin miegħek. Huma kienu jinnegozjaw miegħek bil-​ħrief, bl-​imtaten, u bil-​bdabad.+ 22 In-negozjanti taʼ Xeba+ u Ragħma+ kienu jinnegozjaw miegħek; għall-​ifjen fwieħa u għal kull xorta taʼ ħaġar prezzjuż u deheb kienet tingħata+ l-​merkanzija tiegħek. 23 Ħaran+ u Kanne u Għeden,+ in-​negozjanti taʼ Xeba,+ Assur,+ u Kilmad kienu jinnegozjaw miegħek. 24 Fis-suq tiegħek kienu jinnegozjaw miegħek ħwejjeġ il-​ġmiel tagħhom, imnatar taʼ materjal blu u taʼ materjal imżewwaq b’ħafna kuluri, tapiti maħdumin b’żewġ kuluri, u ħbula mmaljati u b’saħħithom.

25 “‘“Il-​bastimenti taʼ Tarsis+ kienu l-​karavani tiegħek biex iġorrulek l-​oġġetti tiegħek għat-​tpartit, sabiex int timtela bil-​ġid u b’ħafna glorja f’nofs baħar miftuħ.+

26 “‘“Il-​qaddiefa tiegħek ħarġuk f’ilmijiet vasti.+ Ir-​riħ mil-​lvant farrkek fil-​qalba taʼ baħar miftuħ.+ 27 L-affarijiet taʼ valur tiegħek u l-​merkanzija tiegħek,+ l-​oġġetti tiegħek għat-​tpartit,+ il-​baħħara u l-​baħrin tiegħek,+ dawk li jsewwu x-​xquq+ u dawk li jpartu l-​merkanzija tiegħek u l-​gwerriera kollha tiegħek,+ li huma fik u fil-​ġemgħa kollha tiegħek, li qegħdin f’nofsok,—f’jum il-​waqgħa tiegħek se jaqgħu fil-​qalba taʼ baħar miftuħ.+

28 “‘“Mal-​ħoss taʼ l-​għajat tal-​baħrin tiegħek, il-​kampanja kollha se titriegħed.+ 29 U dawk kollha li jħaddmu l-​moqdief, il-​baħħara, u l-​baħrin kollha taʼ fuq il-​baħar, jinżlu mill-​bastimenti tagħhom u jibqgħu fuq l-​art.+ 30 U jsemmgħu leħinhom u jibku biki taʼ mrar għalik.+ U jitfgħu t-​trab fuq rashom,+ u jitmiegħku fl-​irmied.+ 31 U jqaxxru xagħarhom qargħa+ u jitħażżmu bl-​ilbies taʼ l-​ixkora+ u jibkuk fl-​imrar taʼ ruħhom,+ b’biki taʼ mrar. 32 U huma u jnewħu, jgħannu għanja taʼ niket u jkantaw dwarek,+

“‘“‘Min hu bħal Tir,+ bħal dik li ġiet imsikkta f’nofs taʼ baħar?+ 33 Meta l-​merkanzija tiegħek+ kienet toħroġ fuq il-​baħar miftuħ,+ kont ixxebbaʼ ħafna popli.+ Bl-​abbundanza tiegħek t’affarijiet taʼ valur u t’oġġetti għat-​tpartit imlejt bl-​għana lis-​slaten taʼ l-​art.+ 34 Issa int tfarrakt mill-​baħar miftuħ, f’ilmijiet fondi.+ U l-​oġġetti tiegħek għat-​tpartit u l-​ġemgħa kollha tiegħek+ waqgħu miegħek. 35 L-abitanti kollha tal-​gżejjer+ se jistagħġbu u jiċċassaw lejk, u s-​slaten tagħhom se jkollhom jirtogħdu bil-​biżaʼ.+ L-​uċuħ jidhru mħawdin.+ 36 U l-​merkanti fost il-​popli jsaffru bi stagħġib minħabba fik.+ Inġib fuqek gwaj għal għarrieda, u ma tibqax teżisti għal żmien indefinit.’”’”+

28 U l-​kelma taʼ Ġeħova kompliet tiġi għandi, tgħid: 2 “Bin il-​bniedem, għid lill-​mexxej taʼ Tir, ‘Hekk qal il-​Mulej Sovran Ġeħova:

“‘“Talli qalbek saret supperva,+ u tibqaʼ tgħid, ‘Jien alla.+ Poġġejt fejn ipoġġi alla,+ fil-​qalba taʼ baħar miftuħ,’+ mentri int bniedem,+ mhux alla,+ u tibqaʼ tagħmel qalbek bħal dik t’alla— 3 Ara, int iktar għaref minn Danjel.+ M’hemmx sigriet li ma tifhmux.+ 4 Bl-għerf u d-​dixxerniment tiegħek ksibt għalik l-​għana u bqajt iġġib id-​deheb u l-​fidda fl-​imħażen tiegħek.+ 5 Bl-abbundanza t’għerfek,+ bin-​negozju tiegħek,+ kattart l-​għana tiegħek,+ u qalbek bdiet tissuppervja bl-​għana tiegħek.”’+

6 “‘Għaldaqstant, hekk qal il-​Mulej Sovran Ġeħova: “Talli tagħmel qalbek bħall-​qalb t’alla,+ 7 se nġib fuqek l-​istranġieri,+ it-​tiranni tal-​ġnus,+ u huma jisiltu sjufhom kontra s-​sbuħija t’għerfek u jkasbru l-​ġmiel kbir tiegħek.+ 8 Iniżżluk fil-​ħofra,+ u int tmut bħal xi ħadd maqtul fil-​qalba taʼ baħar miftuħ.+ 9 Imbagħad, meta tiġi f’id dawk li jkasbruk, se tibqaʼ tgħid, ‘Jien alla,’ quddiem min joqtlok,+ meta m’intix alla imma biss bniedem?”’+

10 “‘Bil-​mewta taʼ nies mhux ċirkonċiżi se tmut int minn id l-​istranġieri,+ għax jien tkellimt,’ hija l-​kelma tal-​Mulej Sovran Ġeħova.”

11 U l-​kelma taʼ Ġeħova kompliet tiġi għandi, tgħid: 12 “Bin il-​bniedem, għanni għanja taʼ niket dwar is-​sultan taʼ Tir,+ u għidlu, ‘Hekk qal il-​Mulej Sovran Ġeħova:

“‘“Int is-​siġill tal-​perfezzjoni, kollok għerf+ u perfett fi sbuħitek.+ 13 Int kont fl-​Għeden,+ il-​ġnien t’Alla. Kont mgħotti b’kull ħaġra prezzjuża: rubin, topazju, u djaspru; krisolitu, oniċi,+ u ġada; żaffir, turkina,+ u żmerald; u dan il-​ħaġar prezzjuż li kont liebes kien ingastat fid-​deheb. Tħejjew dakinhar li nħloqt. 14 Int il-​kerubin midluk bi ġwinħajh mifruxin, u kont jien li ħtartek. Int kont fuq il-​muntanja qaddisa t’Alla.+ Kont timxi f’nofs il-​ġebel tan-​nar. 15 Minn dakinhar li nħloqt kont bla nuqqas fi triqatek,+ sakemm instabet l-​inġustizzja fik.+

16 “‘“Minħabba l-​abbundanza tan-​negozju tiegħek,+ imtlejt bil-​vjolenza, u bdejt tidneb.+ U jien inkeċċik minn fuq il-​muntanja t’Alla bħala wieħed profan, u neqirdek+ minn nofs il-​ġebel tan-​nar, O kerubin bi ġwinħajh mifruxin.

17 “‘“Qalbek saret supperva minħabba sbuħitek.+ Irrovinajt għerfek minħabba l-​ġmiel kbir tiegħek.+ Maʼ l-​art nixħtek,+ u npoġġik quddiem is-​slaten, biex iħarsu lejk.+

18 “‘“Bil-​kotra taʼ l-​iżbalji tiegħek,+ bl-​inġustizzja tan-​negozju tiegħek,+ int ipprofanajt is-​santwarji tiegħek. U noħroġ nar minn ġo fik, u jibilgħek.+ U nagħmlek irmied fuq l-​art quddiem għajnejn dawk kollha li jarawk.+ 19 U dawk kollha li jafuk fost il-​popli jistagħġbu u jiċċassaw lejk.+ Inġib fuqek gwaj għal għarrieda, u ma tibqax teżisti għal żmien indefinit.”’”+

20 U l-​kelma taʼ Ġeħova kompliet tiġi għandi, tgħid: 21 “Bin il-​bniedem, dawwar wiċċek lejn Sidon,+ u pprofetizza kontriha. 22 U għid, ‘Hekk qal il-​Mulej Sovran Ġeħova: “Ara, jien kontrik,+ O Sidon, u jien se niġi glorifikat f’nofsok;+ u n-​nies se jkollhom ikunu jafu li jien Ġeħova meta nwettaq atti taʼ ġudizzju+ fiha u nitqaddes permezz tagħha.+ 23 U nibagħtilha l-​pesta, u d-​demm jiġri fi triqatha.+ U l-​maqtulin jaqgħu f’nofsha bis-​sejf li jiġi kontriha minn kull naħa;+ u n-​nies se jkollhom ikunu jafu li jien Ġeħova.+ 24 U qatt iżjed ma jkun hemm xewk+ li jniggeż jew xewk li jweġġaʼ kontra dar Israel mingħand dawk kollha taʼ madwarhom, dawk li qed iżebilħuhom; u n-​nies se jkollhom ikunu jafu li jien il-​Mulej Sovran Ġeħova.”’

25 “‘Hekk qal il-​Mulej Sovran Ġeħova: “Meta niġbor flimkien lil dar Israel minn fost il-​popli li xterdu fihom,+ jien nitqaddes fosthom quddiem għajnejn il-​ġnus.+ U huma jgħammru f’arthom+ li jien tajt lill-​qaddej tiegħi, lil Ġakobb.+ 26 U huma jgħammru fiha fis-​sigurtà+ u jibnu d-​djar+ u jħawlu l-​għelieqi bid-​dwieli,+ u jgħixu fis-​sigurtà+ meta nwettaq atti taʼ ġudizzju fuq dawk kollha taʼ madwarhom li jżebilħuhom;+ u se jkollhom ikunu jafu li jien Ġeħova Alla tagħhom.”’”

29 Fl-għaxar sena, fl-​għaxar xahar, fit-​tnax-il jum tax-​xahar, il-​kelma taʼ Ġeħova ġiet għandi, tgħid: 2 “Bin il-​bniedem, dawwar wiċċek lejn il-​Fargħun, is-​sultan taʼ l-​Eġittu,+ u pprofetizza kontrih u kontra l-​Eġittu kollu.+ 3 Tkellem, u għid, ‘Hekk qal il-​Mulej Sovran Ġeħova: “Ara, jien kontrik, O Fargħun, sultan taʼ l-​Eġittu,+ il-​mostru kbir tal-​baħar+ li qiegħed imxaħxaħ f’nofs il-​kanali tiegħu tan-​Nil,+ li qal, ‘Ix-​Xmara Nil hija tiegħi, u jien—jien għamiltha għalija nnifsi.’+ 4 U jien inqegħedlek il-​ganċijiet fix-​xedaq tiegħek+ u nġiegħel lill-​ħut tal-​kanali tiegħek tan-​Nil biex jaqbad mal-​qxur taʼ ġildek. U ntellgħek mill-​kanali tiegħek tan-​Nil u l-​ħut kollu tal-​kanali tan-​Nil jaqbad mal-​qxur tiegħek. 5 U nabbandunak fix-​xagħri, lilek u l-​ħut kollu tal-​kanali tiegħek tan-​Nil.+ Fuq wiċċ ir-​rabaʼ taqaʼ.+ Fdalijietek ma jiġbruhomx jew jiġimgħuhom flimkien. Nagħtik lill-​bhejjem salvaġġi taʼ l-​art u lill-​ħlejjaq li jtiru fis-​smewwiet bħala ikel.+ 6 U l-​abitanti kollha taʼ l-​Eġittu se jkollhom ikunu jafu li jien Ġeħova,+ talli kienu bħal appoġġ, qasba għal dawk taʼ dar Israel.+ 7 Meta qabduk b’idejhom, int tfarrakt,+ u ċarrattilhom spallithom kollha. U meta straħu fuqek, int tkissirt,+ u ġegħelt lil ġenbejhom jitriegħdu.”+

8 “‘Għaldaqstant, hekk qal il-​Mulej Sovran Ġeħova: “Ara, se nġib sejf fuqek,+ u naqtaʼ minnek il-​bniedem u l-​annimal domestiku.+ 9 U l-​art taʼ l-​Eġittu ssir art abbandunata u mħarbta;+ u se jkollhom ikunu jafu li jien Ġeħova, talli qal, ‘Ix-​Xmara Nil tiegħi, u jien stess għamiltha.’+ 10 Għalhekk, ara, jien kontrik u kontra l-​kanali tiegħek tan-​Nil,+ u l-​art taʼ l-​Eġittu nagħmilha mħarbta u niexfa, art abbandunata,+ minn Migdol+ sa Swene+ u sal-​fruntiera taʼ l-​Etjopja. 11 La sieq taʼ bniedem+ u lanqas sieq t’annimal domestiku ma tgħaddi minnha,+ u għal erbgħin sena ma tkunx abitata.+ 12 U nagħmel l-​art taʼ l-​Eġittu art abbandunata f’nofs il-​pajjiżi abbandunati;+ u blietha jkunu abbandunati f’nofs il-​bliet imħarbtin għal erbgħin sena;+ u lill-​Eġizzjani nferrixhom fost il-​ġnus u nxerridhom fost il-​pajjiżi.”+

13 “‘Għax hekk qal il-​Mulej Sovran Ġeħova: “Wara erbgħin sena+ niġbor l-​Eġizzjani flimkien minn fost il-​popli li jkunu xterdu fihom,+ 14 u nġib lura l-​grupp t’Eġizzjani mjassrin; u nġibhom lura lejn l-​art taʼ Patros,+ lejn l-​art li ġew minnha, u hemmhekk isiru saltna baxxa. 15 Issir iktar baxxa mis-​saltniet l-​oħrajn, u ma tintrefax iktar fuq ġnus oħrajn,+ u tant inġibhom ftit fl-​għadd li l-​ġnus l-​oħrajn ma jibqgħux taħthom.+ 16 U din ma tibqax iktar il-​fiduċja taʼ dar Israel+ u tfakkar l-​iżball li għamlu meta daru warajhom.+ U se jkollhom ikunu jafu li jien il-​Mulej Sovran Ġeħova.”’”

17 Issa ġara fis-​sena sebgħa u għoxrin, fl-​ewwel xahar, fl-​ewwel jum tax-​xahar, li l-​kelma taʼ Ġeħova ġiet għandi, tgħid: 18 “Bin il-​bniedem, Nebukadressar,+ is-​sultan taʼ Babilonja, ġiegħel il-​qawwa militari tiegħu twettaq servizz kbir kontra Tir.+ Kull ras tfartset, u kull spalla nstelħet,+ imma ma kienx hemm ħlas+ minn Tir, la għalih u lanqas għall-​qawwa militari tiegħu għas-​servizz li wettaq kontriha.

19 “Għaldaqstant, hekk qal il-​Mulej Sovran Ġeħova, ‘Ara, jien se nagħti l-​art taʼ l-​Eġittu+ lil Nebukadressar, is-​sultan taʼ Babilonja, u hu jġorr l-​għana tagħha u jiħodha bħala priża kbira+ u jisraq ħafna affarijiet minnha; u tkun bħala ħlas għall-​qawwa militari tiegħu.’

20 “‘Bħala kumpens għas-​servizz tiegħu li wettaq kontriha tajtu l-​art taʼ l-​Eġittu, għax aġixxew għalija,’+ hija l-​kelma tal-​Mulej Sovran Ġeħova.

21 “Dakinhar inġiegħel qarn* jinbet għal dar Israel,+ u niftaħlek fommok f’nofshom;+ u huma se jkollhom ikunu jafu li jien Ġeħova.”

30 U l-​kelma taʼ Ġeħova kompliet tiġi għandi, tgħid: 2 “Bin il-​bniedem, ipprofetizza, u għid,+ ‘Hekk qal il-​Mulej Sovran Ġeħova: “Newħu u għidu, ‘Jaħasra dak il-​jum!’+ 3 għax qorob jum, iva, qorob jum li hu taʼ Ġeħova.+ Jum taʼ sħab,+ żmien stabbilit għall-​ġudizzju tal-​ġnus.+ 4 U jiġi sejf fl-​Eġittu,+ u jkun hemm uġigħ kbir fl-​Etjopja meta n-​nies jaqgħu maqtulin fl-​Eġittu u l-​għana tiegħu jittieħed u l-​pedamenti tiegħu jiġġarrfu.+ 5 L-Etjopja+ u Put+ u Lud u l-​kotra mħallta kollha+ u Kub u wlied l-​art li huma marbutin b’patt—magħhom jaqgħu bl-​istess sejf.”’+

6 “Hekk qal Ġeħova, ‘Dawk li jappoġġaw l-​Eġittu jaqgħu wkoll, u l-​kburija taʼ saħħtu tinżel.’+

“‘Minn Migdol+ sa Swene+ jaqgħu fih bis-​sejf,’ hija l-​kelma tal-​Mulej Sovran Ġeħova. 7 ‘Huma jiġu abbandunati bħall-​pajjiżi abbandunati l-​oħrajn, u blietu jsiru ħerba bħall-​bliet imħarbtin l-​oħrajn.+ 8 U se jkollhom ikunu jafu li jien Ġeħova meta nqabbad nar fl-​Eġittu u dawk kollha li jgħinuh jitkissru.+ 9 F’dak il-​jum joħorġu minn quddiemi messaġġiera fuq il-​bastimenti, sabiex lill-​Etjopja, li tafda fiha nfisha, iregħduha bil-​biżaʼ.+ U jaħkimhom uġigħ kbir f’jum il-​kundanna taʼ l-​Eġittu, għax, ara, ġej żgur.’+

10 “Hekk qal il-​Mulej Sovran Ġeħova, ‘Intemm ukoll lill-​kotra taʼ l-​Eġittu b’id Nebukadressar, is-​sultan taʼ Babilonja.+ 11 Hu u n-​nies tiegħu miegħu, it-​tiranni tal-​ġnus,+ qed jinġiebu biex jagħmlu l-​pajjiż ħerba. U jisiltu sjufhom kontra l-​Eġittu u jimlew il-​pajjiż bil-​maqtulin.+ 12 U l-​kanali tan-​Nil+ nagħmilhom art niexfa u nbigħ il-​pajjiż biex jiġi f’idejn il-​ħżiena,+ u nħarbat l-​art u kulma fiha b’id l-​istranġieri.+ Jien, Ġeħova, tkellimt.’+

13 “Hekk qal il-​Mulej Sovran Ġeħova, ‘Neqred ukoll l-​idoli moqżieża daqs id-​demel+ u nneħħi l-​allat bla siwi minn Nof,*+ u ma joħroġx iktar kap ewlieni mill-​art taʼ l-​Eġittu; u nġib il-​biżaʼ fl-​art taʼ l-​Eġittu.+ 14 U nagħmel ħerba minn Patros+ u nqabbad nar f’Sogħan+ u nwettaq atti taʼ ġudizzju f’No.+ 15 U nferraʼ l-​korla tiegħi+ fuq Sin, il-​fortizza taʼ l-​Eġittu, u neqred il-​kotra taʼ No.+ 16 U nqabbad nar fl-​Eġittu. Sin bla dubju jaqbadha wġigħ kbir, u lil No jinfduha u jirbħuha; u l-​avversarji taʼ Nof jiġu għaliha bi nhar! 17 Iż-żgħażagħ taʼ On+ u Pibeset jaqgħu bis-​sejf, u l-​bliet imorru fil-​jasar. 18 F’Teħafneħes+ il-​jum jiddallam, meta nkisser l-​istaneg tal-​madmad taʼ l-​Eġittu.+ U l-​kburija taʼ saħħtu tintemm.+ U l-​belt titgħatta bis-​sħab,+ u l-​bliet li jiddependu minnha jmorru fil-​jasar.+ 19 U nwettaq atti taʼ ġudizzju fl-​Eġittu;+ u se jkollhom ikunu jafu li jien Ġeħova.’”

20 U fis-​sena ħdax, fl-​ewwel xahar, fis-​sebaʼ jum tax-​xahar, il-​kelma taʼ Ġeħova reġgħet ġiet għandi, tgħid: 21 “Bin il-​bniedem, se nikser driegħ+ il-​Fargħun, is-​sultan taʼ l-​Eġittu, u ma jiġix infaxxat biex ifiq u ma jkollux faxxa marbuta madwaru,+ u b’hekk ma jissaħħaħx biżżejjed biex jaqbad is-​sejf.”

22 “Għaldaqstant, hekk qal il-​Mulej Sovran Ġeħova, ‘Ara, jien kontra l-​Fargħun, is-​sultan taʼ l-​Eġittu,+ u niksirlu dirgħajh,+ dak b’saħħtu u dak miksur,+ u nwaqqagħlu s-​sejf minn idu.+ 23 U nferrex lill-​Eġizzjani fost il-​ġnus u nxerridhom fil-​pajjiżi.+ 24 U nsaħħaħ dirgħajn is-​sultan taʼ Babilonja+ u nagħtih is-​sejf tiegħi f’idu,+ iżda nikser dirgħajn il-​Fargħun, u dan jokrob kemm jiflaħ quddiemu bħal wieħed ferut għall-​mewt.+ 25 U nsaħħaħ dirgħajn is-​sultan taʼ Babilonja, u dirgħajn il-​Fargħun jintelqu; u huma se jkollhom ikunu jafu li jien Ġeħova meta nagħti s-​sejf tiegħi f’idejn is-​sultan taʼ Babilonja u hu jmiddu kontra l-​art taʼ l-​Eġittu.+ 26 U nferrex lill-​Eġizzjani fost il-​ġnus+ u nxerridhom fost il-​pajjiżi; u se jkollhom ikunu jafu li jien Ġeħova.’”

31 U ġara fis-​sena ħdax, fit-​tielet xahar, fl-​ewwel jum tax-​xahar, li l-​kelma taʼ Ġeħova ġiet għandi, tgħid: 2 “Bin il-​bniedem, għid lill-​Fargħun, is-​sultan taʼ l-​Eġittu, u lill-​kotra tiegħu,+

“‘Lil min sirt tixbah fil-​kobor tiegħek? 3 Ara! Lil Assirjan, lil siġra taċ-​ċedru fil-​Libanu,+ bi friegħi+ sbieħ u ħafna weraq li jagħmlu d-​dell, siġra taʼ statura għolja,+ tant li l-​quċċata tagħha kienet fis-​sħab.+ 4 L-ilmijiet kabbruha;+ bl-​ilmijiet fil-​fond għoliet. In-​nixxigħat taʼ dawn l-​ilmijiet kienu jdawru l-​post fejn kienet imħawla; u l-​kanali tagħhom kienu jibqgħu għaddejjin lejn is-​siġar kollha tar-​rabaʼ. 5 Kien għalhekk li kompliet togħla ’l fuq mis-​siġar l-​oħrajn kollha tar-​rabaʼ.+

“‘U l-​friegħi tagħha komplew joktru u z-​zkuk tagħha jitwalu minħabba l-​ħafna ilma li kien hemm fil-​kanali taʼ madwarha.+ 6 Il-ħlejjaq kollha li jtiru fis-​smewwiet bejtu+ fuq il-​friegħi tagħha; u taħt iz-​zkuk tagħha wildu l-​bhejjem salvaġġi kollha tar-​rabaʼ,+ u l-​ġnus kotrana kollha għammru għad-​dell tagħha. 7 U saret sabiħa fil-​kobor tagħha,+ fit-​tul tal-​friegħi u l-​weraq tagħha, għax għeruqha kienu mifruxin fuq ħafna ilmijiet. 8 Iċ-ċedri l-​oħrajn fil-​ġnien t’Alla+ ma setgħux jitqabblu magħha. Il-​friegħi tas-​siġar tal-​ġnibru xejn ma kienu jixbhu l-​friegħi tagħha. U z-​zkuk tas-​siġra tad-​dolf ma kellhomx x’jaqsmu maʼ tagħha. L-​ebda siġra fil-​ġnien t’Alla ma kienet tixbahha fi sbuħitha.+ 9 Jien għamiltha sabiħa b’abbundanza taʼ weraq,+ u s-​siġar l-​oħrajn kollha taʼ l-​Għeden li kienu fil-​ġnien taʼ l-​Alla l-​veru kienu jgħiru għaliha.’+

10 “Għaldaqstant, hekk qal il-​Mulej Sovran Ġeħova, ‘Talli din* għoliet, tant li l-​quċċata tagħha qiegħda fis-​sħab,+ u qalbha tkabbret minħabba l-​għoli tagħha,+ 11 jien nagħtiha f’idejn il-​ħakkiem setgħan tal-​ġnus.+ Bla dubju dan jaġixxi kontriha. Għal ħżunitha nkeċċiha.+ 12 U l-​istranġieri, it-​tiranni tal-​ġnus, iqaċċtuha, u n-​nies jabbandunawha fuq il-​muntanji; u l-​weraq tagħha jaqaʼ fil-​widien kollha u l-​friegħi tagħha jinkisru ħdejn in-​nixxigħat kollha taʼ l-​art.+ U l-​popli kollha taʼ l-​art jinżlu minn taħt id-​dell tagħha u jabbandunawha.+ 13 U l-​ħlejjaq kollha li jtiru fis-​smewwiet jgħammru fuq iz-​zokk imwaqqaʼ, u l-​bhejjem salvaġġi kollha tar-​rabaʼ joqogħdu qalb il-​friegħi tagħha;+ 14 biex b’hekk l-​ebda siġra msoqqija tajjeb ma togħla jew ikollha l-​quċċata tagħha fis-​sħab, u l-​ebda siġra li tixrob l-​ilma ma togħla iktar minnhom, għax ilkoll kemm huma jingħataw f’idejn il-​mewt,+ f’idejn l-​art taʼ taħt,+ fost ulied il-​bnedmin, lil dawk li neżlin fil-​ħofra.’

15 “Hekk qal il-​Mulej Sovran Ġeħova, ‘Dakinhar li din tinżel fil-​Qabar* nikkaġuna n-​niket.+ Minħabba fiha ngħatti l-​ilmijiet fil-​fond, sabiex inżomm in-​nixxigħat tagħhom u jieqfu l-​ħafna ilmijiet; u minħabba fiha nġib dalma fuq il-​Libanu, u minħabba fiha s-​siġar kollha tar-​rabaʼ jidbielu. 16 U nġiegħel lill-​ġnus jitriegħdu mal-​ħoss tal-​waqgħa tagħha meta nniżżilha fil-​Qabar maʼ dawk li neżlin fil-​ħofra;+ u fl-​art taʼ taħt, is-​siġar kollha taʼ l-​Għeden,+ l-​aqwa u l-​aħjar siġar tal-​Libanu, dawk kollha li jixorbu l-​ilma, jitfarrġu.+ 17 Huma wkoll niżlu fil-​Qabar+ magħha, għand dawk maqtulin bis-​sejf, u għand dawk li, bħala ż-​żerriegħa tagħha, għammru għad-​dell tagħha f’nofs il-​ġnus.’+

18 “‘Għalhekk, lil min sirt tixbah fil-​glorja+ u l-​kobor mis-​siġar taʼ l-​Għeden?+ Int se titniżżel fl-​art taʼ taħt+ mas-​siġar taʼ l-​Għeden. Fost in-​nies mhux ċirkonċiżi se timtedd flimkien maʼ dawk maqtulin bis-​sejf. Dan hu l-​Fargħun u l-​kotra kollha tiegħu,’ hija l-​kelma tal-​Mulej Sovran Ġeħova.”

32 U ġara fis-​sena tnax, fit-​tnax-il xahar, fl-​ewwel jum tax-​xahar, li l-​kelma taʼ Ġeħova ġiet għandi, tgħid: 2 “Bin il-​bniedem, għanni għanja taʼ niket dwar il-​Fargħun, is-​sultan taʼ l-​Eġittu, u għidlu, ‘Kont bħal iljun b’saħħtu fost il-​ġnus imma ġejt imsikket.+

“‘U kont bħall-​mostru tal-​baħar fl-​ibħra,+ toħroġ tiġri fix-​xmajjar tiegħek u ddardar l-​ilmijiet b’saqajk u tniġġes ix-​xmajjar tagħhom.’

3 “Hekk qal il-​Mulej Sovran Ġeħova, ‘Nifrex fuqek ix-​xibka tiegħi+ permezz taʼ ġemgħa taʼ ħafna popli, u huma jaqbduk fix-​xibka kbira tiegħi.+ 4 U nitilqek fuq l-​art. U nwaddbek fuq wiċċ ir-​rabaʼ.+ U nġiegħel il-​ħlejjaq kollha li jtiru fis-​smewwiet jgħixu minn fuqek, u bik inxebbaʼ l-​bhejjem salvaġġi taʼ l-​art kollha.+ 5 U nitfaʼ laħmek fuq il-​muntanji u nimla l-​widien bl-​iskart li jifdal minnek.+ 6 U nġiegħel l-​art tixrob dak li joħroġ minnek, demmek,+ fuq il-​muntanji; u n-​nixxigħat jimtlew bik.’

7 “‘U meta nitfik, ngħatti s-​smewwiet u ndallam il-​kwiekeb tagħhom. U ngħatti x-​xemx bis-​sħab, u l-​qamar ma jħallix id-​dawl tiegħu jiddi.+ 8 Id-dawwala kollha fis-​smewwiet indallamhom minħabba fik, u nġib dalma fuq pajjiżek,’ hija l-​kelma tal-​Mulej Sovran Ġeħova.

9 “‘U noffendi l-​qalb taʼ ħafna popli meta nieħu lill-​imjassrin tiegħek fost il-​ġnus lejn pajjiżi li ma kontx taf bihom.+ 10 U nġiegħel ħafna popli jibqgħu miblugħin bil-​biżaʼ minħabba fik,+ u s-​slaten tagħhom jitkexkxu minħabba fik meta nxejjer is-​sejf tiegħi f’wiċċhom,+ u f’jum il-​waqgħa tiegħek se jitriegħdu bla waqfien bil-​biżaʼ li jitilfu ħajjithom.’+

11 “Għax hekk qal il-​Mulej Sovran Ġeħova, ‘Is-​sejf tas-​sultan taʼ Babilonja jiġi fuqek.+ 12 U l-​kotra tiegħek inwaqqagħha bis-​sjuf tas-​setgħanin, it-​tiranni tal-​ġnus, ilkoll kemm huma;+ u huma jħarbtu l-​kburija taʼ l-​art taʼ l-​Eġittu, u l-​kotra kollha tagħha tinqered għalkollox.+ 13 U neqred l-​annimali domestiċi kollha tagħha minn ħdejn il-​ħafna ilmijiet,+ u saqajn il-​bniedem ma jdardruhomx iktar,+ u lanqas saqajn l-​annimali domestiċi ma jdardruhom.’

14 “‘Dak iż-​żmien niċċara ilmijiethom, u x-​xmajjar tagħhom nagħmilhom jiġru bħaż-​żejt,’ hija l-​kelma tal-​Mulej Sovran Ġeħova.

15 “‘Meta nagħmel l-​art taʼ l-​Eġittu art abbandunata u mbattla minn kollox,+ meta noqtol lill-​abitanti kollha tagħha, huma wkoll se jkollhom ikunu jafu li jien Ġeħova.+

16 “‘Din hi għanja taʼ niket, u n-​nies se jkantawha. Anki l-​bniet tal-​ġnus se jkantawha; se jkantawha għall-​Eġittu u l-​kotra kollha tiegħu,’+ hija l-​kelma tal-​Mulej Sovran Ġeħova.”

17 U ġara li fis-​sena tnax, fil-​ħmistax-il jum tax-​xahar, il-​kelma taʼ Ġeħova ġiet għandi, tgħid: 18 “Bin il-​bniedem, ibki għall-​kotra taʼ l-​art taʼ l-​Eġittu u ddikjara li se titniżżel,+ hi u l-​bniet tal-​ġnus maestużi, fl-​art taʼ taħt,+ maʼ dawk li neżlin fil-​ħofra.+

19 “‘Minn min int iktar ħelu?+ Inżel u mtedd maʼ dawk mhux ċirkonċiżi!’+

20 “‘Fost dawk maqtulin bis-​sejf se jaqgħu.+ L-​art taʼ l-​Eġittu ngħatat lis-​sejf. Ħuduha u kaxkruha ’l hemm mal-​kotriet kollha tagħha.

21 “‘L-​iktar nies importanti fost is-​setgħanin se jitkellmu mal-​Fargħun minn nofs il-​Qabar,* u maʼ dawk li jgħinuh.+ Huma se jinżlu;+ se jimteddu bħal dawk mhux ċirkonċiżi, maqtulin bis-​sejf. 22 Hemmhekk qegħdin l-​Assirja u l-​ġemgħa kollha tagħha.+ Il-​postijiet tagħha għad-​dfin qegħdin madwar is-​sultan tagħha.* Ilkoll kemm huma maqtulin, waqgħu bis-​sejf.+ 23 Għax il-​postijiet tagħha għad-​dfin tpoġġew fil-​qiegħ taʼ ħofra,+ u l-​ġemgħa tagħha hi mdawra maʼ qabarha, ilkoll kemm huma maqtulin, waqgħu bis-​sejf, għax kienu ġabu t-​twerwir fl-​art tal-​ħajjin.

24 “‘Hemmhekk qiegħda l-​art t’Għelam+ bil-​ġemgħa kollha tagħha madwar qabarha, ilkoll kemm huma maqtulin, waqgħu bis-​sejf, li niżlu mhux ċirkonċiżi fl-​art taʼ taħt, dawk li ġabu t-​twerwir fl-​art tal-​ħajjin; u huma se jġorru l-​umiljazzjoni tagħhom flimkien maʼ dawk li neżlin fil-​ħofra.+ 25 Lestewlha sodda qalb il-​maqtulin+ fost il-​ġemgħa kollha tagħha. Il-​postijiet tagħha għad-​dfin huma madwarha. Ħadd minnhom m’hu ċirkonċiż, ilkoll maqtulin bis-​sejf,+ għax ġabu t-​twerwir fl-​art tal-​ħajjin, u se jġorru l-​umiljazzjoni tagħhom flimkien maʼ dawk li neżlin fil-​ħofra. Fost il-​maqtulin tqiegħdet.

26 “‘Hemmhekk qiegħda l-​art taʼ Mesek+ u Tubal+ u l-​ġemgħa kollha tagħha. Il-​postijiet tagħha għad-​dfin huma madwar is-​sultan tagħha. Ħadd minnhom m’hu ċirkonċiż, ilkoll minfudin bis-​sejf, għax ġabu t-​twerwir fl-​art tal-​ħajjin. 27 U m’humiex dawn se jimteddu mas-​setgħanin+ li waqgħu minn fost dawk mhux ċirkonċiżi, li niżlu fil-​Qabar bl-​armi tagħhom tal-​gwerra? U jagħmlulhom sjufhom taħt rashom, u l-​iżbalji tagħhom ikunu fuq għadamhom,+ għax is-​setgħanin ġabu t-​twerwir fl-​art tal-​ħajjin.+ 28 U int se titkisser fost dawk mhux ċirkonċiżi, u timtedd maʼ dawk maqtulin bis-​sejf.

29 “‘Hemmhekk qiegħda l-​art t’Edom,+ is-​slaten tagħha, u l-​kapijiet ewlenin kollha tagħha, li, bis-​setgħa kollha tagħhom, tqiegħdu maʼ dawk maqtulin bis-​sejf;+ huma se jimteddu maʼ dawk mhux ċirkonċiżi+ u maʼ dawk li neżlin fil-​ħofra.

30 “‘Hemmhekk qegħdin id-​duki tat-​tramuntana, ilkoll kemm huma, u s-​Sidonin,+ li niżlu mimlijin mistħija mal-​maqtulin, minkejja t-​twerwir li qanqlet is-​setgħa tagħhom. U jimteddu bla ċirkonċiżjoni maʼ dawk maqtulin bis-​sejf u jġorru l-​umiljazzjoni tagħhom maʼ dawk li neżlin fil-​ħofra.+

31 “‘Lil dawn se jara l-​Fargħun, u hu se jitfarraġ minħabba l-​ġemgħa kollha tiegħu.+ Il-​Fargħun u l-​qawwa militari kollha tiegħu jinqatlu bis-​sejf,’ hija l-​kelma tal-​Mulej Sovran Ġeħova.

32 “‘Għax hu ġab it-​twerwir fl-​art tal-​ħajjin+ u se jkollu jimtedd fost dawk mhux ċirkonċiżi, maʼ dawk maqtulin bis-​sejf, iva, il-​Fargħun u l-​ġemgħa kollha tiegħu,’ hija l-​kelma tal-​Mulej Sovran Ġeħova.”

33 U l-​kelma taʼ Ġeħova ġiet għandi, tgħid: 2 “Bin il-​bniedem, kellem lil ulied il-​poplu tiegħek,+ u għidilhom,

“‘Jekk jien inġib sejf+ fuq pajjiż u n-​nies taʼ dan il-​pajjiż, b’fehma waħda, jagħżlu raġel u jqegħduh għassies+ għalihom, 3 u dan jara s-​sejf ġej fuq il-​pajjiż u jdoqq il-​qarn u jwissi lin-​nies,+ 4 u jkun hemm min jismaʼ l-​ħoss tal-​qarn imma ma jagħtix kas it-​twissija,+ u jiġi s-​sejf u jieħdu, demmu jkun fuq rasu stess.+ 5 Hu jkun semaʼ l-​ħoss tal-​qarn, imma ma tax kas it-​twissija. Demmu jkun fuqu nnifsu. Kieku laqaʼ t-​twissija kien jeħles ruħu.+

6 “‘Issa min-​naħa taʼ l-​għassies, jekk hu jara s-​sejf ġej u ma jdoqqx il-​qarn+ u n-​nies ma jingħataw l-​ebda twissija u jiġi s-​sejf u jieħu l-​ħajja* minn fosthom, din tittieħed minħabba l-​iżball taʼ dak li jkun stess,+ imma demmu nitolbu lura minn id l-​għassies.’+

7 “Issa lilek, O bin il-​bniedem, għassies għamiltek għal dar Israel,+ u se tismaʼ l-​kelma minn fommi u twissihom għalija.+ 8 Meta ngħid lil xi ħadd ħażin, ‘O ħażin, int żgur se tmut!’+ imma int fil-​fatt ma titkellimx sabiex twissi lill-​ħażin dwar triqtu,+ hu nnifsu, billi hu ħażin, imut fl-​iżball tiegħu,+ imma demmu nitolbu lura minn idejk. 9 Madankollu, jekk int twissi lil xi ħadd ħażin dwar triqtu sabiex idur lura minnha iżda hu fil-​fatt ma jdurx lura minn triqtu, hu jmut fl-​iżball tiegħu,+ imma int teħles lil ruħek.+

10 “Issa int, O bin il-​bniedem, għid lil dar Israel, ‘Intom għedtu: “Jekk l-​irvellijiet u d-​dnubiet tagħna huma fuqna u aħna qed nitmermru fihom,+ mela, kif se nibqgħu ngħixu?”’+ 11 Għidilhom, ‘“Daqskemm jien ħaj,” hija l-​kelma tal-​Mulej Sovran Ġeħova, “jien mhux bil-​mewt tal-​ħażin nitgħaxxaq+ imma b’li xi ħadd ħażin idur lura+ minn triqtu u jibqaʼ jgħix.+ Duru lura, duru lura minn triqatkom il-​ħżiena,+ għax għalfejn għandkom tmutu, O dar Israel?”’+

12 “U int, O bin il-​bniedem, għid lil ulied il-​poplu tiegħek, ‘Is-​sewwa tal-​ġust fih innifsu mhux se jeħilsu dakinhar li jirvella.+ Imma l-​ħażen tal-​ħażin mhux se jkun taʼ tfixkil għalih dakinhar li jdur lura mill-​ħażen tiegħu.+ Lanqas ma se jkun jistaʼ jibqaʼ jgħix il-​ġust minħabba s-​sewwa tiegħu dakinhar li jidneb.+ 13 Meta ngħid lill-​ġust: “Żgur se tibqaʼ tgħix,” u hu fil-​fatt jafda fis-​sewwa tiegħu u jagħmel l-​inġustizzja,+ l-​atti ġusti kollha tiegħu ma jitfakkrux, imma għall-​inġustizzja li għamel—għal din imut.+

14 “‘U meta ngħid lill-​ħażin: “Żgur se tmut,”+ u hu fil-​fatt idur lura mid-​dnub tiegħu+ u jwettaq il-​ġustizzja u s-​sewwa,+ 15 u l-​ħażin irodd lura dak li ħa bħala rahan għad-​dejn,+ iħallas lura l-​affarijiet li ħa b’serq,+ u jimxi maʼ l-​istatuti tal-​ħajja billi ma jagħmilx l-​inġustizzja,+ hu żgur jibqaʼ jgħix.+ Ma jmutx. 16 Ebda wieħed mid-​dnubiet li dineb bihom ma se jitfakkar kontrih.+ Il-​ġustizzja u s-​sewwa huma dak li wettaq. Żgur se jibqaʼ jgħix.’+

17 “U wlied il-​poplu tiegħek qalu, ‘It-​triq taʼ Ġeħova mhix ġusta,’+ imma hija triqithom li mhix ġusta.

18 “Meta xi ħadd ġust idur lura mis-​sewwa tiegħu u jagħmel l-​inġustizzja, hu għandu jmut minħabba dan.+ 19 U meta xi ħadd ħażin idur lura mill-​ħażen tiegħu u jwettaq il-​ġustizzja u s-​sewwa, jibqaʼ jgħix minħabba fihom.+

20 “U intom għedtu, ‘It-​triq taʼ Ġeħova mhix ġusta.’+ Kull wieħed skond triqatu se niġġudikakom,+ O dar Israel.”

21 Fl-aħħar ġara fis-​sena tnax, fl-​għaxar xahar, fil-​ħames jum tax-​xahar taʼ l-​eżilju tagħna, li ġie għandi l-​wieħed maħrub minn Ġerusalemm,+ u qalli: “Il-​belt waqgħet!”+

22 Issa id Ġeħova ġiet fuqi fil-​għaxija qabel ġie għandi l-​maħrub,+ u Hu fetaħli fommi qabel ma ġie dak il-​wieħed fil-​għodu, u fommi nfetaħ u ma bqajtx imbikkem iktar.+

23 U l-​kelma taʼ Ġeħova bdiet ġejja għandi, tgħid: 24 “Bin il-​bniedem, l-​abitanti taʼ dawn il-​postijiet imħarbtin+ qed jgħidu dwar l-​art taʼ Israel, ‘Abraham kien wieħed waħdu u xorta ħa l-​art f’idejh.+ U aħna qegħdin ħafna; lilna ngħatat l-​art biex tkun tagħna.’+

25 “Għaldaqstant għidilhom, ‘Hekk qal il-​Mulej Sovran Ġeħova: “Intom tkomplu tieklu l-​laħam bid-​demm,+ u tibqgħu terfgħu għajnejkom lejn l-​idoli tagħkom moqżieża daqs id-​demel,+ u tkomplu xxerrdu d-​demm.+ Allura l-​art għandha tkun tagħkom?+ 26 Intom striħajtu fuq is-​sejf tagħkom.+ Għamiltu ħaġa mistkerrha,+ u kull wieħed minnkom kasbar lil mart sieħbu.+ U l-​art għandha tkun tagħkom?”’+

27 “Dan għidilhom, ‘Hekk qal il-​Mulej Sovran Ġeħova: “Daqskemm jien ħaj, dawk li qegħdin fil-​postijiet imħarbtin żgur se jaqgħu bis-​sejf;+ u dak li qiegħed fuq wiċċ ir-​rabaʼ nagħtih lill-​bhima salvaġġa bħala ikel;+ u dawk li qegħdin fil-​postijiet b’saħħithom u fl-​għerien+ se jmutu bil-​pesta. 28 U l-​pajjiż nagħmlu art abbandunata,+ iva, ħerba, u l-​kburija taʼ saħħtu tintemm+ u l-​muntanji taʼ Israel jiġu abbandunati,+ u ħadd ma jgħaddi minn hemmhekk. 29 U se jkollhom ikunu jafu li jien Ġeħova meta l-​pajjiż nagħmlu art abbandunata,+ iva, ħerba, minħabba l-​affarijiet mistkerrhin kollha li għamlu.”’+

30 “U inkwantu għalik, O bin il-​bniedem, ulied il-​poplu tiegħek qed jitkellmu dwarek ħdejn il-​ħitan u fil-​bibien tad-​djar,+ u wieħed tkellem maʼ l-​ieħor, kull wieħed maʼ ħuh, u qal, ‘Ejjew, jekk jogħġobkom, u isimgħu x’inhi l-​kelma li ġejja mingħand Ġeħova.’+ 31 U se jidħlu għandek bħalma jagħmlu s-​soltu, u joqogħdu bil-​qiegħda quddiemek bħala l-​poplu tiegħi;+ u jisimgħu kliemek imma ma jagħmluhx,+ għax b’fommhom qed jesprimu xewqat bla rażan u qalbhom sejra wara qligħ inġust.+ 32 Għalihom int bħal għanja taʼ mħabba senswali, bħal xi ħadd li għandu leħen sabiħ u li jdoqq tajjeb strument tal-​korda.+ U kliemek jisimgħuh, imma ħadd ma jagħmlu.+ 33 U meta jseħħ—ara, se jseħħ żgur+—huma se jkollhom ikunu jafu wkoll li kien hemm profeta f’nofshom.”+

34 U l-​kelma taʼ Ġeħova kompliet tiġi għandi, tgħid: 2 “Bin il-​bniedem, ipprofetizza kontra r-​rgħajja taʼ Israel. Ipprofetizza, u għid lir-​rgħajja, ‘Hekk qal il-​Mulej Sovran Ġeħova: “Gwaj għar-​rgħajja taʼ Israel,+ li qed jitimgħu lilhom infushom!+ Ir-​rgħajja mhux lill-​merħla suppost jitimgħu?+ 3 Intom tieklu x-​xaħam,+ u tilbsu s-​suf. Toqtlu+ l-​annimal smin.+ Imma lill-​merħla ma titimgħuhiex. 4 Lil dawk morda ma saħħaħtuhomx,+ u lill-​muġugħa ma fejjaqtuhiex, u lill-​miksura ma nfaxxajtuhiex, u lill-​imferrxa ma ġibtuhiex lura, u lill-​mitlufa ma pprovajtux issibuha,+ imma żammejtuhom sottomessi bil-​ħruxija, iva, b’tirannija.+ 5 U bil-​mod il-​mod dawn xterdu għax ma kienx hemm ragħaj,+ u saru ikel għal kull bhima salvaġġa tar-​rabaʼ, u baqgħu mxerrdin.+ 6 In-nagħaġ tiegħi baqgħu jiġġerrew fuq il-​muntanji kollha u fuq kull għolja kbira;+ u n-​nagħaġ tiegħi+ xterdu fuq wiċċ l-​art kollha, bla ma kien hemm ħadd li jfittixhom u ħadd li jipprova jsibhom.

7 “‘“Għalhekk, intom ir-​rgħajja, isimgħu l-​kelma taʼ Ġeħova, 8 ‘“Daqskemm jien ħaj,” hija l-​kelma tal-​Mulej Sovran Ġeħova, “żgur li talli n-​nagħaġ tiegħi saru xi ħaġa biex tinħataf bħala priża u n-​nagħaġ tiegħi baqgħu jkunu ikel għal kull bhima salvaġġa tar-​rabaʼ, għax ma kienx hemm ragħaj, u r-​rgħajja tiegħi ma fittxewlix in-​nagħaġ, imma r-​rgħajja baqgħu jitimgħu lilhom infushom,+ u ma temgħulix in-​nagħaġ,”’ 9 għaldaqstant, intom ir-​rgħajja, isimgħu l-​kelma taʼ Ġeħova. 10 Hekk qal il-​Mulej Sovran Ġeħova, ‘Ara, jien kontra r-​rgħajja,+ u se nitlob lura n-​nagħaġ tiegħi minn idejhom u ma nħallihomx iktar jitimgħu n-​nagħaġ tiegħi,+ u r-​rgħajja ma jitimgħux iktar lilhom infushom;+ u neħles lin-​nagħaġ tiegħi minn ħalqhom, u ma jkunux ikel għalihom.’”+

11 “‘Għax hekk qal il-​Mulej Sovran Ġeħova: “Hawn jien, jien stess, u se nfittex lin-​nagħaġ tiegħi u nieħu ħsiebhom.+   12 Bħalma dak li jitmaʼ l-​merħla tiegħu jieħu ħsiebha+ dakinhar li jsib ruħu qalb in-​nagħaġ tiegħu li jkunu tferrxu band’oħra,+ bl-​istess mod nieħu ħsieb in-​nagħaġ tiegħi; u neħlishom mill-​postijiet kollha li jkunu xterdu fihom fil-​jum taʼ sħab u dalma ħoxna.+ 13 U noħroġhom+ mill-​popli u niġborhom flimkien mill-​pajjiżi u nġibhom f’arthom+ u nitmagħhom fuq il-​muntanji taʼ Israel, ħdejn in-​nixxigħat u ħdejn il-​postijiet mgħammrin kollha fil-​pajjiż.+ 14 F’mergħa tajba nitmagħhom, u fuq il-​muntanji għoljin taʼ Israel jgħammru.+ Hemmhekk jimteddu f’post tajjeb,+ u minn mergħa abbundanti jieklu fuq il-​muntanji taʼ Israel.”

15 “‘“Jien stess se nitmaʼ n-​nagħaġ tiegħi,+ u jien stess se nara li jimteddu,”+ hija l-​kelma tal-​Mulej Sovran Ġeħova. 16 “Lill-​mitlufa se nfittixha,+ u lill-​imferrxa nġibha lura, u lill-​miksura ninfaxxaha u lill-​muġugħa nsaħħaħha, imma lis-​smina+ u lill-​waħda b’saħħitha neqridhom għalkollox u nitmagħhom il-​ġudizzju.”+

17 “‘U lilkom, nagħaġ tiegħi, hekk qal il-​Mulej Sovran Ġeħova: “Ara, se nagħmel ġudizzju bejn nagħġa u nagħġa, bejn l-​imtaten u l-​bdabad.+ 18 Hija daqshekk ħaġa żgħira għalikom li tieklu mill-​aqwa mergħa+ imma l-​bqija tal-​mergħat tgħaffġuhom b’saqajkom, u li tixorbu mill-​ilmijiet ċari imma dawk li jkun fadal tniġġsuhom billi tirfsuhom b’saqajkom? 19 U għandhom in-​nagħaġ tiegħi jieklu mill-​mergħa li għaffiġtu intom b’saqajkom u jixorbu mill-​ilma li niġġistu bl-​irfis taʼ saqajkom?”

20 “‘Għaldaqstant, hekk qalilhom il-​Mulej Sovran Ġeħova: “Hawn jien, jien stess, u se nagħmel ġudizzju bejn nagħġa smina u nagħġa magħluba, 21 talli b’ġenbejkom u bi spallejkom qgħadtu timbottaw u bi qrunkom qgħadtu trossu l-​morda sakemm xerridtuhom barra.+ 22 U nsalva n-​nagħaġ tiegħi, u ma jibqgħux jinħatfu iktar bħala priża;+ u se nagħmel ġudizzju bejn nagħġa u nagħġa. 23 U nqajjem fuqhom ragħaj wieħed,+ u jitmagħhom, iva, il-​qaddej tiegħi David.+ Hu jitmagħhom, u hu jkun ir-​ragħaj tagħhom.+ 24 U jien stess, Ġeħova, insir Alla tagħhom,+ u l-​qaddej tiegħi David ikun kap ewlieni f’nofshom.+ Jien, Ġeħova, tkellimt.

25 “‘“U nagħmel magħhom patt taʼ paċi,+ u neqred mill-​pajjiż il-​bhima salvaġġa li tagħmel il-​ħsara,+ u jgħammru fix-​xagħri fis-​sigurtà u jorqdu fil-​foresti.+ 26 U nagħmel lilhom u l-​inħawi taʼ madwar l-​għolja tiegħi barka,+ u nniżżel ix-​xita qawwija fi żmienha. Xita qawwija taʼ barkiet ikun hemm.+ 27 U s-​siġra tar-​rabaʼ trid tagħti frottha,+ u l-​art se tagħti l-​prodott tagħha,+ u huma jkunu fis-​sigurtà f’arthom.+ U se jkollhom ikunu jafu li jien Ġeħova meta nkisser il-​madmad tagħhom+ u nkun ħlisthom minn id dawk li kienu qed jużawhom bħala lsiera.+ 28 U ma jinħatfux iktar bħala priża mill-​ġnus;+ u l-​bhima salvaġġa taʼ l-​art ma tiblagħhomx, u jgħammru fis-​sigurtà, u ma jkunx hemm min ibeżżagħhom.+

29 “‘“U se nipprovdilhom post għat-​taħwil li jkun magħruf,+ u ma jmutux iktar bil-​ġuħ fil-​pajjiż,+ u ma jġarrbux iktar l-​umiljazzjoni mill-​ġnus.+ 30 ‘U se jkollhom ikunu jafu li jien, Ġeħova Alla tagħhom, qiegħed magħhom+ u li huma l-​poplu tiegħi, id-​dar taʼ Israel,’ hija l-​kelma tal-​Mulej Sovran Ġeħova.”’+

31 “‘U intom, nagħaġ tiegħi,+ in-​nagħaġ tal-​mergħa tiegħi, intom bnedmin. Jien Alla tagħkom,’ hija l-​kelma tal-​Mulej Sovran Ġeħova.”

35 U l-​kelma taʼ Ġeħova kompliet tiġi għandi, tgħid: 2 “Bin il-​bniedem, dawwar wiċċek+ lejn ir-​reġjun muntanjuż tas-​Segħir+ u pprofetizza kontrih.+ 3 U għidlu, ‘Hekk qal il-​Mulej Sovran Ġeħova: “Ara, jien kontrik, O reġjun muntanjuż tas-​Segħir,+ u se mmidd idi kontrik+ u nagħmlek art abbandunata, iva, ħerba.+ 4 Blietek inħarbathom, u int issir art abbandunata għalkollox;+ u se jkollok tkun taf li jien Ġeħova,+ 5 talli minn dejjem* kellek mibegħda+ u bqajt tagħti lil ulied Israel f’idejn is-​sejf,+ fi żmien id-​diżastru tagħhom,+ fi żmien l-​iżball tagħhom taʼ l-​aħħar.”’+

6 “‘Għalhekk, daqskemm jien ħaj,’ hija l-​kelma tal-​Mulej Sovran Ġeħova, ‘billi ppreparajtek għad-​demm, id-​demm jiġri warajk.+ Bla dubju int bgħadt id-​demm, u d-​demm jiġri warajk.+ 7 U nagħmel ir-​reġjun muntanjuż tas-​Segħir art abbandunata, iva, ħerba,+ u naqtaʼ minnu lil min jgħaddi minn hemmhekk u lil min jerġaʼ lura hemmhekk.+ 8 U nimla l-​muntanji tiegħu bil-​maqtulin tiegħu; u fuq l-​għoljiet tiegħek u fil-​widien tiegħek u fin-​nixxigħat kollha tiegħek jaqgħu dawk maqtulin bis-​sejf.+ 9 Nagħmlek art abbandunata għal dejjem, u fi blietek ma jgħammar ħadd;+ u intom se jkollkom tkunu tafu li jien Ġeħova.’+

10 “Talli għedt, ‘Dawn iż-​żewġt iġnus u dawn iż-​żewġ pajjiżi—tiegħi għad isiru, u se nieħdu f’idejna kull pajjiż,’+ waqt li Ġeħova nnifsu kien hemmhekk,+ 11 ‘għalhekk, daqskemm jien ħaj,’ hija l-​kelma tal-​Mulej Sovran Ġeħova, ‘se naġixxi wkoll skond ir-​rabja u l-​għira tiegħek li esprimejt minħabba s-​sentimenti taʼ mibegħda li għandek lejhom;+ u ngħarrafhom min jien meta niġġudikak.+ 12 U se jkollok tkun taf li jien stess, Ġeħova, smajt l-​affarijiet kollha li int għedt b’nuqqas taʼ rispett dwar il-​muntanji taʼ Israel,+ meta għedt: “Huma ntgħamlu art abbandunata. Ngħataw lilna bħala ikel.”+ 13 U fommkom użajtuh kontrija b’mod imkabbar,+ u għedtu ħafna kliem kontrija.+ Jien stess smajtu.’+

14 “Hekk qal il-​Mulej Sovran Ġeħova, ‘Waqt li l-​art kollha tkun qed tifraħ, lilek nagħmlek art abbandunata. 15 Bħalma fraħt int għax wirt id-​dar taʼ Israel intgħamel art abbandunata, l-​istess nagħmel minnek.+ Art abbandunata ssir, O reġjun muntanjuż tas-​Segħir, iva, Edom kollu, kollu kemm hu;+ u se jkollhom ikunu jafu li jien Ġeħova.’”+

36 “U int, O bin il-​bniedem, ipprofetizza dwar il-​muntanji taʼ Israel, u għid, ‘O muntanji taʼ Israel,+ isimgħu l-​kelma taʼ Ġeħova. 2 Hekk qal il-​Mulej Sovran Ġeħova: “Talli l-​għadu qal kontrik,+ ‘Ħaħ! Anki l-​postijiet għoljin tal-​qedem+ saru tagħna!’”’+

3 “Għalhekk, ipprofetizza, u għid, ‘Hekk qal il-​Mulej Sovran Ġeħova: “Talli għamlukom art abbandunata+ u pprovaw jaħtfukom f’ħalqhom minn kull naħa,+ sabiex issiru taʼ dawk li fadal mill-​ġnus+ u ġejtu fi lsien in-​nies+ u hemm rapport ħażin dwarkom fost in-​nies,+ 4 għaldaqstant, O muntanji taʼ Israel,+ isimgħu l-​kelma tal-​Mulej Sovran Ġeħova! Hekk qal il-​Mulej Sovran Ġeħova lill-​muntanji u lill-​għoljiet, lin-​nixxigħat u lill-​widien u lill-​postijiet imħarbtin li ġew abbandunati+ u lill-​bliet abbandunati li nsterqu u twaqqgħu għaċ-​ċajt minn dawk li fadal mill-​ġnus taʼ madwar;+ 5 għaldaqstant, hekk qal il-​Mulej Sovran Ġeħova, ‘Se nitkellem fin-​nar taż-​żelu tiegħi+ kontra dawk li fadal mill-​ġnus u kontra Edom, kollu kemm hu,+ dawk li ħadu arti f’idejhom b’qalbhom mimlija hena,+ biż-​żebliħ,+ minħabba l-​mergħa tagħha, biex jaħtfuha bħala priża.’”’+

6 “Għalhekk, ipprofetizza dwar l-​art taʼ Israel, u għid lill-​muntanji u lill-​għoljiet, lin-​nixxigħat u lill-​widien, ‘Hekk qal il-​Mulej Sovran Ġeħova: “Ara! Fiż-​żelu tiegħi u fil-​korla tiegħi jien stess se nitkellem, għax intom ġarrabtu umiljazzjoni mill-​ġnus.”’+

7 “Għaldaqstant, hekk qal il-​Mulej Sovran Ġeħova, ‘Jien għollejt idi biex naħlef+ li l-​ġnus li għandkom madwarkom se jġarrbu l-​umiljazzjoni tagħhom stess.+ 8 U intom, O muntanji taʼ Israel, se toħorġu l-​friegħi tagħkom u tipproduċu l-​frott tagħkom għall-​poplu tiegħi Israel,+ għax dan qorob biex jidħol.+ 9 Għax, ara, jien favurikom, u se ndur lejkom,+ u se tkunu kultivati u miżrugħin.+ 10 U nkattar fuqkom il-​bnedmin, id-​dar sħiħa taʼ Israel, kollha kemm hi,+ u l-​bliet ikunu abitati,+ u l-​postijiet imħarbtin jinbnew mill-​ġdid.+ 11 Iva, inkattar fuqkom il-​bnedmin u l-​annimali,+ u huma jnisslu u joktru, u jien inġiegħel li tkunu abitati bħalma kontu qabel+ u nagħmlilkom iktar ġid milli għamiltilkom fil-​bidu;+ u intom se jkollkom tkunu tafu li jien Ġeħova.+ 12 U mmexxi fuqkom il-​bnedmin, iva, lill-​poplu tiegħi Israel, u jiħdukom f’idejhom,+ u ssiru wirthom,+ u ma terġgħux tħalluhom bla tfal.’”+

13 “Hekk qal il-​Mulej Sovran Ġeħova, ‘Talli hemm dawk li qed jgħidulkom: “Int tiblaʼ lill-​bnedmin, sirt art li tħalli lill-​ġnus tagħha bla tfal,”’+ 14 ‘mela lill-​bnedmin ma tiblagħhomx iktar,+ u lill-​ġnus tiegħek ma tħallihomx iktar bla tfal,’+ hija l-​kelma tal-​Mulej Sovran Ġeħova. 15 ‘U ma nħallix li jinstemaʼ iktar diskors umiljanti dwarek mill-​ġnus,+ u ma ġġorrx iktar żebliħ mill-​popli,+ u l-​ġnus tiegħek ma tfixkilhomx iktar,’ hija l-​kelma tal-​Mulej Sovran Ġeħova.”

16 U l-​kelma taʼ Ġeħova kompliet tiġi għandi, tgħid: 17 “Bin il-​bniedem, dawk taʼ dar Israel kienu qed jgħammru f’arthom, u ma ħallewhiex nadifa bi triqithom u bl-​għemejjel tagħhom.+ Għalija triqithom saret bħan-​nuqqas taʼ ndafa tat-​tnixxija tad-​demm taʼ kull xahar.+ 18 U ferrajt il-​korla tiegħi fuqhom minħabba d-​demm li sawbu fuq l-​art,+ li ma ħallewhiex nadifa bl-​idoli tagħhom moqżieża daqs id-​demel.+ 19 U xerridthom fost il-​ġnus, u għalhekk kienu mferrxin fost il-​pajjiżi.+ Skond triqithom u skond l-​għemejjel tagħhom iġġudikajthom.+ 20 Għalhekk, marru f’dawk il-​ġnus, u n-​nies bdew ikasbru lil ismi l-​qaddis+ billi qalu dwarhom, ‘Dawn huma l-​poplu taʼ Ġeħova, u minn artu ħarġu.’+ 21 U se nuri mogħdrija maʼ ismi l-​qaddis, li tkasbar minn dar Israel fost il-​ġnus li marru fihom.”+

22 “Għaldaqstant għid lil dar Israel, ‘Hekk qal il-​Mulej Sovran Ġeħova: “Mhux minħabba fikom qed nagħmel dan, O dar Israel, imma minħabba ismi l-​qaddis, li intom kasbartuh fost il-​ġnus li mortu fihom.”’+ 23 ‘U jien se nqaddes ismi l-​kbir,+ li kien qed jiġi mkasbar fost il-​ġnus, li intom kasbartu f’nofshom; u l-​ġnus se jkollhom ikunu jafu li jien Ġeħova,’+ hija l-​kelma tal-​Mulej Sovran Ġeħova, ‘meta nitqaddes fostkom quddiem għajnejhom.+ 24 U noħroġkom mill-​ġnus u niġborkom flimkien mill-​pajjiżi kollha u ndaħħalkom f’artkom.+ 25 U rraxxax fuqkom ilma nadif, u tindafu;+ innaddafkom minn kull nuqqas taʼ safa+ li għandkom u minn kull idolu tagħkom moqżież daqs id-​demel.+ 26 U nagħtikom qalb ġdida,+ u ndaħħal fikom spirtu ġdid,+ u nneħħi l-​qalb tal-​ġebel minn ġisimkom u nagħtikom qalb tal-​laħam.+ 27 U ndaħħal fikom l-​ispirtu tiegħi,+ u naġixxi b’tali mod li intom timxu mar-​regolamenti tiegħi,+ u tħarsu d-​deċiżjonijiet ġudizzjarji tiegħi u twettquhom.+ 28 U tgħammru fl-​art li tajt lil missirijietkom,+ u intom issiru l-​poplu tiegħi u jien insir Alla tagħkom.’+

29 “‘U nsalvakom minn kull nuqqas taʼ safa tagħkom+ u nsejjaħ lill-​qmuħ u nkattarhom, u ma nġib fuqkom l-​ebda ġuħ.+ 30 U nkattar il-​frott tas-​siġra, u l-​prodott tar-​rabaʼ, sabiex ma tiġux imżebilħin iżjed fost il-​ġnus minħabba l-​ġuħ.+ 31 U se jkollkom tiftakru t-​triqat ħżiena tagħkom u l-​għemejjel tagħkom li ma kinux tajbin,+ u se jkollkom tistkerrhu lilkom infuskom minħabba l-​iżbalji tagħkom u minħabba l-​affarijiet mistkerrhin tagħkom.+ 32 Mhux minħabba fikom qed nagħmel dan,’+ hija l-​kelma tal-​Mulej Sovran Ġeħova, ‘biex tkunu tafu. Istħu u ħossukom umiljati minħabba triqatkom, O dar Israel.’+

33 “Hekk qal il-​Mulej Sovran Ġeħova, ‘Dakinhar li nnaddafkom mill-​iżbalji kollha tagħkom se nġiegħel ukoll lill-​bliet ikunu abitati,+ u l-​postijiet imħarbtin iridu jinbnew mill-​ġdid.+ 34 U l-​art abbandunata tinħadem, għalkemm din kienet saret art abbandunata quddiem għajnejn kulmin kien jgħaddi minn hemmhekk.+ 35 U n-​nies jgħidu: “Dik l-​art t’hemmhekk li kienet intgħamlet art abbandunata saret bħall-​ġnien taʼ l-​Għeden,+ u l-​bliet li kienu mitluqin u abbandunati u mġarrfin issa huma fortifikati; saru abitati.”+ 36 U l-​ġnus li jkunu tħallew madwarek se jkollhom ikunu jafu li jien stess, Ġeħova, bnejt l-​affarijiet imġarrfin,+ u ħawwilt dak li ġie abbandunat. Jien, Ġeħova, tkellimt u wettaqt.’+

37 “Hekk qal il-​Mulej Sovran Ġeħova, ‘Lil dawk taʼ dar Israel se nħallihom ifittxuni biex nagħmlilhom dan ukoll:+ Se nkattarhom u nagħmilhom bħal merħla bin-​nies.+ 38 Bħal merħla nies qaddisin, bħall-​merħla taʼ Ġerusalemm fl-​istaġuni tal-​festi tagħha,+ hekk se jkunu mimlijin b’merħla nies il-​bliet li kienu mitluqin;+ u n-​nies se jkollhom ikunu jafu li jien Ġeħova.’”

37 Id Ġeħova ġiet fuqi,+ u b’hekk ġarrni bl-​ispirtu taʼ Ġeħova+ u qegħedni f’nofs il-​pjanura fil-​wied, u din kienet mimlija għadam.+ 2 U għaddieni dawramejt madwar l-​għadam, u, ara, kien hemm ħafna għadam fuq wiċċ il-​pjanura fil-​wied, u kien niexef qoxqox.+ 3 U hu qalli: “Bin il-​bniedem, jistaʼ dan l-​għadam jieħu l-​ħajja?” Għal dan, jien għedt: “Mulej Sovran Ġeħova, dan int tafu.”+ 4 U hu qalli: “Ipprofetizza fuq dan l-​għadam, u għidlu, ‘O għadam niexef, ismaʼ l-​kelma taʼ Ġeħova:

5 “‘Hekk qal il-​Mulej Sovran Ġeħova lil dan l-​għadam: “Ara, jien qed indaħħal fik in-​nifs, u int tieħu l-​ħajja.+ 6 U se nqiegħed fuqek nervituri u nġiegħel li jitrabbielek il-​laħam, u se niksik bil-​ġilda u nqiegħed fik in-​nifs, u int tieħu l-​ħajja;+ u se jkollok tkun taf li jien Ġeħova.”’”+

7 U jien ipprofetizzajt eżatt kif ġejt kmandat.+ U meta pprofetizzajt instemaʼ ħoss, u kien hemm ċekċik, u l-​għadam beda jersaq, għadma maʼ l-​oħra. 8 U ħarist, u fuqu kien hemm in-​nervituri u trabba l-​laħam u l-​ġilda bdiet tiksih. Imma nifs ma kienx hemm fih.

9 U kompla jgħidli: “Ipprofetizza lir-​riħ. Ipprofetizza, O bin il-​bniedem, u għid lir-​riħ, ‘Hekk qal il-​Mulej Sovran Ġeħova: “Idħol mill-​erbat irjieħ, O riħ, u onfoħ fuq dawn in-​nies maqtulin,+ sabiex jieħdu l-​ħajja.”’”+

10 U jien ipprofetizzajt eżatt kif ikkmandani, u n-​nifs daħal fihom, u ħadu l-​ħajja u waqfu fuq saqajhom,+ qawwa militari kbira ferm.

11 U kompla jgħidli: “Bin il-​bniedem, l-​għadam hu d-​dar kollha taʼ Israel.+ Dawn qed jgħidu, ‘Għadamna nixef, u tamitna għabet.+ Ġejna maqtugħin għalina waħedna.’ 12 Għalhekk, ipprofetizza, u għidilhom, ‘Hekk qal il-​Mulej Sovran Ġeħova: “Ara, se niftaħ il-​postijiet fejn intom midfunin,+ u se ntellagħkom mill-​postijiet fejn intom midfunin, O poplu tiegħi, u ndaħħalkom fl-​art taʼ Israel.+ 13 U se jkollkom tkunu tafu li jien Ġeħova meta niftaħ il-​postijiet fejn intom midfunin u meta ntellagħkom mill-​postijiet fejn intom midfunin, O poplu tiegħi.”’+ 14 ‘U nqiegħed l-​ispirtu tiegħi fikom, u tieħdu l-​ħajja,+ u nqegħedkom f’artkom; u se jkollkom tkunu tafu li jien, Ġeħova, tkellimt u wettaqt,’ hija l-​kelma taʼ Ġeħova.”+

15 U l-​kelma taʼ Ġeħova kompliet tiġi għandi, tgħid: 16 “U int, O bin il-​bniedem, ħu bastun+ u ikteb fuqu, ‘Għal Ġuda u għal sħabu, ulied Israel.’+ U ħu bastun ieħor u ikteb fuqu, ‘Għal Ġużeppi, il-​bastun t’Efrajm,+ u sħabu, id-​dar kollha taʼ Israel.’+ 17 U ressaqhom lejn xulxin f’bastun wieħed, u huma jsiru wieħed f’idek.+ 18 U meta wlied il-​poplu tiegħek jibdew jgħidulek, ‘M’intix se tgħidilna xi jfissru għalik dawn l-​affarijiet?’+ 19 għidilhom, ‘Hekk qal il-​Mulej Sovran Ġeħova: “Ara, qed nieħu l-​bastun taʼ Ġużeppi, li qiegħed f’id Efrajm, u taʼ sħabu, it-​tribujiet taʼ Israel, u se nqegħedhom fuqu, jiġifieri, fuq il-​bastun taʼ Ġuda, u nagħmilhom bastun wieħed,+ u jsiru wieħed f’idi.”’ 20 U l-​bsaten li tikteb fuqhom iridu jkunu f’idek quddiem għajnejhom.+

21 “U għidilhom, ‘Hekk qal il-​Mulej Sovran Ġeħova: “Ara, qed nieħu lil ulied Israel minn fost il-​ġnus li marru fihom, u se niġborhom flimkien mill-​inħawi taʼ madwar u nġibhom f’arthom.+ 22 U nagħmilhom ġens wieħed fil-​pajjiż,+ fuq il-​muntanji taʼ Israel, u bħala sultan ilkoll kemm huma se jkollhom sultan wieħed,+ u ma jkunux iktar żewġt iġnus, lanqas ma jkunu maqsumin iktar f’żewġ saltniet.+ 23 U m’humiex se jitniġġsu iktar bl-​idoli tagħhom moqżieża daqs id-​demel u bil-​qżiżijiet tagħhom u bil-​ksur tal-​liġi kollu tagħhom;+ u jien insalvahom mill-​atti midinbin kollha li għamlu fil-​postijiet fejn għammru, u nnaddafhom,+ u huma jsiru l-​poplu tiegħi, u jien insir Alla tagħhom.+

24 “‘“U l-​qaddej tiegħi David ikun sultan fuqhom,+ u lkoll ikollhom ragħaj wieħed;+ u huma jimxu mad-​deċiżjonijiet ġudizzjarji tiegħi,+ u jħarsu l-​istatuti tiegħi,+ u jwettquhom.+ 25 U se jgħammru fl-​art li jien tajt lill-​qaddej tiegħi, lil Ġakobb, li fiha għammru missirijietkom,+ u se jgħammru fiha,+ huma u wliedhom u wlied uliedhom għal żmien indefinit,+ u David il-​qaddej tiegħi jkun il-​kap ewlieni tagħhom għal żmien indefinit.+

26 “‘“U se nagħmel magħhom patt taʼ paċi;+ patt li jdum għal żmien indefinit se jsir magħhom.+ U nħejji post għalihom u nkattarhom+ u nqiegħed is-​santwarju tiegħi f’nofshom għal żmien indefinit.+ 27 U t-​tinda tiegħi tkun fuqhom,+ u jien insir Alla tagħhom, u huma jsiru l-​poplu tiegħi.+ 28 U l-​ġnus se jkollhom ikunu jafu li jien, Ġeħova,+ qed inqaddes lil Israel meta s-​santwarju tiegħi jkun f’nofshom għal żmien indefinit.”’”+

38 U l-​kelma taʼ Ġeħova kompliet tiġi għandi, tgħid: 2 “Bin il-​bniedem,+ dawwar wiċċek lejn Gog taʼ l-​art taʼ Magog,+ il-​kap ewlieni l-​kbir taʼ Mesek+ u Tubal,+ u pprofetizza kontrih. 3 U għid, ‘Hekk qal il-​Mulej Sovran Ġeħova: “Ara, jien kontrik, O Gog, il-​kap ewlieni l-​kbir taʼ Mesek u Tubal. 4 U jien se ndawrek u nqiegħed ganċijiet fix-​xedaq tiegħek+ u niġbdek mal-​qawwa militari kollha tiegħek,+ żwiemel u rikkieba taż-​żwiemel, kollha kemm huma lebsin bl-​isbaħ mod,+ ġemgħa numeruża, bit-​tarka l-​kbira u t-​tarka ż-​żgħira, kollha bis-​sjuf f’idejhom;+ 5 il-Persja,+ l-​Etjopja+ u Put+ magħhom, ilkoll kemm huma bit-​tarka ż-​żgħira u bl-​elmu; 6 Gomer+ u l-​qtajjaʼ kollha tiegħu, id-​dar taʼ Togarma,+ mill-​iktar partijiet imbegħdin tat-​tramuntana, u l-​ġemgħat kollha tiegħu, ħafna popli miegħek.+

7 “‘“Lesti ruħek, u tħejja, int flimkien mal-​ġemgħa kollha tiegħek,+ dawk miġmugħin miegħek, u int se tkun dak li tmexxihom.

8 “‘“Wara ħafna jiem int se tingħata attenzjoni. Fl-​aħħar parti tas-​snin int se tiġi lejn il-​pajjiż+ taʼ poplu miġjub lura mis-​sejf, miġbur minn ħafna popli+ għal fuq il-​muntanji taʼ Israel, li kienu fi stat kontinwu taʼ ħerba. Il-​poplu taʼ dan il-​pajjiż inħareġ mill-​popli u qed jgħammar fis-​sigurtà, kollu kemm hu.+ 9 U int se jkollok titlaʼ. Tiġi bħal maltempata.+ Tkun bħal sħab li jiksi l-​pajjiż,+ int u l-​qtajjaʼ kollha tiegħek u ħafna popli miegħek.”’

10 “Hekk qal il-​Mulej Sovran Ġeħova, ‘U jiġri dakinhar li f’qalbek jiġuk xi ħsibijiet,+ u int taħseb fi pjan taʼ ħsara;+ 11 u tgħid: “Se nitlaʼ kontra l-​pajjiż li jinsab fil-​kampanja miftuħa.+ Nidħol fuq dawk li qegħdin fil-​kwiet, li jgħammru fis-​sigurtà, ilkoll jgħammru mingħajr swar,+ u lanqas biss għandhom staneg u bibien.” 12 Dan se tagħmlu biex taħtaf priża kbira+ u biex tisraq ħafna, sabiex terfaʼ idek fuq postijiet imħarbtin li ġew mgħammrin mill-​ġdid+ u fuq poplu miġbur mill-​ġnus,+ wieħed li qed jiġmaʼ għana u proprjetà,+ dawk li qed jgħammru fiċ-​ċentru+ taʼ l-​art.

13 “‘Xeba+ u Dedan+ u l-​merkanti taʼ Tarsis+ u l-​iljuni b’saħħithom kollha+—dawn se jgħidulek: “Ġej biex taħtaf priża kbira? Ġmajt il-​ġemgħa tiegħek biex tisraq ħafna, sabiex iġġorr il-​fidda u d-​deheb, biex tieħu l-​għana u l-​proprjetà, biex taħtaf priża kbira ħafna?”’

14 “Għalhekk, ipprofetizza, O bin il-​bniedem, u għid lil Gog, ‘Hekk qal il-​Mulej Sovran Ġeħova: “Dakinhar li l-​poplu tiegħi Israel ikun qed jgħammar fis-​sigurtà, mhux se tinnotah int dan?+ 15 U int żgur li se tiġi minn postok, mill-​iktar partijiet imbegħdin tat-​tramuntana,+ int u ħafna popli miegħek, ilkoll kemm huma rekbin iż-​żwiemel, ġemgħa kbira, iva, qawwa militari numeruża.+ 16 U int se jkollok titlaʼ kontra l-​poplu tiegħi Israel, bħal sħab li jiksi l-​pajjiż.+ Dan jiġri fl-​aħħar parti tal-​jiem, u jien inġibek kontra l-​pajjiż tiegħi,+ sabiex il-​ġnus ikunu jafuni meta nqaddes lili nnifsi permezz tiegħek quddiem għajnejhom, O Gog.”’+

17 “Hekk qal il-​Mulej Sovran Ġeħova, ‘Int+ l-​istess wieħed li jien tkellimt dwaru fil-​jiem taʼ qabel b’id il-​qaddejja tiegħi l-​profeti taʼ Israel, li f’dawk il-​jiem—sena wara sena—kienu qed jipprofetizzaw li kelli nġibek kontrihom?’+

18 “‘U jrid iseħħ f’dak il-​jum, fil-​jum meta Gog jidħol fuq l-​art taʼ Israel,’ hija l-​kelma tal-​Mulej Sovran Ġeħova, ‘li l-​korla tiegħi titlaʼ fi mnieħri.+ 19 U fil-​ħeġġa tiegħi,+ fin-​nar tal-​qilla tiegħi, se jkolli nitkellem.+ Dakinhar żgur isseħħ theżżiża kbira fl-​art taʼ Israel.+ 20 U minħabba fija l-​ħut tal-​baħar u l-​ħlejjaq li jtiru fis-​smewwiet u l-​bhejjem salvaġġi tar-​rabaʼ u l-​ħlejjaq li jitkaxkru kollha li qed jitkaxkru maʼ l-​art u l-​bnedmin kollha li qegħdin fuq wiċċ l-​art se jkollhom jirtogħdu,+ u l-​muntanji jiġġarrfu+ u t-​toroq weqfin ikollhom jaqgħu, u kull ħajt jaqaʼ maʼ l-​art.’

21 “‘U se nsejjaħ sejf kontrih mar-​reġjun muntanjuż kollu tiegħi,’ hija l-​kelma tal-​Mulej Sovran Ġeħova.+ ‘Is-​sejf taʼ kull wieħed se jkun kontra ħuh stess.+ 22 U se nġib lili nnifsi f’ġudizzju+ miegħu, b’pesta+ u b’demm;+ u xita li tgħarraq u biċċiet tas-​silġ,+ nar+ u kubrit se nniżżel fuqu u fuq il-​qtajjaʼ tiegħu u fuq il-​ħafna popli li se jkunu miegħu.+ 23 U ċertament li se nuri l-​kobor tiegħi u nqaddes lili nnifsi+ u ngħarraf min jien quddiem għajnejn ħafna ġnus; u se jkollhom ikunu jafu li jien Ġeħova.’+

39 “U min-​naħa tiegħek, O bin il-​bniedem, ipprofetizza kontra Gog,+ u għid, ‘Hekk qal il-​Mulej Sovran Ġeħova: “Ara, jien kontrik, O Gog, il-​kap ewlieni l-​kbir taʼ Mesek+ u Tubal.+ 2 U se ndawrek u mmexxik+ u ntellgħek mill-​iktar partijiet imbegħdin tat-​tramuntana+ u nġibek kontra l-​muntanji taʼ Israel. 3 U ntajjarlek il-​qaws tiegħek minn idek ix-​xellugija, u l-​vleġeġ tiegħek inwaqqagħhomlok minn idek il-​leminija. 4 Fuq il-​muntanji taʼ Israel taqaʼ,+ int u l-​qtajjaʼ kollha tiegħek u l-​popli li se jkunu miegħek. Se nagħtik bħala ikel lill-​għasafar tal-​priża, l-​għasafar b’kull xorta taʼ ġwienaħ, u l-​bhejjem salvaġġi tar-​rabaʼ.”’+

5 “‘Fuq wiċċ ir-​rabaʼ taqaʼ,+ għax jien tkellimt,’ hija l-​kelma tal-​Mulej Sovran Ġeħova.

6 “‘U nibgħat nar fuq Magog+ u fuq dawk li jgħammru fil-​gżejjer fis-​sigurtà;+ u n-​nies se jkollhom ikunu jafu li jien Ġeħova. 7 U ngħarraf l-​isem qaddis tiegħi f’nofs il-​poplu tiegħi Israel, u ma nħallix lill-​isem qaddis tiegħi jitkasbar iktar;+ u l-​ġnus se jkollhom ikunu jafu li jien Ġeħova,+ il-​Qaddis f’Israel.’+

8 “‘Ara! Dan jiġi u jseħħ,’+ hija l-​kelma tal-​Mulej Sovran Ġeħova. ‘Dan hu l-​jum li tkellimt dwaru.+ 9 U dawk li jgħammru fil-​bliet taʼ Israel se joħorġu u jaħarqu u jqabbdu n-​nirien bl-​armi u bit-​tarki ż-​żgħar u t-​tarki l-​kbar,—bil-​qwas u bil-​vleġeġ u bil-​vireg u bil-​lanez; u jdumu jqabbdu n-​nirien+ bihom sebaʼ snin. 10 U ma jġorrux zkuk mill-​għalqa, u lanqas ħatab għan-​nar mill-​foresti, għax bl-​armi jqabbdu n-​nirien.’

“‘U jieħdu bħala priża lil dawk li kienu ħadu lilhom bħala priża,+ u jisirqu lil dawk li kienu serquhom,’ hija l-​kelma tal-​Mulej Sovran Ġeħova.

11 “‘U jrid iseħħ dakinhar li nagħti lil Gog+ post hemmhekk, post taʼ dfin f’Israel, il-​wied taʼ dawk li jkunu għaddejjin, lejn il-​lvant tal-​baħar, u se jimblokka lil dawk li jkunu għaddejjin minn hemmhekk. U hemmhekk se jkollhom jidfnu lil Gog u l-​kotra kollha tiegħu, u jsejħulu l-​Wied tal-​Kotra taʼ Gog.*+ 12 U dawk taʼ dar Israel ikollhom jidfnuhom sabiex inaddfu l-​art, u jdumu sebaʼ xhur.+ 13 U n-​nies kollha tal-​pajjiż se jkollhom jidfnu, u jsiru magħrufin minħabba dan dakinhar li nigglorifika lili nnifsi,’+ hija l-​kelma tal-​Mulej Sovran Ġeħova.

14 “‘U se jintgħażlu xi rġiel li xogħolhom ikun li jduru mal-​pajjiż kontinwament u, flimkien m’oħrajn li jduru mal-​pajjiż, jidfnu lil dawk li jifdal fuq wiċċ l-​art, sabiex inaddfuh. Jibqgħu jfittxu sakemm jintemmu s-​sebaʼ xhur. 15 U jridu jduru mal-​pajjiż, u jekk wieħed jara għadma taʼ bniedem iwaqqaf sinjal ħdejha, sakemm dawk li jidfnu jkunu difnuha fil-​Wied tal-​Kotra taʼ Gog.+ 16 U anki l-​isem tal-​belt ikun Ħamona.* U se jkollhom inaddfu l-​pajjiż.’+

17 “U lilek, O bin il-​bniedem, hekk qallek il-​Mulej Sovran Ġeħova, ‘Għid lill-​għasafar b’kull xorta taʼ ġwienaħ u lill-​bhejjem salvaġġi kollha tar-​rabaʼ:+ “Inġabru flimkien u ejjew. Inġemgħu flimkien dawramejt mas-​sagrifiċċju tiegħi, li qed nissagrifika għalikom, sagrifiċċju kbir fuq il-​muntanji taʼ Israel.+ U intom se tieklu l-​laħam u tixorbu d-​demm.+ 18 Tieklu l-​laħam tas-​setgħanin,+ u tixorbu d-​demm tal-​kapijiet ewlenin taʼ l-​art, imtaten, ħrief,+ u bdabad, barrin żgħar,+ ilkoll annimali msemmnin tal-​Basan.+ 19 U intom żgur li tieklu xaħam sa ma tixbgħu+ u tixorbu demm sakemm tiskru, mis-​sagrifiċċju li se nissagrifika għalikom.”’

20 “‘U intom tixbgħu fuq il-​mejda tiegħi biż-​żwiemel u s-​sewwieqa tal-​karrijiet, nies setgħanin u kull xorta taʼ gwerriera,’ hija l-​kelma tal-​Mulej Sovran Ġeħova.+

21 “‘U jien se nuri l-​glorja tiegħi fost il-​ġnus; u l-​ġnus kollha se jkollhom jaraw it-​twettiq tal-​ġudizzju tiegħi+ u l-​qawwa taʼ idi kontrihom.+ 22 U minn dakinhar ’il quddiem, dawk taʼ dar Israel se jkollhom ikunu jafu li jien Ġeħova Alla tagħhom.+ 23 U l-​ġnus se jkollhom ikunu jafu li kien minħabba l-​iżball tagħhom li huma, dar Israel, marru fl-​eżilju,+ minħabba l-​fatt li huma aġixxew b’nuqqas taʼ fedeltà miegħi, u għalhekk jien ħbejt wiċċi minnhom+ u tajthom f’idejn l-​avversarji tagħhom, u waqgħu bis-​sejf, ilkoll kemm huma.+ 24 Għamiltilhom skond in-​nuqqas taʼ ndafa tagħhom u skond il-​ksur tal-​liġi tagħhom,+ u bqajt naħbi wiċċi minnhom.’

25 “Għaldaqstant, hekk qal il-​Mulej Sovran Ġeħova, ‘Issa hu ż-​żmien li nġib lura lill-​imjassrin taʼ Ġakobb+ u li jkolli ħniena minn dar Israel kollha;+ u se nuri devozzjoni esklużiva lejn l-​isem qaddis tiegħi.+ 26 U huma jkunu ġarrew l-​umiljazzjoni tagħhom+ u n-​nuqqas taʼ fedeltà kollu li wrewni,+ meta jkunu qed jgħammru f’arthom fis-​sigurtà,+ u ma jkunx hemm min ibeżżagħhom.+ 27 Meta nġibhom lura mill-​popli u niġborhom flimkien mill-​pajjiżi taʼ l-​għedewwa tagħhom,+ jien ukoll inqaddes lili nnifsi fosthom quddiem għajnejn ħafna ġnus.’+

28 “‘U huma se jkollhom ikunu jafu li jien Ġeħova Alla tagħhom, meta nibgħathom fl-​eżilju lejn il-​ġnus u nġibhom lura flimkien f’arthom,+ u ma nħalli ’l ħadd minnhom jibqaʼ iktar hemmhekk.+ 29 U jien ma naħbix iktar wiċċi minnhom,+ għax inferraʼ l-​ispirtu tiegħi fuq dar Israel,’+ hija l-​kelma tal-​Mulej Sovran Ġeħova.”

40 Fis-sena ħamsa u għoxrin taʼ l-​eżilju tagħna,+ fil-​bidu tas-​sena, fl-​għaxar jum tax-​xahar, fis-​sena erbatax wara li l-​belt kienet waqgħet,+ f’dik il-​ġurnata stess id Ġeħova ġiet fuqi,+ biex hekk hu ħadni f’dak il-​post.+ 2 Fil-viżjonijiet t’Alla ħadni fl-​art taʼ Israel u niżżilni fuq muntanja għolja ħafna,+ li fuqha kien hemm bħal struttura taʼ belt lejn in-​nofsinhar.+

3 U ħadni hemmhekk fejn kien hemm raġel li kien jidher qisu tar-​ram aħmar,+ u kellu ħabel tal-​kittien f’idu, u qasba tal-​kejl,+ u kien wieqaf fil-​bieb. 4 U r-​raġel beda jkellimni u jgħidli: “Bin il-​bniedem,+ ara b’għajnejk, u ismaʼ b’widnejk, u kun moħħok f’kulma se nurik, għax biex nurik int inġibt hawnhekk. Għid lil dar Israel b’kulma qed tara.”+

5 U kien hemm ħajt fuq barra tad-​dar, dawramejt magħha. U f’id ir-​raġel kien hemm qasba tal-​kejl twila sitt kubiti, li kull kubitu huwa kubitu u wisaʼ taʼ id.* U beda jkejjel il-​ħxuna tal-​ħajt, qasba waħda; u l-​għoli, qasba waħda.

6 Imbagħad wasal ħdejn il-​bieb, li n-​naħa taʼ quddiem tiegħu tħares lejn il-​lvant,+ u telaʼ mit-​taraġ. U beda jkejjel l-​għatba tal-​bieb,+ wiesgħa qasba, u l-​għatba l-​oħra, wiesgħa qasba. 7 U l-​kamra taʼ l-​għassa kienet twila qasba u wiesgħa qasba, u bejn il-​kmamar taʼ l-​għassa+ kien hemm ħames kubiti; u l-​għatba tal-​bieb ħdejn il-​loġġa tal-​bieb lejn in-​naħa taʼ ġewwa kienet qasba.

8 U beda jkejjel il-​loġġa tal-​bieb lejn in-​naħa taʼ ġewwa, u l-​qjies tagħha kien qasba.+ 9 U kejjel il-​loġġa tal-​bieb, tmien kubiti; u l-​pilastri tagħha tal-​ġenb, żewġ kubiti; u l-​loġġa tal-​bieb kienet lejn in-​naħa taʼ ġewwa.

10 U l-​kmamar taʼ l-​għassa tal-​bieb li jħares lejn il-​lvant kienu tlieta fuq naħa u tlieta fuq in-​naħa l-​oħra. It-​tlieta li huma kienu ndaqs, u l-​pilastri tal-​ġenb kienu ndaqs, fuq naħa u fuq in-​naħa l-​oħra.

11 Imbagħad kejjel il-​wisaʼ tad-​daħla tal-​bieb, għaxar kubiti; il-​wisaʼ tal-​bieb kienet tlettax-il kubitu.

12 U l-​ispazju magħluq b’ċint quddiem il-​kmamar taʼ l-​għassa kien kubitu, u kien hemm spazju magħluq b’ċint taʼ kubitu fuq iż-​żewġ naħat. U l-​kamra taʼ l-​għassa kienet sitt kubiti fuq naħa u sitt kubiti fuq in-​naħa l-​oħra.

13 U mar ikejjel il-​bieb mis-​saqaf taʼ kamra taʼ l-​għassa waħda sas-​saqaf taʼ l-​oħra, wisaʼ taʼ ħamsa u għoxrin kubitu;+ id-​daħla taʼ waħda kienet faċċata tad-​daħla taʼ l-​oħra. 14 Imbagħad stabbilixxa li l-​pilastri tal-​ġenb kienu sittin kubitu, kif ukoll il-​pilastri tal-​ġenb fil-​bibien dawramejt mal-​bitħa. 15 U min-​naħa taʼ quddiem tal-​bieb san-​naħa taʼ quddiem tal-​loġġa tad-​daħla taʼ ġewwa kien hemm ħamsin kubitu.

16 U l-​kmamar taʼ l-​għassa u l-​pilastri tagħhom tal-​ġenb kellhom twieqi b’fetħa li tidjieq+ u li jħarsu lejn in-​naħa taʼ ġewwa tal-​bieb mad-​dawra kollha, u hekk ukoll kellhom il-​loġoġ. U t-​twieqi kienu mad-​dawra kollha jħarsu ’l ġewwa, u mal-​pilastri tal-​ġenb kien hemm tinqix taʼ siġar tal-​palm.+

17 U ħadni lejn il-​bitħa taʼ barra fejn kien hemm il-​kmamar taʼ l-​ikel,+ u mad-​dawra kollha tal-​bitħa kien hemm paviment. Kien hemm tletin kamra taʼ l-​ikel fuq il-​paviment.+ 18 U l-​paviment—il-​paviment taʼ taħt—maġenb il-​bibien kien twil eżatt daqs il-​bibien.

19 U hu kejjel il-​wisaʼ minn quddiem il-​bieb taʼ taħt san-​naħa taʼ quddiem tal-​bitħa taʼ ġewwa. Barra kien mitt kubitu, u l-​wisaʼ mill-​bieb tal-​lvant u mill-​bieb tat-​tramuntana kienet l-​istess.

20 U l-​bitħa taʼ barra kellha bieb li n-​naħa taʼ quddiem tiegħu kienet tħares lejn it-​tramuntana. U hu kejjillu t-​tul u l-​wisaʼ tiegħu. 21 U kellu tliet kmamar taʼ l-​għassa fuq naħa u tlieta fuq in-​naħa l-​oħra. U l-​qisien tal-​pilastri tal-​ġenb u l-​loġġa tiegħu kienu daqs taʼ l-​ewwel bieb. Kien twil ħamsin kubitu, u wiesaʼ ħamsa u għoxrin kubitu. 22 U t-​twieqi u l-​loġġa u t-​tinqix taʼ siġar tal-​palm+ tiegħu kienu daqs dawk tal-​bieb li n-​naħa taʼ quddiem tiegħu kienet tħares lejn il-​lvant. U n-​nies setgħu jitilgħu għalih b’sebaʼ tarġiet, u l-​loġġa tiegħu kienet quddiem it-​taraġ.

23 U l-​bieb tal-​bitħa taʼ ġewwa kien faċċata tal-​bieb lejn it-​tramuntana; hekk ukoll kien fil-​każ taʼ dak li kien iħares lejn il-​lvant. U minn bieb sa bieb kejjel mitt kubitu.

24 U ħadni lejn in-​nofsinhar fejn kien hemm bieb iħares lejn in-​nofsinhar,+ u kejjel il-​pilastri tal-​ġenb u l-​loġġa tiegħu u l-​qisien tagħhom kienu daqs tal-​bibien l-​oħrajn. 25 U l-​bieb u l-​loġġa tiegħu kellhom it-​twieqi mad-​dawra kollha, bħat-​twieqi l-​oħrajn. Kien twil ħamsin kubitu, u wiesaʼ ħamsa u għoxrin kubitu. 26 U kien hemm sebaʼ tarġiet biex titlaʼ għalih,+ u l-​loġġa tiegħu kienet quddiem it-​taraġ. U kien hemm tinqix taʼ siġar tal-​palm, fuq naħa u fuq in-​naħa l-​oħra mal-​pilastri tal-​ġenb.

27 U l-​bitħa taʼ ġewwa kellha bieb iħares lejn in-​nofsinhar. U mill-​bieb sal-​bieb l-​ieħor lejn in-​nofsinhar hu kejjel mitt kubitu. 28 U ħadni fil-​bitħa taʼ ġewwa mill-​bieb tan-​nofsinhar. U kejjel il-​bieb tan-​nofsinhar u l-​qisien tiegħu kienu daqs taʼ l-​oħrajn. 29 U l-​qisien tal-​kmamar taʼ l-​għassa u l-​pilastri tal-​ġenb u l-​loġġa tiegħu kienu daqs tal-​bibien l-​oħrajn. U l-​bieb u l-​loġġa tiegħu kellhom it-​twieqi mad-​dawra kollha. Kien twil ħamsin kubitu, u wiesaʼ ħamsa u għoxrin kubitu.+ 30 U kien hemm loġoġ dawramejt; it-​tul kien ħamsa u għoxrin kubitu, u l-​wisaʼ ħames kubiti. 31 U l-​loġġa tiegħu kienet tħares lejn il-​bitħa taʼ barra, u mal-​pilastri tal-​ġenb kien hemm tinqix taʼ siġar tal-​palm,+ u kien hemm tmien tarġiet+ biex titlaʼ għalih.

32 U ħadni fil-​bitħa taʼ ġewwa min-​naħa tal-​lvant, u kejjel il-​bieb u kien daqs l-​oħrajn. 33 U l-​qisien tal-​kmamar taʼ l-​għassa u l-​pilastri tal-​ġenb u l-​loġġa tiegħu kienu daqs taʼ l-​oħrajn, u l-​bieb u l-​loġġa tiegħu kellhom it-​twieqi mad-​dawra kollha. It-​tul kien ħamsin kubitu, u l-​wisaʼ ħamsa u għoxrin kubitu. 34 U l-​loġġa tiegħu kienet tħares lejn il-​bitħa taʼ barra, u mal-​pilastri tal-​ġenb kien hemm tinqix taʼ siġar tal-​palm fuq naħa u fuq in-​naħa l-​oħra. U kien hemm tmien tarġiet biex titlaʼ għalih.

35 U ħadni fil-​bieb tat-​tramuntana,+ u beda jkejjel, u kien daqs l-​oħrajn,+ 36 bil-kmamar taʼ l-​għassa tiegħu, il-​pilastri tiegħu tal-​ġenb u l-​loġġa tiegħu. U kellu t-​twieqi mad-​dawra kollha. It-​tul kien ħamsin kubitu, u l-​wisaʼ ħamsa u għoxrin kubitu. 37 U l-​pilastri tiegħu tal-​ġenb kienu jħarsu lejn il-​bitħa taʼ barra, u kien hemm tinqix taʼ siġar tal-​palm mal-​pilastri tiegħu tal-​ġenb fuq naħa u fuq in-​naħa l-​oħra.+ U kien hemm tmien tarġiet biex titlaʼ għalih.

38 U ħdejn il-​pilastri tal-​ġenb tal-​bibien kien hemm kamra taʼ l-​ikel bid-​daħla tagħha. Hemmhekk kienu jlaħalħu l-​offerta sħiħa tal-​ħruq.+

39 U fil-​loġġa tal-​bieb kien hemm żewġ imwejjed fuq naħa u żewġ imwejjed fuq in-​naħa l-​oħra, biex fuqhom joqtlu l-​offerta sħiħa tal-​ħruq+ u l-​offerta għad-​dnub+ u l-​offerta għall-​ħtija.+ 40 Fuq barra, int u tielaʼ lejn id-​daħla tal-​bieb tat-​tramuntana, kien hemm żewġ imwejjed. U fuq in-​naħa l-​oħra tal-​loġġa tal-​bieb kien hemm żewġ imwejjed. 41 Kien hemm erbaʼ mwejjed lil hawn u erbaʼ mwejjed lil hemm ħdejn il-​bieb—tmien imwejjed, li fuqhom kienet issir il-​qatla. 42 U l-​erbaʼ mwejjed għall-​offerta sħiħa tal-​ħruq kienu tal-​ġebel minġur. It-​tul kien kubitu u nofs, u l-​wisaʼ kubitu u nofs, u l-​għoli kubitu. Fuqhom kienu jqiegħdu wkoll l-​għodod li bihom kienu joqtlu l-​offerta sħiħa tal-​ħruq u s-​sagrifiċċju. 43 U l-​ixkafef biex iħallu l-​affarijiet fuqhom kienu wisaʼ taʼ id, imwaħħlin sew fuq ġewwa, dawramejt; u fuq l-​imwejjed kienu jqiegħdu l-​laħam taʼ l-​offerta li ssir bħala għotja.+

44 U fuq in-​naħa taʼ barra tal-​bieb taʼ ġewwa kien hemm il-​kmamar taʼ l-​ikel taʼ l-​għannejja,+ fil-​bitħa taʼ ġewwa, maġenb il-​bieb tat-​tramuntana. U n-​naħa taʼ quddiem tagħhom kienet tħares lejn in-​nofsinhar. Kien hemm ukoll kamra taʼ l-​ikel maġenb il-​bieb tal-​lvant li n-​naħa taʼ quddiem tagħha kienet tħares lejn it-​tramuntana.

45 U kellimni u qalli: “Din, il-​kamra taʼ l-​ikel li n-​naħa taʼ quddiem tagħha tħares lejn in-​nofsinhar, hi għall-​qassisin li jieħdu ħsieb l-​obbligu tad-​dar.+ 46 U l-​kamra taʼ l-​ikel li n-​naħa taʼ quddiem tagħha tħares lejn it-​tramuntana hi għall-​qassisin li jieħdu ħsieb l-​obbligu taʼ l-​artal.+ Dawn huma wlied Sadok,+ minn ulied Levi, li jersqu lejn Ġeħova biex jaqduh.”+

47 U kejjel il-​bitħa taʼ ġewwa. It-​tul kien mitt kubitu, u l-​wisaʼ mitt kubitu, u b’hekk kienet kwadra. U l-​artal kien quddiem id-​dar.

48 U ħadni fil-​loġġa tad-​dar,+ u beda jkejjel il-​pilastru tal-​ġenb tal-​loġġa, ħames kubiti fuq naħa u ħames kubiti fuq in-​naħa l-​oħra. U l-​wisaʼ tal-​bieb kienet tliet kubiti fuq naħa u tliet kubiti fuq in-​naħa l-​oħra.

49 Il-loġġa kienet twila għoxrin kubitu, u wiesgħa ħdax-il kubitu. U kienu jitilgħu għaliha bit-​taraġ. U kien hemm il-​kolonni ħdejn il-​pilastri tal-​ġenb, waħda naħa u waħda n-​naħa l-​oħra.+

41 U daħħalni fit-​tempju, u kejjel il-​pilastri tal-​ġenb, sitt kubiti l-​wisaʼ din in-​naħa u sitt kubiti l-​wisaʼ n-​naħa l-​oħra, il-​wisaʼ tal-​pilastru tal-​ġenb. 2 U l-​wisaʼ tad-​daħla kienet għaxar kubiti, u l-​ġnub tad-​daħla kienu ħames kubiti fuq naħa u ħames kubiti n-​naħa l-​oħra. U kejjillu t-​tul, erbgħin kubitu; u l-​wisaʼ, għoxrin kubitu.

3 U daħal ġewwa u kejjel il-​pilastru tal-​ġenb fid-​daħla, żewġ kubiti; u d-​daħla, sitt kubiti; u l-​wisaʼ tad-​daħla kienet sebaʼ kubiti. 4 U kejjel it-​tul, għoxrin kubitu; u l-​wisaʼ, għoxrin kubitu,+ quddiem it-​tempju. Imbagħad qalli: “Dan hu l-​Iktar Qaddis.”+

5 U kejjel il-​ħajt tad-​dar, sitt kubiti. U l-​wisaʼ tal-​kamra tal-​ġenb kienet erbaʼ kubiti, mad-​dawra kollha; hekk kienet mad-​dawra kollha tad-​dar.+ 6 U l-​kmamar tal-​ġenb kienu kamra tal-​ġenb fuq kamra tal-​ġenb, tliet sulari, għal tletin darba; u l-​kmamar tal-​ġenb li kien hemm mad-​dawra kollha kienu mdaħħlin fil-​ħajt tad-​dar sabiex ikollhom l-​appoġġ, imma ma kinux jinfdu l-​ħajt tad-​dar.+ 7 U l-​kmamar tal-​ġenb kienu jitwessgħu maʼ kull sular, u l-​garigor li kien jagħti għal fuq kien f’naħat differenti tad-​dar.+ Għalhekk, il-​wisaʼ tal-​kmamar madwar id-​dar kienet tiżdied iktar ma titlaʼ ’l fuq, u mis-​sular taʼ taħt wieħed setaʼ jitlaʼ għas-​sular taʼ fuqnett,+ mis-​sular tan-​nofs.

8 U rajt li d-​dar kellha pjattaforma għolja dawramejt. U l-​pedamenti tal-​kmamar tal-​ġenb kienu għoljin qasba sħiħa taʼ sitt kubiti safejn kienu jingħaqdu.+ 9 Il-wisaʼ mill-​ħajt tal-​kamra tal-​ġenb sa barra kienet ħames kubiti. U kien hemm spazju li tħalla miftuħ ħdejn il-​bini tal-​kmamar tal-​ġenb tad-​dar.

10 U bejn il-​kmamar taʼ l-​ikel+ u d-​dawra tad-​dar, il-​wisaʼ kienet għoxrin kubitu dawramejt. 11 U d-​daħla għall-​kamra tal-​ġenb kienet tħares lejn l-​ispazju li tħalla miftuħ, daħla waħda lejn it-​tramuntana u daħla lejn in-​nofsinhar; u l-​wisaʼ taʼ l-​ispazju li tħalla miftuħ kienet ħames kubiti, dawramejt.

12 U l-​bini li kien hemm quddiem il-​wesgħa separata, li n-​naħa tiegħu kienet lejn il-​punent, kien wiesaʼ sebgħin kubitu. U l-​ħajt tal-​bini kien wiesaʼ ħames kubiti, u kien mad-​dawra kollha; u kien twil disgħin kubitu.

13 U kejjel id-​dar, u kienet twila mitt kubitu; u l-​wesgħa separata u l-​bini u l-​ħitan tiegħu kienu twal mitt kubitu. 14 U l-​wisaʼ tal-​faċċata tad-​dar u tal-​wesgħa separata fuq in-​naħa tal-​lvant kienet mitt kubitu.

15 U kejjel it-​tul tal-​bini quddiem in-​naħa taʼ wara tal-​wesgħa separata u l-​kurituri tiegħu fuq naħa u fuq in-​naħa l-​oħra, mitt kubitu.

Hekk ukoll kienu t-​tempju u l-​post taʼ ġewwa+ u l-​loġoġ tal-​bitħa; 16 l-għetiebi, u t-​twieqi b’fetħa li tidjieq,+ u l-​kurituri kienu madwarhom it-​tlieta. Quddiem l-​għatba kien hemm kisi taʼ l-​injam dawramejt,+ mill-​art sat-​twieqi; u t-​twieqi kienu miksijin. 17 Il-parti taʼ fuq id-​daħla, id-​dar taʼ ġewwa u fuq barra tagħha, u l-​ħajt kollu madwar id-​dar taʼ ġewwa u fuq barra tagħha, kollha kellhom qisien speċifikati. 18 U kien hemm kerubini+ u siġar tal-​palm minquxin,+ b’tinqix taʼ siġra tal-​palm bejn kerubin u ieħor, u l-​kerubin kellu żewġ uċuħ.+ 19 U l-​wiċċ taʼ bniedem kien iħares lejn it-​tinqix taʼ siġra tal-​palm fuq naħa waħda u l-​wiċċ taʼ ljun b’saħħtu kien iħares lejn it-​tinqix taʼ siġra tal-​palm fuq in-​naħa l-​oħra,+ u dawn kienu minquxin madwar id-​dar kollha. 20 Mill-art sa fuq id-​daħla kien hemm kerubini u siġar tal-​palm minquxin fuq il-​ħajt tat-​tempju.

21 U l-​koxxa tal-​bieb tat-​tempju kienet kwadra;+ u quddiem il-​post qaddis kien hemm xi ħaġa li kienet tidher hekk: 22 l-artal taʼ l-​injam kien għoli tliet kubiti, u kien twil żewġ kubiti, u kellu pilastri fil-​kantunieri.+ U t-​tul u l-​ħitan tiegħu kienu taʼ l-​injam. U kellimni u qalli: “Din hi l-​mejda li tinsab quddiem Ġeħova.”+

23 U t-​tempju u l-​post qaddis kellhom żewġ bibien+ kull wieħed. 24 U kull bieb kellu żewġ bibien jintlewew fi tnejn. Bieb wieħed kellu żewġ bibien, u l-​ieħor kellu żewġ bibien ukoll. 25 U fuqhom, fuq il-​bibien tat-​tempju, kien hemm kerubini u tinqix taʼ siġar tal-​palm,+ bħal dawk taʼ fuq il-​ħajt, u kien hemm ħierġa ’l barra tisqifa taʼ l-​injam ’il fuq min-​naħa taʼ quddiem tal-​loġġa. 26 U kien hemm twieqi b’fetħa li tidjieq+ u tinqix taʼ siġar tal-​palm lil hawn u lil hemm tul il-​ġnub tal-​loġġa u l-​kmamar fil-​ġenb tad-​dar u t-​tisqif taʼ l-​injam.

42 U ħariġni+ lejn il-​bitħa taʼ barra min-​naħa tat-​tramuntana.+ U ħadni fil-​binja tal-​kmamar taʼ l-​ikel+ li kienet quddiem il-​wesgħa separata+ u quddiem il-​bini lejn it-​tramuntana. 2 Mal-faċċata li kienet twila mitt kubitu kien hemm id-​daħla tat-​tramuntana, u l-​wisaʼ kienet ħamsin kubitu. 3 Quddiem il-​wesgħa t’għoxrin kubitu tal-​bitħa taʼ ġewwa+ u quddiem il-​paviment+ tal-​bitħa taʼ barra kien hemm kuritur+ faċċata taʼ kuritur fi tliet sulari. 4 U quddiem il-​kmamar taʼ l-​ikel kien hemm passaġġ wiesaʼ għaxar kubiti għal ġewwa,+ mogħdija taʼ kubitu, u d-​daħliet tagħhom kienu lejn it-​tramuntana. 5 U, inkwantu għall-​bini, il-​kmamar taʼ l-​ikel taʼ fuqnett kienu idjaq, għax il-​kurituri kienu jieħdu minnhom, iktar minn dawk taʼ taħtnett u minn tan-​nofs. 6 Għax kienu fi tliet sulari,+ u ma kellhomx kolonni bħall-​kolonni tal-​btieħi. Kien għalhekk li ttieħed iktar spazju taʼ l-​art mis-​sular taʼ fuq milli minn dak taʼ taħtnett u tan-​nofs.

7 U l-​ħajt tal-​ġebel li kien fuq barra kien ħdejn il-​kmamar taʼ l-​ikel mal-​bitħa taʼ barra u quddiem il-​kmamar taʼ l-​ikel l-​oħrajn. It-​tul tiegħu kien ħamsin kubitu. 8 Għax it-​tul tal-​kmamar taʼ l-​ikel li kienu mal-​bitħa taʼ barra kien ħamsin kubitu, u quddiem it-​tempju kien mitt kubitu. 9 U fl-​ewwel sular tal-​binja tal-​kmamar taʼ l-​ikel kien hemm daħla lejn il-​lvant, li wieħed setaʼ jidħol għalihom mill-​bitħa taʼ barra.

10 Fil-wisaʼ tal-​ħajt tal-​ġebel tal-​bitħa li kien lejn il-​lvant, quddiem il-​wesgħa separata+ u quddiem il-​bini, kien hemm il-​kmamar taʼ l-​ikel.+ 11 U kien hemm mogħdija quddiemhom li kienet bħal tal-​kmamar taʼ l-​ikel li kienu lejn it-​tramuntana,+ u t-​tul u l-​wisaʼ tagħhom kienu l-​istess; u l-​postijiet kollha tal-​ħruġ kienu l-​istess, u l-​pjanti tagħhom kienu l-​istess u d-​daħliet tagħhom kienu l-​istess. 12 U bħad-​daħliet tal-​kmamar taʼ l-​ikel li kienu lejn in-​nofsinhar hekk kienet id-​daħla f’ras il-​mogħdija, il-​mogħdija quddiem il-​ħajt tal-​ġebel taʼ pariġġ u li kien lejn il-​lvant, meta wieħed jidħol għalihom.+

13 U qalli: “Il-​kmamar taʼ l-​ikel tat-​tramuntana u l-​kmamar taʼ l-​ikel tan-​nofsinhar li huma quddiem il-​wesgħa separata,+ dawn huma l-​kmamar taʼ l-​ikel qaddisin, fejn il-​qassisin li jersqu lejn+ Ġeħova jieklu l-​affarijiet l-​iktar imqaddsin.+ Hemmhekk iqiegħdu l-​affarijiet l-​iktar imqaddsin u l-​offerta tal-​qmuħ u l-​offerta għad-​dnub u l-​offerta għall-​ħtija, għax il-​post hu qaddis.+ 14 Meta dawn, il-​qassisin, ikunu daħlu, ma jerġgħux joħorġu mill-​post qaddis għall-​bitħa taʼ barra mingħajr ma jħallu hemmhekk l-​ilbiesi li s-​soltu jaqdu bihom,+ għax dawn huma xi ħaġa qaddisa. Huma jilbsu lbiesi oħrajn,+ u mbagħad jersqu lejn dak li għandu x’jaqsam man-​nies.”

15 U spiċċa jkejjel id-​dar taʼ ġewwa, u ħariġni barra billi għaddieni mill-​bieb li jħares lejn il-​lvant,+ u ħa xi qisien madwar il-​post.

16 Kejjel in-​naħa tal-​lvant bil-​qasba tal-​kejl. Kienet ħames mitt qasba, skond il-​qasba tal-​kejl,+ id-​dawra kollha.

17 Kejjel in-​naħa tat-​tramuntana, ħames mitt qasba, skond il-​qasba tal-​kejl, id-​dawra kollha.

18 In-naħa tan-​nofsinhar kejjilha wkoll, ħames mitt qasba, skond il-​qasba tal-​kejl.

19 U dar lejn in-​naħa tal-​punent u kejjel ħames mitt qasba, skond il-​qasba tal-​kejl.

20 Kejjel l-​erbaʼ naħat. Kien hemm ħajt dawramejt,+ b’tul taʼ ħames mitt qasba u wisaʼ taʼ ħames mitt qasba,+ biex jifred dak li hu qaddis minn dak li hu profan.+

43 Imbagħad ħadni ħdejn il-​bieb, il-​bieb li jħares lejn il-​lvant.+ 2 U l-​glorja+ t’Alla taʼ Israel kienet ġejja mid-​direzzjoni tal-​lvant,+ u leħnu kien bħal-​leħen taʼ ilmijiet kbar;+ u l-​art infisha bdiet tiddi minħabba l-​glorja tiegħu.+ 3 U d-​dehra kienet bħall-​viżjoni li kont rajt,+ bħall-​viżjoni li rajt meta kelli nagħmel lill-​belt ħerba;+ u rajt affarijiet bħal dawk tad-​dehra li rajt ħdejn ix-​xmara Kebar,+ u nxtħett wiċċi fl-​art.

4 U l-​glorja+ taʼ Ġeħova daħlet fid-​Dar mill-​bieb li n-​naħa taʼ quddiem tiegħu kienet tħares lejn il-​lvant.+ 5 U spirtu qajjimni+ u daħħalni fil-​bitħa taʼ ġewwa, u, ara, id-​Dar kienet imtliet bil-​glorja taʼ Ġeħova.+ 6 U bdejt nismaʼ lil xi ħadd ikellimni minn ġewwa d-​Dar,+ u r-​raġel kien wieqaf ħdejja.+ 7 U Hu qalli:

“Bin il-​bniedem, dan hu l-​post tat-​tron tiegħi+ u l-​post taʼ qiegħ saqajja,+ fejn se ngħammar f’nofs ulied Israel għal żmien indefinit;+ u huma, dar Israel, ma jibqgħux ikasbru lil ismi l-​qaddis,+ huma u s-​slaten tagħhom,+ biż-​żína tagħhom u bl-​idoli li huma qdew bħala slaten,*+ 8 billi jagħmlu l-​għatba tagħhom maʼ l-​għatba tiegħi u l-​koxxa tal-​bieb tagħhom ħdejn il-​koxxa tal-​bieb tiegħi, bil-​ħajt biss bejni u bejnhom.+ U kasbru lil ismi l-​qaddis bl-​affarijiet mistkerrhin li għamlu,+ u għalhekk qridthom għalkollox fir-​rabja tiegħi.+ 9 Issa, ħalli jwarrbu ż-​żína tagħhom+ u l-​katavri tas-​slaten tagħhom ’il bogħod minni,+ u jien ngħammar f’nofshom għal żmien indefinit.+

10 “U int, O bin il-​bniedem, għarraf lil dar Israel dwar id-​Dar,+ sabiex iħossuhom umiljati minħabba l-​iżbalji tagħhom,+ u huma għandhom iqisu t-​tifsila tagħha. 11 U jekk iħossuhom umiljati minħabba dak kollu li għamlu, għarrafhom il-​pjanta taʼ l-​art tad-​Dar,+ u l-​arranġament tagħha u l-​postijiet tal-​ħruġ u d-​dħul tagħha, u l-​pjanti kollha tagħha u d-​dettalji kollha tagħha, u l-​pjanti kollha tagħha u l-​liġijiet kollha tagħha u iktibhom quddiem għajnejhom, sabiex ikunu jistgħu josservaw il-​pjanta kollha tagħha u d-​dettalji kollha tagħha u jwettquhom.+ 12 Din hi l-​liġi tad-​Dar. Fuq il-​quċċata tal-​muntanja, it-​territorju kollu tagħha dawramejt hu xi ħaġa mill-​iktar qaddisa.+ Ara! Din hi l-​liġi tad-​Dar.

13 “U dawn huma l-​qisien taʼ l-​artal bil-​kubiti,+ kubitu li huwa kubitu u wisaʼ taʼ id.+ Il-​qiegħ tiegħu hu kubitu. U l-​wisaʼ hi kubitu. U għandu xoffa max-​xifer tiegħu dawramejt, għolja xiber. U din hi l-​bażi taʼ l-​artal. 14 U mill-​qiegħ maʼ l-​art sa l-​ixkaffa taʼ taħt taʼ mad-​dawra hemm żewġ kubiti. U mill-​ixkaffa ż-​żgħira taʼ mad-​dawra sa l-​ixkaffa l-​kbira taʼ mad-​dawra hemm erbaʼ kubiti, u l-​wisaʼ tagħha hi kubitu. 15 U l-​fuklar taʼ l-​artal hu erbaʼ kubiti, u ħerġin ’il fuq minn ġol-​fuklar taʼ l-​artal hemm l-​erbat iqrun.+ 16 U l-​fuklar taʼ l-​artal twil tnax-il kubitu, u wiesaʼ tnax-il kubitu,+ u huwa kwadru fuq l-​erbaʼ naħat tiegħu.+ 17 U l-​ixkaffa taʼ mad-​dawra hi twila erbatax-il kubitu, u wiesgħa erbatax-il kubitu, fl-​erbaʼ naħat tagħha; u x-​xifer taʼ mad-​dawra hu taʼ nofs kubitu, u l-​qiegħ huwa kubitu dawramejt.

“U t-​taraġ tiegħu jħares lejn il-​lvant.”

18 U qalli: “Bin il-​bniedem, hekk qal il-​Mulej Sovran Ġeħova, ‘Dawn huma l-​istatuti taʼ l-​artal mogħtijin dakinhar li ntgħamel, sabiex jiġu offruti fuqu offerti sħaħ tal-​ħruq+ u biex jitraxxax fuqu d-​demm.’+

19 “‘Lill-​qassisin Levitiċi,+ li huma minn ulied Sadok,+ dawk li jersqu lejja,’+ hija l-​kelma tal-​Mulej Sovran Ġeħova, ‘biex jaqduni, agħtihom barri żgħir, wild il-​merħla, bħala offerta għad-​dnub.+ 20 U trid tieħu ftit minn demmu u tqiegħdu fuq l-​erbat iqrun tiegħu u fuq l-​erbaʼ kantunieri taʼ l-​ixkaffa taʼ mad-​dawra u fuq ix-​xifer dawramejt u tippurifikah mid-​dnub+ u tagħmel tpattija għalih.+ 21 U trid tieħu l-​barri żgħir, l-​offerta għad-​dnub, u jridu jaħarquh fil-​post stabbilit tad-​Dar, barra s-​santwarju.+ 22 U fit-​tieni jum trid tressaq bodbod, bla difett, bħala offerta għad-​dnub; u jippurifikaw l-​artal mid-​dnub bħalma ppurifikawh mid-​dnub bil-​barri żgħir.’

23 “‘U meta ttemm il-​purifikazzjoni mid-​dnub ressaq barri żgħir bla difett, wild il-​merħla, u muntun bla difett mill-​merħla. 24 U trid tressaqhom quddiem Ġeħova, u l-​qassisin iridu jitfgħulhom il-​melħ u joffruhom+ bħala offerta sħiħa tal-​ħruq lil Ġeħova. 25 Għal sebat ijiem toffri bodbod kuljum+ bħala offerta għad-​dnub; u huma joffru barri żgħir, wild il-​merħla, u muntun mill-​merħla, li jkunu perfetti. 26 Għal sebat ijiem jagħmlu tpattija+ għall-​artal, u jnaddfuh u jħejjuh. 27 U huma jtemmu l-​jiem. U fit-​tmien jum+ u minn dakinhar ’il quddiem il-​qassisin joffru fuq l-​artal l-​offerti sħaħ tal-​ħruq tagħkom u tas-​sagrifiċċji taʼ sħubija* tagħkom; u jien nieħu pjaċir bikom,’+ hija l-​kelma tal-​Mulej Sovran Ġeħova.”

44 U reġaʼ ħadni lejn il-​bieb tas-​santwarju, dak taʼ barra li jħares lejn il-​lvant,+ u kien magħluq.+ 2 Imbagħad Ġeħova qalli: “Dan il-​bieb se jibqaʼ magħluq. Ma jinfetaħx, u l-​ebda bniedem ma jidħol minnu; għax Ġeħova nnifsu, l-​Alla taʼ Israel,+ daħal minnu, u jrid jibqaʼ magħluq. 3 Madankollu, il-​kap ewlieni+—bħala kap ewlieni, se joqgħod bil-​qiegħda fil-​bieb, sabiex jiekol il-​ħobż quddiem Ġeħova.+ Mil-​loġġa tal-​bieb jidħol, u minnha joħroġ.”+

4 U mbagħad ħadni mill-​bieb tat-​tramuntana għal quddiem id-​Dar, sabiex nara. U l-​glorja taʼ Ġeħova mliet id-​dar taʼ Ġeħova.+ U jien inxtħett wiċċi fl-​art.+ 5 Imbagħad Ġeħova qalli: “Bin il-​bniedem, kun moħħok+ hawn u ara b’għajnejk, u ismaʼ b’widnejk kulma qed ngħidlek dwar l-​istatuti kollha tad-​dar taʼ Ġeħova u dwar il-​liġijiet kollha tagħha, u kun moħħok fid-​daħla tad-​Dar bil-​postijiet kollha tal-​ħruġ tas-​santwarju. 6 U għid lil Ribelljoni,+ lil dar Israel, ‘Hekk qal il-​Mulej Sovran Ġeħova: “Għamiltu biżżejjed bl-​affarijiet mistkerrhin kollha tagħkom, O dar Israel,+ 7 meta ddaħħlu lill-​barranin mhux ċirkonċiżi f’qalbhom u mhux ċirkonċiżi f’ġisimhom,+ u jiġu fis-​santwarju tiegħi u jipprofanawh, iva, id-​dar tiegħi; meta tippreżentaw il-​ħobż tiegħi,+ xaħam+ u demm,+ waqt li l-​patt tiegħi jkompli jinkiser minħabba l-​affarijiet mistkerrhin kollha tagħkom.+ 8 U ma ħadtux ħsieb l-​obbligu taʼ l-​affarijiet imqaddsin tiegħi,+ u lanqas ma qabbadtu lil oħrajn biex jieħdu ħsieb l-​obbligu tiegħi fis-​santwarju tiegħi minflokkom.”’+

9 “‘Hekk qal il-​Mulej Sovran Ġeħova: “L-​ebda barrani, mhux ċirkonċiż fil-​qalb u mhux ċirkonċiż fil-​ġisem, ma jistaʼ jidħol fis-​santwarju tiegħi, jiġifieri, kwalunkwe barrani li hemm fost ulied Israel.”’+

10 “‘Imma l-​Leviti li tbiegħdu minni+ meta Israel, li żvija minn warajja, żvija għal wara l-​idoli tiegħu moqżieża daqs id-​demel, huma wkoll jitgħabbew bl-​iżball tagħhom.+ 11 U mbagħad fis-​santwarju tiegħi jsiru ministri b’pożizzjonijiet taʼ indokrar fil-​bibien tad-​Dar u ministri fid-​Dar.+ Huma joqtlu l-​offerta sħiħa tal-​ħruq u s-​sagrifiċċju għan-​nies,+ u jieqfu quddiemhom biex jaqduhom.+ 12 Talli baqgħu jaqduhom quddiem l-​idoli tagħhom moqżieża daqs id-​demel+ u saru tfixkil għal dar Israel biex tiżbalja,+ għalhekk għollejt idi kontrihom,’+ hija l-​kelma tal-​Mulej Sovran Ġeħova, ‘u jridu jitgħabbew bl-​iżball tagħhom. 13 U ma jersqux lejja biex jaqduni bħala qassisin jew biex jersqu lejn l-​affarijiet imqaddsin tiegħi, lejn l-​iktar affarijiet imqaddsin,+ u jridu jġorru l-​umiljazzjoni tagħhom u l-​konsegwenzi taʼ l-​affarijiet mistkerrhin li għamlu.+ 14 U jien nagħtihom l-​inkarigu li jieħdu ħsieb l-​obbligu tad-​Dar, fejn jidħol is-​servizz kollu tagħha u kulma jrid isir fiha.’+

15 “‘U l-​qassisin Levitiċi,+ ulied Sadok,+ li ħadu ħsieb l-​obbligu tas-​santwarju tiegħi meta wlied Israel żvijaw minn warajja,+ se jersqu lejja biex jaqduni, u se jieqfu quddiemi+ biex jippreżentawli x-​xaħam+ u d-​demm,’+ hija l-​kelma tal-​Mulej Sovran Ġeħova. 16 ‘Huma dawn li se jidħlu fis-​santwarju tiegħi,+ u huma jersqu lejn il-​mejda tiegħi biex jaqduni,+ u huma jieħdu ħsieb l-​obbligu lejja.+

17 “‘U meta jidħlu fil-​bibien tal-​bitħa taʼ ġewwa, iridu jilbsu lbiesi taʼ l-​għażel, u m’għandu jkollhom l-​ebda lbies tas-​suf fuqhom meta jaqdu fil-​bibien tal-​bitħa taʼ ġewwa u fuq ġewwa.+ 18 Fuq rashom ikollhom għata taʼ l-​għażel,+ u fuq ġenbejhom għandu jkollhom qliezet taʼ taħt taʼ l-​għażel.+ M’għandhomx jilbsu lbies li jġegħelhom jogħrqu. 19 U meta joħorġu fil-​bitħa taʼ barra, iva, fil-​bitħa taʼ barra lejn in-​nies, iridu jinżgħu l-​ilbiesi tagħhom li jkunu qed jaqdu bihom,+ u jħalluhom fil-​kmamar taʼ l-​ikel qaddisin+ u jilbsu lbiesi oħrajn, sabiex ma jqaddsux in-​nies bl-​ilbiesi tagħhom.+ 20 U m’għandhomx iqaxxru rashom,+ u xagħarhom m’għandhomx iħalluh jitwal. Iridu assolutament jaqtgħu xagħar rashom.+ 21 U ħadd mill-​qassisin m’għandu jixrob inbid meta jidħol fil-​bitħa taʼ ġewwa.+ 22 U m’għandhom jieħdu lill-​ebda armla jew mara divorzjata bħala marthom,+ imma jistgħu jieħdu verġni minn ulied dar Israel,+ jew armla li tkun l-​armla taʼ qassis.’

23 “‘U għandhom jgħallmu lill-​poplu tiegħi d-​differenza bejn ħaġa qaddisa u ħaġa profana; u għandhom jgħarrfuhom bid-​differenza bejn dak li hu nadif u dak li mhux nadif.+ 24 U f’kawża legali huma stess iridu jieqfu sabiex jiġġudikaw;+ bid-​deċiżjonijiet ġudizzjarji tiegħi jiġġudikaw.+ U għandhom iħarsu l-​liġijiet u l-​istatuti tiegħi dwar l-​istaġuni tal-​festi kollha tiegħi,+ u għandhom iqaddsu s-​Sabatijiet tiegħi.+ 25 U qassis m’għandux jidħol ħdejn persuna mejta u b’hekk ma jibqax nadif, imma għal missieru jew għal ommu jew għal ibnu jew għal bintu jew għal ħuh jew għal oħtu li ma jkollhiex raġel jistaʼ ma jibqax nadif.+ 26 U wara l-​purifikazzjoni tiegħu, iridu jgħoddulu sebat ijiem.+ 27 U dakinhar li jidħol fil-​post qaddis, fil-​bitħa taʼ ġewwa, biex jaqdi fil-​post qaddis, għandu jippreżenta l-​offerta tad-​dnub tiegħu,’+ hija l-​kelma tal-​Mulej Sovran Ġeħova.

28 “‘U dan isir tagħhom bħala wirt: Jien il-​wirt tagħhom.+ U intom m’għandkom tagħtuhom xejn biex tkun il-​proprjetà tagħhom f’Israel: Jien il-​proprjetà tagħhom. 29 L-offerta tal-​qmuħ u l-​offerta għad-​dnub u l-​offerta għall-​ħtija jikluhom huma.+ U kull ħaġa dedikata* f’Israel issir tagħhom.+ 30 U l-​ewwel mill-​ewwel frott misjur taʼ kull xorta u l-​ewwel minn kull kontribuzzjoni taʼ kull xorta, minn dak kollu li ġġibu bħala kontribuzzjonijiet, isiru tal-​qassisin;+ u l-​ewwel frott tad-​dqiq mhux irfinut għandkom tagħtuh lill-​qassis,+ sabiex il-​barka tistrieħ fuq id-​dar tagħkom.+ 31 Il-qassisin m’għandhom jieklu l-​ebda ġisem li jkun diġà mejjet u l-​ebda ħliqa mit-​tjur jew mill-​bhejjem li tkun tqattgħet biċċiet.’+

45 “‘U meta tqassmu l-​art bħala wirt,+ għandkom toffru kontribuzzjoni lil Ġeħova,+ sehem qaddis mill-​art;+ it-​tul, ħamsa u għoxrin elf kubitu, u l-​wisaʼ, għaxart elef.+ Dan ikun sehem qaddis fit-​trufijiet kollha tagħha* dawramejt. 2 Minn din għandu jkun hemm għall-​post qaddis ħames mija b’ħames mija, kwadru dawramejt;+ u jkollu ħamsin kubitu fuq kull naħa għall-​mergħa.+ 3 U minn dan il-​kejl għandek tkejjel tul taʼ ħamsa u għoxrin elf u wisaʼ t’għaxart elef, u fih ikun hemm is-​santwarju, xi ħaġa mill-​iktar qaddisa.+ 4 Dan is-​sehem qaddis mill-​art ikun għall-​qassisin,+ il-​ministri tas-​santwarju, dawk li jersqu biex jaqdu lil Ġeħova.+ U jkun għalihom post għad-​djar, u post sagru għas-​santwarju.

5 “‘Ikun hemm tul taʼ ħamsa u għoxrin elf u wisaʼ t’għaxart elef.+ Dan ikun tal-​Leviti, il-​ministri tad-​Dar. Ikollhom għoxrin kamra taʼ l-​ikel għalihom.+

6 “‘U tagħtu wisaʼ taʼ ħamest elef u tul taʼ ħamsa u għoxrin elf biex ikunu tal-​belt, eżatt daqs il-​kontribuzzjoni qaddisa.+ Dan ikun taʼ dar Israel kollha.

7 “‘U fuq naħa waħda u fuq in-​naħa l-​oħra tal-​kontribuzzjoni qaddisa+ u l-​proprjetà tal-​belt, ħdejn il-​kontribuzzjoni qaddisa u ħdejn il-​proprjetà tal-​belt, ikun hemm għall-​kap ewlieni art fuq in-​naħa tal-​punent u art fuq in-​naħa tal-​lvant. U t-​tul ikun eżatt daqs wieħed mill-​ishma tat-​tribujiet, mill-​fruntiera tal-​punent sal-​fruntiera tal-​lvant.+ 8 U l-​art tkun tiegħu bħala proprjetà f’Israel. U l-​kapijiet ewlenin tiegħi ma jimmaltrattawx iktar lill-​poplu tiegħi,+ u l-​art jagħtuha lil dar Israel skond it-​tribujiet tagħhom.’+

9 “Hekk qal il-​Mulej Sovran Ġeħova, ‘Biżżejjed, O kapijiet ewlenin taʼ Israel!’+

“‘Neħħu l-​vjolenza u t-​tħarbit,+ u agħmlu l-​ġustizzja u s-​sewwa.+ Tibqgħux tieħdu l-​proprjetà tal-​poplu tiegħi bil-​forza,’+ hija l-​kelma tal-​Mulej Sovran Ġeħova. 10 ‘Għandu jkollkom miżien eżatt u efa eżatta u bat eżatt.+ 11 U għall-​efa u l-​bat għandu jkun hemm biss ammont fiss wieħed, biex il-​bat jesaʼ wieħed minn għaxra taʼ ħomer u wieħed minn għaxra taʼ ħomer jesaʼ efa;+ l-​ammont meħtieġ ikun determinat skond il-​ħomer. 12 U x-​xekel+ hu għoxrin gera.+ U għalikom il-​piż tal-​mane għandu jkun għoxrin xekel, ħamsa u għoxrin xekel, ħmistax-il xekel.’

13 “‘Din hi l-​kontribuzzjoni li għandkom toffru, is-​sitt parti t’efa minn ħomer qamħ, u s-​sitt parti t’efa minn ħomer xgħir; 14 u inkwantu għas-​sehem taż-​żejt, dan għandu jitkejjel bil-​bat. Il-​bat hu wieħed minn għaxra taʼ kor. Għaxar batiet huma ħomer; għax għaxar batiet huma ħomer. 15 U għandkom toffru nagħġa mill-​merħla, jiġifieri, nagħġa minn kull mitejn waħda minn fost il-​bhejjem taʼ Israel.+ Dawn l-​offerti jkunu għall-​offerta tal-​qmuħ+ u għall-​offerta sħiħa tal-​ħruq+ u għas-​sagrifiċċji taʼ sħubija,+ sabiex tagħmlu tpattija għalihom,’+ hija l-​kelma tal-​Mulej Sovran Ġeħova.

16 “‘U n-​nies kollha tal-​pajjiż ikunu responsabbli li jagħtu din il-​kontribuzzjoni+ lill-​kap ewlieni f’Israel.+ 17 U r-​responsabbiltà taʼ l-​offerti sħaħ tal-​ħruq+ u l-​offerta tal-​qmuħ+ u l-​offerta tax-​xorb+ matul il-​festi+ u matul kull qamar ġdid+ u matul is-​Sabatijiet,+ matul l-​istaġuni tal-​festi kollha taʼ dar Israel,+ taqaʼ fuq il-​kap ewlieni.+ Hu jkun il-​wieħed li jipprovdi l-​offerta għad-​dnub u l-​offerta tal-​qmuħ u l-​offerta sħiħa tal-​ħruq u s-​sagrifiċċji taʼ sħubija, sabiex issir tpattija għan-​nom taʼ dar Israel.’

18 “Hekk qal il-​Mulej Sovran Ġeħova, ‘Fl-​ewwel xahar, fl-​ewwel jum tax-​xahar, għandek tieħu barri żgħir bla difett,+ wild il-​merħla, u trid tippurifika s-​santwarju mid-​dnub.+ 19 U l-​qassis għandu jieħu ftit mid-​demm taʼ l-​offerta għad-​dnub u jqiegħdu mal-​koxxa tal-​bieb+ tad-​Dar u maʼ l-​erbaʼ kantunieri taʼ l-​ixkaffa taʼ mad-​dawra taʼ l-​artal+ u mal-​koxxa tal-​bieb tal-​bitħa taʼ ġewwa. 20 U hekk ukoll tagħmel fis-​sebaʼ jum tax-​xahar minħabba kulmin jidneb bi żball+ u minħabba kulmin hu bla esperjenza; u tridu tagħmlu tpattija għad-​Dar.+

21 “‘Fl-​ewwel xahar, fl-​erbatax-il jum tax-​xahar, għandu jkollkom il-​Qbiż.+ Imbagħad bħala festa għal sebat ijiem għandu jittiekel ħobż bla ħmira.+ 22 U dakinhar, għan-​nom tiegħu u għan-​nom tan-​nies kollha tal-​pajjiż, il-​kap ewlieni għandu jipprovdi barri żgħir bħala offerta għad-​dnub.+ 23 U għas-​sebat ijiem tal-​festa+ għandu jipprovdi bħala offerta sħiħa tal-​ħruq lil Ġeħova sebaʼ barrin żgħar u sebaʼ mtaten, bla difett, kuljum għas-​sebat ijiem,+ u bħala offerta għad-​dnub bodbod kuljum.+ 24 U bħala offerta tal-​qmuħ għandu jipprovdi efa għall-​barri żgħir u efa għall-​muntun, u ħinn żejt għal kull efa.+

25 “‘Fis-​sebaʼ xahar, fil-​ħmistax-il jum tax-​xahar, matul il-​festa,+ għandu jipprovdi l-​istess affarijiet għal sebat ijiem,+ l-​istess offerta għad-​dnub, l-​istess offerta sħiħa tal-​ħruq, u l-​istess offerta tal-​qmuħ u l-​istess żejt.’”

46 “Hekk qal il-​Mulej Sovran Ġeħova, ‘Il-​bieb tal-​bitħa taʼ ġewwa li jħares lejn il-​lvant+ għandu jibqaʼ magħluq+ għas-​sitt ġranet tax-​xogħol,+ u f’jum is-​Sabat jinfetaħ, u f’jum il-​qamar ġdid jinfetaħ.+ 2 U l-​kap ewlieni għandu jidħol billi jgħaddi mil-​loġġa tal-​bieb,+ minn barra, u jieqaf ħdejn il-​koxxa tal-​bieb;+ u l-​qassisin joffru l-​offerta sħiħa tal-​ħruq tiegħu u s-​sagrifiċċji taʼ sħubija tiegħu, u hu jrid imil fuq l-​għatba tal-​bieb,+ u joħroġ, imma l-​bieb m’għandux jingħalaq sa fil-​għaxija. 3 U n-​nies tal-​pajjiż iridu jmilu fid-​daħla tal-​bieb fis-​Sabatijiet u f’jiem il-​qamar ġdid, quddiem Ġeħova.+

4 “‘U l-​offerta sħiħa tal-​ħruq li l-​kap ewlieni għandu jippreżenta lil Ġeħova f’jum is-​Sabat għandha tkun sitt iħrief irġiel li jkunu bla difett u muntun bla difett;+ 5 u bħala offerta tal-​qmuħ għandu joffri efa għall-​muntun,+ u għall-​ħrief offerta tal-​qmuħ skond ma jistaʼ jagħti,+ u ħinn żejt għal kull efa.+ 6 U f’jum il-​qamar ġdid+ għandu jkun hemm barri żgħir bla difett, wild il-​merħla, u sitt iħrief irġiel u muntun; dawn għandhom ikunu bla difett.+ 7 U bħala offerta tal-​qmuħ għandu joffri efa għall-​barri żgħir u efa għall-​muntun, u għall-​ħrief skond kemm ikun jistaʼ; u ħinn żejt għal kull efa.+

8 “‘U meta jidħol il-​kap ewlieni,+ hu għandu jidħol mil-​loġġa tal-​bieb, u minnha joħroġ.+ 9 U meta n-​nies tal-​pajjiż jidħlu quddiem Ġeħova fl-​istaġuni tal-​festi,+ dak li jidħol mill-​bieb tat-​tramuntana+ sabiex imil għandu joħroġ mill-​bieb tan-​nofsinhar;+ u dak li jidħol mill-​bieb tan-​nofsinhar għandu joħroġ mill-​bieb lejn it-​tramuntana. Ħadd m’għandu jerġaʼ lura mill-​bieb li jkun daħal minnu, imma għandu joħroġ billi jibqaʼ sejjer dritt. 10 U l-​kap ewlieni li jkun hemm f’nofshom għandu jidħol meta jidħlu huma; u meta joħorġu, joħroġ hu.+ 11 U fil-​festi+ u fl-​istaġuni tal-​festi, l-​offerta tal-​qmuħ għandha tkun efa għall-​barri żgħir u efa għall-​muntun, u għall-​ħrief skond ma jkun jistaʼ jagħti; u ħinn żejt għal kull efa.+

12 “‘U jekk il-​kap ewlieni jipprovdi bħala offerta volontarja offerta sħiħa tal-​ħruq,+ jew sagrifiċċji taʼ sħubija bħala offerta volontarja lil Ġeħova, xi ħadd irid jiftaħlu l-​bieb li jħares lejn il-​lvant,+ u hu jipprovdi l-​offerta sħiħa tal-​ħruq tiegħu u s-​sagrifiċċji taʼ sħubija tiegħu bħalma jagħmel f’jum is-​Sabat.+ U joħroġ, u jagħlqu l-​bieb warajh.+

13 “‘U kuljum trid tipprovdi ħaruf bla difett, fl-​ewwel sena tiegħu, bħala offerta sħiħa tal-​ħruq lil Ġeħova.+ Għandek tipprovdih kull fil-​għodu 14 u għandek tipprovdi miegħu bħala offerta tal-​qmuħ is-​sitt parti t’efa, u terz taʼ ħinn żejt biex jitraxxax fuq id-​dqiq fin.+ L-​offerta tal-​qmuħ lil Ġeħova hija statut li jdum għal żmien indefinit, il-​ħin kollu. 15 U jridu jipprovdu l-​ħaruf u l-​offerta tal-​qmuħ u ż-​żejt kull fil-​għodu bħala offerta sħiħa tal-​ħruq offruta regolarment.’

16 “Hekk qal il-​Mulej Sovran Ġeħova, ‘Jekk il-​kap ewlieni jagħti rigal lil kull wieħed minn uliedu bħala wirt, dan isir il-​proprjetà taʼ wliedu. Ikun il-​proprjetà tagħhom b’wirt. 17 U jekk jagħti rigal minn wirtu lil xi ħadd mill-​qaddejja tiegħu, dan ikun tiegħu sas-​sena tal-​libertà;+ u mbagħad irid jerġaʼ jmur għand il-​kap ewlieni. Uliedu biss għandhom jibqgħu jżommu bħala proprjetà tagħhom il-​wirt li jagħtihom. 18 U l-​kap ewlieni m’għandux jieħu xi wirt minn tan-​nies u jkeċċihom mill-​proprjetà tagħhom.+ Mill-​proprjetà tiegħu stess għandu jagħti lil uliedu bħala wirt, sabiex ħadd mill-​poplu tiegħi ma jixxerred ’il bogħod mill-​proprjetà tiegħu.’”+

19 U daħħalni mid-​daħla+ li kienet maġenb il-​bieb għal ġol-​kmamar taʼ l-​ikel qaddisin, il-​kmamar tal-​qassisin, li kienu jħarsu lejn it-​tramuntana,+ u kien hemm post hemmhekk fuq in-​naħa taʼ wara lejn il-​punent. 20 U qalli: “Dan hu l-​post fejn il-​qassisin se jgħallu l-​offerta għall-​ħtija+ u l-​offerta għad-​dnub,+ u fejn se jaħmu l-​offerta tal-​qmuħ,+ sabiex ma joħorġu xejn lejn il-​bitħa taʼ barra u bih iqaddsu n-​nies.”+

21 U ħariġni lejn il-​bitħa taʼ barra u ħadni ħdejn l-​erbaʼ pilastri tal-​kantuniera tal-​bitħa, u kien hemm bitħa ħdejn dan il-​pilastru tal-​kantuniera tal-​bitħa, u bitħa ħdejn dak il-​pilastru tal-​kantuniera tal-​bitħa. 22 Ħdejn l-​erbaʼ pilastri tal-​kantuniera tal-​bitħa kien hemm btieħi żgħar, twal erbgħin kubitu u wesgħin tletin kubitu. L-​erbgħa li huma, li kellhom bini fil-​kantuniera, kienu taʼ l-​istess qjies. 23 U kien hemm ringiela ġebel dawramejt, dawramejt maʼ l-​erbgħa li huma, u taħt ir-​ringieli dawramejt kien hemm postijiet fejn isajru.+ 24 Imbagħad qalli: “Dawn huma l-​kċejjen għal dawk li jgħallu, fejn il-​ministri tad-​Dar jgħallu s-​sagrifiċċju tan-​nies.”+

47 U mbagħad ħadni lura lejn id-​daħla tad-​Dar,+ u kien hemm l-​ilma+ ħiereġ minn taħt l-​għatba tad-​Dar lejn il-​lvant,+ għax in-​naħa taʼ quddiem tad-​Dar kienet fil-​lvant. U l-​ilma kien nieżel minn taħt, min-​naħa tal-​lemin tad-​Dar, lejn in-​nofsinhar taʼ l-​artal.

2 U ħariġni billi għaddieni mill-​bieb tat-​tramuntana+ u ħadni mit-​triq taʼ barra għall-​bieb taʼ barra li jħares lejn il-​lvant,+ u l-​ilma+ kien nieżel min-​naħa tal-​lemin.

3 Meta r-​raġel mar lejn il-​lvant b’ħabel tal-​kejl f’idu,+ hu kejjel elf kubitu u għaddieni mill-​ilma, ilma li kien jilħaq l-​għekiesi taʼ saqajja.

4 U kejjel elf oħra u għaddieni mill-​ilma, ilma li kien sa rkopptejja.

U kejjel elf oħra u reġaʼ għaddieni minnu—l-​ilma kien sa ġenbejja.

5 U kejjel elf oħra. U kien wied li ma stajtx ngħaddi minnu, għax l-​ilma kien għola, ilma li stajt tgħum fih, wied li ma stajtx tgħaddi minnu.

6 Imbagħad, qalli: “Rajtu dan, O bin il-​bniedem?”

Wara dan, mexxieni u ħadni lura lejn ix-​xatt tal-​wied. 7 Meta rġajt lura, ara, fuq ix-​xatt tal-​wied kien hemm ħafna u ħafna siġar, fuq din in-​naħa u fuq in-​naħa l-​oħra.+ 8 U qalli: “Dan l-​ilma sejjer lejn ir-​reġjun tal-​lvant u se jinżel u jgħaddi mill-​Għaraba.+ U jasal sal-​baħar.+ U meta jmur fil-​baħar,+ l-​ilma tiegħu jfiq. 9 U jrid iseħħ li kull ruħ li tgħix fi qtajjaʼ,+ f’kull post fejn imur il-​wied li għola d-​doppju, se tieħu l-​ħajja. U jkun hemm ħafna u ħafna ħut, għax hemmhekk se jmur dan l-​ilma, u l-​ilma baħar ifiq,+ u kulfejn imur il-​wied kollox ikun ħaj.

10 “U jrid iseħħ li s-​sajjieda jieqfu ħdejh minn Għajn-gedi+ sa Għajn-għeġlajm. Hemmhekk ikun hemm wesgħa fejn inixxfu x-​xbieki tas-​sajd. Se jkun hemm ħafna u ħafna tipi taʼ ħut, bħall-​ħut tal-​Baħar il-​Kbir.*+

11 “Il-​postijiet tiegħu bl-​ilma qiegħed u l-​postijiet kollhom għadajjar ma jfiqux.+ Dawn jingħataw għall-​melħ.+

12 “U mal-​ġnub tal-​wied, max-​xatt fuq naħa u fuq oħra, jitilgħu kull xorta taʼ siġar tajbin għall-​ikel.+ Il-​weraq tagħhom ma jidbielx,+ u l-​frott tagħhom ma jispiċċax.+ Kull xahar jagħmlu frott ġdid, għax l-​ilma għalihom ħiereġ mis-​santwarju stess.+ U l-​frott tagħhom ikun għall-​ikel u l-​weraq tagħhom għall-​fejqan.”+

13 Hekk qal il-​Mulej Sovran Ġeħova: “Dan hu t-​territorju li se tqassmu b’wirt bejnietkom bħala l-​art għat-​tnax-il tribù taʼ Israel, b’żewġ biċċiet art għal Ġużeppi.+ 14 U intom se tirtu, kull wieħed daqs ħuh, l-​art li għaliha għollejt idi biex naħlef+ li nagħtiha lil missirijietkom;+ u din l-​art tirtuha skond kif imisskom bix-​xorti.+

15 “U din hi l-​fruntiera taʼ l-​art fuq in-​naħa tat-​tramuntana, mill-​Baħar il-​Kbir ħdejn it-​triq għal Ħetlon,+ u tibqaʼ sejra Sedad,+ 16 Ħamat,+ Berota,+ Sibrajm, bejn il-​fruntiera taʼ Damasku+ u l-​fruntiera taʼ Ħamat; Ħaser-ħattikon, li qiegħed lejn il-​fruntiera taʼ Ħawran.+ 17 U l-​fruntiera mill-​baħar tkun Ħasar-għenon,+ il-​fruntiera taʼ Damasku u t-​tramuntana—lejn it-​tramuntana, u l-​fruntiera taʼ Ħamat.+ Din hi n-​naħa tat-​tramuntana.

18 “U n-​naħa tal-​lvant hi minn bejn Ħawran+ u Damasku+ u tul il-​Ġordan+ bejn Gilegħad+ u l-​art taʼ Israel; mill-​fruntiera sal-​baħar tal-​lvant għandkom tkejlu. Din hi n-​naħa tal-​lvant.

19 “U n-​naħa tan-​nofsinhar, li tħares lejn in-​nofsinhar, hi minn Tamar+ sa l-​ilmijiet taʼ Meribat-kades,+ il-​wied*+ lejn il-​Baħar il-​Kbir. Din hi n-​naħa lejn in-​nofsinhar, lejn in-​Negeb.

20 “U fin-​naħa tal-​punent hemm il-​Baħar il-​Kbir, mill-​fruntiera dritt sad-​daħla taʼ Ħamat.+ Din hi n-​naħa tal-​punent.”

21 “U tridu tqassmu din l-​art bejnietkom, lit-​tnax-il tribù taʼ Israel. 22 U tridu tqassmuha b’wirt għalikom+ u għar-​residenti barranin li qed jgħixu f’nofskom bħala barranin,+ li nisslu l-​ulied f’nofskom. U jsiru għalikom bħal nies tal-​post fost ulied Israel. Magħkom ikun imisshom wirt f’nofs it-​tribujiet taʼ Israel.+ 23 U jrid iseħħ li lir-​resident barrani tagħtuh wirtu fit-​tribù li jkun mar jgħix fih bħala barrani,” hija l-​kelma tal-​Mulej Sovran Ġeħova.

48 “U dawn huma l-​ismijiet tat-​tribujiet. Mit-​tarf tat-​tramuntana, fuq in-​naħa tat-​triq taʼ Ħetlon+ sad-​daħla taʼ Ħamat,+ Ħasar-għenan,+ il-​fruntiera taʼ Damasku lejn it-​tramuntana, fuq in-​naħa taʼ Ħamat; u jkun hemm it-​tarf tal-​lvant u tal-​punent: Dan,+ sehem wieħed. 2 U mal-​fruntiera taʼ Dan, mit-​tarf tal-​lvant sat-​tarf tal-​punent: Aser,+ sehem wieħed. 3 U mal-​fruntiera t’Aser, mit-​tarf tal-​lvant sat-​tarf tal-​punent: Naftali,+ sehem wieħed. 4 U mal-​fruntiera taʼ Naftali, mit-​tarf tal-​lvant sat-​tarf tal-​punent: Manasse,+ sehem wieħed. 5 U mal-​fruntiera taʼ Manasse, mit-​tarf tal-​lvant sat-​tarf tal-​punent: Efrajm,+ sehem wieħed. 6 U mal-​fruntiera t’Efrajm, mit-​tarf tal-​lvant sat-​tarf tal-​punent: Ruben,+ sehem wieħed. 7 U mal-​fruntiera taʼ Ruben, mit-​tarf tal-​lvant sat-​tarf tal-​punent: Ġuda,+ sehem wieħed. 8 U mal-​fruntiera taʼ Ġuda, mit-​tarf tal-​lvant sat-​tarf tal-​punent, il-​kontribuzzjoni li għandkom tikkontribwixxu trid tkun wiesgħa ħamsa u għoxrin elf kubitu,+ u twila skond wieħed mill-​ishma mit-​tarf tal-​lvant sat-​tarf tal-​punent. U s-​santwarju jrid ikun f’nofsha.+

9 “U l-​kontribuzzjoni li għandkom tikkontribwixxu lil Ġeħova tkun twila ħamsa u għoxrin elf kubitu u wiesgħa għaxart elef. 10 U din għandha tkun il-​kontribuzzjoni qaddisa għall-​qassisin,+ lejn it-​tramuntana ħamsa u għoxrin elf kubitu, u lejn il-​punent wisaʼ t’għaxart elef, u lejn il-​lvant wisaʼ t’għaxart elef, u lejn in-​nofsinhar tul taʼ ħamsa u għoxrin elf. U s-​santwarju taʼ Ġeħova jrid ikun f’nofsha.+ 11 Din se tkun għall-​qassisin minn ulied Sadok+ li huma mqaddsin, li ħadu ħsieb l-​obbligu lejja, li ma żvijawx meta żvijaw ulied Israel, bħalma żvijaw il-​Leviti.+ 12 U se jkollhom kontribuzzjoni mill-​kontribuzzjoni taʼ l-​art bħala xi ħaġa mill-​iktar qaddisa, mal-​fruntiera tal-​Leviti.+

13 “U l-​Leviti għandu jkollhom,+ eżatt ħdejn it-​territorju tal-​qassisin, ħamsa u għoxrin elf kubitu tul, u għaxart elef wisaʼ; it-​tul kollu hu ħamsa u għoxrin elf u l-​wisaʼ għaxart elef.+ 14 U m’għandhom ibigħu l-​ebda parti minnha, u la jpartu u lanqas iħallu l-​aqwa parti taʼ l-​art tgħaddi minn għandhom; għax hi xi ħaġa qaddisa għal Ġeħova.+

15 “Inkwantu għall-​ħamest elef kubitu li jifdal fil-​wisaʼ ħdejn il-​ħamsa u għoxrin elf, huma xi ħaġa profana għall-​belt,+ bħala post t’abitazzjoni u mergħa. U l-​belt se tkun fin-​nofs.+ 16 U dawn huma l-​qisien tal-​belt: it-​tarf tat-​tramuntana erbat elef u ħames mitt kubitu, u t-​tarf tan-​nofsinhar erbat elef u ħames mija, u t-​tarf tal-​lvant erbat elef u ħames mija, u t-​tarf tal-​punent erbat elef u ħames mija. 17 U l-​belt se jkollha mergħa,+ lejn it-​tramuntana mitejn u ħamsin kubitu, u lejn in-​nofsinhar mitejn u ħamsin, u lejn il-​lvant mitejn u ħamsin, u lejn il-​punent mitejn u ħamsin.

18 “U dak li jifdal mit-​tul ikun eżatt daqs il-​kontribuzzjoni qaddisa,+ għaxart elef kubitu lejn il-​lvant, u għaxart elef lejn il-​punent; u tkun eżatt daqs il-​kontribuzzjoni qaddisa, u l-​prodott tagħha jkun il-​ħobż taʼ dawk li jaqdu l-​belt.+ 19 U dawk li jaqdu l-​belt mit-​tribujiet kollha taʼ Israel se jikkultivawha.+

20 “Il-​kontribuzzjoni sħiħa hi ħamsa u għoxrin elf kubitu b’ħamsa u għoxrin elf. Għandkom tikkontribwixxu parti kwadra bħala l-​kontribuzzjoni qaddisa u l-​proprjetà tal-​belt.

21 “U dak li jifdal ikun tal-​kap ewlieni,+ fuq din in-​naħa u fuq in-​naħa l-​oħra tal-​kontribuzzjoni qaddisa u tal-​proprjetà tal-​belt,+ maġenb il-​ħamsa u għoxrin elf kubitu tal-​kontribuzzjoni lejn il-​fruntiera tal-​lvant; u lejn il-​punent maġenb il-​ħamsa u għoxrin elf kubitu sal-​fruntiera tal-​punent.+ Eżatt bħall-​ishma l-​oħrajn ikun hemm għall-​kap ewlieni. U l-​kontribuzzjoni qaddisa u s-​santwarju tad-​Dar iridu jkunu f’nofsu.

22 “U inkwantu għall-​proprjetà tal-​Leviti u l-​proprjetà tal-​belt, din tkun bejn il-​proprjetà tal-​kap ewlieni. Bejn il-​fruntiera taʼ Ġuda+ u l-​fruntiera taʼ Benjamin għandu jkun tal-​kap ewlieni.

23 “U inkwantu għall-​bqija tat-​tribujiet, mit-​tarf tal-​lvant sat-​tarf tal-​punent: Benjamin,+ sehem wieħed. 24 U mal-​fruntiera taʼ Benjamin, mit-​tarf tal-​lvant sat-​tarf tal-​punent: Simegħon,+ sehem wieħed. 25 U mal-​fruntiera taʼ Simegħon, mit-​tarf tal-​lvant sat-​tarf tal-​punent: Issakar,+ sehem wieħed. 26 U mal-​fruntiera taʼ Issakar, mit-​tarf tal-​lvant sat-​tarf tal-​punent: Żebulun,+ sehem wieħed. 27 U mal-​fruntiera taʼ Żebulun, mit-​tarf tal-​lvant sat-​tarf tal-​punent: Gad,+ sehem wieħed. 28 U mal-​fruntiera taʼ Gad, fit-​tarf tan-​nofsinhar lejn in-​nofsinhar, il-​fruntiera tkun minn Tamar+ sa l-​ilmijiet taʼ Meribat-kades,+ sal-​wied,+ u sal-​Baħar il-​Kbir.+

29 “Din tkun l-​art li għandkom tqassmu b’wirt lit-​tribujiet taʼ Israel,+ u dawn ikunu l-​ishma tagħhom,”+ hija l-​kelma tal-​Mulej Sovran Ġeħova.

30 “U dawn ikunu l-​postijiet tal-​ħruġ mill-​belt: Il-​qjies tat-​tarf tat-​tramuntana jkun erbat elef u ħames mitt kubitu.+

31 “U l-​bibien tal-​belt ikunu skond l-​ismijiet tat-​tribujiet taʼ Israel, tliet bibien fit-​tramuntana, il-​bieb taʼ Ruben, wieħed; il-​bieb taʼ Ġuda, wieħed; il-​bieb taʼ Levi, wieħed.

32 “U fit-​tarf tal-​lvant ikun hemm erbat elef u ħames mitt kubitu, u tliet bibien, iva, il-​bieb taʼ Ġużeppi, wieħed; il-​bieb taʼ Benjamin, wieħed; il-​bieb taʼ Dan, wieħed.

33 “U fit-​tarf tan-​nofsinhar, il-​qjies ikun erbat elef u ħames mitt kubitu, bi tliet bibien, il-​bieb taʼ Simegħon, wieħed; il-​bieb taʼ Issakar, wieħed; il-​bieb taʼ Żebulun, wieħed.

34 “It-​tarf tal-​punent ikun erbat elef u ħames mitt kubitu, u jkun hemm tliet bibien, il-​bieb taʼ Gad, wieħed; il-​bieb t’Aser, wieħed; il-​bieb taʼ Naftali, wieħed.

35 “Dawramejt ikun hemm tmintax-il elf kubitu; u l-​isem tal-​belt minn dakinhar ’il quddiem ikun Ġeħova Nnifsu Qiegħed Hemmhekk.”+

Ifisser “Alla Jsaħħaħ.”

L-ewwel mid-​93 darba li tidher l-​espressjoni “Bin il-​bniedem” f’Eżekjel.

L-espressjoni “l-​Mulej Sovran Ġeħova” tidher 217-il darba f’Eżekjel.

Dan ġeneralment jirreferi għal briks magħmulin minn tiben u tajn jew tafal.

Ara Eżo 9:32, in-​nota taʼ taħt.

Letteralment, “postijiet fl-​għoli.” Ara Le 26:30, in-​nota taʼ taħt.

L-ewwel darba minn iktar minn 60 darba li tidher din il-​frażi f’Eżekjel, li tirreferi għat-​taqdis taʼ isem Ġeħova fuq l-​art.

Letteralment, “riħa li sserraħ.”

Jiġifieri, għax jagħmlu taħthom bil-​biżaʼ.

Qabbel Eżo 34:14, in-​nota taʼ taħt.

Bla dubju, użata f’qima idolatruża.

Jiġifieri, il-​laħam protett fiha.

Letteralment, “postijiet fl-​għoli.” Ara Le 26:30, in-​nota taʼ taħt.

Jew, “l-​organu ġenitali.”

Qabbel Eżo 34:14, in-​nota taʼ taħt.

Ara Ġen 3:22, in-​nota taʼ taħt.

Letteralment, “żerriegħa.”

Letteralment, “erwieħ.”

Is-Sabat kien minn inżul ix-​xemx tal-​Ġimgħa sa nżul ix-​xemx tas-​Sibt. Ara Eżo 16:23, in-​nota taʼ taħt.

Bl-Ebrajk “Bama,” l-​isem taʼ santwarju taʼ l-​idolatri.

Letteralment, “fl-​ispirtu tagħkom.”

Jiġifieri, għax jagħmlu taħthom bil-​biżaʼ.

Ara Ġen 31:19, in-​nota taʼ taħt.

Evidentement dan hu indirizzat lil Rabba taʼ l-​Għammonin.

Letteralment, “jibilgħu ruħ.”

Letteralment, “l-​erwieħ.”

Letteralment, “bil-​vermilju.”

Letteralment, “ruħi.”

Letteralment, “żmien indefinit.”

“Il-​Muntanja Ħermon” f’Dt 3:8, 9.

Letteralment, “mar-​ruħ tal-​bnedmin.”

Ara l-​1Sa 2:1, in-​nota taʼ taħt.

Nof huwa l-​isem li jintuża s-​soltu fl-​Iskrittura Ebrajka għal Memfi.

Letteralment, “int.”

Bl-Ebrajk, “Xeol.” F’versi 16 u 17 ukoll. Ara Appendiċi 4.

Bl-Ebrajk, “Xeol.” F’vers 27 ukoll.

Letteralment, “il-​postijiet tad-​dfin tiegħu qegħdin madwaru.” “Il-​postijiet tad-​dfin tiegħu” milli jidher jirreferu għall-​postijiet tad-​dfin tas-​sudditi tas-​sultan Assirjan.

Letteralment, “ir-​ruħ.”

Letteralment, “żmien indefinit.” Ara Ġen 3:22, in-​nota taʼ taħt. F’vers 9 wkoll.

Jew, “il-​Wied taʼ Ħamon-Gog.”

Jiġifieri, “Kotra.” Ara versi 11 u 15.

Kubitu taʼ 44.5 ċentimetru u wisaʼ taʼ id taʼ 7.4 ċentimetri kienu jammontaw għal madwar 51.8 ċentimetru u kienu jirrappreżentaw il-​kubitu t-​twil. Għalhekk, “qasba tal-​kejl twila sitt kubiti” kienet 3.11 metri.

Letteralment, “u bil-​katavri tas-​slaten tagħhom f’mewthom.”

Jew, “sagrifiċċji taʼ sliem.” Sagrifiċċji li fihom il-​qassis, l-​aduraturi, u Ġeħova kienu bħallikieku qed jissieħbu flimkien f’ikla, u dan kien jissimbolizza relazzjonijiet paċifiċi.

Ara Eżo 22:20, in-​nota taʼ taħt.

Jiġifieri, tal-​kontribuzzjoni.

Jiġifieri, “il-​Baħar Mediterran.”

Ara Ġen 26:17, in-​nota taʼ taħt.

    Pubblikazzjonijiet bil-Malti (1990-2025)
    Oħroġ
    Illoggja
    • Malti
    • Ixxerja
    • Preferenzi
    • Copyright © 2025 Watch Tower Bible and Tract Society of Pennsylvania
    • Kundizzjonijiet għall-Użu
    • Privacy Policy
    • Privacy Settings
    • JW.ORG
    • Illoggja
    Ixxerja