Faarfannaa
KITAABA ARFAFFAA
(Faarfannaa 90-106)
Kadhannaa Musee isa nama Waaqa dhugaa taʼe sanaa.+
90 Yaa Yihowaa, dhaloota hundumaa keessatti bakka jireenyaa+ keenya* taateetta.
2 Gaaronni dhalachuu isaanii dura
Yookiin lafaa fi lafa oomisha kennitu uumuu*+ kee dura,
Bara baraa hamma bara baraatti ati Waaqa dha.+
3 Namni duʼu gara biyyootti akka deebiʼu ni goota;
Ati, “Isin ilmaan namootaa deebiʼaa”+ jetta.
4 Waggaan kumni ija kee duratti akkuma guyyaa kaleessa darbee,+
Akkuma kutaa halkanii keessaa isa tokkoo ti.
5 Ati haxooftee isaan balleessita;+ isaanis akkuma abjuutti ni badu;
Isaan ganama akkuma marga biqilee ti.+
6 Margichi ganama ni daraara, ni lalisas,
Galgala garuu ni coolliga, ni gogas.+
7 Sababiin isaas, nuti dheekkamsa keetiin nyaatamneerra,+
Aarii keetiinis jeeqamneerra.
9 Dheekkamsa kee isa guddaadhaan kan kaʼe guyyoonni keenya ni dhumu;*
Waggoonni keenyas akkuma asaasaatti* ni badu.
Taʼus rakkinaa fi gaddaan kan guutame dha;
Inni dafee sokka, nutis barrisnee darbina.+
11 Namni humna dheekkamsa keetii hubachuu dandaʼu eenyu?
Aariin kee inni cimaan hammuma ati sodaatamuu qabdu guddaa dha.+
12 Garaa ogeessa taʼe akka qabaannuuf,
Umurii keenya akkamitti akka lakkoofnu nu barsiisi.+
13 Yaa Yihowaa, deebiʼi!+ Kun hamma yoomiitti itti fufa?+
Tajaajiltoota keetiif garaa laafi.+
14 Umurii keenya hundumaatti akka ililchinuu fi akka gammannuuf,+
Ganama jaalala kee isa amanamaadhaan nu quubsi.+
15 Hammuma bara nu cunqursiteetti,+
Hammuma waggoota hedduu rakkina itti argineettis+ nu gammachiisi.
16 Tajaajiltoonni kee gocha kee,
Ilmaan isaaniis simboo kee haa argan.+
17 Gaarummaan Waaqa keenya Yihowaa nu irra haa taʼu;
Hojii harka keenyaa nuuf eebbisi.*