Faarfannaa
Geggeessaa muuziqaatiif. Faarfannaa Daawit. Faarfannaa.
139 Yaa Yihowaa, ati akka gaariitti na qorte, na beektas.+
2 Yommuun taaʼuu fi yommuun kaʼu ni beekta.+
Yaada koo fagoodhaa ni hubatta.+
4 Dubbiin tokko illee arraba koo irra hin jiru,
Ati garuu yaa Yihowaa, kunoo akka gaariitti isa beekteetta.+
5 Ati duubaa fi fuulduraan na marsita;
Harka kees na irra keessa.
6 Beekumsi akkasii hubannaa kootii oli dha.*
Baayʼee fagoo waan taʼeef, bira gaʼuu* hin dandaʼu.+
7 Hafuura kee jalaa eessattan miliquu dandaʼa?
Fuula kee duraa hoo eessattan baqachuu dandaʼa?+
8 Gara samiitti yoon ol baʼe, ati achi jirta,
Siree koo Awwaala* keessatti yoon afadhes, kunoo ati achi jirta.+
9 Galaana fagoo bira jiraachuuf,
Qoochoowwan barraaqaatiin yoon barrise,
10 Achitti illee harki kee na geggeessa,
Harki kee mirgaas na qaba.+
11 “Dhugumaan dukkanni na dhoksa!” yoon jedhe,
Halkan naannoo koo jiru ifa taʼa.
12 Dukkanni illee siif dukkana miti,
Kanaa mannaa, halkan akkuma guyyaatti ni ifa;+
Dukkanni siif akkuma ifaa ti.+
14 Karaa dinqisiisaa taʼeen tolfamuun+ koo sodaadhaan waan na guutuuf sin jajadha.
Hojiiwwan kee dinqisiisoo dha,+
Kana akka gaariittan beeka.
15 Yommuun dhoksaatti tolfametti,
Yommuun iddoowwan gad fagoo lafaa keessatti walitti hodhametti,
Lafeewwan koo si duraa kan dhokatan hin turre.+
16 Yeroon miciree* turetti illee ijji kee na argeera;
Kutaawwan isaa keessaa tokkoon isaanii iyyuu tolfamuu isaanii dura,
Guyyoota isaan itti tolfaman ilaalchisee,
Hundi isaanii kitaaba kee keessatti barreeffamaniiru.
17 Yaadawwan kee anaaf hammam gatii guddaa qabu!+
Yaa Waaqayyo, idaʼamni isaanii hammam baayʼata!+
18 Isaan lakkaaʼuuf yoon yaale, lakkoofsi isaanii cirracha irra ni baayʼata.+
Yommuun dammaqu, ani amma iyyuu sii wajjinan jira.*+
19 Yaa Waaqayyo, maal taʼa nama hamaa utuu ajjeestee!+
Silaa jalʼoonni,*
20 Warri yaada hamaadhaan* sitti dubbatan na irraa ni fagaatu turan;
Isaan diinota kee warra maqaa kee akkasumaan dhaʼani dha.+
21 Yaa Yihowaa, ani warra si jibban hin jibbuu?+
Warra si irratti kaʼan hoo hin balfuu?+
22 Ani isaan nan jibba;+
Isaan dhugumaan diinota koo taʼaniiru.
23 Yaa Waaqayyo, akka gaariitti na sakattaʼi, garaa koos beeki.+