Liboka tsa Tšebeletso tsa September
Beke e Qalang ka la 4 September
10 mets: Litsebiso tsa phutheho le Litsebiso tse khethiloeng tse tsoang ho Tšebeletso ea Rōna ea ’Muso. Litaba tsa Puso ea Molimo.
15 mets: “Ho Nolofatsa Lintho Bakeng sa Kopano ea Setereke ea 1995.” Kenyelletso. Puo ka molebeli ea okamelang e thehiloeng lirapeng tsa 1-8. Hatella melemo ea ho ba sieo ha tšebeletso ea lijo.
20 mets: “Thusang ba Bang Hore ba Ithuise Molemo.” Hlahloba linehelano tse hlahisitsoeng, ebe u ba le lipontšo tse peli tse khutšoanyane.
Pina 204 le thapelo e koalang.
Beke e Qalang ka la 11 September
5 mets: Litsebiso tsa phutheho. Tlaleho ea lichelete.
20 mets: “Ho Nolofatsa Lintho Bakeng sa Kopano ea Setereke ea 1995.” Kenyelletso. Lipotso le likarabo lirapeng tsa 9-19, li etsoe ke mongoli oa phutheho. Lebisa tlhokomelo lebokoseng la likhopotso le leng qetellong. Hatella ho sebelisa masene ka ho tla le lijo le lintho tse hlokahalang feela kopanong.
20 mets: “U Behetse Bana ba Hao Lipakane Life?” Lipotso le likarabo. E re mocha a le mong kapa ba babeli ba behang mohlala kapa batho ba hōlileng ba ’nileng ba sebeletsa Jehova ho tloha bocheng ba phete ka bokhutšoanyane kamoo batsoali ba bona ba ba thusitseng ho khetha lipakane tse molemo tse amanang le lithahasello tsa ’Muso.
Pina 187 le thapelo e koalang.
Beke e Qalang ka la 18 September
10 mets: Litsebiso tsa phutheho. Molebeli ea okamelang o hlahloba mosebetsi oa phutheho oa selemo se fetileng, o fana ka pabatso hammoho le litlhahiso bakeng sa ho ntlafatsa. Hatella pakane ea hore bohle ba kopanele kamehla tšebeletsong ’me ka ho khethehileng u thuse bahoeletsi ba sa kolobetsoang ho etsa se tšoanang.
15 mets: “Sebelisa Limakasine Tsa Rōna Hamolemo.” Puo e susumetsang ka molebeli oa tšebeletso, e thehiloeng lirapeng tsa 1 ho ea ho 13 tsa kenyelletso.
20 mets: “Latella Thahasello Eohle Molemong oa ba Bang.” Hlahloba linehelano tse khothallelitsoeng bakeng sa maeto a ho boela. Moena ea etsang karolo ena o buisana le bahoeletsi ba babeli kapa ba bararo mabapi le seo ba tla se bua ’me o ba kōpa hore ba etse pontšo ka linehelano tsa bona.
Pina 162 le thapelo e koalang.
Beke e Qalang ka la 25 September
5 mets: Litsebiso tsa phutheho.
15 mets: “Etsang Tsohle ho Tlotlisa Molimo.” Puo le puisano le bamameli ka moholo. Ha nako e lumela, etsa litlhaloso tse eketsehileng tse thehiloeng ho Molula-Qhooa oa August 15, 1992, maqepheng a 15-20.
10 mets: “Ho Hlahlojoa ke Jehova—Ke Hobane’ng ha ho le Molemo?” Puo e khothatsang ka moholo.
15 mets: “Sebelisa Limakasine Tsa Rōna Hamolemo.” Buisana le bamameli ka lirapa tsa 14 ho ea ho 17 tsa kenyelletso. Hatella ho etsa boiteko bo khethehileng ba ho aba Molula-Qhooa le Tsoha! ka October. Kaha limakasine li hatisoa ka lipuo tse ngata, re lokela ho tsebisa batho ba buang lipuo lisele hore re ka ba fa limakasine kamehla ka lipuo tsa habo bona. Masimong a sebetsoang khafetsa, ho aba limakasine e ka ba tsela e atlehang ka ho fetisisa ea ho hlaolela thahasello, kaha li fana ka boitsebiso bo bocha beke le beke. E re sehlopha sa lelapa se etse pontšo ea ho ikoetlisa, joalokaha ho hlalositsoe serapeng sa 14. Hape, totobatsa litlhahiso tse ling tse sebetsang bakeng sa ho eketsa kabo.
Pina 193 le thapelo e koalang.