1 Timotheo
4 Hata hivyo, neno lililoongozwa na roho linasema kwa hakika kwamba katika vipindi vya nyakati+ za mwisho wengine wataanguka+ kutoka kwenye imani, wakisikiliza maneno yaliyoongozwa kwa roho yenye kupotosha+ na mafundisho ya roho waovu,+ 2 kwa unafiki wa watu wanaosema uwongo,+ waliotiwa alama katika dhamiri+ zao kama kwa chuma cha kutilia alama; 3 wakikataza kufunga ndoa,+ wakiamuru kujiepusha na vyakula+ ambavyo Mungu aliumba+ viliwe kwa kutoa shukrani na wale walio na imani+ na wanaoijua kweli kwa usahihi. 4 Sababu ya hili ni kwamba kila kiumbe cha Mungu ni kizuri,+ na hakuna kitu kinachopaswa kukataliwa+ kama kinapokewa kwa kutoa shukrani,+ 5 kwa maana kinatakaswa kupitia neno la Mungu na sala juu yake.
6 Kwa kuwapa akina ndugu mashauri haya utakuwa mhudumu mzuri wa Kristo Yesu, mwenye kulishwa maneno ya imani na ya fundisho zuri+ ambalo umefuata kwa ukaribu.+ 7 Lakini kataa hadithi za uwongo+ ambazo huchafua mambo matakatifu na ambazo wanawake wazee husimulia. Kwa upande mwingine, uwe ukijizoeza ujitoaji-kimungu ukiwa ni shabaha yako.+ 8 Kwa maana mazoezi ya kimwili ni yenye faida kidogo; lakini ujitoaji-kimungu+ ni wenye faida kwa mambo yote,+ kwa kuwa una ahadi ya uzima wa sasa na ule utakaokuja.+ 9 Neno hilo ni la uaminifu nalo linastahili kukubaliwa kikamilifu.+ 10 Kwa maana kwa kusudi hili tunafanya kazi kwa bidii na kujikaza wenyewe,+ kwa sababu tumeweka tumaini+ letu juu ya Mungu aliye hai, ambaye ni Mwokozi+ wa watu wa namna zote,+ hasa wa watu waaminifu.+
11 Endelea kutoa amri+ hizi na kuzifundisha.+ 12 Usiache mtu yeyote audharau kamwe ujana wako.+ Badala yake, uwe kielelezo+ kwa waaminifu+ katika kusema, katika mwenendo, katika upendo, katika imani, katika usafi wa kiadili.+ 13 Ninapokuwa nikija, endelea kufanya bidii katika kusoma+ mbele ya watu wote,+ katika kuhimiza, katika kufundisha. 14 Usiwe ukiipuuza zawadi+ iliyo ndani yako uliyopewa kupitia utabiri+ na wakati baraza la wanaume wazee walipoweka mikono+ yao juu yako. 15 Tafakari mambo haya;+ zama katika hayo, ili maendeleo+ yako yawe wazi kwa watu wote. 16 Jiangalie daima wewe mwenyewe+ na kufundisha+ kwako. Kaa katika mambo haya, kwa maana kwa kufanya hivyo utajiokoa wewe mwenyewe na wale wanaokusikiliza pia.+