NAHUMU

 2 Yehova ni Mungu anayetaka watu wamwabudu yeye peke yake+ naye hulipiza kisasi;

Yehova hulipiza kisasi naye yuko tayari kuonyesha ghadhabu yake.+

Yehova hulipiza kisasi dhidi ya maadui wake,

Naye hukusanya ghadhabu kwa ajili ya maadui wake.

 3 Yehova si mwepesi wa hasira,+ naye ana nguvu nyingi,+

Lakini Yehova hatasita kamwe kutoa adhabu inayostahiliwa.+

Kijia chake kimo katika upepo unaosababisha uharibifu na katika dhoruba,

Na mawingu ni mavumbi ya miguu yake.+

 4 Hukemea bahari,+ naye huikausha;

Naye huifanya mito yote ikauke.+

Bashani na Karmeli hunyauka,+

Na maua ya Lebanoni hunyauka.

 5 Milima hutetemeka kwa sababu yake,

Na vilima huyeyuka.+

Dunia itasukasuka kwa sababu ya uso wake,

Pamoja na nchi na wote wanaoishi humo.+

Ghadhabu yake itamwagwa kama moto,

Na miamba itavunjika-vunjika kwa sababu yake.

 8 Kwa mafuriko makubwa atapaangamiza kabisa mahali pake,*

Na giza litawafuatia maadui wake.

10 Kwa maana wamesokotana kama miiba,

Nao ni kama watu waliolewa pombe;*

Lakini watateketezwa kabisa kama nyasi kavu.

11 Kutoka kwako atatoka yule anayepanga njama ya uovu dhidi ya Yehova,

Akitoa ushauri usiofaa.

“Ingawa walikuwa na nguvu nyingi na walikuwa wengi,

Hata hivyo, wataangamizwa na kutoweka.*

13 Na sasa nitavunja nira yake na kuiondoa juu yako,+

Nami nitazikata pingu zako vipande viwili.

14 Yehova ameamuru hivi kukuhusu,*

‘Jina lako halitaendelezwa tena.

15 “Tazama! Miguu ya yule anayeleta habari njema iko milimani,

Yule anayetangaza amani.+

Fanya sherehe zako,+ Ee Yuda, timiza nadhiri zako,

Kwa maana mtu asiyefaa hatapita tena kati yako.

 2 Kwa maana Yehova atarudisha fahari ya Yakobo,

Pamoja na fahari ya Israeli,

Kwa sababu waangamizaji wamewaangamiza;+

Nao wameharibu machipukizi yao.

 3 Ngao za wanaume wake hodari zimetiwa rangi nyekundu,

Mashujaa wake wamevaa nguo nyekundu.

Vyuma vya magari yake ya vita vinawakawaka kama moto

Katika siku anayojitayarisha kwa ajili ya vita,

Na mikuki ya miberoshi inapotikiswa.

Wanakimbilia haraka kwenye ukuta wake;

Wanaweka kizuizi.

 6 Malango ya mto yatafunguliwa,

Na jumba la mfalme litayeyushwa.*

 7 Imeamriwa:* Amefunuliwa,

Amechukuliwa, na vijakazi wake wanalia kwa huzuni;

Wanalia kama njiwa huku wakijipigapiga vifua.*

 8 Katika siku zake zote jiji la Ninawi+ lilikuwa kama dimbwi la maji,

Lakini sasa wanakimbia.

Mioyo yao inayeyuka kwa woga, magoti yao yanalegea, viuno vyao vinatetemeka;

Nyuso zao zote zimebadilika rangi.

11 Liko wapi pango la simba,+ mahali ambapo wanasimba* wanakula,

Mahali ambapo simba anatoka akimwongoza mtoto wake,

Na hakuna yeyote wa kuwaogopesha?

12 Simba aliwararulia watoto wake mawindo ya kutosha,

Akayakaba pumzi mawindo kwa ajili ya majike yake.

Alijaza mawindo katika mapango yake,

Makao yake akayajaza wanyama walioraruliwa.

13 “Tazama! Niko dhidi yako,” asema Yehova wa majeshi,+

“Nitayateketeza kwa moto magari yake ya vita,+

Na upanga utawachinja wanasimba wako.*

Nitayaangamiza kabisa mawindo yako duniani,

Na sauti ya wajumbe wako haitasikika tena.”+

 2 Kuna sauti ya mjeledi na mlio wa magurudumu,

Farasi anayekimbia kasi na gari la vita linalorukaruka.

 3 Mpanda farasi aliye juu ya farasi, upanga unaomweka, na mkuki unaometameta,

Umati wa watu waliouawa na marundo ya maiti

—Maiti hazihesabiki.

 4 Yote hayo ni kwa sababu ya matendo mengi ya ukahaba yaliyotendwa na huyo kahaba,

Aliye mrembo na mwenye kuvutia, bimkubwa wa uchawi,

Anayeyanasa mataifa kwa ukahaba wake na familia kwa uchawi wake.

 5 “Tazama! Niko dhidi yako,”* asema Yehova wa majeshi,+

“Nitainua nguo yako juu na kufunika uso wako;

Nitayafanya mataifa yaone uchi wako,

Na falme zione aibu yako.

 6 Nitatupa uchafu juu yako

Na kukufanya udharauliwe;

Nitakufanya uwe kioja.*+

 7 Kila mtu atakayekuona atakukimbia+ na kusema,

‘Jiji la Ninawi limeangamizwa!

Maji yalilizunguka;

Utajiri wake ulikuwa bahari na ukuta wake ulikuwa bahari.

10 Lakini hata yeye alipelekwa uhamishoni;

Alienda utekwani.+

Walipiga kura ili kuwauza wanaume wake wanaoheshimiwa,

Na wanaume wake wote wakuu wamefungwa kwa pingu.

11 Wewe pia utalewa;+

Utaenda mafichoni.

12 Ngome zako zote ni kama mitini yenye tini za kwanza zilizoiva;

Zikitikiswa, zitaanguka kinywani mwa walaji walafi.

Shuka chini kwenye matope na kukanyagakanyaga udongo wa mfinyanzi;

Chukua chombo cha kufyatulia matofali.

17 Walinzi wako ni kama nzige,

Na maofisa wako ni kama kundi la nzige.

Wanapiga kambi katika mazizi ya mawe siku yenye baridi,

Lakini jua linapowaka, wao huruka na kwenda zao;

Na hakuna yeyote anayejua mahali walipo.

18 Wachungaji wako wanasinzia, Ee mfalme wa Ashuru;

Wakuu wako wanakaa katika makao yao.

Watu wako wametawanyika milimani,

Na hakuna yeyote anayewakusanya pamoja.+

Wale wote wanaosikia habari zako watapiga makofi;+

Kwa maana ni nani ambaye hajateseka kwa sababu ya ukatili wako usio na mwisho?”+