Deɛ Ɛwɔ Onyankopɔn Asɛm Mu

Asɛm a Onyankopɔn pɛ sɛ ɔka kyerɛ yɛn nnɛ no, ɛno na ɛwɔ Bible mu no. Ɛkyerɛ yɛn sɛdeɛ yɛbɛbɔ yɛn bra ama no asi yɛn yie, na ɛma yɛhunu deɛ yɛyɛ a Onyankopɔn ani bɛgye yɛn ho. Afei nso, ɛma yɛnya nsɛmmisa a ɛdidi so yi ho mmuaeɛ:

1 Hwan ne Onyankopɔn?
2 Wobɛyɛ dɛn asua Onyankopɔn ho adeɛ?
3 Hwan na ɔtwerɛɛ Bible no?
4 Deɛ Bible ka fa abɔdeɛ mu nyansahunu ho no yɛ nokorɛ anaa?
5 Asɛm bɛn paa na ɛwɔ Bible mu?
6 Nkɔm bɛn na Bible hyɛ faa Mesia no ho?
7 Ɛdeɛn na Bible kaa sɛ ɛbɛsisi wɔ yɛn berɛ yi so?
8 Nnipa amanehunu firi Onyankopɔn anaa?
9 Adɛn nti na nnipa hunu amane?
10 Ɛdeɛn na Bible aka afa yɛn daakye ho?
11 Sɛ obi wu a, ɛdeɛn na ɛto no?
12 Anidasoɔ wɔ hɔ sɛ yɛbɛhu awufoɔ bio?
13 Ɛdeɛn na Bible ka wɔ adwuma ho?
14 Wobɛyɛ dɛn ahwɛ deɛ wowɔ so yie?
15 Ɛdeɛn na woyɛ a ɛbɛma w’ani agye?
16 Wobɛyɛ dɛn na adwendwene anhyɛ wo so?
17 Ɛkwan bɛn so na Bible bɛtumi aboa w’abusua?
18 Ɛdeɛn na woyɛ a ɛbɛma woabɛn Onyankopɔn?
19 Bible mu nwoma ahodoɔ no, ɛdeɛn na ɛwɔ mu?
20 Worekenkan Bible a, wobɛyɛ dɛn anya so mfasoɔ paa?

SƐ WOREPƐ BIBLE NKYEKYƐMU BI A, WOBƐYƐ DƐN AHUNU?

Nwoma nketewa 66 na ɛka bom yɛ Bible no. Wɔakyɛ mu ayɛ no afã mmienu: Hebri ne Aram Twerɛnsɛm (“Apam Dada”) ne Greek Twerɛnsɛm (“Apam Foforɔ”). Bible mu nwoma biara, wɔakyekyɛm ayɛ no ti ahodoɔ ne nkyekyɛmu ahodoɔ. Sɛ wɔtwerɛ twerɛsɛm bi a, nɔma a ɛdi nwoma no din akyi no yɛ nwoma no ti, na nɔma a ɛdi hɔ no yɛ nkyekyɛmu. Ɛho nhwɛsoɔ nie. Genesis 1:1 kyerɛ Genesis ti 1, nkyekyɛmu 1.