Fakkeenya

6 Yaa ilma koo, ollaa keetiif wabii* yoo taate,+

Nama ormaas yoo harka rukutte,*+

 2 Waadaa galteen kiyyoo keessa yoo seente,

Dubbii afaan keetiitiinis yoo qabamte,+

 3 Yaa ilma koo, harka ollaa keetii keessatti waan kufteef,

Akkana godhiitii bilisa of baasi:

 4 Ijji kee akka rafu,

Qolli ija keetiis akka mugu hin godhin.

 5 Akkuma borofaatti harka adamsituu jalaa,

Akkuma simbirroottis harka isa simbira qabatu jalaa bilisa of baasi.

 6 Yaa dhibaaʼaa+ nana, gara goondaa* dhaqi;

Daandiiwwan ishii ilaali, ogeessas taʼi.

 7 Ajajaa, geggeessaa yookiin bulchaa kan hin qabne taatus,

 8 Yeroo bonaatti nyaata ishii qopheeffatti,+

Yeroo makaraattis soorata ishii walitti qabatti.

10 Xinnuman ciisa, xinnuman muga,

Boqochuufis xinnuman harka maradhee taaʼa yoo jette,+

11 Hiyyummaan akkuma saamtuutti,

Deegnis akkuma nama meeshaa waraanaa hidhatetti sitti dhufa.+

12 Namni gatii hin qabnee fi hamaa taʼe, dubbii jalʼaa dubbachaa asii fi achi deema;+

13 Inni ija isaatiin dubbata,+ miila isaatiin mallattoo argisiisa, quba isaas namatti qaba.

14 Garaa jalʼaadhaan,

Yeroo hundumaa hammina yaada,+ wal morkiis ni babalʼisa.+

15 Kanaan kan kaʼes, akkuma tasaa balaan isa irra gaʼa;

Yeruma sana ni caba; fayyuus hin dandaʼu.+

16 Wantoonni Yihowaan jibbu jaʼa jiru;

Eeyyee, inni* wantoota torba ni balfa:

17 Ija of tuulu,+ arraba sobuu+ fi harka dhiiga qulqulluu dhangalaasu,+

18 Garaa karoora hamaa yaaduu+ fi miila hamminatti fiigu,

19 Ragaa baatuu sobaa yeroo dubbatu hundumaatti sobu,+

Akkasumas nama obbolaa gidduutti wal morkii facaasu+ hundumaa.

20 Yaa ilma koo, ajaja abbaa keetii eegi,

Barumsa* haadha teetiis hin dhiisin.+

21 Yeroo hundumaa garaa kee keessatti isaan qabadhu;

Morma keettis isaan hidhadhu.

22 Yommuu deemtu si qajeelcha;

Yommuu ciistu dhaabbatee si eega;

Yommuu dammaqxus sitti dubbata.*

23 Sababiin isaas, ajajni kun ibsaa dha,+

Seerichis ifa dha,+

Adabni sirreeffama argamsiisu daandii gara jireenyaatti geessu dha.+

24 Isaan dubartii amala gaarii hin taane qabdu irraa,+

Arraba gowwoomsaa dubartii baalagee* irraas si eegu.+

25 Garaa keetti miidhagina ishii hin hawwin+

Yookiin ija ishii isa nama sossobuun hin boojiʼamin,

26 Sababiin isaas, namni tokko dubartii sagaagaltuu irraa kan kaʼe hiyyummaadhaaf saaxilama,*+

Haati manaa nama kan biraa garuu, lubbuun isaa inni gatii guddaa qabu kiyyootti akka galu gooti.

29 Namni haadha manaa nama kan biraa wajjin saalqunnamtii raawwatus akkanuma ni taʼa;

Namni ishii tuqee utuu hin adabamin hafu hin jiru.+

30 Hattuun tokko yeroo beelaʼutti nyaachuuf* jedhee yoo hate,

Namoonni isa hin tuffatan.

31 Yommuu qabamu garuu, dachaa torba godhee ni deebisa;

Miʼawwan mana isaa warra gatii guddaa qaban hundumaas ni kenna.+

32 Namni dubartii wajjin ejja raawwatu kam iyyuu hubannaa* hin qabu;

Namni akkana godhu of* irratti badiisa fida.+

33 Madaa fi qaaniitu isa irra gaʼa,+

Salphinni isaas isa irraa hin haqamu.+

34 Hinaaffaan abbaan manaa aaree akka gubatu godha;

Innis yeroo haaloo baʼu gara laafina hin argisiisu.+

35 Inni kiisii* hin fudhatu;

Ati kennaa guddaa akkamii illee yoo isaaf kennite inni hin tasgabbaaʼu.