Seenaa Baraa Isa Tokkoffaa

29 Daawit Mootichi yeroo kanatti guutummaa gumichaatiin akkana jedhe: “Ilmi koo Solomoon inni Waaqayyo filate,+ ijoollee dha, muuxannoos hin qabu;*+ hojichi immoo cimaa dha; sababiin isaas manni qulqullummaa* kun kan ijaaramu namaaf utuu hin taʼin Yihowaadhaafi.+ 2 Mana Waaqa kootiif wanta warqiidhaan hojjetamuuf warqii, wanta meetiidhaan hojjetamuuf meetii, wanta sibiila diimaadhaan hojjetamuuf sibiila diimaa, wanta sibiilaan hojjetamuuf+ sibiila, wanta saanqaadhaan hojjetamuuf saanqaa,+ dhagoota oniiksii,* dhagoota leeleedhaan* maxxanfaman, dhagoota xixinnoo halluu adda addaa qabanii fi waa miidhagsuuf oolan, dhagoota gatii guddaa qaban garaa garaa fi dhagoota albaasxiroosii baayʼinaan qopheessuuf carraaqqii cimaa godheera. 3 Mana Waaqa kootiif jaalala waanan qabuuf,+ wantan mana qulqulluu kanaaf qopheesse hunda malees, warqii fi meetii isa qabeenya dhuunfaa+ koo taʼe mana Waaqa kootiitiif nan kenna; 4 dabalataanis girgiddaawwan kutaawwan manichaatti akka maxxanfamaniif warqii taalaantii* 3,000 isa Ofiir+ irraa dhufee fi meetii qulqulluu taalaantii 7,000, 5 wanta warqiidhaan hojjetamuuf warqii, wanta meetiidhaan hojjetamuuf meetii, akkasumas hojii ogeessota harkaatiin hojjetamu hundumaatiif wanta barbaachisu nan kenna. Harʼa fedhiidhaan Yihowaadhaaf harka isaatti kennaa qabatee kan dhihaatu eenyu?”+

6 Yeroo kanatti, bulchitoonni manneen abbootii, bulchitoonni gosoota Israaʼel, ajajjoonni kumaa fi ajajjoonni dhibbaa,+ akkasumas warri dhimmoota mootichaa irratti ajajjoota+ taʼan fedhiidhaan ni dhihaatan. 7 Isaanis, warqii taalaantii 5,000, daarikii* 10,000, meetii taalaantii 10,000, sibiila diimaa taalaantii 18,000 fi sibiila taalaantii 100,000 tajaajila mana Waaqa dhugaatiif ni kennan. 8 Namni dhagoota gatii guddaa qaban qabu kam iyyuu mana qabeenyaa mana Yihowaa isa toʼannaa Yehiʼel+ Geershonichaa+ jala turetti ni kenne. 9 Namoonni sun garaa guutuudhaan Yihowaadhaaf kennaawwan kana waan kennaniif, isaan kennaawwan kana fedhiidhaan kennuu isaaniitti baayʼee ni gammadan;+ Daawit mootichis baayʼee ni gammade.

10 Achiis Daawit guutummaa gumichaa duratti Yihowaa ni jajate. Daawit akkana jedhe: “Waaqa Israaʼel abbaa keenyaa kan taate yaa Yihowaa, baraa hamma bara baraatti kan jajamte taʼi. 11 Wanti samii keessas taʼe lafa irra jiru hundi kan kee waan taʼeef,+ yaa Yihowaa, guddinni,+ jabinni,+ miidhaginni, simboonii fi ulfinni+ kan kee ti. Yaa Yihowaa, mootummaan kan kee ti.+ Ati hundumaa irratti mataa of gooteetta. 12 Sooromnii fi ulfinni si biraa argama;+ atis wanta hundumaa irratti ni bulchita;+ aangoonii+ fi guddinni+ harka kee irra jira; harki kee guddaa gochuu+ fi hundumaatiif jabina kennuu ni dandaʼa.+ 13 Ammas yaa Waaqa keenya, si galateeffanna; maqaa kee isa bareedaa taʼes ni jajanna.

14 “Kennaawwan fedhiidhaan kennaman akkanaa kennuudhaaf anis taʼe sabni koo eenyu? Wanti hundi si irraa argame; nutis wantuma harka kee irraa arganne siif kennine. 15 Nuti akkuma abbootii keenya hundumaatti si duratti namoota biyya ormaa fi qubattoota dha.+ Sababiin isaas, barri jireenyaa keenya lafa irratti akka gaaddidduu ti;+ abdiis hin qabu. 16 Yaa Waaqa keenya Yihowaa, maqaa kee isa qulqulluudhaaf mana siif ijaaruuf qabeenyi qopheessine kun hundi harka kee irraa kan argame dha; hundumti isaas kan kee ti. 17 Yaa Waaqa koo, ati garaa namaa akka qortuu+ fi amanamummaatti* akka gammaddu+ ani akka gaariitti nan beeka. Ani garaa koo isa qajeelaadhaan* kakaʼee wantoota kana hunda fedhiidhaan dhiheesseera; sabni kee inni asitti argame fedhiidhaan siif kennuu isaa arguu koottis baayʼee gammadeera. 18 Waaqa abbootii keenya Abrahaam, Yisihaaqii fi Israaʼel kan taate yaa Yihowaa, fedhiinii fi yaanni garaa saba kee keessa jiru kun bara baraaf akka itti fufu godhi; garaa isaaniis ofitti qajeelchi.+ 19 Inni ajajawwan kee, yaadachiisawwan kee fi dambiiwwan kee akka eeguuf,+ wantoota kana hunda akka raawwatuuf, akkasumas mana qulqullummaa* ani qophii godheef kana akka ijaaruuf,+ ilma koo Solomooniif garaa guutuu taʼe* kenni.”+

20 Achiis Daawit guutummaa gumichaatiin, “Amma Waaqa keessan Yihowaa jajadhaa” jedhe. Guutummaan gumichaas Yihowaa isa Waaqa abbootii isaanii taʼe ni jajatan; akkasumas Yihowaa fi mootichaaf lafa gaʼanii sagadan. 21 Guyyaa itti aanuttis Yihowaadhaaf aarsaawwan dhiheessuu isaanii fi Yihowaadhaaf aarsaawwan gubaman+ dhiheessuu isaanii itti fufan; jiboota 1,000, korbeeyyii hoolaa 1,000, hoolota xobbaallaa* kormaa 1,000 fi kennaawwan dhugaatii+ isaanii ni dhiheessan; guutummaa Israaʼeliifis aarsaawwan hedduu ni dhiheessan.+ 22 Isaanis guyyaa sanatti gammachuu guddaadhaan Yihowaa duratti nyaachuu fi dhuguu isaanii itti fufan;+ ilma Daawit kan taʼe Solomooniin yeroo lammaffaadhaaf Yihowaa duratti mootii godhan; geggeessaa godhanis isa diban;+ Saadoqiinis luba godhanii diban.+ 23 Solomoonis bakka abbaa isaa Daawit mootii taʼee teessoo Yihowaa irra taaʼe;+ milkaaʼinas ni argate; Israaʼelonni hundis isaaf ni ajajamu turan. 24 Bulchitoonnii+ fi loltoonni jajjaboon hundi,+ akkasumas ilmaan Daawit+ Mootichaa hundi Solomoon Mootichaaf ni bitaman. 25 Yihowaanis guutummaa Israaʼel duratti Solomooniin baayʼee guddaa godhe; ulfina mootii mootiin Israaʼel sana dura ture kam iyyuu argatee hin beeknes isaaf ni kenne.+

26 Akka kanaan Daawit ilmi Issey guutummaa Israaʼel irratti ni bulche; 27 barri* inni Israaʼel irratti itti bulche waggaa 40 ture. Inni Kebroon keessatti waggaa 7f ni bulche;+ Yerusaalem keessatti immoo waggaa 33f ni bulche.+ 28 Innis gammachuudhaan bara dheeraa jiraatee,+ umurii quufee, qabeenyaa fi ulfina guddaa argatee duʼe; ilmi isaa Solomoonis bakka isaa mootii taʼe.+ 29 Seenaan Daawit Mootichaa jalqabaa kaasee hamma dhumaatti barreeffamoota Saamuʼel isa mulʼata argu sanaa, Naataan+ raajichaa fi Gaad+ isa mulʼata argu* sanaa keessatti barreeffameera; 30 kana malees barreeffamoonni kun, waaʼee bulchiinsa isaa fi waaʼee jabina isaa hundumaa, akkasumas waaʼee wantoota isas taʼe, Israaʼelii fi mootummoota naannoo isaa jiran hundumaa wajjin haala wal qabateen raawwataman ni ibsu.